doha بتاريخ: 19 نوفمبر 2009 تقديم بلاغ مشاركة بتاريخ: 19 نوفمبر 2009 بناء على ملاحظة عابرة من الفاضل ozozo عرفت ان تخفيضات اكسترا بدأت امبارح ولمده 3 ايام فقط.. السنة الي فاتت كنت بشتري احد الاجهزه الالكترونية والعامل قالي بان في شهر 11 و12 من كل عام بيكون في تخفيضات رهيبة وانهم خلصوا رواتبهم فيها السنة الي فاتت .. مكدبتش خبر .. اجلت شراء حاجات كنت عاوزه اشتريها وقلت نشوف .. ان نزلت في الاوكازيون اشتريتها وان منزلتش ميضرش كده كده هشتريها بسعرها .. وصدقت الرؤيا .. رحت النهرده الساعه 10 الصبح عشان اتلافى الزحام لاني سمعت السنة الي فاتت كان ( ضرب نار ) ولقيت التخفيضات حقيقة بجد .. متوسط التخفيض 20 في المية حاجات كتير اوي متخفض سعرها لحوالي الربع .. زي الاجهزه الكهربائية الخفيفة ( خلاطات ولا استشوارات ولا مكانس .. الخ ) في حاجات تانيه متخفضه عشرة في المية بس ( عاده مبعتبرش العشرة في المية تخفيض ) بس هتلاقي دي غالبا حاجات سعرها فوق الالف .. في حاجات تانيه عليها عروض حلوة اوي في ديفيدي باناسونيك نازل بمية ريال بس بيقولوا عليه عرض خمسين في المية ... برضه واحنا هناك قالوا فجأه في الميكروفون ان الصنف الفلاني عليه عرض في حاجات وصل العرض بتاعها 70 في المية .. بس ده طبعا كان في اللحظة دي بالذات يعني الي محتاجها يروح يشيلها على طول .. احسن حاجه هناك هي الاجهزه المعمرة .. التلفزيونات .. الميكروويف .. المكانس الكهربائية عليها عروض هايلة وكذلك مكانس الهوفر للتنظيف عروض خياليه بس عيبها على الانواع الـ 110 بس .. في خصومات جامده على الالكترونيات واللابتوبات والطابعات ولا شاشات الال سي دي .. الخ حاجات بسيطه بس معليهاش عرض لكن الباقي غالبا في حدود الربع او على الاقل 10 في المية والماركات كلها موجوده .. هم حاطين البضاعه في اكوام وكل كومه عليها نسبة التخفيض بالخط الكبير وموضح عليها برضه السعر الاصلي والسعر الحالي .. الي معاه فلوس وناوي يشتري حاجه تستاهل يروح يلحق النهرده او بكره لان بجد العرض ميتفوتش .. بس الي ناوي يروح يتفرج ( ويستلقط ) حاجه والسلام فيفضل بلاش لان هم مش بيوزعوا الاجهزه ببلاش اكيد لكن الخصم فعلا يستاهل للي كان كده كده هيشتري .. عن نفسي اشتريت اشياء عارفة سعرها اصلا وكنت محتاجاها ومنتظره اشتريها اليومين دول . . وبالفعل الخصم الي عاملينه حقيقي مش اعلان .. اهم حاجه الي يروح يكون عارف من دلوقت هو نازل يشتري ايه بالظبط عشان يقارن بين الاسعار والانواع وعشان يتشري حاجه يكون محتاج لها فعلا وبالتالي فكل ريال توفير فيها هيبقى في محله .. ..إذا دعتك قدرتك على ظلم الناس فتذكر قدرة الله عليك .. رابط هذا التعليق شارك المزيد من خيارات المشاركة
saleh hasan بتاريخ: 19 نوفمبر 2009 تقديم بلاغ مشاركة بتاريخ: 19 نوفمبر 2009 شكرا جزيلا علي المعلومه المفيده دي بجد ياتري التخفيض ده شامل الاجهزه زي الثلاجه بوتاجاز والغساله رابط هذا التعليق شارك المزيد من خيارات المشاركة
doha بتاريخ: 20 نوفمبر 2009 كاتب الموضوع تقديم بلاغ مشاركة بتاريخ: 20 نوفمبر 2009 شكرا جزيلا علي المعلومه المفيده دي بجدياتري التخفيض ده شامل الاجهزه زي الثلاجه بوتاجاز والغساله شامل كل حاجه ممكن تتخيلها .. كل بضاعة اكسترا تقريبا عليها تخفيض .. بالنسبة للغسالات فكلها تقريبا عليه 10 في المية خصم .. هو مش خصم كبير بس لو قلنا ان الغساله سعرها 2000 ريال يبقى الخصم 200 ريال مبلغ مش بطال برضه. في حاجات عليها عروض ممتازه .. الال سي دي نازل عليه عرض مابين عشرين الى ثلاثين في المية على حسب النوع .. يعني في توشيبا او باناسونيك 32 بوصة بالف ونص .. وفي نوع تاني بـ 1300 وفي طبعا اكتر من كده على حسب الموديل .. برضه نازل عرض غريب اوي لابتوب كومباك شاشة 15 تقريبا بـ 1500 ريال فقط !! .. سعره الاساسي الفين وعليه تخفيض 25 في المية يعني الربع .. طبعا مشفتش مواصفات الجهاز هي اكيد مش عاليه اوي لكن اهو ينفع في الي مزنوق في لابتوب او عاوز يجيبه لاولاده مثلا او هدية وهكذا .. الالكترونيات برضه عليها عرض في حاجات عشرة في المية وفي حاجات من عشرين لثلاثين في المية .. لاه بجد هو يستاهل الزيارة انا صرفت الفلوس الي معايا كلها ولو معايا اكتر كنت جبت اكتر .. لانها كلها حاجات ماركات تستاهل والتخفيض عليها بجد ومش خساره تحط فيها الفلوس طالما انك محتاج الحاجات دي فعلا .. ..إذا دعتك قدرتك على ظلم الناس فتذكر قدرة الله عليك .. رابط هذا التعليق شارك المزيد من خيارات المشاركة
Alrefaey بتاريخ: 20 نوفمبر 2009 تقديم بلاغ مشاركة بتاريخ: 20 نوفمبر 2009 (معدل) في حاجات عليها عروض ممتازه .. الال سي دي نازل عليه عرض مابين عشرين الى ثلاثين في المية على حسب النوع .. يعني في توشيبا او باناسونيك 32 بوصة بالف ونص .. وفي نوع تاني بـ 1300 وفي طبعا اكتر من كده على حسب الموديل .. بعد ماشوفت موضوعك امس يامدام ضحى قلت اروح اشوف الدنيا شكلها ايه لعل حاجه تعجبنى روحت وعجبنى إل سى دى التوشيبا 32 واشتريته كان اخر حبة موجوده كان امامى واحد اخذ اربعه شكرا مدام ضحى تم تعديل 20 نوفمبر 2009 بواسطة Alrefaey "{وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا} " رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان