حكاوى من الكويت

[ssmaly]

اسمحوا لى ان افتح موضوع جديد نحكى فيه عن اول يوم لنا فى الكويت و ماصاحبه من احداث ومشاعر

بالنسبة لى انا رحلتى من الاسكندرية الى الكويت كانت فى 5 ايام كاملة

صحيح 5 ايام كاملة وهى حكاية غريبة

لأنى جئت الى الكويت وحيدا طول الطريق البرى اقود سيارة

ودى كانت اول مرة اقود سيارة لمسافة اكثر من الاسكندرية الى دمنهور

اذا سمحتوا لى بفتح التوبك الجديد سوف اسرد حكايتى وكل واحد يحضر حكايته فى اول ايام الكويت

[pocy]

انا حبيت افتح توبك جديد نحكى فيه عن اول ايام لنا فى الاراضى الكويتية وماحدث لنا مغا من مفارقات واحداث

اذا سمحتوا لى ان افتح هذا الموضوع الجديد

سأبدأ بحكايتى ورحلتى من الاسكندرية الى الكويت التى استغرقت 5 ايام كاملة

تسمحولى بالموضوع الجديد ولا بلاش ؟

والله يا اخى الفاضل دكتور محمد

انا بالنسبه لي مفيش مشكله بس اعتقد ان مستر عمر كتب ان نخلى موضوعين بس للكويت لعلهم يثبتوا واحد لينا هنا

على العموم انا شكلى هبدأ قبليك هههههههههههههههه

بس احتراما لكمتك هسيبك تحكى الاول وانا حاجزه بعديك ان شاء الله

[HDarwish]

كلنا آذان صاغية .. إحكي يا دكتور .. أنا مستغرب الموضوع جداً وعايز أعرف إزاي؟؟!!

[om marawan]

wst:: :happy:

مستنيينك يادكتور عشان نحكى احنا كمان .. حضرتك من أهل الاسكندرية ... انا بحب البلد دى جدا وأعتقد ان البعد عن بحرها غربة لوحده

[ssmaly]

انا حبيت افتح توبك جديد نحكى فيه عن اول ايام لنا فى الاراضى الكويتية وماحدث لنا مغا من مفارقات واحداث

اذا سمحتوا لى ان افتح هذا الموضوع الجديد

سأبدأ بحكايتى ورحلتى من الاسكندرية الى الكويت التى استغرقت 5 ايام كاملة

تسمحولى بالموضوع الجديد ولا بلاش ؟

والله يا اخى الفاضل دكتور محمد

انا بالنسبه لي مفيش مشكله بس اعتقد ان مستر عمر كتب ان نخلى موضوعين بس للكويت لعلهم يثبتوا واحد لينا هنا

على العموم انا شكلى هبدأ قبليك هههههههههههههههه

بس احتراما لكمتك هسيبك تحكى الاول وانا حاجزه بعديك ان شاء الله

شكرا لتشجيعك

وهما بيقولوا فى بلاد برة لاديز فيرست يعنى الرجالة اولا

يبقى انت تأخدى الدور التانى وانا اللى اقبض الجمعية دى الاول ماشى

كلنا آذان صاغية .. إحكي يا دكتور .. أنا مستغرب الموضوع جداً وعايز أعرف إزاي؟؟!!

بقالى يوم باحاول ان اكتب

كل مرةأاكتب صفحة طويلة عريضة واعمل ارسال ينقطع النت ويضيع كل اللى كتبته

المرة دى انا كاتبه على وورد علشان النت مايضحكش على ويطلعلى لسانه

wst:: :happy:

مستنيينك يادكتور عشان نحكى احنا كمان .. حضرتك من أهل الاسكندرية ... انا بحب البلد دى جدا وأعتقد ان البعد عن بحرها غربة لوحده

[size="5"]تسلمى على ردك الرقيق وحبك للاسكندرية

على فكرة فيه شبه كبير للساحل بتاع الكويت وكورنيش البحر

اخر الكورنيش فى الاسكندرية مسجد المرسى ابو العباس وهنا ابراج الكويت

ودى اول الحكاية

كان ياما كان فى سالف العصر والأوان

الحكاية دى قدييييييييييييمة قوى اعزرونى

كنت فى الجيش لما احتل صدام حسين الكويت (مش قلتلكم قديمة)

وكان لى أخ كان بيعيش هنا بالكويت هو واسرته اضطر ان يسافر من الكويت اثناء الغزو بسيارته عن طريق البر

سيارته كانت بويك (6سلندر حضرتك) حوت بنزين بمقايس مصر

كان يجدد لها دفتر التربتيك كل ثلاث اشهر وكل مرة كانوا بيقلوا ممكن تكون دى المرة الاخيرة للتجديد

طبعا فكر انه يبيعها ولكن كان ماتيجبش تمن الجمرك بتاعها

لغاية ان قال ان سوف يتنازل عنها للجمرك وحلال عليهم ويخلص منها

خلصت الجيش وكان بوش خلص على الجيش العراقى وحرر الكويت

وكان الصيدلى فى هذه الفترة مطلوب جدا فى مصر وفى الدول العربية(مش زى دلوقتى)

وكان لى صديقى صيدلى نفس دفعتى

كان بيجى لنا فرص عمل بالسعودية ونرفض حتى جاءات له ولى فرصيتن منفصلتين للكويت تقريبا فى نفس الوقت

فكرت فى السفر بسيارة أخى عن طريق البر وعرضت على صديقى السفر معى فوافق

(ملحوظة اسرتى كانت عنها عقدة من السفر بالسيارة اى سيارة ولو للقاهرة لوجود اكتر من مشكلة حدثت عندما سافروا بالسيارة مرة منها-- العربية عطلت عطل بيسط (قايش انقطع) واضطروا للمبيت فى الطريق واللجوء لمكانيكى الطريق وكانت نتيجة تصليحه ان السيارة رجعت محمولة على الأعناق اقصد على سيارة نقل ودخلت فى عمرة وباعوها بعد ذلك وهناك اكثر من تجربة سيئة من السفر بالسيارة)

وانا كمان كنت اكتر مسافة سوقت فى سيارة كانت من الأسكندرية الى دمنهور (علشان الغى التكليف بتاعى)

فعرضت فكرة السفر على اسرتى وبصعوبة وافقوا وكان عامل الأمان بالنسبة لهم وجود مرافق معى لمساعدتى عند حدوث اى مشكلة او حتى لاانام فى الطريق مثلا

فبدأت أجهز الأوراق بتاعتى وبتاعت السيارة

من كشف طبى (طبعا لى مش للسيارة)

ودفتر تربتيك(طبعا للسيارة مش لى)

وفجأة اعتذر صديقى عن السفر معى لان اسرته خافت عليه من السفر البرى وخاصة مع واحد اول مرة يسوق المسافة الطويلة ودى وكمان اول مرة يسوق السيارة دى (كانت كبيرة على اوى)

وطبعا وقع على الأعتذار وقوع العاصفة (عاصفة الصحراء)

ماذا افعل فى هذه المشكلة؟؟؟

وانا كنت عاوز انى اقوم بهذه المغامرة بأى طريقة

اضطريت انى اقول ان صديقى بيجهز نفسه للسفر معى ولم يغير رأيه

وكانت خطة الخداع العظيمة التى تفوقت على خطة خداع حرب اكتوبر

اشتريت شبكة للسيارة (من اللى بيحطوها على سقف السيارة )علشان شنط صديقى اللى جاى معاى وركبتها على السيارة

عامل حساب الكرسى اللى جانبى ان يكون خالى تماما علشان صديقى اللى جاى معاى

طلبوا منى رقم تليفون اسرة صديقى فى الاسكندرية علشان اذا حبوا انهم يطمون على او يطمنوهم علي صديقى

اعطيتهم رقم وهمى (الرقم ليس فى الخدمة)

يوم السفر فجرا بعد جهزت كل حاجة اتصلت بصديقى (امريكانى طبعا )(هو اساسا كان فى الكويت ساعتها)

وقلت له انى نازل علشان يجهز نفسه وانا حأمر عليه

بعد ماسلمت على اهلى ودعوا لى بالسلامة

بدأت الرحلة

كانت بها الكثير من العقبات ولكن

انتهت بخروج اهل الكويت كلهم لاستقبالى مهللين (بجد)

فاصل للتواصل

[HDarwish]

تسجيل متابعة وإندهاش :happy:

[om marawan]

الحقيقة عمرى ماكنت هاعرف حل فزورة النزول من اسكندرية للكويت خالص لكن جه فى بالى انها سيارة حد سابها ورجع بالطيارة بس قلت برضه ماينفعش

استاذ حسن من فضلك سيبلى شوية اندهاش لانى مندهشة جداااااا

وانا اللى كنت فاكرة نفسى عملت مخاطرة لما نزلت سايقة بالعربية من الزقازيق للقاهرة بعد ماتعلمت السواقة بأسبوعين

[ssmaly]

تسجيل متابعة وإندهاش angl::

5"]حسن باشا

الغريب فى الموضوع وانا فى مصر مكانش معاى سيارة خاصة يعنى بسوق حلوانى

يعنى عدد ساعات قيادة الطيارة اقصد السيارة كانت لاتسمح لى بالقيادة من اسكندرية الى القاهرة

بالأضافة لكبر حجم السيارة وعدم معرفتى اى شىء عن السيارات الاوتوماتيك

شكرا لمرورك

الحقيقة عمرى ماكنت هاعرف حل فزورة النزول من اسكندرية للكويت خالص لكن جه فى بالى انها سيارة حد سابها ورجع بالطيارة بس قلت برضه ماينفعش

استاذ حسن من فضلك سيبلى شوية اندهاش لانى مندهشة جداااااا

وانا اللى كنت فاكرة نفسى عملت مخاطرة لما نزلت سايقة بالعربية من الزقازيق للقاهرة بعد ماتعلمت السواقة بأسبوعين

انتى شرقاويه زى(أنا اسكندرنى شرقاوى )جنسية مزدوجة

اها وسهلا بكل شرقاوى شرفتى التوبك ولو حتابعى بقية الرحلة حبقى انزل شاى وكاكاو لكل المتابعين

من ضمن الحاجات الطريفة التى لاأنساها لما روحت اعمل التربتك وهناك سألت واحد عن عنوان فى مصر قالى اذا كنت مش عارف طرق مصر حتعرف تسافر ازاى للكويت ؟

[HDarwish]

حبقى انزل شاى وكاكاو لكل المتابعين

لا طالما فيها كاكاو يبئا أنا حاجز كرسي هنا من بدري

[om marawan]

انتى شرقاويه زى(أنا اسكندرنى شرقاوى )جنسية مزدوجة

اها وسهلا بكل شرقاوى شرفتى التوبك ولو حتابعى بقية الرحلة حبقى انزل شاى وكاكاو لكل المتابعين

التوبيك مشرف بحضرتك وانا متابعة ان شاء الله .....خلينى بأه فى الشاى وهاجيب من عندى شويك كيك على ما قوسوم

[doha]

حبقى انزل شاى وكاكاو لكل المتابعين

لا طالما فيها كاكاو يبئا أنا حاجز كرسي هنا من بدري

هههههه

سبحان الله لسه هكتب نفس التعليق بالحرف .. هو فيه ايه؟

على العموم .. تسجيل متابعه بجد عاوزه اعرف المغامرة الفظيعة دي انتهت ازاي ..

ملاحظة : ام مروان .. تجربتك انجاز مابعده انجاز على فكره ..

[HDarwish]

حبقى انزل شاى وكاكاو لكل المتابعين

لا طالما فيها كاكاو يبئا أنا حاجز كرسي هنا من بدري

هههههه

سبحان الله لسه هكتب نفس التعليق بالحرف .. هو فيه ايه؟

على العموم .. تسجيل متابعه بجد عاوزه اعرف المغامرة الفظيعة دي انتهت ازاي ..

ملاحظة : ام مروان .. تجربتك انجاز مابعده انجاز على فكره ..

القلوب عند بعضها

[om marawan]

ملاحظة : ام مروان .. تجربتك انجاز مابعده انجاز على فكره ..

الله يخليكى ياضحى والله كانت أيام المهم انى اول ماتعملت السواقة والدى رحمه الله قالى قدامك سنة بقا على ماتفكرى تسافرى سايقة بس الظروف اضطرتنى و ربنا ستر الحمد لله