يا بلادي

[الباشمهندس ياسر]

هنا هنحط كل قصيدة هنحس انها بتعبر عن وضع الوطن ان شاء الله

و نبدأ بالابنودي

أحزانى العاديه عبد الرحمن الابنودي

________________________________________

القصيده ديه القاها في حفله التضامن مع الصحفي ابراهيم عيسي

اللى كانت في نقابه الصحفيين

وفجأة

هبطت على الميدان

من كل جهات المدن الخرسا

الوف شبان

زاحفين يسألوا عن موت الفجر

استنوا الفجر ورا الفجر

ان القتل يكف

ان القبضه تخف

ولذلك خرجوا يطالبوا

بالقبض على القبضه

وتقديم الكف

الدم

قلب الميدان وعدل

وكأنه دن نحاس مصهور

انا عندى فكرة عن المدن

اللى يكرهها النور

والقبر اللى يبات مش مسرور

وعندى فكرة عن العار

وميلاد النار

والسجن فى قلبى مش على رسمه سور

قلت له لأ يا بيه

انا اسف

بلدى بربيع وصباح

ولسه فى صوتى هديل الينابيع

لسه فى قلبى صهيل المصباح

لسه العالم حيى رايح جى

بيفرق بين الدكنه وبين الضى

بلدى مهما تتضيع مش حتضيع

ما ضايع الا ميدان وسيع

يساع خيول الجميع

يقدم المقدام

ويفرسن الفارس

ويترك الشجاعه للشجيع

ولا باعرف ابكى صحابى غير فى الليل

انا اللى واخد على القمر

ومكلمه اطنان من الشهور

وعلى النظر من خلف كوة فى سور

واللى قتلنى ما ظهر له دليل

وفى ليله التشييع

كان القمر غافل ..مجاش

والنجم كان حافل

لا بطل الرقصه ولا الارتعاش

لما بلغنى الخبر

اتزحم الباب

وجونى الاحباب

ده يغسل ..ده يكفن ..ده يعجن كف تراب

وانا كنت موصى لا تحملنى الا كتوف اخوان

اكلوا على خوان

وما بينهمش خيانه ولا خوان

والا نعشى ما حينفدش من الباب

ما اجمل نومه على كتوف اصحابك

تنظر صادقك من كدابك

تبحث عن صاحب انبل وش

فى الزمن الغش

والرؤيه قصادى اتسعت

بصيت واحسب نفسى بين خلان

تعالوا شوفوا الدنيا من مكانى

حاشتنا اغراض الحياه عن النظر

بالرغم من نبل الالم والانتظار

اتعلمنا حاجات اقلها الحذر

ونمنا سنوات مدهشه

نحلب ليالى حلمنا المنتظر

وامتلات الاسواق بالمواكب

تبيع صديد الوهم والمراكب

وفارشه بالوطن على الرصيف

بالفكر والجياع والكواكب ومذله الرغيف

شويه فات سقراط

مسلسلينه من القدم للباط

ومتهم باليأس والاحباط

وبالعدم وبالزنا وباللواط

وبكل كافه التهم

وهو عابر للجحيم على الصراط

ينظر على الشعب التعيس ويبتسم

الى الجحيم للفلسفه

دنيا لا كانت يوم

ولا حتكون فى يوم كويسه

دنيا فى هيأة خنفسة

دنيا فسه

ما اتعس الانسان

ما اسعد الحيوان

وعبر

وصف من الزوانى وراه

متلطخين بالبودرة والمعاجين

حاصرين غطاوى الروس

بطونهم عريانين

بيغنوا طوبى لضحكه المساجين

وعيال عرايا

تفيض بها الطرقات

من القرى ومن المقاطعات

اطفال فى لون الجوع

صوت النفس مسموع

اطفال شبه وضلوع

اما انا

فاتسعت الرؤيا

وبصيت للمسا وللحياه المتعسه

وللنسايم المنعسه

وقلت ورا سقراط

دنيا فى هيئه خنفسه

ما اتعس الانسان

ما اسعد الحيوان

قبل مرورى على بعض مكان

كنت موصى يمه افوت

هجمت من الحارة مجموعه نسوان

رجعوا بالصوت

قالوا يا عبد الرحمن

وقدرت تموت !!

وتفوت اللحم العارى المتهان

فى المدن اللى معداش منها ريحه انسان !!

انا مت

ومش منظور لى جواب

متحصن بكتوف الاصحاب

ولذلك فت

عند التربه

قعد الشيخ اوصانى

وادانى كتابى بيمانى

قال لى لو جولك ملكان

قول انا عبد الله مش عبد الرحمن

ودعا لى فى لحظه ما يقوم للعدل ميزان

ينوبنى شىء من العفو وبعض الغفران

وفى لحظه ما انا متزحلق

فى قماشى الابيض

من جوف القبر

التقدم ضابط واتعرض

قبض على الجثه

وطلب الاوراق

مزع الاكفان

عدل الوش

ووقف وركلنى

وقالى بلؤم شديد

حتى فى الموت بتغش

شيلوه

ولقيت نفسى والعربيه داخله القلعه

كانت الدنيا ضجيج والشمس نيران والعه

قوم يا انسان

انا قلت

انا عبد الله مش عبد الرحمن

زى ما الشيخ اوصانى

قالى عندى اوراق تثبت انك مش مرتاح

امرك فاح

ولقيت نفسى محاصر تانى وتحت الرجلين

قلت لنفسى وبعدين

راح تفضل كده لامتى يا غلبان ؟

بتدارى ايه ؟

ايه باقى تانى علشان تبقى عليه ؟

وطنك ؟

متباع

سرك ؟

متذاع

الدنيا حويطه وانت بتاع

ويهين المعنى الضابط

ويدوس بالجزمه على الحلم

ربنا رازجه بجهل غانيه عن كل العلم

ماذا تعنى بالكون يا يساعك يا يسعنى ؟؟

رد يا جربان يا ابن الوسخة ياكلب

اظنك حتقولى تانى الشعب

وصفعنى وتنى على بطنى بالكعب

يا سعادة البيه وانا ايه؟ او ليا فى العمال ايه ؟

ما تضيع الدنيا والعمال دى تغور

يا صاحب هذا المبنى الموروث

ضل جدودك فى الجدران مغروس

انت السلطان وانا المملوك

انت السجان وانا المهلوك

انت المنصور وانا المسفوك

انا الصعلوك وامتى الصعلوك

يقدر يتجاسر على السلطان

اللى فى ايده بدل البرهان مليون برهان

رفع الهد

ماهو برضه دول يفهموا فى الكدب

اول ما اتلفت جه غارس الجزمه فى قورتى

وجيت اقعد بركنى على الاسفلت

ولقيت نفسى محاصر تانى وتحت الرجلين

قلت لنفسى وبعدين

راح تفضل كده لامتى يا غلبان ؟

ما لقتش الراحه فى الموت

يمكن تلاقيها ورا القضبان

اطلعت على الشبابيك وعلى القضبان

على الموقف

على السجن وعلى السجان

ولقيتنى طول عمرى كنت كده

كلب ..محاصر ..متهان ..منبوذ ..جربان

وانا يا ابنى الحلم اللى ما لهش اوان

معروف عشى فى قلب البستان

معروف صوتى فى زمن الاحزان

وفى اى زمان

واتذكرت سنه ما اتبنت القلعه

وكنت انا اول مسجون

وكان الضابط ده اول سجان

يوم ما ركلنى نفس الركله

يوم ما صفعنى نفس الصفعه

نفس طريقه الركل

وآخر الليل جانى بدم صحابى فى الاكل

استأذنت ارتب اقوالى

قفل الباب

واتفتح الباب

وخلاص

يا عم الضابط انت كداب

واللى باعتك كداب

مش بالذل حاشوفكم غير

ولا استرجى منكم خير

انتم كلاب الحاكم

واحنا الطير

انتم التوجيه واحنا السيل

انتم لصوص القوت

واحنا بنبنى بيوت

احنا الصوت ساعه ما تحبوا الدنيا سكوت

احنا شعبين ..شعبين ..شعبين

شوف الاول فين ؟؟

والتانى فين ؟؟

وآدى الخط ما بين الاتنين بيفوت

انتم بعتم الارض بفاسها ..بناسها

فى ميدان الدنيا فكيتوا لباسها

بانت وش وضهر

بطن وصدر

والريحه سبقت طلعه انفاسها

واحنا ولاد الكلب الشعب

احنا بتوع الاجمل وطريقه الصعب

والضرب ببوز الجزمه وبسن الكعب

والموت فى الحرب

لكن انتم خلقكم سيد الملك

جاهزين للملك

ايديكم نعمت من طول ما بتفتل ليالينا الحلك

احنا الهلك وانت الترك

سواها بحكمته صاحب الملك

انا المطحون المسجون

اللى تاريخى مركون

وانت قلاوون وابن طولون ونابليون

الزنزانه دى مبنيه قبل الكون

قبل الظلم ما يكسب جولات اللون

يا عم الضابط

احبسنى

سففنى الحنضل واتعسنى

رأينا خلف خلاف

احبسنى او اطلقنى وادهسنى

رأينا خلف خلاف

واذا كنت لوحدى دلوقت

بكره مع الوقت

حتزور الزنزانه دى اجيال

واكيد فيه جيل

اوصافه غير نفس الاوصاف

ان شاف يوعى

وان وعى ما يخاف

انتم الخونه لو يصدق ظنى

خد مفاتيح سجنك واترك لى وطنى

وطنى غير وطنك

ومشى

قلت لنفسى

ما خدمك الا من سجنك

[maksoof]

هَذَا عِتابُ الحُبِّ.. لِلأحْبابِ

احدث قصائد فاروق جويدة

لا تغْضبى مِنْ ثَورتِى.. وَعِتَابِى

مَازالَ حُبــُّـك مِحْنَتِى وَعَذابِى

مَازالَ فِى العَيْن الحَزينَةِ قُبْلَةٌ

للعَاشِقِينَ بسحْرِكِ الخَلابِ

أحْببتُ فِيْكِ العُمْرَ طِفْلاً باسِـماً

جَاءَ الحَياةَ بأطْهَرِ الأثْوَابِ

أحْببتُ فِيكِ اللَيلَ حِينَ يضُمُّنَا

دِفْءَ القُلوبِ.. ورفقَةُ الأصْحابِ

أحْببتُ فيكِ الأمَّ تسكنُ طِفلَهَا

مَهْمَا نَأىَ.. تَلقاهُ بِالتِرْحَابِ

أَحْببتُ فِيْكِ الشَمْسَ تَغْسِلُ شَعْرَهَا

عِندَ الغُروبِ بدمعِهَا المُنسَابِ

أَحْببتُ فِيكِ النِيْلَ يَجْرِى صَاخِباً

فَيَهِيْمُ روضٌ فِى عِناقٍ روَابِ

أحببتُ فيك شُموخَ نهرٍ جامحٍ

كَمْ كانَ يسْكرنى بغيرِ شرابِ

أحببتُ فيك النيلَ يسجدُ خاشِعاً

للهِ رَباً دُونَ أىّ حسابِ

أحببتُ فيك صلاةَ شعبٍ مؤمنٍ

رسَم الوجُودَ عَلى هُدى مِحرابِ

أحببتُ فيك زمان مجدٍ غابرٍ

ضيعته سفهاً على الأذناب

أحْببت فى الشرفاء عهداً باقياً

وكَرهت كلَّ مقامرٍ كذّابٍ

إنّى أحبكِ رغم أنى عاشقٌ

سَئِم الطوَافَ.. وضاقَ بالأعتابِ

كَم طافَ قلْبى فِى رِحابِكِ خَاشِعاً

لم تعرف الأنقى.. من النصاب

أسرفتُ من حبى.. وأنت بخيلةٌ

ضيعت عمرى.. واستبحتِ شبابى

شاخت على عينيك أحلام الصبا

وتناثرت دمعاً على الأهدابِ

من كان أولى بالوفاء؟..عصابة!

نهبتك بالتدليس.. والإرهابِ؟

أم قلب طفلٍ ذاب فيكِ صبابةً

ورميتهِ لحماً على الأبواب؟!

عمرٌ من الأحزان يمرح بيننا

شبح يطوف بوجهه المرتاب

لا النيلُ نيلكِ.. لا الضفافُ ضفافهُ

حتى نخيلك تاهَ فى الأعشاب!

باعوكِ فى صخبِ المزاد.. ولم أجدْ

في صدرك المهجورِ غيرَ عذابِ

قد روّضوا النهر المكابر فانحنى

للغاصبين.. ولاذ بالأغرابِ

كم جئتُ يحملنى حنينٌ جارفٌ

فأراك.. والجلادَ خلف البابِ

تتراقصين على الموائد فرحةً

ودمى المراق يسيل فى الأنخاب

وأراكِ فى صخب المزاد وليمةً

يلهو بها الأفاق.. والمتصابى

قد كنت أولى بالحنان.. ولم أجدْ

فى ليل صدرك غير ضوءٍ خابِ

فى قمة الهرم الحزينِ عصابةٌ

ما بين سيفٍ عاجزٍ.. ومُرابِ

يتعبدون لكل نجمٍ ساطعٍ

فإذا هوى صَاحوا: نذير خرابِ

هرمٌ بلون الموت.. نيلٌ ساكنٌ

أُسدٌ محنطةٌُ بلا أنيابِ

سافرتُ عنكِ وفى الجَوامِح وحشةٌ

فالحزن كأسى.. والحَنينُ شَرابى

صَوتُ البلابلِ غابَ عنْ أوكارِه

لم تعْبئِى بتشرّدى.. وغِيابى

كُلّ الرِفاقِ رأيتهُم فى غُربتى

أطلالُ حلمٍ.. فِى تِلال تُرابِ

قد هَاجروا حُزناً.. ومَاتوا لوعةً

بينَ الحَنين.. ورفقةِ الأصحابِ

بينى وَبينك ألفُ ميلٍ.. بَينمَا

أحْضَانك الخضْراءُ للأغرابِ!

تبنينَ للسُفهاءِ عُشاً هادئاً

وأنا أمُوت على صَقيعِ شَبابى!

فى عتمَةِ الليلِ الطَويلِ يشدُّنى

قلبى إليكِ.. أحِنُّ رَغْم عَذابِى

أَهفُو إِليكِ.. وفى عُيونكِ أحْتمِى

مِنْ سجْنِ طَاغيةٍ وقصْفٍ رِقابِ

هل كان عدلٌ أنّ حبك قاتلى

كيف استبحتِ القتل للأحبابِ؟!

ما بين جلادٍ.. وذئبٍ حاقدٍ

وعصابةٍ نهبت بغير حسابِ

وقوافلٍ للبؤس ترتع حولنا

وأنين طفلٍ غاص فى أعصابى

وحكايةٍ عن قلب شيخٍ عاجزٍ

قد مات مصلوبًا على المحرابِ

قد كان يصرخ: «لى إلهٌ واحدٌ

هو خالق الدنيا.. وأعلم مابي»

يا ربـّ سطرت الخلائق كلها

وبكل سطرٍ أمةٌ بكتابِ

الجالسون على العروشِ توحشوا

ولكل طاغيةٍ قطيع ذئابِ

قد قلت: إن الله ربٌ واحدٌ

صاحوا: «ونحن» كفرتَ بالأربابِ؟

قد مزقوا جسدى.. وداسوا أعظُمى

ورأيت أشلائى على الأبوابِ

. . . ما عدتُ أعرف أين تهدأ رحلتى

وبأى أرضٍ تستريح ركابى

غابت وجوهٌ.. كيف أخفتْ سرّها؟

هرب السؤالُ.. وعزّ فيه جوابى

لو أن طيفاً عاد بعد غيابه

لأرى حقيقة رحلتى ومآبى

لكنه طيفٌ بعيدٌ.. غامضٌ

يأتى إلينا من وراء حجابِ

رحل الربيعُ.. وسافرت أطيارهُ

ما عاد يجدى فى الخريف عتابى

فى داخل المشوار تبدو صورتى

وسط الذئاب بمحنتى وعذابى

ويُطل وجهكِ خلف أمواج الأسى

شمسًا تلوّح فى وداع سحابِ

هذا زمانٌ خاننى فى غفلةٍ

منى.. وأدمى بالجحود شبابى

شيعتُ أوهامى.. وقلت لعلنى

يومًا أعود لحكمتى وصوابى

كيف ارتضيتُ ضلال عهدٍ فاجرٍ

وفساد طاغيةٍ.. وغدر كلابِ؟!

ما بين أحلامٍ توارى سحرُها

وبريق عمرٍ صار طيف سرابِ

شاختْ ليالى العمر منى فجأةً

فى زيف حلمٍ خاضعٍ كذابِ

لم يبق غير الفقر يستر عورتى

والفقرُ ملعونٌ بكل كتابِ

سربُ النخيل على الشواطئ ينحنى

وتسيلُ فى فزعٍ دماء رقابِ

ما كانَ ظنّى أنْ تكون نهايتى

فى آخر المشوار دمع عتابِ

ويضيع عمرى فى دروب مدينتى

ما بين نار القهرِ.. والإرهابِ

ويكون آخر ما يطل على المدى

شعبٌ يهرول فى سواد نقابِ

وطنٌ بعرض الكون يبدو لعبةً

للوارثين العرش بالأنسابِ

قتلاكِ يا أم البلاد تفرقوا

وتشردوا شيعاً على الأبوابِ

رسموك حلماً ثم ماتوا وحشةً

ما بين ظلم الأهل والأصحابِ

لا تخجلى إن جئتُ بابك عارياً

ورأيتنى شبحاً بغير ثيابِ

يخبو ضياء الشمسِ.. يصغر بيننا

ويصير فى عينى.. كعود ثقابِ

والريح تزأر.. والنجوم شحيحةٌ

وأنا وراء الأفق ضوء شهابِ

غضبٌ بلون العشق.. سخطٌ يائسٌ

ونزيف عمرٍ.. فى سطور كتابِ

رغم انطفاء الحلم بين عيوننا

فيعود فجرك بعد طول غيابِ

فلترحمى ضعفى.. وقلة حيلتى

هذا عتابُ الحبِ.. للأحبابِ

[الباشمهندس ياسر]

في حبك يا مصر قالوا كتير و قالوا ياما

بحبك يا مصر بتجري في دمي ليوم القيامة

بحبك و بعشق فيكي البساطه

بعشق ضي قمرك لما يرقص لنيلك

يلالي لبحرك و يرسم ملامحي في ساعة سعادة

بحبك بيوت في قلب الحواري

بحبك قلوب تطيب تداوي

بحبك سمار كاسي الملامح

بنظره يدوب بيننا الفوارق

و يغمز لقلبي يهدي يسامح

و ينسى في حبك عمري اللي جارح

بحبك يا مصري هلال و صليب

و بعشق يا بلدي فيكي الضجيج

في حبك يا مصر قالوا و عادوا

و لجلك المصري يضحي بولاده

بحبك يا طاهرة يا أم الشهيد

بحبك يا مصر بقولها و هقولها لآخر نفس

بقولها و هقولها لأول صرخه في ألم الولاده

بحبك يا أمي يا ماليه عنيه

بحبك يا بلدي يا كل اللي ليًا

في حبك يا مصر قالوا كتير و قالوا ياما

بحبك يا مصر بتجري في دمي ليوم القيامة

بحبك يا مصر

بحبك بحبك بحبك

يا مصر

مسايا وصباحي

أسبح بحبك

وحبك شفايا

وجراحي يا مصر

واسافر بحبك

واميل زي ميلك

وتحلا الخطاوي

في حبك يا مصر

واحب اغترابي

في صبحك وليلك

واحب الونس بالرفاقه

يا مصر

تنام الدموع في العيون الهواجع

وتسهر دموعي

في حبك يا مصر

تهون السجون

والشجون

والمواجع

ويغلا مع القهر حبك

يا مصر

ولو يحبسوني

ولو يشنقوني

ولو فكروا بالعذاب يبعدونى

ح أقرب واقرب

مش ممكن اهرب

وتنزل دموعي علي خدودي تشرب

تلاقي الرموش والخدود والمباسم مراسم

وصورتك عليهم يا مصر

بحبك بحبك

بحبك يا مصر

[الباشمهندس ياسر]

أنا المصري كريم العنصرين.. / عبد الرحمن الأبنودي

أنا المصري... كريم العنصرين

سليل المخلصين... المؤمنين

وحامي الأمّة في وقت الشدايد

وشقَّاق السِّكك للواردين

ودمّي ملك ليكم... أجمعين

أنا المصري

كريم العنصرين

***

أنا المصري كريم العنصرين

فقدت العقل والصوت والإيدين

وبعد ما كنت نجدة وروح ووقفة

مانيش عارف نسيت ده كله فين

ومين اللي سلبني اسمي مين؟!

أنا المصري

كريم العنصرين

***

وكنت أصرخ أطفِّي النار بصوتي

ويحيي أمّتي في الشدّة موتي

فمين اللي كتب عاري ف جبيني

ومين اللي سرق شعلة سكوتي

وأنا اللي غنايا صحّى العالمين

أنا المصري

كريم العنصرين

***

أنا مِتْباع... ماهيش عادْتَك يا وطني

عدوّ... لِعدو... ومين ما قبضْش تَمَني

صبي البقال يتاجر في الضماير

وأحلى عمري ضاع مستنِّي زمني

بقينا بصمتنا الموت... مُكتفين

أنا المصري

كريم العنصرين

***

كأن الوحل... شدّ الرِّجل منِّي

أنوح وأبكِي وأنا قاصد أغنّي

وواقفين على الشطوط بأيادي سودا

محال.. حيغرّقوني غصْب عني

لو نصبوا في قلبي ميت كمين

أنا المصري

كريم العنصرين

***

بنتها من الهرم للسدِّ... يَدِّي

بنتْها كلها ف لحظة تحدي

وكنت زعيم نبيل ما بين جيفارا

وتيتو وكاسترو ونهرو وغاندي

ومش محتاج أقول أنا كنت مين؟

أنا المصري

كريم العنصرين

***

وكان يخطب تصيب الدنيا ربكة

ومن لبنان يعود أسطول أميركا

ولينا في الوجود كلمة ومكانة

وإخوة في الأمل... دمعة وضحكة

ورقابينا الأبية... مرفوعين

أنا المصري

كريم العنصرين

***

وجُونا اللي رمونا... للمهالك

تقول: "لأّه" يقولولها: "وانتي مالِك"؟

تقول: "لبنان.. أحبابنا الأعزّة.."

يقولوا: "يغوروا.. وتغوروا كذلك"

نسيت من همي أبقي إزاي حزين!!

أنا المصري

كريم العنصرين

***

وبعنا كل شئ ينباع... بِدِقَّة

بشفافيّة ومن غير أي سِرقة

ونظَّرْنا لِعِلْم النهب... صرنا

بننهب كل شيء... لكن برقّة

بقينا دكاترة وسط النشالين!

أنا المصري

كريم العنصرين.

***

زمان كان فيه مَلِك فاحت روايحُه

وثوار جيش بروحهم يومها ضحّوا

وكان لنا شأن حتى في الهزيمة

وطن كان يعجبك جمعُه وطرحُه

علينا عين وباقي الأمّة عين

أنا المصري

كريم العنصرين

***

وعاد تاني الملك يحكم بلادُه

ومن بعد السنين دي زاد فسادُه

وكنّا سادة فوق أرض الكنانة

وأصبحنا عبيدُه أو عِبَادُه

وضاع في الزحمة مشوار السنين

أنا المصري

كريم العنصرين

***

وتاني يا الفقير عاد من يخونك

وتتهان في بلادك عيني عينك

ولا الدِّين مكتفي من مصّ دمَّك

ولا عارف ديونهم من ديونك

وجيت للحق؟ كله سلَف ودين

أنا المصري

كريم العنصرين

***

وده يسلِّم لده والعصر فاجر

وتاجر حِنِت سلّمنا لتاجر

وأُم الأمّة مصر الإنسانية

بتتآمر وبتداري الخناجر

وكنت النجدة... واستنجد بمين

أنا المصري

كريم العنصرين

***

وكنت أصرخ... وكان الكلّ يسمع

وامِدِّ الإيد... عدوّ الأمة يرجع

وجاني النطع يأمرني ويشخُط

وخلاني بقيت في الحق أنطع

أنا اللي كنت أصحِّي الغفلانين

أنا المصري

كريم العنصرين

***

وكانوا يقولوا: "مصر"... الشمس تطلع

وتعلا رقابنا فوق وعيوننا تلمع

وكنا نشيل قلوبنا فوق كفوفنا

وبصدورنا نواجه أي مدفع

فمين ساعدنا ع الوضع المهين؟

أنا المصري

كريم العنصرين

***

وإزاي النهارده الدم عُومي

مقلقِل صحوتي وساكن في نومي

دِمانا بتشتعل في أرض غزة

ولبنان... نارها ماسكة في هدومي

وأنا اللي في الأسى واقف ما بين!!

أنا المصري

كريم العنصرين

***

ولولا الأنظمة العربية لامت

وفي صفوف العدو حتكون وكانت

ما كان الموت عرف "صيدا" و" بَعَبْدا"

ولا كانت قيامة الغدر قامت

ولا قلب العرب بيِّت حزين!

أنا المصري

كريم العنصرين

***

وشوف لبنان بترحل من جنوبها

ونوم الليل... ما بْيعرف جُنوبها

سطور النمل زاحفة للملاجئ

وريح الخونة ما هدِّت هبوبها

ألوف راحلين في قلبي مذعورين!!

أنا المصري

كريم العنصرين

***

فيا لبنان أنا مِ اللِّي خانوك

يا حزب الله حكامنا باعوك

ياصاحبي... ما عُدنا نملك غير هتافنا

هتافنا مُرّ... مالي رقابنا شوك

وعَلَنِي... بنفعل الفعل المشين!!

أنا المصري

كريم العنصرين

***

يا (نصر الله) ده زمن البياعين

وإنت طلعْت للأمة... منين؟

تفكّرنا بكل اللي نسيناه

أظنه صعب يصحوا الميتين

وخليتنا ـ الجميع ـ متفرجين

أنا المصري

كريم العنصرين

***

مازال نفس العدو... ومازال خبيث

أبونا مات وسابْهُولنا... وَريث

ومهما يلف ويدور.. راح يغور

وإسأل عِندنا بيوت السويس

حلاوة روح... وحياة الحسين!!

أنا المصري

كريم العنصرين

***

بقت رايتك خلاص رمز لجهادك

بقت رمز المقاومة في بلادك

ولبنان كلها بايتة في ضميرك

خلاص صَبَح الجهاد ماءك وزادك

لغير المسلمين والمسلمين!!

أنا المصري

كريم العنصرين

***

بلاد الأمريكان إحنا وصهاينه

وصمتي ع اللي حاصل... كلُّه معنى

مازال الحلم لم فارق دمايا

علي رغم اللي عاشُه طعنة طعنه

يالبنان الكرامة... لا تلين

أنا المصري

كريم العنصرين

***

ويالبنان ما تِطْفيش نار نضالِك

رجالك... حتى لو ماحناش رجالك

بحور الدم ما تغرّق حقوقك

ولا تكسر مجاديف احتمالِك

حبيبك... بس مش قادر أَعِين

أنا المصري

كريم العنصرين!!

[عبير يونس]

وقف الخلق ينظرون جميعا

كيف أبني قواعد المجد وحدي

وبناة الأهرام في سالف الدهر

كفوني الكلام عند التحدي

أنا تاج العلاء في مفرق الشرق

ودراته فرائد عقدي

إن مجدي في الأوليات عريق

من له مثل أولياتي ومجدي

أنا إن قدر الإله مماتي

لا ترى الشرق يرفع الرأس بعدي

ما رماني رام وراح سليماً

فن قديم عناية الله جندي

كم بغت دولة عليّ وجارت

ثم زالت وتلك عقبى التحدي

إنني حرة كسرت قيودي

رغم أنف العدا وقطعت قيدي

أتراني وقد طويت حياتي

في مراس لم أبلغ اليوم رشدي

أمن العدل أنهم يردون المساء

صنعوا وأن يكدر وردي

أمن الحق أنهم يطلقون الأ

سد منهم وأن تقيد أسدي

نظر الله لي فارشد أبنا

ئي فشدوا إلى العلا أي شد

إنما الحق قوة من قوى الديان

أمضي من كل أبيض وهندي

قد وعدت العلا بكل أبي

من رجالي فانجزوا اليوم وعدي

وارفعوا دولتي على العلم والأخلاق

فالعلم وحده ليس يجدي

نحن نجتاز موقفاً تعثر الآراء

فيه وثمرة الرأي تردى

فقفوا فيه وقفة حزم

وارسوا جانبيه بعزمة المستعد

[أشرف حسين]

مش باقي مني غير شوية ضي ف عينيا

أنا هاديهوملك

وامشي بصبري ف الملكوت

يمكن ف نورهم تلمحي خطوة

تفرق معاكي

بين الحياة والموت

مش باقي مني غير شوية نبض ف عروقي

خُدي.. وعيشي..

وافتحي لي تابوت

أفرح بريحة ورد فرعوني

وربنا ف عوني

إذا دخلت الجنة ولاّ النار

هاشتاق إلي ضحكتك

وقعدتي ف الدار

والقهوة متحوجة

من طيبة العطار..

ف كل يوم الصبح

باشرب حليب قبطي

وف النهار والمسا

بامسك ستار الكعبة لو سبتي

واثبت إذا هربتي

أهديكي عمري وحسي وجوارحي

أهديكي جرحي

هو اللي باقي ف دنيتي لما خلص فرحي

مش باقي مني

غير شوية لحم ف كتافي

بلاش يتبعتروا ف البحر

بلاش يتحرقوا ف قطر الصعيد

ف العيد

بلاش لكلب الصيد.. تناوليهم

خدي اللي باقي من الأمل فيهم

وابني لي من عضمهم

في كل حارة مقام

وزوريني مرة وحيدة

لو كل ألفين عام

ألم الجراح يتلم

مش باقي مني غير شوية دم

متلوثين بالهم

مُرين وفيهم سم

كانوا زمان شربات

والنكتة سكرهم

شربتهم الخفافيش

في قلب أوكارهم

مش باقي مني غير شوية دم.. ماأقدرشي

أسقيكي.. مواجعهم

وبرضه ما أقدرشي

أرميكي..

وأبيعهم

يمكن ف مرة تعوزي تطلبيني شهيد

هاحتاج يوميها الدم

يمضي علي شهادتي

مش باقي مني

غير شوية قوة ف إرادتي

علي شوية شِعر من خطي

حاسبي عليهم وانتي بتخطي

وانتي ف صبح الدلال

بتعطري شطي..

مش باقي مني

غير شوية ضي ف عينيا

أنا مش عايزهم

لو كنت يوم هالمحك

وانتي بتوطي

في معركة مافيهاش

ولاطيارات ولاجيش

وانتي ف طابور العيش

بتبوسي إيد الزمن

ينولك لقمة

من حقك المشروع

مش باقي مني.. غير

شهقة ف نفس مقطوع..

بافتح لها سكة

ما بين رئة.. وضلوع..

ما بين غبار.. ودموع..

وأنا تحت حجر «المقطم»

ف الدويقة باموت

أنا.. والعطش.. والجوع..

يئن تحتي التراب

وانا صوتي مش مسموع..

ياحلمنا الموجوع..

من المرور ممنوع..

مستني لما يمر

موكب سلاطينك..

مش باقي مني

غير شوية رحمة من طينك..

علي شوية صبر من دينك..

مش باقي مني غير حبة غُنا تايهين

ف الضلمة مش لاقيين

حس الفواعلية..

ولا صوت مراكبي عَفي

فوق المعدية..

ولا صوت بناتي العذاري

في كل صبحية..

والغنوة.. أمنية

«ياما نفسي أقابل حبيبي..

وانا ع الزراعية»..

صوتك وصوتهم غاب..

وانا تحت حجر المقطم.. باموت لوحديّا..

الليلة راحت عيوني

تطل ع البستان..

وجناين الرمان..

رجعت لي توصف عناد الغل والدخان

وسحابة سودا تضلل

علي الغُنا الغلبان..

رجعت لي توصف هبوب الموت

علي الألوان..

رجعت لي توصف….

خيال الذل..

ف موائد الرحمن..

مش باقي مني غير شوية كُفر بشروقك

وأنا..

منبع الايمان..

مش باقي مني..

غير شوية ضي..

وعينيا

مش قادرة تلمحني..

في وحدتي محني..

خايف أموت م الخوف

والضعف يفضحني..

السجن عشش ف قلبي

وماشي ف شوارعك..

نفس اللي باعني وخدعني

بالرخيص بايعك..

هاشيل حمولي انا

ولا هاشيل حملك ؟!

ماعدت أملك شيء..

فيكي.. ولا فيّا

ولا قيراط ولا بيت..

ولا نسمة صافية تلاغي النيل بحرية..

مش باقي مني

غير شوية حب جارحّني

ولا باقي مني

غير شوية ضي ف عينيا

.

.

.

مش باقي مني

شعر / جمال بخيت

[الباشمهندس ياسر]

حاولْتُ أُدْرِكُ سِرَّ مِصْرَ , وَنِيْلَهَا

فَاحْتَرْتُ فِيْ أَمْرِيْ , وَتَاهَ دَلِيْلِي

إِنْ غِبْتُ عَنْهَا . لاَ تُفَارِق مُهْجَتِيْ

حَتَّىَ أَعُوْدَ إِلَىَ ضِفَافِ النِّيلِ

فَإِذَا أَتَيْتُ , فَمَا أُقَاوِمُ سِحْرَهَا...

وَتَخِرُّ أَرْبَعَتِيْ مِنَ التَّبْجِيْلِ

قَارَنْتُ مِصْرَ بِغَيْرِهَا , فَتَدَلَّلَتْ

وَعَجِزْتُ أَنْ أَحْظَىَ لَهَا بِمَثِيْلِ

مَا السِّرُّ مِصْرُ ؟ فَمَنْ سِوَاكِ لِعَثْرَتِيْ

هَلْ مِنْ سَبِيْلٍ فِيْ شِفَاءِ غَلِيْلِيْ ؟

لَكِ مِنْ إِبَاءِ الشَّامِخَاتِ إِلِىَ العُلاَ

فِيْ كُلِّ حَقْلٍ مُثْبَتٍ بِدَلِيْلِ

هَذِيْ الْحَضَارَةُ مُعْجِزَاتٌ فيِ الوَرَىَ

عَقِمَ الزَّمَانُ بِمِثْلِهَا كَبَدِيْلِ

رَفَعَ الإِلَهُ مَقَامَهَا , وَأَجَلَّهُ

فِيْ الذِّكْرِ , وَالتَّوْرَاةِ , وَالإِنْجِيْلِ

[الباشمهندس ياسر]

حدش شاف مصر اللي بيحكوا عليها دي؟

[الباشمهندس ياسر]

ايا وطني

هل اكتفيت مني

ام مازال لديك ارب اخري

[الباشمهندس ياسر]

يا بلادي عما قليل سيبدأ الجهاد الحقيقي