هل ربة البيت لها ايضا مشاكل ؟؟؟

[Salwa]

المرأة العاملة بعكس ما يظن البعض ..ليست لديها مشاكل تذكر ..بجانب ربة البيت والتى لاتعمل خارج المنزل ..

المرأة العاملة تلتقى دائما بالناس ولديها كل يوم افكار جديدة ..اجتماعية وتعتمد على نفسها ..وفى احيان قليلة فقط لايؤدى العمل خارج المنزل الى كل هذه الفوائد ويؤتى ثمار عكسية ..

اما لو تكلمنا على ربة البيت التى لا تعمل خارجه...سوف نجد انه تقع عليها مسئوليه الاعمال المنزلية ../ طبخ..غسل ..تنظيف.تعليم لأولادها ..وممرضة فى بعض الأحيان ..وطبيبة نفسية فى احيان اخرى .تسمع وتؤيد فى الاوقات الصعبة وتعطى أمل لكل فرد فى اسرتها كى يحصل على مايتمناه /

كل هذا يؤثر على صحة المرأة الجسدية والنفسية ..ولانعطيه اهمية قصوى ..

ليس لديها وقت لنفسها ولهواياتها ..

ليس من حقها أخذ اجازة ..مثلا.

تعمل لمدة ساعات متواصلة بدون راحة ..وتظل فى اوقات كثيرة واقفة على قدميها بلا كلل..ومن الممكن ان تشعر بآلام فى قدميها وفى الدورة الدمويه عموما ..

واحيانا تحدث لها حوادث عارضة ..مثل الحرق ..من قلى شئ./ سمك ..بطاطس./.مثلا.

او حساسية من استعمال بعض المنظفات .....

وفجأة ..نعجب..

لماذا يصيبها ..من حين لآخر ...اكتئاب..؟؟؟

لماذا تنعزل...؟؟ ماهذا الارهاق الذهنى والنفسى والجسدى ....الذى يجعلها غير اجتماعية .

وفى احيان كثيرة لاتدرى لمن تلجأ........

كل فرد فى اسرتها ..يضع فى حسبانه .....انها قادرة على القيام بكل هذه الأعباء ..ببساطة.

وتراها تشعر بالذنب اذا حاولت ممارسة بعض هواياتها ...وتقول هذا اكيد على حساب وقت الاسرة ..!!

مهم جدا جدا ...ان تشعر ربة البيت انها تؤدى عمل مفيد ..حتى لاتصاب بالاكتئاب ..

مهم جدا تنظيم وقتها ومساعدتها خصوصا ..مثلا..فى حالة رعايتها لمريض ./ احد اولادها المرضى ./..او / اباها /..مثلا.

ما رايكم ....دام فضلكم ..؟؟

سلامى.

[Lighthouse]

موضوع جميل وفي وقته

فالمرأة في مجتمعاتنا سواء عاملة في المنزلة او عاملة خارج المنزل وداخله معا مظلومة من كل افرادالاسرة

فكما تفضلت بأنها لاتجد من يسمعها ولا من يستوعبها ويحتويها .

وكلما زاد احتمالها كلما قل الاهتمام بها باعتبارها صبورة تحتمل المصاعب فلماذا لاتحتمل المزيد .

صحيح المرأةالتي لاتعمل خارج المنزل يكون عالمها محدودا لقلة احتكاكها بالعالم الخارجي ومن ثم لاتجد من تنفث طاقاتها معه :angry:

وخاصة في ظل انشغال الجميع عنها سواء الزوج او الاولاد

ولكن بشكل عام فالمرأة في مجتمعنا مظلومة ولاتجد من يقدرها حق قدرها الا من رحم ربي . :blink:

وللحديث بقية

[Farida]

حرام عليكى يا مدام سلوى أنا كنت كا فيه خيرى شرى وز باتابع من بعيد لإنى فى ظروف صعبه جدا معقوله اسمع من حضرتك ان المراه العامله ليست لديها مشاكل تذكر mfb: :angry: :angry: جايز علشان حضرتك مش فى مصر لكن المراه العامله مفرومه من كتر المشاكل حاأبقى أفتح موضوع مخصوص المشاكل اللى حضرتك بتقوليها عن ربه البيت هى مشاكل مضافه للمرأه العامله ........ليه كده بس يا ناس هو الواحد ناقص

[فــيــروز]

يا فريده اظن مدام سلوى تقصد ان الزوجه العامله وان كان لها مشكلاتها الا ان خروجها للعمل و مسئوليتها عنه و التقائها بالآخرين كل هذا قد يساعدها فى التخفف من الضغوط بالتدريج مع آخرين ترى لهم نفس ظروفها او تحكى لهم همومها .. بينما ربة البيت قد لا تجد من تتحاور معه او تفضفض له عن همومها لان كل الناس كما تقولين يتصورون انها قاعده فى البيت ومتستته و مرتاحه فياخذون هذا مبررا لالقاء كل الاعاء عليها ويتجاهلون او ينسون انها هى ايضا بحاجه لمن يسمعها ويخفف عنها .. بس كده

[Lighthouse]

وانا برضه فهمت ان مدام سلوى تقصد ان المرأة العاملة تخفف من الضغوط الملقاة عليها بخروجها من البيت .

ودي حقيقة

صراحة الاتنين مظلومين في مجتمعنا

ولكن ربة البيت الظلم الواقع عليها ليس ظلما بدنيا لانها تتحمل عبء العمل فيالبيت وخارجه ولكن ظلما معنويا لان الناس تعتقد انها مرتاحة ويحملوها اكثر مما تحتمل .

اما المرأة العاملة فياريت نعمل موضوع منفصل عن مشاكلها mfb:

[Farida]

انا عارفه يا فيروز و يالايت اللى بتقولوه بس و الله انا قريت فى رأس الموضوع بتاع مدام سلوى ان مشاكل المراه العامله لا تذكر و الله و الله كل المشاكل اللى قالت عليها

اللى بتعانيها ربة البيت هى هى للمرأه العامله بالإضافه لمشكلات المرأه العامله ......

احنا فى مصر

[montaser]

الأخوات الأعزاء .....

تحية لكن جميعا .....

معذرة أنني رجل وأتدخل معكن في هذا الموضوع ، ولكن أحب أن أقول لكم على السبب وبدون يمين .... هو أنكم تريدون أن تضعوا المرأة في أقل من مكانتها ... تريدون أن تظهروا بأن حقوق المرأة مهضومة .... تريدون أن تقولوا بأنها مظلومة ولا أحد يحس بها .

وهنا أقول لكم بأنني متفق مع الأخت فريدة على ما ذكرته أعلاه ، بأن المرأة العاملة همومها أكثر من المرأة ربة البيت .

لأن المرأة العاملة تقوم بعمل ربة البيت بالإضافة إلى عملها الخارجي .

بل أن المرأة العاملة ممكن يجيلها ضغط من كثرة الهموم ، إذا روحت من الشغل ونسيت تتطبخ في الليل وتشيل الطبيخ في الثلاجة مثلا . المشاكل تبدأ في البيت وخصوصا مع الزوج الجاهل الضعيف

أما بالنسبة لما ذكرته الأخت لايت بأن المرأة لا تجد من يقدرها ، فأنا غير متفق معها في هذا الرأي مثلا لو ذهب الإنسان إلى المستشفى يجد أكثر الزيارات عند المرأة المريضة ، غير ذلك اذا أحست المرأة بشوية تعب ولو بسيط تجدون المنزل كله في حزن ونكد لمرضها ، وخصوصا أول من يحس بها زوجها ، الرجل الثاني في تحمل المسئولية في البيت بعدها .

أما من ناحية مش لاقيه حد يقدرها فهذا مش صحيح ، لو مرض الرجل يمكن يكسل يصرف على نفسه ويقول قرص اسبرين كفاية ، ولكن لو قالت المرأة أنها مريضة بلاش مريضة لو قالت بأنها حاسه بأنها تعبانه شويه ، تجدون أكثر من طبيبه في البيت أو على الأقل الإلحاح بالذهاب للمستشفى مستمر وخصوصا من قبل زوجها أولا ثم أولادها .

فالمرأة في مصر معززة مكرمة ،

الجنة تحت أقدام الأمهات .

الأم مدرسة لو أعددتها أعددت شعبا طيب الأعراق.

سؤل الرسول صلوات الله وسلامه عليه : من أحق بالصحبه قال :

أمك ........ ثم أمك ............ ثم أمك ..............ثلاث مرات ثم أبوك ...

..

تحياتي لكن جميعا ،،،،،</span>

تم تعديل 14 يناير 2004 بواسطة montaser

[فــيــروز]

يا اخ منتصر

حضرتك مش ملاحظ انك قلت ان المراه اذا قالت انها مريضه او تعبانه !! الناس تهتم بيها :lol: يعنى انت كمان مش عاوزهم يهتموا وهى عيانه !! وهى لازم تعيا او تمرض قبل ما التقدير يبتدى :lol:

[paradise1]

]

السلام عليكم

اعتقد ان ربة البيت مش مظلومة اذا كانت تتعامل مع الموضوع بحب

واخلاص بالاضافة الى كل ما ذكر عن انها طبيبة نفسية وممرضة ومربية

الا انها ملكة فى هذه المملكة والزوج الحنون يراعى ويقدر

ويديها اكتر ما بتدى :lol:

وعلى فكر انا ربة منزل والكلام ده حقيقى :lol:

[فــيــروز]

يا اهلا بالمداخلات الجميله اللى تدى تفاؤل :lol:

الحقيقه كل شئ ممكن يبقى سهل و جميل زى ما قالت باراديز لو توافر له امران :

واحد من جهة الزوجه الا وهو الاخلاص و الحب

والآخر من جهة الزوج لو كان حنون ومعطاء و مقدر

كلام جميل كلام معقول ماقدرش اقول حاجه عنه :lol:

[paradise1]

ايه رايك بقى مش كدة الحياة احلى ys):

انما فيه ستات غاوية mf-: وفاهمة انها هتكسب وهتعمل اللى هيه عايزاة لكن لو عرفت ان الراجل على قد ما بيحب بيدى لمايغضب اجارك الله :lol: :lol:

وممكن يخليها :lol: [move]

[عادل أبوزيد]

انا عارفه يا فيروز و يالايت اللى بتقولوه بس و الله انا قريت فى رأس الموضوع بتاع مدام سلوى ان مشاكل المراه العامله لا تذكر و الله و الله كل المشاكل اللى قالت عليها

اللى بتعانيها ربة البيت هى هى للمرأه العامله بالإضافه لمشكلات المرأه العامله ......

احنا فى مصر

الفاضلة سلوى

أكاد أجزم أن سؤالك و هو عنوان الموضوع سؤال إستنكارى أو هو دعوة لنا كلنا ألا ننسى أن عبء الحياة الأكبر يقع على السيدات .... هذه حقيقة

كل مشاكل الحياة و الوطن تدور و تدور و تصب فى "حجر" الزوجة أو الأم

عندنا فى الصعيد يبدو كما لو كانت السيدات منكسرات و مطيعات و "غلابة" و يسرن خلف الرجل فى الشارع بل و يأكلن بعد الرجال .... و لكن

و هذه ال "لكن" حقيقية فكر هؤلاء السيدات و ما يعتنقنه من قيم هو السائد كل قرارات الرجل الصعيدى يجب أن تحظى بموافقة السيدات و خاصة الأم أو الجدة

بل أن الزيجات حتى فى المدن ترتب لها السيدا و يقوم الرجل فقط ب "قص الشريط"

إرتفاع الأسعار هل يؤثر فى الرجل أكثر من المرأة ؟

فظائع الإحتلال سواء فى فلسطين أو العراق من يتحمل العبء الأكبر من تبعاتها الحياتية ؟

سادتى فلنحنى الهامات أمام كل أم و زوجة حبا و عرفانا

[فــيــروز]

الحقيقه مش فاهمه يا باراديز ايه الموضوع :lol:

هو ايه موضوع الستات اللى غاويه mf-:

هو مين حاب سيرتهم هنا؟ :lol:

وموضوع الستات تكسب و تعمل اللى هى عاوزاه ايه علاقته بمتاعب الزوجه او المراه العامله

انا هابتدى اقلق منك ngh:

خصوصا موضوع

الراجل على قد ما بيحب بيدى لمايغضب اجارك الله bngn:: mf-:

وممكن يخليها wlch::

انا مابحبش التهديد :P

ولا احترم الرجل الذى يتعامل مع زوجته بهذه الطريقه اصلا :lol: لانى لا اعتبره رجل من الاساس mfb:

[Salwa]

ايه ده !!!!!!!!

ثورة .......!!!!!...؟؟؟؟؟

يعنى انا يادوبك ...لسة راجعة من المكتب ...والله ماكان عندى ولاحتى عشر دقائق فراغ.......القى نظرة على المحاورات .....

آجى افتح الكمبيوتر هنا .......الاقى الخناقة دى ؟؟

ياجماعة ......والله العظيم انا ...ربة بيت ...وسيدة عاملة .....اقسم لكم ..صدقونى ..

لكن زى ماقال اخونا الفاضل /عادل ابو زيد ......

ده سؤال استنكارى ......

رغم كل مشاكل المرأة العاملة ........لكن ست البيت ..كما قالت فيروز ...منعزلة او شبه منعزلة ....والكل فاكر انها ملكة زمانها ..دى مملكتها ...وهى لاتشكى ابدا ....!!!

يعنى عاوزة اقول ....الاكتئاب له علاقة كبيرة بالعلاقات الاجتماعية ...ودى مش فاضية ..

انا اتحدث عن اكتئاب النساء.....وليس اكتئاب المرضى ...او اى اكتتئاب نتيجة فشل مثلا..

يعنى اقصد وتخيلوا معى ........

واحدة ...خلاص فقدت الثقة فى نفسها .../ هى بس ماتنفعش الا لشغل البيت / وكل ده فى قلبها وساكتة .

تنظر نظرة قاتمة للمستقبل ......مفيش اى امل فى التغيير ..واللى تبات فيه تصبح فيه ..

تفقد الشهية لأى شئ.............

تفقد حتى الاهتمام بمحاولة اسعاد نفسها ..فى ممارسة اى هواية .

انا عاوزة اقول ..........

ليه ما بيحصلش ....او....لا أحد يساعد ربة البيت ..من وقت لآخر ...على عمل // عملية تنظيف وترتيب فكرية //..

يعنى ...

مع نفسها ..او مع الزوج....

بمنتهى الصراحة تبوح بكل احاسيسها ...مايرهقها ..ومايسعدها ...كل شئ

سلام مؤقت.

[paradise1]

يا فيروز انا مبهددش ولا حاجة :D

ومتخافيش منى كل قصدى ان الست اللى مش بتشتغل بتكتئب وتتعصب اكتر من اللى بتنزل شغل

وبكدة بتتخيل انها لازم تناكف فى الراجل لانها لوحدها طول النهار ومن هنا ممكن تحصل :huh: اللى قلت عليها

لكن والله الحياة جميلة جدا وانا متفائلة مش من النوع السوداوى :huh: :lol: :lol:

[نيرون]

سبحان الله لا الى شغال مرتاح

gsm::

ولا الى فى البيت مرتاح

:wub:

وكله مش عاجبه حاجه

f((:

وكله عانده مشاكل

:P

وكله سايفها انها اهم من مشاكل التنيين

-_-

غريبه!!!!!

cbyb:

افففف مليتوا البلد zr:

[se_ Elsyed]

فيروز إكمنها لسه شابه صغيرة ففاكرة الدنيا جميلة وإنها هاتتجوز ملاك قلبه مليء بالرحمة والحنية ...

الحياة الواقعية مختلفة تماماً عن الصورة الوردية التى في أذهان البنات يا فيروز ، فالرجل دائماً يبحث عن الكمال عند المرأة- والكمال لله واحده - ولكن هو لا يعذر إذا كانت زوجته تتعب في عملها او مجهده فلم تتمكن من طبخ اكل .. او ما إلى ذلك ..

ولكنني لا أستطيع ان أخفي ان المراه العاملة تبذل مجهود مضاعف لما يبذله الرجل فكما هي مطالبه بالعمل خارج المنزل فعليه عبء كبير أيضاً داخل المنزل ...

ولكننا نحن الرجال لا نهتم بالتفاصيل او المقدمات ولنا فقط النتائج ... يعني بالبلدي انا عايز أرجع الأقي اكل جاهز وعيال مستحمية والبيت نظيف ، الزوجة بقى بتتعب او مابتتعبش ماليش دعوة انا بكده ..

ده مش كلامي على فكره لأن انا زوجتي خدت الشهادة الكبيرة وقعدت في البيت ولكنه كلام كل الرجال المصريين إلا قله قليلة هي اللي ممكن نلاقيها بتساعد إلى حد ما في شغل البيت وتربية الأولاد...

إذا نأتي للخلاصة وهي إن المرأة العاملة المصرية المفروض نعملها تمثال قدام مجمع التحرير لما تبذله من مجهود من اول الجري ورا الاتوبيسات الصبح لحد ما تغسل المواعين قبل النوم ....

بالليل

مانتوا اللي جايبينوا لنفسكم .. إقعدوا في البيت وأسمعوا برنامج ربات البيوت بتاع صفية المهندس وريحوا انفسكن ..... على رأي نيرون ... مليتوا البلد "

[فــيــروز]

ما هو يا س.س. يا عمى :D

لو كانوا الرجاله من النموذج اللى قلت عليه فى موضوع "ladies first" بيخلوا زوجاتهم "يبرطعوا" فى خيرهم :rolleyes: و بيدخلوا العيال مدارس محترمه :angry: وفى عيد الزواج يشترى لها هديه حلوه ان شالله ورده دبلانه :D وفى العيد الصغير يجيب لها جلابيه كستور :P وفى العيد الكبير يشترى لها منديل بقويه "هى بالقاف ولا بالالف؟" :blink: كانوا الستات قعدوا فى البيت و اتستتوا و اتغندروا وحطوا كلونيا سفن آب كمان :P .. بس تقول ايه :rolleyes: اقرع و نزهى :P

[se_ Elsyed]

ما هو يا س.س. يا عمى  :)

لو كانوا الرجاله من النموذج اللى قلت عليه فى موضوع "ladies first" بيخلوا زوجاتهم "يبرطعوا" فى خيرهم  cr((: و بيدخلوا العيال مدارس محترمه  po::<!--emo&ha)--><!--endemo--> وفى عيد الزواج يشترى لها هديه حلوه ان شالله ورده دبلانه  mc:  وفى العيد الصغير يجيب لها جلابيه كستور  fwrk: وفى العيد الكبير يشترى لها منديل بقويه "هى بالقاف ولا بالالف؟"  gra:- كانوا الستات قعدوا فى البيت و اتستتوا و اتغندروا وحطوا كلونيا سفن آب كمان  :) .. بس تقول ايه  gra:- اقرع و نزهى  :wub:

أبداً مش صحيح ...

أومال الست اللي قاعدة في البيت مين اللي بيصرف عليها وعلى عيالها ؟ والدها مثلاً ....

الموضوع بس محتاج شوية قناعة وتكبير دماغ ولكن ... ولا بلاش ...

وبعدين لو سمحتي ماتحوديش بالموضوع على جلاليب كستور ولا جبردين حتى...

إحنا بنتكلم عن مشاكل المرأة العاملة .. وخلاص اديناها حقها وكل واحد راح لحالة ....

شكراً للعضوه فيروز ... إتفضلي روحي ....

هات يابني اللي بعده

[فــيــروز]

يا س.س. gra:-

هنتكلم جد ولا نتكلم على الجلاليب :wub:

ممكن تخطف رجلك لموضوع الطبقه المتوسطه اللى عمله بايت !! cr((:

تصنيف الطبقه المتوسطه من وجهة نظره انها هى الطبقه التى تحصل على دخل نقول اكبر من 4 آلاف جنيه فى الشهر .. وفى قول آخر 7 آلاف fwrk:

يا ترى كم رجل يعمل بمفرده يحصل على هذا المبلغ اللى مفروض طبعا يتزايد مع التضخم و الغلاء !! نسبتهم اد ايه يعنى !!

انت عايش فى السعوديه ويمكن الموضوع مايكونش محسوس بالنسبه لك اوى .. لكن تقدر تقول لى الشاب اللى فى بداية حياته هنقول بيشتغل شغلانتين فى القطاع الخاص من طلعة النهار لحد نص الليل تفتكر ممكن يكون دخله كام؟ ويا ترى بالدخل ده يقدر "سيبك من موضوع انه يعيش هو و اسرته فى مستوى جيد او مستور" لكن يقدر يدخل اولاده مدرسه كويسه؟ يقدر يشترى لهم علاج كويس لو لا قدر الله تعبوا !! يقدر يشترى لهم ملابس جديده فى العيد؟ يقدر حتى يجيب لهم اكل صحى وهما لسه فى مرحلة النمو عشان مايجلهومش عته مغولى !!

انا مش عارفه ليه فى كل مور حياتنا بنتكلم بواقعيه ومنطقيه ونيجى لنقطة عمل المراه وارتباطه اساسا بالمستوى الاقتصادى للاسره وحد يشغل فيلم "عالم مثالى" بتاع كيفن كوستنر باين !!

الامر لا علاقه له بالقناعه يا س.س.

ومحدش قال ان الست اللى قاعده فى البيت جوزها مش بيصرف عليها لكن باى كيفيه؟ وعلى فكره حتى لا يفهمنى احد خطا

انا حين اقول "ينفق عليها" اعنى الزوجه و الاولاد معا .. بل اعنى الاولاد اولا و الزوجه ثانيا !!

اظن كل امراه من حقها تحلم ان اولادها يدخلوا مدارس كويسه ويعيشوا حياه مستريحه و كريمه .. وهذا ليس عيب او حرام ده طموح مشروع جدا لاى ام .. واى اب طبعا !!

باقول نتكلم على الجلاليب افيد gra:-