مازالت ذكراها تسكنه

[moamana]

تزوجته لم احبه فى البداية و خفت منه كثيرا عصبي و عنيد و جرىء

و احببته كثيرا بعد ذلك داويت عصبيته بحنيتى و عنده بذكائى و جراته بتقريبه الى الله

و احببته فهو حنون و عاطفى و حقانى و ذكى و متواضع

و حسدنى جميع من حولى ليس عليه بل على طريقة تعاملى معه

فامه صارت تحبنى و تدعو لى فى كل صلاة...........و لماذا لا؟ الست انا التى جعلته يعاملها جيدا ......الست انا من جعلته يسال عن اخوته و اخواته بعد ان كان يعيش داخل عالمه الخاص من عمله و اصدقائه ناسيا او متناسيا واجباته تجاه عائلته..........الست انا من جعلته يسال عن اخته و يدخل بيتها و يتحدث مع زوجها بعد ان قاطعها 5 سنوات لانه لم يرضى بزواجها

صارت امه امى و اناديها امى و اخوته يحبوننى كاخت لهم و يطلبون منى انا ان اطلب منه ما يريدونه

و احببنى نعم اقسم بهذا

فلماذا لا يحبنى و انا من انجبت له ولدا يشبهه من كثرة حبى له

لماذا لا يحبنى و انا من اعامله بكل ادب و احترام .......وادلعه اكثر من ابنى الصغير و اعطيه اكثر مما يحتاجه فى اى مجال فى حياتنا

الا ان هذه النظرة التى تقتلنى

نظرة تقول كلكم واحد كلكم خائنات ؟؟؟؟؟مع اول تعامل لى مع اى شخص سواء خطيب اختى؟زوج صديقة لى؟رئيسى فى العمل؟صديق اوزميل قديم فى مجال العمل او الحياة الاجتماعية؟بل و الله احيانا البائع الذى يخدمنا فى السوبرماركت او المطعم؟

رغم التزامى بحجابى فى عباءة محترمة واسعة و عدم وضعى لاى مساحيق بل و انى اتعامل مع الجميع بادب و احترام جعل الجميع يتمنوننى زوجة قبله و هو يعلم هذا جيدا

الا ان الامر سواء عنده فالانثى تنتظر فى مفهومه اول فرصة للخيانة خاصة مع الاقرباء

ما ذنبى انا ؟ ما ذنبى ان كانت اول فتاة احبها لسنوات عديدة خانته و كانت تعشم احد اصدقاءه بان تتزوجه هو و كانت معذرة تستغفل زوجى و هذا الصديق و عندما حان وقت الاختيار اختارت صديقه لانه وقتها كان الافضل ماديا ؟ ما ذنبى انا ان كانت اخته صادقت صديقه لسنوات طويلة بدون علمه ثم اجبرت عائلتها ان يقبلوا به زوجا لها؟؟

ما ذنبى انا فى كل من راهم من فتيات منحلات اخلاقيا ؟

و قد وضع يوما الجرسون الطبق امامى فى المطعم فما كان منى الا ان شكرته لالتفت لاجد هذه النظرة فى عيونه و يقول غاضبا ما الداعى الى شكره ؟؟؟!!!!!!!!!

و لانى انا من انا فهو لا يشك فى و فى بعض الاحيان لا يعطى للامور بالا و لا يتطور الامر الى خناقة

و احيانا اخرى يثور جدا على موقف اقل فى الاهمية( مثلا ذهابى الى منزل اهلى فاجد خطيب اختى او احد اصدقاء العائلة ؟

و اقسم بالله اننى عندما اوضع فى هذا الموقف لا اسلم عليهم و اتجنبهم لاننا نعيش بفضل الله فى فيلا فاتجه الى الدور العلوى و لا انزل لارى ابى و امى الا بعد رحيل الضيف......)و لكنه للاسف لا يصدقنى فى معظم الاحيان.

و احيانا اخرى يحدث موقف ما و التفت لاجد تلك النظرة فى عيونه ثم لا تلبس ان ينظر الى كانه يفكر فى امر ما و تزول هذه النظرة و لا يعطى بالا للموقف

مثال عندما اساله عن الباسوورد للكمبيوتر او احد الاصدقاء............الخ

تؤلمنى هذه النظرة فى عيونه و هذا الاتهام غير المعلن فى كلماته ليس فقط لاننى بريئة بل لان الجميع يشهدون لى باننى مثال للاخلاق و التدين و هذا كان اكثر ما اعتز به .

قبل الزواج قال لى اننى لا اثق فى اى امراءة و لاننى كنت ساذجة فاعتقدت ان (هذا حال من عايش الاشرار و لكن عندما يعايش الناس المحترمة الكويسة سيفهم و يتغير)

و بالطبع لان تصرفاتى كانت لا تثير حفيظته و لانه لم يملك سلطة كاملة على لم تظهر هذه النظرة الشريرة فى المراة الا بعد الزواج

و الان ابى يريد ان يبعث لى باوراق مهمة مع احد اصدقاء العائلة و هو يرفض ذلك بحجة انه مش محتاج حاجة من حد خاصة لو كان يعرفنى (حتى لو كان يعرف العائلة كلها مش مهم عنده و لا المهم اننى لن ارى هذا الشخص اساسا و انه من سيذهب ليجلب الاوراق بدونى اساسا)

المهم الا يكون لنا صلة باى شخص يعرفنى او من طرفى يجب ان يكون اى اتصال لنا بمن يعرفهم هو ام من طرفه بالطبع تحت رقابة مشددة.

و الان لينصحنى شخص ما ماذا افعل مع من يرى ان المراة هى دوما مصدر الخيانة و انه دوما يجب ان يحذر منها؟

[ذهبية]

ماما نونا طبعا انا حاسة بيكى كامراءة قبل الزوجة لان اصعب شىء فى الحياة الاتهام بالظلم خاصة لو ان حياتك كلها تدل على عكس الاتهام تمام

و حاسة كيف يقضى الانسان سنين من عمرة فى دائرة ان يثبت للشخص اللى امامة انة برىء من تهمة ليس هو من ارتكبها فى حقة

نعم انا معاك فى الاحساس لكن...............................ز

لماذا يا سيدتى اتهمتى الزوج بالشك ؟؟؟

هل لنظراتة مع ان النظرات لها اكثر من معنى

يا سيدتى احساسى ان الزوج لا يشك يا سيدتى العزيرة

احساسى انةةةة.............. يغير ........ و الغيرة ناتجة من الحب

يا سيدتى من يشك لا ينظر و يعبر عن شكة بالنظرة ابدااااااااااااا او التعليقات

يا سيدتى من يشك

يراقب و يبحث و يتصيد الاخطاء يضع كاميرات و يضع تجسس و يجمع معلومات و يعمل اشياء كثيرةةةةةةةة جداااا

و لن يكتفى يا سيدتى بالنظرة ابداااااااااا

يا سيدتى زوجك يحبك انة الحب الذى فى بعض الاحيان يزيد عن حدة و يصبح بدون ان يشعر تملك و يشعر وقتها ان حبيبتة و زوجتة

ملك لة فقط و لا يحق لاى بشر مجرد النظر اليها

و يغير و يطبر عقلة بمجرد ان شخص اخر ممكن ان يطالعة او يتظر الية

يا سيدتى هدىء من روعك و من شكوك فهو يحبك و يغير عليك و يكتفى بتعليقانة و نظراتة

و يا سيدتى انتى من قولتى و لماذا لا يحبونى اخواتة و امة و انا من عملت لهم كذا وكذا

هل تستكثرى على نفسك حب زوجك لكى و غيرتة عليكى

ذهبية

[moamana]

ذهبية

احيانا كثيرة اصبر نفسى بما تقولينه و لكن عندى من المواقف ما تدل على ما اقوله

و الله انها اكثر ايلاما من ان احكيها

و لكن يكفى بان اخبرك انه يوما قالها لى ( كلكوا زى بعض مفيش اى اختلاف كلكم كاذبات وتدعون الصدق و الفضيلة مفيش فرق كلكم زى بعض)

ثم انك كامراءة و زوجة تعرفين زوجك و تفهمينه ربما اكتر مما يفهم الرجل المراءة

شكرا على ردك الطيب

[عنبو]

ماما نونا طبعا انا حاسة بيكى كامراءة قبل الزوجة لان اصعب شىء فى الحياة الاتهام بالظلم خاصة لو ان حياتك كلها تدل على عكس الاتهام تمام

و حاسة كيف يقضى الانسان سنين من عمرة فى دائرة ان يثبت للشخص اللى امامة انة برىء من تهمة ليس هو من ارتكبها فى حقة

نعم انا معاك فى الاحساس لكن...............................ز

لماذا يا سيدتى اتهمتى الزوج بالشك ؟؟؟

هل لنظراتة مع ان النظرات لها اكثر من معنى

يا سيدتى احساسى ان الزوج لا يشك يا سيدتى العزيرة

احساسى انةةةة.............. يغير ........ و الغيرة ناتجة من الحب

يا سيدتى من يشك لا ينظر و يعبر عن شكة بالنظرة ابدااااااااااااا او التعليقات

يا سيدتى من يشك

يراقب و يبحث و يتصيد الاخطاء يضع كاميرات و يضع تجسس و يجمع معلومات و يعمل اشياء كثيرةةةةةةةة جداااا

و لن يكتفى يا سيدتى بالنظرة ابداااااااااا

يا سيدتى زوجك يحبك انة الحب الذى فى بعض الاحيان يزيد عن حدة و يصبح بدون ان يشعر تملك و يشعر وقتها ان حبيبتة و زوجتة

ملك لة فقط و لا يحق لاى بشر مجرد النظر اليها

و يغير و يطبر عقلة بمجرد ان شخص اخر ممكن ان يطالعة او يتظر الية

يا سيدتى هدىء من روعك و من شكوك فهو يحبك و يغير عليك و يكتفى بتعليقانة و نظراتة

و يا سيدتى انتى من قولتى و لماذا لا يحبونى اخواتة و امة و انا من عملت لهم كذا وكذا

هل تستكثرى على نفسك حب زوجك لكى و غيرتة عليكى

ذهبية

توضيح ياذهبيه انا قصدك moamana وليس mamanona

هرجع تانى

[الباشمهندس ياسر]

لا ذكراها سكناه و لا حاجة من الكلام اللى حضرتك قلتيه

الراجل توحد معاك تماما و اصبح بين يديكى كالطفل بين يد امه

الموضوع و ما فيه انه م النوع اللى بيغير شويتين تلاتة زيادة

و لو شاف الموضوع اللى انتى كاتباه هنا هتبقى ليلتك مش باينلها نهار و يمكن اسبوع بحاله مش ليلة واحدة

ركزي مع عباداتك و استحملى جوزك

انتى قطعتى شوط كبير فى تغيير هذا الرجل و مش فاضل غير حاجات بسيطة

ربنا معاك و يوفقك

[ذهبية]

انا اسفة فعلا مختش باالى خالص نتيجة تشابة الاسم اعزرينى ومعلش بقى الماتش بتاع مصر عامل عمايلة مع كل المصريين

بصى يا maemana

انتى رقيقة و حساسة جدا و مرهفة المشاعر قوى هو يعنى لو ساعة ضيق كدة فضفض بكام كلمة من النوع دة يبقى قاصدهم

ما انا لما بتخانق مع جوزى سعادتك بنسمع تهزىء على الصنف كلة و على اليوم الاسود اللى اتجوزنا و بالبركة دعوتين كدة على

الماشى على اللى كان سبب فى اننا شوفنا بعض

ساعة الغضب كل واحد بيقول حاجة علشان توجع التانى

و بما انة عارف كويس ان الموضوع دة لسة سايب جواكى اثر و انتى بس على فكرة

بيرجع لة تانى علشان يضايقك مش اكتر

لانة بيحس بالغيرة و انجرح فبيستخدم وسيلة هو عارف كويس انها هتوصل ليكى و تجرحك مش علشان هو مش بيحبك لا طبعا هو بيموت فيكى

لكن علشان بس يحسسك بالالم زى ماهو حس بالضبطططط

اقعدى كدة مع نفسك و افتكرى كدة كام ذكرى حلوة معاة او موقف بجد حسيت فية هو قد اية بيحبك

ربنا يسعدك يارب

اختك ذهبية

[pocy]

حبيبتى استغفري الله كثيرا واصبري واحتسبي وربنا هيسر الامر ان شاء الله

حد طايل زوج بيغير على زوجته كده دى حاجه حلوه والله بس يا قمر انتى بس اصبري انتى على رأى مهندس ياسر قطعتى شوط كبير قوى معاه استمرى على خطاك والله الموفق ان شاء الله

[عنبو]

اولاً السلام عليكم ورحمة الله وبركاته

هو طبعاً فيه فرق بين الغيره والشك الغيره شىء جميل والشك شىء وحش

ومن خلال الى انتى قولتيه ده غيره وليس شك لان الشك مبكنش باين يعنى تلاقيه طلع من البيت ورجع فجأه يتصنت على التليفون كده يعنى ؟؟ وطبعاً مافيش حاجه من دول بتحصل

يبقى الموضوع غيره زياده شويه مع شوية حرص ده مافيش حاجه بل بالعكس الراجل لازم يكون حريص ويغير على اهل بيته وكل حاجه وليها اصول

خليكى من زوجك وحاولى تقربى منه وطالما انتى شايفه ان الحاجات دى بتضايقه يبقى متعملهاش خالص لا تكلمى حد غير محرم ليكى

وده الصح

وشكراً

[HDarwish]

اسمحولي جميعاً ..

ده شك مش غيرة خالص ..

النوع ده من الرجال بيبئا الشك جواه وما بيسيبوش لا ليل ولا نهار وبيفضل مسيطر عليه معظم الوقت حتى لو قضوا وقت حلو وجميل ما بيطولش ويقلب لأتفه التفاهات اللي ممكن تحصل ويتحول لشك لأقل الأشياء .. خليكوا معايا ححاول أقرب الصورة أكثر .. وأنا متأكد إن العضوه الفاضلة حتأييدني في كلامي ..

النوعية دي من الرجال بيكون جواهم حاجات كثير جداً ما بيقدرش يعبر عنها علشان معنى إنه يطلعها من جواه تبئا بكده النهاية واللي بيظهر عليه بس النظرة لكن ما خفي كان أعظم .. ما أقدرش أنكر إن فيه حب متبادل لإن لو مفيش حب بينه وبين الإنسانة المرتبط بها كانت حياته لن تستمر سواء معها أو معى أي إمرأة أخرى حتى لو كانت ملاك نازل من السما أو رقاصة من شارع الهرم .. فكرة إنه يثق في حد بتبئا صعبة قوي حتى من أقرب الناس له .. معظم الوقت تلاقيه شارد الذهن وبيفكر في مية حاجه في نفس الوقت .. أقل حاجة تثير شكوكه حتى من أقرب الناس له أو لها .. ممكن توصل درجة الشك إن يشك من أخوانه أو حتى من والده أو أعمامه أو أخواله (القرايب من الدرجة الأولى) .. لو بيتمشوا شوية وصادفهم حد ضحك أو عينه وقعت على مراته هيشك على طول في مراته إنها ضحكتله أو نظرت له نظره شجعته إنه يبادلها نظرة وابتسامه مقابل الابتسامة .. حياته دايما في قلق عدم استقرار .. لا يطيق أن تغيب زوجته عنه لساعات طويلة وليست لأيام أو شهور بسبب السفر أو ما شابه .. في نفس الوقت يحاول جاهداً أن يحتوي زوجته ويلبي رغباتها جميعاً دون إستثناء سواء رغبات مادية أو جنسية (بمعنى لا يجعلها تحتاج إلى شيء) ليس لأن هذا الواجب المفروض عليه ولكن بداخله ظنون وهواجس أنه لو ظهر عليه تقصير في شيء ما فسوف تنظر زوجته إلى غيره حتى تشبع رغبتها في هذا الشيء .. لأنه متأكد تماماً أنه دائماً تريد المرأة كل شيء وتفعل كل شيء حتى تحصل على ما تريده .. دائماً وأبداً ما يفضل العزلة ولا يحبز الإختلاط (غير إجتماعي) نهائياً لا يرغب في تبادل الزيارات إلا ما ندر .. حتى لو زاره بعضهم فإنه لا يرغب في أن تحييهم زوجته مجرد التحية أو التهليل والترحيب بتشريفهم بالزيارة .. كثيراً ما تزداد الأمور سوءاً ويصبح عنيفاً ..

أشعر أن وصفي للشخصية كان معقدا مبهما لكنها هذه الحقيقة ولا يشعر بصحتها إلا من إقترب من مثل من يتسمون بهذه الصفات ..

بعد هذا كله وما أسردته سابقاً .. أستطيع أن أقول لكي أن هذه النوعية من الرجال ليست بسيئة بل أنها جيدة جدا ولكن لها تعامل خاص لا يستطيع الكثير إتقانها ومن لا يتقنها تتحول الحياة معها إلى جحيم أو تبؤ بالفشل ..

ففي معظم الأوقات تتحلى هذه الشخصيات بصفات رائعة لا يحملها الكثير من الآخرون .. فأعتقد أنه حنون .. عاطفي .. رومانسي (داخلي) .. كريم وليس ببخيل إطلاقاً .. مواقف الإنسانية والمجدعة يتميز بها ..

غير أنه دائماً الشك ..

من وجهة نظري العلاج هو .. زرع الثقة ..

بمعنى أن تجعليه يثق في نفسه وليس المطلوب أن يثق بك الآن .. دائماً وأبداً إجعليه يقتنع أنه لا يوجد من يضاهيه في صفاته فهو فريد من نوعه .. واستحسني تصرفاته ولو كانت بالخطأ فليكن الإقناع هو إسلوبك وأساليب الإقناع ليست جميعها كلمات تتردد على الأفواه بل هي مواقف وتصرفات تزداد أثراً في النفس يوماً بعد يوم .. دايماً إجعليه يتأكد بأن إختيارك له كان إختيار صائب ولو عادت الأيام بكِ مرة أخرى لكنتي ستختاريه أيضاً

[moamana]

انا بشكر كل اللى رد على

ثانيا

حبيت اوضح شىء انى مقصدتش بمازالت ذكراها تسكنه بذكرى امراءة اخرى بل بذكرى الخيانات المتكررة

و الله يا جماعة انا حاولت اصلح الاسلوب بمليون طريقة بزرع ثقته فى نفسه مثلما قال hdarwish

و ازيد ثقته فىه, بالتعامل باحترام دوما ,بانى دوما اشرحله مشاعرى, بانى اقوله طيب فهمنى ايه اللى يرضيك

و الله اساسا انا لا اختلط و لا اكلم اى شخص غير محارم بس فيه مواقف بتحكم

يعنى فى يوم عربيتى اتعطلت فى مكان نائ ووالدى فى عمله فى مكان بعيد جدا و انا حامل فى الشهر التاسع و لا يوجد معى غير اختى

فاتصلت بخطيبها اللى هو ابن عمى ايضا ووجدته قريبا فجاء و صلح العربية بعناء شديد جدا لحد ما وصلتنا لحد البيت ..........كانت النتيجة خناقة و مشفعليش انى حامل فى التاسع و يومها كان حر جدا و كنت تعبانة موت

طيب سافر و جلست انا فى بيت اهلى و فى يوم لقيت بابا داخل على بيقولى البسى بسرعة فيه مشكلة و روحنا القسم و كان شخص عايز يستولى على ممتلكات لنا و عملناله محضر و لان والدى مستشار قانونى حلناها و رجعنا و كان وجودى ضرورى لان الممتلكات ديه باسمى

اتخانقنا يومها جامد لانى نزلت مع بابا و كمان روحت القسم من غير ما اقوله؟؟؟؟؟؟؟و حلفت انى مكنش معاى رصيد و مش معقول هقول لبابا هات تليفونك استاذن جوزى المسافر قبل ما انزل معاك اشوف المصيبة ديه؟؟؟؟؟؟؟؟لا برده مفيش فايدة ازاى كان لازم ابلغه قبل ما انزل؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!

استاذنه فى الخروج مع صديقاتى و اخرج ويقولى ماشى و يتصل يطمن على و فجاءة يقولى مين صوت الرجل اللى جنبك ده اقوله و انا فى قمة الاحراج من صديقاتى واحد معدى فى الشارع او واحد على الترابيزة اللى جنبنا او الجرسون بياخد الاوردرات

واضح انه عدم ثقة بالنفس و طبعا شك بيولدوا غيرة باسلوب عصبى و مزعج

و عدم ثقته بنفسه ممكن لفرق المستوى المادى بينا او للبنات اللى عرفهم قبل الزواج و خانوه او لانه عمل حاجة غلط كبيرة و خايف ربنا يعاقبه

مش عارفة انا عرضت المشكلة هنا عشان الاقى حل .....انا تعبت و بدات افكر فالانفصال؟

انا بحبه و هو بيحبنى بس مش هقدر افضل عايشة معدود على انفاسى و تحركاتى فى انتظار الغلطة القادمة؟خاصة انه عمره ما اعتذر عن غلطاته هو ؟

بشمهندس ياسر بما انى لو اتكلمت مع حد من اهلى ممكن تحصل مشكلة و بما انى مليش صديقات فى الغربة و بما ان محدش عارف شخصيتى هنا و لا زوجى بيدخل امنتدى ده اعتقد ان ممكن اتناقش فى الموضوع ده يمكن الاقى حل؟

[Simba]

سيدتي ما سبب كل هذاان كنت لا تعتقدين بأنها فقط مجرد غيرة من زوج غيور ... أري من حكايتك بأنه يشك في من حولك وليس في شخصك وان كنت وحدك تتحملين اللوم والمعاناة

الامر لا يتعلق بالثقة فيك .. او بالثقة في نفسه فهذا امر منتهي والا ما كانت استمرت حياتكم إلي الآن ولا يمكن ان تكون هناك ذكري تسكنه جعلت شخصيته تاخذ هذا الشكل

فهذه احدي طباعه التي ربما ستكون قابلة للتغيير بالصبر ان شاء الله

[رضوي]

السلام عليكم ورحمة الله وبركاته

سيدتي الفاضلة

من حقك ان تنفسي عن مشاعرك والا سينقلب بكي الحال الي ماهو اسوأ من ذلك

كثيرات من النساء تشكين من عدم غيرة ازواجهن وهو الوضع الذي يؤرقهن

ولكن عندما تذيد الغيرة وتتحول إلي شك يكتم الانفاس ويحتاج الي الكثير من التبريرات السخيفة لأي تصرف مهما كان تفاهته

فهذا هو الأمر المؤسف

اقدر مشاعرك جدا واتعاطف مع وضعك

ولكن لابد من حل ( استبعدي تماما فكرة الانفصال ) فهي ليست بالفكرة الجيدة علي الاطلاق لابد من بديل وحل لتلك المشكلة

وطالما حاولتي بث الثقة في نفس زوجك ولم يفلح الأمر , فلابد من حل آخر .......

المشكلة تكمن في أزمة ثقة من زوجك تجاه كل بنات حواْ

والشك ياسيدتي مرض نفسي

نصيحتي بالعلاج النفسي

نعم هو الحل باذن الله

ولكنك ستواجهي مشكلة في كيفية اقناعه بأهمية العلاج

او حتي بوجود مشكله لديه اصلا

ولكني ارجو منك التفكير في الأمر وعرضه علي العلماء في هذا الميدان

لكي مني كل التقدير والامنيات الطيبة