كل أخبار مباراة مصر والجزائر

[سكر]

انا بقى مستفز جدا لما مبارك يقوم بزيارة للفريق لاسباب كتير

1- يجب ان يكون الحاكم عادل وصاحب رويه سياسيه مش يلعب على وتر وعواطف الشعب

2- مفيش مساوة لان لم يزو العبارة لما غرقت او الدويقه لما وقعت

[ابو محمود]

ثلاثة لا يظلهم الله بظلة يوم القيامة ... شيخ ذانى .. وفقير متكبر .. وحاكم كاذب

[capitshino]

http://www.echoroukonline.com/ara/sports/44327.html

اتفرجو وقولو رائيكم

[adrianocrespo]

الجمهورين في منتهي الهمجيه و الوقاحه و قله الادب

[otaka]

اخره اللعب بمشاعر الناس

المجانين من الطرفيين ولعوا الدنيا

اعلام غير مسؤول و كاذب

و الله لو فى حد حصله حاجه بسبب الهبل ده انا مش عارف ممكن اتجنن

ده ماتش كوره يا ناس حسبى الله و نعم الوكيل

[nizza la bella]

اضيف الى كلام حضرتك

دعوه الى الجماهير المصريه لمقاطعة المباره

ادعو الى عدم حضور المباراه ومشاهدتها فى المنزل

وخلى اللاعبين المغاوير والاعلاميين الافزاز والمسؤلين الابطال ليعبروا اكتوبر وحدهم لانهم هم فقط المستفيدون

دعوه الى الجماهير المصريه لمقاطعة المباره!!!!!!!!!

مش هايحصل يا سيدى دة متش كورة انت بيتدن فى مالطة

طب قول كدة يا شعب مصر انت بيتموتو بى البطي اتحركو اعملو حاجة

ولا الدموع

يا راجل بذمتك والنبى اصل انااربت اتجنن الناس الدبيحة بتوع حرب غزة طبعا اليهود نتنياهو واللى قبلة رايح جاى وبيبرتع فى مصر ولا حد استخبالو فى الدرة

حتى الاعلام بيتخرس

تم تعديل 13 نوفمبر 2009 بواسطة nizza la bella

[nizza la bella]

فيه حد عنده اعتراض على كلامى؟

عداك العيب انت جبت الخلاصة :happy:

تم تعديل 13 نوفمبر 2009 بواسطة nizza la bella

[president]

ممكن اقول تعليق واحد بس استحملنى .

انت ليه محسسنا ان فى مؤامره كبيره بتحصل . وبتتمنى ان احنا نتغلب شماته فى المسئولين .

اى منطق غريب بتتكلم بيه ده . يعنى السبعين مليون ولا حتى الستين مليون اللى بيتمنوا مصر تكسب

كلهم مغيبين وعدى عليهم موضوع المؤامره وحضرتك اللى كشفتها .

ايه اللى دخل السياسه وغزه دلوقتى فى الكوره . حضرتك عندك ميول سياسيه وناقد على الحكومه دا حقك . بس مش هينفع كل موضوع

واى موضوع نحوره ويبقى فيه فساد حكومى وتتمنى ان احنا نتغلب . لأ اسمحلى حضرتك اتمنى لوحدك وادعى لوحدك .

انما كل المصريين بيتمنوا انهم يكسبوا وكل المصريين هيشجعوا فى الأستاد .

فيه تجاوزات بتحصل من بعض الجماهير بس دا مش من الأعلام بس . بس الناس اللى عندها خلفيه رياضيه عارفين التاريخ

المنيل اللى بين العرب وبينا فى موضوع الكوره وخاصه مع الجزائر . احنا برده بشر . راجع حضرتك التاريخ الرياضى كويس وهاتعرف ابعاد الموضوع .

حاجه غريبه ان فى ناس بتتمنى ان احنا نتغلب شماته فى الحكومه وشماته فى الأعلام ومش همهم ان 90 % من المصريين

هيناموا متنكدين .

توضيح اخير بالنسبه لموضوع غزه اللى اتكتب مش عارف بمناسبة ايه ياريت قبل ماننتقد حد يبقى نبتدى بنفسنا . يعنى ماينفعش

نقعد تحت التكيف ومظبطين امورنا ومستنين نتفرج على الحرب فى التلفزيون . لو انا عندى مبدأ ابتدى بنفسى .

عندك مثلا بن لادن بالرغم ان معظمنا مختلفين معاه انما عنده قضيه بيدافع عنها بنفسه هيا صح غلط مش موضوعنا .

انما هو مش راجل (بق) زى مامعظمنا بيعمل ينتقد وعايز غيره ينفذ . مش عاجبك حاجه خد موقف ايجابى وابتدى بنفسك مش

تستنى غيرك هوا اللى يعمل كده .

ويارب مصر تكسب ونتأهل ومصر كلها تفرح .( آسف ومعظم المصريين يفرحوا )

ولا تعليق بعد هذا وتحياتى ليك .

[capitshino]

طبعا احب اقول انى اتمنى المنتخب يكسب ويتاهل لكأس العالم2010

بس انا اعتقد انه فى حال وصولنا لكاس العالم فهناك مكاسب عديدة .. ولو ماوصلناش فى مكاسب برده

كل واحد بقى يفكر ايه هى المكاسب فى الحالتين.. ويفكر لما اخدنا كاس الامم فى السنيين اللى فاتت ايه هى الفايدة اللى عادت عليه؟

انا نفسى متلخبط فياريت كلنا نفكر مع بعض هنا وتكون مناقشة مفيدة وبصورة حضارية لعلها تنفعنا وتنفع غيرنا

تحياتى لكم.

[miramikhail]

ويارب مصر تكسب ونتأهل ومصر كلها تفرح .

وده برغم عدم متابعتى للكورة وببص أنها نضيع للوقت لكن فى حالة فريق مصر و قف دة بيمثل مصر يعنى ثمانين مليون مصرى .

و بعدين اللى بيقولك مش عايز مصر تكسب تلاقيهم يرجعوا يقولوا دية حكومة مش فالحة فى حاجة حتى الكورة

يعنى نقفل الشباك ولا نفتح الشبك .

للكن أنا مش مع فعلا أستخدام الأغانى الوطنية بتاعة نصر أكتوبر فى الكورة لأنه طبعا ده لا يساوى ده بأى حال من الأحوال

[Egypt]

انا لم اتمنى هزيمة مصر

وادعو ان مصر تفوز طبعا

ولكن اعتراضى على هذا الشحن الزائد

[adrianocrespo]

انا لم اتمنى هزيمة مصر

وادعو ان مصر تفوز طبعا

ولكن اعتراضى على هذا الشحن الزائد

كلام سليم

الشحن زائد للغايه

و المفترض من يقوم بتهدئه الناس

يقودون الناس للثوره اكثر

انا اتخنقت من الجو المشحون ده بجد

و كل ماشوف شلبي او مصطفي عبده بقفل علطول

[جبار سينج]

أكــــــد مصـــدر مسئول بالفيفا المتواجدين بالفندق أنه بإنتظار تقرير رسمى من إدرارة الأدلة الجنائية لإثبات حقيقة الواقعة المثارة حديثا, لإثبات إذا كان زجاج الباس (الأتوبيس) قد كسر من الداخل أم من الخارج مع التحفظ على الأتوبيس , وفى حالة ثبوت أن الكــــســر من الداخل فسيتم خصم نقاط من الجانب الجزائرى لأنه تم معاقبته مسبقا فى المباراه السابقة بسبب الألعاب النارية, وفى حالة كسر الزجاج من الخارج سيتم توجيه تحزير قوى مع غرامة مالية ضد المنتخب المصرى حيث أن الواقعة لم تتم أثناء وقوع المباراة .

وقد قامت الفيفا (FIFA) ([Football International Fediration Association)

بإرسال شديد اللهجة لكلا المنتخبين موصية بالإلتزام بالروح الرياضية وعلى مخالفة ذلك تحمل العقوبة

المصدر قناة

قناة BBC

[جبار سينج]

اخترق بعض الهاكرز الجزائري الموقع الرسمي لاتحاد الكرة المصري مساء الخميس وعرضت صورة تحمل علم مصر وبداخلها نجمة تشير لعلم الكيان.

وفور علم المسئولين بالاتحاد تم إيقاف الموقع وتعطيل السيرفر. وكتب المهاجمين عبارات باللغة الإنجليزية غير لائقة بحق مصر والمصريين.

ويأتي هذا الهجوم تزامنا مع وصول المنتخب الجزائري إلى القاهرة لمواجهة منتخب مصر يوم السبت المقبل في التصفيات المؤهلة لنهائيات كأس العالم 2010.

صورة الموقع وهوة مخترق

http://superkoora.com/images/efahacking.JPG

المصدر

http://www.superkoora.com/ar_news_detials.php?id=5166

[Ayoub]

السلام عليكم و رجمة الله و بركاته

و كل عام و كل الأمة العربية و المسلمة بخير بمناسبة عيد الاضحى المبارك , أعاده الله علينا بالخير و اليمن و البركات.

عندي مداخلة بسيطة وأرجوا الا تفهم غلط.لتوضيح فقط.أنا لاعندي لا ناقو لا جمل بالموضوع هذا لسببين:

1- لأنني غير مهتم كثيرا بالكرة بصفة خاصة ولا مهوس بها و أيضا لم يعد عندي رغبة بحرق دمي على الفاضي على منتخبات لا تحقق أي شئ يذكر مقابل الملاين و التي تصرف عليها

2- هذا هو المهم أنا مغربي يعني لا جزائري وتقولوا عميل أو جاسوس ولا مصري تقول خاين.

المداخلة هي أنه حرام أن يتم خلافات وخصومات بين الشعوب العربية الشقيقة و تفرقة بينها علشانت كلام فاضي أوية فاضي بالنسبة للهدف الأكبر وهو اتحاد عربي و اسلامي -يوما مااااااااا0- حرام يبقى تفرق من الحكومات و كذلك الشعوب ده حرام ياناس.وقد نهينى عن العصبية و تعصب الجاهلية الأولى.مش عيب أن كل واحد يحب بلد تكسب و تعدي أوكي بس بلا تجريح للآخر و لا مغالاة لا من مصر و لا الجزائر و المهم لو وصل فريق عربي أو مسلم للنهائيات نفرح له و نشجعه .

ملاحظة أنا لن أدخل هذا الموضوع ثانية لسببين أني كما ذكرت لا علاقة لي بالكورة أصلا وثانيا لا أريد خصام ولا جدل مع أي طرف.

و السلام على من اتبع الهدى

[تيتو]

انا لسه شايف فيديو عبارة عن مجموعه شباب بيولعوا علم الجزائر

طيب هو ده الحال اللى وصلنا له

كل هذا من اجل مباراة كرة قدم

اسرائيل عايزة كل ده وبيحصل من غير ما تتعب

هو ده حال العالم العربى

[جبار سينج]

الفلم الجزائرى

لاعبون جزائريون يحطمون الاتوبيس انظر الى اول خمس ثوانى

http://www.youtube.com/watch?v=zSiy38qC74Q

[تيتو]

كل اللى بيحصل لمصلحة الجزائر والخسران هو المنتخب المصرى

يس إن شاء الله مصر تفوز 3 : 0 وتصعد للمونديال

مين عارف يمكن يعملوها الرجالة

[doha]

اخترق بعض الهاكرز الجزائري الموقع الرسمي لاتحاد الكرة المصري مساء الخميس وعرضت صورة تحمل علم مصر وبداخلها نجمة تشير لعلم الكيان.

وفور علم المسئولين بالاتحاد تم إيقاف الموقع وتعطيل السيرفر. وكتب المهاجمين عبارات باللغة الإنجليزية غير لائقة بحق مصر والمصريين.

ويأتي هذا الهجوم تزامنا مع وصول المنتخب الجزائري إلى القاهرة لمواجهة منتخب مصر يوم السبت المقبل في التصفيات المؤهلة لنهائيات كأس العالم 2010.

صورة الموقع وهوة مخترق

http://superkoora.com/images/efahacking.JPG

المصدر

http://www.superkoora.com/ar_news_detials.php?id=5166

واحنا ايه عرفنا انه جزائري؟؟

الخبر الصحيح هو توقف موقع اتحاد الكورة بعد تعرضه لما اطلق عليه هجوم من الهاكرز ويعتقد بانهم جزائريون ..

قد يكون الامر تخريبي من جزائريين ..

قد يكون من اي كان يريد الوقيعه بين شعب مصر والجزائر

وقد يكون القائمين على الموقع انفسهم عاوزين ( يسخنوا اللعب شويه )

الكل هنا موضع شك

وفي النهاية فتش عن المستفيد لتعرف الفاعل

انا عارفه ان فوز منتخب مصر حاجه تسعدنا كلنا وحاجه ترفع راسنا اكيد .. لكن الوقيعه بينا وبين اخوة لنا في العروبة والدم والدين عار لا يمحوه ولا حتى فوزنا بعشرين كاس عالم مش مجرد مباراة لا راحت ولا جت ..

مع الاعتذار اكيد لكل اخوانا المتعصبين وبرضه لكل اخوانا الجزائريين الشرفاء الي اكيد في بينهم من يستنكر الفتنة الي بتحصل دي زي مامعظمنا بيستنكرها ويمكن اشد ..

[ssmaly]

موضوع مبارة كرة قدم لا تبقدم ولكن بتاخر مصر والمصريين

يتأخرهم فى كل حاجة التعليم والسياسة ومواكبه الدول التى تركب صاروخ العلم واحنا نمشى على اقدامنا وبنسير الى الخلف كمان

موضوع كرة قدم يتحول الى مشروع وحلم قومى

يتحول الى حرب بكل الاسلحة عدا الاسلحة الثقيلة لسه يمكن يجى عليها الدور بعدين

حرب اعلامية ومفاوضات بين الطراف لرأب الصدع

حرب شوارع مثل كسر زجاج الباص

والان حرب على النت

وبكرة حرب فى الملعب (مش لعب الكرة ) بين المتفرجين الاعداء

يعنى احنا لو كنا استفدنا من المشجعين المتحمسين من الطرفين فى بناء مدرسة مثلا اعتقد كان تقام بسهولة وكان افيد

او لو كان المشروع مشروع قومى بالفعل يساعد على حل اى مشكلة فى من البلدين المصنفيين من الدول النايمة

بدل من كل هذه البرامج الأعلامية التى نشاهد السباق المحموم من جميع القنوات والشركات المعلنة الراعية للبرامج و الدافعة ملايين الملاين للاعلانات

اعلانات السكة الحديد كلفتنا 4 مليون جنيه يبقى الاعلانات دى بتكلف كام مليار؟

مش كان الفلوس دى والناس المستعدة بالتضحية بكل غالى ونفيس ممكن استثمارها بطريقة مفيدة اكتر بدلا من جعل مبارة الجزائر ومصر هو المشروع القومى الذى نضحى بأرواحنا واموالنا فى سبيله؟