ماذا تفعل الزوجه ؟؟؟؟؟؟؟؟؟؟؟؟؟

[pocy]

هبدأ الاول الحكايه وتعالوا نحكيها من البدايه

لما كانت البنت معيده فى الجامعه وجالها عريس زى ما بقولوا لقطه بيشتغل فى الامارات مهندس وفى شهر لاقوا نفسهم متجوزين لان اجازته كانت شهرين وهبا وسافر العريس وساب مراته اللى ربنا كرمها بقت حامل وسابت الجامعه واشتغلت مدرسه فى مدرسه جنب بيتها وبعد فتره ليست بطويله من سفر الزوج بدأت الزوج فى افتعال المشاكل وعندما حان الوقت لولاده الطفله الاولى افتعلت امه مشكله جعلته لا يريد النزول وقام والد الزوجه بدفع كافه مصاريف المستشفي مع العلم (ان المشكله كانت بسبب ان ليه تولد فى مستشفي خاص بفلوس ما تولد فى مستوصف هى بعزقه فلوس ولا ايه مع العلم ان المهندس كان بقاله 10 سنين فى الامارات يعنى تبارك الرحمن معاه فلوس المهم ) وبعد نزل الزوج بعد فتره من الولاده ليري ابنته وكان جايب لامه ست غووايش دهب اماراتى من النوع التخين لان امه مش بتحبهم رفيعين وجايب لامراته عقد أفتعلت امه مشكله انها تريد هذا العقد لانه شكله حلو بعد اسبوع من لما الزوجه لبسته وطبعا لا نستطيع رفض طلب الام حتى لو كانت طامعه وعندها اعتقاد ان الزوجه هتاخد ابنها بفلوسه المهم ماتت ام الزوج قبل ان تتسبب في طلاق الزوجه من الزوج والحمد لله وبعد ذلك انجبت البنت الاخرى ووالد الزوج قد توفي هو الاخر وكان كل فلوس ابنه محطوطه باسمه فتقاسمها الاخوه دا طبعا غير ان البنت اخدت كل دهب امها وده حصل يوم وفاتها لمت كل الدهب وحطته فى شنطتها المهم

الان الاخ يعطى اخوه كل فتره جزء من المال حتى يكبر بيها المحل ولكن مالم تكن تعلمه الزوجه انه كل المحلات باسم اخو زوجها وان زوجها ليس هناك شئ باسمه ولا تعرف شئ عن فلوس زوجها والمشكله الاكبر انها لديها تلاته ابناء وهى التى تربيهم ومستحمله بعد الاب بسببهم وتقول في نفسها اهه مش مهم ادينا بنبنى مستقبلهم هو بالفلوس وانا بالتربيه وربنا يخليها فى ميزان حسناتهم

اخوانى الافاضل انا اعتبر عدم بوح الزوج للزوجه باشياء مثل ما معه وما عليه والتداخلات بينه وبين اخوانه دى عدم ثقه بين الزوج والزوجه وبقاله 15 سنه متزوجين لو حسبنا عدد الشهور خلال تلك المده فسنرى انها تحصي على اصابع اليدين

فماذا تفعل الزوجه في حق ابنائها وهل لديهم حق ام انه يوم لا قدر الله يحدث شئ فانها ستكون فى الباي باي هى واولادها ؟؟؟؟؟؟؟؟؟؟؟؟

وهل لو انها حدث زوجها عن مستقبل اولادهم فهل سيكون هذا صعب عليه أم ماذا ؟؟؟؟؟؟؟؟؟؟؟؟؟؟؟

تم تعديل 11 نوفمبر 2009 بواسطة pocy

[الباشمهندس ياسر]

انا لسه عامل عقد مشاركة لعمارة من يومين بالظبط

و عشان ظروف سفرى و مفيش وقت ..

قررت ان اللى يكتب العقد يبقى اخويا الاصغر منى و ظبطت كل حاجة قبل ما اسافر

يا ترى المفروض انى افكر ازاى بعد الموضوع بتاعك يا بوسى :unsure:

[doudy]

كل اللى اقدر اقوله فى موضوع صاحبتك يا بوسى

ان الزمن و الفلوس بتغير النفوس

النهاردة اخوه بكرة مش اخوه

الافضل طبعا انها تكلم زوجها فى الموضوع دة

و لو انى اعتقد ان رده هيكون (انتى بتشككينى فى اخويا و عايزة تفرقى بينا )

بس طبعا كلامه دة عين الغلط و لازم يكون له زمة مالية بعيدة عن اخوته

لان العمر مش مضمون و بيد الله ممكن لا قدر الله يتوفى و اللى يتعب هما ولاده و زوجته من بعده

فى مشاكل مع اخوته :unsure:

[Simba]

يادي الفلوس اللي تعبت الناس

وخلت انسانة المفروض جامعية ومثقفة

( معلش اصلي دبلوم ومنفسن شوية )

خلتها تجيب سيرة امرأة في ذمة الله وتعدد عيوبها

ثم بما ان الزوج والمفروض انه مش مقصر في متطلباتهم هو حر في فلوسه وهي يعني بتعد الشهور التي لا تحصي علشان تبقي العلاقة علاقة مال وبس .. الله المستعان

قولي ليها اتقي الله في نفسها واولادها وفي زوجها المتغرب علشانهم

[om marawan]

هو الموضوع مش كده ياسمبا .....

هى صحيح غلطانة فى حاجات لكن الله اعلم بنواياها بس بشكل عاااام غربة الزوج برضه بيدفع تمنها الاتنين

يعنى أى زوجة وجودها لوحدها مش معناها انها سعيدة يعنى

ولا فى اى زوجة بتحب الوضع ده ...انها تربى لوحدها صدقنى دى مسئولية مش سهلة ابدا

وفعلا مع الوقت نفسيتها بتتعب وتتغير احيانا الا من رحم ربى

الفكرة اللى انا مستغربة منها فى الحالة دى ان لو اخواته عارفين حق اخوهم كان مفروض مياخدوش فلوسه اللى شايلها مع والده حتى لو كانت ورث

ده على اساس انهم عارفين وواثقين انها فلوس اخوهم ومش من مال والدهم

وزى ما دودى قالت الاعمار بيد الله والموضوع مش فلوس قد ماهو موقف

يعنى انا مش متخيلة ان اخويا يشيل مع والدى فلوس انا عارفة انها حقه واخدها ورث من والدى رحمه الله

هو صحيح شرعا هو ميراث لانها فلوس والدى لكن انا باتكلم عن علاقة الاخوة اللى اعرف بيها كويس جدا انه تعب اخويا وفلوس اولاده اللى برضه محرومين من وجود ابوهم

الحقيقة انا ماعنديش نصيحة محددة تقدر تعملها لاننا برضه بعيد عن الموضوع وبنسمع من طرف واحد وكل واحد فى القصة دايما له وجهة نظر مختلفة

لكن هى تستشير حد من كبار العائلة يكون على معرفة بطبيعتهم وتفكيرهم ويقدر ينصحها

تم تعديل 11 نوفمبر 2009 بواسطة om marawan

[ذهبية]

يادي الفلوس اللي تعبت الناس

وخلت انسانة المفروض جامعية ومثقفة

( معلش اصلي دبلوم ومنفسن شوية )

خلتها تجيب سيرة امرأة في ذمة الله وتعدد عيوبها

ثم بما ان الزوج والمفروض انه مش مقصر في متطلباتهم هو حر في فلوسه وهي يعني بتعد الشهور التي لا تحصي علشان تبقي العلاقة علاقة مال وبس .. الله المستعان

قولي ليها اتقي الله في نفسها واولادها وفي زوجها المتغرب علشانهم

انا مختلفة مع حضرتك قالبا و موضوعا و على كلامتك القاسية للزوجة

هل معنى انها جامعية انها تضع يافطة على بقها و تقول لا تعليق و فلوسة هو حر فية

لا يا سيدى الامور لا تحسم بهذا الشكل ابداااااا

يا سيدى لية انا اضع نفسى فى نقطة ضعف و انا الان فى غنى عنها افرض حضرتك ان عقد الزوج انفسخ فجاة و رجع الى ارض مصر ما سوف يكون الحال حضرتك

افرض ان الاخ الى كاتب المحل باسمة انكرة و قال دة بتاعى و عرقى و تعبى و انت عايز تاخد على الجاهز و المحل بيخسر

انا بتعب و انت برة مش حاسس بحاجة و انت معاك كتير رررر انا معيش اى شىء و

(((((((واللى بيعوز يحلل لنفسة فلوس مش بتاعة سهل قوى يطلع الف عزر و عزر )))))))))))

و لا تنسى ان الاخوة عارفين ان اصل فلوس الاب بتاعة الاخ و انكروهاااا و قسموها دة معناة اية

يا سيدى من حق الزوج ان يفعل ما يريد قبل ان يرتبط و يوزع فلوس زى ما هو عايز

لكن بعد الزواج اعتقد ان الوضع اتغير تماما خاصة انة مش هو بس اللى بيدفع فاتورة الغربة

خاصة ان من حق ولادى الى انا باربيهم لوحدى انى احافظ على حقهم لا دة عيب و لا حرام

لاحظ نى انا الان بصحتنى اعرف اجيب قرش طيب حضرتك لو الزمن اتغير و تعبت لاى سبب من الاسباب ياترى ساعتها هامد ايدى لاخواتى علشان اعرف اصرف على ولادى لان الفلوس اصلها بتاعتى

تفتكر حضرتك ساعتها اخواتى هيفتكروا دة يا سيدى لية ادخل نفسى فى متاهة انا فى غنى عنها

اة خلى اخوك يشتغل فى فلوسك لكن بطريقة تضمن حقك لو حصل اى ظرف طارىء لاى سبب كان اكون فى الامان و اترك للنفس البشرية دورها

زى ما قال المثل البلدى المال السايب يعلم السرقة

واذا كنت اخوات اتحاسبوا

مش عيب و لا حرام انى اعمل حساب الزمن و اعمل حساب تغير النفوس و اعمل حساب بكرة

هو انا ارمى نفسى فى البحر و اقول اة انا باعرف اعوم و انا هلاقى اللى ينقذنى ما من الاول وانت بصحتك اعرف انت بتعمل اية و ماشى ازاى

لانك متعرفش بكرة هيحصل اية ؟؟؟؟و لا انصح برضة انة يكتب شىء باسم الزوجة لا دة و لا دة كل واحد اولى بتعبة و عرقة

عايز تدى هدايا هبات صدقة اى شىء انت حر لكن كل تعبك و عرقك لا و الف لا

ذهبية

[Simba]

انا مختلفة مع حضرتك قالبا و موضوعا و على كلامتك القاسية للزوجة

هل معنى انها جامعية انها تضع يافطة على بقها و تقول لا تعليق و فلوسة هو حر فية

لا يا سيدى الامور لا تحسم بهذا الشكل ابداااااا

يا سيدى لية انا اضع نفسى فى نقطة ضعف و انا الان فى غنى عنها افرض حضرتك ان عقد الزوج انفسخ فجاة و رجع الى ارض مصر ما سوف يكون الحال حضرتك

افرض ان الاخ الى كاتب المحل باسمة انكرة و قال دة بتاعى و عرقى و تعبى و انت عايز تاخد على الجاهز و المحل بيخسر

انا بتعب و انت برة مش حاسس بحاجة و انت معاك كتير رررر انا معيش اى شىء و

(((((((واللى بيعوز يحلل لنفسة فلوس مش بتاعة سهل قوى يطلع الف عزر و عزر )))))))))))

و لا تنسى ان الاخوة عارفين ان اصل فلوس الاب بتاعة الاخ و انكروهاااا و قسموها دة معناة اية

يا سيدى من حق الزوج ان يفعل ما يريد قبل ان يرتبط و يوزع فلوس زى ما هو عايز

لكن بعد الزواج اعتقد ان الوضع اتغير تماما خاصة انة مش هو بس اللى بيدفع فاتورة الغربة

خاصة ان من حق ولادى الى انا باربيهم لوحدى انى احافظ على حقهم لا دة عيب و لا حرام

لاحظ نى انا الان بصحتنى اعرف اجيب قرش طيب حضرتك لو الزمن اتغير و تعبت لاى سبب من الاسباب ياترى ساعتها هامد ايدى لاخواتى علشان اعرف اصرف على ولادى لان الفلوس اصلها بتاعتى

تفتكر حضرتك ساعتها اخواتى هيفتكروا دة يا سيدى لية ادخل نفسى فى متاهة انا فى غنى عنها

اة خلى اخوك يشتغل فى فلوسك لكن بطريقة تضمن حقك لو حصل اى ظرف طارىء لاى سبب كان اكون فى الامان و اترك للنفس البشرية دورها

زى ما قال المثل البلدى المال السايب يعلم السرقة

واذا كنت اخوات اتحاسبوا

مش عيب و لا حرام انى اعمل حساب الزمن و اعمل حساب تغير النفوس و اعمل حساب بكرة

هو انا ارمى نفسى فى البحر و اقول اة انا باعرف اعوم و انا هلاقى اللى ينقذنى ما من الاول وانت بصحتك اعرف انت بتعمل اية و ماشى ازاى

لانك متعرفش بكرة هيحصل اية ؟؟؟؟و لا انصح برضة انة يكتب شىء باسم الزوجة لا دة و لا دة كل واحد اولى بتعبة و عرقة

عايز تدى هدايا هبات صدقة اى شىء انت حر لكن كل تعبك و عرقك لا و الف لا

كلام جميل وهايل ماليش اي حق ان اعترض علي جملة واحدة فيه ... لكن بهدوء كده كلنا عارفين ان الاسرة مسئولية الرجل ومفيش اي رجل عاقل هيدي فلوسه كلها لاخوه ...خصوصا والزوجة تقريبا ماسكة الة حاسبة له من ساعة ما اتجوزت والله اعلم

انا لا اعرف الزوج ولا اعرف الزوجة لكن احساسي كواحد متغرب ان اي حد عايز اولاده يكون احسن اولاد في الدنيا مش هيحرمهم من حاجة يعني وبيحاول يعمل لهم مستقبلهم بفضل توفيق ربنا طبعا في الاول والاخر ففي الغالب كده والله اعلم المسالة مسألة مساعدة مش اكتر ولا اقل ويمكن هو حاسس انه في غني عن المبلغ ده

العاقلة

تروح كده تسمع حكاوي المطلقات والبخل والطرد في الشارع والأهانة وتحمد ربنا علي نعمة الاستقرار اللي هي فيه وتدعي لجوزها ربنا يعينه في غربته

طبعا مش قصدي ان الرجال بتتفضل علي زوجاتهم بالنعمة دي اللي اقصده ان نعمة الاستقرار دي فضل كبير اوي من ربنا محدش يحسها الا اللي محروم منها

تم تعديل 11 نوفمبر 2009 بواسطة سمبا

[pocy]

انا لسه عامل عقد مشاركة لعمارة من يومين بالظبط

و عشان ظروف سفرى و مفيش وقت ..

قررت ان اللى يكتب العقد يبقى اخويا الاصغر منى و ظبطت كل حاجة قبل ما اسافر

يا ترى المفروض انى افكر ازاى بعد الموضوع بتاعك يا بوسى :sad:

ههههههههههه ان اسفه بس ضحكتنى بالشكل اللى انت حاطه

بص يا باشمهندس ياسر انا عامله لاخويا توكيل عام وحتى كمان للبنوك عارف ليه لانى اثق بيه مليون فى الميه ولو جوزى كمان عايز يعمل لاخوه انا برضه موافقه مليون فى الميه عارف ليه لانى عارفه الاتنين دول متربين ازاى وان اللى في ايديهم مش ليهم لا لغيرهم وانا اعتقد انك ان شاء الله نفس الحاله لان اللى متربي كويس وعارف حق ربنا عليه استحاله عارف يعنى ايه استحاله يستحل فلوس غيره لنفسه وربنا الموفق ان شاء الله

كل اللى اقدر اقوله فى موضوع صاحبتك يا بوسى

ان الزمن و الفلوس بتغير النفوس

النهاردة اخوه بكرة مش اخوه

الافضل طبعا انها تكلم زوجها فى الموضوع دة

و لو انى اعتقد ان رده هيكون (انتى بتشككينى فى اخويا و عايزة تفرقى بينا )

بس طبعا كلامه دة عين الغلط و لازم يكون له زمة مالية بعيدة عن اخوته

لان العمر مش مضمون و بيد الله ممكن لا قدر الله يتوفى و اللى يتعب هما ولاده و زوجته من بعده

فى مشاكل مع اخوته

حبيبتى دودى والله كلامك عين العقل وده فعلا اللى حصل وقاله لما حاولت تتكلم تخيلي ان اخواته يغيروا كل حاجه فى شققهم وويطلبوا منه ويديهم ولما تقوله الشقه بقالها 17 سنه على كده ونفسنا نبيط الحيطان ونركب سيراميك بدل البلاط تخيلوا رده مرضاش يديها لانه عارف انها هتوضب من فلوسها لو هو مرضاش وفعلا للاسف ده اللى حصل وكانت عملهاله مفاجأة لما نزل وكل مره ينزل يلاقيه عاملاله من فلوسها تغير في الشقه مره فى اوضه الاطفال ومره فى الاوضه بتاعتهم ومره فى اوه السفره ومره فى الصاله و مره فى المطبخ وكله بفلوسها لانه بكل بساطه مش عايز يكون معاها فلوس

المشكله تفاقمت لما عرفت ان اخوا جوزها اشتري ارض طب منين دفع فلوس الارض دى؟؟؟؟؟؟؟؟؟؟؟؟؟؟؟

يادي الفلوس اللي تعبت الناس

وخلت انسانة المفروض جامعية ومثقفة

( معلش اصلي دبلوم ومنفسن شوية clp:: )

خلتها تجيب سيرة امرأة في ذمة الله وتعدد عيوبها

ثم بما ان الزوج والمفروض انه مش مقصر في متطلباتهم هو حر في فلوسه وهي يعني بتعد الشهور التي لا تحصي علشان تبقي العلاقة علاقة مال وبس .. الله المستعان

قولي ليها اتقي الله في نفسها واولادها وفي زوجها المتغرب علشانهم

اخى الفاضل سيمبا

انا لا انكر ان الزوجه تاخد مصروفها من اخو زوجها شهريا اينعم هو بيتاخر عليها على حسب ظروفه ممكن اول يوم فى الشهر او فى نصه وهى بتصرف نفسها من اهلها لحد ما يجبلها اخوه الفلوس بس كلامك صعب شويه ولى تعليق تانى علي كلامك فى النهايه وده رأئي الشخصي ان شاء الله

هو الموضوع مش كده ياسمبا .....

هى صحيح غلطانة فى حاجات لكن الله اعلم بنواياها بس بشكل عاااام غربة الزوج برضه بيدفع تمنها الاتنين

يعنى أى زوجة وجودها لوحدها مش معناها انها سعيدة يعنى

ولا فى اى زوجة بتحب الوضع ده ...انها تربى لوحدها صدقنى دى مسئولية مش سهلة ابدا

وفعلا مع الوقت نفسيتها بتتعب وتتغير احيانا الا من رحم ربى

الفكرة اللى انا مستغربة منها فى الحالة دى ان لو اخواته عارفين حق اخوهم كان مفروض مياخدوش فلوسه اللى شايلها مع والده حتى لو كانت ورث

ده على اساس انهم عارفين وواثقين انها فلوس اخوهم ومش من مال والدهم

وزى ما دودى قالت الاعمار بيد الله والموضوع مش فلوس قد ماهو موقف

يعنى انا مش متخيلة ان اخويا يشيل مع والدى فلوس انا عارفة انها حقه واخدها ورث من والدى رحمه الله

هو صحيح شرعا هو ميراث لانها فلوس والدى لكن انا باتكلم عن علاقة الاخوة اللى اعرف بيها كويس جدا انه تعب اخويا وفلوس اولاده اللى برضه محرومين من وجود ابوهم

الحقيقة انا ماعنديش نصيحة محددة تقدر تعملها لاننا برضه بعيد عن الموضوع وبنسمع من طرف واحد وكل واحد فى القصة دايما له وجهة نظر مختلفة

لكن هى تستشير حد من كبار العائلة يكون على معرفة بطبيعتهم وتفكيرهم ويقدر ينصحها

الاخت الفاضله ام مروان اولا شكرا على ردك الكريم والله انا برضه استغربت لما عرفت انها ورثوا كده فى اخوهم مش في ابوهم ومش لمجرد انه باسم الوالد يبقي خلاص بتاعنا بس طبعا الاخ الاكبر قال مش مهم يورثوا علشان يكون كل واحد معاه فلوس و مش يحتاجوا لحد يعنى هو اللى ساب حقه

يادي الفلوس اللي تعبت الناس

وخلت انسانة المفروض جامعية ومثقفة

( معلش اصلي دبلوم ومنفسن شوية gt: )

خلتها تجيب سيرة امرأة في ذمة الله وتعدد عيوبها

ثم بما ان الزوج والمفروض انه مش مقصر في متطلباتهم هو حر في فلوسه وهي يعني بتعد الشهور التي لا تحصي علشان تبقي العلاقة علاقة مال وبس .. الله المستعان

قولي ليها اتقي الله في نفسها واولادها وفي زوجها المتغرب علشانهم

انا مختلفة مع حضرتك قالبا و موضوعا و على كلامتك القاسية للزوجة

هل معنى انها جامعية انها تضع يافطة على بقها و تقول لا تعليق و فلوسة هو حر فية

لا يا سيدى الامور لا تحسم بهذا الشكل ابداااااا

يا سيدى لية انا اضع نفسى فى نقطة ضعف و انا الان فى غنى عنها افرض حضرتك ان عقد الزوج انفسخ فجاة و رجع الى ارض مصر ما سوف يكون الحال حضرتك

افرض ان الاخ الى كاتب المحل باسمة انكرة و قال دة بتاعى و عرقى و تعبى و انت عايز تاخد على الجاهز و المحل بيخسر

انا بتعب و انت برة مش حاسس بحاجة و انت معاك كتير رررر انا معيش اى شىء و

(((((((واللى بيعوز يحلل لنفسة فلوس مش بتاعة سهل قوى يطلع الف عزر و عزر )))))))))))

و لا تنسى ان الاخوة عارفين ان اصل فلوس الاب بتاعة الاخ و انكروهاااا و قسموها دة معناة اية

يا سيدى من حق الزوج ان يفعل ما يريد قبل ان يرتبط و يوزع فلوس زى ما هو عايز

لكن بعد الزواج اعتقد ان الوضع اتغير تماما خاصة انة مش هو بس اللى بيدفع فاتورة الغربة

خاصة ان من حق ولادى الى انا باربيهم لوحدى انى احافظ على حقهم لا دة عيب و لا حرام

لاحظ نى انا الان بصحتنى اعرف اجيب قرش طيب حضرتك لو الزمن اتغير و تعبت لاى سبب من الاسباب ياترى ساعتها هامد ايدى لاخواتى علشان اعرف اصرف على ولادى لان الفلوس اصلها بتاعتى

تفتكر حضرتك ساعتها اخواتى هيفتكروا دة يا سيدى لية ادخل نفسى فى متاهة انا فى غنى عنها

اة خلى اخوك يشتغل فى فلوسك لكن بطريقة تضمن حقك لو حصل اى ظرف طارىء لاى سبب كان اكون فى الامان و اترك للنفس البشرية دورها

زى ما قال المثل البلدى المال السايب يعلم السرقة

واذا كنت اخوات اتحاسبوا

مش عيب و لا حرام انى اعمل حساب الزمن و اعمل حساب تغير النفوس و اعمل حساب بكرة

هو انا ارمى نفسى فى البحر و اقول اة انا باعرف اعوم و انا هلاقى اللى ينقذنى ما من الاول وانت بصحتك اعرف انت بتعمل اية و ماشى ازاى

لانك متعرفش بكرة هيحصل اية ؟؟؟؟و لا انصح برضة انة يكتب شىء باسم الزوجة لا دة و لا دة كل واحد اولى بتعبة و عرقة

عايز تدى هدايا هبات صدقة اى شىء انت حر لكن كل تعبك و عرقك لا و الف لا

ذهبية

هلا باختى وحبيبتى ذهبيه انا اللى خلانى اكتب الموضوع ده هو موضوع اللى كتبتيه قبل كده عن كبار السن واللى بيحصل معاهم

ونفسي اعرف رأى الرجال فيه كمان لانى برضه من فتره قريت ان فى واحد رجع بعد 30 سنه غربه ولاده طردوه من البيت وقالوله انت مين انت بس كنت بتصرف علينا مش اكتر ومش عايزينك فى حياتنا انت جاى بعد 30سنه غربه تتحكم فينا وتقول اننا عيالك وانت متعرفش عننا حاجه حتى اخواتك محدش كان بيسأل فينا ولا بيعبرنا وكنا بنروح عندهم غصب عننا بس دلوقتى خلاص احنا كبرنا وفهمنا وكنت معذبنا كنت تديهم هم كل حاجه واحنا شايل مننا كل حاجه الحياه مش اكل وشرب وبس لا دى تعليم وتأمين مستقبل أولادك ومحاجات تانيه كتير فاكر ساعه ما طلبت منك فلوس علشان اكمل تعليمى بره علشان المستقبل يبقي افضل قلت ساعتها ايه لا وماله التعليم فى مصر وانت ملكش عندى غير انى اعلمك اى علام وخلاص كويس انى خليتك تدخل جامعه من أصله و دلوقتى اقدر اقولك متشكر على تعليمك لى واللى انا مش لاقي بيه شغل جوه مصر وبدل ما تدينى الفلوس اديت اخوك الفلوس دى كبر نفسه وبقي حاجه تانيه وعياله دوقتى هم اللى بيتعلموا بره ومستقبلهم مضمون انت فاكر انك عملتلنا حاجات كتير بس للاسف انت متعرفش حاجه عننا ولا عن شخص كل واحد انت بصراحه بالنسبه لينا كنت خزنه فيها فلوس وللاسف مش كل مره مفتاحها معانا وطبعا الراجل الله يعينه بعد سنين الشقا والعذاب والغربه والتعب واخيرا راجع لبيته وجد ما وجد وقع من هول الصدمه وللحديث بقيه

انا مختلفة مع حضرتك قالبا و موضوعا و على كلامتك القاسية للزوجة

هل معنى انها جامعية انها تضع يافطة على بقها و تقول لا تعليق و فلوسة هو حر فية

لا يا سيدى الامور لا تحسم بهذا الشكل ابداااااا

يا سيدى لية انا اضع نفسى فى نقطة ضعف و انا الان فى غنى عنها افرض حضرتك ان عقد الزوج انفسخ فجاة و رجع الى ارض مصر ما سوف يكون الحال حضرتك

افرض ان الاخ الى كاتب المحل باسمة انكرة و قال دة بتاعى و عرقى و تعبى و انت عايز تاخد على الجاهز و المحل بيخسر

انا بتعب و انت برة مش حاسس بحاجة و انت معاك كتير رررر انا معيش اى شىء و

(((((((واللى بيعوز يحلل لنفسة فلوس مش بتاعة سهل قوى يطلع الف عزر و عزر )))))))))))

و لا تنسى ان الاخوة عارفين ان اصل فلوس الاب بتاعة الاخ و انكروهاااا و قسموها دة معناة اية

يا سيدى من حق الزوج ان يفعل ما يريد قبل ان يرتبط و يوزع فلوس زى ما هو عايز

لكن بعد الزواج اعتقد ان الوضع اتغير تماما خاصة انة مش هو بس اللى بيدفع فاتورة الغربة

خاصة ان من حق ولادى الى انا باربيهم لوحدى انى احافظ على حقهم لا دة عيب و لا حرام

لاحظ نى انا الان بصحتنى اعرف اجيب قرش طيب حضرتك لو الزمن اتغير و تعبت لاى سبب من الاسباب ياترى ساعتها هامد ايدى لاخواتى علشان اعرف اصرف على ولادى لان الفلوس اصلها بتاعتى

تفتكر حضرتك ساعتها اخواتى هيفتكروا دة يا سيدى لية ادخل نفسى فى متاهة انا فى غنى عنها

اة خلى اخوك يشتغل فى فلوسك لكن بطريقة تضمن حقك لو حصل اى ظرف طارىء لاى سبب كان اكون فى الامان و اترك للنفس البشرية دورها

زى ما قال المثل البلدى المال السايب يعلم السرقة

واذا كنت اخوات اتحاسبوا

مش عيب و لا حرام انى اعمل حساب الزمن و اعمل حساب تغير النفوس و اعمل حساب بكرة

هو انا ارمى نفسى فى البحر و اقول اة انا باعرف اعوم و انا هلاقى اللى ينقذنى ما من الاول وانت بصحتك اعرف انت بتعمل اية و ماشى ازاى

لانك متعرفش بكرة هيحصل اية ؟؟؟؟و لا انصح برضة انة يكتب شىء باسم الزوجة لا دة و لا دة كل واحد اولى بتعبة و عرقة

عايز تدى هدايا هبات صدقة اى شىء انت حر لكن كل تعبك و عرقك لا و الف لا

كلام جميل وهايل ماليش اي حق ان اعترض علي جملة واحدة فيه ... لكن بهدوء كده كلنا عارفين ان الاسرة مسئولية الرجل ومفيش اي رجل عاقل هيدي فلوسه كلها لاخوه ...خصوصا والزوجة تقريبا ماسكة الة حاسبة له من ساعة ما اتجوزت والله اعلم

انا لا اعرف الزوج ولا اعرف الزوجة لكن احساسي كواحد متغرب ان اي حد عايز اولاده يكون احسن اولاد في الدنيا مش هيحرمهم من حاجة يعني وبيحاول يعمل لهم مستقبلهم بفضل توفيق ربنا طبعا في الاول والاخر ففي الغالب كده والله اعلم المسالة مسألة مساعدة مش اكتر ولا اقل ويمكن هو حاسس انه في غني عن المبلغ ده

العاقلة

تروح كده تسمع حكاوي المطلقات والبخل والطرد في الشارع والأهانة وتحمد ربنا علي نعمة الاستقرار اللي هي فيه وتدعي لجوزها ربنا يعينه في غربته

طبعا مش قصدي ان الرجال بتتفضل علي زوجاتهم بالنعمة دي اللي اقصده ان نعمة الاستقرار دي فضل كبير اوي من ربنا محدش يحسها الا اللي محروم منها

احمد الله واشكر فضله على نعمه الكثيره على ويارب كملها علينا بالستر يارب

[dongol]

الستات بصراحة اليومين دول بقوا ماديين و طماعين بطريقة تخلي الواحد يملهم و يزهد فيهم

بمجرد ان الواحدة تتخطب لواحد تبقي عايزة تعرف كل مليم بيكسبه جاي منين و رايح فين و لو قدرت يديلها كل اللي بيكسبة و هي تديله مصروف كل شهر هتعملها

اما بقي بعد الجواز تقع المشكلة الكبري ليه بتدي لمامتك فلوس وليه بتساعد اخوك وليه بتشتري لاخواتك هدايا

حاجات تخلي الراجل يطلع عن شعورة و تخليه يعند معاها و يعمل عكس رايها علي طول الخط

و المهم ان الراجل عمره ما بيسأل مراته انتي بتكسبي كام من شغلك

ربنا يهدي الجميع

[pocy]

الستات بصراحة اليومين دول بقوا ماديين و طماعين بطريقة تخلي الواحد يملهم و يزهد فيهم

بمجرد ان الواحدة تتخطب لواحد تبقي عايزة تعرف كل مليم بيكسبه جاي منين و رايح فين و لو قدرت يديلها كل اللي بيكسبة و هي تديله مصروف كل شهر هتعملها

اما بقي بعد الجواز تقع المشكلة الكبري ليه بتدي لمامتك فلوس وليه بتساعد اخوك وليه بتشتري لاخواتك هدايا

حاجات تخلي الراجل يطلع عن شعورة و تخليه يعند معاها و يعمل عكس رايها علي طول الخط

و المهم ان الراجل عمره ما بيسأل مراته انتي بتكسبي كام من شغلك

ربنا يهدي الجميع

اخى الفاضل دونقل

انا ضدك فى التعميم ان الستات بقوا ماديين وكمان طماعيين

والمخطوبه لما بتيجي تسال على الامكانيات بتبقي علشان تحاول تساعده ايه اللى ناقصه وتخلى اهلها يكملوه لكن موضوع المصروف ده بشوفه فى الافلام بس حد يحوش مع خطيبته امال فين امه ولا اهله

اما بقي بعد الزواج فالتحويش بيبقي مع الزوجه لانها عارفه الحساب ازاى والمصاريف اللى لينا واللى علينا ومعتقدش ان فى زوجه تحث الزوج على عدم ارسال المال لوالدته بالعكس دى شئ اساسي جدا بمجرد ما الراجل يشتغل مش ضرورى يكون خاطب ولا متزوج لان دى امه اللى ولدته وتعبت فيه لحد ما بقي راجل وبيشتغل وبيعتمد على نفسه وموضوع مساعده اخواتك مش اشكال لما تكون مساعده مش هتضر بالبيت وبكيانه اما بقي موضوع الهدايا ده فده عائد للاتنين

ومين قال ان الزوج مش بيسأل وهو ليه يسأل طالما هو عارف كويس مرتبها اد ايه ولو محتاج منه مفيش مشكلها وفى ستات كتير قوى بتشترك بمرتبها فى البيت وايجار الشقه وخصوصا فى الغربه

انا لسه معط اخي الفاضل في كلامك وكلها وجهات نظر بالطبع

[الباشمهندس ياسر]

ههههههههههه ان اسفه بس ضحكتنى بالشكل اللى انت حاطه

بص يا باشمهندس ياسر انا عامله لاخويا توكيل عام وحتى كمان للبنوك عارف ليه لانى اثق بيه مليون فى الميه ولو جوزى كمان عايز يعمل لاخوه انا برضه موافقه مليون فى الميه عارف ليه لانى عارفه الاتنين دول متربين ازاى وان اللى في ايديهم مش ليهم لا لغيرهم وانا اعتقد انك ان شاء الله نفس الحاله لان اللى متربي كويس وعارف حق ربنا عليه استحاله عارف يعنى ايه استحاله يستحل فلوس غيره لنفسه وربنا الموفق ان شاء الله

تخيلى ان لولا الرد بتاعك ده

كنت ناوى اقلب الترابيزة على البنات ... بس يالا

الطيب احسن

[pocy]

ههههههههههه ان اسفه بس ضحكتنى بالشكل اللى انت حاطه

بص يا باشمهندس ياسر انا عامله لاخويا توكيل عام وحتى كمان للبنوك عارف ليه لانى اثق بيه مليون فى الميه ولو جوزى كمان عايز يعمل لاخوه انا برضه موافقه مليون فى الميه عارف ليه لانى عارفه الاتنين دول متربين ازاى وان اللى في ايديهم مش ليهم لا لغيرهم وانا اعتقد انك ان شاء الله نفس الحاله لان اللى متربي كويس وعارف حق ربنا عليه استحاله عارف يعنى ايه استحاله يستحل فلوس غيره لنفسه وربنا الموفق ان شاء الله

تخيلى ان لولا الرد بتاعك ده

كنت ناوى اقلب الترابيزة على البنات ... بس يالا

الطيب احسن

طب الحمد لله انى رديت الرد ده والا اكون انا السبب فى العقده اللى هتجيلك حمد وشكرليك يارب

[Alshiekh]

السلام عليكم

الحقيقة انا مصدوم مما اقرأ

أنا فى رأيى ان الزوج والزوجة بعد الزواج يكونان كيان واحد اسمه " الاسرة " وهذه الاسرة تتثبت اركانها اكثر بوجود الاولاد.

تعتبر مالية الاسرة ملكا للاسرة وليست ملكا لاهل الزوج او الزوجة ، وارى ان اى تصرف مالى يكون بمعرفة الشريكين ، والحقيقة لاأفهم معنى عبارة دائما ماتتكرر بان " الزوج حر فى ماله "

اعتقد ان العقل والمنطق يقولان ان مايحصل عليه الزوج من مرتبات وماتحصل عليه الزوجة من مرتبات لو كانت تعمل هو ملكا لهم او لاسرتهم معا وليس بنسبة الدخل بينهما.

من حق الزوج والزوجة ان يساعدا اهليهما كل حسب احتياجه واعتقد ان مثل هذه الامور يمكن الاتفاق والتراضى عليها فيما بينهما ،

أما فى هذه القصة حيث انه على الرغم من ان الزوجة مقيمة بمصر وزوجها مقيم بالخارج ، فنراه يضع ماله تحت تصرف اخيه وليس زوجته ، فاراه امر غير مبرر الا اذا كان هناك انعدام ثقة بين الزوج والزوجة ، وهذا يعد من اسوء الامور فى اى علاقة زوجية.

وفى حالتنا هذه لو حدث وان توفى الزوج ، فحقوق الاولاد والزوجة مرهونة بامانة الاخ او جشعه وطمعه.

[pocy]

السلام عليكم

الحقيقة انا مصدوم مما اقرأ

أنا فى رأيى ان الزوج والزوجة بعد الزواج يكونان كيان واحد اسمه " الاسرة " وهذه الاسرة تتثبت اركانها اكثر بوجود الاولاد.

تعتبر مالية الاسرة ملكا للاسرة وليست ملكا لاهل الزوج او الزوجة ، وارى ان اى تصرف مالى يكون بمعرفة الشريكين ، والحقيقة لاأفهم معنى عبارة دائما ماتتكرر بان " الزوج حر فى ماله "

اعتقد ان العقل والمنطق يقولان ان مايحصل عليه الزوج من مرتبات وماتحصل عليه الزوجة من مرتبات لو كانت تعمل هو ملكا لهم او لاسرتهم معا وليس بنسبة الدخل بينهما.

من حق الزوج والزوجة ان يساعدا اهليهما كل حسب احتياجه واعتقد ان مثل هذه الامور يمكن الاتفاق والتراضى عليها فيما بينهما ،

أما فى هذه القصة حيث انه على الرغم من ان الزوجة مقيمة بمصر وزوجها مقيم بالخارج ، فنراه يضع ماله تحت تصرف اخيه وليس زوجته ، فاراه امر غير مبرر الا اذا كان هناك انعدام ثقة بين الزوج والزوجة ، وهذا يعد من اسوء الامور فى اى علاقة زوجية.

وفى حالتنا هذه لو حدث وان توفى الزوج ، فحقوق الاولاد والزوجة مرهونة بامانة الاخ او جشعه وطمعه.

الاخ الفاضل الاستاذ محمد

اولا اشكرك على ردك الكريم

بس للاسف الشديد والله اعلم انت لو بصيت عليها من ناحيه الدين فالراجل طالما لسه عايش له الحق في التصرف فى اى من املاكه وماله والله اعلم ومن حق الزوجه عليه هو مأكلها ومسكنها ومشربها هى والاولاد فقط واما بالنسبه لمرتب الزوجه فى هذه الحاله فحقها ان تساعد بيه فى البيت او ان تشيله كاملا بعيد عن اى من مصروفات البيت فده راجع ليها ولتقدريها وان الزوجه لابد ان يكون لها والله اعلم زمه ماليه بمفردها وهذا ما سمعته من أحد الشيوخ بتاع المسجد ومش عارفه اكيد ام لا

وشاكره مرورك جدا للموضوع

وبالنسبه للاخ فهو مش مضمون للاسف لانه كان يسرق من اخوه حاجات بمعنى انه يقله السيراميك والمصنعيه كلفونى كذا وبعد فتره تستخدم نفس العمال فيقولوا انه اخد كذا فقط من أخو الزوج والزوجه تصدق الصنايعي عنه بصراحه لانه زى ما قلت لحضرتك مش مضمون

[الباشمهندس ياسر]

طب الحمد لله انى رديت الرد ده والا اكون انا السبب فى العقده اللى هتجيلك حمد وشكرليك يارب

من جهة التعقيدات ... يتعقد عدوى ان شاء الله

انا فاتح قلب للدنيا وواخدها بالاحضااااااااااااااااااااااااااان :happy:

[Alshiekh]

بس للاسف الشديد والله اعلم انت لو بصيت عليها من ناحيه الدين فالراجل طالما لسه عايش له الحق في التصرف فى اى من املاكه وماله والله اعلم ومن حق الزوجه عليه هو مأكلها ومسكنها ومشربها هى والاولاد فقط واما بالنسبه لمرتب الزوجه فى هذه الحاله فحقها ان تساعد بيه فى البيت او ان تشيله كاملا بعيد عن اى من مصروفات البيت فده راجع ليها ولتقدريها وان الزوجه لابد ان يكون لها والله اعلم زمه ماليه بمفردها وهذا ما سمعته من أحد الشيوخ بتاع المسجد ومش عارفه اكيد ام لا

خلينى اوضح بعض الامور

اولا مايمتلكه الزوجان قبل الزواج هو ذمة مالية منفصلة ،

أما مايتم جمعه من ثروة بعد الزواج فالزوجان مشتركان فيه ، مش مهم مين بيقبض اكثر ومين بيقبض اقل او مين بيشتغل ومين قاعد فى البيت طالما انهم قبلوا ان يكونا زوجين وليس صديقين ،

أنا استغرب ان يكون لى زوجة واعمل توكيل لاخى او لابى او لامى ، ونفس الشيئ بالنسبة للزوجة ،

لو لم يثقا فى بعضهما البعض ويكون كل واحدا منهما اقرب الى الآخر من كل شيئ فلايمكن تسميتها علاقة زواج سوية .

وبعدين ياستى امور الاسرة لن ننتظر فيها رأى الشيوخ ، لم يسأل اجدادنا شيوخهم عن اشياء كهذه .

هذا هو رأيى وقد يختلف معه البعض.

[ابو حودة]

الحكاية دي شكلها فيها جزء ناقص يعني مش ممكن يكون فيه واحد ( عفوا اهبل ) يضيع غربته وبعده عن ولاده ومراته على اخواته بالشكل ده ويستخسر الفلوس في نفسه وفي مراته ويديها لاخواته اكيد زي

ما قال احد الاعضاء ممكن تكون المسألة مجرد صلة رحم او مساعدة مش اكتر من كده لكن الزوجة اللي تبعد عن زوجها طوال 15 سنة ( مع قدرته المالية بدليل مساعدته لاخوته ) تبقى اكيد فيه مشكلة من

ناحيتها

كلامي ده مجرد تحليل والله اعلم بالنوايا

[pocy]

الحكاية دي شكلها فيها جزء ناقص يعني مش ممكن يكون فيه واحد ( عفوا اهبل ) يضيع غربته وبعده عن ولاده ومراته على اخواته بالشكل ده ويستخسر الفلوس في نفسه وفي مراته ويديها لاخواته اكيد زي

ما قال احد الاعضاء ممكن تكون المسألة مجرد صلة رحم او مساعدة مش اكتر من كده لكن الزوجة اللي تبعد عن زوجها طوال 15 سنة ( مع قدرته المالية بدليل مساعدته لاخوته ) تبقى اكيد فيه مشكلة من

ناحيتها

كلامي ده مجرد تحليل والله اعلم بالنوايا

اخى الفاضل أبو حوده

شكرا لردك الكريم بس الهبل كتير والقانون لا يحمى المغفلين يعنى هذا الزوج بيدفع لاخته مصاريف اولادها التلاته على الرغم انها تعمل وزجها ايضا ولسه جايب عربيه على الزيروووووووووو

وبالنسبه للزوجه حاولت اكتر من مره ان تذهب معه الامارات وهو اللى كان يرفض علشان غلاء المعيشه هناك تخيل وهى خلاص اتعودت على الوضع ده

وشكرا لمداخلتك وردك الكريم

[HanaaOsama]

الحكاية دي شكلها فيها جزء ناقص يعني مش ممكن يكون فيه واحد ( عفوا اهبل ) يضيع غربته وبعده عن ولاده ومراته على اخواته بالشكل ده ويستخسر الفلوس في نفسه وفي مراته ويديها لاخواته اكيد زي

ما قال احد الاعضاء ممكن تكون المسألة مجرد صلة رحم او مساعدة مش اكتر من كده لكن الزوجة اللي تبعد عن زوجها طوال 15 سنة ( مع قدرته المالية بدليل مساعدته لاخوته ) تبقى اكيد فيه مشكلة من

ناحيتها

كلامي ده مجرد تحليل والله اعلم بالنوايا

اخى الفاضل أبو حوده

شكرا لردك الكريم بس الهبل كتير والقانون لا يحمى المغفلين يعنى هذا الزوج بيدفع لاخته مصاريف اولادها التلاته على الرغم انها تعمل وزجها ايضا ولسه جايب عربيه على الزيروووووووووو

وبالنسبه للزوجه حاولت اكتر من مره ان تذهب معه الامارات وهو اللى كان يرفض علشان غلاء المعيشه هناك تخيل وهى خلاص اتعودت على الوضع ده

وشكرا لمداخلتك وردك الكريم

السلام عليكم ارجو من الاخت بوسي توضيح القصة و خصوصا موقف الزوجة حتي لا يتم ظلمها من بعض الاعضاء حتي لو لم يعرفوها لان هذه القصة لها شبيه و بتكرر كتيررررر و الزوجة لا تكون طماعه و لا شئ و انا شخصيا اعرف 3 قصص شبيهه

[HanaaOsama]

السلام عليكم حبيت اخكلكوا القصص ال 3 دول برضة موعظه و عشان نعرف الدينا بقت ازاي :lol: راجل محترم بوظيفة محترمة 20 سنه في السعوديه يبعت و ووالده و احواته يبنوا بيت و الاخوات اتجوزا في شقق البيت و الاب و الام عايششين و عادي و البيت به محلات تحته و الاحوة اقامه تجارة بالمحلات و رجع و اكتشف انه بيتقله ملكش غير الشقة الي هتعيش فيها و هي شقة من شقق البيت ! للامانة انا لا اعرف كل التفاصيل لكن ده مجمل القصة الاولي و الان الراجل بالعافية اخد ارض في منطقة اخري و بني دور يعيش فيه و بيشتغل دلوقتي علي تاكسي عنده 4 اولاد ,,,,, القصة التانيه راجل محترم برضة 20 سنه في السعوديه برضة عنده 5 اولاد الان المهم احواته و هما كتير ماشاء الله عايشيين علي التجارة و كل واحد عنده تجارة و بيشتغلوا في تاجير العاربيات و تشغيل التاكسي فهو يبعت فلوس جابوله زيهم تاكسي و عربيه للتاجير المهم كل سنه التاكسي خسران و العربيه متجبش و يتدخلوا في جمعيات كبيره و هو يكون الاخير دائما لان هما عايزيين فلوس في الاول يعملوا بيها شغل حتي الدور الاخير لما يقبضة هما يوزوعة علي المحتاج فيهم و هو لما يجي اجازه بقي يبقي ربنا يسهل و لما بعد 20 سنه اكتشف انه معندوش شقة و جاب شقة يعني متوسطة السعر و حب يوضبها احواته باعوا له العربيه " المشروع " عشان يوضبوا شقته رغم ان اخر جمعيه هما اخدوها و لسه مردوهاش !!!! مع العلم ان العربيه ديه بما انها خاصة الي المفروض بتتأجر باليوم كان اي حد عنده مشوار يروح بيها لان محدش عنده عربيه خاصة ,,,,,,, القصة التالته لواحد مش مغترب لكن ميسور الحال اخواته الاتنين جهزهم بالكامل و جوزهم و بيدفع ايجار شققهم و اجر لهم محل و ملاه بضاعة و فتحهلهم سوبر ماركت عشان يشتغلوا و هو اصلا كان ساكن ايجار و لسه جايب شقة تمليك بالقسط من فتره قريبه المهم كان عنده قطعة ارض من زمان و قرر يبنيها فوجئت الزوجة انه عايز لما يبني يكتب لكل اخ شقة تمليك في البيت !!!!!! و هو عنده ولدين في ابتدائي و حضانة ,,,,,, و انا اعرف الزوج و الزوجة كويس و هي طبعا مش طماعة و لا حاجة و الزوج من وجهة نطرة ان بيساعد احواته و مفيش مشاكل !!!!!! انا عايزة ارد علي نقطتين مهمين النقطة الاولي الي يقول " انا حر " ديه فلوسي و انا حر فيها احب اوضح ان في مواقف الواحد مينفعش يكون فيها حر مثلا مينفعش ام ابنها رضيع و بيعيط و جعان و تقول انا حره مش عايزو ااكله زي مينفعش اب يكون معاه فلوس و يقول انا حر مش عايز اصرف علي اولادي ,,, انا عارفة ان مش معني فلوسي انا حر فيها انه ميصرفش علي اولاده لكن يقول انا علي الاكل و الشرب و التعليم و الباقي انا حر لكن لما تكتب لاحوك شقة و اولادك انت متعرفش هتقدر تجيبلم شقة زيها ولا لأ تبقي اكيد مش حر و لما اسيب لاحواتي السايب في السايب و معرفش اجيب شقة محترمة ليا اعد فيها تبقي مش حر و بالنسبة لاولاد و الزوجة الأكل و الشرب هما المشكله ؟ و لما يعرفوا ان ابوهم فضل عليهم حد و امن مستقبل ناس تانيه و هما لأ يبقي نفسيتهم عماله ازاي بعد كدا ,,, اعمامه و عماته دول هيبقي ايه مشاعرهم ناحيتهم ,,, الرسول صلي الله عليه و سلم اقر بالظلم لمن يكتب لابن شئ و لم يكتب للابن الاخر مراعاه لمشاعر العداء مستقبلا و اكيد انت حر في حاجة زي ديه فما بالك بالتفرقة بين ابن و اخ ,,,,,, حتي لا يسئ البعض فهمي انا لست ضدد مساعده الاحوات ابداااا في جميع الاحوال لكن بحدود في حدود احتياجه و ليس تامين مستقبله بالكامل و عنده اولاد الله اعلم بمستقبلهم و بالمناسبة الاح الي يجيله كل حاجة علي الجاهز مش تعبان فيها مش هيحس بيها لان في القصة الي اخوهم فتح محل ليساعدهم به الاخ يصحي براحته و مش في دماغة لغايت ما اتقفل المحل ........ و اكيد الزوجة ديه الي جت بالساهل اكيد ممكن يفرط فيها بالساهل برضة المهم ...ز انا طولت عليكم لكن دي حقائق و دوروس كل يوم بنعشها

النقطه التانية الي عايزه اعلق عليها الي يقول انا الي دافع تمن الغربه لوحدي و مفيش حد من حقة يقول انا اصرف في ايه و لكن الي بيدفع تمن الغربه معاه الزوحة و الاولاد سواء كانوا معاه في الغربه او مش معاه الانسان بتغرب عشان زوجته و اولاده مش عشان حد تاني و الزوجة سواء بتشتغل او مش بشتغل ليها حق في مال زوجها لان حتي لو مش بتشتغل هي بتربي اولاده و لولاهم كان ممكن تشتغل برضة و تجيب فلوس زيه لان بصراحة عيب اوي علي الزوج لما يقول لمراته انت مش بتشتغلي لما تبقي تشتغلي ابقي جيبي الي انت عايزاه ..........

و شكرا