يوميات همسه مع فرقه الخامسه

[SoSo R]

[]مساء الفل على أحلى قلب أبيض:

إيه يا فندم الجمال دة كله فى التعبير...أهو دة اللى بيقولوا عليه الأسلوب السهل الممتنع

أسلوبك ممتع وجذاب...أنا متابعة حضرتك

وخصوصا إنك جيتى على الجرح لما قلتى إنها موهبة قديمة إتحرمتى منها

نفس الكلام أنا دى كانت هوايتى بس الدنيا أخدتنى منها

تحياتى

سوسورانى

[pocy]

أيوه كده يا قمر منتظرين جديدك

تسجيل حضور وانصراف ومتابعه لاحلى يوميات وخصوصا انها نابعه من تجارب فعليه

[HDarwish]

:wub:

[طبيبة مصرية]

الاخت العزيزة قلب ابيض

ما شاء الله عليكى اسلوبك فى الكتابة رائع وممتع جدا...كلمات سهلة وبسيطة وتحمل معانى عميقة ..............

تسجيل اعجاب ومتابعة.......

:wub: :wub:

[تامر مصطفى]

ايه الرومانسية دي كلها

والله المفروض الراجل ده تعملي له تمثال

كملي حكاياتك

انا اتوقعت من الاول انها هتبقى قصة جميلة وفيها استفادة

الى الأمام

:::::::::متابع:::::::::::::

[miramikhail]

أيوة متابعين أنا مستمتعة جدا

بس شياط ا؟لأكل ده العادى يعنى ما تزعليش على البليلة أقولك حاجة أنا لو مقعدتش فى الصالة جنب الأكل يبقى غالبا الخضار شاط :lol:

فى أنتظار باقى اليوميات و على فكرة أسلوبك حلو أوى...

[قلب ابيض]

[]مساء الفل على أحلى قلب أبيض:

إيه يا فندم الجمال دة كله فى التعبير...أهو دة اللى بيقولوا عليه الأسلوب السهل الممتنع

أسلوبك ممتع وجذاب...أنا متابعة حضرتك

وخصوصا إنك جيتى على الجرح لما قلتى إنها موهبة قديمة إتحرمتى منها

نفس الكلام أنا دى كانت هوايتى بس الدنيا أخدتنى منها

تحياتى

سوسورانى

سوسو هانم يا مرحبا يا مرحبا انا كمان متابعاكى بس من ورا الشيش :blink:

بالنسبه للموهبه اللى اتحرمناااا منها فى وقتما ---زى ما نوهت انا فى الاول --ان سبب حرمانى منها هو نفس سبب حنينى اليها --يعنى كل شىء بأوانه ويدينى ويديك العمر ---تحياتى لمتابعتك اللى تسعدنى :ninja:

أيوه كده يا قمر منتظرين جديدك

تسجيل حضور وانصراف ومتابعه لاحلى يوميات وخصوصا انها نابعه من تجارب فعليه

بسبس انتى اللى نكشتينى فى الاول بعرضك لمذكرات الزوج اللى عامل نفسه مهضوم حقه ياعينى :lol:

قلت طيب ما نزيح الستار عن الزوجه الغلباااانه يا ولداه :sad:

بس اللى فى اليوميات ده مش زوجى انا لاء ده نموذج لمعظم الازواج ---من وجهه نظرى على الاقل

مستنيه تواصلك دايما يا ام عمرو

:wub:

:) :lol: ;)

[قلب ابيض]

الاخت العزيزة قلب ابيض

ما شاء الله عليكى اسلوبك فى الكتابة رائع وممتع جدا...كلمات سهلة وبسيطة وتحمل معانى عميقة ..............

تسجيل اعجاب ومتابعة.......

:) :ninja:

شهاده اعتز بيها بس والله ده كتييير على ---يارب افضل عند حسن الظن بى دايما

مشكووووره يا دوك :blink:

ايه الرومانسية دي كلها

وحياتك يا استاذ تامر الرومانسيه دى موجوده عند كل بنات حوا ---بس اللى ينكشها فى ظروف الحياه الغريبه اللى احنا عايشنها دى اللى مخلىه الزوج يحس انه متجوز واحد صاحبه دايما !!

طيب مايحاول كده --ويشوف رد الفعل

والله المفروض الراجل ده تعملي له تمثال

لكل فعل رد فعل

كملي حكاياتك

انا اتوقعت من الاول انها هتبقى قصة جميلة وفيها استفادة

الى الأمام

اتمنى ذلك

شكرا لمتابعتك وتعليقك

:::::::::متابع:::::::::::::

أيوة متابعين أنا مستمتعة جدا

بس شياط ا؟لأكل ده العادى يعنى ما تزعليش على البليلة أقولك حاجة أنا لو مقعدتش فى الصالة جنب الأكل يبقى غالبا الخضار شاط :lol:

فى أنتظار باقى اليوميات و على فكرة أسلوبك حلو أوى... :lol:

ميرا الجميله --موضوع شياط الاكل ده بيسبقه شياط العقل

يعنى لما يكون بالى مشغول بحاجه تانيه اقوى من الاكل يبقى لازم يتحرق --بدل ما اتحرق انا

يعنى لما تقول لجوزها فاكر النهارده ايه ؟ يقوم يفكرها بالبليله وينسى يوم ارتباطهم ؟؟؟

يبقى البليله تتحرق ولا اعصابها اللى تتحرق ؟؟؟؟

تابعينى تجدى ما يسرك

ومرسى على استحسانك لاسلوب الكتابه :sad:

تم تعديل 9 نوفمبر 2009 بواسطة قلب ابيض

[om marawan]

رائعة وحنون وتلقائية وكلماتك تدخل القلب كعادتك يا قلب ابيض

فى اول يوم من اليوميات فكرتينى لما الولاد دايما يسألونى بكل براءة وانا باعملهم اى حاجة "ماما ليه بسرعة ؟؟ "

لانى بابقا طول اليوم زى مايكون حد بيجرى ورايا

تانى يوميات فكرتينى فى عيد ميلادى وجوازنا وكل حاجة لازم قبلها بيوم اقول لابو مروان عشان افكره عشان لو لقا اخواتى بيتصلوا بيا يكون عارف باقولهم وانتم طيبين بمناسبة ايه ليكون العيد الصغير جه على سهوة

بالمناسبة كل عاشورا وحضرتك طيبة

كملى بقا حضرتك احنا متابعين :lol:

[قلب ابيض]

رائعة وحنون وتلقائية وكلماتك تدخل القلب كعادتك يا قلب ابيض

فى اول يوم من اليوميات فكرتينى لما الولاد دايما يسألونى بكل براءة وانا باعملهم اى حاجة "ماما ليه بسرعة ؟؟ "

لانى بابقا طول اليوم زى مايكون حد بيجرى ورايا

تانى يوميات فكرتينى فى عيد ميلادى وجوازنا وكل حاجة لازم قبلها بيوم اقول لابو مروان عشان افكره عشان لو لقا اخواتى بيتصلوا بيا يكون عارف باقولهم وانتم طيبين بمناسبة ايه ليكون العيد الصغير جه على سهوة

بالمناسبة كل عاشورا وحضرتك طيبة :wub:

كملى بقا حضرتك احنا متابعين :closedeyes:

اولا شكرا لآطرائك جدا ويارب اكون استاهله فعلا

ثانيا موضوع التذكير بالمناسبات ده متهيالى عاااادى عند كل الازواج 00يمكن لان طبيعه الرجل عملى اكتر من الانثى -- او ان الانثى رومانسيه اكتر من الرجل ؟

وبالنسبه لموضوع الجرى فى المكان ده حدثى عنه ولا حرج 0000وبعدين تسمعى كلمه--" انتى ليه مستعجله كده ؟"

كأنك انتى اللى عاوزه كده

على كل الاحوال اللهم ديمها نعمه واحفظها من الزوال

فاصل ونواصل :closedeyes:

[om marawan]

ثانيا موضوع التذكير بالمناسبات ده متهيالى عاااادى عند كل الازواج 00يمكن لان طبيعه الرجل عملى اكتر من الانثى -- او ان الانثى رومانسيه اكتر من الرجل ؟

فعلا انا لا اجد اى غضاضة فى انى اقوله قبلها بيوم افكره بهزر عادى ومش بازعل خالص

وبالنسبه لموضوع الجرى فى المكان ده حدثى عنه ولا حرج 0000وبعدين تسمعى كلمه--" انتى ليه مستعجله كده ؟"

كأنك انتى اللى عاوزه كده

فعلا هى يوميات كل ام وربنا يبارك فيهم يارب

على كل الاحوال اللهم ديمها نعمه واحفظها من الزوال

اااااااااامين يارب العالمين

فاصل ونواصل wst::

مستنيين

[Simba]

بس عشان خاطرك انا سيبت الشغل "

هذه العباره لها وقتها اكييييد

اااااه من بنات حوا

اه واحدة من بنات حوا مش كفاية

المفروض الرجالة تتحد وتعمل مسلسل الصرخة علي 60 جزء

أحكي يا شهر زاد

[قلب ابيض]

عذرا

====

احبائى --

مضطره ان احرم من لقاءكم لايام قلائل لأسباب خاصه جدا

اسألكم الدعاء بتيسيير الامور --والقاكم قريبا على خير باذن الله

ام نور

[pocy]

لعله خير يا أم نور ان شاء الله وربنا ييسرلك الامور يارب

وبرحتك واحنا منتظرين ان شاء الله

[عنبو]

يااااااااااااااااارب يكون خير

أسأل الله العظيم ان يفك كرب الجميع

[قلب ابيض]

لعله خير يا أم نور ان شاء الله وربنا ييسرلك الامور يارب

وبرحتك واحنا منتظرين ان شاء الله

يااااااااااااااااارب يكون خير

أسأل الله العظيم ان يفك كرب الجميع

بوسى 00عنبى جزاكم الله الف خير لسؤالكم عنى ولدعائكم لى فى ظهر الغيب

وشكرا لمن كااااان يريد السؤال 00بس ماقدرش :rolleyes:

[قلب ابيض]

( 4 )

اعطنى حريتى اطلق يديا00 اننى اعطيت ما استبقيت شيئا

آه من قيدك ادمى معصمى 0000

كلمات رصينه فى رقتها رقيقه فى قوتها00 استشعرتها بكل جوارحى بعد ان نلت حريتى من قيود العمل " او هكذا هيىء الى 00" ومن هنا بدأت صورة اخرى لحياتى لم

اعهدها من قبل0

- عارفه يا ماما من يوم ما قعدتى من الشغل بقتى مختلفه اوى

* يعنى انت حاسس بكده يا حبيبى ؟؟

- مش انا بس والله يا ماما ده انا واخواتى 00وحتى عم رجب البواب00بيقولى " هى الست والدتك مالها؟"

- قلت له مالها ازاى ياعم رجب؟؟

* قالى : لامؤاخذه مابقتش تتكلم بسرعه ولا بتصرخ فى وشى ولا حاجه ؟!! هى تعبانه ولا حاجه لا سمح الله؟؟

* ضحكت من قلبى ضحكه كان من توابعها هروله زوجى وابنائى الواحد تلو الاخر الى غرفه الليفنج حيث كنا انا وانس ابنى البكرى 00

فى ايه يا ماما

فى ايه ؟

مين اللى بيضحك ؟

اللى سمعناه ده من عندنا ولا من عند ولامن عند الجيران؟" زوجى مندهشا"

رد انس :

- دى ماما يا بابا اصلى كنت بحكى لها حكايه ضحكتها اوى

* معقووووله؟؟ هى دى ضحكه ماما يا انوس ؟ تصدق احنا كنا قربنا ننسى انها بتعرف تضحك من اصله 0

_ تقصد ايه بقى ؟ يعنى انا غم ولا انا غم ؟

* لاء العفو يا ست الكل بس شوفتى بقى البيت نور ازاى واموره استتبت ازاى بعد ما سيبتى الشغل 00الولاد صحتهم ونفسيتهم ما شاء الله عال العال

والبيت بقى مشرق ويفتح النفس بوجودك واخيرا المحشى عرف طريق مطبخنا بعد ما كنا نسيناه 00وحتى شهوده ما اتعرفتش عليه الا اليومين اللى فاتوا وتحفتينا

بأنواعه فيهم

- اتريق اتريق يعنى ده يرضى مين والنبى 00اكله تتاكل فى نص ساعه واقعد اجهز لها فى 3 ايام 00لازمتها ايه يعنى ؟؟ ما كله رز وخضار برده

عجااااايب0

لاء لاء ده احنا ما صدقنا يا همستى كل محشى وانتى طيبه وربنا ما يقطع لنا عاده 0

- ابتسمت ابتسامه رضا وراستسلام لانهاء الموقف بسلام0

=============

مر على استقالتى قرابه الشهرين لم ابخل فيهما على بييتى واسرتى بشىء كانى اعوضهم حرمان السنين من اشياء اعتادوها فى الاعياد والمناسبات الرسميه فقط من

اكلات او احتفالات او خروجات اسبوعيه 00

اعترف اننى شعرت باننى انثى كامله خلال هذه الفتره انثى بمعنى الام والزوجه والدفء والحنان لكل فرد بأسرتى

فطبيعه المرأه العامله تكسبها نوعا من الخشونه او الجمود ليتلائم مع ظروفها اليوميه من معاملات وردود لافعال مفاجئه اثناء الذهاب والعوده من والى العمل0

اصبحت باننى ملكه متوجه على عرشى مملكتى الصغيره التى طالما حلمت بها فى صباى ولم استشعرها فى بدايه زوجى لما مررت به من ضغوط وازمات كعاده بدايه اى

زيجه تعتمد بالكامل فى تأسيسها على الزوجين فقط0

ولكن دائما وكعاده معظم النساء وليس كلهن وانا منهن اصابنى الملل 00فانا بطبعى اكره القيود فى كل شىء احب التغير وامقت النمطيه والحياه على وتيره واحده 00

فى البدايه تابعت برامج التلفاز الصباحيه كلها تقريبا لانه كان امر شبه ممنووووع لى من قبل 00مسلسلات عربيه -برامج المراه - برامج دينيه

اشبعت رغبه داخليه ان اكون ربه بيت فقط 0

ولكن عفريت الست ظهر مره اخرى داخلى " انتى كده بقيتى زى عدلات وام الخير 00لا شغله ولا مشغله 0كده دماغك هاتقف كل اللى شاغلك هاناكل ايه بكره وهانروح

فين اخر الاسبوع والمسلسل الساعه كام؟؟

يا خساره الشهاده والخبره 00كنتى فين يا لاءه لما قلت اه

آآآآآه يا نفوخى0

تم تعديل 13 نوفمبر 2009 بواسطة قلب ابيض

[om marawan]

ايوه يا ام نور الله يخليكى كملى احسن ده الهاجس اللى فى دماغى

انا كنت باشتغل تقريبا طول اليوم قبل الجواز لانى باحب الشغل وفجاة تعبت فقعدت فى البيت فترة ويادب شغل عدد ساعات بسيطة وكان معايا مروان بس.. وشوية وقعدت خالص ودلوقتى عاوزة اشتغل لان فعلا دماغى صدت وشوية العلم اللى كانوا فيها راحوا والمذاكرة تانى من غير ممارسة صعبة

شوية أقول يادوب كده مش قادرة لازم أبتدى اشتغل اتاخرت كتير وضيعت وقت

وشوية أقول أستنى شوية سنة كمان ولا حاجة

تتصرف كيف ياعبد الرحيم ... تتصرف كيف ياعبد الرحيم ؟؟؟

[عبير يونس]

لفت نظري الموضوع في البانر من كام يوم

و كل ما أحاول أشوفه أقفل و أطلع من غير ما أشوفه

:rolleyes:

النهاردة قلت لازم أشوف ايه الموضوع

و لقيت موضوع رائع

و كأنك بتتكلمي عني يا قلب أبيض

متابعة يا جميل

[تامر مصطفى]

ازيك يا ابلة ( قلب ابيض )

ايه الجمال ده ؟؟

بس انا عايز اقولك على حاجة اكيد انتي عارفاها ومجرباها

وهي ان قعدتك في البيت هتخليكي ( تجري شكل الرجل المسكين اللي بيبقى مش عارف يرضيكي باي طريقة ) وهتشتكي له من الملل اول ما يثبتلك انك غلطانه في المشكلة الحالية ولكن كل ده بسبب الفراغ اللي زاد عليكي فجأة .

كملي دا انتي طلعتي فنانة وشكلنا هنكتشف ان ليكي مؤلفات في السوق ومش بعيد تكوني عاملة سيناريو وحوار لتمثلية ( الحاج متولي تقريبا ) angl:: bv:-