تداعيات الهوس الرياضى بين مصر و الجزائر

[الترجمـان]

انا مابقيتش فاهم حاجه مين بيحبنا

مين بيكرهنا

اكيد في حاجه غلط

مش مهم مين بيحبنا ومين بيكرهنا ...المهم إحنا قيمتنا وصلت لفين ..؟؟

طيب ما العالم كله شعوب وحكومات بتكره أمريكا وبتكره سياستها الخارجية الإمبرياليه من أيام هيروشيما و فيتنام لحد العراق الآن ..

هل سمعنا عن مواطن امريكي تعرض لخدش سواء داخل امريكا او خارجها على مستوى تلك الدول..؟؟

انا عن نفسي مازعلتش على عدم وصولنا وتأهلنا لكأس العالم قد ما زعلت على سمعتنا وكرامتنا اللي اتبعزقت وبقينا لبانه في بق كل متعوس وخايب الرجاء ..دا غير دمنا وعرضنا اللي بقى مستباح من أي مغفل هان عليه ضميره ونسى تاريخه وتاريخ اهله وشبع بعد ما كن جعان وبقى قادر يرفع أيده على شعب مصر وتاريخها اللي مدت أديها لكل هؤلاء بعد ماكان مش عارف يفرق بين الألف وكوز الذره ...

الواحد بعدما كان بيحط همه في الكوره ويقول يا رب صبرني على رؤية النظام الفاشل اللي سايب خيرة عقولنا تهاجر وتنفع بلاد غيرنا وجاي يزاحمنا في فرجتنا وفرحتنا من غير لا دم ولا حياء .. كرهنا الكوره واللي بيلعبوها واللي هيتفرج عليها بعد كدا ..

مباراة مصر الجزائر لم تكن مبارة رياضية بقد ما هي مباراة لتصفية الحسابات السياسية على حساب الشعوب ..

وكانت النتيجه اننا خسرنا فيها كل ما تبقى لنا من تقدير على كل المستويات والأصعدة ... ولم يبقى لنا سوى التجمع من جديد وتغير هذا الواقع الذي انتهينا إليه بعد كل تلك السنوات من الصبر والتحمل ..

نكبة الخرطوم يا ساده هي المرآة الأخيره التي رأينا فيها ضعفنا من الداخل ...

فبعد صراخ طويل ومرير من أخواننا المصريين الذين يستغيثون من سوء معاملتهم وتقديرهم في الدول العربية ..

ذاق المصريون في الداخل تلك المرارة التي يعانيها اخوتهم في الخارج بشكل بشع ...

فهل حان الوقت المناسب للمارد الذي بداخلنا كي نفيق ...؟؟

تم تعديل 20 نوفمبر 2009 بواسطة الترجمـان

[السويفي]

السلام عليكم:

التعصب وثقافه التخريب ليست حكرا على الجزائريين ......وليست مقصوره من الجزائريين ضد المصريين

الجزائريين مع بعضهم يفعلون ذلك بعد المباريات ....

وقال لي احد الجزائريين ان هناك فريقا هبط لدوري الدرجه الثانيه ...فقام جمهوره بتدمير المدينه بكاملها ومنع الدخول والخروج منها.......

من قام بهذا التخريب جهله يعانون من البطاله والفقر ...لا يشغل بالهم سوى التفاهات

لا تجد بينهم شخص متعلم له اسره ومستقر ماديا واسريا

............

هذا التخريب يحدث ايضا في مصر ولا ننسى جمهو الاسماعيلي والمصري ((المتعصبون منهم))

...........

ما حدث لا يختلف اثنان انه خطأ ومقيت ......

ولكن هل الحل بقطع العلاقات مع الجزائر ...او اي دوله اخري يصدر عنها تلك الافعال من قله همجيه

هل الحل ارسال فرقه كوماندوز لتاديب الجزائرين

نحن للاسف شعوب فقيره متخلفه وما حدث طبيعي في تلك الشعوب.....

يحززنني اننا اري الصفوه المتعلمه هنا وهناك تنجر عمياء وراء دعوات الانتقام والقطيعه

[ozoozo]

وايضا عن التغطيه الامنيه السودانيه للمصريين في الخرطوم

الجزائريين احتلو الخرطوم .......دفعوا للسودانيين كي يقفوا معهم.......العساكر السودانيه خايفه تدخل تحوش احسن تتضرب..................المصريين راحوا المطار وجدو الظباط السودانيين طفوا النور وروحوا(حسب روايه العائديين)

معني كده اني لو صحيت الصبح بدري ......واخذت معايا شومه....و100 الف جنيه(لشراء ولاء السودانيين) ......

ممكن احتل السودان لوحدي واحكم الخرطوم؟؟؟

[عبير يونس]

السلام عليكم:

التعصب وثقافه التخريب ليست حكرا على الجزائريين ......وليست مقصوره من الجزائريين ضد المصريين

الجزائريين مع بعضهم يفعلون ذلك بعد المباريات ....

وقال لي احد الجزائريين ان هناك فريقا هبط لدوري الدرجه الثانيه ...فقام جمهوره بتدمير المدينه بكاملها ومنع الدخول والخروج منها.......

من قام بهذا التخريب جهله يعانون من البطاله والفقر ...لا يشغل بالهم سوى التفاهات

لا تجد بينهم شخص متعلم له اسره ومستقر ماديا واسريا

............

هذا التخريب يحدث ايضا في مصر ولا ننسى جمهو الاسماعيلي والمصري ((المتعصبون منهم))

...........

ما حدث لا يختلف اثنان انه خطأ ومقيت ......

ولكن هل الحل بقطع العلاقات مع الجزائر ...او اي دوله اخري يصدر عنها تلك الافعال من قله همجيه

هل الحل ارسال فرقه كوماندوز لتاديب الجزائرين

نحن للاسف شعوب فقيره متخلفه وما حدث طبيعي في تلك الشعوب.....

يحززنني اننا اري الصفوه المتعلمه هنا وهناك تنجر عمياء وراء دعوات الانتقام والقطيعه

ما هو ده اللي يغيظ يا فندم

لا رئيسهم ولا سفيرهم ولا حتى الصفوة العقلاء منهم أظهروا أي استنكار لما حدث !!!

يبقى ده مش شيء يضايق بل ويثير الغضب؟؟؟!!!

على الأقل يعتذروا عن سلوك الغوغاء اللي أرهبوا المصريين في السودان

[شرف الدين]

بسم الله الرحمن الرحيم

الإخوة الفضلاء

الإخوة السعوديون يحبون مصر ... ربما تأثرا بالعلاقة الوطيدة ما بين السلطة في المملكة العربية السعودية، وبين مصر

أيضا لبنان والإمارات

ما عدا ذلك فالجميع يكرهنا ... الجميع يكرهنا لأن عبد الناصر عودهم على أن مصر هي من يدفع الثمن حتى النهاية ...

وللأسف عندما تغيرت هذه السياسة في عهدي السادات ومبارك .. كان الطبيعي أن يكرهنا الجميع..

لأن الجميع اعتاد أن ينادي على مصر وقت الشدة فتهب مصر لنجدته..

ما حدث من جمهور الجزائر كان أمرا مدبرا اشتركت فيه كافة أجنحة السلطة الجزائرية

بداية من الصحف الجزائرية التي كتبت صبيحة يوم المباراة ( السودان والجزائر معا ضد اليهود، والنصر للمسلمين )

ونهاية بالسلطة الجزائرية التي قامت بتسفير البلطجية على متن الطائرات الحربية الجزائرية

ونحن في مصر لم نأخذ الموضوع على محمل الجد ..

وكانت النتيجة

[Rock]

لا مش هاقول ان احنا نلغي كوننا دولة عربية بس انا نفسي نخلينا في حالنا بقي... بلاش يا ناس نقول ان احنا مش عرب بس كفاية بقي موضوع انة احنا الدولة الكبري و الاخت الشقيقة و اكبر دولة عربية و قبلة العرب و الكلام الانشائي ( اللي مش جايب همة )

يمكن زمان كنا كدة ,بس دلوقتي و لا مؤاخزة لا.

كفاية بقي ندخل في شئون الناس و نقول انهم اخواتنا و اشقاء زي ما عبد الناصر كنا لسة طالعين من الاستعمار و هوبة قالك نساعد الثورة في ليبيا و اليمن و السودان و الخ الخ و كمان هاجم امريكا في عز ما امريكا ما كانت وحش كاسر لسة كسبانة الحرب العالمية بسلاح ادار الرؤوس.....كنا خلينا في نفسنا بقي و درنا بالنا علي حالنا و ساعدنا نفسنا بدل ما نبعت جنود يقتلهم اليمنيين اللي هما اساسا رايحيين يساعدوهم ( مهزللللللللللللللللللللللللللللللللللللللة ) و قعدنا نتشدد للاردن و نقول لو اسرائيل مابطلتش مناوشات مصر هتدك اسرائيل و رقاصة مش عارف مين هتتبرع باول رقصة في تل ابيب و مغني مش عارف مين هيتبرع باول اغنية في تل ابيب ههههههه و بعدين هوبة اسرائيل دكتنا و احنا لسة ما خلصناش رسم دور الطاووس و الاخت الكبري

و بعدين تعالوا هنا. اخت كبري علي فقر اية .......دحنا كل الدول العربية بتسلفنا و احيانا منح ههههههههه و برضة هنقول اخت كبري .

دحنا لو بنلعب مع اسرائيل ماكنش هايحصلنا كدة ايوة و اللة ......فاكرين من طلع وزير الخارجية اللي انضرب في الجامع بايدي الفلسطينيين ( اسف الاخوة الفلسطينيين ) كانوا اعدائنا ايوة اللة اسرائيل

هل احترم اشقائنا العرب انة مصر دفعت من مالها و دم اولادها اللي كان القادة بيحركوهم زي عساكر الشطرنج من اجل حروب ليست لنا ...بالطبع لا اهة لسة الييمنيين مش من بعيد ضاربين السفارة المصرية فرد واحد رد عجبني ..قالهم تحت اقدامكم جثث 5000 جندي مصري كانوا عندكم بيدافعوا عنكم

و هل ننسي ان مصر كانت القوة البرية الوحيدة في حرب تحرير الكويت ..

احنا من الاخر رخصنا نفسنا و ناخد علي قفانا ( اسف علي التعبير لكنة لم يخونني ) و نقول معلش احنا كبار و يتولع في العلم المصري و نقول معلش دول قلة منحلة لا لا لا ياجماعة العداء تجاة مصر اصبح عداء ليس علي مستوي الافراد و لكنة اصبح علي مستوي المؤسسات و بل اكثر من زلك بل علي مستوي الدول كما في حالة الاخت الصغري قطر و الجزائر و العراق و ليبيا و الناس تجري علي السفارة الحقونا و ليس مجيب ليس من يساعد..

الدولة المصرية فرطت في حق المصريين الي ان اصبحنا بلا قيمة و طبعا ضاع حقا لم يبحث عنة صاحبة...يعني يا ربي المصريين حقوقهم مهدرة في الداخل و الخارج!!!!!

كان في قصة في رائعة خالد الخميسي ( تاكسي ) و التي لو كانت صحيحة يبقي اكيد كان في زمن المصريين ليهم كرامة عن انة لما اليونان جمعت المصريين و رمتهم في سفن و رحلتهم علي مصر فراح السادات و هما لسة في عرض البحر جمع 100 يوناني و شحنهم علي طيارة و هدد انة هيبعتهم فما كان من اليونان الا انها رجعت عن رأيها و خلت المصريين عندها

عارف انة الناس هتقول انة مصر بتعمل كدة و بتستحمل من اجل الامن القومي المصري (يعني لو اسرائيل احتلت مصر ,هل في دول عربية شقيقة هتحرك اصبع )و من اجل المصالح المشتركة بس و بعدين ,,دحنا اتهترناااااا

[بحار الغربة]

بسم الله الرحمن الرحيم

الإخوة الفضلاء

الإخوة السعوديون يحبون مصر ... ربما تأثرا بالعلاقة الوطيدة ما بين السلطة في المملكة العربية السعودية، وبين مصر

أيضا لبنان والإمارات

ما عدا ذلك فالجميع يكرهنا ... الجميع يكرهنا لأن عبد الناصر عودهم على أن مصر هي من يدفع الثمن حتى النهاية ...

وللأسف عندما تغيرت هذه السياسة في عهدي السادات ومبارك .. كان الطبيعي أن يكرهنا الجميع..

لأن الجميع اعتاد أن ينادي على مصر وقت الشدة فتهب مصر لنجدته..

ما حدث من جمهور الجزائر كان أمرا مدبرا اشتركت فيه كافة أجنحة السلطة الجزائرية

بداية من الصحف الجزائرية التي كتبت صبيحة يوم المباراة ( السودان والجزائر معا ضد اليهود، والنصر للمسلمين )

ونهاية بالسلطة الجزائرية التي قامت بتسفير البلطجية على متن الطائرات الحربية الجزائرية

ونحن في مصر لم نأخذ الموضوع على محمل الجد ..

وكانت النتيجة

الراجل ده بيتكلم صح

لامتى هانفضل دافنين راسنا فى الرمل وعاملين فيها مش فاهمين .... السعوديين والخليجيين غالبيتهم بيحبوا مصر لكن فيه حالات اهانات شديدة بتحصل فى الخليج لمصريين هنا وكون ان اخ عايش فى الخليج وماشافش مش معناه ان الكلام ده كدب

فيه ست هنا مصرية قعدت اربع سنين مش عارفة تسافر علشان كفيلتها مش راضية عنها والموضوع وصل لعائشة عبد الهادى والسفارة وماعملوش حاجة كأننا بنقر اننا فعلا عبيد

الاخ اللى بيقولك احنا مش احسن ناس واننا ماحربناش لوحدنا .... صدقنى اول ما هاتقع فى خصومة مع سعودى او خليجى وتروح قسم الشرطة وتلاقى نفسك درجة تانية بل بالعكس درجة خامسة رأيك هايتغير ... وبعدين انت هاتجيب اللى حارب وعبر وضحى بدمه زى اللى منع البترول انه يتباع للغرب لمدة اسبوعين او شهر ( مع احترامى لفعلهم ومش بننكره لكن بجد احنا اللى ضحينا ) وزى ما قال الاخ شرف الدين ان جمال عبد الناصر عودهم اننا اول ما واحد منهم يقول يا مصر المفروض ان مصر ترمى ولادها فى الجحيم علشانه ....

ياريت الاخ اللى بيلوم على اننا بنكبر الموضوع يقرا الصحف الجزائرية الاسبوع اللى فات ويشوف هيا بتقول ايه علينا ويسمع من لاعبى المنتخب ايه اللى كان بيتقال لهم قبل المباراة ... اللى يقولك دول كانوا بيقولوا لنا انتوا عندكم فى التوراة بتقروا كذا كذا .

[السويفي]

السلام عليكم:

اكرر مره اخري

المشكله بدأت من اكثر من شهر عندما سخرت كل اجهزه الاعلام هنا وهناك للشحن وللتجهيز للمعركه....

وما حدث في السودان كان نتيجه لهذا الشحن.....اعتذارهم ليس الحل

وحال الجزائر كحالنا حكومه لا يهما الا ان يغرق الشعب في ادمان كل ما هو تافه

لان الضرب والقتل والهمجيه ستتكرر مع اي فرقه عربيه اخري حال شعبها كحالنا

[سما الريدى]

[

اسمحولى ياجماعة دى اول مشاركة لى فى المنتدى الجميل دة بالنسبة للمباراة واللى حصل فيها من شحن جماهيرى زيادة عن الحد انا بعتبر السبب فية الاعلام الهابط من الطرفين وان كان من ناحية الجزائر بشكل اكبر لان الجزائريين متعصبين جدا للكرة لدرجة التطرف فالاعلام من وجهة نظرى هو المتحمل الاول للمسؤلية فى المشاكل دى كلها

من ناحية ان العرب بيكرهونا اولا من المؤكد ان العرب بيكرهوا نظامنا السياسى اما على المستوى الشعبى والجماهيرى بداوا يكرهونا وهيزيد كرههم ليينا اذا تمادينا فى الشيفونية بتاعتنا واللى بدات تظهر بشكل سيئ فى اعلامنا

كرههم لنظامنا بيخلينا نتعاطف اكتر مع نظامنا السياسى لاننا عاطفيين اكتر من اللازم

اما ماحدث بعد المباراة دة شيئ لايتحملة عقلة استغربت من عدم رد المصريين بالمثل على الجزائريين لقيت معظم المشجعين المصريين هناك كانوا ناس من الصفوة زى مابيقولوا ميقدروش يعملوا حاجة مع الهمجيين دول

فى الاخر احنا هونا كتير اوى على حكومتنا فكان لازم تداس كرامتنا فى كل مكان شكرا

[سما الريدى]

على فكرة ياجماعة نسيت اقولكم حاجة من المحن تاتى المنح اللى حصل دة كان لة فايدة كبيرة اوى اكبر من الماتش وكاس كلة لو فزنا بية عارفين اية هو اننا اتوحدنا بشكل كبير اسبتلنا اننا شعب عظيم اوى نفسنا نلاقى هدف كبير للشعب المصرى ورمز كبير بيحب البلد وانتماؤة ليها مش لمصلحتة الشخصية بدعى من ربنا اننا نلاقى الهدف والرمز فى القريب العاجل اللى يوحدنا كدة زى الماتش دة

[tarek hassan]

حاجة واحدة من اثنين

سياستنا الخارجية غلط ولا صح

احنا كنا غلط ولا صح

بالنسبة لما حدث من الجزائريين فهو معلوم أنه غير غير مقبول بالمرة

ولا أريد الحديث عنه في غمرة الغضب ولكني أتحدث تلك العشوائية التي نكون عليها

- لما نلعب ماتش كويس قوي وبعدين نلعب ماتش وحش جدا ولا نستمر أبدا على حالة واحدة أليست هذه عشوائية ؟

- لما نفرح بطريقة مبالغ فيها ونغضب بطريقة مبالغ فيها أليست عشوائية ؟

- لما تروج جماهيرنا السودان بطريقة غير منظمة من طوائف خاصة للفرجة وليس للتشجيع أليست عشوائية ؟

- لما يوقعنا الجزائريون في نفس خطأ زيمبابوي صدقا أو كذبا ويبحث الفيفا الآن توقيع عقوبات علينا بسبب الأوتوبيس أليست عشوائية ؟

- لما يجرنا الإعلام الجزائري للصدام مع جماهير الجزائر المتعصبة أليست عشوائية ؟

- ولما ننقسم لفريقين إعلاميين مختلفين متعاندين ووصل خلافنا لإعلام وفضائيات الجزائر ؟

- لماذا لم نعمل حسابا للمصريين المقيمين بالجزائر والمصالح المصرية هناك ونحافظ عليها أليست عشوائية ؟

-ولما نهاجم السودان ونرجع نشكرها

- وما يحدث الآن من تجمعات غاضبة واعتداء الجماهير على الضباط المحاطين بسفارة الجزائر ... عشوائية

مازلنا مش عارفين احنا عايزين إيه وغيرنا عرف هو عايز إيه وخده

خسارة شغلونا بالمباراة كتير قوي ولسه هيشغلونا بالأحداث اللي بعدها وفي النهاية هينتهي الغضب وننسى بما بعد المباراة المباراة نفسها وما حدث فيها من هزيمة

لما كنا الأفضل ليه لم نفز ؟

ولما كانت الجزائر الأسوأ ليه كسبت ؟

أفضل نتعلم من كل ما حدث

تم تعديل 20 نوفمبر 2009 بواسطة tarek hassan

[alsaher]

امبارح في تلفزيون الجزاير لاقيتهم مصورين اهل غزه (تصورو اهل غزه) الاقرب جغرافيا ومعنويا لمصر يحتفلون بانتصار الجزائر والفرحه العارمه تعم شوارع غزه ولا اكنهم حرروا القدس

عزيزي هذا غير صحيح بالمره

سأرفق لك صور أعلام مصر تملأ غزة

من أسبوع وأنا تصلني الصور من أهلي هناك ،

سآتي لك بصور إحتفالات غزة بفوز مصر يوم السبت

يا آخي ليس كل ما يقال يصدق

لولا أن الصورة خاصه ، لأرفقت صور أبناء أختي من داخل غزة ، وقد لونوا وجوههم بألونا علم مصر قبل الماتش

هناك من شجع لعب الجزائر ، ككورة ، وبعد ما حصل شتم كل من كان جزائري في الملعب

أشعر بالحزن مما حصل

وأشعر بالحزن من ردة الفعل العكسية التي جعلت الموضوع خارج حدود جرذمة جزائريين مرتزقه بربر قاموا بكل ماهو همجي

ولكن شجعنا مصر ، ورفعنا القبعات لها ، وسنبقى نحب هذا البلد وأهله

[عبير يونس]

السلام عليكم:

اكرر مره اخري

المشكله بدأت من اكثر من شهر عندما سخرت كل اجهزه الاعلام هنا وهناك للشحن وللتجهيز للمعركه....

وما حدث في السودان كان نتيجه لهذا الشحن.....اعتذارهم ليس الحل

وحال الجزائر كحالنا حكومه لا يهما الا ان يغرق الشعب في ادمان كل ما هو تافه

لان الضرب والقتل والهمجيه ستتكرر مع اي فرقه عربيه اخري حال شعبها كحالنا

لوقطع العلاقات مش حل

والاعتذار مش حل

امال ايه هوالحل؟

نخلي اعلامنا هو اللي يعتذر؟؟

والا نعاقب الإعلاميين ونحملهم وحدهم اللي حصل

لازم ناخد موقف صارم

نعرف الناس مين هي مصر

و من هم المصريون؟

لواحنا ما رجعناش البقية الباقية من كرامتنا

مين حيرجعها لنا؟؟؟

كفاية مذلة وإهانة بقى

عارفين احنا عاملين زي ايه؟

زي الست اللي رامية ولادها ولا ساءلة فيهم و رايحة تجامل الجيران

وتودي ولادها يخدموهم

و لما ولادها يتذمروا ويشتكوا انهم اتهانوا تلطشهم بالألم

وتبهدلهم عشان جيرانها ما يزعلوش

فتحت بيتها لجيرانها على حساب ولادها

ولما ولادها يتبهدلوا قدام عينيها

برضه تيجي مع الجيران عليهم

وتشخط فيهم

غريبة مع اننا طول عمرنا بنسمع إن الضنا غالي!!!

لحد امتى الأوضاع المقلوبة دي؟؟؟

[أحمد سيف]

الفاضلة مصرية متغربة ... فعلا الحل ليس قطع العلاقات ولا الاعتذار ... الحل هو أن نجعل الجزائر وشعبها الهمجي يدفعون الثمن ويعودون الى رشدهم لأنهم زودوها جدا وما حدث في السودان ليس مجرد مباراة ولكنه محاولة منهم ليقولوا لنا أن زمن احترام مصر والمصريين قد ولى ... وأنظري الى كم الإهانات والتجاوزات بحق بلدنا وشعبنا ... لم تبق هناك صفة سيئة إلا وألصقوها بنا ولم تبق سبة إلا وأطلقوها علينا ... ارسلوا بلطجيتهم بطائرات عسكرية علشان يضربونا علقه ويكسروا عينينا ويذلونا أمام العرب. ما هو بقى عندهم غاز وبترول وافتكروا نفسهم قوة عظمى.

وصدقيني هناك وسائل كثيرة لذلك ... والجزائر دولة وضعها هش ولديها مشكلات داخلية هائلة وطالعين من حرب أهلية قتلت منهم مئات الألوف وعندهم عداوات مع طوب الأرض ... البربر والطوارق والمتطرفين وفرنسا وجيرانهم المغاربه ... الناس اللي كانت متحمسه لعمل عسكري بقول لهم مافيش داعي ... في مليون طريقه تقدر تخليهم يعرفوا بيها إن الله حق وإن قلة الأدب مش هتعدي دون عقاب. بداية من العمل السياسي ضدهم في المحافل الدولية الى العمل الاستخباراتي على أرضهم. خلينا نتعلم بقى من أساليب الانجليز واليهود مادمنا بقينا يهود في نظرهم.

[ahmedfox]

انا لو رئيس مصر لأمرت بضربة جوية للجزائر تأديب ليهم

[أبو محمد]

لطمة تلقيناها على الوجه .. ليتها تكون اللطمة التى نفيق بعدها

إنها لطمة لكل من لم يعى دروس التاريخ ..

كنت أستشيط غضبا من كتابات بعض الأبناء والزملاء .. الذين يستعذبون جلد ظهورنا بأقلامهم .. يبحثون دائما عن شئ يلعنونه .. حتى تجرأ البعض منهم حد لعن الوطن بوعى أو بدون وعى بالفرق بين الوطن وفساد من يحكمه .. ومن يلعن وطنه لا يجب أن يأتى بعد أن يتلقى اللطمة على وجهه ليلعن من لطمه ..

لم أكن أتصور أن أرى مصريا يسأل سؤالا مثل : لو احتلت إسرائيل سيناء ، هل ستحارب من أجل استردادها ؟

لم أكن أتصور أن أرى مصريا يكتب متضامنا مع من قذف سفارة بلده بالحذاء على مقربة من سفارة إسرائيل التى لم يفكر ذلك الوغد - الذى وجد فى قدمه حذاء - أن يوجهه نحوها

لم أكن أتصور أن أرى أقلاما مصرية تبحث عن أعذار للذين حرقوا علم مصر على أرضهم كما اعتادوا على حرق علم إسرائيل وأمريكا

لم أكن أتصور أن أرى من المصريين من يثنى على بلطجة "الآخر" ويصفه بأن عنده كرامة ..

أنا هنا أتكلم عن رموز الوطن ، أرض من الوطن يمكن أن يحتلها العدو .. سفارة الوطن (قطعة منه على أرض البلد المضيف) تُقذف بالحذاء دون أن تُمس سفارة العدو القريبة منها ، علم الوطن الذى يُحرق أمام عينيه ويبحث هو عن أعذار لمن حرقه ..

الذى يتضامن مع من يهين رمز وطنه .. الذى لا يعرف الفرق بين علم وطنه وأى قطعة قماش ملونة .. الذى لا يعرف الفرق بين سفارة بلده وأى مرحاض عمومى .. من يتساءل إذا كان لابد من القتال لاسترداد ثلث مساحة وطنه إذا احتلها عدو .. يستحق أن يسبه قاذف الحذاء .. ويستحق أن يلطمه حارق العلم .. ويستحق أن تستباح حرماته من إذا احتُلت ثلث مساحة وطنه يقف بليدا متسائلا : هل يجب أن أقاتل لأسترد تلك القطعة من الأرض ؟

عندما أقرأ لافتة يحملها جمهور كرة قدم تقول : شعب الجزائر والسودان والمسلمون ضد اليهود .. عندما أرى جمهور كرة قدم يستبدل شعار وطنى بنجمة داوود فى وسط علم وطنى .. عندما أرى جمهور كرة قدم يمزق علم وطنى ويحرقه .. عندما أرى جمهور كرة قدم يستوقف السيارات ليفرش أمامها علم وطنى لتدوس عليه .. عندما أرى كل ذلك .. أقول : عندما يهون الوطن على أبنائه فليتوقعوا مزيدا من اللطمات ..

من يستكثر علينا حتى الغضب فهنيئا له بما يجرى فى عروقه

درس صغير من التاريخ .. عله يكبح جماح العاطفة غير العاقلة التى تستثيرها الشعارات .. درس مات الرجل قبل أن يوضحه لمن انخدعوا بالشعارات التى كان هو يرددها بإخلاص حتى وقعت الواقعة ، واستوعب الدرس .. لكن متأخرا ..

الدرس حكاه لى أستاذى فى الجامعة سنة 1972 كنت فى ذلك الوقت ضابط احتياط انتظر حلا للمأزق الذى انحشر فيه جيلى .. كان أستاذى عضوا فى اللجنة المركزية للاتحاد الاشتراكى العربى وسمع ما قاله الرئيس الراحل جمال عبد الناصر فى آخر اجتماع ترأسه لتلك اللجنة .. وفى عصر الإنترنت وجدت محضر تلك الجلسة على موقع مكتبة الاسكندرية (انعقدت الجلسة برئاسته - يرحمه الله - يوم 22 يوليو 1970 ) .. وقرأت ما قاله لى أستاذى

أفضِّل أن تقرأوه كما قاله الرجل قبل وفاته بشهرين .. وقبل أن يصارحنا به :

بالنسبة للدول العربية مين بيحارب من الدول العربية ؟ .. انتم عارفين .. رحنا الرباط وحصل إيه ؟ .. احنا ميزانيتنا كانت 160 مليوناً .. السنة دى ميزانيتنا 553 مليون جنيه .. مين ادَّانا حاجة؟ .. ماحدش ادَّانا حاجة . وبعدين احنا اللى بنحارب وهمَّ فى مزايدات، وفاهمين انهم بهذا بيقدروا ياخدوا الجماهير .. وبرضه ماقدروش . يعنى احنا كنا فى أسوأ حالاتنا وماقدروش ياخدوا الجماهير العربية، لَمَّا رحنا طرابلس .. ولَمَّا جه هنا معمر القذافى واتكلم .. ماعرفش ان الكلام ده اتقال فى الجلسة اللى فاتت.. قالوا: إن العـراق والجزائر مستعدين يشتركوا بكل قواتهم فى المعركة إذا غيرنا الهدف بتاعنا، بدل أن يكون إزالة آثار العدوان .. يكون تحرير الأراضى المحتلة.. أى تحرير فلسطين . فى الحقيقة أنا باعتبر انهم قالوا هذا الكلام على أساس أننا لن نقبله، ولكن احنا قبلنا هذا الكلام "تحرير الأراضى المحتلة"، ورحنا طرابلس .. وحنشوف حيحصل إيه نتيجة لهذا .

القوات العراقية موجودة فى الأردن .. مافيش قنبلة بتيجى على القوات العراقية .. ومافيش ضرب على القوات الأردنية، اللى بينضربوا فى الأردن هُمَّ المقاومة . الحقيقة الناس اللى بيبنوا قواتهم هم السوريين .. ومازالوا متمسكين باتفاق وقف إطلاق النار سنة 1967 .. احنا لغينا هذا الاتفاق، وعلى هـذا الأساس ممكن كل شهرين ثلاثة يحصل صـدام .. أو تحصل معركة . أنا مثلاً فى الاتحاد السوفييتى قالوا لى كان فيه وفد عربى بيفاوضهم من اليمن الجنوبية، وبيقول رفض الحل السلمى وضرورة الحل العسكرى. هم كانوا بيتكلموا فى الاتحاد السوفييتى، ماعندهمش ولا دبابة .. عايزين 20 دبابة، ماعندهمش ولا طيارة .. عايزين 5 طيارات، فقالوا لهم : ده انتم ماعندكوش ولا دبابة .. ولا طيارة، وبتتكلموا ازاى عن الحرب العسكرية .. حتحاربوا ازاى ؟ .. قالوا لهم : الجمهورية العربية المتحدة هى اللى حتحارب .. كده بهذه البساطة ! فى الحقيقة فى هذا يجب نكون واقعيين، والشعب العربى فاهم هذه الأمور .

والملك فيصل رافض الحل السلمى وبيقول : إن الكفاح المسلح - فى البيان المشترك بينه وبين الجزائر - هو السبيل الوحيد . طيب فين هُوَّ الكفاح المسلح بتاع المملكة العربية السعودية ؟ .. مافيش !! فيه لواء لهم فى الأردن ماضربش الإسرائيليين عليه ولا طلقة، ولَمَّا دخلوا الإسرائيليين فى حتة رجع، والفدائيين هُمَّ اللى راحوا حاربوا هناك .

يعنى فى الحقيقة مش معنى ده إن أنـا بارمى طوبة الفكرة العربية .. والبلاد العربية .. والكلام ده ، لكن هناك تناقضات موجودة فى القيادات العربية يجب ألاَّ نتجاهلها، وهناك قيادات عربية بتعتبر انها أحق الناس بقيادة الأمة العربية ، فمثلاً فى العراق قالوا إن هُمَّ القيادة اللى جت بعد الهزيمة .. وأن القيادات المهزومة لا تستطيع أن تقود ، وإنهم هُمَّ اللى طالعين لقيادة الأمة العربية . هُمَّ موجودين من سنة 1968 لغاية سنة 1970 .. ماحدش أبداً بيستجيب لهذا الكلام .. لا فى العراق نفسها .. ولا فى غيرها، بل يمكن بالعكس احنا لا نشتغل ضد أحد، واحنا لو اللى بيشتغلوا النهارده بهذا الكلام بنشتغل ضدهم .. بنسبب لهم متاعب لا أول لها ولا آخر ، لأن فيه - فى الحقيقة - جماهير بتؤيدنا فى كل البلاد العربية .

بالنسبة يعنى واحـد مثلاً يقولك: احنا لازم نحارب حتى لو نضحى بمليون ، فأنا رديت قلت له: " تضحوا بمليون مصرى .. ولاَّ تضحوا بمليون إيه "؟. يعنى الحقيقة دى مواضيع يجب اننا نحطها فى حسابنا ونعترف بها

ووافته المنية بعدها بشهرين قبل أن يصارحنا بالدرس الذى تعلمه وطالب أعضاء اللجنة المركزية بالاعتراف به..

أرجو أن يعى الدرس من يرى أن عزته فى هوان وطنه عليه تحت أى شعار أو حلم بعيد المنال .. فلنقدر لكل شئ قدره .. مرحبا بالانتماء للأمة العربية ولكن ليس على حساب الانتماء للوطن فلن نصبح أبدا وطنا عربيا واحدا .. مرحبا بانتمائنا للأمة الإسلامية ولكن ليس على حساب انتمائنا للوطن .. فلن تتوحد أبدا مصر وأفغانستان وباكستان والبوسنة فى دولة إسلامية واحدة

[أبو محمد]

ومن تداعيات الهوس الرياضى

مقتل 14 جزائريا وإصابة 400 آخرين في غمرة الاحتفالات بالفوز على مصر

الخميس نوف 19 2009

الجزائر (د ب ا)

-قتل 14 جزائريا وأصيب 400 آخرين في غمرة الاحتفالات التي صاحبت فوز الجزائر على مصر وتأهلها إلى مونديال جنوب إفريقيا .2010

وقال جهاز الدفاع المدني في بيان له اليوم الخميس إن 14 شخصا لقوا حتفهم وأصيب 254 آخرين في حوادث سير في غمرة الاحتفالات بفوز المنتخب الجزائري على نظيره المصري 1/صفر في المباراة الفاصلة التي أقيمت بينهما مساء أمس بملعب أم درمان بالسودان.

وأكد المصدر نفسه إصابة 145 شخصا بنوبات قلبية مشيرا الي انها ولحسن الحظ لم تخلف ضحايا.

اللهم لا شماتة .. ولكنهم كانوا قد أطلقوا أكذوبة مقتل 13 جزائريا فى مصر يوم 14 نوفمبر .. هل كان من أطلقها يعلم أن السحر يمكن أن ينقلب على الساحر ؟

[أبو محمد]

شاهدوا هذا الفيديو .. لشاب جزائرى يشرح أسباب الاعتداء على المصريين فى الجزائر قبل موقعة السودان ، ويهدد بما سيحدث فى السودان ........

http://www.youtube.com/watch?v=3ipXb5WyPkM...player_embedded

وأجيبوا :

هل فعلا عمرو أديب هو المسئول عما حدث فى السودان .. أم أكذوبة القتلى الجزائريين التى روجها الإعلام الجزائرى والسفير الجزائرى فى مصر مما جعل الشاب يقسم بأن صور القتلى عندهم ؟

هل تسبب عمرو أديب فى اعتداءات الجزائريين على المصريين فى الجزائر ؟

هل ما حدث فى الجزائر قبل المباراة ، وفى السودان بعد المباراة ، كان عفويا أم مدبرا ؟

هل حقيقة إرسال حثالة المجتمع الجزائرى للمباراة (كما قال الشاب) كانت حقيقة غائبة عن الدولة الجزائرية ووعاها هذا الشاب من نفسه دون مساعدة أو توجيه من أحد ؟

هل ما زال البعض يشك فى أن هناك مصابين مصريين وأن الإعلام عندنا يكذب ؟

هل بعد مشاهدتكم للفيديو ما زال البعض يستكثر علينا حتى الغضب ؟

[om marawan]

- لما نلعب ماتش كويس قوي وبعدين نلعب ماتش وحش جدا ولا نستمر أبدا على حالة واحدة أليست هذه عشوائية ؟

والله اللى اعرفه وافهمه ان دى الكورة ومافيش فريق فى الدنيا بيكسب على طول والحقيقة برضه ان انا علمت ابنى من الهزيمة ان دى الرياضة زى مابيتعملها لما يكسب خصوصا اذا كان عمل اللى عليه مهما كانت امكاناته والتوفيق من عند الله سبحانه وتعالى

غير ان الماتش ده لا يقاس بيه لانه الفريق كان تحت ضغط نفسى وتهديد بالقتل وبلاوى كتير بلاش نتكلم عنها

- لما نفرح بطريقة مبالغ فيها ونغضب بطريقة مبالغ فيها أليست عشوائية ؟

هو احنا اللى غضبنا ؟؟؟؟ وبعيدن دى مشاعر انسانية بتختلف من شخص لاخر واعتقد ان الموقف ده وضح احنا قد ايه متوازنين مش مجانين وبلطجية بدليل ان الماتش اللى اتلعب فى مصر احنا كنا لغاية ماجه الجون اللى فى الوقت الضايع مهزومين وكنا بنشجع ومبسوطين

- لما تروج جماهيرنا السودان بطريقة غير منظمة من طوائف خاصة للفرجة وليس للتشجيع أليست عشوائية ؟

هو ايه الفرق ؟؟ انا فى بيتى باشجع واتفرج واللى كانوا فى الماتش بيشجعوا ويتفرجوا ولو فيهم اعلاميين او فنانين او غيرهم فده مقصود منه انهم يكونوا ناس على قدر من الوعى انهم يتحملوا الاستفزاز ومايحتكوش بحد

- لما يوقعنا الجزائريون في نفس خطأ زيمبابوي صدقا أو كذبا ويبحث الفيفا الآن توقيع عقوبات علينا بسبب الأوتوبيس أليست عشوائية ؟

طب صدقا وفهمتها لكن كذبا دى نعملها ازاى ؟؟؟؟ يعنى لو اللى حدف الطوبة على اتوبيس الفريق واحد جزائرى او حتى مصرى مأجور عشان يفتعل مشكلة امنعها انا ازاى

- لما يجرنا الإعلام الجزائري للصدام مع جماهير الجزائر المتعصبة أليست عشوائية ؟

يجرنا ازاى ؟؟ مش فاهمة اعلام كاذب و افتراءات لا حصر لها حاولنا نرد عليها و حاولنا ندعو حكومتهم المبجلة للرد عليها ماحصلش حاولنا احنا نثبت العكس ماحدش صدق او صدقوا بس الحقد والغل كان اكبر

ده مش جماهير ولا ناس متعصبة لكورة دى ناس بتكره وتحقد والحمد لله ان وشهم الحقيقة بان

-ولما نهاجم السودان ونرجع نشكرها

مش كلنا هاجمنا فيه ناس هاجمت لانها شافت فى بداية الازمة ان السودان ماقدرتش تواجه لكن الحقيقة ان الموقف كان مفاجأة حتى مع وجود السنج والمطاوى ماحدش تخيل ان ده ممكن يحصل وان فيه ناس بالاخلاق دى او حكومة وشعب بالبلطجة دى

والناس اللى هاجمت السودان زى محمد فؤاد ... ده واحد شاف الموت بعينه وناس كانت منهارة تم ترويعها ومحاولة قتلها ومالقتش حد يحمينى ساعتها .. دى مشاعر ذعر وغضب وكونى اتراجع عن خطأ او انسى فى غمار مشكلتى انى اشكر السودان وارجع اعتذر وأشكرها لا يقلل ابدا من شأنى

- وما يحدث الآن من تجمعات غاضبة واعتداء الجماهير على الضباط المحاطين بسفارة الجزائر ... عشوائية

ليه عشوائية دى مشاعر غضب بتحرق جوه قلب كل واحد فينا من ناس وردود افعال الناس متفاوتة ومختلفة وظبط النفس مطلب صعب من شباب لسه راجع من ازمة لم يتخيلها

مازلنا مش عارفين احنا عايزين إيه وغيرنا عرف هو عايز إيه وخده

خسارة شغلونا بالمباراة كتير قوي ولسه هيشغلونا بالأحداث اللي بعدها وفي النهاية هينتهي الغضب وننسى بما بعد المباراة المباراة نفسها وما حدث فيها من هزيمة

لازم ننشغل باحداث ما سميت بما بعد المباراة مع انها مالهاش علاقة لا بكورة ولا برياضة ولكنها احداث تخلينا نفوق شوية ونشوف فيه ناس بتكرهنا لاى درجة

لازم ننشغل باحداث السودان والجزائر لاننا عاوزين رد لحقوقنا المادية والمعنوية

ولا هو المفروض نسكت

الفاضل طارق اسمح لى أعتذر اذا ظهر انى بارد على مداخلة حضرتك تحديدا بشكل شخصى لكن انا وجدتها فرصة للرد على أسئلة سمعتها من مصريين كتير

وعاوزة اقولهم ...

أكتر ما يوجعنى بعد الازمة اللى حصلت هو تشتيت الاراء مابين ناس تقول نسامح وناس تقول نقاتل وناس تقول غلطتنا !!!

أرجوكم الموقف ده قادر على اشعال روح الانتماء بين المصريين بلاش بقا نشتت جهودنا فى كلام زى ...كل ده عشان ماتش... والريس انقذ ولاده ونام

كلنا موجوعين لاننا ماتهاجمناش الا لاننا مصريين وكل شخص اتهاجم مهما كنت اكرهه او احبه هو رمز لمصر ولشعبها

ولما نكون بننضرب ف اى مكان فى العالم من شعب جواه حقد وغل واتكلم عن التسامح

أسامح مين .؟؟؟ أسامح واحد ضرب ولادى

ليييييه

واذا كان هو اصلا مش عاوزنى اسامحه ولا طلب ولا اعتذر بالعكس ده سعيد

وفاكر انه بالبلطجة وترهيب البنات والاطفال هيبقا زعيم العرب !!!!!!!!!!!

هو انت لو عندك حتى اخ صغيير قليل الادب بيضربك ويضرب امه ويبلطج هتاخده تطبطب عليه ولا لازم تادبه حتى لو اتسجن

هم ايه يعنى مش مسئولين على تصرفاتهم.. كذب وبلطجة وحقد غريب

ولا هو الناس اللى جريوا وراهم فى الشوارع فى بلد غريبة بالسكاكين والسنج والمطاوى وكسروا عليهم الاتوبيسات بالحجارة دول مش اهلنا

عشان نروح نسيب الموضوع الاساسى ونمسك فى ان الجمهور اللى رايح مش على مزاجنا

ولا ييجى المحترم بتاع جريدة الدستور برضه سايب الكارثة ويقولك الريس اتدخل عشان ولاده

مش ممكن يعنى هو احنا فى ايه ولا فى ايه ؟؟؟

تم تعديل 21 نوفمبر 2009 بواسطة om marawan

[ابو محمود]

اذا بعد ان نشحذ الهمم ونتكلم عن مصر بكل ماهو طيب ؟؟

الكلام فقط هو ما تقدر علية الجماهير .... لن يتم تغيير شيء سيتم تكريم فريقنا القومى للكرة

وسيتم ترك الاعلام بكل سلبياتة .. وسيتم نسيان ما حدث من تقصير من سفارتنا فى كلآ من الجزائر والسودان وفى كل مكان

سننسى او بالاحرى سيتم بعد انتهاء الطبخة او اكلها ان نصدم بكارثة اخرى فنتكلم عنها وننسى نكبة الخرطوم

سيطالعنا من يهاجم كل من يكتب منتقدآ وطن يسكنة الفساد مادام الفساد لم يطلة او هو مؤمن نسبيآ

سيطالعنا من يهاجم كل من لا يسب جماهير وشعب الجزائر وينتمى الى لغة ودين واصل

سيطالعنا من هو على الحياد ويقف بين البين لانة يعيش بين الغرباء

سيطالعنا الجميع وسنتكلم كثيرآ فقط من اجل التنفيث عن ما بصدورنا من آلم كلآ حسب موقعة منة

لكن سيأتى الغد القريب ونندم على اننا تقاعسنا جميعآ عن الحق وهو اتباع العقل وان نستخلص العبر من ما حدث انها شروخ قديمة زرعناها بأيدينا التى ليست ايدينا اننا مواطنين يملكنا حكامنا ولسنا احرارآ كما نظن فالاحرار من يأكلون مما صنعت ايديهم ويديرون حياتهم بدون ديون او صناديق معونة

اننا شعب عظيم وطيب نحارب من اجل غيرنا نجامل على حساب انفسنا نعم نصل الى درجة الكوميديا

نصبر على الظلم حتى يهرب منا الظالم فيورثا غيرة وفى الحقيقة نحن تعساء لاننا لم نتعلم من التاريخ الذى تركة لنا اجدادنا ... كانو يملكون العالم وعندما ضعفو تفتتت املاكهم وبلدانهم بسب نعرتهم وتعصبهم الاعمى

وتخلفو واعتمدو على الكسل حتى تملكهم فضاعو كما نضيع الأن واحدآ تلو الاخر العراق ومن ثم اليمن ومن قبل الصومال وفى الطريق السودان ولم نعى الدرس ابدآ نعرات مذهبية هى اساس التفرقة كما ضاعت الاندلس تمامآ

سننقسم نقف فى طابور طويل من الدول ونجد انفسنا فى اخرة ونسأل انفسنا لماذا لا نتقدم رغم ان الرزق وفير عند بعضنا فلا أجابة لاننا ننقسم يفرق بيننا خط على ضفتة أناس منعمون وعلى الاخرى جوع ومرض وجهل

ونتسائل لما ننقسم اننا نستحق ان يمتلكنا الاشرار ويكون مصيرنا بأيدى طواغيط فهل من مدكر