كل أخبار مباراة مصر والجزائر

[president]

إن أمثال مصطفى عبده وهتيف الدرجة الثالثة عمرو أديب وأمثالهم جعلوا صورة الإعلام المصري في الخارج مسخرة ومضرب الأمثال في الجنان الرسمي ، وكشفوا عن انحدار غير مسبوق في مستوى الثقافة المصرية ، الذين ألحقوا العار بمصر ليسوا هؤلاء البلطجية الذين صاحبوا المنتخب الجزائري في السودان ، ولكنهم هؤلاء أنصاف أو أرباع المثقفين الذين قفزوا في غمضة عين على الإعلام المصري واستولوا على أخطر منابره

أتسائل منذ متى كان لاعبي الكرة يتكلمون في السياسة ؟؟؟

عندما حدث ما حدث للفريق الجزائري في القاهرة لم تقم القاهرة بالاعتذار عن ما حدث للجزائريين والأن نطالب الجزائريين بالإعتذار عن ما حدث لنا في السودان أعتقد أنه يجب علينا أن نعتذر أولاً حتى يعتذروا لنا

جانب أخر من الأزمة وهو العروبة

بعض الناس كفر بالعروبة وكأن العروبة هي السبب في حدث لنا وكأن مصر لا يجمعها بالجزائر إلى العروبة فقط . ياسادة مصر يجمعها بالجزائر قارة أفريقيا فلم لا نتبرأ من الأفريقية كما تبرأنا من العروبة

ما يجمعنا بالجزائريين أكبر من العروبة والأفريقية ما يجمعنا بها هو الأخوة في الدين التي فرضها ربنا عليها سواء رضينا أم أبينا قال الله إنما المؤمنون إخوة. فمن على وجه الأرض يستطيع أن يزيل هذه الأخوة التي أقرها رب العزة في كتابه ؟؟؟

جاءت هذه الأية قبل الآية التي توضح أن الإخوة يمكن أن يتقاتلوا لأنهم بشر إلا أن هذا التقاتل لا ينفي صفة الإخوة بينهم مهما حدث

تحياتي

أختلف مع حضرتك فى بعض النقاط .

عندما نهاجم شخص بعينه فيجب علينا توضيح أسباب الهجوم . حضرتك انتقدت مصطفى عبده وعمرو أديب ومن حقك تنتقدهم بس ليه ؟

انا مثلا باحب عمرو أديب بس لما حصلت منه سقطة كأس القارات أكيد كلنا انتقدناه مش كرهناه لأن كل واحد فينا ليه سقطاته . انت حضرتك بقى

بتنتقد الأتنين دول ليه؟ ولو كان عشان انفعلوا وشتموا فى الجزائر يعنى ؟ فبصراحه انا بحييهم على ده .

أصل انا بصراحه مابحبش الأنبطاح وأخد فوق دماغى وأقول كمان . بأسم ايه اسم العروبه ؟ دا على كده لو الحكومه ادتنا بالجزمه نقول كمان ياحكومه

باسم كل حاجه باسم (المصريه العروبه وكل حاجه بقى) ولا احنا واخدين ان احنا نتهزأ من برا بس بس فى بلدنا يك .

بلاش ياسيدى الفاضل نخلط الأمور . درسنا فى الفيزياء "لكل فعل رد فعل مساو له فى المقدار ومضاد فى الأتجاه " دى قوانين طبيعه بتطبق على الجوامد .

احنا بقى اللى بنى آدميين مفيش ولا مره يكون لينا رد فعل يعنى مش هنحصل الجوامد حتى .

هوا ليه دايما بنتتقد أنفسنا وليه كل العرب مش المفروض يتسامحوا زينا . اشمعنا احنا بس خلاص معروفين اننا بناخد فوق دماغنا وعايزننا نطبب عليهم

ونقولهم بسم العروبه كمان .

حضرتك بتقول على اللى حصل للجزائريين واحنا معتذرناش - لو حضرتك متابع كويس - هتلاقى ان حسن صقر عمل شجب للموضوع ده

ووعد بتأمين حمايه أكبر وعدم تكرار الموضوع على الأقل اعترف ان فى حاجه حصلت . هما بقى فى حد اعترف بيهم بأى حاجه ؟

لو احنا هنخلينا ماشيين بنظرية خلينا ننبطح باسم العروبه وباسم افريقيا والعرب تعيش . يبقى لما يحصل حاجه لينا فى أى دوله عربيه أوعى نفتح بقنا

الجزيره تشتم اوعى تفتحى بقك دكاتره تتجلد هوس خالص ونقول كمان . وبعدين نزعل من سفارتنا فى الدول العربيه عشان المصريين بيتهانوا

والسفاره مابتعملش حاجه . واضح انهم فطنوا لموضوع العروبه ده بدرى بدرى .

أخر حاجه عشان ماطولش عليك . حضرتك مستغرب ان فى رياضيين بيتكلوا فى السياسه ؟ ايه المشكله فى كده ؟ هما مش دول مواطنين مصريين برده ولا أيه ؟

ولا حلال لل 80 مليون وحضرتك وانا منهم وحرام عليهم دا على اساس مثلا ان لعيب الكوره لا تؤخذ يشاهدته .

عارف حضرتك ايه الفرق بين اهانه من يهودى او جزائرى . ان ده يهودى وعارفين انه عدو انما البربى كان معروف انه عربى ومسلم ومن افريقيا زينا فمتوقعناش

منه الأهانه بس واضح انه اعتبرنا اننا اليهود فعشان كده تعدى علينا .

ياسيدى الفاضل الكرامه جزء لا يتجزأ من الأنسان والأنسان الحر لا يقبل الأهانه من أى شخص سواء الشخص ده بقى ( اخ - صديق -مصرى -عربى -اجنبى -يهودى )

والأنسان الذى يقبل الأهانه بداعى العروبه مايصدعناش انه بيتهان فى بلده .

تحياتى

[طنطاوي]

إن أمثال مصطفى عبده وهتيف الدرجة الثالثة عمرو أديب وأمثالهم جعلوا صورة الإعلام المصري في الخارج مسخرة ومضرب الأمثال في الجنان الرسمي ، وكشفوا عن انحدار غير مسبوق في مستوى الثقافة المصرية ، الذين ألحقوا العار بمصر ليسوا هؤلاء البلطجية الذين صاحبوا المنتخب الجزائري في السودان ، ولكنهم هؤلاء أنصاف أو أرباع المثقفين الذين قفزوا في غمضة عين على الإعلام المصري واستولوا على أخطر منابره

أتسائل منذ متى كان لاعبي الكرة يتكلمون في السياسة ؟؟؟

عندما حدث ما حدث للفريق الجزائري في القاهرة لم تقم القاهرة بالاعتذار عن ما حدث للجزائريين والأن نطالب الجزائريين بالإعتذار عن ما حدث لنا في السودان أعتقد أنه يجب علينا أن نعتذر أولاً حتى يعتذروا لنا

جانب أخر من الأزمة وهو العروبة

بعض الناس كفر بالعروبة وكأن العروبة هي السبب في حدث لنا وكأن مصر لا يجمعها بالجزائر إلى العروبة فقط . ياسادة مصر يجمعها بالجزائر قارة أفريقيا فلم لا نتبرأ من الأفريقية كما تبرأنا من العروبة

ما يجمعنا بالجزائريين أكبر من العروبة والأفريقية ما يجمعنا بها هو الأخوة في الدين التي فرضها ربنا عليها سواء رضينا أم أبينا قال الله إنما المؤمنون إخوة. فمن على وجه الأرض يستطيع أن يزيل هذه الأخوة التي أقرها رب العزة في كتابه ؟؟؟

جاءت هذه الأية قبل الآية التي توضح أن الإخوة يمكن أن يتقاتلوا لأنهم بشر إلا أن هذا التقاتل لا ينفي صفة الإخوة بينهم مهما حدث

تحياتي

أختلف مع حضرتك فى بعض النقاط .

عندما نهاجم شخص بعينه فيجب علينا توضيح أسباب الهجوم . حضرتك انتقدت مصطفى عبده وعمرو أديب ومن حقك تنتقدهم بس ليه ؟

انا مثلا باحب عمرو أديب بس لما حصلت منه سقطة كأس القارات أكيد كلنا انتقدناه مش كرهناه لأن كل واحد فينا ليه سقطاته . انت حضرتك بقى

بتنتقد الأتنين دول ليه؟ ولو كان عشان انفعلوا وشتموا فى الجزائر يعنى ؟ فبصراحه انا بحييهم على ده .

أصل انا بصراحه مابحبش الأنبطاح وأخد فوق دماغى وأقول كمان . بأسم ايه اسم العروبه ؟ دا على كده لو الحكومه ادتنا بالجزمه نقول كمان ياحكومه

باسم كل حاجه باسم (المصريه العروبه وكل حاجه بقى) ولا احنا واخدين ان احنا نتهزأ من برا بس بس فى بلدنا يك .

بلاش ياسيدى الفاضل نخلط الأمور . درسنا فى الفيزياء "لكل فعل رد فعل مساو له فى المقدار ومضاد فى الأتجاه " دى قوانين طبيعه بتطبق على الجوامد .

احنا بقى اللى بنى آدميين مفيش ولا مره يكون لينا رد فعل يعنى مش هنحصل الجوامد حتى .

هوا ليه دايما بنتتقد أنفسنا وليه كل العرب مش المفروض يتسامحوا زينا . اشمعنا احنا بس خلاص معروفين اننا بناخد فوق دماغنا وعايزننا نطبب عليهم

ونقولهم بسم العروبه كمان .

حضرتك بتقول على اللى حصل للجزائريين واحنا معتذرناش - لو حضرتك متابع كويس - هتلاقى ان حسن صقر عمل شجب للموضوع ده

ووعد بتأمين حمايه أكبر وعدم تكرار الموضوع على الأقل اعترف ان فى حاجه حصلت . هما بقى فى حد اعترف بيهم بأى حاجه ؟

لو احنا هنخلينا ماشيين بنظرية خلينا ننبطح باسم العروبه وباسم افريقيا والعرب تعيش . يبقى لما يحصل حاجه لينا فى أى دوله عربيه أوعى نفتح بقنا

الجزيره تشتم اوعى تفتحى بقك دكاتره تتجلد هوس خالص ونقول كمان . وبعدين نزعل من سفارتنا فى الدول العربيه عشان المصريين بيتهانوا

والسفاره مابتعملش حاجه . واضح انهم فطنوا لموضوع العروبه ده بدرى بدرى .

أخر حاجه عشان ماطولش عليك . حضرتك مستغرب ان فى رياضيين بيتكلوا فى السياسه ؟ ايه المشكله فى كده ؟ هما مش دول مواطنين مصريين برده ولا أيه ؟

ولا حلال لل 80 مليون وحضرتك وانا منهم وحرام عليهم دا على اساس مثلا ان لعيب الكوره لا تؤخذ يشاهدته .

عارف حضرتك ايه الفرق بين اهانه من يهودى او جزائرى . ان ده يهودى وعارفين انه عدو انما البربى كان معروف انه عربى ومسلم ومن افريقيا زينا فمتوقعناش

منه الأهانه بس واضح انه اعتبرنا اننا اليهود فعشان كده تعدى علينا .

ياسيدى الفاضل الكرامه جزء لا يتجزأ من الأنسان والأنسان الحر لا يقبل الأهانه من أى شخص سواء الشخص ده بقى ( اخ - صديق -مصرى -عربى -اجنبى -يهودى )

والأنسان الذى يقبل الأهانه بداعى العروبه مايصدعناش انه بيتهان فى بلده .

تحياتى

أخي الفاضل

بداية أشكر لك ولكل من تفضل بالقراءة أو التعليق على المقال

بغض النظر عن الأسباب أقول لك انظر إلى النتائج أكتب لك في هذه اللحظة من خارج مصر وقابلت جنسيات عربية كثيرة ممن يتابعون الإعلام المصري وكنت أصر على أن أعرف وجهة نظرهم كطرف محايد ومانتيجة هذه الحملة التي يقودها الإعلام المصري

شبه اجماع من جميع الشخصيات على أن الإعلام المصري تحول إلى إمرأة تصيح تصيح في الجميع (فرش الملاية )وفقط .

لا يملك أدلة على صدق كلامه

مصطفى عبده سمعته وهو يهين شعب الجزائر ويقول لهم نحن أسيادكم يا كذا ويا كذا

عمرو أديب وزميله الأخر نفس الكلام سمعت منهم إهانة إلى الشعب الجزائري دون التفريق

بالله عليك لو أنت جزائري محترم وترفض ما حدث في السودان للمصريين ما هو شعورك لو وجدت مذيع مصري على قناة مصري يقول عن الجزائريين أنهم عبيد فرنسا وأنهم ليس لهم حضارة وأنهم شعب متخلف

أترك لك الرد

ولكن قبل الرد

منذ أيام تكلمت صحيفة جزائرية حقيرة في حق زوج رئيس الجمهورية فقامت الدنيا لأجل هذا

لو رجعت بالذاكرة إلى الوراء لوجدت أن هناك صحيفة مصرية حكومية أفردت في صفحتها الأولى كلام في حق زوج أمير قطر ولأكثر من عدد . ... أرجو أن تتخبل ما هو شعور القطري تجاه مصر عندما يجد صحيفة مصرية حكومية تقول هذا الكلام في حق زوج أمير بلاده

قناة الجزيرة

معروف عنها انها ضد مصر ولكن انظر إلى الاسلوب الحرفي الذي تتعامل به مع مصر

يا عزيزي الاعلام المصري أصبح لا يملك إلا اسلوب الردح وفقط أما الحرفية في النقد والتعامل مع مخالفيك فالإعلام المصري ليس له منها نصيب

وهذا وضع طبيعي جدًا فأغلبية رؤوس الإعلام المصري لا تعلم عن الإعلام شيئاً فهم إما لاعبي كرة سابقيين أو ممثلين أو صحفيين أو أبناء أحد المسئولين أو إمرأة جميلة....

وتحياتي

[president]

بالله عليك لو أنت جزائري محترم وترفض ما حدث في السودان للمصريين ما هو شعورك لو وجدت مذيع مصري على قناة مصري يقول عن الجزائريين أنهم عبيد فرنسا وأنهم ليس لهم حضارة وأنهم شعب متخلف

أترك لك الرد

سيدى الفاضل

تعلم انه قبل مباراة القاهره ومباراة الخرطوم كان هناك شخصيات محترمه ومثقفه وبرلمانين كانوا ينادوا بالتهدئه .

ولكن بعد مباراة الخرطوم وبعد اهانه افراد مصريين والتعدى عليهم جميع الأفراد الذين ارادوا التهدئه انقلبوا الى النقيض . اللى حاضر فى ذهنى مثلا

مجدى الجلاد -مصطفى بكرى وغيرهم تفتكر ليه ؟؟؟؟؟

حضرتك تطلب منا بعد اهانتنا ان نحترم الطرف الآخر ولا نهينه بدعوى المحافظه على شعور بعض الأفراد المحترمين . طب ليه؟؟؟؟؟؟؟؟

بامارة ايه ؟؟ ماكل بلاد الدنيا فيها ناس محترمه . لو حد اهاننا منهم منردش عليه عشان بعض الأفراد مايزعلوش .

طب هما ماعملوش حساب للمحترمين بتوعنا ليه ؟؟؟؟

الأخ الفاضل سأطرح عليك سؤال .

لو أن لك صديق من عائله محترمه وتعرف اهلها جيدا . وتعدى عليك هذا الصديق امام زوجتك وأولادك بالضرب والسب . ياترى هيكون رد فعلك ايه ؟

عرب ايه اللى حضرتك بتتكلم ان احنا لازم نوريهم الأدله . انت مقتنع ان احنا اتهانا ولا لأ ؟ لو مقتنع ودمك حر ماتستناش تبرر لحد . لو مش مقتنع دى قصة تانيه .

سيدى اذا كان محترمى البربر او مثقفيها هيزعلوا مننا عشان بنرد عليهم الأهانه بالأهانه . فتتحرق البربر -الجزائر - بكل اللى فيها .

تحياتى

[justme]

انامع اي يحد يثبتوجهة نظره

البينة على من ادعى واليمين على من انكر

احنا عايزين بينة علشان غريب جدا ان دلوقتي بس رجعنا لسنة 82 والسبعينات طب ليه محدش صور اعتداء واحد علينا دلوقت

ده مش معناه اني بقول انه محصلش او حصل بس الاسلام بيقول ان الفتنة نائمة لعن الله من ايقظها ودي فتنة واللي عملها لو معندوش دليل يتحاسب لأن مثلا في الزنا اذا مكنش في شهود عدول تسقط التهمة ولكن انا في رأيي ان قد يكون التدبير محكم

مثلا في شئ بيدعم القضية ان السودان مختمش الجوازات

بس في المقابل مشفناش لقاءات في المستشفى مع المصابين ولا حتى صور للناس دي وهي متعورة زي الجزائر ما عملت ودي غلطة

وبرضه دي غلطتنا اننا رحنا كده من غير ما نفكر

انا اذكر واحد في تسعين دقيقة ليلة الماتش بيقول ربنا يستر في العودة لأنهم ادونا معاد الذهاب مش معاد العودة

[DIA ELDIN]

سبحان الله الخطيب بعد العشاء خطب خطبة عن فتح مصر

وبصراحة كان كلامة جميل وبصراحة قعد يمدح في مصر واهل مصر زي ما يكون مصري لا والله دا اكتر شوية

زي ما يكون ربنا بعته في الوقت دا علشان يخفف من اثار الاحداث الجارية

الناس واخدة عن مصر فكرة وحشة جدا والمفروض ان مهمة ممثليات مصر في الخارج انها تحاول توصل الفكرة الصح للناس دي

بس برضوا عاوز اوضح حاجة ان اكتر اللي بيحصل دا بدافع الحقد لأن "الشجرة المثمرة يضربها الناس بالحجارة"

وكلنا طبعا عارفين موضع قابيل اللي قتل هابيل

واخوات سيدنا يوسف اللي كانوا عاوزين يقتلوه

لكن زي مقولت صورتنا الحقيقة لازم احنا اللي نوصلها وكرامتنا لازم ناخدها الاول في بلدنا لأن انتقصاها في بلدنا هوا اللي خلى الهمج يتجرأوا علينا

[DIA ELDIN]

التاريخ الاسود لمشجي الهمج

http://www.masrawy.com/News/Egypt/Sports/2..._hooligans.aspx

[DIA ELDIN]

فيديوم لاعتداءات الهمج في السودان على احد الاتوبيسات

http://videohat.masrawy.com/view_video.php...894a2b70d08ee4f

[bat man]

The truth La verite الحقيقه [HQ]

to download video: http://BLOCKED2/files/311541657/veri...471193789144349 http://BLOCKED2/files/311541657/verite.wmv.html .... فتاه مصريه تروى لوسائل الاعلام الغربيه باختصار حقيقة ما حدث فى الخرطوم يوم 18 نوفمبر خلال مباراة مصر و الجزائر --- An Egyptian girl speaking to the whole m...edia around the world about the facts that happened in sudan in 18 Nov. during the match of Egypt vs. Algeria -- Une fille Egyptienne raconte la verite de ce qui passe on 18 Nov. au Sudan pendant le match d'Egypte contre L'Algerie.. Read more

[أبو عمر المصري]

الأخ باتمان

للأسف الروابط فيها خطأ فهي لاتعمل

تم تعديل 24 نوفمبر 2009 بواسطة أبو عمر المصري

[وطني حر]

في ما حنا نبحث ونشحت من الجمهور المصري يبعث صور وافلام الرعب

سبقونا الجزائريين في توثيق افلامنا .حتي لو كانت كذبا وتزويرا الناس بتشتغل كذب ولا مش كدب المهم فيه كل يوم خبر كل يوم جديد

http://www.echoroukonline.com/ara/thumbnai...=article_medium

".

فضح تسجيل ظهر على اليوتوب المسرحية التي أداها "الفنان" محمد فؤاد في إطار حملة إشعال نار الفتنة في الشارع المصري عندما خرج المنشط رأس الفتنة في الإعلام المصري عمرو أديب وهو في اتصال على المباشر مع محمد فؤاد الذي كان يطلق كالنسوة صرخات النجدة على أساس أنه محاصر من قبل المناصرين الجزائريين في مكان ادعى أنه لا يريد أن يسميه على المباشر خوفا من أن يهجم عليه مناصرون جزائريون آخرون، إضافة لمن يحاصرونه مثلما كان يدعى.

وكان أسلوب الاستنجاد والصوت العالي خلال اتصال "الفنان" مع القناة يبدو للمشاهد أنه لا يمكن أبدا أن يكون تمثيلا فقد كان المنشط يصب الزيت على النار مرددا "أولادنا يموتون في السودان من يذهب لإنجادهم" ثم أخذ الكلمة ضيف الحصة ليقول "يجب أن نثأر لأبنائنا من الجزائريين المتواجدين هنا"، داعيا في حديثه المصريين للخروج وتصفية الجزائريين.

ما لم يكن ينتظره محمد فؤاد وباقي من مثلوا أدوارهم في قناة الفتنة أن يخرج إلى العلن تسجيل لـ"الفنان" محمد فؤاد وهو يتكلم من مكان لا فيه موت ولا حصار بل والأدهى من ذلك فإن السلطات السودانية عندما انتقلت ليلتها بطلب من السلطات المصرية لإنقاذه عثرت عليه رفقة من كانوا معه في مطعم يسمى "الساعة" وسط الخرطوم يطلق عليه المصريون اسم المطعم اللبناني وهو في أحسن حال بل ويدخن الشيشة وعلامات الفرح بنجاح تمثيليته بادية عليه.

وإثرها قامت الشرطة السودانية بإجراءات متابعة قضائية ضد محمد فؤاد بتهمة إزعاج السلطات والبلاغ الكاذب ليتدخل مسؤولون مصريون مترجين السودان عن طريق خارجيتها بوقف الإجراءات لهول الفضيحة

انتهى الخبر

ياخوانا الجماعه الجزائريين لازم يكون لنا معاهم حساب تاني بطريقه منظمه مش فوضويه او صراخ .

لازم ورشه عمل تتعمل يجتمع فيها حكماء الاعلام ورجال العقل للرد عليهم بالطريقه اللائقــه . مش كل جمهور ينفع معاه الصراخ . دول ليهم طريقه معينه للتعامل .. وكفايه كدا

رابط الخبر

http://www.echoroukonline.com/ara/divers/44849.html

تم تعديل 25 نوفمبر 2009 بواسطة وطني حر

[عاشق الترحال]

مباراة مصر والجزائر صداع في رأس الفيفا

قام الفيفا بوضع رابط خاص علي موقعه الإلكتروني يطالب فيه الجماهير المصرية بالحديث عن الأهوال التي تعرضوا لها في الخرطوم بالإضافة إلي إمكانية قيام الجماهير المصرية بوضع صور خاصة عن الأحداث التي شهدتها السودان.

الرابط الخاص بموقع الفيفا هو:

http://www.fifa.com/contact/form.html

من ناحية أخري قرر رئيس الاتحاد الدولي لكرة القدم جوزيف بلاتر عقد اجتماع مطلع الشهر المقبل بشأن الأحداث التي شهدتها المباريات الفاصلة في ختام تصفيات كأس العالم .2010

المصدر جريدة الجمهوريه

http://www.algomhuria.net.eg/algomhuria/to...ge/detail08.asp

[عصام أبوالفتح]

مش معقول يا جماعة الكدب الصريح ده wst::

الرابط صفحة contact موجودة فى اى موقع محترم ولو لشركه متوسطة الحجم وعام جدا وليس للمصريين فقط

جريدة الجمهورية تكذب فى الخبر بوضوح وتقول ان الفيفا يطالب المصريين ب و ب

وانت يا استاذ عاشق مش تدخل تشوف الرابط الاول بتاع الفيفا ومحتواه قبل نقل الخبر

السلوك الببغائى ده اللى مودينا فى داهية

الفيفا فكرتها عن مصر ( زى الزفت ) من ساعة افتتاح كاس العالم للشباب لما بلاتر معرفش يقول ولا كلمة من هيصه الجمهور واحسست بغضبه المكتوم وانسحابه الهادئ امام همجيه الجمهور وعدم تحضره ..

واللحظة الثانية حين عزف السلام الوطنى للجزائر فى القاهرة ولم يسمعه احد بسبب قلة ادب الجمهور ..

وتكرر ذلك فى متش الخرطوم ولم اسمع صوت الجمهور الا اثناء عزف السلام الوطنى الجزائرى ..تيت تريت تيت تيت مصر ... الفيفا ومراقبيها سجلوا كل ذلك ونحن مدانيين 100 % لان ده يعتبر سلوك عدائى فى عرف الغربيين وعرف الفيفا ولان الجزائر فاهمه كده كويس .. فالنتيجة لصالحها بكل تاكيد

قدموا احتجاج كامل بعد متش القاهرة واتفتح التحقيق رسمى فى الفيفا يوم الخميس الماضى بعد متش الخرطوم واخفى الاعلام الكاذب هذه الحقيقة

كما اوهمونا بان المصريين سيملئون الاستاد .. وملأه الجزائريون الين منحوا الدخول للسودان بدون تاشيره كالمصريين

واخفى الاعلام المصرى هذه الحقيقة ايضاَ

وظل يتباهى بسهولة انتقال المصريين بدون تاشيرة

اليوم يسافر زاهر لسويسرا للتحقيق معه حسب فى ما حدث بالقاهرة وقد جهز الملف ليوضح اننا شعبين همج وعادى اننا نعمل فى بعض كده

حتى شوفوا عملوا فينا ايه فى السودان

والله مسخرة

[om marawan]

ياسيدى الفاضل اللى عاوز يكذب الخبر هيكذب حتى لو كان فؤاد بيتكلم وفى ضهره سكينة

واعتقد انه لما نشوف الفيديو هنفهم انه كان فعلا متحاصر فى شركة طارق نور زى ما كان بيحكى

والحقيقة انى اتعلمت زمان حاجة بسيطة

انه عشان تعرف ان شخص بيكذب اسمع منه القصة عدة مرات مع عدة أشخاص

وفؤاد ظهر فى عدة لقاءات بيحكى القصة بنفس التفاصيل فى كل مرة

ولما ظهرت مفيدة شيحا المذيعة اللى كانت معاه فى نفس الاتوبيس حكت نفس التفاصيل

وهنلاقى كمان فى الفيديو اللى ذكره الفاضل DIA Eldin نفس التفاصيل

اللى عاوز منهم يفهم هيفهم

وواضح ان الفيديوهات المتعلقة بالهجوم واللى احنا تساءلنا كتير هى فين بدأت فى الظهور

ويبدو انه كان مقصود اخفاءها حتى يتم تقديم الملف

[osaimi]

ياسلام لو نتيجة الماتش تتلغي ويعتمدوا وصول مصر لكاس العالم ..... أحلااااااااااااااااااام

[om marawan]

الفيفا ومراقبيها سجلوا كل ذلك ونحن مدانيين 100 % لان ده يعتبر سلوك عدائى فى عرف الغربيين وعرف الفيفا ولان الجزائر فاهمه كده كويس .. فالنتيجة لصالحها

يااااه طلعنا فى الاخر احنا اللى مدانين مية فى المية !!!!!!!!!

هو حضرتك يا باشمهندس شفت ان الفيفا كانت منصفة يعنى مع مصر

فيه مقال على مصراوى برضه بيوضح جدااا تحيز الفيفا ضد مصر للسعى لحرمانها من تصفيات كأس العالم

وأكيد حضرتك سمعت عن قاعدة احتساف الهدف بواحد فقط اللى اتفصلت عشاننا

فاحنا مش مستنيين من الفيفا كتير الا اذا كانت هتبتدى تخاف على سمعتها وبرضه ماعتقدش ان ده هيحصل

عموما احنا مش شعب همجى ولا حتى الجزائر

وماعتقدش ان الانجليز كمان وغيرهم اللى بيشجعوا الكورة بجنون همج

وياريت برضه حد يوضحلى مدى همجيتنا فى الماتش

طبعا انا لاحظت موضوع انشيد الجزائرى

وطبعا غلط اللى حصل

بس هو ليه احنا ايدنا خفيفة اوى واحنا بنهاجم غيرنا وتقيلة واحنا بنجلد نفسنا

ممكن يكون ده مش قصد حضرتك تحديدا ياباشمهندس بس ده رأى شفته من ناس كتير

[عصام أبوالفتح]

سيدتى الفاضلة انا طلبت منع كل جزائرى على قيد الحياة من دخول مصر .. وده رغم انى شفت بعينى وسمعت بودانى كل تجاوزاتنا ((( اللى بتتسجل ))) هناك تجاوزات لا يمكن تسجيلها وما حدث بعد الماتش لا يدخل ضمن مسئوليات الفيفا ولا مراقبيها اطلاقا

لازم نفهم اننا بنغلط والكاميرا علينا بينما ينتظر الجزائريين ادارة الكاميرا لصفعنا

وانا مصر ان كلا السلوكيين سلوك ناس همج .. لكن لان الهمج الاولانيين هم من الشعب الذى انتمى له فقد طالبت بمعاقبة الهمج التانيين حتى يسلموا لنا اللذين فعلوا الافعال الاكثر همجية

وضحت ؟

تم تعديل 25 نوفمبر 2009 بواسطة عصام أبوالفتح

[om marawan]

والله يافندم هى واضحة وعشان كده انا قلت فى نهاية مداخلتى ان ردى على اراء كتير سمعتها بالمعنى انا اللى انا ذكرته

وقلت يمكن حضرتك ماقصدتش ده

وانا ارى ان السلوك همجى ده صحيح لكن مش الشعب

وكل عيد وحضرتك والأسرة بخير وصحة

[عصام أبوالفتح]

وحضرتك طيبة وجميع الاخوة والاخوات بالمحاورات وشعبنا كله - الهمج وغيرهم - بخير وصحة

وادى رسالة المعايدة اللى هابعتها لاصحابى .. اتفضلى ومعاها وردة :rolleyes:

يا جمال العيد كده وهو مبارك علينا ومصر فى علاء وعز ... والجيب نظيف !!!!

[miramikhail]

أولا كل سنة و كلكم طيبين وأنشأ الله يكون عيد سعيد عليكم

أنا مقدرتش أدخل أكتب بقى ليى أسبوع من الغيظ يعنى مش معقول أن كل اللى بيحصل ده و نتساوى أحنا بالهمج دول يعنى ماشى المتفرجين مع بعض تحصل مشاكل بره الأستاد ولا جوه حتى لكن ما حدث غير كده خالص ده اللى عملوة يشمل :

1- رمى حجارة على الأتوبيس بتاع اللعيبة و ده متسجل

2- مطاردة المشجعين المصريين و حظهم الهباب أنهم مش ناس عادين كتير من الفنانين و علية القوم زى ما بنقول فماكنش فية رد فيروح حقنا يعنى لابسهم لابساهم

3- حرق مكاتبنا و مهاجمة المصريين فى الجزائر دية تحت سمع و بصر السلطات الجزائرية و متحركتش و الشركات من كل الأنواع حكومية وخاصة .

4- الصواريخ و الحاجات المولعة اللى أترمت فى ملعب الجزائر فى الماتش الأولانى خالص و كمان فى أم درمان و السكاكين المتصورة أية الأخبار.

ده ما يخص الماتش ده لكن فية تاريخ قديم من أيام ماتش سنة 1989 أن أحد اللاعبين خزق عين طبيب مصرى و اللى أعرفة أنه أتحكم علية و أطر يفضل محبوس فى الجزائر لأنه لو خرج حيقبض علية و على فاكرة ده تاريخ طويل من قلة الأداب من الجزائريين فى الكورة خاصة

و بعد كده تبقى الفيفا أتعمت لما تدينا أحنا و ماتدينش الجزائر مش كده ولا أية ولا عشان وروار ده طلع بابا مامته يهودى ؟؟

[ssmaly]

ياسلام لو نتيجة الماتش تتلغي ويعتمدوا وصول مصر لكاس العالم ..... أحلااااااااااااااااااام

ياراجل انت لسه بتفكر فى الكورة وكاس العالم انت لسه ماتبتش

والله الكورة والتشجيع الرهيب والتعصب هو افيون الشعوب

انت عارف ان الحكومة المصرية شجعت التعصب الكروى والافلام الخليعة بعد حرب 67 علشان يخدروا المصريين

واعتقد انهم الان بيشجعوا التعصب علشان يخدروا المصريين ويخليهم ينسوا البطالة والتوريث و الفساد المستشرى فى كل انحاء مصر

المفروض أن الحكومة بتشجع ممارسة الرياضة لكل المصريين وليس لعدد محدود لفريق كورة قدم بيدفعوا له كل الميزانية المخصصة للرياضة وكما بزيدوا عليها ملايين المكافأة للفوز (والان مكافأة لعدم الفوز)

ومافيش مليم بتصرف على الرياضة فى المدارس او الموؤسسات الشبابية

الهدف من اقامة اى مسابقة رياضية هو التشجيع على ممارسة الرياضة لكل الشعب

يعنى المفروض كل الشعب المصرى يمارس الرياضة اى نوع من الرياضة وبتشجع وتمويل من وزارة الشباب والرياضة

والمتميز منهم فى رياضة ما يشارك فى مسابقة محلية ثم عالمية

ولكن ايه اللى بيحصل ان 80 مليون مصرى بيمارسوا رياضة التشجيع فقط ل22 لاعب

وهذا من اسباب فشلنا فى المسابقات الدولية

لاننا بنختار 22 لاعب من نسبة عدد محدود من المصريين الذين يمارسوا الرياضة

ولكن تخيل ماذا سيكون مستوى فريقنا اذا كان الاختيار 22 لاعب من بين 10 مليون ممارس للعبة بالفعل؟

تم تعديل 25 نوفمبر 2009 بواسطة ssmaly