تحية الوداع الجديده

[wa7d]

لقد لاحظت فى الأفلام المصرية نوع جديد من تحية الوداع . قبل السفر يقول المسافر " لا إله إلا الله " ويرد عليه المودع " محمد رسول الله " والحقيقه لاأعرف قواعد هذه التحية فهى جديده جدا - الظاهر إننى ظولت خارج مصر .، وما مناسباتها ومتى تقال ولماذا ؟ .

ماذا حدث لتحية الإسلام " السلام عليكم ورحمة الله وبركاته " والرد " وعليكم من السلام ورحمة الله وبركاته " . أو حتى " مع السلامه " والرد " الله يسلمك " . وهل أصبحت هذه سائده فعلا أم هى حركات سيما من تأليف حسن الإمام " الله يرحمه " ؟؟؟ .

أرجو الإفاده فى هذا الموضوع حتى لا أحرج يعنى وأعمل مثل عادل إمام وحد يقول لى " لا إله إلا الله " ارد عليه " الحمد لله " .

ملحوظه : كنت سوف أكتب هذا الإستفسار فى باب دعوة للإبتسام ولكنى خفت أن تكون هذه من ضمن الصحوة الأسلامية وأضيع فى سؤال.

[Salwa]

سيادتك اكيد مسلم ..!!!؟؟؟؟

اصل انا لما سافرت من 300 سنة .........

كل اهلى قالوا لى ...لااله الا الله ...وانا قلت لهم ..محمد رسول الله .

وامى ...رحمها الله ..

كتبت ورقتين ...ورقة معاها مكتوب فيها ..لااله الا الله .

واعطتنى ورقة مكتوب فيها ...محمد رسول الله ..

وده معناه ...عند المسلمين ....

نشوف وشك بخير ..

والكلمتين يتجمعوا مع بعض ...كوضعهم الطبيعى ..

ممكن برضه تسأل فى باب الابتسام ......ّّّّّ!!!!!!

[Handicraft]

Wa7d

الملفت للنظر إن اللوجو بتاعك هلال وتلات نجوم وكمان اخضر وبالرغم من كده دى اول مرة تاخد بالك من موضوع تحية الوداع الغريبة دى ... معلهش حصل خير وتعيش وتكتشف

وحياة الغاليين هندك لما تيجى مسافر تبقى تدينى خبر علشان اقول لك لا اله الا الله وحاكملهالك انا يا عم محمد رسول الله

.

[ragab2]

وما رأيك لما

يعزمك واحد لتناول الطعام معه وتقول له بالهنا والشفا

ثم تفاجأ به يرد عليك بقوله .. الله يشفيك

وكان هذا الرد فى السابق معيبا

[wa7d]

اصل انا لما سافرت من 300 سنة .........

كل اهلى قالوا لى ...لااله الا الله ...وانا قلت لهم ..محمد رسول الله .

من 300 سنه يا أخت سلوى . أنا عرفت إنتى مين .... كليوباترا

طيب إزاى أنا محدش قال لى كده أبدا ؟؟ ............ لا تجاوبى هذا السؤال

[wa7d]

الملفت للنظر إن اللوجو بتاعك هلال وتلات نجوم وكمان اخضر وبالرغم من كده دى اول مرة تاخد بالك من موضوع تحية الوداع الغريبة دى ... معلهش حصل خير

لأ محصلش خير بأه .... أنا بسافر كتير ‍. مفيش حد يقولها حتى مجاملة

وما رأيك لما

يعزمك واحد لتناول الطعام معه وتقول له بالهنا والشفا

ثم تفاجأ به يرد عليك بقوله .. الله يشفيك

سوف أفهم إن الأكل كان وحش جدا clp::

يعنى ممكن أقولها لأى حد .... رئيسي فى الشغل مثلا , أم ليها قواعد معينه ؟ وهل باقى البلاد العربية تستخدم هذه التحية أم مصر فقط ؟.

i*:

[Salwa]

انا عارفة ان لما حد يقول للتانى ...بالهنا والشفاء ..

يرد يقول ...على بدنك.

ولما حد يقول ...بعد الأكل ..الحمد لله .

ترد تقول ...يستاهل الحمد ..

فيه ناس دائما تقول ..تستاهل الحمد ..وده غلط جدا جدا ..

لأن اللى يستاهل الحمد ..هو الله سبحانه وتعالى ....مش صاحب العزومة والا صاحب البيت ..!!

ومثلا فيه كلمات ومجاملات كتير تقال غلط وللأسف ..اللى يعرف ..بيكسل..يصلح..للى ميعرفش......وده غلط كبير.

يعنى انا رأيت فى الحج واحدة وهى داخلة الحمام تقول اعوذ بالله من الشيطان الرجيم ..

قلت لها ياحاجة ..حرام كدة ..قولى ..اعوذ بك من الشيطان الرجيم وحرام تقولى لفظ الجلالة فى مكان غير طاهر ...

بصت لى كأنى عندى تخلف عقلى ...

ولما خرجت من الحمام قلت لها ....شفيتم ...

قالت لى يعنى ايه ؟؟

قلت لها لما حد يقولك شفيتم ..تردى تقولى عفيتم ...

برضه بصت لى المرة دى .....وكانت حاتضربنى ...........وانا بضحك..

ولما سألتنى انتوا تبع مين ؟..وقلت لها مجموعة اوروبا .....بصت لى باستغراب

وقالت لى ..انتى ياختى مش عاوزة تدخلى الحمام ؟؟؟

وعاوزة اقول مش كل الناس ممكن تتقبل ان تصلح لها مفاهيمها ..

شكلها كدة دماغها وجعها .وانا عاملة معاها زى مدرسات العربى ...

سلامى.

[فــيــروز]

فيه ناس بيقولوا ان قصب السبق فى هذا الموضوع يعود الى فيلم فى بيتنا رجل

اما زبيده ثروت كانت بتودع عمر الشريف و قالت له اما بيكون بابا مسافر ماما تعمل ورقه زى دى وتكتب عليها "لا اله الا الله محمد رسول الله" و تقسمها نصين وكل واحد يحتفظ بنص عشان يضمنوا يرجعوا لبعضيهم !!

الحقيقه بعض الناس يرون حرمانيه فى هذا الموضوع كما قرات فى بعض المنتديات وان المفروض تكون مقدساتنا بعيده عن هذه الافكار لكن انا الحقيقه مش قادره اكون راى اصلا فى الموضوع ..

[DARWEEN]

فيه ناس بيقولوا ان قصب السبق فى هذا الموضوع يعود الى فيلم فى بيتنا رجل

اما زبيده ثروت كانت بتودع عمر الشريف و قالت له اما بيكون بابا مسافر ماما تعمل ورقه زى دى وتكتب عليها "لا اله الا الله محمد رسول الله" و تقسمها نصين وكل واحد يحتفظ بنص عشان يضمنوا يرجعوا لبعضيهم !!

الحقيقه بعض الناس يرون حرمانيه فى هذا الموضوع كما قرات فى بعض المنتديات وان المفروض تكون مقدساتنا بعيده عن هذه الافكار لكن انا الحقيقه مش قادره اكون راى اصلا فى الموضوع ..

أنتي 100% صح يافيروز

الموضوع أصلا ليس له سند ديني أو أي تواتر عن أي من السلف

وفعلا قبل هذا المشهد في فيلم في بيتنا رجل لم تكن لهذه التحيه أي وجود في المجتمع المصري

[ابوحميد]

السلام عليكم و رحمة الله......كيف حالكم

انا اعتقد ان الصحيح هو ما قاله الاخ داروين "الموضوع أصلا ليس له سند ديني أو أي تواتر عن أي من السلف "

و مع ان قول لا اله الا الله هو شيئ طيب في ذاته الا ان قولها في التوديع ليس من السنة، و لو كان مشروعا لعلمنا اياه رسولنا و هو القائل "ماتركت شيئا يقربكم من الجنة الا امرتكم به" و لفعله صحابته الكرام و هم احرص الامة علي اتباع السنة، ولما لم يحصل هذا و لا ذاك دل ذلك علي ان هذا الفعل ليس من الدين

و الافضل هو اتباع سنة نبينا فيقول المودع للمسافر:

"كان إذا ودع رجلا أخذ بيده، فلا يدعها حتى يكون الرجل هو الذي يدع يده و يقول: أستودع الله دينك، و أمانتك، و خواتيم عملك" الألباني صحيح الجامع 4795

و يقول المسافر للمودع:

"من أراد أن يسافر، فليقل لمن يخلف: استودعكم الله الذي لا تضيع ودائعه" الألباني الكلم الطيب 168

فها هي فرصة لاحياء سنة اماتها الناس و عملوا بما ابتدعوه

و ليبدأ كل منا بنفسه لعلنا يكون لنا نصيب من حديث احياء السنة "من سن في الاسلام سنة حسنة كان له اجرها و اجر من عمل بها الي يوم القيامة......."

[Salwa]

شوفوا ياجماعة الخير .......

بيتهيألى مؤلف ..فى بيتنا رجل...كان احسان عبد القدوس ؟؟؟

انا معرفش الفيلم كان سنة كام ؟؟

لكنى اتذكر.......................كويس جدا جدا...

ان حتى والدتى عندما كانت تتحدث تليفونيا مع اخواتها او والدتها ..كانت تختم المكالمة بقول .لااله الا الله ..

ده بقى صح...او..غلط........معرفش.

لكن ...بالتأكيد....مش احسان عبد القدوس اللى علم الناس تقول كدة ؟؟؟؟؟؟

واحتمال هو ...اللى ...اقتبسها من الناس اللى كان بيتعامل معاها ..

خصوصا انها منتشرة اكثر ...بين الناس اللى مش بتشوف التلفزيون .

واما حكاية الورقة ........

اخى سافر من 40 سنة ........!!!!......ومازال يحتفظ بالورقة التى كتبتها له والدتى

وورقة اخرى بها دعاء ...

كل واحد من حقه يقول اللى هو عاوزه...........

لكن............سواء كان صح...او...سواء كان غلط....

لااعتقد ان امى كانت تقلد الافلام .....حتى قبل ....عرض الفيلم ..

وبالمناسبة ....

انا عندى ميدالية دهب ..// قديمة جدا //..تنقسم قسمين ...واحد مكتوب عليه لااله الا الله والآخر محمد رسول الله ....وليس لها اى علاقة ...نهائى ..طبعا ...بالسلاسل والكلام الفاضى والقلوب ..وال..مش عارف ايه ؟؟؟...ودى خاصة بوالدتى ووالدتها ..

ايه رأيكم ؟؟؟

عموما هى تحية لاضرر منها ...ولم يقل احد نهائى انها سنة عن الرسول الكريم ..

زى مثلا ..........سواء عند سفرى من هنا ..لهناك...او من هناك لهنا ...

اقول ...ان الذى فرض عليك القرآن لرادك الى معاد .....

صباح الخير...

[ابوحميد]

عموما هى تحية لاضرر منها ...ولم يقل احد نهائى انها سنة عن الرسول الكريم ..

زى مثلا ..........سواء عند سفرى من هنا ..لهناك...او من هناك لهنا ...

اقول ...ان الذى فرض عليك القرآن لرادك الى معاد .....

طيب و هل نحن احرار في ان نستخدم القرآن او الأذكار في اي غرض نريده دون دليل شرعي؟؟

لأ طبعا ......و الا لأصبح الأمر فوضي.....كل واحد يستخدم الايات في اي شيئ يحلو له!!!

نكتب في افتتاح المحلات "انا فتحنا لك فتحا مبينا" و علي محلات العصير "و سقاهم ربهم شرابا طهورا" ....و ....و....

السنا عندما نقول لا اله الا الله و يقول المسافر محمد رسول الله، السنا نرجو من الله ان يجمعنا سويا مرة اخري؟ ام اننا نقولها كده في الهوا و خلاص

إذن سواء إدعينا انها سنة ام لم ندعي فهو استخدام للاذكار في غير محلها

[wa7d]

الذى فهمته أن هذه التحية ماهى إلا تقرير لوضع معين ولا تقال إلا بين الأزواج أو المخطوبين . وهم فى هذه الحالة كأنهم بقولون إن الوضع الطبيعى أن نكون معا وهذا الوداع مجرد ظرف طارئ . وهم يستخدمون الذكر "لاأله إلا الله محمدرسول الله " للدلالة على ذلك ، وقد تكون هنا مقبوله رغم إن - كما الأخ حميدو

طيب و هل نحن احرار في ان نستخدم القرآن او الأذكار في اي غرض نريده دون دليل شرعي؟؟

لأ طبعا ....

واوافقه على ذلك .

ولكن يجب أن يحذر ذكرها بين الزملاء فى العمل وإلا كان لها معنى آخر . وقد تسبب إحراج وإهانه لذكر شريف . كهذا الموقف . زميل فى العمل معجب بزميله ( للزواج ) ويريد التلميح لها يشعوره نحوها فينتهز فرصة ويقول لها " لاإله إلا الله " إذا كانت هى لا ترعب فى أن تعطيه أى إشارة بقبولها لتلميحته . فماذا تفعل ...... لاترد عليه ..... أو ترد عليه وتظهر له عدم رضاها . وفى الحلتين لانرضى نحن لهذا الذكر ذلك .

كلام سليم ولا فيه رأى آخر .

[Byte]

يعنى انا رأيت فى الحج واحدة وهى داخلة الحمام تقول اعوذ بالله من الشيطان الرجيم ..

قلت لها ياحاجة ..حرام كدة ..قولى ..اعوذ بك من الشيطان الرجيم وحرام تقولى لفظ الجلالة فى مكان غير طاهر ...

الدعاء اعوذ بالله من الخبث والخبائث ، ويذكر فيه لفظ الجلالة، ويكون قبل دخول الحمام!