السعوديون متحمسون للحرب

[OReX]

أعتقد أن حرب الحوثيين في اليمن لها أسباب أقدم وأعقد من مجرد دعم النفوذ الإيراني أو مجموعة مجرمين وقطاع طرق خارجين على سلطة الدولة... لا يجب أن ننسى أن الزيديين ظلوا يحكمون اليمن لمدة أحد عشر قرنا قبل قيام الثورة اليمنية ... وأنه كانت هناك حرب طويلة شاركت فيها مصر لمدة خمس سنوات في هذه المنطقة بالتحديد.

لكن هذا لا ينفي طبعا دعم إيران للمتمردين ليكون لها موطئ قدم في جنوب شبه الجزيرة العربية ... والمصالح التقت بين الطرفين.

اتفق مع ها الرأي تمام الاتفاق

الاخ الكريم سي السيد

يعني يا أحمد الحوثيون اللي اصولهم زيديه فضلوا ساكتين حوالي 50 سنة على سقوط حكم الأئمه .. وبعد كده بدأوا يتحركوا سنة 2005 وهي بداية ظهور حركة الحوثييين على السطح ؟

مكنوش ساكتين كان ليهم وجود بس مكنوش بالقوة دى ولا بالتدريب ولا كمية الاسلحة وطبعا السبب معروف

اخر الاخبار اللى سمعتها ان الحمد لله تم استعادة جبل دخان من ايدى الحوثيين وتم اسر اكتر مية حوثى

بتقديرى المتواضع ان السعودية مش هتدخل حرب ولا حاجة هيا هتستعيد سيادتها على اراضيها مرة تانية وممكن تدخل كيلو مترات قليلة عشان ما يتكررش الى التسلل مرة تانية

خالص دعمنا ودعائنا للقوات السعودية

تم تعديل 8 نوفمبر 2009 بواسطة OReX

[khaleds]

السلام عليكم و رحمة الله و بركاته

بقى السعوديين يحاربوا , أما و الله دى نكتة

أخي الكريم

الشماته في كل شيء ممكنه

إلا في المحن والاحزان

وليست الشماته أصلاً من شيم العرب الأحرار

أيوه من حقهم يحاربوا

ويردوا على أوغاد مثل هؤلاء الصاع 100 وليس 10

وأنا في رأيي إنها مناورة بالذخيرة الحيه وأحسن من التدريبات

وأيضاً لا أعتقد إن الدول العربية ستتقاعس إذا طلبت الحكومة السعودية يد العون للقضاء على هؤلاء الحثالة المعتدين

وياريت ياريت يتم تفعيل أتفاقيات الدفاع المشترك بين الدول العربيه لكي نقف بجانب بعضنا في المحن

اعدرونى يا جماعة , أصل أنا شغال فى مستشفى تابعة لوزارة الصحة و لما كان بيبقى فيه مناورات و تدريبات للقوات المسلحة فى المنطقة اللى حوالينا كنت ألاقى المستشفى مليانة عساكر سعوديين جزء صغير منهم مريض و الجزء الأكبر متمارض و عمالين يلفوا و يدورا عشان نرقدهم فى المستشفى أو نعطيهم أجازات مرضية و بالتالى يهربوا من الدورة أو التمرين اللى هم بيعملوه

هما أحرار

ويكفي أن يعلموا إن من الكبائر ... التولي يوم الزحف

ياريت لو تصححلى لان كل الى اعرفه من على النت والمواقع

الى اعرفه عن الحوثيون دول انهم ناس كانت بتشارك فى الحياه السياسيه وكان عندهم حزب ونواب وعندهم مؤسسات تعليميه وليس من افكارهم الارهاب والعنف ولديهم احترام للقانون والحكومه ولديهم نفوذ قوى باليمن والحكومه هيا الى ابتدت الاضهاد والقمع ووالقضاء على عناصرها وتلفيق التهم مثلها مثل باقى الدول العربيه التى لا تتهاون مع اى قوه تهدد الكرسى

والى اعرفه كمان انهم انجرو لطريق الحرب والحروب التى خاضتها مع الحكومه كانت الحكومه السبب

والى اعرفه برضه انهم مش ارهابيين ولا ليهم اى علاقه بالقاعده وخصوصا انهم شيعه

والمشكله الى حصلت مع السعوديه كان سببها ان السعوديه كانت مشاركه فى الحرب دى من البدايه ولها مصلحه انها تقضى على الحوثيون علشان مشكله ايران وكان لازم الحركه دى تحصل لان السعودين محتقرين الحوثيون وشايفين انهم شويه أوغاد .. فأكيد لازم الحوثيون يدولهم الم جامد تحزير

انا شايف ان حل الازمه دى يبدأ من احترام الناس دول والبدء فى الحوار والتفاوض ومعاملتهم على انهم امر واقع ومؤثر على مستقبل اليمن وخصوصا الى باين ان الناس دول بيتعاملو بذكاء وخبره وليسو متهورين ولا ضعفاء

ويجب ان تتنازل الحكومه وتتفاوض معهم وهذا هو الحل الذى اراه وان باقى الحلول مش فى صالح الجميع

وبالنسبه للسعوديه فهى لم تعد دوله اسلاميه ولم تعد لديها المبادىء العربيه وكل مشكلتها مع الحوثيون هو قربهم من ايران .. وانا شايف ان الموضوع مش جايب همه الا لو كان ورا الامور امور ولازم تنسحب من الحرب دى

فى حاجه لمحتها فى تعليقك وهيا الدفاع المشترك انا مش عارف هوا مين الى هيدافع ؟

وهيدافعو ازاى؟ وليه؟ ومن امتى ؟ .. تأكد انهم هيتقاعسو الا لو مكنتش لهم مصالح

اتمنى ان لا تحدث اى حرب او تصعيد او خطط جريئه مثل ما حدث مع السعوديه

لان فى النهايه الحرب دمار للجميع وخصوصا لما الاثنين الى بيحاربو بكونو اخوات

تم تعديل 9 نوفمبر 2009 بواسطة khaleds

[dawn walker]

بالتوفيق للجيش السعودى واليمنى

ولكنى تذكرت تصريحات على عبد الله صالح رئيس اليمن وهو يطالب بقطعة من سيناء كى ينطلق لمحاربة اليهود منها ..؟!!

[Amr Radwan]

ياريت لو تصححلى لان كل الى اعرفه من على النت والمواقع

الى اعرفه عن الحوثيون دول انهم ناس كانت بتشارك فى الحياه السياسيه وكان عندهم حزب ونواب وعندهم مؤسسات تعليميه وليس من افكارهم الارهاب والعنف ولديهم احترام للقانون والحكومه ولديهم نفوذ قوى باليمن والحكومه هيا الى ابتدت الاضهاد والقمع ووالقضاء على عناصرها وتلفيق التهم مثلها مثل باقى الدول العربيه التى لا تتهاون مع اى قوه تهدد الكرسى

والى اعرفه كمان انهم انجرو لطريق الحرب والحروب التى خاضتها مع الحكومه كانت الحكومه السبب

والى اعرفه برضه انهم مش ارهابيين ولا ليهم اى علاقه بالقاعده وخصوصا انهم شيعه

والمشكله الى حصلت مع السعوديه كان سببها ان السعوديه كانت مشاركه فى الحرب دى من البدايه ولها مصلحه انها تقضى على الحوثيون علشان مشكله ايران وكان لازم الحركه دى تحصل لان السعودين محتقرين الحوثيون وشايفين انهم شويه أوغاد .. فأكيد لازم الحوثيون يدولهم الم جامد تحزير

انا شايف ان حل الازمه دى يبدأ من احترام الناس دول والبدء فى الحوار والتفاوض ومعاملتهم على انهم امر واقع ومؤثر على مستقبل اليمن وخصوصا الى باين ان الناس دول بيتعاملو بذكاء وخبره وليسو متهورين ولا ضعفاء

ويجب ان تتنازل الحكومه وتتفاوض معهم وهذا هو الحل الذى اراه وان باقى الحلول مش فى صالح الجميع

وبالنسبه للسعوديه فهى لم تعد دوله اسلاميه ولم تعد لديها المبادىء العربيه وكل مشكلتها مع الحوثيون هو قربهم من ايران .. وانا شايف ان الموضوع مش جايب همه الا لو كان ورا الامور امور ولازم تنسحب من الحرب دى

فى حاجه لمحتها فى تعليقك وهيا الدفاع المشترك انا مش عارف هوا مين الى هيدافع ؟

وهيدافعو ازاى؟ وليه؟ ومن امتى ؟ .. تأكد انهم هيتقاعسو الا لو مكنتش لهم مصالح

اتمنى ان لا تحدث اى حرب او تصعيد او خطط جريئه مثل ما حدث مع السعوديه

لان فى النهايه الحرب دمار للجميع وخصوصا لما الاثنين الى بيحاربو بكونو اخوات

هل يجب علي اي دولة ان تتأقلم مع جماعة او شرذمة تقوم بتنفيذ اجندات اجنبية (ايرانية - شيعية) علي ارضها ؟؟؟؟

لا يفل الحديد الا الحديد

ايران تجدها الان في مشاكل داخليه مع المعارضة و تجدها مع امريكا و تجدها مع الاتحاد الاوربي و تجدها مع العراق سابقا و تجدها مع دول الخليج اجمع و تجدها مع مصر و تجدها مع لبنان من خلال حزب الله و تجدها في اليمن من خلال الحوثيون .. ايران تريد تنفيذ اجندتها داخل هذه الدول و تفرض سيطرتها الدينية الشيعيه علي الدول الاسلامية و ايضا علي الغرب ..

جمهورية ايران لم يعد لها الكثير حتي تبقي .. انها زائلة لا محالة .. و في القريب العاجل ان شاء الله .

[khaleds]

اكيد مش لازم تتأقلم مع جماعة او شرذمة تقوم بتنفيذ اى اجندات اجنبية (ايرانية - شيعية) علي ارضها

[الحر الأشقر]

السلام عليكم و رحمة الله و بركاته

بقى السعوديين يحاربوا , أما و الله دى نكتة

اعدرونى يا جماعة , أصل أنا شغال فى مستشفى تابعة لوزارة الصحة و لما كان بيبقى فيه مناورات و تدريبات للقوات المسلحة فى المنطقة اللى حوالينا كنت ألاقى المستشفى مليانة عساكر سعوديين جزء صغير منهم مريض و الجزء الأكبر متمارض و عمالين يلفوا و يدورا عشان نرقدهم فى المستشفى أو نعطيهم أجازات مرضية و بالتالى يهربوا من الدورة أو التمرين اللى هم بيعملوه

و بصراحة الشباب اللى كانوا بيجولنا , شكلهم مش بتاع حرب خالص خالص يعنى ,لأنى بقارنهم بالعسكرى المصرى اللى بياكل الزلط و يقول كمان , بلاقيهم خرعين خالص

دا أنا كل لما أشوفهم أفتكر العسكرى المصرى اللى عبر القناة الساعة اتنين الظهر أو اللى صعد على الساتر الترابى بتاع خط بارليف سنة 73 و هو شايل على ظهره مدفع !!!!!!!!!!!

يا نهار ابيض , مدفع !!!!!!!!!!!!!!!!!!!!

أعرف أن اخواننا التانيين دول ممكن بالكتيير يلعبوا استغماية

أصل بتوع 73 دول كانوا رجالة يا جماعة :rolleyes:

المهم ربنا يقدم اللى فيه الخير

دا و انت شغال عندهم و بتاكل من اكلهم .....

و انا مالي بقول احنا المصريين مكروهين في الدنيا ليه كدا

[أحمد سيف]

دا و انت شغال عندهم و بتاكل من اكلهم .....

الفاضل الحر الأشقر

أول حاجه حمد لله على سلامتك كنت غايب بقالك فترة عن المنتدى

ثانيا من حقك طبعا تدافع عن السعودية وتدعو غيرك لمساندتها ... لكن الجملة اللي حضرتك كتبتها استفزتني جدا ... مش فاهم يعني ايه المصري اللي بيشتغل في السعودية "بياكل من أكلهم" ... هوا مش بيديهم شغل مقابل المرتب اللي بياخذه ... يبقى ده المفروض أكله هوا مش أكلهم لإنه تعب فيه مش واخذه حسنه منهم

لو نظرت للموضوع بصورة أشمل فالسعودي اللي بياخذ مرتب من غير ما يشتغل - وكثير منهم كده - هوا ده اللي يعتبر عاله على البلد ولازم يتلام ويتعاير ... مش الأجنبي اللي بيخدم البلد وبيكسب من عرق جبينه ... كل جنسيات العالم - المحترمة - بتييجي تشتغل في السعودية وبتاخذ حقها ثالث ومثلّث وبيبقوا حاطيين في بالهم إن لهم فضل على السعوديين بعملهم وليس العكس ... يا ريت نبتدي نفكر زيهم وخلينا نبطل اسطوانة أفضال السعوديين علينا علشان يحترمونا

تحياتي