كل أخبار مباراة مصر والجزائر

[لولا]

لا حول ولا قوة الا بالله.

الشعب كان مجهز نفسه لفوز اكييييييييييييييد .

اعتقد اننا كلنا مصدومين حاليا وبعد شويه حتطلع حالات الغضب .

[capitshino]

انا هأشجع أي فريق يلعب ضد الجزائر

في كأس العالم

والله هو تقريبا الاحسن ان الواحد ماايتفرجش على كورة تانى.

مافيش مرة الا لما نفرح الا لما نتخ1ل بعدها

زى بطولة القارات لما تلعب قدام البازيا وتغلب ايطاليا وتتغلب من امريكا وبرده كاس العالم للشباب وماتش كوستاريكا

زجع قلب وقله ادب

[لماضة مصرية جدا]

السلام عليكم و رحمة الله و بركاته

ع فكرة انا مبفهمش ف الكورة..... و مش عايزة افهم فيها

بس معرفش ليه حسيت الجزاير كانت بتلعب احسن فيما عدا الحبة الخايبة اللي كانوا متعصبين فيها في البداية

هذا و الله أعلم

ألف مليووووووووووووووووووون مبروووووووووك تأهل السوداااااااااااااااااااااان

[capitshino]

انا هأشجع أي فريق يلعب ضد الجزائر

في كأس العالم

والله هو تقريبا الاحسن ان الواحد مايتفرجش على كورة تانى. بلا هم ووجع قلب

مافيش مرة الا لما نفرح الا لما نتخذل بعدها

زى بطولة القارات لما تلعب قدام البرازيل وتغلب ايطاليا وتتغلب من امريكا وبرده كاس العالم للشباب وماتش كوستاريكا

وجع قلب وقله ادب

اسف عالغلطات الاملائية ....

[الحازم حسن]

قدر الله وماشاء فعل

مش نهاية العالم ولا تذبحوا هذا الجيل

تقدروا تدبحوا هاني سعيد لو حبيتم

[لولا]

مبروك للجزائر ... مش من القلب طبعا لأنهم ميستحقوش بعد كل اللى عملوه معانا .

للأسف اداء المنتخب المصرى مكنش على المستوى المطلوب ابدا . :D

الحمد الله على كل شيء.

فعلا مع السلامة كأس العالم .

[ابو محمد بن مصطفي]

الف مبروك للكابتن حسن شحاتة علي التشكيل الغبي اللي بدأ به الماتش

[ابو محمد بن مصطفي]

الكابتن كفته قصدي (حسن شحاتة) كان بيلعب من غير خط وسط

بقي ده اسمه كلام ياكابتن كفته

منك للي كلت دراع جوزها

[ابو محمد بن مصطفي]

شوفتوا جماهير الجزاير عملين الزاي شباب يفوت في الحديد

مش احنا اللي لمين شوتي وتوتو وكوكو راحين يشجعوا.....

فعلا الجزاير بعتت الجماهير اللي توصل فريقها لكاس العالم بدون مقابل

واحنا عملناها سبوبه وشغل نصب وانتخابات ومصالح

بصراحة الجماهير المصرية اللي كانوا في استاد ام دورمان مش جماهير كوره دي زفه سياسيه كدابه

وكفاية حرقة دم لغايه كدة

[abuAdham]

مش مبروك للجزائر وتمنياتي الهزيمة لهم من اول مباراة لانهم شعب *** اما بالنسبة للاعلام المصري هيكون رد فعلة اية بعد ما تهدأ الامور وتنكشف حقيقة الجزائريين ان مفيش قتلي هل اعلامنا هيكون لة رد فعل ام سنقول كلنا عرب واخوان

حقيقة الامر ان الصحف الجزائرية القذرة شنت حرب علي مصر والمصريين وهذا الرابط دليل علي كلامي هذه جريدة الفجر الجزائرية الرسمية http://www.manshet.com/links_go.asp?id=83

لو كنا بنلاعب ازبل دولة في العالم مكنتش كتبت علينا كدة ومكنتش هتهاجم مصالحنا وعمالنا العاملين بها ( اسوء الامنيات للفريق الزبالة وربنا يعجل خروجه بهزيمة ثقيلة من اول مباراة ( وغدا لناظره قريب )

اما رجالتنا فربنا معاهم فريق متميز وخسروا كثير بسبب الثقة الزائدة بالنفس امام فريق اقل مهارة

[حسام يوسف]

السبب حسن شحاتة اللى بيألف ويلحن ويلعب باللى مايستاهلش ويخرج اللى بيلعب وما بيجددش الفريق من 4سنين

وكمان الحكم الزفت اللى اسمه ايدي ماييه اللى كان مفروض قانونا يطرد اتنين من الجزاير وكانت هتفرق

[om marawan]

مبروووووووك لمصر باخلاقنا وخلاق لعيبتنا واخلاق جمهورنا

مبرووك لمصر ان فيه ناس من اهلها فهموا الرياضة صح انها غالب ومغلوب

مبرووك لان اخلاقنا فى الفوز زى اخلاقنا فى الهزيمة

مش مهم نزعل لكن عيب اوى لما نفقد اخلاقنا واحترامنا لنفسنا ....عيب لما نبقا كذابين زى بعضهم

مبرووك لان الفريق اللى خسر ده هو نفسه اللى بيكسب طول الاربع سنين اللى فاتوا وهنشاركهم حزنهم زى ماشاركونا وفرحونا

الحمد لله سبحانه اللى أراد اننا مانكسبش النهارده لان اذا كان بعض جمهورهم بيهاجم المصريين وهم كسبانين امال لو كانوا خسروا كانوا عملوا ايه

الحمد لله اللى نجا المصريين العاملين فى الجزاير من مذابح وربنا يسترها عليهم ويرجع اللى فى السودان بالسلامة

الرياضة مكسب وخسارة لكن الاخلاق للاسف خسارتها بلا رجعة

[om marawan]

البيت بيتك بتقول انه فيه هجوم عنيف من الجزائريين على الجمهور المصرى

ربنا يستر والناس ترجع بالسلامة

تم تعديل 18 نوفمبر 2009 بواسطة om marawan

[ابو محمود]

الكورة كأى رياضة هناك رابح وخاسر لكن الغريب فى وطنى العربى الكبير انها توظف على انها كرامة شعب او أمل أمة

ونحن كمواطنين تنجلى علينا هذة السذاجة بكل سهولة ويسر وننجرف مع اعلام كل همة جمع المال فخسر كلا الطرفين المتباريين اخلاقهم وأخوتهم بسهولة حتى اعداء الامة اطلقوها صراحة بدون مواربة فى اعلامهم حرب الأخوة على مبارة للكرة

نتخيل كم اصبح من الواضح هشاشة فكر اعلام الوطن العربى حتى يغذى ابناءة بأن شرف الوصول الى تصفيات كأس العالم مهم بل اهم من فتح القدس او منع اراقة دماء العرب بينهم فى اليمن او مناصرة اخوانهم فى السودان او اى بقعة بها ازهاق لأرواح ابرياء

[Egypt]

xxxxxxxxxxxxxxxxxx

xxxxxxxxxxxxxxxxxx

xxxxxxxxxxxxxxxxxx

xxxxxxxxxxxxxxxxxx

الفاضل EGYPT

اى خروج آخر عن آدب الحوار العامة والتعبير عن الرأى سيتم فيه اتخاذ اللازم من قبل الإدارة .

عن فريق الإشراف والتنسيق

لولا

[Egypt]

XXXXXXXXXXXXXXXXXX

تم تعديل 18 نوفمبر 2009 بواسطة لولا
اسلوب حوارى غير مقبول فى محاورات المصريين

[shoshka]

البيت بيتك بتقول انه فيه هجوم عنيف من الجزائريين على الجمهور المصرى

ربنا يستر والناس ترجع بالسلامة

القاهرة اليوم في اتصالات كتير من ناس متحاصرة في السودان .. يا جماعة أكتر من 50 أوتوبيس متكسر و ناس متعورة كتير يتحدفوا بالطوب و السكاكين في الشوارع .. طب امال لو كنا كسبنا كان حصلنا ايه ؟؟ كانوا العيال اتدبحوا هناك ..

و الكوميديا السوداء ان السودان قفلوا المطار بالمفتاح و مشيوا !!!!!!!! أنس الزفت الفقي بيقول أن الناس دي لو الأمن السوداني مش هيحميهم مصر هتبعت قوات أمن عشان تخرج أولادها .. و رغم كل الناس اللي بتتكلم في التليفون أنس الفقي بيقول احنا ما جتلناش احصائية عن الاصابات .. ملعون أبو الكورة على أبو الرياضة اللي بالمنظر ده ..

مصر للطيران مش متعاونة مع الناس اللي هناك مع ان أحمد شفيق قال انهم بعتوا 9 طيارات عشان تجيب المصريين اللي هناك .

[Diab]

في ناس بقي دلوقتي هتعمل كدة

حكيم وفاهم والناس التانية مخها علي قدها

:D

تم تعديل 18 نوفمبر 2009 بواسطة Diab

[Egypt]

ــــــــــــــــــــــــــــــــــــــــــــــــــــــــــــــــــــــــــــــــ

ــــــــــــ

الفاضل EGYPT

سبق ونبهت حضرتك الى ملاحظة تعبيراتك المستخدمة التى تصر على تكرارها فى ردك على زميل فاضل دون مراعاة اداب الحوار

وقواعد المشاركة فى محاورات المصريين.

سيتم اتخاذ اللازم من قبل الإدراة تجاه الإصرار على تكرار المخالفة .

عن فريق الإشراف

لولا

[shoshka]

فكرني بقصيدة للأبنودي

الله يجازيك يا عم عبدالناصر

الليل مليّل

والألم عاصر

لسه اللي بيبيع أمته كسبان

وكل يوم

أطلع أنا الخاسر

******

أما انت خميت مصر دي خمة

يوم ما ناديت بالعشق للأمة

ورطتنا نعشق خريطة عبيطة

وبشر ما نعرفهاش

وبلاد.. ما بنزورهاش

إلا.. فواعلية وبنايين وسواقين

وخدامين.. وطباخين.. وكناسين

بلاد أسافرها سعيد

ارجع حزين

حبيتها زي ما قلت لي.. واكتر

ع الأجنبي ما استكترتش عليا تستكتر

ع الأجنبي ما اتنقورتْش عليا تتنقور.

تطمع في دمعي

وف تعاسة راتبي.

مُلهم أنا.. واعمل غبي

وادي الألم يا عم عبدالناصر

زاحف وبيحاصر

وآدي الجميع خاسر

وآدي فجر أمتنا الجميل مغلوب

وآدي انتحار الأمة بالمقلوب

وأنا... غريب الدار..

لابسني توب العار

ساكن في وطني بالإيجار

***

قاعد أنا ع الجسر في القيَّالة

من قلب اللهيب مِنشالة

وقلبي.. ساقية حزن سَيالة

باغني..

ما اعرف مغني والاّ عديد

زي افتكار الميتين.. في العيد.

باعاني وحداني

شياطيني لابساني

والأمة قدامي.. مفارقاني

يا رب...

ما تحببني في الناس الملاح تاني

يا رب

ما ترجعني أعشق

ضحكة اخواني

يا رب

كرهني في أوطاني

***

ما أخيبك أمَّة

ما أتعسك أمة

لا عقل... ولا همة...

لا مصدقه فعلك

ولا تحفظي كلمة.

أمة.. تدور وتلف..

تقيلة.. مش حتخف

حماسية... وحماسها

بكتيرُه ساعة.. يجف.

أمة بتتخابِط

أمة بتتعابط

أمة ومالهاش

لا زابط ولا رابط

ولا كبير عيلة

ولا قرابةْ دم

وفكرة وهمية

ما تورث إلاّ الهمّ...

ما تحل عني يا عم..

إحنا ورثنا كلام

إحنا تاريخنا كلام

علشان كده لما تقول..

علي طول أقول:

وبكام؟؟

ما هو حب؟؟ دبرني

وتاريخ؟.. فكرني

وطريق؟.. نورني

ومصير؟.. بصرني

ده انا بقيت عربي

من قبل ما القي

اللي يمصرني.

أنا انتمائي لأمتي...

ممسخرني.

محسوبة في الأحزان عليّ

في الفرح تنكرني

ياللي انتي لا أمة

ولا انتي أم..

فيه أم

ما تعرفش ساعة الألم..

تضم؟..

****

قد ما ننورها

هيه مضلمة

قد ما نعلمها..

مش متعلمة.

كل ليلة بايتة مظلومة

وهيه الظالمة!!

آخرة السكك الوعار

مجد.. متلطخ.. بعار.

قد ما نحجمها...

تفلت م الإطار!!

السلاح من صنع بره

والكلام من صنع بره

المآكل

الملابس

والهوا البارد في بيتي..

صنع بره.

لا نسجْت الهدمة..

لا زرعْت.. ولا اكتفيت

شفتها.. جريت اشتريت.

جلاّبيتي.. عمامتي.. سجادتي

وحواديت الصغار

والحلاوة: حلوة.. مرة

شغل بره.

إيه يهم

إن مت من أجل البشر

ولا سبت الديب يصرَّخ

واتغابيت؟...

أو نسيتها؟ أو اتناسيت؟؟..

الشهادة مجانية...

والبطولات...

نفحات استعراضية

والليل مليّل

والألم... عاصر

لسه اللي بيبيع أمته

كسبان..

وكل يوم..

أطلع أنا الخاسر...

الله يجازيك

يا عم عبدالناصر