الطفل التانى ؟؟؟؟؟؟؟؟؟؟؟؟؟؟؟؟؟؟

[pocy]

اولا انا عايزه استشيركم وفى نفس الوقت ناخد خبرات بعض وسؤالى بكل وضوح

متى أفكر فى انى اجيب الطفل التانى ؟؟؟؟؟؟؟؟؟؟ من الناحيه الطبيه لانى والده قيصري وكمان من الناحيه النفسيه بالنسبه لعمر ابنى ولى طبعا وكمان من الناحيه الاقتصاديه ؟؟؟؟؟؟؟؟ ومن ناحيه الصحه العامه

ملحوظه : ابنى عنده سنه وشهرين ونص وانا ماشيه فى 29 ان شاء الله

انا عارفه ان ده طبعا بيعتمد على الظروف بس انا قلت اخد خبراتكم يالا مين قال هيساعدنى برأيه ؟؟؟؟؟؟؟؟؟؟؟؟

[بندق أفندى]

لو هتديه ليا هدية وشرط يكون بنوتة .. أشجعك بقوة - هههههههههههه

خلينا فى الجد .. انا واخوانى فرق العمر بيننا سنتين .. وهو فرق مثالى .. والفرق بينى وبين ابنى 11 سنتينات .. وهو فرق مش مثالى خالص ههههههه

[pocy]

لو هتديه ليا هدية وشرط يكون بنوتة .. أشجعك بقوة - هههههههههههه

خلينا فى الجد .. انا واخوانى فرق العمر بيننا سنتين .. وهو فرق مثالى .. والفرق بينى وبين ابنى 11 سنتينات .. وهو فرق مش مثالى خالص ههههههه

طب وانا اعرفها ازاى دى بنوته ولا ولد ؟؟؟؟؟؟؟؟؟؟؟؟؟؟؟؟؟؟؟ ربنا يكرمك بالبنوته ان شاء الله

يعنى رأيك سنتين انا فعلا الفرق بينى انا واخوانى كلنا سنتين برضه وبالنسبه للسنتينات انت متاكد قيس مره تانيه هههههههههههههههههه

[om marawan]

طب انا هأقولك تجربتى وانتى طبعا تفكرى ايه الانسب ليكى

عندى مروان بينه وبين اخته سنتين بالظبط وده الى حد ما كان مرهق فى الاول يعنى أول كام شهر لانه كان يعتبر صغنن جدا بس لما كبروا شوية خلاص بقوا بيسلوا بعض جدا وطبعا بيتخانقوا ساعات بس عادى :happy:

بس ارجع واقولك الفرق يعنى شوية مرهق وربنا وحده اللى بيعين

الفرق بقا بين البنوتتين أكتر حاجة بسيطة بس أريح كتير يعنى حوالى سنتين و8 شهور وده كان بالنسبالى معقول يعنى لما كنت حامل كانت الاولانية كبرت شوية ودلوقتى الصغيرة يادوب سنة و علاقتهم الحمد لله مناسبة جدا بس فى رأيى ان الفرق ده او اكتر شوية يعنى 3 سنين مثلا أفضل لراحة الام ونفسية الطفل عشان مايكونش وحيد فترة طويلة

الحقيقة أنا اصحابى اللى نصحونى بالفرق القريب لان هم أولادهم فرق 7 و8 سنين وتعبوا جدا وعلاقة الاولاد بعيدة عن بعض شوية

انا كمان اخواتى فرق بينى وبينهم 6 سنين للاكبر و4 للاصغر طبعا احنا دلوقتى علاقتنا الحمد لله ممتازة لكن واحنا صغيرين كنا نااادرااا مانلعب سوا

المهم بقا ان ده يعتمد على طبيعتك كأم هل انتى من الامهات اللى بتفضل تأكل ابنها بالمعلقة لغاية مايبقا عنده 6 سنين !!!!

يعنى الحمد لله من نعم ربنا عليا ان اولادى بيحبوا واتعودوا يعملوا لنفسهم حاجات كتير يعنى بياكلوا لوحدهم بيشربوا واحيانا بيلبسوا لوحدهم

كل ده مهم تعودى عمورى عليه او بمعنى أصح تديه الفرصة يعمله لنفسه

وعلى فكرة ده مش صعب لان الطفل فى سن معين بيبقا عنده حب للاستقلال و بنتى وهى سنتين كانت تصر جداااااا انها تمسك المعلقة لوحدها

وطبعا كانت بتبهدل الدنيا على الاااااااخر بس انا سبتها تتعلم بصراحة فاطفل بيبقا عنده ااستعداد

دى تجربتى مع العلم انى كنت هأجل البنت الاخيرة شويتين بس ارادة ربنا والحمد لله كانت افضل جداااا

نسيت اقولك انى ولدت التلاتة قيصرى wst:: والحمد لله صحتى بخير و ربنا وحده اللى بيعين

ربنا يبارك لك فيه ويجعله ذرية صالحة باذن الله هو واخواته

تم تعديل 12 نوفمبر 2009 بواسطة om marawan

[pocy]

طب انا هأقولك تجربتى وانتى طبعا تفكرى ايه الانسب ليكى

عندى مروان بينه وبين اخته سنتين بالظبط وده الى حد ما كان مرهق فى الاول يعنى أول كام شهر لانه كان يعتبر صغنن جدا بس لما كبروا شوية خلاص بقوا بيسلوا بعض جدا وطبعا بيتخانقوا ساعات بس عادى :happy:

بس ارجع واقولك الفرق يعنى شوية مرهق وربنا وحده اللى بيعين

الفرق بقا بين البنوتتين أكتر حاجة بسيطة بس أريح كتير يعنى حوالى سنتين و8 شهور وده كان بالنسبالى معقول يعنى لما كنت حامل كانت الاولانية كبرت شوية ودلوقتى الصغيرة يادوب سنة و علاقتهم الحمد لله مناسبة جدا بس فى رأيى ان الفرق ده او اكتر شوية يعنى 3 سنين مثلا أفضل لراحة الام ونفسية الطفل عشان مايكونش وحيد فترة طويلة

الحقيقة أنا اصحابى اللى نصحونى بالفرق القريب لان هم أولادهم فرق 7 و8 سنين وتعبوا جدا وعلاقة الاولاد بعيدة عن بعض شوية

انا كمان اخواتى فرق بينى وبينهم 6 سنين للاكبر و4 للاصغر طبعا احنا دلوقتى علاقتنا الحمد لله ممتازة لكن واحنا صغيرين كنا نااادرااا مانلعب سوا

المهم بقا ان ده يعتمد على طبيعتك كأم هل انتى من الامهات اللى بتفضل تأكل ابنها بالمعلقة لغاية مايبقا عنده 6 سنين !!!!

يعنى الحمد لله من نعم ربنا عليا ان اولادى بيحبوا واتعودوا يعملوا لنفسهم حاجات كتير يعنى بياكلوا لوحدهم بيشربوا واحيانا بيلبسوا لوحدهم

كل ده مهم تعودى عمورى عليه او بمعنى أصح تديه الفرصة يعمله لنفسه

وعلى فكرة ده مش صعب لان الطفل فى سن معين بيبقا عنده حب للاستقلال و بنتى وهى سنتين كانت تصر جداااااا انها تمسك المعلقة لوحدها

وطبعا كانت بتبهدل الدنيا على الاااااااخر بس انا سبتها تتعلم بصراحة فاطفل بيبقا عنده ااستعداد

دى تجربتى مع العلم انى كنت هأجل البنت الاخيرة شويتين بس ارادة ربنا والحمد لله كانت افضل جداااا

نسيت اقولك انى ولدت التلاتة قيصرى wst:: والحمد لله صحتى بخير و ربنا وحده اللى بيعين

ربنا يبارك لك فيه ويجعله ذرية صالحة باذن الله هو واخواته

اهلا وسهلا بالاخت الغاليه والقريبه الي قلبي ام مروان

مداخلاتك كانت اد ايه مهمه بالنسبه لي و انا كان فى دماغي ان لما عمر يكمل السنتين ابقي افكر فى الحمل اه واو لا بس دلوقتى لا والف لا لانى عايزه عمر اخد بالى منه كويس لحد ما يعرف هو يساعد نفسه على الاقل يعنى مثلا يكون عمر عنده اربع سنين مثلا واخته او اخوه عنده سنه بس انا حاسه ان الفرق ده عند بعض الناس الاطفال بعيدين عن بعضهم وان الكبير بيبقي مظلوم علشان كل حاجه علشان اخوك الصغير علشان اخوك الصغي وخايفه الموضوع ده يحصل مع عمر اانا نخليه مش ياخد حاجته اللى هو عايزها علشان اخوه الصغير دا طبعا غير الزن فى مصر انه كفايه كده ولازم تفكروا فى البيبي التانى وان كل ما الفرق يكون صغير كل ما كان افضل من عده نواحى

وطمنتينى على موضوع القيصري انا لحد الان كل فتره مكان الجرح بيشكنى معرفش ليه

[بندق أفندى]

لو هتديه ليا هدية وشرط يكون بنوتة .. أشجعك بقوة - هههههههههههه

خلينا فى الجد .. انا واخوانى فرق العمر بيننا سنتين .. وهو فرق مثالى .. والفرق بينى وبين ابنى 11 سنتينات .. وهو فرق مش مثالى خالص ههههههه

طب وانا اعرفها ازاى دى بنوته ولا ولد ؟؟؟؟؟؟؟؟؟؟؟؟؟؟؟؟؟؟؟ ربنا يكرمك بالبنوته ان شاء الله

يعنى رأيك سنتين انا فعلا الفرق بينى انا واخوانى كلنا سنتين برضه وبالنسبه للسنتينات انت متاكد قيس مره تانيه هههههههههههههههههه

هههههههههههههه

خلاص الواد خايف يبقى عبود على الحدود ..

[doha]

تربويا كل مايكون السن قريب كل مايكون احسن .. منها يلعبوا مع بعض ومنها تاخذيهم ورا بعض ( علقة وحده ) وتخلصي ..

لما بيجي لك طفل حياتك بتنقلب ومبتبقاش هي .. وبرضه لما الطفل ده بيكبر حياتك بترجع تتغير تاني وتبقى حاجه تانية .. يعني طول مافي طفل صغير معاكي هتلاقي خروجك محدد وزياراتك شبه معدومه ونومك قلق مش عارفه تنتظمي في شغلك لو انه شغل مش روتيني ومحتاج منك تركيز او تفرغ .. ألخ باختصار هتلاقي حياتك كلها بتدور في فلك الطفل ده .. لما يكمل سنتين هتبدأ المشكلة الى حد ما تقل ولما يوصل اربع سنين هتتنفسي الصعداء ومن خمس سنين وطالع هتكتشفي انك ( مكنتيش عايشه ) .

طفل جديد يعني انك دخلتي في الدوامه من جديد ويعني انك اجلتي ( الحرية) سنتين تلاته كمان .. فطالما ان كل طفل بياخذ نفس المده تقريبا قبل مايبدا يعتمد على نفسه فانتي ( طبقي ) مدتين على بعض وطالما هتشقلبي حياتك كده كده فبدال ماتكون على وحد خليها على اثنين وادي واجبك بسرعه عشان تلحقي ترجعي لحياتك الطبيعية اسرع . ..

ده من الناحية التربوية والعملية .. اما من الناحية الطبية فبما انك والده قيصري فطبعا متفكريش في الحمل نهائي قبل مرور ست شهور على الولاده .. بالنسبة لك مروا خلاص .. الاطباء بينصحوا انك تنتظري فترة مابين الولادتين في حدود سنتين الى ثلاث .. خلي بالك مابين الولادتين مش الحملين .. لان احتمالات الولاده الطبيعية بعد مرور ثلاث سنوات على اول ولاده قيصري بتكون ممكنه جدا ( لو ان السبب في القيصري الاولى كان عارض ومفيش سبب في الثانية ).. بس بعد الولاده التانية للاسف مينفعش خلاص لو ولدتي مرتين قيصري يبقى هتكملي حياتك كلها باذن الله بتولدي قيصري حتى لو مفيش اسباب لذلك ..

[ذهبية]

لا طبعا يا بوسى لا تتاخرى ابدااا و متخليش فرق كبير انا شايفة ان الفرق كدة يدوب

اناالفرق بيت ابنى الكبير و الضغير يادوب سنة و شهر يعنى كنت خارجة من قوضة العمليات دخلت قوضة العمليات و بيتهايلى انى فضلت البس فساتين الحمل سنتين ورا بعض ملحقتش يعنى

و كانوا زى التوأم بالضبط طبعا اول سنة هى اصعب سنة و لحد الان ينطبق عليهم المثل هماانتم مولدين فوق رؤوس بعض

لكن من تجربتى اقولك برضة مبسوطة و كنت هاعيدها تانى لو رجع الزمن لان بجد هما بيلعبوا مع بعض اصحابهم واحدة

مش محتاجين يروح لحد علشان يلعبوا

و بعدين كانت امى الله يرحمها تقولى بصى هو تعب بتعب يبقى ربى اتنين احسن من واحد

يعنى الى معاها واحد مرتاحة طبعا لا يبقى ربى واحد على الواحد و اخلصى علشان لما تعدى اصعب المراحل و يكبروا ابقى

ساعاتها بقى تبصى لنفسك و ترتاحى و تعرفى تنزلى الشغل و تشوفى حياتك

مش لما ابنى يكبر و ارتاح ارجع تااااااااااااااااانى ابدا الخط من اول المحطة و تعب و تعب و ربى اتنين

و بعدين سبيها لله محدش عارف اللى مكتوب اية

الموضع دة بالذااااااااااااات رزق و علمة عند الله يعنى لا بينفع فية التخطيط و لا الاستعداد دة رزق بميعاد ربنا بس الىل عارفة

سبيها لله ما يمكن لو اخرتيها بمزاجك الان و بعدها حبيتى تجيبى ساعتها ميجيش بمزاجك

اتكلى على الله و سيبى امرك الله وربنا يقدملك الرزق يااارب و صدقينى دى احلى نعمة لما يملوا عليكى البيت

ذهبية

[بنت الشاطئ1]

اولا انا عايزه استشيركم وفى نفس الوقت ناخد خبرات بعض وسؤالى بكل وضوح

متى أفكر فى انى اجيب الطفل التانى ؟؟؟؟؟؟؟؟؟؟ من الناحيه الطبيه لانى والده قيصري وكمان من الناحيه النفسيه بالنسبه لعمر ابنى ولى طبعا وكمان من الناحيه الاقتصاديه ؟؟؟؟؟؟؟؟ ومن ناحيه الصحه العامه

ملحوظه : ابنى عنده سنه وشهرين ونص وانا ماشيه فى 29 ان شاء الله

انا عارفه ان ده طبعا بيعتمد على الظروف بس انا قلت اخد خبراتكم يالا مين قال هيساعدنى برأيه ؟؟؟؟؟؟؟؟؟؟؟؟

كقاعدة عامة ده وقت مناسب للتفكير بجدية فى اخ او اخت لعمورى

ليه بقى

اولا هيلاقى حد فى سنه يلعب معاه بدل ما هو لوحده

واحسن حاجة انه ميكنش فى فرق كبير عشان لو واحد كبر والتانى لسه صغير فهيبقى فى فرق مثلا هتلاقى الصغير بيضايق فى الكبير وممكن يقطع له كتب المدرسة والكبير مش هيحب كدا

كمان لما الطفل بيبقى وحيد فترة طويلة بيطلع مدلع شويتين

وكمان لما يكونوا صغيرين متعبين فى السنة الاولى لما يتربوا مع بعض..بعد كدا احسن بكتير وممكن بعد التانى تاخدى فترة راحة طويلة ثلاث سنوات او اربعة مثلا

اما الحاجة التانية اللى تفكرى فيها انك تشوفى ظروفك ..مشغولة فى دراسة معينة ..لو لأ يبقى مفيش مانع

صحتك عاملة ازاى هل فى انيميا هل فى اى مشاكل صحية تمنع الان

هل انت فى غربة ومفيش حد يساعدك

لو ده كله اجابته بالنفى يبقى مفيش مانع

ده رأيى وده اللى نصحت بيه

[بنت الشاطئ1]

شفتى يا بوسى رأيى من رأى ذهبية ازاى مع انى مكنتش لسه قرأت كلامها

متخافيش اتنين مش متعبين اللى بعد الاتنين هو التعب فعلا

[pocy]

تربويا كل مايكون السن قريب كل مايكون احسن .. منها يلعبوا مع بعض ومنها تاخذيهم ورا بعض ( علقة وحده ) وتخلصي ..

لما بيجي لك طفل حياتك بتنقلب ومبتبقاش هي .. وبرضه لما الطفل ده بيكبر حياتك بترجع تتغير تاني وتبقى حاجه تانية .. يعني طول مافي طفل صغير معاكي هتلاقي خروجك محدد وزياراتك شبه معدومه ونومك قلق مش عارفه تنتظمي في شغلك لو انه شغل مش روتيني ومحتاج منك تركيز او تفرغ .. ألخ باختصار هتلاقي حياتك كلها بتدور في فلك الطفل ده .. لما يكمل سنتين هتبدأ المشكلة الى حد ما تقل ولما يوصل اربع سنين هتتنفسي الصعداء ومن خمس سنين وطالع هتكتشفي انك ( مكنتيش عايشه ) .

طفل جديد يعني انك دخلتي في الدوامه من جديد ويعني انك اجلتي ( الحرية) سنتين تلاته كمان .. فطالما ان كل طفل بياخذ نفس المده تقريبا قبل مايبدا يعتمد على نفسه فانتي ( طبقي ) مدتين على بعض وطالما هتشقلبي حياتك كده كده فبدال ماتكون على وحد خليها على اثنين وادي واجبك بسرعه عشان تلحقي ترجعي لحياتك الطبيعية اسرع . ..

ده من الناحية التربوية والعملية .. اما من الناحية الطبية فبما انك والده قيصري فطبعا متفكريش في الحمل نهائي قبل مرور ست شهور على الولاده .. بالنسبة لك مروا خلاص .. الاطباء بينصحوا انك تنتظري فترة مابين الولادتين في حدود سنتين الى ثلاث .. خلي بالك مابين الولادتين مش الحملين .. لان احتمالات الولاده الطبيعية بعد مرور ثلاث سنوات على اول ولاده قيصري بتكون ممكنه جدا ( لو ان السبب في القيصري الاولى كان عارض ومفيش سبب في الثانية ).. بس بعد الولاده التانية للاسف مينفعش خلاص لو ولدتي مرتين قيصري يبقى هتكملي حياتك كلها باذن الله بتولدي قيصري حتى لو مفيش اسباب لذلك ..

اشكرك على ردك يا قمر

اعتقد ان كلامك طبيا وتربويا وعلميا بيقولوا انهم يبقوا ورا بعض افضل بس بينهم وبين بعض فتره زمنيه بسيطه مش بتلات او اربع سنوات طب ده هيفرق في التبويض عند المرأة لانى قرأت ان كل ما زادت فتره استخدام مانع الحمل ك ما قلت فرص الحمل بعد تركه ولا مش عندك فكره يا قمر ؟؟؟؟؟؟؟؟؟؟؟؟؟؟

[بنت الشاطئ1]

نسيت اقولك انى اصغر اخواتى والكبار اكبرهم اكبر منى بخمس تاشر سنة

بصراحة كنت بحس انى مش اختهم لأنى مش فى جيلهم خالص وهما بيكونوا مندمجين خالص مع بعض ومش عايزة احكيلك على نفسيتى كانت عاملة ازاى بحس انى غريبة بينهم واكتر اتنين من اخواتى مندمجين خالص مع بعض هما اللى الفر ق بينهم عامين

[doha]

تربويا كل مايكون السن قريب كل مايكون احسن .. منها يلعبوا مع بعض ومنها تاخذيهم ورا بعض ( علقة وحده ) وتخلصي ..

لما بيجي لك طفل حياتك بتنقلب ومبتبقاش هي .. وبرضه لما الطفل ده بيكبر حياتك بترجع تتغير تاني وتبقى حاجه تانية .. يعني طول مافي طفل صغير معاكي هتلاقي خروجك محدد وزياراتك شبه معدومه ونومك قلق مش عارفه تنتظمي في شغلك لو انه شغل مش روتيني ومحتاج منك تركيز او تفرغ .. ألخ باختصار هتلاقي حياتك كلها بتدور في فلك الطفل ده .. لما يكمل سنتين هتبدأ المشكلة الى حد ما تقل ولما يوصل اربع سنين هتتنفسي الصعداء ومن خمس سنين وطالع هتكتشفي انك ( مكنتيش عايشه ) .

طفل جديد يعني انك دخلتي في الدوامه من جديد ويعني انك اجلتي ( الحرية) سنتين تلاته كمان .. فطالما ان كل طفل بياخذ نفس المده تقريبا قبل مايبدا يعتمد على نفسه فانتي ( طبقي ) مدتين على بعض وطالما هتشقلبي حياتك كده كده فبدال ماتكون على وحد خليها على اثنين وادي واجبك بسرعه عشان تلحقي ترجعي لحياتك الطبيعية اسرع . ..

ده من الناحية التربوية والعملية .. اما من الناحية الطبية فبما انك والده قيصري فطبعا متفكريش في الحمل نهائي قبل مرور ست شهور على الولاده .. بالنسبة لك مروا خلاص .. الاطباء بينصحوا انك تنتظري فترة مابين الولادتين في حدود سنتين الى ثلاث .. خلي بالك مابين الولادتين مش الحملين .. لان احتمالات الولاده الطبيعية بعد مرور ثلاث سنوات على اول ولاده قيصري بتكون ممكنه جدا ( لو ان السبب في القيصري الاولى كان عارض ومفيش سبب في الثانية ).. بس بعد الولاده التانية للاسف مينفعش خلاص لو ولدتي مرتين قيصري يبقى هتكملي حياتك كلها باذن الله بتولدي قيصري حتى لو مفيش اسباب لذلك ..

اشكرك على ردك يا قمر

اعتقد ان كلامك طبيا وتربويا وعلميا بيقولوا انهم يبقوا ورا بعض افضل بس بينهم وبين بعض فتره زمنيه بسيطه مش بتلات او اربع سنوات طب ده هيفرق في التبويض عند المرأة لانى قرأت ان كل ما زادت فتره استخدام مانع الحمل ك ما قلت فرص الحمل بعد تركه ولا مش عندك فكره يا قمر ؟؟؟؟؟؟؟؟؟؟؟؟؟؟

هو الي اعرفه ان الست الي بتمنع الحمل بادوية او ماشابه بتدي نفسها ( سنة ) تقريبا تتوقف فيها عن المانع قبل ماتبدأ تدور على حمل .. يعني مثلا وحده ابنها عمره سنة وهي عاوزه يكون الفرق بينه وبين اخوه ثلاث سنوات .. يبقى مثلا من سن سنة وشويه تتوقف عن الموانع فممكن يحصل حمل والطفل عمره مثلا سنتين او سنتين وشويه وعلى هذا لما تولد باذن الله يكون ابنها كمل ثلاث سنوات فتبقى كده الامور ماشية في نصابها ..

طبعا دي مش قاعده في ناس بتتوقف عن المانع وتحمل على طول بل في ناس بتحمل برغم حرصها على منع الحمل .. وفي العكس ناس بتحاول تحمل ومتقدرش .. بس الاغلبية هي زي ماقلت لك .. ادي نفسك سنة تقريبا بعد التوقف عن الموانع قبل مايكون الجسم مستعد لحمل جديد ..

[الباشمهندس ياسر]

ممكن نقول 3 سنين

حمل و رضاعة نقول سنتين و نص و بعدها سنة راحة ... عشان صحة الام

[لماضة مصرية جدا]

السلام عليكم و رحمة الله و بركاته

بصي يا تانت (شفتي بقي....برضه طلعتي تانت )

انا مع الفرق الصغير الحقيقة و شايفاكم ما شاء الله بتتكلموا علي سنين...........

أنا شخصيا نفسي اخبط ستة كده مع بعض فرق في التوقيت بس زي توقيت القاهرة و توقيت قطر الصعيد 490الي هو طالع من رمسيس)

انا هقولك حاجة شفتها.....الطفل التاني لما بيتاخر ع الطفل الاول....المشكلات مش هتبقي في التغذية و تغيير البامبرز (ايه الريحة اللي هلت علينا دي)

هتبقي مشاكل غيرة و عند و عدم سمعان الكلام..... وممكن تلاقي الكبير حصلت ليه ارتداد بقي يقلد الصغير ........حصل قدام عيني و انا كنت هقع علي ضهري م الضحك و مامتهم كانت بتشد في شعرها (عارفة اني معنديش دم بس اعمل ايه..... منظر البت الكبيرة و هي بتحبي و عندها 5 سنين مع الواد اللي عنده سنة كان نكتة)

عشان كده اقدر اقولك بالفوم المليان توكلي علي بركة الله يا تانت نورماندي..... بسم الله مجراكي و مرساكي.....تاتان تاتن

مش عارفة ليه حاسة هيطلع احمد ماهر دلوقتي و يقول "الراجل مش بس بكلمته.........الراجل برعايته لبيته و اسرته"- ايه اللي دخل الرجالة دلوقتي...... امشي يا عفريت....امشي يا عفريت :old:

bv:-

[om marawan]

اهلا وسهلا بالاخت الغاليه والقريبه الي قلبي ام مروان

مداخلاتك كانت اد ايه مهمه بالنسبه لي و انا كان فى دماغي ان لما عمر يكمل السنتين ابقي افكر فى الحمل اه واو لا بس دلوقتى لا والف لا لانى عايزه عمر اخد بالى منه كويس لحد ما يعرف هو يساعد نفسه على الاقل يعنى مثلا يكون عمر عنده اربع سنين مثلا واخته او اخوه عنده سنه بس انا حاسه ان الفرق ده عند بعض الناس الاطفال بعيدين عن بعضهم وان الكبير بيبقي مظلوم علشان كل حاجه علشان اخوك الصغير علشان اخوك الصغي وخايفه الموضوع ده يحصل مع عمر اانا نخليه مش ياخد حاجته اللى هو عايزها علشان اخوه الصغير دا طبعا غير الزن فى مصر انه كفايه كده ولازم تفكروا فى البيبي التانى وان كل ما الفرق يكون صغير كل ما كان افضل من عده نواحى

وطمنتينى على موضوع القيصري انا لحد الان كل فتره مكان الجرح بيشكنى معرفش ليه

بصى يا بوسى يا قمر انا قصدى انك تعوديه شوية شوية من دلوقتى ياكل مثلا لوحده بعض حاجات يعنى بطاطس ,بسكوت ,يمسك علبة عصير بحيث انك ماتبقيش محتاسة طول الوقت تاكلى مين وتشيلى مين وهو بيحب جدا انه يأكل نفسه وده بيخف الحمل من عليكى شوية وان كان زى ماقالوا اخواتنا ذهبية وضحى وبنت الشاطىء انه تعب بتعب وخلاص قبل ماتنسى :happy: خللى كله يكبر ويروح المدارس وتفوقى شوية

ده كان تفكيرى والنصيحة اللى اتقالت لى خصوصا انى كنت قدك بالظبط لما كان عندى مروان يعنى مش معقول تفضلى تخلفى وتربى كل طفل 4 سنين لوحده وكل طفل على مايعتمد على نفسه ييجى التانى بعده يبقا انتى اخدتى 12 سنة مثلا فى 3 اطفال

نيجى بقا للكلام المهم موضوع الطفل يتظلم ده متوقف على معاملتكوبصرف النظر عن الفرق بينهم كلمة عشان اخوك الصغير دى كلمة مش مشجعة لبناء علاقة بدون مشاكل بين الاطفال ومش مناسبة أبداااا حتى فترة الارتداد اللى قالت عنها لماضة برضه بسبب الغيرة من التعامل والاهتمام

بصى فى السنة الاولى من الولادة لاااااازم يكون اهتمامك الرئيسى والاساسى بالكبير واوعى يحس انه اخوه اخد مكانه فى الاهتمام .. والصغير لما يكبر هيحبه لوحده لانه هيلاقى الكبير علاقته بيه كويسة وبيحبه ومش غيران منه او عاوز ياخد حاجته مثلا بالعكس هيفرح بيه جدااا

عاوزة بقا تدلعى الصغير طبعا وتبوسى وتهننى يبقا بينك وبينه ... هاقولك على حاجة وماتضحكيش انا لما باحب أدى الصغننة جرعة حنان ودلع بادخل قوضة او المطبخ لوحدى من غير الكبار مايحسوا و ادلعها واهزر وكل حاجة بس مش قدام اخواتها عشان مشاعرهم ومايزعلوش

اما الكبير دلعيه براحتك لان الصغير فى اول شهور مش مدرك لسه الغيرة او الكلام ده

ماتقوليش لازم تحب اخوك او ده اخوك او اختك هو مش فاهم يعنى ايه أخ او أخت إنتى اهتمى بيه وفهميه انه اخوه او اخته بيحبوه بيتبسطوا لما يشوفوه مثلا وهو طبيعى هيحبه ومش هيلاقى مبرر للغيرة ولما الطفل الصغير يكبر هيلاقى الكبير بيحبه فطبيعى العلاقة هتكون بدون مشاكل

انتى بس انوى و احنا مع بعض وماتقلقيش والله المستعان

الفكرة انه وجود الطفل التانى فى الوقت ده أفضل لانه بيكون الكبير مالحقش يحس انه محور الاهتمام الرئيسى هو هيكبر يلاقى نفسه مع اخوه او اخته سوا بيلعبوا وبجد بيبقا فيه تقارب وتفاهم

عاوزة اقولك انه مروان لما بدات اخته تكبر شوية وتلعب معاه كان كل اللى مزعله انها مش بتتكلم زيه wst:: ولما بدأت تتكلم بقوا فريق والحمد لله على نعمه لانه حتى لما ولدت البنت التالتة كانوا فرحانين بيها جدا ومازالوا الحمد لله وهى اللى بتونس اختها برضه على ما الكبيرة تروح الحضانة

أخر حاجة بالنسبة للقيصرى الشكة دى عادية مافيهاش قلق بتيجى على فترات متباعدة فتوكلى على الله ومتقلقيش الولادة كمان فى الكويت جميلة

والله يابوسى صدقينى ربنا بيعين فوق ماتتخيلى حتى لو كنتى لوحدك لانه هو سبحانه اللى بيكون معاكى والحمد والشكر والفضل لله رب العالمين

طولت عليكى جدا بس سيبيها على الله و أول ما تنوى وقفى الاقراص ووقت ماربنا يريد هيكون.. ومافيش مشكلة على فكرة فى المدة اللى بتاخدى فيها الاقراص عادى اول مابتوقفى بيرجع الوضع طبيعى خاصة انك بتاخدى نوع بنسبة هرمون بسيطة .. صح كده ؟ أصل انا صيدلى بس مع وقف التنفيذ :lol:

تحياتى ودمتى فى حفظ الله

[pocy]

السلام عليكم و رحمة الله و بركاته

بصي يا تانت (شفتي بقي....برضه طلعتي تانت wst:: )

نعمين يا مرات ابنى

انا مع الفرق الصغير الحقيقة و شايفاكم ما شاء الله بتتكلموا علي سنين...........

أنا شخصيا نفسي اخبط ستة كده مع بعض فرق في التوقيت بس زي توقيت القاهرة و توقيت قطر الصعيد 490الي هو طالع من رمسيس)

سته يا جباره وتقدرى عليهم ازاى دول ههههههههههههه دا واحد والواحد بيلف حولين نفسه طول اليوم ههههههههههههههه

دا غير العصبي والحركات التانيه اللى بتطلع على اخر اليوم

انا هقولك حاجة شفتها.....الطفل التاني لما بيتاخر ع الطفل الاول....المشكلات مش هتبقي في التغذية و تغيير البامبرز (ايه الريحة اللي هلت علينا دي) دى مأكد ريحه البامبرز بتاعه ............. طبعا انتى قلتى انك هتغيريله وموافقه ههههههههههههه الله يعينك يا بنتى مش على الروايح دى وبس ههههههههههههههه

هتبقي مشاكل غيرة و عند و عدم سمعان الكلام..... وممكن تلاقي الكبير حصلت ليه ارتداد بقي يقلد الصغير :rolleyes: ........حصل قدام عيني و انا كنت هقع علي ضهري م الضحك و مامتهم كانت بتشد في شعرها (عارفة اني معنديش دم بس اعمل ايه..... منظر البت الكبيرة و هي بتحبي و عندها 5 سنين مع الواد اللي عنده سنة كان نكتة)

عشان كده اقدر اقولك بالفوم المليان توكلي علي بركة الله يا تانت نورماندي..... بسم الله مجراكي و مرساكي.....تاتان تاتن

مش عارفة ليه حاسة هيطلع احمد ماهر دلوقتي و يقول "الراجل مش بس بكلمته.........الراجل برعايته لبيته و اسرته"- ايه اللي دخل الرجالة دلوقتي...... امشي يا عفريت....امشي يا عفريت :rolleyes:

wst::

والله سكره و زى العسل (أوعى تكونى ملزقه من كتر الحلاوه ههههههههههه)وبجد مفكرتيش تكتبي كتابات ساخره اسلوبك رائع فى المجال ده استمرى يا بنتى واحنا وراكى

[pocy]

اهلا وسهلا بالاخت الغاليه والقريبه الي قلبي ام مروان

مداخلاتك كانت اد ايه مهمه بالنسبه لي و انا كان فى دماغي ان لما عمر يكمل السنتين ابقي افكر فى الحمل اه واو لا بس دلوقتى لا والف لا لانى عايزه عمر اخد بالى منه كويس لحد ما يعرف هو يساعد نفسه على الاقل يعنى مثلا يكون عمر عنده اربع سنين مثلا واخته او اخوه عنده سنه بس انا حاسه ان الفرق ده عند بعض الناس الاطفال بعيدين عن بعضهم وان الكبير بيبقي مظلوم علشان كل حاجه علشان اخوك الصغير علشان اخوك الصغي وخايفه الموضوع ده يحصل مع عمر اانا نخليه مش ياخد حاجته اللى هو عايزها علشان اخوه الصغير دا طبعا غير الزن فى مصر انه كفايه كده ولازم تفكروا فى البيبي التانى وان كل ما الفرق يكون صغير كل ما كان افضل من عده نواحى

وطمنتينى على موضوع القيصري انا لحد الان كل فتره مكان الجرح بيشكنى معرفش ليه

بصى يا بوسى يا قمر انا قصدى انك تعوديه شوية شوية من دلوقتى ياكل مثلا لوحده بعض حاجات يعنى بطاطس ,بسكوت ,يمسك علبة عصير بحيث انك ماتبقيش محتاسة طول الوقت تاكلى مين وتشيلى مين وهو بيحب جدا انه يأكل نفسه وده بيخف الحمل من عليكى شوية وان كان زى ماقالوا اخواتنا ذهبية وضحى وبنت الشاطىء انه تعب بتعب وخلاص قبل ماتنسى :rolleyes: خللى كله يكبر ويروح المدارس وتفوقى شوية

ده كان تفكيرى والنصيحة اللى اتقالت لى خصوصا انى كنت قدك بالظبط لما كان عندى مروان يعنى مش معقول تفضلى تخلفى وتربى كل طفل 4 سنين لوحده وكل طفل على مايعتمد على نفسه ييجى التانى بعده يبقا انتى اخدتى 12 سنة مثلا فى 3 اطفال

نيجى بقا للكلام المهم موضوع الطفل يتظلم ده متوقف على معاملتكوبصرف النظر عن الفرق بينهم كلمة عشان اخوك الصغير دى كلمة مش مشجعة لبناء علاقة بدون مشاكل بين الاطفال ومش مناسبة أبداااا حتى فترة الارتداد اللى قالت عنها لماضة برضه بسبب الغيرة من التعامل والاهتمام

بصى فى السنة الاولى من الولادة لاااااازم يكون اهتمامك الرئيسى والاساسى بالكبير واوعى يحس انه اخوه اخد مكانه فى الاهتمام .. والصغير لما يكبر هيحبه لوحده لانه هيلاقى الكبير علاقته بيه كويسة وبيحبه ومش غيران منه او عاوز ياخد حاجته مثلا بالعكس هيفرح بيه جدااا

عاوزة بقا تدلعى الصغير طبعا وتبوسى وتهننى يبقا بينك وبينه ... هاقولك على حاجة وماتضحكيش انا لما باحب أدى الصغننة جرعة حنان ودلع بادخل قوضة او المطبخ لوحدى من غير الكبار مايحسوا و ادلعها واهزر وكل حاجة بس مش قدام اخواتها عشان مشاعرهم ومايزعلوش

اما الكبير دلعيه براحتك لان الصغير فى اول شهور مش مدرك لسه الغيرة او الكلام ده

ماتقوليش لازم تحب اخوك او ده اخوك او اختك هو مش فاهم يعنى ايه أخ او أخت إنتى اهتمى بيه وفهميه انه اخوه او اخته بيحبوه بيتبسطوا لما يشوفوه مثلا وهو طبيعى هيحبه ومش هيلاقى مبرر للغيرة ولما الطفل الصغير يكبر هيلاقى الكبير بيحبه فطبيعى العلاقة هتكون بدون مشاكل

انتى بس انوى و احنا مع بعض وماتقلقيش والله المستعان

الفكرة انه وجود الطفل التانى فى الوقت ده أفضل لانه بيكون الكبير مالحقش يحس انه محور الاهتمام الرئيسى هو هيكبر يلاقى نفسه مع اخوه او اخته سوا بيلعبوا وبجد بيبقا فيه تقارب وتفاهم

عاوزة اقولك انه مروان لما بدات اخته تكبر شوية وتلعب معاه كان كل اللى مزعله انها مش بتتكلم زيه :rolleyes: ولما بدأت تتكلم بقوا فريق والحمد لله على نعمه لانه حتى لما ولدت البنت التالتة كانوا فرحانين بيها جدا ومازالوا الحمد لله وهى اللى بتونس اختها برضه على ما الكبيرة تروح الحضانة

أخر حاجة بالنسبة للقيصرى الشكة دى عادية مافيهاش قلق بتيجى على فترات متباعدة فتوكلى على الله ومتقلقيش الولادة كمان فى الكويت جميلة

والله يابوسى صدقينى ربنا بيعين فوق ماتتخيلى حتى لو كنتى لوحدك لانه هو سبحانه اللى بيكون معاكى والحمد والشكر والفضل لله رب العالمين

طولت عليكى جدا بس سيبيها على الله و أول ما تنوى وقفى الاقراص ووقت ماربنا يريد هيكون.. ومافيش مشكلة على فكرة فى المدة اللى بتاخدى فيها الاقراص عادى اول مابتوقفى بيرجع الوضع طبيعى خاصة انك بتاخدى نوع بنسبة هرمون بسيطة .. صح كده ؟ أصل انا صيدلى بس مع وقف التنفيذ :lol:

تحياتى ودمتى فى حفظ الله

هلا باختى وحبيبتى فى الله أ م مروان اخبارك ايه والله كلامك اد ايه جميل وناتج عن خبره زى كلام الاخوات العزيزات ذهبيه وضحي وبنت الشاطئ وان شاء الله ناويه اتوكل على الله وربنا ييسر اللى فيه الخير وانا متاكده انه رايدلنا الخير ان شاء الله

وبجد انا مش عارفه اشكركم ازاى على تفاعلكم معاى مع ان العنصر الرجالى فى الموضوع ده كان محصور على الاستاذ بندق افندى والباشمهندس ياسر اللى بشكرهم جدا على رايهم الكريم

ولو برضه حد عنده خبره ويحب يحكيهلنا نستفاد منها فياريت ان شاء الله منتظرين ارائكم

[مصري أصيل]

الاخت بوسي المحترمه

من الجانب الطبي لا يـٌفضل أبداً تفكير الأم في الحمل قبل مرور سنتان علي المولود الأول في حالة ولادة الأم للمولود بعملية قيصرية و هذا علي حسب معلوماتي و خصوصاً أنك مازلت تشتكين من الجراحة الأولي و أفضل أستشارة طبيب و ان كنت واثق أن كلامه لن يختلف عما نصحتك به الأن.

أما بخصوص جانب فرق السن بين الطفلين فقد أفاضت الزميلات المحترمات في اعطاء النصيحة كلاً حسب تجربتها الشخصية و لا يوجد عندي ما أضيفه بعد ذلك.

أما بخصوص ولادة الطفل الثاني و ان كان خارج عن الموضع . فكما تفضلت الأخت أم مروان بأن الولاده في الكويت أفضل بكثير لأن في مصر مبدأ الأطباء الذين يعملون به أنه طالما المولود الأول قد تمت ولادته قيصري فباقي الولادات ستكون قيصري أيضاً و لكن في الكويت لا يتعاملون بهذا المبدأ فحتي لو كانت ولادة الطفل الأول قيصري فهم يفعلون المستحيل لكي تلد الأم ولاده طبيعيه في الطفل الثاني .

تحياتي

أبو كريم

[pocy]

الاخت بوسي المحترمه

من الجانب الطبي لا يـٌفضل أبداً تفكير الأم في الحمل قبل مرور سنتان علي المولود الأول في حالة ولادة الأم للمولود بعملية قيصرية و هذا علي حسب معلوماتي و خصوصاً أنك مازلت تشتكين من الجراحة الأولي و أفضل أستشارة طبيب و ان كنت واثق أن كلامه لن يختلف عما نصحتك به الأن.

أما بخصوص جانب فرق السن بين الطفلين فقد أفاضت الزميلات المحترمات في اعطاء النصيحة كلاً حسب تجربتها الشخصية و لا يوجد عندي ما أضيفه بعد ذلك.

أما بخصوص ولادة الطفل الثاني و ان كان خارج عن الموضع . فكما تفضلت الأخت أم مروان بأن الولاده في الكويت أفضل بكثير لأن في مصر مبدأ الأطباء الذين يعملون به أنه طالما المولود الأول قد تمت ولادته قيصري فباقي الولادات ستكون قيصري أيضاً و لكن في الكويت لا يتعاملون بهذا المبدأ فحتي لو كانت ولادة الطفل الأول قيصري فهم يفعلون المستحيل لكي تلد الأم ولاده طبيعيه في الطفل الثاني .

تحياتي

أبو كريم

يا هلا ويا غلا بالاخ الفاضل ابو كريم

انا برضه كنت سمعت ان القيصري يكون بينه وبين الطفل التانى سنتين علشان الجرح وفعلا اختى ولدت قيصري والتانى ولدته فىالكويت وكان طبيعي بس في الاسبوع 41 هههههههههههههههه وفعلا هنا بيفضلوا الطبيعي جدا عن انهم يولدوا قيصري و الحمد لله انهم بيعملوا كده

اما بالنسبه ان مصر احسن من الكويت فانا فعلا جربتها وولدت عمر هنا وفعلا فى عنايه هنا ممتازه بس لمه مصر هى اللى توحشك والزغاريط والسبوع والحركات دى بس طبعا الحمد لله اتمنى من الله عز وجل ان يوفقنا واياكم لما يحبه ويرضاه

وبجد مشكور جدا لردك اخي الفاضل أبو كريم