تفتكروا اتصرف أزاى

[pocy]

يا جماعه عندى احساس فظيع انى ظلمت حد بسبب سوء فهم ومش عارفه اعوضه ازاى

تفتكروا اعوضه ازاى الحد ده بهديه مثلا بدون مناسبه ولا ايه؟؟؟؟؟؟؟؟؟؟؟؟

[عنبو]

استغفرى له

وممكن تعطيه هديه

[tantrum]

استغفرى له

وممكن تعطيه هديه

قصدك إعتذرى له

[rewsha]

بصي يا بوسي

انت المفروض توضحي شويه انت ظلمتيه ازاي يعني هاتفرق حسب الشخص ده مين ؟وظلمتيه ازاي ؟

بس لازم فعلا تحاولي تكفري عن ظلمك ليه ده .....ممكن فعلا تستغفري له وتدعي له فعلا وكمان تطلبي منه انه يسامحك

عارفه

حصل لي موقف كده هاقولهولك علشان يبقى عندك الشجاعه انت كمان وتعتذري له

كنت واقفه عند مكتبه باصور ورق وحطيت المحفظه جنبي على الرف بتاع المكتبه المهم كان واقف جنبي فراش مدرسه المدرسه دي جنب المكتبه علطول .

كان معايه فلوس منها 100 جنيه في المحفظه .

لما جيت احاسب على تصوير الورق وباطلع الفلوس ملاقيتش ال 100 جنيه .وشوفي الصدف بقه ان الفراش ده يطلع فكه من جيبه يحاسب على الورقه اللي صورها ويطلع معاها 100 جنيه مجمده قدامي قمت استنيت لما مشي الفراش ده وساْلت بتاع المكتبه .انت تعرفه؟قال لي ايوه قلت له طب هوه امين؟قال لي ليه ؟قلت له اصل كان معايا 100 مجمده ومش لاقياها وده الشخص الوحيد اللي دخل المكتبه ووقف جنب محفظتي وانا كنت ملبوخه في تصوير الورق

المهم راح جابه وزعق معاه وقال له طلع ال فلوس .والراجل يحلف 60 يمين ان الفلوس دس بتاعت القبض بتاعه المهم روحت المدرسه انا وبتاع المكتبه ودخلنا للوكيل وحكينا له (المدرسه في وش المكتبه علطول)قريبه يعني .والوكيل نده للفراش تاني وساْله والراجا انكر برضو

المهم قلت له لو هاتقبلهم على عيالك اقبلهم ومشيت

سبحان الله طالعه البيت عندي والاقي على السلم ايه؟

الفلوس اللي كنت بادور عليها

قمت ساْلت ناس وقلت اعمل ايه انا كده ظلمته وهوه قدام الناس بقى حرامي .لكن انا عرفت الحقيقه

ناس قالوا لي استغفري ربنا وانت ماكانش قصدك

وناس تانيه قالوا لي لا .لازم تردي له كرامته قدام نفس الناس اللي طلع قدامهم حرامي .زي ما طلعتيه حرامي وعرفتي انه بريْ يبقى لازم تبرئيه قدامهم .علشان يوم القيامه هايبقى لهعندك حق لازم ياخده

قلت لهم اتكسف بعد ما عملت له مشكله اقوم اروح اقول انا لقيت الفلوس .....شكلي هايبقى وحش

قالوا لي شكلك يبقى وحش في الدنيا .....وله هوه يطالبك بحقه في الاخره؟

بصراحه ما كدبتش خبر وروحت وقدام الناس بتوع المدرسه والراجل بتاع المكتبه اعتذرت له وقلت له انا غلطت في حقك وسامحني وفعلا رديت له اعتباره قدامهم وخلصت من ذنبه

لكن ماكانش ينفع اني اجيب له هديه واقول اصل انا ظلمته

عرفتي بقه ان الموقف بيفرق

يبقى لازم توضحي شويه الظلم ده كان ازاي

تم تعديل 8 نوفمبر 2009 بواسطة rewsha

[عنبو]

استغفرى له

وممكن تعطيه هديه

قصدك إعتذرى له

حبيبى قلبى tantrum

الى فهمته من كلام بوسى ان الظلم هنا ظلم نفسى يعنى ظن او شك فعلشان كده بقول تستغفر له لكن لو الموضوع ظلم يعنى هى فعلاً ظلمت واحد يبقى يجب ان تستحمه وتعتذر له

ثانكس

[ذهبية]

و الله يا بوسى لو انتى متاكدة فعلا انك ظالمها يبقى مفيش غير المواجهة زى ما عملت اختنا روشة

اولا هو مش هتفرحة الهدية على قدما يفرحة كلمة حلوة و تطيب الخاطر و كلمة انا اسفة او معلش اعزرنى مكنش فعلا قصدى او انا فهمتك غلط

لو الموقف دة مع حد قريب او غريب احسن حل لة المواجهة طالما تاكدتى من الظلم فعلا

لكن لو حد قريب يبقى لازم نعيد حساباتنا و نعرف سوء الفهم جة منين يبقى فية حاجة محتاجة تعديل لا منى لا منة فى علاقتنا

ندى نفسنا فرصة اننا نفهم بعض نتكلم اكتر مع بعض لو فية اى شك فى كلامنا لبعض منعديش الموقف الا لما نقف قدام الشك دة و نفهمة كويس

بمعنى تانى نفكر فى الاسلوب اللى ما يتكرر بية سوء الظن دة فى حالة حد قريب

و انتى نفسك هترتاحى جداااا لما تردى الحق لاصحابة

ذهبية

[pocy]

بجد انا مش عارفه اشكركم ازاى غير بالدعاء لكم ان شاء الله

وبجد صعب احكى الموقف لذا ساكتفي بنصائحكم الغاليه

والحمد لله انه محدش يعرف الموقف ولا سوء الفهم اللى حصل علشان لازم اعتذر منه قدام جميع الناس والحمد لله ان ربنا زاح الغمامه اللى كانت على عينى حتى لا استمر فى ظلم هذا الشخص والله الموفق

[mama nona]

اهلا بوسى

شكلك كده عاملة عاملة كبيرة

وعكيتى فيها عكاية كبيرة

والسبب فيها توبيكات المحاورات

صح كده ولا ايه ؟

على العموم اى ان الشخص

الصراحة ثم الصراحة ثم الصراحة مع نفسك وتواجهييه وتعتذرى له

ولو حد قريب اكيد هيسامح

بس الاهم انه تتعلمى من الموقف ده

انا لسه حاصل معايا من كام يوم مع اختى

كنت مخبية خبر ومعظم عائلتى يعرفوه ولكن وصلنى الخبر من طرف اهل زوج اختى

فظنيت فيها انها ال بلغته او زوجها

وبعت لها رسالة عالموبايل

البنت فضلت تتصل وانا قال ايه عاملة مأموصة

ومرضتش ارد عليها

وزوجها يتصل

والدنيا اتقلبت

وانا مردش

وتانى يوم اتضحلى انه عرف الخبرعن طريق حد تانى غيرهم

علطول اتصلت وفضلت اضحك معاها

واتعاتبنا واتصافينا

وخلاص الحمد لله الموضوع انتهى

بس لسه حاسة بالذنب جدا انى تسرعت وفكرت فكده

مع انى لو كنت فكرت لو 5 دقايق بس كنت اتأكدت انها مش هى

بس الحمد لله حصل خير