كل أخبار مباراة مصر والجزائر

[حسام يوسف]

والله يا أخت ضحي حضرتك بتفكريني بأخوة يدخلوا باب الهجرة الى كندا عشان بس يقولوا لناس مهتمة ومعمول باب الهجرة الى كندا عشانها -بلاش الهجرة انتم غلطانين وكندا وحشة وأحلامكم دي مالهاش لازمة

[حسام يوسف]

حتى لو فاز المنتخب

فحسن شحاتة مالوش فيها

وكتير عليه تدريب منتخب مصر

تم تعديل 18 نوفمبر 2009 بواسطة حسام يوسف

[ozoozo]

حتى لو فاز المنتخب

فحسن شحاتة مالوش فيها

وكتير عليه تدريب منتخب مصر

والله انا معاك يادكتور وحاسس ان مفيش اي خطه انما ربتا بيسترها

يعني 2006 ربنا ستره معانا و2008 ايضا

لكني بكدب نفسي وبقول مش معقول كل ده بالحظ

[طبيبة مصرية]

الاخت ضحى

الماتشات المهمة والمصيرية اللى زى دى ما حدش بيهتم فيها بفنيات اللعب وامتاع الجماهير ولكن الهدف بيبقى تضييق المساحات وخنق اللعب ومحاولة الفوز باى هجمة مرتدة او لعبة ثابتة وبعدين ال11 لعيب يقفلوا الماتش تماما ويحاولوا يحافظوا على الهدف اللى جابوه.............

وعموما واضح ان القصة انتهت خلاااااااااااااص

[طبيبة مصرية]

حتى لو فاز المنتخب

فحسن شحاتة مالوش فيها

وكتير عليه تدريب منتخب مصر

ليه بس يا دكتور حسام

الراجل عمل انجازات كتير للمنتخب............. وصحيح ساعات تغيراته بتبقى فاشلة وبتحرق الدم وما بيعرفش يقرا الماتش كويس بس هنعمل ايه بقى هى دى قدراته..........

فى اللحظة دى صفر الحكم ..............هارد لك يا جماعة

نشوفكوا على خير فى 2014

خساااااااااااااااااااارة هذا الجيل الذهبى كان يستحق هذا الشرف................

تم تعديل 18 نوفمبر 2009 بواسطة طبيبة مصرية

[doha]

وفازت الجزائر ..

تصدقوا مزعلتش ..

اصل لو كنا احنا فزنا كنا هنفرحهم فينا لما نطلع من الدور الثاني بالكتير في المونديال النهرده احنا هنرجع نشمت فيهم لما يطلعوا من الدور الاول والعالم كله هيشمت فينا احنا الاثنين لما ده مستوانا في اللعب ومقطعين بعض امال لو كنا الارجنتين ولا البرازيل كنا عملنا في بعض ايه؟

[Alrefaey]

قدر الله وماشاء فعل

الحمد لله على كل شىء

[طبيبة مصرية]

وفازت الجزائر ..

تصدقوا مزعلتش ..

اصل لو كنا احنا فزنا كنا هنفرحهم فينا لما نطلع من الدور الثاني بالكتير في المونديال النهرده احنا هنرجع نشمت فيهم لما يطلعوا من الدور الاول والعالم كله هيشمت فينا احنا الاثنين لما ده مستوانا في اللعب ومقطعين بعض امال لو كنا الارجنتين ولا البرازيل كنا عملنا في بعض ايه؟

انتى اكيد زعلانة والكلام ده من ورا قلبك..........

وواضح انك ما شوفتيش كاس العالم للقارات والاداء المبهر اللى قدمه المنتخب ده امام ايطاليا والبرازيل بكامل نجومهم ............

انا كان املى كبير اوى اننا هنعمل انجاز مشرف فى كاس العالم المرة دى

يا خسارة وضاع الامل يا ولدى

[حسام يوسف]

حتى لو فاز المنتخب

فحسن شحاتة مالوش فيها

وكتير عليه تدريب منتخب مصر

ليه بس يا دكتور حسام

الراجل عمل انجازات كتير للمنتخب............. وصحيح ساعات تغيراته بتبقى فاشلة وبتحرق الدم وما بيعرفش يقرا الماتش كويس بس هنعمل ايه بقى هى دى قدراته..........

فى اللحظة دى صفر الحكم ..............هارد لك يا جماعة

نشوفكوا على خير فى 2014

خساااااااااااااااااااارة هذا الجيل الذهبى كان يستحق هذا الشرف................

الفريق كان جيدا

لكن حسن شحاتة بقالة فترة بيهبل فى تشكيلات عبيطة

وبتمشي معاه وبيكسب

زي ما كان فى كأس القارات مابيلعبش برأس حربة أساسا

مدرب ليس له بصمة تغير سير المباراة

مدرب لا يجدد شباب المنتخب

همة شلة معينة

ودمتم

يلعبوا حلو

يلعبوا وحش

لا تغيير

عسكرى أمن مركزي مثالي

أبوتريكة مثلا

أخر ماتش لعبة عدل ماتش رواندا فى القاهرة

وشرحة كتير من اللاعيبة

ليه ما يبقاش عندك بدائل؟

انا صعبان عليه الناس بس والله

وصعبان عليه الهمج دول يلعبوا فى كأس العالم

وعلى حسابنا

عليه العوض ومنه العوض

[ozoozo]

انا اللي غلطان

اكسترا عامله خصومات 50 % لمده تلات ايام

وسبت العروض دي وقلت اتفرج علي ماتش الحواري الشعبيه ده

سلام انا رايح اكسترا

[osaimi]

الحمد لله علي كل شئ ، مالناش نصيب نفرح كتير ، عسي أن تكرهوا شيئا وهو خير لكم

[AbkaReno]

السلام عليكم

الماتش مش هقدر اوصفلكو الي جوايه من الفشل الزريع الي حصل فيه..

والف مبروك للجزائر الي عرف ضعف الفريق المصري واستفاده بكل مهاره..

[ذهبية]

بيتهايلى ان كان ليا موضوع اسمة بلاش تفرحى يا مصر قوى علشان بعد كل فرحة مصيبة

والله معرفش لية الادراة حذفتة لية

بالرغم ان احساسى طلع صح

و يا فرحة ما تمت

[doha]

انا اللي غلطان

اكسترا عامله خصومات 50 % لمده تلات ايام

وسبت العروض دي وقلت اتفرج علي ماتش الحواري الشعبيه ده

سلام انا رايح اكسترا

يانهارك ابياااض .. مش كنت تقول .. ده انا مستنية العرض ده من السنة الي فاتت كنت بشتري حاجات والبائع مصري قالي الحقي في شهر 11 و12 من كل سنة بننزل عروض ببلاش كل الموظفين دفعوا رواتبهم الشهر ده في الاجهزه الي اشتروها ..

ماسبق كان استهلالا لابد منه .. نرجع لموضوعنا

مين بيقول اني زعلانه .. طيب علي الطلاق تلاته مانا زعلانه اننا خسرنا .. ممكن زعلانه ايوه من الي حصل قبل الماتش ومن الشحن الغير طبيعي الي انشحن .. لكن النتيجه الي حصلت والله ولازعلتني ولا حسيت ان في شيء اصلا بل على العكس ..

شوفوا الاستاد مليان ازاي مشجعين جزائريين .. الناس دي طلعت كاس العالم مش على حسابنا زي مالدكتور حسام بيقول وانما على حساب نفسها .. دي دفعت دم قلبها عشان تتاهل وياريت بفايده هم او احنا مش هناخذ كاس العالم ولا بعد عشرين سنه فعلى ايه المصاريف والتكاليف ..

الحج ابو تفليقه شكله مزنوق في فرحه شعبيه اكتر من الحاج محمد والاثنين اخوات ومفيهاش حاجه لما واحد يباصيها للتاني النهرده والتاني يراعيه فيها بكرا واهو من قدم السبت برضه ..

بذمتكم المستوى الي ظهر بيه الفريق ده هو مستواه الطبيعي ؟

انا معرفش مستواه الطبيعي لاني مش متابعه بس متيقنة انه لو ده مستواه اصلا مكانش حد في مصر ولا براها حلم اننا ممكن نفوز .. هو كان في لعب اصلا؟

الماتش من البدايه بتاع الجزائر والشحن الي حصل كله قبل الماتش هدفه ان يحسسوا الشعب الجزائري ان المباراة مصيرية وان الفوز بيها انجاز مابعده انجاز واهو تلهيهم شويه زي مااحنا برضه سبق واتلهينا عن المفيد لما فزنا في كاس مش عارف ايه ولا تاهلنا لطشت ايه .. لك الله يامصر .. وياجزائر

[طبيبة مصرية]

حتى لو فاز المنتخب

فحسن شحاتة مالوش فيها

وكتير عليه تدريب منتخب مصر

ليه بس يا دكتور حسام

الراجل عمل انجازات كتير للمنتخب............. وصحيح ساعات تغيراته بتبقى فاشلة وبتحرق الدم وما بيعرفش يقرا الماتش كويس بس هنعمل ايه بقى هى دى قدراته..........

فى اللحظة دى صفر الحكم ..............هارد لك يا جماعة

نشوفكوا على خير فى 2014

خساااااااااااااااااااارة هذا الجيل الذهبى كان يستحق هذا الشرف................

الفريق كان جيدا

لكن حسن شحاتة بقالة فترة بيهبل فى تشكيلات عبيطة

وبتمشي معاه وبيكسب

زي ما كان فى كأس القارات مابيلعبش برأس حربة أساسا

مدرب ليس له بصمة تغير سير المباراة

مدرب لا يجدد شباب المنتخب

وصعبان عليه الهمج دول يلعبوا فى كأس العالم

وعلى حسابنا

عليه العوض ومنه العوض

اتفق معاك تماما فى الكلمتين دول هو فعلا ماعندوش ذكاء مانويل جوزيه وقدرته على عمل تغييرات تغير من سير المباراة........

ياللا هنعمل ايه ؟؟؟؟؟؟؟؟خيرها فى غيرها وباى باى حسن شحاتة........................... اما الهمج دول فقد اجادوا التخطيط تماما للمبارة ونجحوا فى تشتيتنا وافقادنا التركيز وده من ايام التصفيات على فكرة..........ان شاء الله هيبقوا ملطشة الفرق فى جنوب افريقيا...........حسبى الله ونعم الوكيل

[طبيبة مصرية]

انا عرفت يا جماعة ايه المفاجاة اللى حسن شحاتة كان محضرها لرابح سعدان...........

انه يلاعبه بنفس تشكيل المباراة اللى فاتت .............

ملعوبة يا معلم والله..........

:D :D :D

مش بيقولوا شر البلية ما يضحك

[Princesse]

مش عارفة ليه عندي احساس ان هزيمتنا كانت مقصودة و كانت بقرار سياسي

علشان حماية ارواح المصريين في الجزائر و حماية الاستثمارات المصرية في الجزائر

لان الشعب الجزائري من الصعب التحكم في غضبه و السيطرة عليه

و كان ممكن العلاقة بين الدولتين على المستوى الشعبي و الرسمي تسوء اكتر و اكتر

لذلك كان اسلم حل هو هزيمة مصر

فالمصريين بطبعهم طيبين و يمكن بسهولة جدا التحكم في غضبهم اضف الي ذلك اننا شعب واعي و عاقل غير الشعب الجزائري الذي لا يتحكم في انفعالاته

الفريق المصري انهردة لم يكن في مستواه و التشكيل كان غريب

هذا مجرد رأي والله اعلم

[Diab]

انا هأشجع أي فريق يلعب ضد الجزائر

في كأس العالم

[capitshino]

المفاجاة ان عروض اكسترا مش 50% انما حتى الى 50 % يعنى ممكن تلاقى خصم 5 و 10 %

ايه رائيكم نتكلم عن عروض اكسترا احسن من الكلام عن الماتش.

لا حول ولا قوة الا بالله

[الترجمـان]

أنا مش هقول مبروك للجزائر لأنهم لا يستحقوا تلك المباركه بعد ان تعرضوا للمصريين اللي راحوا يعمروا في بلادهم وردوا الجميل لهم على أتمم وجه وصرحوا بما يكنوه لشعب مصر بلا خزى ولا حتى حياء...

بس هقول مبروك للشيخ رابح سعدان بصراحه لأن انكتبله عمر جديد ..

لأنه لو مكانش كسب الماتش داه كان ممكن مايروحش بيتهم اللي تعرض للحريق وللهجوم وللإعتداء كما صرح بذلك لوائل الإبراشي من قبل .. دا لو ماكنش مجهز باسبوره هوه وعيلته علشان يطلع على فرنسا من بره بره ..

وكمان بنقول شكرا ..

لحسن شحاته وكل اللاعبين اللي بذلوا كل الجهد على مدى السنوات الماضية واسعدونا.. ولكنها رياضه وستظل رياضه أولا وأخيرا ..

الطريف أن عندنا في الشارع بعض الشباب لسه بتضرب كلكسات وكإننا كسبنا ...!!!

بس بدل ما بيقولوا مصر بيقولوا الجزائر :D

أه والله العظيم..,

هوه داه الفرق بينا وبينهم ..

هي دي مصر ..

وهتفضل زي ما هيه .. :D