مخنوقه جدا وعايزه اللى يصبرنى

[pocy]

السلام عليكم ورحمه الله وبركاته

يا جماعه انا مخنوقه جدا وزعلانه جدا جدا هتقوليلوا علشان الكوره والمنتخب هقولكم انا لا لى فى الكوره ولا اعرف مين المنتخب انا اللى اعرفه ان فى ناس بيشمتوا فينا وحاسه ان كل الاخبار عنهزيمه مصر النكراء والشنيعه والفظيعه

يوم الاربعاء والدنيا هدوء فى شواره الجهراء بالكويت وفى الساعه العاشره والربع مساءا سمعت زمامير السيارات وزمامير الماتش فقلت ان مصر كسبت الحمد لله ووجدت التهاليل والاغانى على اعلى صوت ولكن الغريب انها لم تكن اغانى مصريه فقلبت سريعا حتى اعرف النتيجه وجدت ان مصر قد اتغلبت من الجزائر 1 صفر امال مين اللى عامل الهوجا دى كلها ياترى يكون الجزائرين بس مش معقول يكون عددهم بالعدد ده كله فوجدت فى الشارع بعض الشباب يهلولوا فيما معناه ان المصريين خسروا وحسافه وحاجات كده وفرحانين جدا فينا طب ليه احنا عاملنا ليهم ايه هنا فى البلد اعتقد ان كل مجال هنا هتلاقي فيه مصريين من عمال وحتى دكاتره جامعه فليه يضايقونا بالشكل ده احنا ساهمنا بخبراتنا وبمجهودنا فى حاجات كتير للبلد دى فليه يعملوا فينا كده والله انى اد ايه تعبت نفسيا من اللى حصل واللى استمر قرابه الساعتين حتى 12.30 ليلا بجد انا مخنوقه جدا جدا

كنت حاسه انهم بيشتمونى انا وبيشمتوا في انا وحسيت انى لو مشيت فى الشارع هوطى راسي من الكسوف او ممكن يزفونى فى الشارع والله انا خايفه انزل من ساعتها وربنا يسترها يارب فعلا .............يهود العرب وربنا يصبرنا يارب

[doha]

وايه المشكلة ؟ محنا لو كنا فزنا كنا هنبقى شمتانين في الجزائريين برضه ..

هي الكورة كده غالب ومغلوب ..

ده لو هنتكلم عن اللعب .. اما لو الحكاية بقى تعدت ذلك وبقت تصفية حسابات او شماته داخل فيها كلام كبير بقى من عينة الكرامه ولا السياده ولا ولا .. وكل الي بيعمل زي الجماعه الي استفزتك تصرفاتهم فابلغ رد عليهم هو قوله صلى الله عليه وسلم (( دعوها .. فانها منتنه ))

خلي الي عاوز يمسك في ( النتانة ) يمسك براحته .. المهم انتي متكونيش منهم ..

تم تعديل 19 نوفمبر 2009 بواسطة doha

[ssmaly]

متزعليش لأن كان ده حيحصل من المصريين لو كانوا فازوا مع بعض الاختلافات وكنتى حتكونى مبسوطة وفيه ناس تانية زعلانة

بالنسبة للشماتة

انا ماشفتش حد كويتى مبوسط امس على العكس فيه واحد امس كان بيقولى انا كنت قاعد محروق دمى وعمال ادعى واقول ياحسين ان المصريين يكسبوا ولما شاف بعض السيارات باعلام جزائرية قالى وهو زعلان الجزائريين دول طلعوا منين والكثير من الكويتين(اعتقد كلهم) كانوا قلبهم معنا

[Simba]

ولا تزعلي نفسك يا مدام بوسي دول شباب عايزين يهيصوا لهم حبة كده وخلاص وغالبا هما مش كويتين ولا حاجة

كمان في المكان اللي انا فيه لا شفت هيصة ولا حاجة ولا حد من زمايلي قال ان فيه حاجات من دي حصلت يعني المسألة مجرد شوية افراد معدودة وخلاص لو فعلا كان فيه شماتة زي ما حضرتك حسيتي كانت هتكون في مناطق الكويت كلها

[لماضة مصرية جدا]

السلام عليكم و رحمة الله و بركاته

يا حياة قلبي..... و لا تتخنقي خاااااااااااالص مااااااااااااااالص بااااااااالص

طب هم عندهم فريق زي بتاعنا؟؟؟؟

طب هم عندهم حسن شحاتة؟؟؟؟

طب هم عندهم عموري اللي في الصورة اللي تحت؟؟؟

يبقوا مش من مستوااااااااااااااااااااااااايا

يا حياتي......اوعي اسمعك بتقولي توطي راسك مكسوفة.....و ترفعي كتافك منفوخة.......ايه يا رياسة آه هو ماتش كورة صحيح....بس معملناش حاجة تكسف (غير اللعب الرديء بس.... بس عاااااااااادي يعني)

بصي بقي انا عندي في الشغل و بين اصحابي عارفني كويس جدا...... انا ممكن اطلع في مصر العبر (و ده اعلان مجاني اهه اني ابقي جاسوسة) بس لو حد تاني هيتكلم عليها..... طب و الله العظيم نمسك الشوم و نكسر المحكمة.... و دي مش دعوة تحريض ع العنف و لا حاجة و لا دعوة للتحيز...بس اللي بيحب حد بيحب يتكلم عليه هو و بس مش حد تاني

سيبك بقي م اللي حواليك و بلاش تخنقي نفسك.... كفاية انك مخلتنيش اقولك يا تانت النهاردة.... عجبك كده هتبوظي السيستم

فوتك بعافية

مستنية الواد موري بال accessories (يعني البوتي و الببرونة و 3 متر دبلااااااااااان :blink: )

[herohero]

القصه مش كده ولا مباراة بس بصراحه فيه دايما احساس غريب خاصة من الفلسطينيين ودول المغرب يحسسك ان مصر قالته لهم حد واللي عاوز يشوف ده كان يشوف برنامج صدي الملاعب ويشوف الاخ مصطفى الاغا بصراحه كلهم هاجموا الجمهور المصري وطلعونا بلطجية ونفاجئ ساعة موضوع بلطجة الجزاريين ولا حاجه

القنوات الاجنبية علقت ع اعتداءات الجزائريين ف مصر ، انما القنوات العربية ولا حاجه يبقى شيئ يضايق ويخنق

وع فكرة الفلسطينيين كانوا فرحانين ف حين يوم السبت لما غلبنا الجزائر كانوا زعلانين

وكلمة حق السعوديين هنا ف الرياض كان فرح يومالسبت ماغلبنا الجزائر وكانوا زعلانين لما الجزائر امس كسبت لكن لومي واللي خانقني حبايبنا الفلسطينيين احنا عملنا لهم ايه

http://www.youtube.com/watch?v=akrPHcdnSto