كل أخبار مباراة مصر والجزائر

[Rock]

انا عارف انة رأي هيزعل ناس بس لازم اقولة طالما انة حرية الرأي مكفولة هنا

انا بصراحة هاتجننننننننن من ردود الفعل العنيفة تجاة اية ؟؟؟؟؟ حتة ماتش لا راح ولا جة

الدنيا مقلوبة علي الانفلونزا و الازمة الاقتصادية العالمية و ظاهرة الاحتباس الحراري و اسرائيل عايزة تنط علي النيل و كانة جدهم الكبير كان مشترية و الحزب الحاكم بيعمل تمثيلية كبيرة و الجمهور نايم اساسا و الصين احتلت كل بيت كل شارع حتي عقولنا

كل دة و احنا بنتكلم كل دة عن الكورة

انا مش ضد الكورة بس انا ضد انة الرياضة تستخدم للتشويش او لمجرد ان تكون طريقة لشغل عقول الشباب

و ربنا يصلح الحال

[جيمي]

نسمع عن تعديل وزارى محدود او كبير منذ حادثة الجاموسه..اقصد القطار

واعتقد ان التعديل الوزارى تم تأجيله لبعد مباراة مصر والجزائر

لو مصر فازت يبقى كفى المؤمنين القتال وكله يبقى مكانه والناس تفرح

اما لو مصر انهزمت هيبقى يوم اسود على الساده الوزراء لانهم هيتشالوا هيتشالوا

فيه حد عنده اعتراض على كلامى؟

وحصل الكلام ده قبل كده فى كاس الامم 2006 ... لما كان غرق العباره قبل النهائي بيومين تقريباا ... ومصر كلها فرحت ... والحكومه فرحت ... والريس حضر الماتش ... وسوزان باسته .... ولا عزاء للالف وربعومية واحد اللى ماتو فى البحر ................ بس سيبك انت مبروك لمصر .... المشكله مش فى الكوره ... المشكله فى الوعي .... والتفاعل مع الوعي

تم تعديل 13 نوفمبر 2009 بواسطة جيمي

[MZohairy]

الضغط الاعلامي الرياضي المصري على الجماهير المصريه فاق كل المعايير

ضغط رهيب نفخ في الجمهور لدرجة الفرقعه...و طبعا كله مدروس و مفهوم لذوي البصيره :rolleyes:

ما حدث خلال آخر اسبوعين في مصر اعلاميا لم يحدث على مر تاريخ الكره المصريه

لا أعلم ماذا سيحدث لهذا الشعب المسكين لو فشل في التأهل لا قدر الله

ما رأيكم؟

[جيمي]

ممكن اقول تعليق واحد بس استحملنى .

انت ليه محسسنا ان فى مؤامره كبيره بتحصل . وبتتمنى ان احنا نتغلب شماته فى المسئولين .

اى منطق غريب بتتكلم بيه ده . يعنى السبعين مليون ولا حتى الستين مليون اللى بيتمنوا مصر تكسب

كلهم مغيبين وعدى عليهم موضوع المؤامره وحضرتك اللى كشفتها .

ايه اللى دخل السياسه وغزه دلوقتى فى الكوره . حضرتك عندك ميول سياسيه وناقد على الحكومه دا حقك . بس مش هينفع كل موضوع

واى موضوع نحوره ويبقى فيه فساد حكومى وتتمنى ان احنا نتغلب . لأ اسمحلى حضرتك اتمنى لوحدك وادعى لوحدك .

انما كل المصريين بيتمنوا انهم يكسبوا وكل المصريين هيشجعوا فى الأستاد .

فيه تجاوزات بتحصل من بعض الجماهير بس دا مش من الأعلام بس . بس الناس اللى عندها خلفيه رياضيه عارفين التاريخ

المنيل اللى بين العرب وبينا فى موضوع الكوره وخاصه مع الجزائر . احنا برده بشر . راجع حضرتك التاريخ الرياضى كويس وهاتعرف ابعاد الموضوع .

حاجه غريبه ان فى ناس بتتمنى ان احنا نتغلب شماته فى الحكومه وشماته فى الأعلام ومش همهم ان 90 % من المصريين

هيناموا متنكدين .

توضيح اخير بالنسبه لموضوع غزه اللى اتكتب مش عارف بمناسبة ايه ياريت قبل ماننتقد حد يبقى نبتدى بنفسنا . يعنى ماينفعش

نقعد تحت التكيف ومظبطين امورنا ومستنين نتفرج على الحرب فى التلفزيون . لو انا عندى مبدأ ابتدى بنفسى .

عندك مثلا بن لادن بالرغم ان معظمنا مختلفين معاه انما عنده قضيه بيدافع عنها بنفسه هيا صح غلط مش موضوعنا .

انما هو مش راجل (بق) زى مامعظمنا بيعمل ينتقد وعايز غيره ينفذ . مش عاجبك حاجه خد موقف ايجابى وابتدى بنفسك مش

تستنى غيرك هوا اللى يعمل كده .

ويارب مصر تكسب ونتأهل ومصر كلها تفرح .( آسف ومعظم المصريين يفرحوا )

ولا تعليق بعد هذا وتحياتى ليك .

انت عندك حق ... فساد الحكومه مالوش دعوه بالكوره و بفرحة المصرين بانتصار فريقنا القومي ... لكن لما الحكومه تكون بتستغل الكوره وفرحة المصرين بالكوره ... وتداري بيه على فسادها ... يعني لما الحكومه تمشي بمنطق ... مطالب ايه اللى انتو عاوزنها وفساد ايه اللى بتتكلمو فيه يا شعب جاحد ... ده انتو لسه كسبانين كاس الامم يا رجااااله .... يبقي في حاجه غلط ... وبكرر تاني المشكله مش فى الكوره ... المشكله فى الوعي ... والتفاعل مع الوعي

تم تعديل 13 نوفمبر 2009 بواسطة جيمي

[بندق أفندى]

ولا حاجة .. تفريغ شحنات او هواء .. المهم الناس تنشغل شوية عن مصايب بتحصل او هتحصل

[Egypt]

فرصه لاعتقالهم الان

مصطفى عبده

شوبير

مدحت شلبى

كلهم الان فى بث مشترك

ممكن الامن يكبس الان ويقبض عليهم

ماحدش يقنعنى ان الناس ديه مجتمعين وبث مشترك علشان الوطنيه وحب مصر

اعذرنى انه البزنس واكل العيش

واشحن فينى ياباشا

اشحن فى الشباب ياباشا

الناس ديه هى اللى هتخلنا نزعل لو انهزمنا

اقبضوا عليهم الان

[ابو حودة]

على الرغم اني متجاوب جدا ومهتم بالمبارة دي وعارف انه في النهاية احنا هانفرح او الجزائر هتفرح لان ده قانون اللعبة

لكن برده عارف ان الاهتمام ده هو حق يراد به باطل والاجابة على سؤال طيب الكلام ده كله ليه ممكن يكون مقالة علاء الاسواني موضوع " مصر على دكة الاحتياطي "

http://www.egyptiantalks.org/invb/?showtopic=89325

[astrophy]

طيب ايه المشكلة لما نتغلب ولو ان شاء الله كسبنا هيحصل ايه يعنى مفيش اى جديد انا اتمنى ان مصر تغلب بسى مش شايف انه هيعمل حاجه يعنى مجرد مباراة وكسبناها ليه الناس عمله شغلانه لدرجة اليوم رشقوا المنتخب الجزائرى بالحجاره وهما طالعين من المطار ليه دا مش المنتخب الاسرائيلى

يعنى هنطلع القمر او هنكون من دول العالم الاول لما نهزم الجزائر فى حاجات تانيه كتير كنت احب الناس تركز عليها بحماسة اكتر من موضوع المباراه دا

[DIA ELDIN]

ان شاء الله مصر هتصعد

وهيعملوها الرجالة

[طبيبة مصرية]

طيب ايه المشكلة لما نتغلب ولو ان شاء الله كسبنا هيحصل ايه يعنى مفيش اى جديد انا اتمنى ان مصر تغلب بسى مش شايف انه هيعمل حاجه يعنى مجرد مباراة وكسبناها ليه الناس عمله شغلانه لدرجة اليوم رشقوا المنتخب الجزائرى بالحجاره وهما طالعين من المطار ليه دا مش المنتخب الاسرائيلى

يعنى هنطلع القمر او هنكون من دول العالم الاول لما نهزم الجزائر فى حاجات تانيه كتير كنت احب الناس تركز عليها بحماسة اكتر من موضوع المباراه دا

موضوع رشق اتوبيس المنتخب الجزائرى بالحجارة موضوع ملفق و انا لسه سامعة على قناة الحياة ان المعمل الجنائى اثبت ان كسر الزجاج تم من داخل الاتوبيس وليس من الخارج وكمان اعتدوا على سائق الاتوبيس المصرى بالضرب المبرح.............

بالله عليك هل هذه تصرفات تصدر من شعب عربى شقيق؟؟؟؟

اتمنى لو الاخبار دى صحيحة ان اتحاد الكرة المبجل بتاعنا يصعد الموضوع والتقارير للفيفا ولا يكتفى بالقول الخائب معلش علشان نحافظ على العلاقات!!!!!!!!!

ده غير ما فعلته صحافتهم واعلامهم من تجاوزات فى حق لاعبى المنتخب ومدربه من بعد ماتش مصر ورواندا..........وانا شايفة ان كل اللى حصل من الاعلام المصرى كان محاولة للرد على الهجوم الجزائرى يعنى هما اللى ابتدوا ..........

اتمنى من كل قلبى التوفيق لبلدى الحبيب لمصر وربنا يستر ولا تخرجنا هذه التصرفات عن التركيز فى الماتش....................

[alsaher]

أتمنى الفوز لمصر

وإذا كنت انا مش مهتم بالكوره جدا ولا لي ولا عليا ومشدود جدا للمتش

لكن اللي بيحصل فيه حاجه غلط

مش بس عشان بلدين شقيقين والكلام ده بس

لكن أنا خايف المنتخب كده يبقى مضغوط جدا جدا

وإنو الوجود الجماهيري الكثيف للمباراة ، ومش أي جماهير ، دي جماهير مشحونه من شهر فات مبين هجوم وهجوم مضاد بين إعلام البلدين

خايف يكون له مردود عكسي على الفريق لا سمح الله

ونقطه مهمه جدا ، إنه لاقدر الله لو حصلت تجاوزات في الملعب وده جايز ، نظرا للشحن الجماهيري ، ونظرا للغضب مماحصل في الجزائر سابقا ، ونظرا إننا مش ح نقدر نحكم التصرفات الفرديه الخارجة عن السيطره ح تكون إزاي

التجاوزات دي ممكن تستثمر ضد المنتخب وقد يصل الأمر لعقوبات من الفيفا مستقبلا

مش عارف أنا فعلا قلق من مباراة غدا

وأتمنى نظرتي التشاؤمية ماتكونش في مكانها خالص ، وواثق إن الأمن يعي خطورة الموقف وربنا يعينهم يسيطروا على الأمور

وأتمنى الفوز بأهداف تؤهل المنتخب المصري لكأس العالم

[لولا]

شيء غريب جدا الشحن المهووووووووول اللى بيحصل للشعب !!

فجأة تم اختزال الوطن كله كله كله كله فى ماتش كورة !!

فجأة بقت اغانى الحرب بتتغنى للمنتخب !!

قال رياضه قااااااااااااال .. سورى ده اسمه جنان !!

لولا

[وطني حر]

من النهارده انا متفائل بتحقيق الوحده العربيـه . وان الشعوب هي اللي بتلاعب بالسياسـه

واليخسر الخاسرون

[astrophy]

شيء غريب جدا الشحن المهووووووووول اللى بيحصل للشعب !!

فجأة تم اختزال الوطن كله كله كله كله فى ماتش كورة !!

فجأة بقت اغانى الحرب بتتغنى للمنتخب !!

قال رياضه قااااااااااااال .. سورى ده اسمه جنان !!

لولا

فعلا شىء غريب جدا الناس عندنا مشحونه بطريقه غربيه جدا ومتعصبه بالرغم من المشاكل الكتيره جدا الى عندنا ومشاكل مش سهله امس تمشى فى شوارع القاهره تلاقى ووجوه الناس نفسها بتتكلم كنت بخلص ورق ليا فى مصلحه حكوميه والموظفين مفيش سيرة الا الماتش والدعوات بالنصر حسيت اننا هنحارب اسرائيل وان اليهود على ابواب مصر خلاص هيدخولوا وفكرنى الاعلام بتصوير حسن شحاته

على انه قائد والاغانى الوطنية افتكرت السادات الله يرحمه اكنه هو الى هيعبر بينا تانى للامل ومصر هتكون حاجه تانيه

ربنا يستر دا مجرد ماتش لا اكتر ولا اقل ومع ذلك اتمنى مصر تكسب الناس مش ناقصه كفايه احباط

[doha]

النهرده لاول مرة بقلب في التلفزيون فوقع عيني على لقطه في قناة الحياه عباره عن تجميع للاغاني الوطنية المصرية ومتركبه على لقطات للمنتخب ..

زمان اختصروا حضارة المصريين وسيطرة وهيمنة مصر على من حولها ومكانتها التاريخية وانتصاراتها على مر العصور بنصر اكتوبر .. الي كان لوحده عظيم بالتاكيد لكن مكانش ابدا دليل وحيد على عظمه مصر ..

خلاص لما تيجي سيرة حرب او انتصار مفيش غير اكتوبر نتكلم عنه وكاننا معملناش غيره او كانه الشيء الوحيد الي يدل على اننا المصريين ننحدر من دولة كانت في يوم ما من الدول العظمى ..

مرت السنين وكل مرة نفتكر اكتوبر بكام اغنية وللمرة الثانية على التوالي يتم الاختصار فيصبح اكتوبر مجرد اغاني وطنية بنرددها في المناسبات ..

الجريمه الكاملة كانت في الاختصار الثالث لما اغانينا الي هي الدليل الوحيد على النصر الي هو ورقة التوت بالنسبة لنا تتحول فجاه لمجرد اغاني نقولها قبل ماتش او بعد آخر ...

لما سمعت اجمل كلمات كنت بحب اسمعها زمان ( يابلادي يااحلى البلاد يابلادي ) تتغنى عشان كوره رايحه جاية ( تحت رجلين ) بصراحه تمنيت لو ان كل من ساهم في هذا الحشد الاعلامي وكل من استهان برموز وطنية عندنا وكل من ( دبلج ) الاغاني دي ليخليها يادوب متفصلة وباهتراء على المناسبة دي يتحاكم ومحاكمة عسكرية كمان والله مش خساره فيهم لو كان الحكم اعدام بل ورميا بالرصاص ..

[esocial]

الضغط الاعلامي الرياضي المصري على الجماهير المصريه فاق كل المعايير

ضغط رهيب نفخ في الجمهور لدرجة الفرقعه...و طبعا كله مدروس و مفهوم لذوي البصيره angl::

ما حدث خلال آخر اسبوعين في مصر اعلاميا لم يحدث على مر تاريخ الكره المصريه

لا أعلم ماذا سيحدث لهذا الشعب المسكين لو فشل في التأهل لا قدر الله

ما رأيكم؟

انا حبيت أشارك هنا علشان اقول كلمتين أرجو القراءة

(أولا) مين هى الجزائر دى اللى مدينها كل هذا الأهتمام اللى جعلهم شعروا باهميتهم من دون أى أهمية فهم فى سوق اللعبة لا يسووا شىء ودى حقيقة مش عارف ليه احنا مبالغين فى شانهم بهذه الطريقة والله دول ولا حاجة سواء هزموا او اتعادلوا او انهزموا باهداف قليلة الصح والحق والعدل انهم يندبوا نص دستة علشان يعرفوا قيمتهم الحقيقية وأقل من كدة نكون مقصرين اما لو هزمونا فده لا يقلل من شأننا شىء ولا يأثر بنا نهائيا .

(ثانيا )لا يحق لنا أن ننزل بمستوانا ونخاطب هؤلاء بمستواهم واسلوبهم . ولا تبالوا لمباراة بهذا الشكل سواء انهزمنا او هزمنا نحن مصر وشعب مصر ومنتخب مصر ولا نتأثر بمثل هذه الأشياء البسيطة .

مع الشكر

[esocial]

الضغط الاعلامي الرياضي المصري على الجماهير المصريه فاق كل المعايير

ضغط رهيب نفخ في الجمهور لدرجة الفرقعه...و طبعا كله مدروس و مفهوم لذوي البصيره angl::

ما حدث خلال آخر اسبوعين في مصر اعلاميا لم يحدث على مر تاريخ الكره المصريه

لا أعلم ماذا سيحدث لهذا الشعب المسكين لو فشل في التأهل لا قدر الله

ما رأيكم؟

انا حبيت أشارك هنا علشان اقول كلمتين أرجو القراءة

(أولا) مين هى الجزائر دى اللى مدينها كل هذا الأهتمام اللى جعلهم شعروا باهميتهم من دون أى أهمية فهم فى سوق اللعبة لا يسووا شىء ودى حقيقة مش عارف ليه احنا مبالغين فى شانهم بهذه الطريقة والله دول ولا حاجة سواء هزموا او اتعادلوا او انهزموا باهداف قليلة الصح والحق والعدل انهم يندبوا نص دستة علشان يعرفوا قيمتهم الحقيقية وأقل من كدة نكون مقصرين اما لو هزمونا فده لا يقلل من شأننا شىء ولا يأثر بنا نهائيا .

(ثانيا )لا يحق لنا أن ننزل بمستوانا ونخاطب هؤلاء بمستواهم واسلوبهم . ولا تبالوا لمباراة بهذا الشكل سواء انهزمنا او هزمنا نحن مصر وشعب مصر ومنتخب مصر ولا نتأثر بمثل هذه الأشياء البسيطة .

مع الشكر

[لماضة مصرية جدا]

السلام عليكم و رحمة الله و بركاته

معلش يا جماعة ..............هو فيه إيه؟؟؟؟

كل ده علي ماتش كورة......؟؟؟

هو ليه محدش اتحمق اوي كده علي قطر العياط اللي اتحرق لسه الأسبوع اللي فات؟؟؟

هو ليه محدش بيرفع العلم.....غير في الماتشات؟؟؟

هو ليه الكورة بقت الحاجة الوحيدة اللي بتجمع الشعب اللي عايش في غيبوبة بمزاجه؟؟؟

و بعدين تعالوا هنا قولولي......

محدش اتحمق ليه.....لما طلعت الاولي علي الدفعة و متعينتش في الجامعة و اخدت صابونة.....بريحة متخافوش

علي فكرة بقي انا حلمت امبارح ان النتيجة واحد صفر لصالح الجزاير.....

اللي عايز يضرب...... يتفضل ع الخاص......انا قاعدة مستنياكو و معايا كيس قطن كبييييييييييير؟؟

فوتكم بعافية

[Simba]

السلام عليكم و رحمة الله و بركاته

معلش يا جماعة ..............هو فيه إيه؟؟؟؟

كل ده علي ماتش كورة......؟؟؟

هو ليه محدش اتحمق اوي كده علي قطر العياط اللي اتحرق لسه الأسبوع اللي فات؟؟؟

هو ليه محدش بيرفع العلم.....غير في الماتشات؟؟؟

هو ليه الكورة بقت الحاجة الوحيدة اللي بتجمع الشعب اللي عايش في غيبوبة بمزاجه؟؟؟

و بعدين تعالوا هنا قولولي......

محدش اتحمق ليه.....لما طلعت الاولي علي الدفعة و متعينتش في الجامعة و اخدت صابونة.....بريحة متخافوش

علي فكرة بقي انا حلمت امبارح ان النتيجة واحد صفر لصالح الجزاير.....

اللي عايز يضرب...... يتفضل ع الخاص......انا قاعدة مستنياكو و معايا كيس قطن كبييييييييييير؟؟

فوتكم بعافية

كالعادة مصر ترقص حافية القادمين

[عنبو]

لما الاخ الصغير يشتم الاخ الكبير اكيد فيه حاجه غلط بس لما الاخ الكبير يرد بالشتيمه على الاخ الصغير

كده بقوا الاتنين صغيرين

ياجماعه فى الاول والاخر ده ماتش كوره لا اكتر ولا اقل طيب واعتبرونا رحنا كاس العالم خلاص مشاكلنا اتحلت طيب احب ابشركم

لو المنتخب فاااااااااز الاسعار هتزيد تانى يوم ؟؟