الاسرار الخفيه لتوقيع الرجاله الشقيه

[pocy]

السلام عليكم ورحمه الله وبركاته

هناك تساؤلات كثيره تدور فى عقول الرجال :lol: ومنها هو انا ازاى وقعت في حبها :lol: ؟؟؟؟؟؟؟؟؟؟؟؟؟؟؟ طب امتى مبقتش قادر استغنى عنها ؟؟؟؟؟؟؟؟؟؟؟؟؟؟ :lol:

ياترى هى عملت ايه علشان تجذبنى اليها بهذا الشكل هل كان صوتها ام نظرات عينيها ام باهتمامها بي ام بثقافتها واسلوبها فى الحديث هل هو

ذكائها وفكرها هل هو ............................ اشياء كثيره ولكن ما لم تعرفوه ايها الرجال ان هناك اسرار خفيه لتوقيع الرجاله الشقيه واليكم بعضها

مين قال هيشاركنا ويساعد اخوانه من الرجال ؟؟؟؟؟؟؟؟؟؟؟؟؟؟

[الباشمهندس ياسر]

هو سؤال واحد هموووووووووووووووت و اعرف اجابته

بعد ما تحصل الشرارة و تبقى الهانم عرفت كل حاجة عنك و عن طبعك و عن دماغك و خلاص ظبطوا معظم اموركم

تيجى تغير كلامها واحدة واحدة و تبدأ تفرض شروط جديدة و حاجات غريبة عن اللى اتفقنا عليه

و لما تفاجأ انها دخلت حارة سد ووقعت مع واحد مبتفرقش معاه

و نفترق

هو شهر .. و الله العظيم شهر مش اكتر و احيانا أقل

و تلاقيها رجعت زى .............................................

طب ما كان م الاول

[pocy]

هو سؤال واحد هموووووووووووووووت و اعرف اجابته

بعد ما تحصل الشرارة و تبقى الهانم عرفت كل حاجة عنك و عن طبعك و عن دماغك و خلاص ظبطوا معظم اموركم

تيجى تغير كلامها واحدة واحدة و تبدأ تفرض شروط جديدة و حاجات غريبة عن اللى اتفقنا عليه

(عادتا بيبقي الموضوع خاضع لظروف اخري اللى هى طبعا والدتها او اختها الكبيره عارفين بالموضوع وبيبدأو ينصحوها باللى شايفينه هم انه صح وطبعا تحت هذا الضغط بتحاول وتحاول لحد ما يقولها سيبيه هو اللى خلقه مخلقش غيره وهى تبقي تحت ضغط نفسي فظيع جدا ومش عارفه تتصرف ازاى بس في الاخر ترجع وتقول اللى ملوش خير في أهله ملوش خير في حد تانى وتستسلم )

و لما تفاجأ انها دخلت حارة سد ووقعت مع واحد مبتفرقش معاه

و نفترق

هو شهر .. و الله العظيم شهر مش اكتر و احيانا أقل

و تلاقيها رجعت زى .............................................

اولا بلاش نغلط انت متعرفش اللى هى فيه بيبقي عامل ازاى وظروفها ايه وتفكير اللى حوليها وللى اكيد بيبقي مأثر عليها بيقي ايه لذا بتلاقي نفسها مش قادره تستغنى عن الانسان اللى في يوم من الايام حبته او عرفت كل شئ عنه وان طول الفتره دى ضميرها بيعذبها وانها زعلانه من حبيبها ده انه حتى مش راضي يتنازل عن حاجه من الحاجات وفى الاخر علشان حبهم يستمر بتتنازل هى وعلى فكره الموضوع ده مش كتير ولو فعلا هرد هتلاقي ردى صعب جدا :lol: الا وهو جزء منه

يروح ................. يجي ستين الف ...................... غيره واللى خلقه خلق ديشليون غيره

ولا انت رأيك ايه بس كلمه زى............................ دى زعلتنى لانى اعتبرتها ........................ ولو كان قصدك يا سيدى زى ................ تانيه يبقي

احنا متأسفين والمسامح كريم :lol:

طب ما كان م الاول

وليه من الاول مش لازم تشوف غلاوتها عندك وهتتنازل علشانها ولا لا ؟؟؟؟؟؟؟؟؟؟؟؟

اتمنى اكون افادتك ولو بجزء يسير

[herohero]

انا ليا تعقيب بسيط مرتبط بان البنت ف مصر مقتنعة بانها لازم تطلع عين الولد بحجة تشوف غلاوتها وده فكرة غريبة مرتبطة بان الواحد مطلوب منه انه يستحمل عشان تشوف غلاوتها عنده مين اللي ربط الغلاوة والمعزة بالقدرة ع تحمل طلبات واشياء غير منطقية

للاسف الشديد البنات ف مصر مقتنعين بان كل ما يدفع فيكي اكتر كل ما يكون شاريكي انا اسف جدا لمثل هذا الطرح لكن هو ده اللي حاصل القصه بتتقلب لصفقة وبنحسبها من النواحي المادية ان سعادة البنت بيكون ف اننا نضمن مستوى مادي معين

وبالتالي تبدأ رحلة البنت ف توقيع الشاب المريش اللي راكب عربية كويسة واللي ابوه هيسيب له شيئ وشويات وبصراحة البنت مش غلطانة مادام ده نظرة المجتمع حتى اني لاحظت مدى اهتمامنا بالمؤخر يعني من اول لحظة بنفكر ف الانفصال يارتى ده اسولب تفكير صح ولسه القايمة والقاعدة وف الاخر نلوم البنت لو ماحاولتش توقع صيد ثمين

البنت قبل ما يقع الصيد الثمين بتكون رقيقه ورومانسية جدا وبعد كده بتبدا تظهر الشبكة اللي بكذا والفرح الي ف الحته الفلانية وشوية طلبات مهمة جدا من ناحية المنادية لكن مع الوقت والله البنت بتخسر الانسان ده بيتجوزها اه لكن مفيش روح لان من الاول هي قتلت الروح ده ويجيوا بعدين يشتكوا ليه الراجل المصري مش بيكلم مع مراته

ماهو انتوا قلبتوها ماديات ف ماديات فمحدش يزعل

يبقى الولد يحسبها والبنت كمان تحسبها ونقضيها حساب مصالح

لكم مالوم عليه اختي واي بنت مصرية ياترى هي ما سالتش نفسها هي هتقدم للشاب المصري ايه يارتى ايه المميزات اللي تميز البنت المصرية عن غيرها

مادام الحكاية اتقلبت سلعة ياترى ايه مميزات السلعة ده عن غيرها من السلع

أظن الاجابة هيجاوب عليها اخوتنا اللي بره مصر اللي شافوا السورية وغيرها من الجنسيات ويقدروا يوضحوا لنا المميزات

[pocy]

هههههههههههههههههه انا اسفه جدا رغم انك بتجرح فى بنات حواء الا انى معرفش ليه جاتلى نوبه ضحك من الكلام ده

المهم بص بقي يا سيدى

انا ليا تعقيب بسيط مرتبط بان البنت ف مصر مقتنعة بانها لازم تطلع عين الولد بحجة تشوف غلاوتها وده فكرة غريبة مرتبطة بان الواحد مطلوب منه انه يستحمل عشان تشوف غلاوتها عنده مين اللي ربط الغلاوة والمعزة بالقدرة ع تحمل طلبات واشياء غير منطقية

اولا انا لي تعقيب ابسط من التعقيب اللى عقبته وهو ليه كلمه البنت ف مصر على فكره انااعرف فلسطنيات و اردنيات وسوريات وهم هم البنات فى كل حاجه بالعكس الشعب المصري دلوقتى مبقاش زى زمان الراجل يجي يدى المهر للراجل ابواها وبعدين ابوها يجيب كل حاجه بس دلوقت كل حاجه اتغيرت بمعنى ان ساعات الاب بيجيب اكتر من الشاب علشان يساعدهم ويتأهلوا

وبالنسبه لموضوع الغلاوه والمعزه والكلام ده فالبنت بتبقي عايزه دايما تحسس نفسها وللى حوليها انك مهتم بيها وانك جبتلها مش عارف ايه وانك عملت عشانها ايه وانها اد ايه فى نظرك لكن دايما فى حدود المعقول وان تجاوزت فى الطلبات فارجع واقول انها بتبقي تحت ضغط من الاهل وليس اكتر وهى علشان مش تقول بابا بيقولك ولا ماما قلتلى اقولك فبتقولك علشانى اعمل كذا وهى فى الاساس عايزه تقولك ياريت تعمل كذا علشان ميحصلش كذا ولو عليها مش هتبقي عايزه تكلفك بس تعمل ايه على الزن اللى بيبقي امر من السحر

للاسف الشديد البنات ف مصر مقتنعين بان كل ما يدفع فيكي اكتر كل ما يكون شاريكي انا اسف جدا لمثل هذا الطرح لكن هو ده اللي حاصل القصه بتتقلب لصفقة وبنحسبها من النواحي المادية ان سعادة البنت بيكون ف اننا نضمن مستوى مادي معين

وبالتالي تبدأ رحلة البنت ف توقيع الشاب المريش اللي راكب عربية كويسة واللي ابوه هيسيب له شيئ وشويات وبصراحة البنت مش غلطانة مادام ده نظرة المجتمع حتى اني لاحظت مدى اهتمامنا بالمؤخر يعني من اول لحظة بنفكر ف الانفصال يارتى ده اسولب تفكير صح ولسه القايمة والقاعدة وف الاخر نلوم البنت لو ماحاولتش توقع صيد ثمين

انا اعترض معاك فى النقطه دى لان معظم البنات جامعيات وبيفكرواكويس فى انه يكون على مستوى ثقافي معين وان تفكيره بالشكل الفلانى ولو كانت بتفكر انها عايزه اللى يدفع اكتر كانت راحت اخدت السباك ولا عامل نظافه معاه فلوس ولا شحات عنده ملايين مع احترامى الشديد للفئه العامله دى وربنا يوسعها عليهم وانا اعرف مقاول جاهل ومعاه فلوس ومعاه كل الحاجات دى وابنه زى برضه جاهل بس معاهم من خيرات الله والبنات برضه بترفضهم يبقي الموضوع مش كده انت بس اللى وقعه وقعه مش ولابد

البنت قبل ما يقع الصيد الثمين بتكون رقيقه ورومانسية جدا وبعد كده بتبدا تظهر الشبكة اللي بكذا والفرح الي ف الحته الفلانية وشوية طلبات مهمة جدا من ناحية المنادية لكن مع الوقت والله البنت بتخسر الانسان ده بيتجوزها اه لكن مفيش روح لان من الاول هي قتلت الروح ده ويجيوا بعدين يشتكوا ليه الراجل المصري مش بيكلم مع مراته

أخى الفاضل اهل العروسه دايما عايزين يفرحوه ببنتهم ويعزموا كل الناس ويوروا الناس اد ايه انهم ناسبوا واحد ممتاز من كل حاجه وعلى القيمه وده للاسف مش بيبان الا ببعض المظاهر وانا اعرف عائلات كتير كان كل حاجه بينهم بالنص والحمد لله ربنا كارمهم وكويسين جدا مع بعض اتمنى عدم التعميم لان عدد البنات دول مش كتير وربنا يوفقك يارب اللى فيه الخير ان شاء الله يا اخ هيرووووووووووووووو

ماهو انتوا قلبتوها ماديات ف ماديات فمحدش يزعل

يبقى الولد يحسبها والبنت كمان تحسبها ونقضيها حساب مصالح

اما عن عدم الكلام فده بينتج بس بعد سنين وده بيسموه الصمت الزوجى ومش ده احد اسبابه متزعلش انت منى بس ومن كلامى

لكم مالوم عليه اختي واي بنت مصرية ياترى هي ما سالتش نفسها هي هتقدم للشاب المصري ايه يارتى ايه المميزات اللي تميز البنت المصرية عن غيرها

مميزات المصريه كتيره ولو عايز تعرف اسأل اختك ووالدتك وهم اكيد هيقولوك ولو مش متاكد أسال ازواجهم وانت هتلاقي الرد ان شاء الله

مادام الحكاية اتقلبت سلعة ياترى ايه مميزات السلعة ده عن غيرها من السلع

انا اعترض اعتراض فظيع جدا على كلمه سلعه لانها بشر بيحس ويشعر وزى ما قلت ان التعميم دى شئ غلط جدا لان زى ما فى الوحش فى دايما الكويس بس انت ركز علشان تلاقي الكويس

أظن الاجابة هيجاوب عليها اخوتنا اللي بره مصر اللي شافوا السورية وغيرها من الجنسيات ويقدروا يوضحوا لنا المميزات

اتمنى انك مش تزعل على ردى ولكن ده نابع من انى بنت مصريه وامى برضه مصريه وجدتى واختى وعمتى وخالتى وبنتى و................

[عبير يونس]

كان نفسي أشارك معاكم في الموضوع بخبرة شخصية

لكن بجد ماليش خالص في المواضيع دي

و ما حدش قال لي من البنات عليها

يمكن لأن صداقاتي بالبنات كانت و لازالت قليلة

و أغلبهن جد جدا

معظم صداقاتي كانت مع الجنس الآخر

في الكلية و الشغل

بس مش بصفتي فتاة تصادق شابا

الجميع كانوا يتعاملون معي كإنسان و ليس كفتاة

لم يكن بيننا غير الأخوّة والاحترام المتبادل

و فعلا كانوا إخوة ناصحين دايما

حتى هم كانوا دوما يقولون لي ما بنحسش انك بنت

ما بتعمليش حركات البنات

بنحس أننا مع أخونا مصرية متغربة

:rolleyes:

طبعا مع الاعتذار الشديد لأنوثتي

و لأني بعيدة كل البعد عن الاسترجال

و برضوا معرفتش ايه حركات البنات

حتى زوجي العزيز

زواج صالونات 100%

و هو طبعا كعقلية علمية معملية فذة

ما كانش له في البنات خالص

يعني ما يعرفش حاجة عن الموضوع

عشان كده مستنية أعرف من الموضوع ده

الأسرار الخفية

:)

بس متهيألي يعني

إن النموذج بتاعي ده

معجبش أي حد من حواليا

لأن اللي من نوعيتي متنفعش غير صديقة (طبعا غير صاحبة)

و الرجل بيحب المرأة اللي ما يفهمهاش

و بتستفذ عقله عشان يحل اللغز

و يحس بالزهو لو فهم عنها نقطة ولو بسيطة

"أما اللي من نوعيتي "كتاب مفتوح

لا تنال إعجاب الرجل على المستوى العاطفي

حتى زوجي والله

كان نفسه يعيش معايا الألغاز دي

و طبعا ما لاقهاش

:D

متهيألي الرجل بيحب المغامرات بطبعه

على غرار سندباد

اللي يخوض الأهوال

يعني عايز واحدة تحيره

حتى رغم الشكوى المستمرة

و رغم ترديده المقولة الشهيرة

آه منكم يا بنات حواء

ما هوش متضايق

بالعكس

بيكون في قمة السعادة

و خصوصا لم يتزوجها بعد ذلك

ده بيكون انتصار ساحق على مستودع الألغاز.... المرأة

بالنسبة لي

ما كانش ينفع لي غير زواج الصالونات

اللي بيبقى فيه الرجل خلاص تعب من الألغاز و نفسه يستقر

أو ما لوش فيها أساسا

[ذهبية]

دايما الرجالة لما بتجى سيرة البنات او حتى زوجاتهم بيعتبروا انهم كانوا ناصحين قوى انهم عرفوا يخليهم يحبوهم و يكونوا عجينة فى ايدهم

مع ان الحقيقة غير كدة خالص الحقيقة ان البنت او الست الذكية الى بتوصل لجوزها الاحساس دة انة القائد و البور و انة هو الىل عمل

كل شىء و هى كانت هبلة و مدربكة من حبة مع ان الخيوط كلها فى ايدها واناباقول الست الذكية مش اى نوع تانى الىل تقدر تعمل المووضع دة

كنت باتفرج على فيلم اجنبى عن زواج البطلة و كانت كلمة الام لبنتها يوم الفرح قالت لها كلمة لم انساها فى حياتى الى الان

قالت لها

man is the head but woman is the neck

بمعنى ان الرجل الدماغ و انتى العنق الى تقدر توجهى الرجل الوجة الىل انتى عايزها و لازم تحسسية انة الدماغ و لا تتنازلى انك تكونى وجهتة اللى بتحركى دماغة

و ليا مداخلة تانية لان نازلة الان

ذهبية

[Simba]

أسرار خفية :rolleyes:

علي مين بس يا حسرة ... دي الرجالة دي كلها غلابة وقلبها خفيف ممكن يقع ويطب من كلمة صباح الخير وعلي رأي الممثل في فيلم Eternal.Sunshine.of.The.Spotless.Mind

لماذا اقع في غرام كل امرأة القاها حتي وان اعطتني الحد الأدني من الأهتمام

[rewsha]

طب سؤال على الماشي

هوه لازم هيه اللي توقعه في شباكها ...يعني ما ينفعش العكس ؟

نيجي بقه للموضوع بتاعنا

انا شايفه ان البنت اللي تقدر توقع اي راجل (شقي_او كان شقي)

هاتوقعه برقتها -ا نوثتها _لباقتها -غموضها _ ذكائها_روحها الخفيفه الحلوه ...مش هاقول بجمالها لاْن ممكن تكون واحده جميله جدا لكن ماعندهاش روح حلوه

وياسلام لو كل الحاجات دي اتجمعت مع بعض

وعلى فكره ...ممكن ما تكونش قاصده توقعه وهوه اللي يقع لوحده

بس برضو لنفس الاسباب اللي فوق دي

ملحوظه

انوثتها هنا مش شكلا بس لكن شكلا وموضوعا

بمعنى انها تتصرف كاْنثى في كل حاجه

وانا اْؤيد راي ذهبيه

man is the head but woman is the neck

بس مع تعديل بسيط

ان الكلام ده يبقى بعد الزواج مش قبله

[rewsha]

للاسف الشديد البنات ف مصر مقتنعين بان كل ما يدفع فيكي اكتر كل ما يكون شاريكي انا اسف جدا لمثل هذا الطرح لكن هو ده اللي حاصل القصه بتتقلب لصفقة وبنحسبها من النواحي المادية ان سعادة البنت بيكون ف اننا نضمن مستوى مادي معين

مع احترامي ......لكن الكلام ده مش صحيح

الكلام ده كان زمان

دلوقتي في بنات جامعيات كتير بتساعد العريس كمان وبتتعاون معاه وبتبقى شارياه وبتضحي بحاجات كتير علشان متمسكه بيه

[herohero]

للاسف الشديد البنات ف مصر مقتنعين بان كل ما يدفع فيكي اكتر كل ما يكون شاريكي انا اسف جدا لمثل هذا الطرح لكن هو ده اللي حاصل القصه بتتقلب لصفقة وبنحسبها من النواحي المادية ان سعادة البنت بيكون ف اننا نضمن مستوى مادي معين

مع احترامي ......لكن الكلام ده مش صحيح

الكلام ده كان زمان

دلوقتي في بنات جامعيات كتير بتساعد العريس كمان وبتتعاون معاه وبتبقى شارياه وبتضحي بحاجات كتير علشان متمسكه بيه

مش حكاية جامعية او ايه طبيعة تعليمها لان تعليمنا مش بيضيف كتير للشخصية لكن هي بتختلف من شخص للاخر لكن النظرة المادية موجوده ف الطرفين وللاسف عامل مهم في اختيار الولد المطلوب ايقاعه والعكس ومش عيب ان البنت تحط حد في دماغها او العكس وينجح في ايقاعه

[عنبو]

احم احم

انا مربع ايدى اهو وقاعد بستمع وببربش بعينى اهوت

مصرية متغربة مشاركة بتاريخ اليوم, 01:21 PM

بنحس أننا مع أخونا مصرية متغربة

والله مقدرتش امسك نفسى من الضحك هههههههههههههههههههههههههه

انا عارف طبعاً انتى تقصدى ايه بس الكلمه اساساً تضحك

و هو طبعا كعقلية علمية معملية فذة

ما كانش له في البنات خالص

كلهم كده والله غلابه وملهمش فى البنات خالص :rolleyes:

pocy مشاركة بتاريخ اليوم, 01:10 PM

وبالنسبه لموضوع الغلاوه والمعزه والكلام ده فالبنت بتبقي عايزه دايما تحسس نفسها وللى حوليها انك مهتم بيها وانك جبتلها مش عارف ايه وانك عملت عشانها ايه وانها اد ايه فى نظرك لكن دايما فى حدود المعقول وان تجاوزت فى الطلبات فارجع واقول انها بتبقي تحت ضغط من الاهل وليس اكتر وهى علشان مش تقول بابا بيقولك ولا ماما قلتلى اقولك فبتقولك علشانى اعمل كذا وهى فى الاساس عايزه تقولك ياريت تعمل كذا علشان ميحصلش كذا ولو عليها مش هتبقي عايزه تكلفك بس تعمل ايه على الزن اللى بيبقي امر من السحر

لا يابوسى لا

مافيش حاجه اسمها ضغط الاهل وضغط معرفش ايه طالما الواحد مقتنعه بالراجل وموافقه عليه يبقى متطلبش منه حاجه خالص والمفروض هو كراجل بيفهم يجب الحاجات الى المفروض تيجى

انا شخصياً مبحبش موضوع الطلبات ده خالص

وبحب الى اتفقنا عليه يتنفذ لان مكنش حد غاصبها وهى بتتفق يعنى متيجش تقولى اتنازل شويه لا مافيش تنازل وخصوصاً ان الظروف مبتبقاش تغيرت

انا اعرف واحد اول لما راح تقدم لواحده وكانت وقتها شغاله بالعقد فى مدرسه قال لها انا مش عاوز الشغل انا عاوز واحده تبقى فاضيه لبيتها ده رأيه والراجل كان واضح فى كده

طبعاً هى قالت الواحده ملهاش الا بيتها وأذا فجأة بعد الزواج قالوا ان العقد هيتثبت طبعاً البنت اتهبلت وقالت عاوزه اشتغل علشان اثبت يابنتى يرضيكى يهديكى مافيش فايده

وتعيط وتشكى للناس كلها لا انا عاوز الوظيفه انا كده مستقبلى هيضيع معرفش ايه وطبعاً قولنا لها يابنتى الراجل كان متفق معاكى من البدايه ان مافيش شغل ليه بقى الكلام اتغير

انا ماليش دعوه وفى الاخر بعد لما كانت حامل قلها خلاص اذا بدك تشتغلى خلاص روحى اشتغلى بس كل واحد يروح لحاله قالت لا مينفعش

قلها طيب اعمل ايه انتى هتاخدى كام من الوظيفه دى 400 جينه

هضيف لحسابك فى البنك مبلغ هيعملك فى الشهر نفس المبلغ ده قالت نوووووووووو

ولما نشفت دماغها قلها خلاص انتى حره

طبعاً رجعت عن كلامها بس الموضوع اختلف

ايه بقى رأيكم فى القصه دى انا يمكن لحد الان بعيش المشكله دى ؟؟ قلوا بقى مين الى غلطان

ياريت ياجماعه لما نتفق على حاجه نبقى عارفين كل ابعادها

rewsha مشاركة بتاريخ اليوم, 02:59 PM

انوثتها هنا مش شكلا بس لكن شكلا وموضوعا

فعلاً الانوثه ليس بشكل فقط

احنا كان معنا واحده جميله جداً بس اذا تكلمت تخليك تنسى شكلها تماماً

وكان فيه واحد تانيه كانت سمره شويه بس ليها قبوووووووووول غريب عند الكل

الانوثه فن ليس الكل يجيده

[om marawan]

لكن ماألوم عليه اختي واي بنت مصرية ياترى هي ما سالتش نفسها هي هتقدم للشاب المصري ايه ياترى ايه المميزات اللي تميز البنت المصرية عن غيرها

مادام الحكاية اتقلبت سلعة ياترى ايه مميزات السلعة ده عن غيرها من السلع

أظن الاجابة هيجاوب عليها اخوتنا اللي بره مصر اللي شافوا السورية وغيرها من الجنسيات ويقدروا يوضحوا لنا المميزات

سلعة ؟؟؟؟؟؟ :blink:

هى بقت كده ؟؟

انا عارفة انك تقصد نوع معين من البنات اللى بيتغالوا فى طلباتهم لكن دول مش موضوع نقاشنا

زى ماهو مش موضوع نقاشنا الشباب اللى عاوز يتجوز على الجاهز او بابا يجوزه أو يتجوز ببلاش وقت مايزهق بالسلامة والبيت والعفش بتوعه وهى على بيت اهلها

دول نوعيات موجودة وبكثرة لكن مش هنعممهم والغالبية أفضل وزى مابيقولوا اللى بيدور بيلاقى بس ماتزعلوش منى ياجماعة لما أقول اننا وانا كنت منكم بنتلكك للرفض يمكن خوف يمكن عشان شفنا ناس وحشة يمكن فى انتظار الحب او اسلوب اخر للزواج

ويمكن فى انتظار الشخص او البنت الكاملة بدون عيوب اللى مالهمش وجود

ياجماعة دى كفة قصاد كفة والرسول صلى الله عليه وسلم بيقول اذا كره منها سلوك رضى بأخر أو احب سلوك أخر يمكن ده قيل بعد الزواج لكنه وارد قبل الزواج كمان

والتقويمات والتعديلات باللين والتفاهم والحب وحسن المعاشرة بعد الزواج أمر مطروح ومافيش انسان مابيتغيرش او غير قابل للتغيير الا استثناءات لكن احنا بننقاش القاعدة العامة

انا عندى قريب لما بيدور بيقول انا عاوزها بنت ناس كذا ومراكزهم كذا وطبعا هو يقصد انه يكون فيه نوع من التكافىء بين العيلتين لكنه بيزعل لما يلاقى الناس دى لها متطلبات غريبة ولانه زى اخويا الصغير وقريب من قلبنا كلنا نصحناه بشكل غير مباشر اه يكون تركيزه الأول على طبيعة الناس وطيبتهم ولو هتنازل عن المركز المحترم لحاجة متوسطة مع وجود مميزات تانية مش يبقا افضل

زى ماقلت كفة قصاد كفة ولو انا مصر على المظهر مازعلش بقا من انهم برضه مصرين على المظهر خصوصا لو كانت امكانياتى تسمح بطلباتهم

ولان انا من الأول اللى اخترت الزواج من النوع ده

أماعن السؤال عن مميزات المصرية

والله زعلتنى

ده المصريات دول زى بلدهم صحيح حمالين قسية ولولا ان الحمد لله لسه فيه رجالة بتقدر وعلى خلق وقلبهم على تعب زوجاتهم حتى ولو باكلام كان الواحد نصح البنات ان بلاش من الجواز اصلا

وعلى فكرة حضرتك تقدر ترد على سؤالك أكتر منى

وتقولى هل "عااااامة المصريات "" مابيقعدوش فى البيت ولا يتجوزوا من غير شغالة واتنين ؟؟؟

هل بيقضوا وقتهم شوبينج وشرا حتى بالأقساط ؟؟

هل بتقضى وقتها تهتم بلبسها ومواعيد مراكز التجميل وعمليات التجميل واختيار اللبس والموضة اللى مالهاش علاقة بطباعنا الشرقية

كام زوجة مش مصرية بتشوفها هى اللى شايلة ابنها بتأكله وتلاعبه

يافاضل ده انا ساعات لما باخد بنتى الصغيرة اغيرلها فى قوض التغيير بتاعة الأطفال عارفها دى

بالاقى ساعات رجالة هى اللى بتغير لاطفالها

انا باتكلم فى العموم

كام زوجة مصرية ايدها بايد زوجها فى كل حاجة من مصاريف لتربية لمتطلبات بيت واولاد باخلاص وتعب واتقان ومن غير لوم ولا شكوى

زعلتنى والله وزعلت سيدات كتير منهم أمى وأختى وأكيد فاضلات اكتر تعرفهم اكتر منى

وفى النهاية الموضوع مش اجبار ولا هو موضوع بنت مصرية قصاد جنسية تانية لان اللى يلاقى المواصفات دى واللى هو عاوزها فى اى بلد عربى تانى اهلا بيه ماحدش هيجبره ويقول له لازم مصرية

[herohero]

أماعن السؤال عن مميزات المصرية

والله زعلتنى

ده المصريات دول زى بلدهم صحيح حمالين قسية ولولا ان الحمد لله لسه فيه رجالة بتقدر وعلى خلق وقلبهم على تعب زوجاتهم حتى ولو باكلام كان الواحد نصح البنات ان بلاش من الجواز اصلا

وعلى فكرة حضرتك تقدر ترد على سؤالك أكتر منى

وتقولى هل "عااااامة المصريات "" مابيقعدوش فى البيت ولا يتجوزوا من غير شغالة واتنين ؟؟؟

هل بيقضوا وقتهم شوبينج وشرا حتى بالأقساط ؟؟

هل بتقضى وقتها تهتم بلبسها ومواعيد مراكز التجميل وعمليات التجميل واختيار اللبس والموضة اللى مالهاش علاقة بطباعنا الشرقية

كام زوجة مش مصرية بتشوفها هى اللى شايلة ابنها بتأكله وتلاعبه

يافاضل ده انا ساعات لما باخد بنتى الصغيرة اغيرلها فى قوض التغيير بتاعة الأطفال عارفها دى

بالاقى ساعات رجالة هى اللى بتغير لاطفالها

انا باتكلم فى العموم

كام زوجة مصرية ايدها بايد زوجها فى كل حاجة من مصاريف لتربية لمتطلبات بيت واولاد باخلاص وتعب واتقان ومن غير لوم ولا شكوى

زعلتنى والله وزعلت سيدات كتير منهم أمى وأختى وأكيد فاضلات اكتر تعرفهم اكتر منى

وفى النهاية الموضوع مش اجبار ولا هو موضوع بنت مصرية قصاد جنسية تانية لان اللى يلاقى المواصفات دى واللى هو عاوزها فى اى بلد عربى تانى اهلا بيه ماحدش هيجبره ويقول له لازم مصرية

بالعكس محدش يقدر يقول ان البنت المصرية اللي هي امي واختي مش بتتحمل كتير من سلبيات الراجل المصري بالعكس انا شايف ان فيه زوجات كتير في مصر بالخصوص بيتحملوا المسئولية اكتر من رجالة بشنبات

لكن ما اقصده في كلامي هذه الفئة اللي كل تقييمها مادي بحت ياترى ايه مميزاتها حتى تتحكم وتتشرط كده ف تحكمات مادية بايخه لاتنم عن عقل او منطق

[om marawan]

مافيش حاجه اسمها ضغط الاهل وضغط معرفش ايه طالما الواحد مقتنعه بالراجل وموافقه عليه يبقى متطلبش منه حاجه خالص والمفروض هو كراجل بيفهم يجب الحاجات الى المفروض تيجى

انا شخصياً مبحبش موضوع الطلبات ده خالص

هاحكيلك حاجة

والدى رحمه الله لم يطلب من زوجى او زوج أختى طلب واحد

ويعلم الله ان لفظ اى نوع من المبالغ او الطلبات لم يأت على لسانه ولا على لسان حد مننا

حتى الشبكة لم يكن موجود عند شراءها ولا أى شىء تانى فى البيت عشان ماحدش منهم يحس انه بيحرجه

وحتى قائمة المفروشات اللى انا قلت انها عرف عندنا فى بلدياتنا يعنى لم يكتبها وبعد الحاح من زوجى كتبها وادانى يوم الفرح احطها فى البيت من غير امضاء ولا حتى مبلغ مكتوب فيها او غيره

وزوج اختى هو أيضا ألح وكتبها بنفسه ومضاها لوالدى رحمه الله اللى برضه اداها لاختى تشيلها فى بيتها من غير مايشوف فيها ايه

كان هذا استهلالا لابد منه ( مع الاقتباس من الفاضل استاذ عادل )

أنا قلت الاستهلال ده عشان ماتفتكرش انى بادافع عن وجهة نظرى او وجهة نظر اهلى

لكن ....

فيه اهل زى والدى وفيه مابيعملوش كده لخوفهم من انهم يكونوا فرطوا فى حق من حقوق بناتهم

بيتخيل انه بيامن لها حياتها حتى لو كان تخيله خاطىء لكن ده يمكن من رؤيته لنماذج بتتجوز وترمى ودى كلنا شفناها وترجع البنت تقول لوالدها الحق عليك لانك فرطت فى حقى وتساهلت مع شخص كان غير مسئول

ماتفترضش يا عنبى ( مع احترام الالقاب ) ان الاهل عارفينك تماما والمفروض انهم يطمنولك بشكل مطلق لانك واثق فى نفسك لكن هم هيعرفوك منين

وماتفرضش على بنت أهلها اللى ربوها انها تخالفهم وتفرض رأيها على طلباتهم

لان فى الاول والاخر ده ابوها اللى رباها واللى عمرك ماهيكون لك فضل عليها زيه

طبعا انا هنا باناقش انك عريس مش زوج طاعته واجبة حتى قبل الأهل

معلش حاولوا تراعوا نفسية الاهل

مش كل أب بيطلب يبقا طماع

ومش كل بنت بتحاول تتدلل على عريسها فى حدود امكانياته تبقا مادية

بالتوفيق باذن الله كن واثق بان ربنا هيرزقك على قد نيتك ;) :blink:

[الباشمهندس ياسر]

الاخت مصرية متغربة

ربنا يباركلم ف حياتكم و اولادكم و يرزقكم ثمرة حسنة ف الدنيا و الاخرة

[الباشمهندس ياسر]

اولا بلاش نغلط انت متعرفش اللى هى فيه بيبقي عامل ازاى وظروفها ايه وتفكير اللى حوليها وللى اكيد بيبقي مأثر عليها بيقي ايه لذا بتلاقي نفسها مش قادره تستغنى عن الانسان اللى في يوم من الايام حبته او عرفت كل شئ عنه وان طول الفتره دى ضميرها بيعذبها وانها زعلانه من حبيبها ده انه حتى مش راضي يتنازل عن حاجه من الحاجات وفى الاخر علشان حبهم يستمر بتتنازل هى وعلى فكره الموضوع ده مش كتير ولو فعلا هرد هتلاقي ردى صعب جدا ;) الا وهو جزء منه

يروح ................. يجي ستين الف ...................... غيره واللى خلقه خلق ديشليون غيره

ولا انت رأيك ايه بس كلمه زى............................ دى زعلتنى لانى اعتبرتها ........................ ولو كان قصدك يا سيدى زى ................ تانيه يبقي

احنا متأسفين والمسامح كريم :blink:

وليه من الاول مش لازم تشوف غلاوتها عندك وهتتنازل علشانها ولا لا ؟؟؟؟؟؟؟؟؟؟؟؟

يارب تكون هديتي ... عشان نعرف نتناقش

انا شفت الرد و انا ف البريك و مرضتش ارد وقتها

قلت يمكن عموره شاغلها او حاجة و اتنرفزت عليا انا

;)

[DR SALLEY ABAZA]

الرجال لايريدون الا شيئا واحدا هو مالايملكوننه

اذا حصل على البيضاء فهو يبحث عن السمراء واذا حصل على الطويله فهو يبحث عن الرفيعه واذا حصل على التخينه يبحث عن الرفيعه

اما اذا حصل على الذكيه فهو يبحث عن الغبيه وتكون حجته انه لم يتزوج ندا له في حين انه لو حصل على الغبيه سيبحث عن الذكيه ويقول انا تزوجت قالبا من الطوب

[لماضة مصرية جدا]

السلام عليكم و رحمة الله و بركاته

و اله انا شفت التوبيك الصبح و قولت اول ما اروح ان شاء الله ادخل و افقع زغروتة برضه تانت بوسي لازم تعرف انها عرفت تنقي لعموري حبيبي.... :lol:

(تانت ينفع اخرج انا و بيبي في الويك اند..... فيه كلام كتير عايزة اقولهوله..... و بلاش تيجي معانا عشان موري بيتكسف و يضطر يعمل بيبي و ده مش كويس ف القعدة الرومانسية)

حبايبي الحلوين

انا عندي اخين منتهي الشقاوة اكبر مني..... و عشان فرق السن اللي بينا كانو بيعتبروا اختكم الواد بلية اللي عايزين يشربوه سر المهنة..... و قعدوا يحكولي بقي عن التوكاتيك اللي بيعملوها عشان يوقعوا البنات في الجامعة و كده

طبعا دخلت الجامعة ايه بقي و لا محمد هنيدي في عسكر في المعسكر.....

المهم لما لقيت بقي دقت الساعة الثانية..... قالك يا مواطن لازم نتخطب بقي.....

المهم محدش منهم قالي اعمل ايه لو حد قالي بحبك..... أو كده...... و انا اضطريت آسفة اني ارتجل بقي......

يعني ردود افعالي بتبقي تلقائية جدا و عفوية جدا..... و بلاقي البيه اللي قدامي بيتمسك بيا اكتر

و متهيالي هو ده السر..... و لو انه مبقاش سر خلاص (حصريا قناة ليلة امبارح مجنيش نوم).........

ان البنوتة تبطل تعمل نفسها فاهمة و تبقي تلقائية......طبيعية.....لمضة.....زي حالاتي....... متبقاش عارف انت قاعد مع طفلة عندها 5 سنين و لا قارئة جيدة لنوال السعداوي و بلال فضل و مصطفي محمود

الي كل البنات سيبي يا باتعة المراية....... واكتشفي كؤوس الكريستال جواكي.....و هو هيلاقيكي و يقع في دباديبك....

و تغنوا مع بعض طلعت ادب نزلت ادب.....لقيت نفسي غرقان في الحب

طلعت اقول نزلت اقول...... مش عايزة حبيبي يا كل فووووووول

في حتة اتحدفت فوق عن طلبات الجواز و الاهل و الليلة الحلوة دي.......

م الاخر البنت عايزة راجل يملي قلبها و كله هايجي......يا رب بس قبل سنة 2010

و البوقين اللي بقولهم كل مرة......جوازة البنت بالذات الكل بيحب ينزل الجردل بتاعه......

يا جدعان و الله كبرنا (اينعم العقل لسه مشكوك في صحته..) بس و الله خلاص نقدر نفتح بيت...... طب ما احنا فاتحين كشك اهه و بنرش قدامه كل يوم

مش هنعرف نراضي عبد السميع...... و الله هم كلمتين حلوين.....

احبك صباحا

احبك مساءا

و بعد كده ممكن عزيزتي الغندورة تنامي و انتي قريرة العين (محدش يقولي ايه قريرة دي.... ده نوع بطانيات بينزل بس في الشتا بس بيدفي قلوب المحبين)

بس خلاص

فوتكم بعافية

[om marawan]

بالعكس محدش يقدر يقول ان البنت المصرية اللي هي امي واختي مش بتتحمل كتير من سلبيات الراجل المصري بالعكس انا شايف ان فيه زوجات كتير في مصر بالخصوص بيتحملوا المسئولية اكتر من رجالة بشنبات

لكن ما اقصده في كلامي هذه الفئة اللي كل تقييمها مادي بحت ياترى ايه مميزاتها حتى تتحكم وتتشرط كده ف تحكمات مادية بايخه لاتنم عن عقل او منطق

:lol: لا لا سلبيات ايه يا سيدى ده رجالة مصر دول اجدع ناس وسيبك من النماذج اللى مابتشتغلش واللى فيه ستات اجدع منها دى

لكن بجد الراجل المصرى مثقف وواعى وحنون وأب رائع وفيه صفات كتير رائعة

انا مازعلتش من كلامك تحديدا انا عارفة والله انك تقصد فئة معينة وده اللى قلته فى بداية المداخلة لكن يا هيرو يا أخى الفاضل بازعل من التعميم

لا انكر ان الفئة دى منتشرة جدا والمادية بقت صفة متوغلة فى المجتمع المصرى

وانا شخصيا ليا قرايب شباب واخوات صديقاتى بيعانوا مع النوعيات دى واللى بيغيظنى اننا بنحذرهم منهم ومابيسمعوش الكلام

مش بس قبل الجواز لا و اللى مش بيبانوا غير بعد الجواز أسوأ وأسوأ كمان

انا فاهمة قصدك بس قلبت المواجع وفكرتنى بالناس اللى بتهاجم المصريات طول الوقت وتقول لك اتجوز لبنانية ولا فلبينية ياسيدى وماله يتجوز اللى هو عاوزة بس ده مش معناه ان بنات بلده كلهم وحشين وعلى فكرة انا شخصيا عندى بنوتتين واللى هييجى يتجوزهم هاجننه انا وابوهم هو ياختى التفريط فى فلذات الأكباد بالساهل كده

ماتزعلش بقا انها جت فيك المرادى انا اصلى كنت باتكلم بهزار شبه الجد حبتين

تم تعديل 16 نوفمبر 2009 بواسطة om marawan