مولد سى السيد ملك الابتسامة

[mama nona]

كل سنة وحضرتك طيب

وعقبال 100 سنة ان شاء الله

:squeeze:

انت اكيد غطسان بتجيب لنا الجاتوه

ياللا مستنين

[عنبو]

يااااااااااااااااه سين سين بقى له مولد ياااااااااااااااااااااااه دى حاجه اخر ابهه وبعدين سفر ايه وغربة ايه ده ممكن يكسب دهب من ورا الموضوع ده

بس المفروض ميبقاش فيه مولد من غير مقام علشان كده انا بقى هنزل بالسبق ده لما انزل اجازه

هخلى عبد الستار يجمع ليا الفلاحين من الارض بس مش هخليه يجيب الكرباج وهقولهم سيد البدوى ايه ده !! فيه واحد سره بااااااااااااااتع وعامل اعلى شغل فى السعوديه

طبعاً هيسألوا مين هقولهم واحد اسمه سين سين بالسين مش بالصاد هو اسمه كده على بعضه

فعلشان كده انا قررت ان احنا نستفاد من البركه دى ونعمل له مقام عندنا ونسمى الطريقه باسم الطريقه السينيه وعاوزين ناس يتبنوا الطريقه دى

طيب واحد من الفلاحين هيقول طيب انت يامحمد باشا كنت من قيمة كام يوم كده برده قولت ان فيه طريقه اسمها الطريقه السانتكلوزيه ودى طريقه متبعه فى كندا

ودلوقتى جايب لينا الطريقه السينيه طيب احنا هنتبع مين دلوقتى بتعة السعوديه ولا بتعة كندا

وقتها طبعاً هقووووووووول عبد الستار هات الكرباج ياعبد الستار

ابو الاسيان ياملك الضحكه كل عااااااااااااااااااااام وانتم بخير وياااااارب السنه الى جايه تكون احسن من الى قبلها

وشكراً

سى محمد عنبو شيخ الطريقه العونابيه

[rewsha]

:lol:

تم تعديل 16 نوفمبر 2009 بواسطة rewsha

[somayasaleh]

الاخ الفاضل سين سين

كل سنة وحضرتك طيب وعقبال ميت سنة في صحة وسعادة وراحة بال

ودائما منور المحاورات وتبعث البهجة بمواضيعك المختلفة والمفيدة اللي لها طابع كوميدي مميز

واشكر حضرتك علي كل ما تقوم به من جهد لمساعدة الناس لوجه الله ....جعله الله في ميزان حسناتك

والسنة الجاية ان شاء الله تكون محقق ما ترغب فيه من امنيات ونجاحات وطموحات

وشك حلو علي مصر كلها......٢/صفر

بركاتك في السودان

تم تعديل 16 نوفمبر 2009 بواسطة somayasaleh

[مغتربة]

معلش يا استاذ سين سين

انا عارفه انى واصله اخر واحده ووقافه فى اخر الطبور

بس برضه ان تصل متاخر افضل من الا تصل على الاطلاق

كل سنه و حضرتك طيب :rolleyes: :)

[se_ Elsyed]

ياااااااااااااااه إنتو فأجئتوني يا ولاد

ده أنا كنت نسيت

مش نسيت قوي يعني

أسف على التأخير حيث إني كنت في مهمه وطنية سريعه في المحروسة ..

باضرب الماتش ده أساسي

وفي نفس الوقت شغل عالسريع كده

متشكر على مشاعركم دي

خصوصاً إنها جايه مع إنتصار منتخبنا وربنا يكملها على خير

لإن كانت هاتبقى ليلة غبرا لو كنا أتغلبنا أو خرجنا وكان هايبقى عيد ميلاد نشرب فيه قهوة ساده

أدوني وقت أدخل أتشطف كده وأطس وشي بشوية ميه من وعثاء السفر وكآبة المنظر ونرجع نهيص وننفخ البلاليم سوا

عبقرينو ..

نزل دور جاتوه هنا مع قزازة حاجه ساقعه بشفاطتين لكل إتنين من السادة الأعضاء ...

[لونا]

كل سنة و انت طيب يا س س

عام سعيد و عمر مديد :rolleyes:

[الترجمـان]

كل سنه وانت طيب يا ابو عبد الرحمن ..

وان شاء الله تكون سنه سعيده عليك وعلى أسرتك الكريمة وكل الأحباء..

وبالمناسبه دي عايزين كصه عاطفية بمناسبة اليوم المشهود داه :D

:rolleyes: :)

تم تعديل 16 نوفمبر 2009 بواسطة الترجمـان

[se_ Elsyed]

وبالمناسبه دي عايزين كصه عاطفية بمناسبة اليوم المشهود داه :D

:rolleyes: :)

ياااااااااااااااه فكرتني بأيام صعبه

عارف يا ترانسليتور يا خويا ؟

هاتعرف إن شاء الله

يوم ميلادي ده كان يوم ما يعلم به إلا ربنا

فضلنا سهرانين لحد الصبح وماما كانت تعبانه جداً .... وأنا ما كنتش عارف أعمل إيه لأني كنت صغير وفعلاً كانت صعبانه عليه والست بتتوجع في عز الليل - على فكره هو ليه معظم الستات ما يحلا لهمش الولاده الا بالليل وبالتالي بيعذبوا اجوازهم مع إن اليوم 24 ساعه وطويل عريض ؟ ... لكن قدرت أتصرف ... لما لقيتها تعبانه كده وبابا كان في الشغل كان عنده نايت شيفت .... المهم ... جايلك في الكلام ... قول تعالى ؟

روحت لابس هدومي .... اللي هي الشورت والفانلة الكت .... وقلت لازم اقف وقفة رجاله وأتصرف كإن بابا موجود بالظبط .. لأن بابا كان دايماً بيقول لي إنت راجل يا سين سين ولازم تقف وقفة الرجالة ...

وبيني وبينك الجنين من دول لازم يكون عنده دم

يعني الست تعبانه فيه وشقيانه 6 شهور في الحمل والرضاعة .. مش معقول أستندل أنا بقى وأتخلى عنها في لحظات زي دي

المهم ..

روحت لابس .... وواخد البسكلته بتاعتي ام 4 عجلات ...- ما كانوش أخترعوا التوك توك - وروحت جري لبيت الدكتور سميحه في الوايلي .. أنا أتولدت في حدايق القبه على فكره ... المهم روحت مخبط عليها في عز الليل .. خرج لي الدكتور سميح جوزها .. وقال لي بصوت تخين : ايه اللي جايبك الساعه دي يالا ؟ فقلت لت : معليش يا أونكل ماما تعبانه جداً والظاهر بتولدني ... وقلت له ممكن أبله سميحه تيجي ورايا عالعجله تلحق ماما ؟

فقال لي ما هي ليلة سودا من أولها ... حتى حتت الكبده اللي مشوحاها لي سميحه علاعشا مش عارف أكلها بمزاج

المهم

انطلقنا سوياً

ووصلنا البيت لقينا ماما ولدتني بالفعل وأبله شويكار - جارتنا - ساعدتها وخلصت الموضوع ... بالمناسبة ... أبله شويكار هي اللي سمتني يس السيد ... لأنها لما شافت تصرفي في الموقف ده قالت بعفويه .... : التصرفات دي ما تطلعش الا من راجل زي السيد .. ومن ساعتها بقى أسمي سي السيد ...

المهم .... سميحه إتضايقت وقالت لي : عاجبك كده يا فقري ؟

يعني لا كلت الكبده .. ولا ولدت الست ؟ . ممكن بقى تروحني تاني زي ما جبتني

روحت يابني خابط المشوار تاني ومروحها وإحنا في عز أغسطس والدنيا بتشتي .... وأنا ما كنتش عامل حسابي في جاكت تقيل ...

يااااااااااااااه كانت ليلة ليلاء فعلاً

[عبقرينو]

عبقرينو ..

نزل دور جاتوه هنا مع قزازة حاجه ساقعه بشفاطتين لكل إتنين من السادة الأعضاء ...

ايوة جااااااااااى

[الترجمـان]

انت من الأحرار يا سي سيد ورجوله والله العظيم ..

واحد غيرك كان ممكن يرفض ينزل في السقعه دي من غير البـُرنُس بتاعه.. :blink:

أما بقى بناسبة الكبده المتشوحة واننا فزنا إمبارح بعد طلوع الروح..

انا كلفت نفسي وخطفت رجلي على عمارات التوفيق وجبلتك من انكل عبده pollution سنتوتشين كبده إنما أيييه ...

حاااحاااا

[Damo]

Happy birthday to youuuu

Happy birthday to yooou

Happy birthday happy birthday

happy birthday to yooou

عقبال 948947202455323 سنة wst::

يلا بينا حالان بالان هنوا ابو الفاصاد :lol:

هيكون عيد ميلادو الليله اسعد الاعياد :P

فليحيا ابو الفصاد هيييييييييييه B)

[لولا]

سي السيد ..

كل سنة وانت طيب ، وبخير وسلامة وصحة وسعادة وامل وابتسامة .

كل سنة وانت بخير وعيد ميلاد سعيد

وفعلا ....... كان يوم بمبى يوم ما جيت wst::

حمدالله ع السلامة :lol:

لولا

[عبير يونس]

وبالمناسبه دي عايزين كصه

عاطفية بمناسبة اليوم المشهود داه

wst:: B) :P

فقال لي ما هي ليلة سودا من أولها ... حتى حتت الكبده اللي مشوحاها لي سميحه علاعشا مش عارف أكلها بمزاج

يااااااااه

ده موضوع الكبدة بادئ معاك من زمان بقى

مش بس من أيام تجارة

و بمناسبة عيد ميلادك

أحب أهديك أغنية

الكبدة ...الكبدة الكبدة الكبدة

برموشها السودا الحلوة

لسيد كبدة

الشهير بحندوسة كبدة

:lol:

[عنبو]

ياجماعه سبحان الله الواحد ملهم

طيب بيقولك سيد البدوى بيروح الحرم وهو نايم فى بيتهم

طيب شوفوا بقى معجزة سى السيد بيروح ويجرى ويتصرف وهو اساساً لسه منزلش للدنيا

كده خلاص القصه موجوده والشخصيه موجوده مبقاش بقى غير سى السيد يحدد يوم ينزل فيه معايا علشان يختار مكان المقام بتاعه وبالمره الناس تتبارك فيه

يلا يابنى انزل بالمولد بسرعه

[عبقرينو]

جانب من مظاهر الاحتفال بمولد سى السيد شيخ الطريقة السينية

[عبقرينو]

[abofasad]

الى سي السيد ملك الابتسامة الحلوة في محاورات المصريين

الى حبيب الكل

اليك أهدى أجمل التهاني بهذه المناسبة السعيدة مناسبة يوم مولدك

لتكن أيامك كلها صحة وسعادة

كل عام وأنت بخير

جدو ابو فصاد

[د هشام ابراهيم]

عذرا يا سين سين باشا ...العتب علي المشغوليات يا كبير

كل سنة و سعادتك بالف خير و صحة و سعادة و منور صفحات المنتدي :closedeyes: :blush2: :lol: