خطوات عمل الرخصه الدوليه من مصر

[Phizer]

الرخصه الدوليه دي رخصه مؤقته تخليك تسوق في اي بلد بس بشرط انك تبقا زاائر للبلد يعني لا مواطن فيها ولا مقيم (المصري مينفعش يمشي في مصر برخصه دوليه)

طيب وعشان تتعمل عاوزلها يوم كاااامل زي اي حاجا فبلدنا

اولا هتطلع على الاداره العامه للمرور بجوار مسجد رابعه العدويه مدينه نصر وهتقولهم عاوز شهاده تحريات هيقلك الراجل بتاع السكيوريتي اطلع الدور التاني هناك هتاخد ورقه صغيره كده والموظف هيكتب بياناتك ويقولك اختما من البيه يعني الظابط

تروح للبيه هتلاقيه قاعد مورهوش حاجا يختملك وتطلع بي الورقه الي ملهاش لزمه دي على ناتدي السيارت في 10 شارع قصر النيل قدام مبنى اميركان اكسبريس وبجانب بنك بي ان بي با رايبا

المهم هتدي الموظف صورتين جداد ليك وصوره الرخصه وش وظهر وشهاده التحريات(الورقه المعفنه الي جبتها من مدينه نصر)

هتدفع 40 جنيه وهتكتب ابليكيشن طوويل عريض اكتب الخانه الانجليزي بس هيقلك تيجي تستلم الرخصه بعد الساعه 2 الظهر

طبعا مينفعش الكلام ده 2 الظهر ايه

انت تدور كالعاده على الواد بتاع البوفيه وقله عايز اخدها دلوقتي هيا 10 جنيه وهيطلعهالك بعد 5 دقااائق

معلومه على السريع مينفعش حد يعملك المشوار ده خااالص

تحيااتي

[AbkaReno]

تسلم يا ريس علي التحريات..

وهيستفيد الناس من الموضوع وقت الحاجه..