اذهب إلى المحتوى
محاورات المصريين

حكاية قبل/بعد النوم

Set_Amina

بواسطة Set_Amina
في دعوة للأبتسام

 مشاركة

Recommended Posts

Set_Amina عضو جديد

Set_Amina

بتاريخ:
بتاريخ:

حكايه بعد النوم

(وبعدين .. النسر ابو زلومه فرد ديله اللي علي الجنب ومشي عليه . قام اتكعبل في السمكه اللي طايرة باسننانها وعماله من بطنها اللي فوق وتقول " اكلوني اكلوني .. علشان انا مش عايزة آكل خالص " .. قام النسر سمعها بزلومته لانه ما كنش عنده بق يسمع بيه .. وبعدين السمكه ماتت اوي وانبسطت خالص من النسر وسابته ومشيت علي قضيب الطيارة الهليكوبتر ..

قامت خبطت في الفيل ابو 3 رؤوس و25 رقبه اللي كان طاير في الهوا ومش همه الغواصات اللي حواليه من كل ناحيه .. قامت الكراسه اللي في الغواصات قعدت تزعق وتقول " وسع وسع " فمعرفش يرد عليهم طبعا علشان الفيل ما بيعرفش يتكلم .. وقال لهم " ارد عليكم ازاي اذا كنت مبعرفش اتكلم ولكن بعرف اعوم .. بس نسيت البدله الصوف بتعاتي في العش فمش هقدر آكل معاكم .. بس ممكن ...)

-ايه يا ميدو رايح فين؟!! مش حاكملك الحدوته ؟

-سيبيني سيبيني . انا رايح لماما ومش عايز حواديت ..

- ايه يا ميدو فيه ايه؟

- هاتي ودنك يا ماما علشان ما حدش يسمع

- اهوه ..

- خالومحمد يا ماما من ساعة ما دخل كليه الهندسه وهو بقي عبيط!!!!

مع الاعتذار لكل مهندسي الموقع fsh::

إن خوفت ماتقولشي وإن قولت ما تخافشي
رابط هذا التعليق
شارك
sos عضو جديد

sos

بتاريخ:
بتاريخ:

حمد لله على سلامة وصولك يا ست امينة بعد الغيبة الطويلة....

تصدقى بالله.....ميدو عنده حق...

اول ما دخلت كلية الهندسة....قالوا لنا ...مكتوب تحت كلية الهندسة ...ح.......ت...بالحبر السرى تبعا

والحرفين يحتملا...كل الافعال الممكنة....والغير ممكنة....كمان

مثل

هتنجح

هتفلح

هتفهم

مرورا...ب

هتمرض

ووصولا...الى

هتتجنن

حتما قبل الجنان....هناك مرحلة الهبل والعبط

واضح ان ميدو...عايز يبقى زى خاله.....مهندس تبعا flrt:

لا

==================================

كل شيىء لابد ان يكون بسيط ولكن ليس ابسط....من اقوال اينشتين

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
اول ما دخلت كلية الهندسة....قالوا لنا ...مكتوب تحت كلية الهندسة ...ح.......ت...بالحبر السرى تبعا

;)

لا انا فاكره انه كان مكتوب على باب الكليه اشاره عليها سهيمن فى نفس الاتجاه !! flrt:

عرفت فيما بعد ان ده اختصار لكلمة flrt:

الداخل مفقود :o

والخارج ... ;)

بردو مفقود :P :D

نورتى يا ست امينه :)

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Set_Amina عضو جديد

Set_Amina

بتاريخ:
  • كاتب الموضوع
بتاريخ:

:lol: الله يسلمكم من كل شر يارب

بجد بجد انتوا واحشتوني وسبب ابتعادي هو عدم سرعة التكيف مع ماهو جديد، انا فعلا محتاسة ومش عارفة لسه اكتب في الموقع وهو في ثوبه الانيق ده لكن مصيري هافهم

الصبر جميل :lol:

إن خوفت ماتقولشي وإن قولت ما تخافشي
رابط هذا التعليق
شارك
إبن مصر عضو جديد

إبن مصر

بتاريخ:
بتاريخ:

الحمد لله على السلامه يا ست الكل ...

وبهذه المناسبه اليك هذه القصه المعبره....

cbyb:

جن مدور بشنب .. قابل جن مربع من غير شنب قاله تعالى نلعب جبنه وحلاوه ... قاله ازاى وانا بقدنوس زعل منه زق الكومودينو غرق..

بجد ..

مؤثره فعلا :lol:

إن ربا كفاك بالأمس ما كان.... يكفيك فى الغد ما سوف يكون

 

رابط هذا التعليق
شارك
  • بعد 4 شهور...
فــيــروز عضو جديد

فــيــروز

بتاريخ:
بتاريخ: (معدل)

حكايات قبل النوم

من سن 9 الى 99 زى مجلة سمير كده bk:<!--emo&:)-->book.gif<!--endemo-->

إنتقــام ممرضــة ...!!! mc(:

كانت بنت اسمها نورة تعول اسرتها فبعد عناء طويل مع الفقر

استطاعت ان تحصل علي شهادتتها الجامعيه بتخصص تمريض

والتحقت بالعمل في احد المستشفيات الخاصه الكبيره

لكي تساعد اهلها علي العيش الصعب .. cl:

اما صاحب المستشفي الخاص فهو مليونير و يحيا حياة الترف

وعايش حياته بسعاده ويملك الكثير من المال

وكانت نوره رغم فقرها فهي مثال للصدق والاخلاص

ومع هذا غايه من الجمال والسحر .. mf(

اما صاحب المستشفى فكان وحشاً مفترسا ينهش في اعراض الناس بكل ما اعطته الثروة والمال والنفوذ من القوه !!!

وبطبيعه الحال وضع عينيه علي نوره لما تملكه من جمال ساحر

ولكن نوره كانت مخطوبه و تحب خطيبها

ذلك الرجل مستور الحال محدود الامكانيات ..

حاول المليونير ان يتقرب منها ولكنها اهملته ولم تبالي به ..

ارسل لها من يلين قلبها ويتوسط بينهما لكنها نهرتهم ولم تنفع خطط الرجل الثري من التقرب من نوره !!!

ووصل الخبر للمليونير أن نوره مخطوبه ومتعلقه بخطيبها !!!

نوره تحب خطيبها ولا يمكن ان تفكر فيه !!!

وهنا كانت الفجيعه

قرر الرجل الثري أن يتخلص من حبيب نوره ليفرغ له الجو دبر له مكيده !!!

نعم مكيده اتعلمون ما هي؟

لقد دبر له حادثه مروري ... bk:

بكل بساطه اصبحت حياة الناس بسيطه بالنسبه له فلا يمانع

هذا الثري من ازهاق روح بريئة لاجل تنفيذ مصلحته !!!

وتوفي خطيب وحبيب نوره ...؟؟؟

ولما علمت نوره بالخبر جن جنونها وبكت بكاءًا مراً cbyb:

فخطيبها وزوج المستقبل مات

وزادت مصيبتها لما علمت ان من دبر له الحادث

هو الرجل الذي تعمل عنده ...

زاد حنق نوره على الرجل الثري فقررت الانتقام منه ...

وانتظرت أن تحين الفرصه المناسبه لكي تنتقم لحبيبها واعز إنسان لها...

فغيرت نوره المعامله مع ذلك الثري كي تكسب ثقته بها !!!

وجاءت الفرصه المناسبه

فقد اصيب المليونير بمرض استدعي ان يبقي

تحت العناية الطبيه في المستشفى .

واستغلت نوره هذه الفرصه ودخلت عليه وهو ممدداً على السرير الابيض ..

وفي يدها قاروره مليئه بالبنزين

فقامت بافراغه في علبة المغذي وهي في سعادة غامرة

فهي الان تاخذ بثأرها من الرجل الذي هدم حياتها ...

وتسلل البنزين الي جسده ونوره تشاهده وتبتسم ...

وتحرك الرجل من سريره فهو الان يواجه الموت ولكنه في اخر لحظاته

رأى نوره تبتسم واكتشف انها هي من يحاول قتله ثم حاول النهوض من السرير !!! cl:

رجعت نوره الي الخلف ثم بداء يقترب منها ليمسك بها وهي تبعد ..

وهنا بدات مشاعر الخوف تدب في نوره :o

فخرجت من الغرفه وهو يتبعها ببطء ماداً يديه لها واقتربت المسافه بينهما ups:

وهي تهرول

وهو خلفها

وفجاة لم تعد تسمع خطواته !!!

ونظرت خلفها

رأته

وااااااااااقفا

لا يستطيع الحركه

لقد توقفت خطواته

نعم

توقفت

اتعلمون لماذا؟

لان البنزين خلص !!!

mfb:

تم تعديل بواسطة فــيــروز

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Lighthouse عضو جديد

Lighthouse

بتاريخ:
بتاريخ:

حلوة قوي الحكاية دي يافرفر ( mfb: )

بس نسيتي تذكري عنصر هام ومؤثر في سير الاحداث الا وهو

نوع البنزين

ياترى عادة

ولا سوبر

ولا محسن

mc(: cl:cl:

مٌر الكلام

زي الحسام

يقطع مكان ما يمر

اما المديح سهل ومريح

يخدع صحيح ويغٌر

والكلمة دين

من غير إيدين

بس الوفا

ع الحر

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

يا سلاااام

ده انا لو اعرف ان انتقام الممرضه هيخلى الاستاذ داروين يظهر كنت خليتها تجيب جركن البنزين من زمان bk:

طبعا يا لايت حيث انى مش من قائدى السيارات ولست من مشجعى قيادة السيارات بوجه عام فمش هاقدر افيدك فى موضوع البنزين ده :unsure: هو تقريبا بنزين 92 من ابو لتر ب 140 قرش غير البقشيش :blink:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
عصام عضو جديد

عصام

بتاريخ:
بتاريخ:

على سيرة البنزين .... إحم ... قصدى على سيرة الأستاذ / داروين

يا فيروز هذا هو الأخ ماجد ...

بس الظاهر إن الدنيا ضلمة عندك ... فشوفتى الصورة وما شفتيش الإسم

ys): ys):

معلهش .. العتب على النظر ...(وللا هى ظروف الس :unsure: )

[وسط]!Question everything

[/وسط]

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

يا لهوىىىىىىى :P

ده ماجد فعلا :D

وانا كنت داخله اقول لك ماجد مين :unsure: انا ماكنتش باحب مجلة ماجد اصلا :blink:

لا بس اصلى كنت مندمجه فىكوباية الشاى باللبن tea))(: بعد انتهاء ميتنج طويل و غتت ..

لكن الحق يقال .. فعلا الصوره الرمزيه بالنسبه لى اكثر تاثيرا من الاسم .. وباحس بلخبطه لو حد غير صورته الرمزيه فجاه !! bk: او لو حد استخدم صوره مستخدمه بالفعل كما حدث مع كابتن ماجد .. ده بقى كان كارتون حلو :D

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
  • بعد 6 شهور...
se_ Elsyed عضو جديد

se_ Elsyed

بتاريخ:
بتاريخ:

أدي اخرة العيال واللي يخلفوا عيال واللي يسمعوا كلام العيال !!!!!

عمر أفندي بتاعنا مقضيها طول النهار قدام سبيس تون وأرتينز والقناة الجديدة بتاعت إم بي سي 3 يا إما السي ديهات بتاعت القط والفار ... وما يحلالوش الفُرجة إلا على الحاجات اللي فيها وحوش وديناصورات وكلام من ده ..

وكل ده بقى يطلع على دماغنا احنا ... فبقى معظم الأيام دلوقت يجيله كوابيس وهو نايم ويصحى تاني يوم الصبح يحكي لنا على مغامراته مع الديناصورات وازاي الديناصور فضل يجري وراه وعمر يسأله إنت بتجري ورا عمر ليه يقوله عايز أكلك عشان ما بتشربش " صافيو " - ده حليب بالفواكه هنا - ويسترسل بقى في طريقة هروبه من الديناصور وإزاي الديناصور ماقدرش عليه راح واكل " ندى " بنت خاله ... طب إيه يابني ذنب البونية الغلبانة اللي إنت موريها الويل ...

المهم من كام يوم رجعت البيت وروحت نايم ما صحتش إلا بعد المغرب وهو بيصحيني ويقولي قوم يا بابا عشان تصلي المغرب.. فقولت أسرح به مره من نفسي ( ما هو هاريني حكاوي من هذه النوعية يوماتي على الله ) فقولت له شوفت يا عمر الناصور عمل إيه في بابا ؟ على فكرة هو ما بيعرفش ينطق الكلمة صح فبيستيهل وبيقول عليها الناصور - شكله هايطلع دكتور مسالك - قال لي بكل شغف إيه ؟ قولت له الناصور فضل يجري ورا بابا وهو نايم بس بابا عشان بياكل وقوي راح ماسك الناصور وعضه من ودانه ... الواد لقيته إترمى على الأرض وهاتك يا ضحك من قلبه .. فقلت له بتضحك على إيه ؟ .. قالي عشان إنت عبيط - آه والله - فقولت له إحترم نفسك بدل ما أمد إيدي عليك .. وعبيط ليه إن شاء الله ؟ فقال لي عشان الناصور ده حيوان ما بيتكلمش !!!!!! :D

فقولت سبحان الله على إفترا البني آدم .. يعني الناصور مع سيادتك إنت بيتكلم زي البربنط وبيعمل مغامرات وبيجري وراك كل يوم .. وانا لما ييجي يكلمني مره ... مره واحده أبقى عبيط وأهبل ...

ادي اخرة اللي يعمل عقله بعقل عيل ..

ودي صورة للأخ عمر بيه في صراعه مع إحدى الديناصورات

post-26-1102858800.jpg

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

وها هو ذا يمتطي صهوة جوادة مطارداً جميع الديناصورات في الـ Jurassic Park ومتحدياً كل الصعاب ونقص الدعم اللوجيستي من السلاح والغذاء والسيريلاك وعازماً على القتال وشعاره " إما النصر او الشهادة "

post-26-1102859682.jpg

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
yasovinas عضو جديد

yasovinas

بتاريخ:
بتاريخ:
ودي صورة للأخ عمر بيه في صراعه مع إحدى الديناصورات

ابو السيد

هو الديناصور عندكم بيعرف يركب عجل وهو بيجري من عمورة الامورة ;)

ربنا يخليه لك ويبارك فيه

ويجعل حظه احسن من حظ ابوة :D

Yasso.gif

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ: (معدل)

إيه ده !! ده عمر افندى فعلا مش تهريج .. الحمد لله الولد طلع زى العسل ما شاء الله لمامته :D

تم تعديل بواسطة فــيــروز

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
ابو السيد

هو الديناصور عندكم بيعرف يركب عجل وهو بيجري من عمورة الامورة :D

يا عم ياسو مع عمر الديناصورات بتركب عجل وباتيناج كمان ... دول عيل جبابرة ما يعرفوش المستحيل .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Modest عضو جديد

Modest

بتاريخ:
بتاريخ:

ما شاء الله ربنا يحميه ;) ... الواد بيخلَّص من أبوه اللي بيعمله فينا :P

الصور دي شكلها مضروبة في الخباثة بالموبايل أبو كاميرا الممنوع هنا :D

وقف الخلق ينظرون جميعا ... كيف أبني قواعد المجد وحدي

وبناة الأهرام في سالف الدهر ... كفوني الكلام عند التحدي

أنا تاج العلاء في مفرق الشرق ... ودراته فرائد عقدي

إن مجدي في الأوليات عريق ... من له مثل أولياتي ومجدي

أنا إن قدر الإله مماتي ... لا ترى الشرق يرفع الرأس بعدي

ما رماني رام وراح سليماً ... من قديم عناية الله جنده

كم بغت دولة عليّ وجارت ... ثم زالت وتلك عقبى التحدي

إنني حرة كسرت قيودي ... رغم أنف العدا وقطعت قيدي

أتراني وقد طويت حياتي ... في مراس لم أبلغ اليوم رشدي

أمن العدل أنهم يردون الماء ... صفوا وأن يكدر وردي

أمن الحق أنهم يطلقون الأسد منهم ... وأن تقيد أسدي

نظر الله لي فارشد أبنائي ... فشدوا إلى العلا أي شد

إنما الحق قوة من قوى الديان ... أمضي من كل أبيض وهندي

قد وعدت العلا بكل أبي ... من رجالي فانجزوا اليوم وعدي

وارفعوا دولتي على العلم والأخلاق ... فالعلم وحده ليس يجدي

نحن نجتاز موقفاً تعثر الآراء ... فيه وثمرة الرأي تردى

فقفوا فيه وقفة حزم ... وارسوا جانبيه بعزمة المستعد

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
ما شاء الله ربنا يحميه  ;)  ... الواد بيخلَّص من أبوه اللي بيعمله فينا  :P

الصور دي شكلها مضروبة في الخباثة بالموبايل أبو كاميرا الممنوع هنا  :D

ما خلاص يا ريس إحنا إتعلمنا الدرس .. وطالما ما بتصورش مناطق عسكرية أو حريم - طب هما فين أساساً ؟ - يبقى أنت في السليم الأليم ...

على فكرة الواد عمري شكلي وانا صغير بالظبط .. بس انا كبرت إوحشيت وكرفت مش عارف من مين .. زائد إن شعري إسود وهو شعره ما شاء الله أصفريكا

( موديست آمن على كلامي انا في عرضك عشان شكلي هايبقى بايخ لو كذبتني .... هاندي انا ضامنه لإني مأكله جامد )

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...