اولى خطوات الغاء الكفالة فى السعودية

[العاطفى]

اليوم راح واحد صاحبى سعودى لمكتب العمل لاستخراج فيز جديدة للمؤسسة

فلقى مرسوم او تعميم بيقول انهم وقفو الفيزا

استعداد لاولى خطوات الغاء الكفالة

وان حتبقى الكفالة مؤسسات حكومية

سالت واحد صاحبى عندة مكتب خدمتن عامة قادم الجوازات

قالى نفس الكلام

بس صاحب المكتب دا اضاف ان هيتم التطبيق الصارم للموضوع دا بعد سنة اشهر

[Mercedes]

السلام عليكم و رحمة الله و بركاته

و الله أنا أتمنى أن الكلام ده يكون سليم عشان السعوديين يبطلوا الصياعة اللى هم فيها و يبدءوا يعرفوا الدنيا ماشية اداى mfb:

مع أنهم لما يبطلوا صياعة , ده هيكون فيه خطر علينا , بس مش مشكلة, لأن الانسان الجيد المتمرس فى مهنته و بخبرة جيدة, من السهل أنه يجد وظيفة فى أى مكان smk:

ياااااااااه, ده فيه سعوديين لما نظام الكفيل يتلغى هيضربوا ضاااااااااااارب md2:

و فيه سعوديين تانيين يشحتوا فى الشوارع و تلاقيهم واقفين فى صالة مطار الملك عبد العزيز فى جدة يقولوا ( تبغى سيارة , تبغى سيارة , تبغى سيارة ), ماهو أكتر حاجةبيعرفوا يشتغلوها هى السواقة !!!!!!!!!!!!!!!!!! , أنا عمرى ما شفت شعب كدة أبدا يعنى !!!!!!! :blink:

بس يا ترى مع الموضوع دة , هيفضل برضوه فيه تاشيرة خروج و عودة و ياترى جواز السفر هيكون مع ميييييين ؟؟؟ :happy:

ربنا يقدم ما فيه الخير

[adrianocrespo]

اليوم راح واحد صاحبى سعودى لمكتب العمل لاستخراج فيز جديدة للمؤسسة

فلقى مرسوم او تعميم بيقول انهم وقفو الفيزا

استعداد لاولى خطوات الغاء الكفالة

وان حتبقى الكفالة مؤسسات حكومية

طب نفرض ان المؤسسه مش حكوميه

يعني مكتب استشاري خاص او مستشفي خاص او مجموعه صيدليات مثلا خاصه تابعه لفرد يبقي ايه الحل ؟

[عماد حمدي]

بالمختصر هيكون جوازك معاك , بتعمل عقد مع الكفيل العقد خلص تروح تشوف شغل تاني وتبلغ كفيلك قبلها بشهر , مفيش حاجة اسمها خروج وعودة , مرتبك عن طريق البنك , هتبقي فية هيئة متخصصة بالموضوع دا وناس بتقول انها اتعملت فعلا ً , وكفالتنا هتبقي علي الحكومة

بصراخة في موضوعين مهمين أوي علي الساحة الايام دي :-

1- إلغاء الكفالة

2- العملة الخليجية الموحدة ( ودي هترفع سعر الريال جامد )

ياعني في مصلحتنا

وخلينا نحلم ونحلم هوه الحلم ببفلوس ولا اية !!

بس تصدقوا لو الكفالة اتلغت هنشوف ناس كتير مزلولة قدامنا ويبوسوا رجلينا واللي معاه ريال يسوي ريال واللي ممعهوش ميلزموش وهيبوسوا الشوز والله العظيم دي هتبقي مهازل .. ربنا هيزلهم ان شاء الله كل اللي مستخدم النظام الحالي كانة ملك وكاننا في عصر الكفار ,ابو لهب واحنا عبيد عندهم ..

يارب يارب يارب

تم تعديل 6 نوفمبر 2009 بواسطة EMAD HAMDY

[herohero]

هي خطوة جميلة وياريت تتعمل بس لازم الكل يبقى عارف ان ده مش معناه دنيا وردي للاجانب بل بالعكس هيكون البقاء للاقوى هتكون المنافسه مفتوحة وكله بيتنافس يعني زي الوضع اللي ظاهر ف دبي ، وهو وضع كويس لو انت بتاع شغل وعاوز تتطور يعني فيه ناس بتحتفظ بعمالاتها عشان مش عارفة تطلع فيز والعكس ناس مش فارقة معاها ولا بتستثمر فيك لان هتمشي وتجيب غيرك كتير

يعني الحكاية ده ميزة لناس وعيب لناس تانيه ولكن انا وغيري مقتنع ان مش من الطبيعي عقدك يخلص تفضل قاعد مع الكفيل فالعاقة علاقة عمل تنتهي بانتهاء العقد ليست كماهي تحس ان الكفيل كانه ابوك والمسئول عنك ف كل شيئ طبعا كله بحسابه يعني مش مسئول ببلاش

[Mercedes]

السلام عليكم و رحمة الله و بركاته

أنا عن نفسى ضد الحلم بدون حدود لأننى دايما بخاف أقع على جدور رقبتى, عشان كدة بحب أحلم بالعقل :lol:

الى الأخ الفاضل EMAD HAMDY , هو حضرتك عندك مصادر موثوزق منها , أنا من مدة و أنا حاسس أن فيه حاجة هتتغير فى النظام ده فى السعودية , من ساعة ما بدأوا نظام البصمة , بس هى ايه , مش عارف؟؟؟؟؟؟ :cry:

فياريت من الأستاد EMAD HAMDY يقولنا مدى دقة و ثقة المصادر بتاعته ,

وربنا يسهل و يعدى الكام يوم اللى الواحد الفاضلين هنا على خير لحد ما اجراءات الهجرة تخلص, خلى الواحد يخلص من الأرف دة, والله رغم أنى حكومة مش خاص , الا أنى حاسس أن الواحد عايش حياة غير طبيعية أو بالأصح, مدفون بالحيا smk:

د أنا بتعمد أننى لما أرجع من الأجازة أخلى الجواز بتاعى معايا لحد معاد الأجازة اللى بعدها , أقوم أعطيه للمعقب قبلها بكان يوم عشان يحطلى تأشيرة خروج و عودة و اتفرج يا عم على الدخان اللى بيبقى طاتلع من ودانه ساعتها , هاهاهاهاهاهاهاها . :P

المهم, أدينى عامل الموضوع دة معاه قبل كدة ييجى 4 مرات و رغم كدة ما بيتعلمش أبدا , تقول ايه بقى , سعودى !!!!!!!! :D

و تقبلوا تحياتى

[وطني حر]

انا سمعت زي الكلام دا لكن بدون تفاصيل

نجي نسال اخوانا بالبحرين هي اول دوله خليجيه الغت نظام الكفيل

يا مغتربي البحرين ايه النظام المطبق عندكم بعد الغاء الكفاله ؟؟

ممكن تكون الفكره مقتبسـه او نفسها او.

مع انو شايف انها مش هتكون في مصلحتنا بصفه عامه . هي عمليه تنظيميه في الاساس . وفي تقديري وبلاش نحلم كثير في النقطه دي . لان السعوديين بيعتبرو المساله مساله سياده .

عامتن لو الغي نظام الكفيل اظن هيكون نظام بطاقه العمل هو البديل . ما حنا بندفع مئه ريال تصريح عمل ؟ لزمته ايه ؟؟

[OmarBak]

نتمنى اى تغيير

بس اللى عنده معلومات اكيدة يقولها بلاش كلام مش صحيح يوهمناونعيش الامل ع الفاضي

تم تعديل 6 نوفمبر 2009 بواسطة OmarBak

[doha]

كونوا على ثقة ان يوم مالوضع في السعوديه يكون مريح هيكون آخر يوم لنا جميعا كمصريين فيها ..

احنا هنا لان مفيش قدامنا البديل ولان معظمنا راضي بالي محدش تاني بيرضى بيه .. يوم ماتبقى السعوديه مطمع ومحط انظار فالي زينا ملهمش فيها مكان.. وللاسف بكرا هتفتكروا الكلام ده ..

[المخنوق دائما]

كونوا على ثقة ان يوم مالوضع في السعوديه يكون مريح هيكون آخر يوم لنا جميعا كمصريين فيها ..

احنا هنا لان مفيش قدامنا البديل ولان معظمنا راضي بالي محدش تاني بيرضى بيه .. يوم ماتبقى السعوديه مطمع ومحط انظار فالي زينا ملهمش فيها مكان.. وللاسف بكرا هتفتكروا الكلام ده ..

يعنى إيـــــــــــــــــــــــــة؟؟ مش فاهم بصراحة!

[se_ Elsyed]

للأسف كل هذا كلام مُرسل وليس له أي دليل ...

فكما رأينا في البحرين وغيرها حينما تمت عملية إلغاء نقل الكفالة كانت هناك درسات مُطولة للبدائل ولم يتم الموضوع بين عشيةٍ وضحاها ...

وحتى الأن لا توجد أي بوادر لتطبيق ذلك بالسعودية

السؤال الأهم : ما هي العلاقة بين إلغاء إصدار تأشيرات جديدة وبين إلغاء الكفالة من أساسه ؟ وكيف يكون ذلك أولى خطوات إلغاء الكفالة ؟؟؟؟؟؟؟

[se_ Elsyed]

كونوا على ثقة ان يوم مالوضع في السعوديه يكون مريح هيكون آخر يوم لنا جميعا كمصريين فيها ..

احنا هنا لان مفيش قدامنا البديل ولان معظمنا راضي بالي محدش تاني بيرضى بيه .. يوم ماتبقى السعوديه مطمع ومحط انظار فالي زينا ملهمش فيها مكان.. وللاسف بكرا هتفتكروا الكلام ده ..

كلام كله تشاؤم يا ضُحى !!!!!! وكأن اللي زيينا قاعدين في البلد هنا بيعطفوا علينا وبيمروا لنا صدقات نبوسها وش وشهر ونحمد ربنا عليها

وما هو اللي بنرضى بيه وغيرنا ما بيرضاش بيه ؟

أيوه يعني .... الأطباء المصريين اللي بيمثلوا القوام الرئيسي للمنظومة الطبية هنا .... برضوا مش هايبقى لهم مكان ؟ طب ليه ؟

عفواً .. كلام فيه حط من قدرنا نحن المصريين بشكل ملحوظ

وزي ما في عُمال ومهنيين ممكن يقبلوا بمرتبات متواضعه .. هما حرين ..

زي ما في الأغلبية من المتعلمين أصحاب المناصب المرموقه

ولكن تأكدي إن مستحيل تكون السعودية أو غيرها بيحسنوا على المصريين أو غيرهم ....

[بندق أفندى]

السؤال الأهم : ما هي العلاقة بين إلغاء إصدار تأشيرات جديدة وبين إلغاء الكفالة من أساسه ؟ وكيف يكون ذلك أولى خطوات إلغاء الكفالة ؟؟؟؟؟؟؟

يعنى الدنيا تقف لحد ما يشوفو النظام هيتعمل ولا ايه؟

وبعدين كده ولا كده اللى هيطلب التأشيرات مين؟ ما هو صاحب العمل ويمكن بنفس الطريقة بس الفرق فى نظام الجوازات لا أكثر ولا أقل ..

قراءة خاطئة لتعليمات تحدث كل فترة

[eng hoss]

فلقى مرسوم او تعميم بيقول انهم وقفو الفيزا

استعداد لاولى خطوات الغاء الكفالة

استفسار لصاحب الموضوع

هو التعميم مكتوب فيه تم ايقاف الفيز استعداد لاولى خطوات الغاء الكفاله

بالنص ده

ولا الجزء التانى ده استفسار منه لمكتب العمل

اصل الفيز بيوقفها فترات كتيره

[lovelyramy]

ياريت فعلا الكفاله تتلغى

[se_ Elsyed]

إتأكدت النهاردة من الموضوع

كله كلام وبس .. حتى مش إشاعه عشان نقول صحيحة أو كاذبة

وبالمرة إتأكدت من موضوع البصمة للزوجة والأولاد

برضول لم يصدر بها اي تعليمات

لكن البصمة فقط للشغالات أو بالتأكيد العاملات في أي مهنة

لكن لا توجد تعليمات بالنسبة للعائلة ...

وإلا كانت الأقامات اللي بتجدد عندنا بالمئات شهرياً رجعت لنا عشان بصمة الزوجة وهو لم يحدث من قريب او بعيد ...

أما بالنسبة لإيقاف التاشيرات له أعتبارات كثيرة

منها على سبيل المثال ... توازنات الجنسيات الموجوده بالمملكة

-موقف المؤسسة أو الشركة من إستكمال نسبة السعودة لديها

- المهن المطلوبة هل يوجد لها بديل سعودي أم لا

إلخ ذلك من تعقيدات موجوده من زمان

[doha]

كونوا على ثقة ان يوم مالوضع في السعوديه يكون مريح هيكون آخر يوم لنا جميعا كمصريين فيها ..

احنا هنا لان مفيش قدامنا البديل ولان معظمنا راضي بالي محدش تاني بيرضى بيه .. يوم ماتبقى السعوديه مطمع ومحط انظار فالي زينا ملهمش فيها مكان.. وللاسف بكرا هتفتكروا الكلام ده ..

كلام كله تشاؤم يا ضُحى !!!!!! وكأن اللي زيينا قاعدين في البلد هنا بيعطفوا علينا وبيمروا لنا صدقات نبوسها وش وشهر ونحمد ربنا عليها

وما هو اللي بنرضى بيه وغيرنا ما بيرضاش بيه ؟

أيوه يعني .... الأطباء المصريين اللي بيمثلوا القوام الرئيسي للمنظومة الطبية هنا .... برضوا مش هايبقى لهم مكان ؟ طب ليه ؟

عفواً .. كلام فيه حط من قدرنا نحن المصريين بشكل ملحوظ

وزي ما في عُمال ومهنيين ممكن يقبلوا بمرتبات متواضعه .. هما حرين ..

زي ما في الأغلبية من المتعلمين أصحاب المناصب المرموقه

ولكن تأكدي إن مستحيل تكون السعودية أو غيرها بيحسنوا على المصريين أو غيرهم ....

حد جاب سيرة احسان؟

ياسيدي الفاضل ( احنا ) هنا كمصريين لا جايين نشتغل وزرا ولا سفرا انما موظفين سواء بقى صغار موظفين او متوسطي موظفين .. مظنش حد من الي بينا هنا بيشتغل في منصب رفيع ممن يمكن ان نطلق عليه كبار موظفين ..

الكلام كان على نظام الكفالة .. لا جبنا سيرة مرتبات او تحايلات او احسان .. والردود لو حضرتك اخذت بالك كلها تكلمت عن ترحيب اصحابها بان ده ـ الغاء الكفالة ـ يحصل عشان ( يذلوا ) الي ( ذلوهم ) شويه ..

في الي تكلم عن موضوع حجز الجواز وفي الي تكلم عن موضوع تاشيرة الخروج وعوده محدش جاب سيرة مرتبات انما الكل تكلم عن ( الحقوق ) و ( المعاملة )

فانا قلت وبقولها تاني ان طول مادي حقوقنا ودي المعاملة الي بنلقاها سواء تدرجت بين الحسن والسيء لكنها ابدا لم تصل لمرحلة الاستبسال في التمسك او حتى ( التوسل ) في ان الموظف يفضل موجود زي مابيحصل مع جنسيات تانيه لها وضع تاني .. احنا لنا حقوق محدوده نسبيا مقارنة باهل البلد انفسهم او حتى الجنسيات الاخرى الي دولتها بتاخذ لها حقها لو القانون مش بيديها الحق ده زي الفلبين مثلا ومش هقول اي دولة كبرى .. وبرضه لنا معاملة بتتدرج من السيء للحسن لكنها نادرا ماتصل لمعاملة الجنسيات الاخرى الي سقف الحسن عندها غير موجود .. الندرة دي تخلينا نقدر نقول بثقة اننا ابدا مش هنوصل زيهم حتى لو البعض فينا في مراكز مهمه ومستوى فارض احترامه غصب ( سفيرنا المصري اكيد من بين المراكز دي بس كام واحد فينا سفير ) .

عاوزه حضرتك تستثني الناس الي بتتمسك بالموظفين الي عندهم عشان راضيين بالهم وساكتين .. او عشان صعب يلاقي خبرة كده بسعر كده. . او عشان منتحر في الشغل وميظنش هيلاقي حد يموت نفسه في شغله زيه كده .. استثني كل دول وقولي كام واحد مصري موظف عادي ومش بيمر بالظروف دي كلها وكفيله متمسك بيه وبيسهل له اموره عشان يفضل شغال معاه ؟

لو البلد بقت بلا كفيل واي جنسية تحب تيجي فيها تيجي .. الحقوق الناس بتاخذها على داير مليم والي بيتاخر يوم عن تسليم الرواتب بيتجازى .. فاضل ايه عشان تبقى البلد مريحه؟ نقول كمان المرتبات تبقى كبيرة ومكفية ومفيش رسوم اقامه ولا رسوم اضافة طفل ولا رسوم ابصر ايه .. خلاص بقت الحياه مريحه اهيه .. كل بلاد العالم هتحب ترسل الناس بتوعها هنا وساعتها احنا اول ناس هيلفظنا السوق وهنرجع مطرح ماجينا .. هنعمل ايه عشان نفضل هنا ؟ هنعرض العمل براتب اقل من الناس التانيه وهنرضى لان معندناش بديل .. هنرجع ندخل الدائرة تاني والوضع هيبقى غير مريح .. وهلم جرا ..

ياسيدي الفاضل لو مكنتش عايش معانا هنا في السعوديه كنت تقبلت اعتراضك على كلامي .. وبرضه لو كنت اعرف ان حضرتك مندوب مصر عن وزارة المغتربين هنا كنت اديتك عذر انك من الناس الي فوق ومش حاسس بينا احنا الي تحت .. لكن الي اعرفه ان حضرتك زيك زينا مغترب شقيان على اكل عيشه .. يمكن صادف كفيلك كويس فواخد حقك لكن بالتاكيد عارف انه لو مكانش كويس مكانش هيبقى عندك بديل غير اما تستحمل او ترجع مطرح ماجيت .. مفيش لك ظهر هنا غير نفسك بعد الله لا في قانون من بلدك يمنع ان حد يستغلك ولا لك الخبرة النادرة والدكتوراه في الذرة الي تخليهم يبوسوا ايدك هنا عشان تفضل تشتغل عندهم ..

على كل حال حضرتك جبت الخلاصه .. هي كما العاده اشاعه ولو لم تكن اشاعه لكان فيها ان برضه مستحيل الوضع هيكون مريح لنا كمصريين بالذات لان زي ماقلت وبقول .. يوم مايبقى مريح يوم ماهنسيبها كلنا .. افتكروها كلمه لو كنت عايشه او ميته وقولوا ضحى للاسف .. قالت ..

[mahmoud omar]

اسمحيلى اختلف مع حضرتك مدام ضحى و لنا فى الامارات عبرةوفيها نسبة كبيرة جدا من المصريين

على فكرة انا بتكلم عن خبرة سابقة

[green bird]

معظم المصريين كفاءات وسوق العمل ح يبقى فى صالحهم

مثلا الأطباء المصريين والمحاسبين المصريين هم الافضل فى المملكة

تم تعديل 7 نوفمبر 2009 بواسطة green bird

[mahmoud omar]

معظم المصريين كفاءات وسوق العمل ح يبقى فى صالحهم

مثلا الأطباء المصريين والمحاسبين المصريين هم الافضل فى المملكة

ما تنساش المهندسين احسن ازعل :D