احكى لنا تجربتك

[مغتربة]

بصراحة موضوع جذاب جدا

كان من اسوأ عاداتي التدخين

كنت باشرب سجاير ممكن اوصل لعلبتين يوميا

جربت كل الطرق للتخلص

التقليل التدريجي لم ينجح

الفلاتر والمباسم الخاصة اختراعات فاشلة

لزقة النيكوتينيل لم تفلح

بطلت كل حاجه واستمريت في السجاير

وفي يوم كنت اتحدث مع زميل عنها وعن متاعبها التي اعانيها

وقررت فجأة التخلص منها

وكانت اول سيجارة من العلبة لم اقل هذه آخر علبة بل مزقتها بمقص كان بجواري

ومن يومها ومنذا 10 سنوات لم اقربها مطلقا

واكتشفت ان سيطرتها علينا بلا مبرر

استاذ Ragaai تجربه حضرتك مشابهه لتجربه والدى رحمه الله

فالذى اسمع عنه انه كان مدخن شره جدا ( لانه توقف و انا ما زالت صغيره جدا )

ما حدث انه كانت هناك حاله وفاه فى العائله فانشغل اول يوم فى الحزن و تجهيز الدفن و العزاء و ما الى ذلك

فلم يدخن اى سيجاره

و لم ياخذ باله الى منتصف اليوم الثانى

ففكر فى نفسه انه ما دمت قدرت على الاستغناء عن السيجاره يوم و نصف دون ان يحدث لى شيىء فاذن انا استطيع ان اكمل حياتى بدونها

و من يومها لم يدخن اى سيجاره فى حياته حتى مماته

[Alshiekh]

كنت اطمح فى مشاركه من احد الاخوة الافاضل حول تجربه له لتتوقف عن التدخين

حيث ان البعض للاسف يعتقد ان خروج الروح اهون من التوقف يوم واحد عن التدخين

فهل من احد يعرض لنا تجربته فى هذا الشان

تلبية لدعوتك الكريمة اتكلم عن تجربتى مع التدخين وكيف اقلعت عنه

التدخين فى نظرى هى اقبح عادة

تعلمت كيفية التدخين فى سن الرابعة عشرة على يد صديق سوء

حملت علبة سجائر فى جيبى فى سن السابعة عشرة

اقلعت عن التدخين عدة مرات وصلت احداها الى ثلاث سنوات ونصف.

فى كل مرة عدت للتدخين اسوء مما كنت قبل الاقلاع عن التدخين

آخرى عهدى بالتدخين كان استهلاكى قد وصل الى 120 سيجارة ( 6 علب ) ، نعم 120 سيجارة ، كنت اشعل سيجارة بينما الاخرى انسى انها لاتزال مشتعلة

كنت احمل اطفالى على يد وفى يدى الاخرى السيجارة مشتعلة.

لم اكن اشترى السجاير بالعلبة بل بالكرتونة وفى الازمات كنت ادفع ضعف السعر حتى اضمن تموين الاسبوع او حتى الشهر !!!

كرهت التدخين ولكنى كنت مستمرا فى التدخين ، وكنت اقنع نفسى بالاجابة التى كنت دائما ارددها اننى اجد متعتى فى التدخين حيث اعتبرتها المتعة الوحيدة

طفاية سجاير او اثنتان على الكومدينو بجوار السرير ، مثلهم او اكثر على السفرة ، مثلهم على ترابيزات الجنب فى غرفة المعيشة ، مثلهم فى الحمام ، حتى فى البلكونة

فى المكتب عدة طفايات سجائر .

شيئ مرعب ، رائحة الملابس ، الشعر ، الفم ، السيارة ، اظافر صفراء واسنان صفراء

ادوار البرد او الانفلونزا تستمر لاكثر من اسبوع

أخيرا قررت ان اقلع عن التدخين نهائيا

كان ذلك قبل رمضان عام 1407

وحيث اننى اعلم اننى اشعر بنفس الاحساس الذى ينتاب المدخن فى اول مرة يدخن فيها فى حياته عندما ادخن او سيجارة بعد الافطار فى اول يوم من رمضان ، حيث يبدو ان الجسم يكيف نفسه مع الموعد الجديد بعد انتهاء اليوم الاول حيث لايحدث هذا الاحساس فى الايام التالية من الصيام ، فقد قررت ان افعل ذلك فى ذلك العام.

تسحرنا لصيام اليوم الاول من رمضان ، أُذن للمغرب ، فطرنا ، صلينا ، بدأت اشغل نفسى بملاعبة الاطفال ، بالتمدد فى السرير ، بالتجول فى البيت ، الخروج للبلكونة حيث رائحة زهور الربيع ، التأمل فى السماء ، ومر اليوم الاول وتلاه الثانى والثالث ، والآن اكثر من 22 عاما .

والحمد والمنة لله ان اعاننى على ذلك حيث كان آخر عهدى بالتدخين هو 28/4/1987 الموافق 29 من شعبان عام 1407

[rewsha]

موضوع جميل جدا

وطبعا علشان الواحد يقلع عن عاده سيئه كان بيعملها ...او يداوم على عاده حسنه (مفيده)وما كانش بيعملها .

فده موضوع محتاج لعزيمه قويه واصرار وتحدي

وباقول تحدي ......لاْن دايما كل واحد مننا لما بيدخل في موضوع التحدي ده بيبقى عاوز هوه اللي يكون كسبان

فممكن الواحد ياخد الموضوع على انه تحدي قدام نفسه انه هل هايقدر يثبت لنفسه انه ممكن يصر على حاجه ويعملها وله لا

طبعا تجربة السكر الزياده في الشاي وموضوع الاقلاع عن البيبسي .متهياءلي ناس كتير مرت بيه .وانا واحده منهم .وباؤحيي كل اللي قدروا واستمروا

لاْن المهم تقدر تعمل حاجه ....بس الاهم انك تستمر

نيجي لموضعي انا بقه

من يوم ما جيت الرياض .وانا شايفه الحياه هنا عباره عن اكل ونوم ومذاكره للاْولاد .مافيش رياضه وما فيش مشي

في مصر الواحد كان بيزهق يقوم نازل يتمشى في اي حته

لكن هنا .لازم جوزك يكون معاكي

وبما ان انا ظروف عمل زوجي ما تسمحش خالص

ولاقيت ان وزني ممكن يزيد انا وبناتي طبعا .............وما حدش يقول لي هاتي سير او مشايه في البيت (لان مصيرها معروف في النهايه)

قررت خصوصا ان الجو اليومين دول اكتر من رائع

اني انزل امشي انا والبنات عندي وضربت عرض الحائط بكل اللي كانوا بيقوا لي ما ينفعش

هنا ما ينفعش تمشي لوحدك .الست ما تمشيش في الشارع

لدرجة ان واحده اعرفها لاقيت جوزها مفهما ان الشرطه لو شافتها ما شيه لوحدها ممكن توقفها وتاخد اقامتها

المهم

صممت .ونزلت فعلا مرتين في الاسبوع امشي انا والبنات .واول مشوار ليه كان صديقه بعدي بشارعين كنت باتمشى لحد عندها واطلع شويه واروح تاني مشي

والاقي بقه الاصوات من حولي يابنتي ما ينفعش هنا ماحدش بيمشي (ولا كاْني باسمع حاجه )

المهم مره في مره لاقيت صديقه تانيه ليه عرضت عليها الموضوع وشجعتني اننا نمشي مع بعض ...وفعلا حصل

مره تالته اخدت 2 جيراني ورحنا لصديقتنا التالته دي مشي

الخطوه الجايه بقه

اني شجعت ستات(مش كتير قوي) جنبي اننا ننزل نمشي وما بقيتش لوحدي

والموضوع نجح

في الاول كنت باتقابل المعارضه وتكسير الجناحات (ما ينفعش .مش هنا .لازم جوزك يكون معاكي.)

لكن بعد كده

والموضوع ده كان امبارح بس ...كنا ماشيين 3 ستان وبناتي الاتنين .كنا رايحين نزور صديقه رابعه لينا مش بعيده قوي ومش قريبه قوي عن المكان اللي احنا فيه

وكل واحده فيهم كانت بتقول لي زوجي هايوصلنا

قلت لهم ...مع نفسكم خلوه يوصلكم وانا هاحصلكم انا والبنات مشي

المهم اتشجعوا ومشيوا معايا

وفرحوا جدا واتفقنا نبقى ننزل نمشي تاني بعد كده

طولت عليكم ........بس دي كانت تجربتي ......ويارب اقدر اكمل

بس المشكله هاتبقى في الصيف بقه والحر

لكن ...اني امشي شويه ..احسن من اني ما امشيش خالص

تحياتي