كل أخبار مباراة مصر والجزائر

[president]

السلام عليكم

الاخوه الكرام جزاكم الله خيرا

.

و الله العظيم مهزله

بيتلعب بينا احنا الشعب الغلبان الكوره .

يا بختك يا حسام اكيد الشفر الليله دى من ادويه الضغط و الصداع غير .

خلاص اكلنا البالوظه و انحلت مشاكلنا و جمال بقى الريس رسمى .

الليله جده كانت فاضيه اثناء المباراه التى حاولت الا اراها فنزلت اشترى

شويه حاجات ..السوبر ماركت فاضى و مدير الفرع المصرى مزوغ يتفرج على الماتش

و العمال حاقدين عليه و بيتلمسوا النتيجه من اى حد معدى فضلا عن منطقه القهاوى فى

دوار الخارجيه فى جده و اللى كانت كومبليت ...زملاء لى سعوديين ارسلوا الى رسائل

على الموبايل قبل المباراه تدعم الفريق المصرى و رسائل تهنئه بعد المباراه

و ضجه فى الاستاد و فى الشارع لمصرى نقلها لى اولادى على التليفون .

إيه اللى بيحصل ده و ايه الحاله اللى كان عليها كل من فى لمقصوره و كأن مستقبل

مصر مرهون بتلك المباراه ............حسبى الله و نعم الوكيل فيك يا مبارك ..انت السبب

نحب الكوره ممكن ..نشجع كوره ...اه لكن بالشكل الهستيرى ده و اختزال

الواقع كله فى تلك المباراه...

لا صوت يعلو فوق صوت المباراه ... هزلت

سامحونى ..انا دمى محروق بقاله ثلاث ايام بسبب الشحن الغير مسبوق

فى تاريخ الكره المصريه و على يد مجموعه من الفاشلين فى الاعلام ...

اولا الف سلامه عليك يابو عمار . وماتحرقش دمك ياراجل بالطريقه دى .

مداخلتى لحضرتك ليست لك شخصيه ولكنها لكل من تبنى نفس وجهة نظر حضرتك .

تفتكر لما الناس فى مصر مهتمه بالماتش وكمان فى السعوديه كمان وحضرتك اللى مش مهتم .

تفتكر مين الشاذ اللى فى الموضوع .

مبارك السبب فى ايه مش فاهم ؟ . هوا مبارك بيضربنا على ايدينا عشان نتفرج على الماتش ؟. خلاص يعنى حضراتكم الواعيين واحنا اللى مش فاهمين حاجه ؟.

دا دينا بيقول لا ضرر ولا ضرار .

نتفرج على ماتش كوره نتحمس زياده عن اللزوم كل واحد حر فى نفسه طالما ماضرش غيره

معلش انا دمى محروق مين 3 ايام برده مين ناس شايفه نفسها انها اللى بتفهم وكشفت المؤمراه الخبيثه

وان الناس تانيه هبله وبينضحك عليها بماتش كوره .

هاكرر حاجه قولتها قبل كده . ياريت محدش يعمل وصى على غيره ويحسسه ان مش فاهم المؤمراه الجهنميه اللى بتترسم

كل واحد حر فى ميوله فى تشجيعه طالما مابيضرش غيره .

ومعلهش اسمحلى عمالين نقول اعلام فاشل ومش عارف ايه . سؤالى لحضرتك

انت شايفه فاشل ليه ؟ هو اى حد عند سلبيات يبقى دا فاشل صرف ؟ ولا هو ترديد كلام وخلاص .

على فكرك لو حضرتك تابعت الفضائيه الجزائريه والصحافه الجزائريه هتلاقى نفس الشحن ياترى برده بو تفليقه بينيمهم .

الله يخيلكم سيبونا نتفرج و نفرح ونتمتع بالحاجه اللى بنحبها وتأكدوا تماما اننا نملك من الوعى الثقافى والأدراك السياسى الذى يجعلنا نضع الأمور فى نصابها الصحيح والسليم .

كما اننا لسنا مغيبين عن الفساد المنتشر فى هذه البلد وعن الخطط المحكمه لتولى جمال مبارك الحكم خلفا لأبيه .

كما اننا مدركين تماما للخطط الصهيونيه حتى تشغلنا نحن العرب عن القضيه الفلسطينيه وتأجيج نار الكره بيننا نحن العرب .

والله بنعرف نقول الكلام الكبير ده وفاهمينه . مع انى مش متفق معاك فيه بس عايز اقولك احنا فاهمين الرساله اللى الأخوه العالمين ببواطن الأمور

عايزين يوصلوها لينا .

معلهش جات فيك يابو عمار مع احترامى الشديد ليك

تحياتى ليك ولجميع الأخوه فى المنتدى

[لماضة مصرية جدا]

الله مالناس كلها فرحانه ومبسوطه وبتبارك وبتصوت رجاله وسيدات .

ياريت بقى اللى مالهموش فيها يرحمونا شويه .

وألف ألف مبروووووووك لمصر .

وان شاء الله الفرح الكبير يوم الأربعاء .

تحيا مصر

السلام عليكم و رحمة الله و بركاته

حبايبي الحلووووووووووووووووين...............اللي هم اجدع مصريييييييييييين و اللي زيي في الكورة مش فاهمين و يا عم بريزيدنت منشكرين

اول مرة افرح اوي كده

و زعقت زعيق يا جدعاااااااااااااااان

الحمد لله

بالنسبة للسودان

انا اول واحدة رايحة تشجع

قصدي الشعب السوداني الشقيق كله ساكن قصاااااااااااااااااااادي و بحبه

لو النتيجية كويسة هغرقهم محشي

لو .....برضه هغرقهم بس حاجة تانية

مبرووووووووووووووووووووك مرة تانية (لا دي الستاشر)

ع فكرة انا علقت العلم في البلكونة

وبكده نقدر نتواصل اسرع

[om marawan]

:egyflag: clp:: tot:: :blush2: :yahoo: jmb-) :egyflag:

شحاته مصر على رأس حربة واحد اللى هوة عمرو

وكمان لما ربنا نفخ فى صورته نزل متعب

وطلع عمرو

وساعتها انسحبت من الماتش

برأس حربة واحد مش هتكسب أبدا

منك لله يا شحاتة

اصبر يادكتور يمكن يجى الفرج بدماغ متعب

فينك ياعم رفاعي كنت نزلت التعابين من بدرى والله انت فيك شيء لله اهو عماد جاب الجون بدماغه

ايه ده ؟؟؟ :egyflag: هو حضرتك شفت الماتش ده قبل كده يا دكتور ؟؟؟

الحمد لله رب العالمين يارب عقبال ماتش الاربع لما نكسب خمسة صفر

[om marawan]

الفرحة هنا فى الكويت مولعة الدنيا وصوت الناس جايب السالمية كلها أمال الفروانية معقل المصريين شكلها ايه دلوقتى ؟؟؟

مبرووووووووك والله وعملوها الرجالة ان شاء الله السودان الفرحة الكبيرة

[doha]

الف مبروك العبور يارجالة .. كده اثبتنا للعالم الي كان فاهمنا غلط اننا عالم مية مية ينخاف منها وبنفوت في الحديد ..

الواحد بقى خلاص مطمن على مستقبل عياله طالما البلد فيها رجاله بتلعب اللعب الي محصلش ده ..

قاسم السماوي ...

[سهيلة]

مبروووووووووووووووووووووووووووووووووووووووووك للرجاله

الحمد لله

ويا رب الفوز الكبير ف الخرطوم

قلب ابيض

معلش اصل من فرحتى بعد الجول التانى نزلنا الشارع نحتفل

هنا ف الامارات الدنيا كانت هايصه جدا زى ما قالت ام مروان عن الكويت

الفرحه حلوةةةةةةةةةةةةةةةة اوى

يا رب يكملها على خير

قلب ابيض

خلصتى الشاى ولا لسه

[سهيلة]

يااااااااااااااااااااااااااااااااة

الف مبروووووووووووووووووووووووووووووك

والله الواحد اعصابه باظت خالص ف الشوط التانى بس لما جة الجوووووول فرحه هستيريه

:blush2: :yahoo:

تجمع المصريين بردو ف الغربه واحتفالهم بالنصر احساس حلو وحاجة تفرح

شايلين الاعلام

وف نفس واحد قولنا بنحبك يا مصر

المصريين اهما

نزلت الشارع بالعربيه مع جوزى نلف ساعتين بعد الماتش هنا ف الامارات

الشرطه سابتنا نهيص شويه بس لما الناس قفلوا الشارع ووقفوا المرور قالولنا كفايه كدة

jmb-) :egyflag:

[قلب ابيض]

مبروك علينا كلنا

وان شاؤ الله ايامنا بيضاء فى السودان يا قلب ابيض

ان شاء الله ايامنا بيضا فى السودان وفى مصر وفى كل حته احنا فيها

طول ما بنراعى ربنا وبنعمل اللى علينا

" بس كان ممكن يبقى اللعب احلى من كده 0000الحمد لله نعمه اوووووووى

الفرحة هنا فى الكويت مولعة الدنيا وصوت الناس جايب السالمية كلها أمال الفروانية معقل المصريين شكلها ايه دلوقتى ؟؟؟

مبرووووووووك والله وعملوها الرجالة ان شاء الله السودان الفرحة الكبيرة

مراسلتكم من الفروانيه وضواحيها تطمئنكم ان الوضع مستتب والفرحه عاااامه الاجواء اطفال ورجال ونساء ايضا من كل الجنسيات من الكويتين حتى السوريين

" انا ماشفتش الكدب خيبه " هما اللى قالولى

واخده بالك قالوووووولوا

مبروووووووووووووووووووووووووووووووووووووووووك للرجاله

الحمد لله

ويا رب الفوز الكبير ف الخرطوم

قلب ابيض

معلش اصل من فرحتى بعد الجول التانى نزلنا الشارع نحتفل

هنا ف الامارات الدنيا كانت هايصه جدا زى ما قالت ام مروان عن الكويت

الفرحه حلوةةةةةةةةةةةةةةةة اوى

يا رب يكملها على خير

قلب ابيض

خلصتى الشاى ولا لسه

خيرها فى غيرها يا سوسو 000شاى الخرطوم عليك انتى بقى 0000داكوور؟؟

[HDarwish]

الفروانية ...

إمبارح كانت والعة بجد .. فرحة مالهاش حدود والشرطة واقفة وسطينا وكل اللي عليها يعطيكوا العافية يا شباب بس وسعولنا الطريق والله ناس محترمة .. والشعب الكويتي كان فرحان معانا والسوري كمان .. كل الجنسيات .. ما شاء الله كانت حاجه تفرح بجد .. المصريين كانوا عايزين يوصلوا رسالة ويقولوا أهوه إحنا يا مصريين ناجحين .. وعلم مصر كان بيرفر إمبارح في الفروانية ..

شوارع الفروانية الرئيسية كانت موووووت ملتقى شارع حبيب مناور مع شارع الفروانية الرئيسي اللي فيه المطافي ودوار المخفر بئت التجمعات كبيرة جدا والشباب فوق الباصات والسيارات وأحلى كلام تسمعه .. متعِب إوعى يجيلك متعِب .. وحاجه بسم الله ما شاء الله تشرف ..

خسارة يا أم نور إن فاتك المنظر ده .. كان بيشاركنا الفرحه من الجنس اللطيف كثير جداً كانوا واقفين على جنب في إنبهار وسعادة لمتابعة اللحظة الحلوة دي ..

الحمد لله عقبال ما نفرح تاني يوم الأربعاء إن شاء الله

[winwin]

مبروك الفوز، حاجة تفرح والله، الفريق والجمهور ..

الأخ ابو عمار: حماس الجمهور والتشجيع للكورة فى كل الدنيا مش بس فى مصر، يعنى لا فيه مؤامرة ولا حاجة، حتى فى أكتر البلاد تقدما و جدية فى العمل زى ألمانيا مثلا، تشجيعهم لفريقهم هيستيرى برضه ، والسياسيين بيتقربوا لشعوبهم بإظهار حماسهم وتشجيعهم هم كمان. شوف المستشارة ميركل كانت بتشجع ازاى فى كأس الأمم الاوروبية ولا الرئيس شيراك فى كأس العالم اللى فازت بيه فرنسا، فى كل الدنيا، حتى أمريكا فى الحملة الانتخابية الاخيرة كان أوباما و بالين بيتنافسوا فى إظهار تشجيعهم وحماسهم للفرق الاكتر شعبية عشان يكسبوا حب الناس.

وبعدين مافيش تعارض بين العمل بجدية والنجاح وبين الترفيه وان الواحد يبقى ليه هوايات وحاجات بيحبها ويستمتع بيها.

مبروك لكل المصريين :blink:

[Amr Radwan]

عاوز اقولكم اني مش متابع الكورة بس بحب اتفرج و اتابع المباريات المهمة .. و خاصة مباراة مصر و الجزائر بعد الشحن الاعلامي و البلاوي اللي حصلت و بالذاااااات التمثيلية اللي عملوها لعيبة الجزائر في الاتوبيس .. و لدرجة حاجة غريبة كنت بخش علي اليوتيوب و اجيب السلام الوطني لمصر القديم و الجديد و اقعد اسمعه .. :D

اتفقت مع عنبو حبيبي و روحت علي كافي شوب مصري في ش الامير سلطان في جدة مع اصحابنا و مش عارف اقولكم اية .. احساس جميل بتجمع المصريين مع بعض و كلهم بيشجعوا و جايبين اعلام مصر و الكل مترقب النتيجة و بعد الماتش مش عارف اقولكم اية زفات زفات في الشوارع .. انا اكتشفت ان جدة كلها مصريين بسبب عدد العربيات اللي بتعمل كلاكسات و رجعت علي البيت لقيت احتفالية كبيرة و ضخمة بالسيارات .. ناهيك عن التفحيط :blink:

انا فعلا كنت مبسوط من فرحة الناس .. الناس كانت هايصة و ظايطة .. انا متأكد ان الناس نفسها تفرح .. نفسها تطلع من المود اللي هي فيه في حياتها ..

كمان كان فيه اخوة سعوديين بيتفرجوا معانا علي الماتش و كانو بيبصولنا و هما مستغربين من التشجيع و الفرحة بعد الجول الاولاني و الثاني و انتهاء الماتش و الاستياء من الفرص الضائعة او الهجمات المرتدة علي مرمانا .. بس في النهاية انا شوفت الفرحة في عيونهم و الابتسامة الكبيرة علي شفاههم بعد الماتش و عماليين يهنونا .. و يسلموا علينا ..

تحيا مصر

[محمد افندى]

الحمد لله فى الوقت بدل الضائع رأسية متعب تؤجل تسمية الفريق العربى الوحيد المتأهل لكأس العالم

ألف ألف مبروك لمصر ويارب النصر يوم الاربعاء ان شاء الله

[اغابي]

مبروك يا مصر

مبروك مبروك مبروك

يارب يتمم لنا على خير - 70 مليون بيقولو يارب

[اغابي]

مبرووووووووك او ل دقيقتين واخر دقيقتين

2/0 مبروك لمصر

وانشاءلله زيهم فى السودان

[عنبو]

عاوز اقولكم اني مش متابع الكورة بس بحب اتفرج و اتابع المباريات المهمة .. و خاصة مباراة مصر و الجزائر بعد الشحن الاعلامي و البلاوي اللي حصلت و بالذاااااات التمثيلية اللي عملوها لعيبة الجزائر في الاتوبيس .. و لدرجة حاجة غريبة كنت بخش علي اليوتيوب و اجيب السلام الوطني لمصر القديم و الجديد و اقعد اسمعه .. :D

اتفقت مع عنبو حبيبي و روحت علي كافي شوب مصري في ش الامير سلطان في جدة مع اصحابنا و مش عارف اقولكم اية .. احساس جميل بتجمع المصريين مع بعض و كلهم بيشجعوا و جايبين اعلام مصر و الكل مترقب النتيجة و بعد الماتش مش عارف اقولكم اية زفات زفات في الشوارع .. انا اكتشفت ان جدة كلها مصريين بسبب عدد العربيات اللي بتعمل كلاكسات و رجعت علي البيت لقيت احتفالية كبيرة و ضخمة بالسيارات .. ناهيك عن التفحيط :blink:

انا فعلا كنت مبسوط من فرحة الناس .. الناس كانت هايصة و ظايطة .. انا متأكد ان الناس نفسها تفرح .. نفسها تطلع من المود اللي هي فيه في حياتها ..

كمان كان فيه اخوة سعوديين بيتفرجوا معانا علي الماتش و كانو بيبصولنا و هما مستغربين من التشجيع و الفرحة بعد الجول الاولاني و الثاني و انتهاء الماتش و الاستياء من الفرص الضائعة او الهجمات المرتدة علي مرمانا .. بس في النهاية انا شوفت الفرحة في عيونهم و الابتسامة الكبيرة علي شفاههم بعد الماتش و عماليين يهنونا .. و يسلموا علينا ..

تحيا مصر

قولهم ياعم عمرو انا كنت امبارح عامل ازاى وانا بتفرج على المباره

ياجماعه نتفرج على المباره اوك نفرح مااااااااااشى بس نسب بعض ونلعن بعض علشان الكوره لاااااااااااااا ان الموضوع يتحول من ماتش كوره الى معركه حربيه لاااااااااااا

انا متربى فى بيت كروى والدى الله يرحمه كان لاعب كوره فى الترسانه ايام الترسانه بس الحمد لله عمرى ما بتعصب على الكوره اخرى الماتش وخلاص واستحاله اخسر انسان علشان خاطر الكوره او ازعل حد او اسب حد علشان خاطر الكوره

بس لما الموضوع يخرج عن حد اللعب ويتحول الى تريقه من البعض علشان قولت رأى

قول سلام انا مش لاعب معاكم

[عنبو]

الحمد لله فى الوقت بدل الضائع رأسية متعب تؤجل تسمية الفريق العربى الوحيد المتأهل لكأس العالم

ألف ألف مبروك لمصر ويارب النصر يوم الاربعاء ان شاء الله

ايه ياعم محمد انت شفت الماتش فين ؟؟

تيجى معانا يوم الاربعاء

هنبقى انا وعمرو رضوان وطاهر وسرفس

[Amr Radwan]

عاوز اقولكم اني مش متابع الكورة بس بحب اتفرج و اتابع المباريات المهمة .. و خاصة مباراة مصر و الجزائر بعد الشحن الاعلامي و البلاوي اللي حصلت و بالذاااااات التمثيلية اللي عملوها لعيبة الجزائر في الاتوبيس .. و لدرجة حاجة غريبة كنت بخش علي اليوتيوب و اجيب السلام الوطني لمصر القديم و الجديد و اقعد اسمعه .. :waf:

اتفقت مع عنبو حبيبي و روحت علي كافي شوب مصري في ش الامير سلطان في جدة مع اصحابنا و مش عارف اقولكم اية .. احساس جميل بتجمع المصريين مع بعض و كلهم بيشجعوا و جايبين اعلام مصر و الكل مترقب النتيجة و بعد الماتش مش عارف اقولكم اية زفات زفات في الشوارع .. انا اكتشفت ان جدة كلها مصريين بسبب عدد العربيات اللي بتعمل كلاكسات و رجعت علي البيت لقيت احتفالية كبيرة و ضخمة بالسيارات .. ناهيك عن التفحيط :blink:

انا فعلا كنت مبسوط من فرحة الناس .. الناس كانت هايصة و ظايطة .. انا متأكد ان الناس نفسها تفرح .. نفسها تطلع من المود اللي هي فيه في حياتها ..

كمان كان فيه اخوة سعوديين بيتفرجوا معانا علي الماتش و كانو بيبصولنا و هما مستغربين من التشجيع و الفرحة بعد الجول الاولاني و الثاني و انتهاء الماتش و الاستياء من الفرص الضائعة او الهجمات المرتدة علي مرمانا .. بس في النهاية انا شوفت الفرحة في عيونهم و الابتسامة الكبيرة علي شفاههم بعد الماتش و عماليين يهنونا .. و يسلموا علينا ..

تحيا مصر

قولهم ياعم عمرو انا كنت امبارح عامل ازاى وانا بتفرج على المباره

ياجماعه نتفرج على المباره اوك نفرح مااااااااااشى بس نسب بعض ونلعن بعض علشان الكوره لاااااااااااااا ان الموضوع يتحول من ماتش كوره الى معركه حربيه لاااااااااااا

انا متربى فى بيت كروى والدى الله يرحمه كان لاعب كوره فى الترسانه ايام الترسانه بس الحمد لله عمرى ما بتعصب على الكوره اخرى الماتش وخلاص واستحاله اخسر انسان علشان خاطر الكوره او ازعل حد او اسب حد علشان خاطر الكوره

بس لما الموضوع يخرج عن حد اللعب ويتحول الى تريقه من البعض علشان قولت رأى

قول سلام انا مش لاعب معاكم

ما عاش و لا كان اللي يتريق عليك يا عنبو .. سيبك منهم :D و الله يا عنبو انا معاك ان كان فيه شتائم و كلام مالوش لازمة بس النسبة كام لكام .. يعني بالظبط كان حوالي 2 لسانهم فالت من 100 تقريبا او اكثر كانو بيتفرجو علي الماتش معانا .. و كانو في حالة هياج عصبي غريب و مستمر .. و لكن خلينا نبص للنص المليان من الكوباية و سيبك من النص الفاضي خااااالص ..  اللمة حلوة و الجزائريين اتهزموااااا و عقبال موقعة المريخ السوداني

سيبك انت مش هوصيك علي الكرسي بتاعي يوم الاربعاء ان شاء الله ..

[بحار الغربة]

ياريت حد يحطلى لنك تحميل اغنية

الله عليكى يا مصر وانتى منورة بالنصر للمطرب محمد زاهر

معلش اعذرونى بس انا مبسوط شوية

وياسلام لو اغنية باسم الله الله اكبر

انا عارف ان فيه ناس ممكن تقول انى مكبر الموضوع بس بجد انا محتاج الاغانى دى فى اقرب وقت لانى مبسوط

[otaka]

فى حديث سرى لجريده علمنى العوم و النبى يا احمد السودانيه

صرح الدكتور عثمان عمر سر الختم بانه اذا تعادلت الجزائر مع مصر فى الخرطوم ستصعد السودان الى كاس العالم

فوق فوق سودانا فوٌق

كركاديه تمساح النيل

الراعى الرسمى للمشجع السودانى

[حسام يوسف]

فى حديث سرى لجريده علمنى العوم و النبى يا احمد السودانيه

صرح الدكتور عثمان عمر سر الختم بانه اذا تعادلت الجزائر مع مصر فى الخرطوم ستصعد السودان الى كاس العالم

فوق فوق سودانا فوٌق

كركاديه تمساح النيل

الراعى الرسمى للمشجع السودانى

:blink: :D