يوميات همسه مع فرقه الخامسه

[عنبو]

هو هنعمل ايه ؟؟ نصيبك كده القهوه كانت ماشيه والزبائن كتير وانا مكنتش ملاحق على المشاريب "" وش محمد هنيدى فى وش اجرام""

طيب دلوقتى ايه العمل ؟؟ حاجه من الاتنين لاما نغير القناه ؟؟ ونجيب الماتش او ننقل القهوه الى مكان تانى ؟؟

سيبكى من الكلام الى فوووووووق ده

عن جد انا بحب اسم أسر قووووووووى علشان كده اول عيل هسميه حااااااازم

يلا بقى مستنين يوميات همسه مع فرقة الصاعقه

[منتظرة بلا امل]

سؤال بسيط يعني

الفترة على ما اشوف الحلقة الجاية هتكون قد إيه ولا يعني مفيش وقت محدد

[عنبو]

سؤال بسيط يعني

الفترة على ما اشوف الحلقة الجاية هتكون قد إيه ولا يعني مفيش وقت محدد

حضرتك ليكى خمس مشاريب تشربيهم واول لما تخلصيهم هيكون الحلقه نزلت بس هنعمل ايه انتى عارفه بقى الكهرباء والضرايب والمياه وايجار المكان

وش محمد هنيدى برده فى وش اجرام

[منتظرة بلا امل]

:lol:

سؤال بسيط يعني

الفترة على ما اشوف الحلقة الجاية هتكون قد إيه ولا يعني مفيش وقت محدد :)

حضرتك ليكى خمس مشاريب تشربيهم واول لما تخلصيهم هيكون الحلقه نزلت بس هنعمل ايه انتى عارفه بقى الكهرباء والضرايب والمياه وايجار المكان

وش محمد هنيدى برده فى وش اجرام

فعلا؟؟ :blink:

طب حلو اوي كدة الموضوع بقى فل بمعنى الكلمة :lol:

اول مشروب.. كابتشينو عندكوا ؟

من ناحية الإيجار متشيلوش هم اعتبروه اتدفع

والضرايب والمياه انسوا إيه هو إحنا هنضيع فلوسنا على موضوع واحد لسة فيه مواضيع محتاجة العون

محمد هنيدي هو فيين من زمان مشفتش أفلامه bv:- ومش عايزة اشوف

[DR SALLEY ABAZA]

اين البقيه ياهمسه ووصلتي فين مع فرقة الخمسه

[DR SALLEY ABAZA]

انا متابعه بشغف

مع تحيات زوجه مفتريه جدا

[قلب ابيض]

اين البقيه ياهمسه ووصلتي فين مع فرقة الخمسه

انا متابعه بشغف

مع تحيات زوجه مفتريه جدا

اهلا اهلا 'DR SALLEY ABAZA' نورت الموضوع وفكرتينى بيه

انا كنت قررت انى اتوقف لفتره عن نشر اليوميات علشان خاطر الحاج محمد العنبى بس 00اقصد عشان

ماوقفش حال القهوه بتاعته والمشاريب تزيد شويتين :wub: " على رأى قاسم السماوى " جتنا نيله فى حظنا الهباب احنا نكتب

وهو يلم الغله :)

لكن ما باليد حيله عشان عيونك يا دوك هاننزل بالحلقه الجديده :lol:

وعندك واحد فخفخينا على حسابى يا روش للدوك وصلحه

[قلب ابيض]

( 7 )

لازالت اجازه نصف العام مستمره وبالرغم ما سبق واشرت اليه من كسر الروتين اليومى للنوم والاستيقاظ الا اننى شعرت بخلل فى نظام المنزل من حيث السهر

الذى لا معنى له الا للتمرد على نظام المنزل فقط 000

فكرت ان اشغل اوقات صغارى بما يعود عليهم بالنفع ولا يضرهم فى استغلال العطلات واوقات الفراغ لهم 00ولهذا قمت بعمل برنامج توجيهى بشكل غير مباشر حتى يلقى

قبولا لديهم ولا يقابل بالرفض والسخريه 0

اشتريت لهم العديد من القصص الصغيره والمسليه وكتب للالعاب والالغاز وبعض من ادوات الرسم والتشكيل الفنى :baby: بما يتناسب مع كل شخصيه من ابنائى0

واشتريت لحبوبتى " شهوده " هديه تتناسب معها 000وكانت هى المشكله فيما بعد 00000

سارت الخطه الموضوعه على قدم وساق والحمد لله عاد الهدوء تدريجيا للمنزل واخيرا000 " نمنا بدرى " :closedeyes:

استيقظت هذا الصباح على همهمه بجانبى وبالتحديدعلى صوت هامس يدعو زوجى للاستيقاظ بهدوء00

* بابا بابا اصحى بسرعه من غير ما ماما تحس

زوجى مستفسرا ومنفعلا فى ان واحد 00

*فى ايه يا انس اللى حصل ؟ جرى ايه ؟

انس فى صوت خافت اكثر من الاول

* ششششش-تعالى بسرعه يا بابا كلنا عاوزينك بره ششش

قتلنى الفضول والخوف فى ان واحد شىء يحدثنى ان هناك مصيبه حدثت والكل لايريد اعلامى بها 00ياترى ماذا حدث ؟؟

بدات انتبه واستعد للالحاق بهم وعنئذ سمعت نهنهه " شهد " وصوت بكائها المكتوم وبعض الكلمات مثل :

-والله ماتت يا بابا دى ما بتتحركش خالص

- لاء يا بنتى دى لسه بتتنفس

-وطى صوتك ماما هاتصحى 00

-00الحقوهااااا دى بتموووووت

ثم جاء صوت زوجى بنبرته المعتاده فى مثل هذه الظروف 00

-مش عاوز عياط كله يقعد ساكت وانس بس اللى يجى معايا وان شاء الله خير

لااااا انا لازم اخرج لهم فورا مهما حصل وما ان امسكت بمقبض باب الغرفه حتى سمعت صرخه مدوويه هييييييييييييييييه لسه ماماتتش

خرجت مسرعه وكأن هذه الصرخه احلت وثاقى ومزقت كل القيود التى كانت تقيدنى من خوفى من تلقى الصدمه

فى ايه ؟ مين اللى ماتت ؟ ومين اللى ما مامتتش؟

>>>>>>>>

>>>>>

>>>

>>

>

الحمد لله السمكه كانت هتموت عشان نسينا نغير لها الميه اللى فى الحوض من كام يوم :cry1:

السمكه ؟؟؟؟؟

وسقطت انا مغشيه على بدورى 00000 stnd::

"

تم تعديل 9 ديسمبر 2009 بواسطة قلب ابيض

[عنبو]

انا كنت قررت انى اتوقف لفتره عن نشر اليوميات علشان خاطر الحاج محمد العنبى بس 00اقصد عشان

ماوقفش حال القهوه بتاعته والمشاريب تزيد شويتين

مشاااريب ايه يافندم ده كل الى قاعد يدوب طلب واحد شاااى بالعافيه ويمكن مافيش بس الا زبون واحد طلب حجر شيشه "" ارجيله ""

بس يلا عاوزين بقى نعمل الصص بنشن

يعنى ايه نقول نص الحكايه ونقف فى النص علشان الى عاوز يعرف يدفع

نفذ يا 004

[miramikhail]

:lol: متابعين أنا أتخضيت معاكى :lol:

حلو أوى :blink:

[OReX]

هههههههههههههههههههههههههههههههه

ربنا يخليهم لحضرتك

---------------------------

تسجيل اعجاب شديد باليوميات كنت اتابعها فى صمت

:blink: وتسجيل اعجاب بتزكر <شاى العصارى>

منتظرين باقى الحلقات ان شاء الله

[قلب ابيض]

:sad: متابعين أنا أتخضيت معاكى :lol:

حلو أوى :blink:

سلامتك من الخضه يا ميرا ياجميله

انتى فين؟؟؟

هههههههههههههههههههههههههههههههه

ربنا يخليهم لحضرتك

---------------------------

تسجيل اعجاب شديد باليوميات كنت اتابعها فى صمت

:happy: وتسجيل اعجاب بتزكر <شاى العصارى>

منتظرين باقى الحلقات ان شاء الله

OReX اهلا بيك انا الاسعد كونك متابع فى صمت

ويسعدنى اكتر اننا نتحاور فى مثل هذه اليوميات هى بالفعل يوميات معظم بيوتنا المصريه وابناءنا الاعزاء

يعنى عاوزه اعرف بتشغلوا اوقات الفراغ لاولادكم ازاى؟

طريقه تربيه او تعويد الاولاد على عادات او قيم معينه ازاى ؟ وفى اى سن ؟

اتمنى ان بعد كل حلقه يكون فى تعقيب مثمر00وخليكم فاكرين انى انا هنا بالذات عشان اكون معاكم او بمعنى اصح تكونوا انتم معايا

وموضوع الكتابه لليوميات ده مزج ما بين اشياء بالفعل حدثت معى واخرى لزوم الحبكه الدراميه وللجذب ايضا

هااااااا انتو نمتوا منى تااااانى ولا ايه ؟؟؟؟؟ smk:

اه عشان مانساش العزيز OReX اتفضل واحد شاى بالنعناع على حسابى 0000ياله ياعنبى اوااام :sad:

[عنبو]

اه عشان مانساش العزيز OReX اتفضل واحد شاى بالنعناع على حسابى 0000ياله ياعنبى اوااام

ليه كده التبزير ده وبعدين مهو لسه شااااااااارب حجر شيشه تفاح الى مبخلصشى ومحسبش عليه

انا مبحبش كده ده اكل عيش وعلينا لسه اقساط التليفزيون والنصبه بتعة القهوه مينفعش كده وبعدين انا نفسى احول القهوه دى الى كافى شوب كده زى كافى شوب مارينا بس سمعت انهم شمعوووه بعد لما سافرت ليه ؟ انا عارف بس مش هقوووووول !!!!!!!!!!

[OReX]

اه عشان مانساش العزيز OReX اتفضل واحد شاى بالنعناع على حسابى 0000ياله ياعنبى اوااام

ليه كده التبزير ده وبعدين مهو لسه شااااااااارب حجر شيشه تفاح الى مبخلصشى ومحسبش عليه

انا مبحبش كده ده اكل عيش وعلينا لسه اقساط التليفزيون والنصبه بتعة القهوه مينفعش كده وبعدين انا نفسى احول القهوه دى الى كافى شوب كده زى كافى شوب مارينا بس سمعت انهم شمعوووه بعد لما سافرت ليه ؟ انا عارف بس مش هقوووووول !!!!!!!!!!

ويحك

اتطعننى فى ظهرى وانا فى ميدان المعركة وتصفنى بمدخن ارجيلة يالك من رجل مُتفحِل

لنا عودة لنا عودة

قالوا علامك كل ماحل طاريه .....تنسى البشر حولك وتذكر خياله

عزرا على الخروج عن الموضوع ولكن كان لابد من رد

سورى بجد معتش هعملها تانى

:blink: :happy: smk:

تم تعديل 10 ديسمبر 2009 بواسطة OReX

[Damo]

تسجيل اعجاااااب

فين باقي القصة ؟

طب ينفع بمناسبة مرور سنة وشوية ننزل بالجزء التاني ؟؟

[الســـاري]

تسجيل اعجاااااب

فين باقي القصة ؟

طب ينفع بمناسبة مرور سنة وشوية ننزل بالجزء التاني ؟؟

يا ستي الله يكرمك اللي جبتيها القصة دي ... انا دايخ عليها من زمان وكنت فاكر اسمها " مذكرات فرقة الخمسة "

طلعت الحكاية فيها همسة .. وهي اللي لخبطت عندي كل عمليات السيرشنق

دامو بليز .. خليني اركز بالقصة .. بطلي دوشة .. هابدأ من اول سطر

smk:

لي عودة بعد القراءة

[قلب ابيض]

يااااااااااااااااه.... الوقت جرى بسرعه كده؟؟؟؟

مرسيه لك يا دامدومه يا جميله على متابعتك ...وعلى رفعك لليوميات اصلا

سارى انامنتظره تعقيبك

وبجد شجعتونى امسك الورقه والقلم تانى واستعييييييد ماتبقى من الذاكره والذكريات

بجد ....وحشتونى

[أهااات روح]

حمدالله على السلامة ياطنط همسة hg)::

وحشتييييييينا والله

اخييييييييرا من زمان وانا متشوقة اقرأ بقية اجزاء يوميات همسة

والله ضفتها عندى فى صفحة الفافورتس علشان تعبت قوى على مالقيتها

شكرا يادامو لرفعك للموضوع مرسيه كتير

تسجيل اعجاااااااااب ومتااااااااااابعة

تم تعديل 8 أبريل 2011 بواسطة أهااات روح

[الســـاري]

الفاضلة قلب ابيض

اول حاجة اقولهالك .. بطلي تفكري توقفي قصص زي دي ..

دي نموذج جميل جدا من قصص السيرة الذاتية .. وفن توصيف الواقع والاحداث العادية لقطعة ادبية .. على غرار كتابات مكسيم جوركي والطيب صالح الذين نجحوا في تحويل الواقع العادي الذي نراه من حولناه لفن رفيع وتشويق .. واثارة

القصة رائعة رائعة ... واجدني رغما عني خلال متابعتي لها اقرأها وانا اشعر اني موجود في قلب كل تلك الاحداث ..

لن تحتاجي الى عناء البحث عن فكرة على اي حال .. مجرد نقل يومياتك بهذه الطريقة الاخاذة يوفر لك معين لا ينضب

يعني مش زي حالاتي ابقى اشحت لماضة سيناريوهات كويسين من بتوعها ... او فكرة جميلة من افكارها .. لا انتي تحتاجي بس تكتبي مذكراتك ويومياتك ..

ومش عارف ايه قصة المغتربات في الكويت والابداع في مذكراتهم سواء انتي او الاخت بوسي .. ومن هنا اوجه نداء الى مغتربات السعودية للتقدم على نظيراتهم في الكويت ... وبلاش يتفوقوا علينا بتوع الكويت باي حاجة

:P

هذه العبارة استوقفتني كثيرا ....

تناولت البوم صورى 00يااااااه 00عمر مر بسرعه الريح رياح عاصفه ممطره احيانا هادئه منعشه تحمل نسمات ربيعيه كثيرا

الله يجعل ايامك كلها ...

هادئة منعشة تحمل نسمات ربيعية كثيرا

قولي آمين ...

ونرجوك .. نرجوك .. ان تكملي