إخواني المسيحيون المصريون الشرفاء ..ظلمكم كثيرا الإعلام المصري

[abaomar]

عليكم السلام و الرحمه يا حاج (انا حجيت اكتر منك بس ربنا يتقبل)

احنا مالناش دعوه بكل ده

الدوله تخرج من زمتها الوقت العادل للمسيحيين و هم يتصرفوا

نقول لكبار مللهم و فرقهم انتو ليكوا ساعتين كل اسبوع مثلا على القناه الاولى و ساعتين على التانيه موزعين بشكل معين على اوقات البث و عليكم توزيع هذا الوقت بينكم كما تشاؤن

بس

و عليك انت و اهلك السلام و الرحمات و البركات يا حجيج :D

.

هناك حاجه مهمه انت ناسيها

اللى ها يطلع يقول باسم الاب و الابن و الروح القدس و التثليث

يتعارض شكلا و موضوعا مع دستور الدوله اللى بيقول قل هو الله احد .

و لو حدثت فتنه من واحد زى ماكس ميشيل لما يتحول الكثير الى كنيسته .

الكنيسه الاورثوزوكسيه هاتعمل ايه

عاوزك تشوف الحلقه دى و تقولى رأيك ايه ده حصل من غير ما يكون فيه مساحه

إعلاميه فى التليفزيون فما بالك لو اخد جزء من الوقت للتبشير بكنيسته

ايه اللى هايحصل فيكى يا بلد؟(من غير وش و فى فيلم رد قلبى برده :unsure: )

http://www.youtube.com/watch?v=F-9SQtGfG8g...feature=related

تم تعديل 7 نوفمبر 2009 بواسطة abaomar

[MZohairy]

السلام عليكم

أولا أنا مستغربه من الاخ زهيرى وتفكيره دايما المعارض وميوله الغريبه حبتين

يعنى بحس إنك عايز تعارض وخلاص أو يمكن حضرتك بتفكر بطريقه مختلفه عن بعض الناس

الى حابه أفكرك بيه إحنا دوله مسلمه وعندما تأخذ الاقليه المسلمه حقها فى اى دوله مسيحيه كدا يبقا من حقك تطلب المطالب دى

ولكن حضرتك تعلم مدى المعامله والحقوق للمسلمين بالخارج أعتقد لامجال للمقارنه بين حقوق المسلمين فى دول الغرب وحقوق المسيحيين بمصر

وطبعاً مش عارفه من اين اتيت بالعدد ده

لاحول ولا قوة الا بالله

اولا يا سيدتي لا داعي للاستغراب

فليس من الطبيعي ابدا ان نفكر كلنا بطريقه واحده

اما اني عايز اعارض و خلاص فده أمر ليس له اي وجود وسأسامحك على سوء ظنك

أما آخر جمله لحضرتك فبصراحه لا أجد تعليق عليها ابدا تحت اي منطق !!

المسيحي مصري يا سيدتي و له حقوق سواء كان أقليه أو حتى فرد واحد

و ليس معنى ان الآخرون لا يطبقون المعايير العادله لديهم على الأقليات ان نقوم نحن بتقليدهم و التشبه بهم في ظلمهم و خصوصا لو كان المظلوم هو مصري مثلنا مثله

أما موضوع العدد فسبق ان أشرت اليه سابقا و اوضحت ما قد يخفى على البعض فبرجاء الرجوع للمشاركات السابقه و قراءتها

شكرا

[abaomar]

.....

المسيحي مصري يا سيدتي و له حقوق سواء كان أقليه أو حتى فرد واحد

و ليس معنى ان الآخرون لا يطبقون المعايير العادله لديهم على الأقليات ان نقوم نحن بتقليدهم و التشبه بهم في ظلمهم و خصوصا لو كان المظلوم هو مصري مثلنا مثله

أما موضوع العدد فسبق ان أشرت اليه سابقا و اوضحت ما قد يخفى على البعض فبرجاء الرجوع للمشاركات السابقه و قراءتها

شكرا

السلام عليكم

و من جار على حقوق الاقباط فى مصر يا زهيرى

لن تجد اقليه (من ناحيه العدد ) حاصله على حقوقها كامله يا زهيرى فى العالم كله

و تعيش حياه طبيعيه ..سوى فى مصر

دعك من المراشقات الاعلاميه و التلاعب بالعواطف ليكسب طرف امام طرف

الشئ الاكيد ان اقباط مصر حالهم افضل من غيرهم حتى من المسلمين و المجال لا يتسع للاسهاب .

موضوع الاعلام مبالغه كبيره منك لم ارى او اسمع او اقرأ عن جانب معاناه فيه من الاقباط

مع ادعائى بغزاره قراءاتى ومتابعتى للشأن العام المصرى .

تم تعديل 7 نوفمبر 2009 بواسطة abaomar

[poulaemad]

و انا اقول حتى و لو كان الاقباط فى مصر فرد واحد فله حقوقه كامله كفلها له الاسلام قبل الدستور .

عندما تريد جعل تمثيل للاقباط فى مصر فى الاعلام مثلا فمن الذى سوف يتكلم

الاورثوذوكس بحكم الاغلبيه ام الكاثوليك الذين يمثلون نسبه كبيره ام الانجيليين ام الارمن

ام البابا الجديد ماكس ميشيل .... صعبه ووضع لا يحتمله الواقع المصرى

واحنا مالنا يابو عمر؟

ما يختاروا اللي يختاروه!!

اما انت عجيب بشكل يا أخي!! :D

هما من المفترض ليهم 6 او 10% من الوقت المخصص للاعلام الديني في التليفزيون المصري

يجيبوا فيه ارثوزوكس او كاثوليك او بروتيستانت هما احرار دي حاجه ماتخصناش

يتفقوا مع بعض و يوزعوا حصتهم الاعلاميه الدينيه بالشكل اللي يرضيهم كأطراف مسيحيه و ليس لنا في هذا الامر ناقة ولا جمل

السلام عليكم

إذا كانوا هم مش متفقين مع بعض داخل دينهم ها يتفقوا على التمثيل الاعلامى .

الانبا شنوده رفع قضيه على ماكس ميشيل و الخلاف مع الكنيسه الكاثوليكيه معروف

فلما نحب نكلم مسيحيي شعب مصر نكلم مين يا زوهيرى ( وش محمد صبيح فى فيلم رد قلبى برضه :unsure: )

معلش اسمحلى اوضح لحضرتك حاجه واحده بس وهى ان كلمه ارثوذوكس معناها الخط المستقيم

يعنى الاصل هو الارثوذوكس وده معناه انك لما تحب تكلم مسيحيى شعب مصر زى ما بتقول يبقى الكلام

موجه الى البابا شنوده

تحياتى

[أبو محمد]

و انا اقول حتى و لو كان الاقباط فى مصر فرد واحد فله حقوقه كامله كفلها له الاسلام قبل الدستور .

أخى الفاضل أبو عمر

كان المفروض بعد جملتك السابقة أن نوزع الشربات ونبارك بمناسبة اتفاقك مع زهرورتك :unsure:

فعلا يابو عمر .. لو مفيش مسيحيين فى مصر غير (مثلا يعنى) اصحابك سكوب ، وريمو ، ورار اللى احنا نعرفهم هنا .. فهم برضه لهم حقوق زى حقوقنا بالظبط .. وده كما تفضلت هو ما تمليه علينا مقاصد ومبادئ عقيدتنا كمسلمين .. لهم ما لنا ، وعليهم ما علينا .. فيه أوضح من كده ؟ .. مبدأ واضح جدا من مبادئ الشريعة .. غيرش بس ..... ولا بلاش .. خلينا حبايب احسن :lol:

اريد ان اؤكد على بعض النقاط يا اخى

مصر بواقع الحال و المقال دوله مسلمه حتى النخاع حتى انه لو لم ترتفع الصلبان على ابراج الكنائس

لما تردد احد فى القول بالهويه الاسلاميه الكامله التى تصبغ الحياه المصريه كلها .

الدولة شخصية اعتبارية يابو عمر .. الدولة لا تصلى ولا تصوم ولا تحج .. ما نقدرش نقول دى دولة مسلمة ، ودى دولة مسيحية ... نقدر نقول دى أمة مسلمة أو دى أمة مسيحية .. وأمتنا "المصرية" مش أمة مسلمة .. هى أمة غالبيتها مسلمة .. وفيها مسيحيين ويهود وديانات أخرى من اللى بتسبب الأرتيكاريا .. لكن - مرة أخرى - الدولة شخصية اعتبارية لا تتعبد .. تسهر على مصالح الأمة .. كل الأمة

أنا باين علىَّ لخبطت الدنيا .. صح يابو عمر ؟ .. شم دى بقى قبل ما تجاوب :D

[Scorpion]

إذا كانوا هم مش متفقين مع بعض داخل دينهم ها يتفقوا على التمثيل الاعلامى .

الانبا شنوده رفع قضيه على ماكس ميشيل و الخلاف مع الكنيسه الكاثوليكيه معروف

فلما نحب نكلم مسيحيي شعب مصر نكلم مين يا زوهيرى ( وش محمد صبيح فى فيلم رد قلبى برضه )

يا أستاذي الفاضل .. اذا كانت أغلبية مسلمي مصر من السنة و عليه المفروض ان يكون شيخ الأزهر هو المسئول الديني عنهم

فكذلك أغلبية مسيحيي مصر ينتمون الي طائفة الأرثوزكس و عليه فقداسة البابا شنودة هو المسئول الديني عنهم من غير ماكس و لا فوكس ....و من غير المليجي و لا عباس فارس ...

بسيطة مش كده ؟؟

ثم هل تعرف لماذا اصبح تعداد المسيحيين عشرة مليون و الا اتناشر و الا حتي عشرين مليون .. لأن حكومتنا الرشيدة قررت يومآ ان تعداد المسيحيين الرسمي هو اتنين مليون و 800 الف !!! قام حبيبك البابا شنودة عمل ايه .. قال هاتوا سجلات التعميد اللي في الكنايس ( و دي سجلات دقيقة و مافيهاش كوسة و لا "كلتشات" ) و عدوهم ...

و من ساعتها اتفتح المزاد و الكل دخل يصطاد في الميه العكرة .... الا أونا .... الا دوا ... الا تري ...

رويترز : 7 مليون قبطى

يورو نيوز : 8 مليون قبطى

ها مين يزود

العربية نت : 11 مليون قبطى

الجزيرة نت : من 8 – 10 مليون قبطى

بى بى سى عليا ب 10 مليون قبطى

العربية نت : 11 مليون قبطى

و المزاد رسي علي اقباط المهجر اللي اضافوا نفسهم عالتعداد و قالوا عليا ب 18 مليون

و آخرتها ؟؟

ايه اللي حيستفاده الأقباط ..

ايه اللي حيستفاده المصريين .....

انتم مش واخدين بالكم اننا كلنا ... كلنا .... أقلية

الحكومة هي الأغلبية ....

[Scorpion]

آه بالحق نسيت يا أستاذ أبا عمر ...

زي ما زهيري رمي موضوع العشرة مليون و أستفزك و سبت الموضوع كده و مسكت في النقطة دي مطالبآ اياه بالمصدر ...

انا برضه حمسك في الجملة دي :

ام البابا الجديد ماكس ميشيل .... صعبه ووضع لا يحتمله الواقع المصرى

يا ريت برضه حضرتك مصدر موثوق كنسي بيقول ان بابا الأرثوزكس الجديد هو سي فوكس ده ...

اللي من باب العلم بالشيء شخصية غير معترف بيها من الكنيسة الأرثوزكسية و لا من الحكومة المصرية نفسها ....

فبلاش من فضلك تمرير معلومات في "الكلتش" حسب تعبيرك و تصويرها كحقيقة واقعة ... الا اذا كان عند حضرتك مصادر أكيدة للخبر ده ...

[أسد]

هنـــــا في موقع سي آي إي فاكت بوك CIA FAct Book

https://www.cia.gov/library/publications/th...ok/geos/eg.html

بيقولوا إن نسبة المسيحيين في مصر 10% ، منهم 9% أقباط !! والباقي 1% مسيحيون آخرون ..

طبعاً العدد مش مهم .. ووجود المسيحيين في مصر بنسبة معتبرة .. بأي حال من الأحوال .. وكونهم مصريو الجنسية .. هذا أمر واقعي وحقيقي .. فبالتالي .. فهم لا يستحقون أن يكون هناك أي تمييز ضدهم ..

[عنبو]

انا معرفش هتفرف فى ايه برامج دينيه اسلاميه او مسيحيه ؟؟

اساساً البرامج الى كانت بتيجى فى التلفزيون دى كانت زى قلتها وملهاش صنف اللازمه لانها بتتكلم فى حاجه والواقع بيقول حاااااااجه تانيه حتى الفتوى كانت حاجه تفضح

فيه نكته واحد ماشى قدام امن الدوله بيقول عااااااااش حسنى مبارك موحد الديانات عااااااااش حسنى مبارك موحد الديانات

فطبعاً ضابط امن دوله شافه قلهم هاتوا الواد ده انت بتقول ايه يابنى ؟؟ قله بقول عااااااش حسنى مبارك موحد الديانات ؟؟

قله ليه ؟ قيه كفر المسلم والمسيحى واليهودى خلاهم كلهم كفره يبقى وحد الديانات ومن يومها ونزلت فى كتب الدراسات مينا موحد القطرين وحسنى مبارك موحد الديانات

[abaomar]

السلام عليكم

الاخوه الكرام جزاكم الله خيرا

.

ابو محمد ما عاش و لا كان اللى يقول انك لخبطت الدنيا إنت ... نورتها ...و لا بلاش احنا دايما حبايب .

حتى انه لو لم ترتفع الصلبان على ابراج الكنائس

واخد بالك يا ابو محمد افتراض ينبنى عليه ما بعده .

و موضوع امه او دوله مش هو المحك .

الهويه العامه الظاهره لمصر الشعب او الدوله او الامه ( إختار اللى تعجبك :D ) هى الاسلام من اول الدستور

الرسمى للدوله و حتى اصغر زاويه فى اقصى قريه فى مصر هذا واقع ملموس ...و ده ما يزعلش

اى حد حتى اصدقائنا و جيراننا النصارى او الاديان الاخرى اللى بتجيب ارتيكاريا .

.

عزيزى سكوب

فكذلك أغلبية مسيحيي مصر ينتمون الي طائفة الأرثوزكس و عليه فقداسة البابا شنودة هو المسئول الديني عنهم

سبحان الله تعطى نفس الحق فى تهميش الاخرين بدعوى انهم اقليه و تريد فرض الامر بالقوه

ماذا يسمى هذا فى عرف حقوق الانسان ...ارهاب ام تطرف ؟

الانبا شنوده مسئول عن الاورثوزوكس دينيا ..موافقك لكن سياسيا هل باقى المسيحيين

منضمون تحت لواء الانبا شنوده السياسى .....طبعا لا ...

انا اتفقت معك انه لو وجد مسيحى واحد فقط فى مصر فله نفس الحقوق و الواجبات فلماذا حرمت

إخوانك من الطوائف الاخرى ..ماذا عن الكاثوليك و البروتوستانت ...بل ماذا عن مكسيموس الذى

تستنكف من ذكر اسمه بل و تسخر منه متجاوزا حقه كانسان مصرى يرأس مجمعا كنسيا مختلفا

عن ما ينتمى اليه الانبا شنوده و ترى ان مجرد الاختلاف معه يعطيك الحق فى السخريه منه

و النيل من مكانته كرجل دين رسمى معين من قبل كنيسته .

هؤلاء يا سيدى مصريون مثلى و مثلك و لهم ما لك و لى من حقوق كفلها لنا جميعا دين الدوله الرسمى

و المعبر عنه فى الدستور المصرى الذى نحن محكومون به .

.

زي ما زهيري رمي موضوع العشرة مليون و أستفزك و سبت الموضوع كده و مسكت في النقطة دي مطالبآ اياه بالمصدر ...

سكوب ما استفزنى بالفعل هو ان لا يقدر احد عقلى و يرمى الى بمعلومه مغلوطه و على ان ابلعها كشربه الزيت .

انا اعتبر هذا استخفاف بعقلى خصوصا ان اخى زهيرى من اشد المناصرين لتوثيق المعلومه من مصادرها و لا انسى

مره فى موضوع يخص سيد القمنى و قبل الردود ما تنهال طلب زهيرى ..و كان محقا .. ان يرد من قرأ فعلا للرجل و يقيم

فكره و اراءه بدلا من الاعتماد على النقل من النت ..

بل و لقد تعلمت من اخى الاكبر ابو محمد ان لا اسلم عقلى لاحد و كتاباته فى هذا الشأن نبراس لى .

.و يبدو انك لم تقراء مداخلاتى جيدا لتعرف منها اننى اوردت ..من وجهه نظرى .. بعض الاسباب .

.

يا ريت برضه حضرتك مصدر موثوق كنسي بيقول ان بابا الأرثوزكس الجديد هو سي فوكس ده ...

اللي من باب العلم بالشيء شخصية غير معترف بيها من الكنيسة الأرثوزكسية و لا من الحكومة المصرية نفسها ....

سكوب يكفيك ان تسمع من فم الرجل نفسه ما يرد على كلامك و كانت الردود على مفيد فوزى و الذى تكلم بالنيابه عن

الكنيسه الاورثوزوكسيه و للحق فلقد كان كلام الرجل واضحا و يتكلم بثقه عاليه و حاول مفيد فوزى استفزازه

و لكنه للحق افحمه حتى ان مفيد فوزى و المشهور باسلوب محاورته المحاصر للمحاور اسقط فى يده

و ارتبك عندما اخرج مكسيموس بطاقه الرقم القومى الشخصيه الرسميه و فيها اسمه ووظيفته المعترف بها

من الدوله فكيف تدعى ان الحكومه المصريه لا تعترف به ..و هى اصدرت له البطاقه ؟

اليك مره اخرى رابط الحلقه لتشاهدها و تسمع ما قاله مكسيموس و ليس انا .

http://www.youtube.com/watch?v=F-9SQtGfG8g...feature=related

.

الاخ الكريم اسد

.

إذا كانت الحكومه المصريه نفسها لم تعلن التعداد الحقيقى للاقباط فى تعدادها الرسمى

و الموجود على الموقع الرسمى للجهاز المركزى للتعبئه و الاحصاء فى تواصل مستمر للصفقات

المشبوهه المبرمه بين الحكومه و الكنيسه مثل دعم الكنيسه ممثله فى البابا نفسه للرئيس مبارك

رغم ان هذا من الممنوع داخل الكنيسه من خلط الشأن العام بالخاص ...علمانيه يعنى .

فهل سنعتمد على CIA و امريكا و المشهوره بكذباتها المشهوره منذ الصعود الى القمر مرورا باسلحه صدام

و لون سرواله الداخلى ....طبعا امريكا تلاعب مصر بالسياسه على اعلى مستوى

فهى تقيم علاقات مع جميع الاطراف و منها الاقباط المصريون فى الخارج و الذين لهم بالتاكيد

علاقات داخل المجتمع الامريكى و من مصلحتها الترويج لهكذا كذبه عن العدد المنفوخ فيه

للمطالبه بحقوق وهميه بناء على العدد الوهمى .

.

نقطه اخيره اقولها لاخويا زهيرى يمكن هو مش واخد باله منها بحكم ابتعاده عن مصر فتره طويله

لا يوجد وجود دينى اسلامى فى الوسائل الرسميه الا بشكل ضيق جدا و رمزى جدا سواء فى

قرأن الافتتاح و الاذان و برامج قصيره بالدقائق لذر الرماد فى العيون ...

يا زهيرى الشعراوى الذى تفتحت عيوننا عليه فى تفسيره الرائع ....منعوه ...منهم لله .

[tantrum]

الدولة شخصية اعتبارية يابو عمر .. الدولة لا تصلى ولا تصوم ولا تحج .. ما نقدرش نقول دى دولة مسلمة ، ودى دولة مسيحية ... نقدر نقول دى أمة مسلمة أو دى أمة مسيحية .. وأمتنا "المصرية" مش أمة مسلمة .. هى أمة غالبيتها مسلمة .. وفيها مسيحيين ويهود وديانات أخرى من اللى بتسبب الأرتيكاريا .. لكن - مرة أخرى - الدولة شخصية اعتبارية لا تتعبد .. تسهر على مصالح الأمة .. كل الأمة

بالرغم من أنى أوجه مداخلتى للفاضل أبو محمد

إلا أنه لا يفوتنى أن أرحب بعودة زهيرى المتمكن فى إثاره أجواء الحوار بدفاعة عن أصدقائه الشرفاء وهم كثير.

الفاضل أبو محمد

كنت قد طلبت من الفاضل سكوربيون تفصيل الفرق بين الدولة و الأمة فى موضوع أخر وللأسف لم يجيب

و أنا فعلا حتى الأن لا أعلم الفرق المقصود بينهم بالرغم من أنى سمعت هذا التفريق منذ سنوات و أعتقد من قاله هو جمال البنا.

و على حسب تعريفك فإنه من المحال أن يكون هناك أمة مسلمة أو أمة مسيحية فوجود فرد واحد مسيحى فى الأمة المسلمة سجعلها أمة أغلبيتها مسلمة...ولكن لا توصف أنها أمة مسلمة..؟!!!!!!!!!

[jamalpody]

الدولة شخصية اعتبارية يابو عمر .. الدولة لا تصلى ولا تصوم ولا تحج .. ما نقدرش نقول دى دولة مسلمة ، ودى دولة مسيحية ... نقدر نقول دى أمة مسلمة أو دى أمة مسيحية .. وأمتنا "المصرية" مش أمة مسلمة .. هى أمة غالبيتها مسلمة .. وفيها مسيحيين ويهود وديانات أخرى من اللى بتسبب الأرتيكاريا .. لكن - مرة أخرى - الدولة شخصية اعتبارية لا تتعبد .. تسهر على مصالح الأمة .. كل الأمة

بالرغم من أنى أوجه مداخلتى للفاضل أبو محمد

إلا أنه لا يفوتنى أن أرحب بعودة زهيرى المتمكن فى إثاره أجواء الحوار بدفاعة عن أصدقائه الشرفاء وهم كثير.

الفاضل أبو محمد

كنت قد طلبت من الفاضل سكوربيون تفصيل الفرق بين الدولة و الأمة فى موضوع أخر وللأسف لم يجيب

و أنا فعلا حتى الأن لا أعلم الفرق المقصود بينهم بالرغم من أنى سمعت هذا التفريق منذ سنوات و أعتقد من قاله هو جمال البنا.

و على حسب تعريفك فإنه من المحال أن يكون هناك أمة مسلمة أو أمة مسيحية فوجود فرد واحد مسيحى فى الأمة المسلمة سجعلها أمة أغلبيتها مسلمة...ولكن لا توصف أنها أمة مسلمة..؟!!!!!!!!!

انت الوحيد اليٌ فاهمني كويس قوي يا مستر سكربيون ؟؟؟؟؟؟؟؟؟؟؟؟؟؟؟؟؟؟؟؟؟

[tantrum]

الدولة شخصية اعتبارية يابو عمر .. الدولة لا تصلى ولا تصوم ولا تحج .. ما نقدرش نقول دى دولة مسلمة ، ودى دولة مسيحية ... نقدر نقول دى أمة مسلمة أو دى أمة مسيحية .. وأمتنا "المصرية" مش أمة مسلمة .. هى أمة غالبيتها مسلمة .. وفيها مسيحيين ويهود وديانات أخرى من اللى بتسبب الأرتيكاريا .. لكن - مرة أخرى - الدولة شخصية اعتبارية لا تتعبد .. تسهر على مصالح الأمة .. كل الأمة

بالرغم من أنى أوجه مداخلتى للفاضل أبو محمد

إلا أنه لا يفوتنى أن أرحب بعودة زهيرى المتمكن فى إثاره أجواء الحوار بدفاعة عن أصدقائه الشرفاء وهم كثير.

الفاضل أبو محمد

كنت قد طلبت من الفاضل سكوربيون تفصيل الفرق بين الدولة و الأمة فى موضوع أخر وللأسف لم يجيب

و أنا فعلا حتى الأن لا أعلم الفرق المقصود بينهم بالرغم من أنى سمعت هذا التفريق منذ سنوات و أعتقد من قاله هو جمال البنا.

و على حسب تعريفك فإنه من المحال أن يكون هناك أمة مسلمة أو أمة مسيحية فوجود فرد واحد مسيحى فى الأمة المسلمة سجعلها أمة أغلبيتها مسلمة...ولكن لا توصف أنها أمة مسلمة..؟!!!!!!!!!

انت الوحيد اليٌ فاهمني كويس قوي يا مستر سكربيون ؟؟؟؟؟؟؟؟؟؟؟؟؟؟؟؟؟؟؟؟؟

أنا مش فاه قصدك أيه يا jamalpody

يبدو أن هناك خطأ ما قد حدث

فإما أنك كنت تريد أن تقتبس مشاركة ما لسكوربيون و إقتبست مشاركتى عن طريق الخطأ

و إما أنك تعتقد أن مشاركنى أو إقتباسى من أبو محمد إحداهما لسكوربيون

أرجو التوضيح

[hanzalah]

حمد لله عالسلامة يا سوسة :blink:

يا رب .. يا رب ما تنوله مراده .... :rolleyes:

آمين يارب

ايه ياعم زوهيري الشو الكبير ده

طب مش تخبط

تتنحنح

تقول دستور

انت راجع من الغربة واخدنا مقص بلجيكي على سهوه كدا

بس برضه ليك وحشة

[Scorpion]

عزيزى سكوب

فكذلك أغلبية مسيحيي مصر ينتمون الي طائفة الأرثوزكس و عليه فقداسة البابا شنودة هو المسئول الديني عنهم

سبحان الله تعطى نفس الحق فى تهميش الاخرين بدعوى انهم اقليه و تريد فرض الامر بالقوه

ماذا يسمى هذا فى عرف حقوق الانسان ...ارهاب ام تطرف ؟

الانبا شنوده مسئول عن الاورثوزوكس دينيا ..موافقك لكن سياسيا هل باقى المسيحيين

منضمون تحت لواء الانبا شنوده السياسى .....طبعا لا ...

انا اتفقت معك انه لو وجد مسيحى واحد فقط فى مصر فله نفس الحقوق و الواجبات فلماذا حرمت

إخوانك من الطوائف الاخرى ..ماذا عن الكاثوليك و البروتوستانت ...بل ماذا عن مكسيموس الذى

تستنكف من ذكر اسمه بل و تسخر منه متجاوزا حقه كانسان مصرى يرأس مجمعا كنسيا مختلفا

عن ما ينتمى اليه الانبا شنوده و ترى ان مجرد الاختلاف معه يعطيك الحق فى السخريه منه

و النيل من مكانته كرجل دين رسمى معين من قبل كنيسته .

هؤلاء يا سيدى مصريون مثلى و مثلك و لهم ما لك و لى من حقوق كفلها لنا جميعا دين الدوله الرسمى

و المعبر عنه فى الدستور المصرى الذى نحن محكومون به .

حنانيك يا سيد abaomar .. و بدون كل تلك الخطبة العصماء التي ذكرتني بسرادقات الحزب الوطني ... حضرتك بنيت قصر كبير من الأتهامات علي قاعدة من رمل ...

لقد لونتها حضرتك .. بما يعني انك لاحظتها .. ( أغلبية ) مسيحيي مصر من الأرثوزكس و عليه قداسة البابا شنودة هو المسئول الديني عنهم ... مسئول دينيآ عن تلك الغالبية من الأرثوزكس .,. من تكلم هنا عن تهميش طوائف أخري او تجاهلهم او كل هذا الخلط الذي اتهمتني به .... الكلام كان في معرض ذكرك للمدعو فوكس الذي تصر علي وضعه في اطار غير صحيح .. و بناء علي ماذا .. علي حوار تليفزيوني و ما يقوله هو ....

حسنآ .. ما رأيك لو أتيت لك برابط مسجل أيضآ (علي غرار الروابط التي تضيفها حضرنك دائمآ) عن شخص يدعي شرهان كاطع يقول فيه انه نبي المسلمين الجديد ... ثم مررت تلك المعلومة كحقيقة واقعة .... و بنيت عليها مقارنات و احاديث سفسطائية لا تنتهي ... و كل مرة أضيف لحضرتك حديث له .. او اخبار انترنتيه يكون هو محورها ... هل معني ذلك انها بالفعل حقيقة واقعة ... هل هذا هو مصدرك الموثق ...

دعني اسوق لك مثال عن مصدر موثق و الذي تناقلته جميع وسائل الأعلام في يوليو الماضي ..

رفضت المحكمة الإدارية العليا يوم الأحد الطعن المقدم من "ماكس ميشيل" وأوصت بسحب بطاقة الرقم القومي منه لتغيير صفته بها، وأشارت في حكمها أن الدولة لا تعترف بكنيسة قبطية إلا الكنيسة الأرثوذكسية المصرية برئاسة البابا شنوده الثالث.

من جانبها رحبت الكنيسة الأرثوذكسية بالحكم وقدم الأنبا "إبرام" عضو سكرتارية المجمع المقدس وأسقف الفيوم الشكر للدولة على موقفها الرافض لماكس وأمثاله وقال "هذا الشخص لا يعترف به أحد لا الكنيسة ولا الدولة".

في السياق نفسه تقدم المستشار "نجيب جبرائيل" رئيس الاتحاد المصري لحقوق الإنسان ببلاغ إلى مساعد وزير الداخلية للتوثيق والهجرة طالبه فيه بسحب جواز السفر الديني لماكس ميشيل، والوارد فيه بيان الوظيفة بأن المهنة رئيس أساقفة مجمع أثناسيوس الرسولي ووضعه على قوائم ترقب الوصول للتحقيق معه في تهمة التزوير وانتحال صفة أسقف.

وبالحكم الأخير أصبح ماكس ميشيل بلا صفة أو اسم وبذلك لا يحق له أن يقوم بفتح كنائس أو غيرها.

هل ما زلت مصرآ اني أظلمه بانكار مكانة وضع نفسه بها بدون اي شرعية ...

هل سيكون هذا نفس رأيك .. اذا قرر إمام زاوية في يوم من الأيام ان يعلن نفسه يومآ ما صاحب طريقة جديدة و يقول مثلآ ان من خلال هذه الطريقة يحق للمسلم ان يتحول الي المسيحية .. او ان من حق المسلمة ان تتزوج من اي صاحب ديانة مختلفة .. او ان الطلاق محرم لديه ... و يؤكد ان كل هذا من السنة ...

ثم يأتي شخصآ آخر ليدافع عن شرعية البني آدم ده و حقه في الدعوة الي طريقة مماثلة و في ان يدعو انها علي نهج أهل السنة ...

جاوب علي هذا السؤال بصدق ...

كان هذا ما يخص فوكس أفندي ....

بالنسبة لما تكرره حضرتك دائمآ أيضآ ... قداسة الباب شنودة قائد سياسي للأقباط ....

يا سيدي الفاضل ... يا أستاذ أباعمر ...

بابا الكنيسة الأرثوزكسية ليس المتحدث الرسمي بأسم المسيحيين ....

و لا يمثل رأيه الشخصي اتجاها يجب أن ينهجه مسيحيي مصر

بل لا يوجد شخص محدد يتكلم بأسم المسيحيين في مصر ... دور البابا الوحيد في المسيحية أنه يُمثل رأس الكنيسة .. و يعاونه في ذلك العديد من الأساقفة الذين يشكلون في مجملهم " المجمع المقدس" ...و الذي يقوم بدور السلطة الدينية العليا للكنيسة و للمسيحيين ... و بالتالي السلطة هنا دينية فقط .. ليست سياسية .. ليست ثقافية .. أو جتي اجتماعية ... بالطبع أؤكد علي التمييز بين الأنتماء السياسي ... بين الأنتماء الوطني ... و بين العمل السياسي نفسه ... فالموقف السياسي ناتج عن فهم مجريات الأمور في الوطن ... بينما العمل السياسي هو رد فعل لهذا الفهم ... لذلك عندما يصرح البابا أو أي رتبة دينية أخري برأي في قضية ما .. فهو يعبر عن موقف مواطن مصري يعيش في هذا البلد ... مثله مثل اي مواطن آخر... و لا يجب ان يعتبر هذا رأي جميع المسيحيين ...

أتمني بالفعل ان يكون هذا اخر نقاش يجمعنا حول البابا شنودة .. و ان كنت اشك كثيرآ ....

[Scorpion]

[tantrum' '530252' date='Nov 8 2009, 11:08 A

كنت قد طلبت من الفاضل سكوربيون تفصيل الفرق بين الدولة و الأمة فى موضوع أخر وللأسف لم يجيب

الفاضل tantrum

أعتذر بصدق إن لم أكن لاحظت استفسارك هذا في موضوع آخر .. و لكنه عيب فيّ يجعلني لا أركز كثيرآ في المواضيع التي تطول ... بل هذا يصيب أيضآ مواضيع أقوم بفتحها شخصيآ ثم أتوقف في منتصفها ..

عودة الي سؤالك فسوف أجاوب من منطلق رأي شخصي ارتحت اليه بعد قراءات عديدة ..

ببساطة ما يميز الدولة عن الأمة هو وجود "الحكومة" ....

ممكن أن تتواجد أمة دون أن يصاحب هذا تواجد حكومة .. و لكن لا توجد دولة بدون حكومة .. و هو أمر لا يتحقق بدون وجود سلطة ... سلطة الحكم حيث يصاحبها جهاز يلزم المخالفين الطاعة ...

تحياتي

[jamalpody]

مش عارف ليه يا استاذ زهيري كل ما اشوفللك موضوع في المحاورات هنا

بييجي في بالي مرتضي منصور

يا تري ليه مش قادر اعرف ؟؟؟؟؟؟؟؟؟؟

[Simba]

عزيزي الاستاذ زهيري

يعلم الله ان احترمك كثيرا منذ بداية معرفتي بك وانت وباقي الاعضاء الافاضل من موضوع كنوز غنائية

كويس ان حضرتك حددت التلفزيون في بداية موضوعك

لكن اي برامج اسلامية كانت بتيجي في التلفزيون ..... حديث الروح خمس دقائق بالتمام والكمال قبل نشرة الساعة 9 مساءا

برنامج الشعرواي نص ساعة كل يوم جمعة

غير كده انا مش فاكر اي برامج دينية بتاتا علما باني بشوف التلفزيون من سنة 80 حتي لما كان افتتاح القناة الثالثة كان بالنسبة لنا في البيت حدث تاريخي معقول التلفزيون بتاعنا .. التلفزيون ده هيجيب تلات قنوات بحالهم .... دي حاجة ولا في الخيال يارب عقبال ما يبقوا 12 قناة عدد الارقام اللي مكتوبة علي علي بكرة التلفزيون

حتي في رمضان

اي برامج دينية كانت بتيجي ده اللي كان بيجي فوزاير عمو فؤاد واغاني رمضان ولما اتقدمنا شوية رقصت لنا نيللي و شريهان احتفالا بالشهر وبامانة انا مفتقدهم :lol: ومفتقد صوت زوز نبيل في الف ليلة وليلة

وفي الاعياد كان التلفزيون كتر خيره بينقل صلاة العيد وقبلها ام كلثوم تقول يا ليلة العيد وبعدها صفاء السعود تقول مرحب بالعيد

انا اظن ان الموضوع مش بالدرجة اللي حضرتك طرحتها دي

يمكن فيه زيادة في عدد القنوات الاسلامية علي الفضائيات لكن في المقابل فيه قنوات اخري مسيحية

[MZohairy]

مش عارف ليه يا استاذ زهيري كل ما اشوفللك موضوع في المحاورات هنا

بييجي في بالي مرتضي منصور

يا تري ليه مش قادر اعرف ؟؟؟؟؟؟؟؟؟؟

:lol:

يا عم ده مناسب القذافي و ابنه متجوز من عائلته باين ...حنيجي جنبه ايه ده بس؟

و بعدين الفرق الكبير اللي بيني و بينه اني عمري ما بزعق و هو عمره ما اتكلم من غير ما يزعق!

عزيزي الاستاذ زهيري

يعلم الله ان احترمك كثيرا منذ بداية معرفتي بك وانت وباقي الاعضاء الافاضل من موضوع كنوز غنائية

كويس ان حضرتك حددت التلفزيون في بداية موضوعك

لكن اي برامج اسلامية كانت بتيجي في التلفزيون ..... حديث الروح خمس دقائق بالتمام والكمال قبل نشرة الساعة 9 مساءا

برنامج الشعرواي نص ساعة كل يوم جمعة

غير كده انا مش فاكر اي برامج دينية بتاتا علما باني بشوف التلفزيون من سنة 80 حتي لما كان افتتاح القناة الثالثة كان بالنسبة لنا في البيت حدث تاريخي معقول التلفزيون بتاعنا .. التلفزيون ده هيجيب تلات قنوات بحالهم .... دي حاجة ولا في الخيال يارب عقبال ما يبقوا 12 قناة عدد الارقام اللي مكتوبة علي علي بكرة التلفزيون

حتي في رمضان

اي برامج دينية كانت بتيجي ده اللي كان بيجي فوزاير عمو فؤاد واغاني رمضان ولما اتقدمنا شوية رقصت لنا نيللي و شريهان احتفالا بالشهر وبامانة انا مفتقدهم :lol: ومفتقد صوت زوز نبيل في الف ليلة وليلة

وفي الاعياد كان التلفزيون كتر خيره بينقل صلاة العيد وقبلها ام كلثوم تقول يا ليلة العيد وبعدها صفاء السعود تقول مرحب بالعيد

انا اظن ان الموضوع مش بالدرجة اللي حضرتك طرحتها دي

يمكن فيه زيادة في عدد القنوات الاسلامية علي الفضائيات لكن في المقابل فيه قنوات اخري مسيحية

كتر خيرك يا سيمبا بس انا بحاول قياس عدد ساعات البث الديني للمسلمين في الجهاز الرسمي (ايا كانت سطحية محتواه) مقابل ما يبث للمسيحيين من نفس الجهاز منذ افتتاح التليفزيون و حتى الآن

و حاول ان تقارن و ستجد انه لا يوجد مقارنه من الأساس حتى بعد وضع نسبة المسلمين الى المسيحيين في الاعتبار

اشكرك

[MZohairy]

:lol:

حمد لله عالسلامة يا سوسة :lol:

يا رب .. يا رب ما تنوله مراده ....

آمين يارب

ايه ياعم زوهيري الشو الكبير ده

طب مش تخبط

تتنحنح

تقول دستور

انت راجع من الغربة واخدنا مقص بلجيكي على سهوه كدا

بس برضه ليك وحشة

:blink:

افتقدك كثيرا يا حنظله و افتقد مداخلاتك المحترمه حتى وان اختلفنا في الرأي

تحياتي الدائمه wst::