برامج المجموعات

[إبن مصر]

تكونت اول مجموعه والحمد لله من ابن مصر وشرقيه وارابيسك وفى هذا الموضوع ستكتب كل مجموعه عن نفسها وافكارها وتختار ناطق باسمها بالطبع بالاتفاق فيما بين اعضائها والى الان لم يتقدم احد الى الترشيح.

ومن هنا اوجه الدعوه الصادقه الى كل الاخوه التاليه اسمائهم لتكوين مجموعاتهم وخوض الانتخابات سويا.

د. محبط ( اوعى تكسفنى )

داروين الحبيب

مجرمون

سى فود العزيز

لانسلوت

وكل من اراد من الاخوه الاعزاء

كل من الاخوه السابقين ان ارادوا الن يكونونا المجموعات او يشتركوا سويا المهم ان يشتركوا ارجو سرعه الاستجابه..

ابن مصر

[Guest Mohd Gramoun]

أنا في الخدمة دائما.....و جاهز

[إبن مصر]

اذا يا اخى الحبيب ابدأ اتصالاتك بزملائك وكون مجموعتك حتى نكمل المجموعات ثم نبدأ الحديث عن برنامج كل مجموعه..

مرحبا بك ايها المنافس الشريف

[Scorpion]

هل المجوعة الثانية ذات التوجه الديموقراطي العلماني... و التي دعا اليها الأخ الفاضل Egypt فايف.. مازالت قابلة للتنفيذ....

يا وايت هارت... باقي علي تشكيل المجموعة فرد واحد ( و الا اتنين ؟؟ :) )... و أظن مافيش أحسن منك أنه يشغل مقعد سكرتارية الحزب.... قلت ايه ؟؟

[DARWEEN]

حاضر ياعمنا ...

جاري تكوين المجموعه وسيتم في القريب العاجل أسماؤ الأعضاء والبرنامج وأحلى شغل والوزارة مش حتطلع من أيدينا ...

<_< <_< <_<

[إبن مصر]

ابدأ اذا يا مجرمون بدعوه عضوين اخرين واورد اسمائهم هنا على ان نبدأ فى الاسبوع القادم تفعيل النموذج بمجموعتك ومجموعه سكوب ومجموعتى كبدايه وادعو هشام ولجنه الحكماء الى عرض اول مشكله بدءا من الاسبوع القادم..

اه يا سكوب مجموعتك اعتبرها تدبيسه اعتبرها زى ما تعتبرها قدامك يومين وتقولى اسمين كمان معاك علشان نجهز الاستفتاءات ولازم كل مجموعه تتناقش مع بعضها فى اى بيان ستصدره ...

يالله يا رجاله

بسم الله نبدأ

[إبن مصر]

حبيبى داروين فين اختار عضوين وراسلهم ينضموا معاك و جهزوا نفسكم لخوض المسابقه بدءا من الاسبوع القادم قبل الاستفتاء ......

[Scorpion]

اخي ابن مصر...

لو المجموعة تنفع بواحد بس... يبقي حعتبر نفسي متدبس...

و لكن للاسف صاحب فكرة المجموعة الاصلي.. مكانه شاغر... و انا مش شايف في نفسي الامكانية او المقدرة و لا الفكر المناسب علشان املا مكانه...

عالعموم اشكرك علي الدعوة...

[إبن مصر]

اشكررك هاتشارك ولا هروب مهذب؟؟؟؟

الفكر يا شقيق الروح ليس له مالك او مقعد..

ان كان هذا فكرك فهيا الى الميدان..

اما ان اردت ان تردنى خائبا فهذا موضوع اخر...

[Scorpion]

يا أخي العزيز.... الموضوع مش أقتناع أو هروب.... الموضوع أني لوحدي... فين التانيين... انا ألاقي التانيين تلاقيني فوريرة.... يعني اعمل ايه... اسجل سكوربيون جونيور و حماتي في المحاورات و نعملكم مجموعة...

pmp::

بس والله فكرة.... حلوة فكرة حماتي دي... دي لوحديها تفور مليون مجموعة....

دقيقة واحدة....يا حماتي .. يا حماتي.... حماتييييييييييييييييييييييييي....

ذنبي في رقبتك يا ابن مصر لو ما رجعتش.....

:huh:

و لحد ما ارجع فيه مجموعتين اهم.... أبتدوا انتوا الأول...

[Lancelot]

إسمحوا لي أن أتقدم بأوراق ترشيح المجموعة التي أتشرف بالإنضمام إليها .... و الأوراق عبارة عن ورقة كبيرة مكتوب فيها

داروين

سي السيد

لانسلوت

و بكده نكون تاني مجموعة تتقدم للترشيح ...

شكرا

[DARWEEN]

مساء الخيرررررررر

أنتم نمتم ولا أيه ؟؟؟؟

لأ بجد بجد أنتم كده عملتوا زي الأحزاب المصريه

:P ;) :) B)

زززززززززززززززززززززززززززز

[عادل أبوزيد]

الفاضل داروين

أنت محق تماما ..... يبدو أننا و لا أستثنى نفسى فى إنتظار التوجيهات العليا !!! أو يبدو أننا نخشى شيئا ما مغروس تحت الجلد ... أو ربما هى طبيعة العمل التطوعى الذى عادة نقوم به عندما نكون فى حالة مزاجية جيدة بصرف النظر عن الحاجة إليه !!!

الخلاصة أننا لا نمارس المواطنة ... و لكننا و دون أن ندرى نرتاح أكثر لدور المتفرجين.

سادتى الأفاضل

دعونا نبدأ و لا نستدرج إلى جلد الذات ....

الموضوع ليس سهلا أو قل هو نوع من السهل الممتنع بل لو أردنا الصدق لقد عجزت كل القوى السياسية فى مصر أن تأتى خلال إنتخابات 2000 بأى نوع من البرامج .. كلها كانت من قبيل الوعود الإنتخابية الفردية و لذلك كان التركيز الأكبر على نواب الخدمات.

ما سبق لم أقصد منه زراعة اليأس و لكنه تحفيز للهمم ... نحن هنا نصنع تاريخا