اذهب إلى المحتوى
محاورات المصريين

الحمد لله عل ايه

الباشمهندس ياسر

بواسطة الباشمهندس ياسر
في موضوعات خفيفة

 مشاركة

Recommended Posts

الباشمهندس ياسر عضو جديد

الباشمهندس ياسر

بتاريخ:
بتاريخ:

الحمد لله على ايه..!!!!!!!

شعرت بالجوع بعد يوم عمل شاق ,كنت متوجها لبيت صديقى ,

قررت ان اطلب منه (انه يعمل اوردر اكل لغاية ما اوصل عنده عشان نكسب وقت واول ما اوصل اكل على طول)سالنى (اطلب لك ايه)قلت(سمكة بورى مشوية وسلطة).

قابلت عامل الديلفرى على الباب,زاد جوعى على اثر استنشاق رائحة الاوردر,

اخذت منه الاوردر قبل ان يضغط الجرس و حاسبته ثم ضغطت انا الجرس ففتح لى صديقى الباب قلت لبه(مساء الخير...طالبين سمك؟)

اكلت بنهم و استمتاع ,كدت ابكى من فرط جمال السمكة المشوية ,انهيت طعامى ووقفت فى منتصف الريشيبسن و هتفت من اعماق قلبى(الحمدلله).

نظر لى صديقى نظرة عميقة و سألنى سؤالا فلسفيا عميقا (الحمد لله على ايه؟)

قلت له..الحمد لله انه خلق لنا السمك

و الحمد لله انه خلق بنى ادميين بيشتغلوا صيادين علشان يصطادوا لنا السمك

و الحمد لله انه خلق لنا النار اللى نشوى بيها السمك

و الحمد لله انه خلق ناس بيعرفوا يشووه

و الحمد لله انه خلق لنا شجر التوابل

و الحمد لله انه خلق لنا ناس تفهم فى التوابل

و الحمد لله انه خلق واحد اكتشف طريقة يأكل بيها الناس سمك متيل

و الحمد لله انه رزقنى بفلوس تخلينى اقدر اشترى سمكه مشويه

و الحمد لله انه ادانى صحة علشان اعرف استمتع بيها

و الحمد لله انه خلق لنا الموبايل علشان اكلمك تعمل لى اوردر

و الحمد لله انه ادانى صاحب اعتمد عليه

و الحمد لله انه خلق الموتوسيكلات

و الحمد لله انه علم البنى ادم ازاى يسوقها

و الحمد لله انه خلق بنى ادم اكل عيشه انه يجيب لى الاكل لحد عندى

و الحمد لله انه رزقنى مخ عشان افكر بيه فى نعمه عليا

و الحمد لله انى عارف احمده.

نظرت لصديقى فوجدت على وجهه ابتسامة عريضة فقلت الحمد لله فقالى باقتضاب ( يرحمكم الله)

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
Alrefaey عضو جديد

Alrefaey

بتاريخ:
بتاريخ:

عارف يابشمهندس مهما اقولك انى بعشق اكل البحريات اد ايه مش هتصدق

لما كنا زمان فى مصر كنت لازم آكل سمك يوم ويوم

بعدها سافرت على الرياض وكنت عازب قعدت 6 شهور مش عارف آكل سمك زى الناس

والان وعشان ست الحبايب معى فى الرياض وهى ايضا من عشاق السمك لازم نآكل مرتين بحريات فى الاسبوع

بس على فكرة السمك فى مصر له طعم تانى خالص غير هنا فى الخليج

ربنا يخلى لنا السمك ويخلى لينا مصر

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
  • كاتب الموضوع
بتاريخ:
عارف يابشمهندس مهما اقولك انى بعشق اكل البحريات اد ايه مش هتصدق

لما كنا زمان فى مصر كنت لازم آكل سمك يوم ويوم

بعدها سافرت على الرياض وكنت عازب قعدت 6 شهور مش عارف آكل سمك زى الناس

والان وعشان ست الحبايب معى فى الرياض وهى ايضا من عشاق السمك لازم نآكل مرتين بحريات فى الاسبوع

بس على فكرة السمك فى مصر له طعم تانى خالص غير هنا فى الخليج

ربنا يخلى لنا السمك ويخلى لينا مصر

الحمد لله ان حد رد ع الموضوع

هرجعلك تان يا دوك

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
Simba عضو جديد

Simba

بتاريخ:
بتاريخ:

يا عم حرام عليك جوعتني وانا قبل ما ادخل وانا جعان لوحدي :angry:

من ساعة ما بدأت اشتغل بالليل وانا مكسل اعمل اي اكل مقضيها علب سردين علي علب فول علي جبنة لما خلاص بقيت ازقزق مع عصافير بطني

عمال توصف في السمك والتوابل :huh: mf-:

كلام حسام

follow me

رابط هذا التعليق
شارك
قلب ابيض عضو جديد

قلب ابيض

بتاريخ:
بتاريخ: (معدل)
عارف يابشمهندس مهما اقولك انى بعشق اكل البحريات اد ايه مش هتصدق

لما كنا زمان فى مصر كنت لازم آكل سمك يوم ويوم

بعدها سافرت على الرياض وكنت عازب قعدت 6 شهور مش عارف آكل سمك زى الناس

والان وعشان ست الحبايب معى فى الرياض وهى ايضا من عشاق السمك لازم نآكل مرتين بحريات فى الاسبوع

بس على فكرة السمك فى مصر له طعم تانى خالص غير هنا فى الخليج

ربنا يخلى لنا السمك ويخلى لينا مصر

ويخللى لك ست الحبايب اللى بتعمل لك السمك

يا عم حرام عليك جوعتني وانا قبل ما ادخل وانا جعان لوحدي :angry:

من ساعة ما بدأت اشتغل بالليل وانا مكسل اعمل اي اكل مقضيها علب سردين علي علب فول علي جبنة لما خلاص بقيت ازقزق مع عصافير بطني

عمال توصف في السمك والتوابل :huh: mf-:

سمبا انا ممكن ابعت لك ارقام بتوع السمك اللى بالفروانيه والرجعى كمان ولا تزعل نفسك

ولو عاوز يوصلك دلفرى من ام نور حااااضرين 000ولا تزعل ولاتجوع نفسك

وعلى فكره بقى سمك الخليج ميه ميه اسألونى انا بقى

انا من عشاق السمك من اول الكابوريا لحد الفسيخ 0000

والحمدلله على كل شىء يا باشمهندز والحمدلله انك اتغديت :o

تم تعديل بواسطة قلب ابيض
294043709.gif
رابط هذا التعليق
شارك
Simba عضو جديد

Simba

بتاريخ:
بتاريخ:
سمبا انا ممكن ابعت لك ارقام بتوع السمك اللى بالفروانيه والرجعى كمان ولا تزعل نفسك

ولو عاوز يوصلك دلفرى من ام نور حااااضرين 000ولا تزعل ولاتجوع نفسك

وعلى فكره بقى سمك الخليج ميه ميه اسألونى انا بقى

تسلمي مدام قلب ابيض ربنا يخليكي :angry:

بس عندي ارقام كل المطاعم هنا في الرقعي وفي الشغل برضه عندي ارقام كل المطاعم بس مش هي دي القضية

اصل انا اخيرا قررت ان استغني شوية عن اكل المطاعم من اول الشهر ده والحمد لله روحت واشتريت كل الحاجات اللي هتلزمني طول الشهر واهي الحمد لله لسه موجودة من اول الشهر في التلاجة بخيرها تقريبا ... والسمك اشتريته فريش ( صاحي وبيلعب :huh: )

بس تعملي ايه في الكسل بقي

كلام حسام

follow me

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
  • كاتب الموضوع
بتاريخ:

توضيح بسيط

اكلام ده بتاع عمر طاهر

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
رضوي عضو جديد

رضوي

بتاريخ:
بتاريخ:

سؤال بسيط

هو الموضوع دة عن السمك ولا عن شكر الله

لو عن السمك فانا ولله الحمد بموت في حاجة اسمها سمك ( والحمد لله طبعاً انه خلقه بكل انواعه واشكاله وعلمنا نسويه بكل الطرق والوصفات الشهية)

اما لو عن شكر الله

فالحمد لله في السراء والضراء وفي السر والعلانية

ربنا بارك لنا فيما رزقتنا وقنا عذاب النار

اللهم إرزقني بفرحة ... تجعلني أسجد لك باكية .

رابط هذا التعليق
شارك
Damo عضو جديد

Damo

بتاريخ:
بتاريخ:

الحمد لله على قرون الفلفل المخلل.

دانا بخلصلي برطمان كل يوم :blink: خربه ميزانية البيت على الاخر

" Feed Your Faith and your fears will starve to death "

Unkown~

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
  • كاتب الموضوع
بتاريخ:
سؤال بسيط

هو الموضوع دة عن السمك ولا عن شكر الله

لو عن السمك فانا ولله الحمد بموت في حاجة اسمها سمك ( والحمد لله طبعاً انه خلقه بكل انواعه واشكاله وعلمنا نسويه بكل الطرق والوصفات الشهية)

اما لو عن شكر الله

فالحمد لله في السراء والضراء وفي السر والعلانية

ربنا بارك لنا فيما رزقتنا وقنا عذاب النار

هو الموضوع عن تعدد النعم و التي نعيشها دون ان نشعر

انا لسه ماشتغلتش ف ااسماك عشان ابدا اعملها دعاية :blink:

الحمد لله على قرون الفلفل المخلل.

دانا بخلصلي برطمان كل يوم :happy: خربه ميزانية البيت على الاخر

خلي بالك احسن الاملاح تعلي عندك

طب مفيش قرنيين كده ع السريع مع ساندوتشين الشاورمة و يبق اتعشت و الحمد لله :unsure:

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

أنا كمان باعمل زى "عمر طاهر" بس فى السرّ عشان مابقاش مضطرّه أقعد أعدّد الحاجات اللىّ تستاهل شكر ربنا عليها ..

يعنى باشكر ربنا أمّا الأتوبيس اللىّ هاروح بيه الشغل ييجى فاضى و ألاقى فيه كرسى ..

وباشكره أمّا ييجى الأتوبيس و أنا راجعه البيت و ألاقى مكان أقف فيه من غير مضايقات !!

وباشكره أمّا ألاقى ناس بتحاول تمدّ لى يدها من جوّه الأتوبيس أمّا أقف فى البدايه على السلّم !!

و باشكره أمّا ألاقى ناس يعرضوا يشيلوا عنّى أو يقفوا و يتركوا لى مقاعدهم ..

و باشكره أمّا ألاقى ناس يتركوا لى المساحه الضيّقه جدّا أمام مقاعدهم كى أقف فيها بعيدا عن الزحام ..

و باشكره أمّا أنزل من المينى باص قبل بيتنا ..

وباشكره و أنا طالعه السلّم عشان رجعت البيت الحمد لله ..

واللهِ لو فكّرنا هنلاقى حاجات كتير بسيطه خالص تستحق الشكر طول الوقت .. أنا فاكره إنّى مرّه كنت فى أتوبيس مزدحم جدّا و بعد ما اتنين رجّاله ركبوا و استقر بهم المقام واقفين بالقرب منّى واحد فيهم انطبعت على وجهه ابتسامه عريضه جدّا فرحا إنّه ركب الأتوبيس خلاص رغم شدّة الزحام !!

صحيح ربنا لا يستفيد من حمدنا و شكرنا له أى شئ بس إحنا بنستفيد أوى .. و الحمد لله على الفايده دى كمان :roseop:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
justme عضو جديد

justme

بتاريخ:
بتاريخ:

واهم حاجة الحمد لله اننا مسلمين ومؤمنين بالله علشان نعرف نحمد اللي يستاهل الحمد

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
عروس البحر عضو جديد

عروس البحر

بتاريخ:
بتاريخ:

الحمدلله في السراء والضراء فعلا..

حياتي اليومية مليانة حاجات اقول عليها الحمد لله 100 مرة

الحمدلله لما بقوم الصبح من النوم الاقي نفسي مش مصدعة

الحمدلله ان زوجي راضي عني

الحمد لله ان اولادي بصحة جيدة

الحمد لله ان انفلونزا الخنازير لسه بعيد عني وعن اسرتي

الحمد لله ان لسه فاضل ف المرتب اكمل الشهر

الحمد لله اني مش مضطرة اروح لدكتور الاسنان

الحمد لله ان النت مش قاطع

الحمدلله صليت الفجر حاضر

الحمدلله ...الحمد لله ...كثيرا كثيرا

رابط هذا التعليق
شارك
السويفي عضو جديد

السويفي

بتاريخ:
بتاريخ:

السلام عليكم

بسم الله الرحمن الرحيم

: "إن في خلق السموات والأرض واختلاف الليل والنهار لآيات لأولي الألباب الذين يذكرون الله قياماً وقعوداً وعلى جنوبهم ويتفكرون في خلق السموات والأرض ربنا ماخلقت هذا باطلاً سبحانك فقنا عذاب النار سبحانك فقنا عذاب النار".

فعلا قمه الايمان انك تقعد تفكر في نعم الله عليك.....وتركز

ولكن اعظم من ذلك ان تشكر الله على هذه النعم....

احيانا لما اكون راكب العربيه ومشغل المكيف ....بحس ان شكر النعمه ده اني اوصل واحد ماشي في سكتي

لما يكون حد متجوز ومبسوط وعنده بنت حلوه وعلى خلق شكر النعمه ده انه يجوز بنته لواحد غلبان زي انا او زي ياسر :roseop:

وهكذا...

جزاك الله خيرا اخ ياسر

اللهم خذنا اليك منا .....وشغلنا بك عنا

رابط هذا التعليق
شارك
msayed عضو جديد

msayed

بتاريخ:
بتاريخ:

الفكرة جميلة حداً يا باشمهندس ياسر، والعرض روعة، فعلاً نعم الله لا تعد ولا تحصى وداخل النعمة التى نتصور أنها واحدة نجدها مليئة بنعم ربانية أخرى، نسأل الله أن يديم نعمه عليك وعلينا وعلى كل الحبايب.

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
  • كاتب الموضوع
بتاريخ:

ياااااااااااااااااه

فعلا نعم ربنا عينا كبيرة و كتيييييييييييرة اوي

ربنا يرزقنا الرضا و الشكر علي الرضا

و متشكرين علي مداخلاتكم اللي بتذكرنا بنعمة الحمد

السلام عليكم

بسم الله الرحمن الرحيم

: "إن في خلق السموات والأرض واختلاف الليل والنهار لآيات لأولي الألباب الذين يذكرون الله قياماً وقعوداً وعلى جنوبهم ويتفكرون في خلق السموات والأرض ربنا ماخلقت هذا باطلاً سبحانك فقنا عذاب النار سبحانك فقنا عذاب النار".

فعلا قمه الايمان انك تقعد تفكر في نعم الله عليك.....وتركز

ولكن اعظم من ذلك ان تشكر الله على هذه النعم....

احيانا لما اكون راكب العربيه ومشغل المكيف ....بحس ان شكر النعمه ده اني اوصل واحد ماشي في سكتي

لما يكون حد متجوز ومبسوط وعنده بنت حلوه وعلى خلق شكر النعمه ده انه يجوز بنته لواحد غلبان زي انا او زي ياسر :lol:

وهكذا...

جزاك الله خيرا اخ ياسر

و جزاك يا سويفي ...... لا تجادل ولا تناقش يا اخ علي ... قصدي سويفي

تصدق بقي اني بعمل الحركة دي كتيييير جدا و اكتر من حد ينبهني انها غلط و ممكن تعملي مشاكل

بس انا ولا بيهمني و الله

المهم

ايه بقي اللي انت بتعمله ده

هي وصللت معانا لكده خلااااااااااااااص :roseop:

انت هنا و بوسي هناك

يالا

بكره تفرج و نرجع نقرا الكلام ده و نفتكر و نضحك من قلوبنا باذن الله

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

×
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • News Bot
      0
      [مجلة صباح الخير] الحمد لله
      كنت قد عدت من مدرستى قرب العصر وكنت تعبا للغاية فقد لعبت الكرة مع الأولاد فى الحوش الواسع وجريت كثيرا وكعرض الصفحة

      بواسطة News Bot
      كُتب

    • News Bot
      0
      [مجلة صباح الخير]الحمد والرضا بالمقسوم
      حقيقى الحمد والرضا بالمقسوم من أروع ما يميز الإنسان..ففى عام 1993 كان من بين صفوف منتخب زامبيا لاعب محترف اسمهعرض الصفحة

      بواسطة News Bot
      كُتب

    • عبير يونس
      6
      ما تيجو نقول الحمد لله
      الحمد لله كم هي ثرية حياتي و كم هي جميلة تحدياتي الحمد لله على حياتي و عافيتك لبدني و سمعي و بصري الحمد لله على القدرة على التسامح الحمد لله على القدرة على الحب اللامشروط الحمد لله أنني إن أحببت شيئا أوليته كامل اهتمامي جعلته عشقي و اختزلت به وجودي و كياني الحمد لله على كل شيء لمس قلبي و أعطيته وقتي وحبي اللانهائي و الحمد لله أنني ما وجهت وجهي أيما وجهة إلا وكان التوفيق حليفي تحدوني دعوات والدي رحمهما الله الحمد لله على رضاهما الحمد لله على أولادي بهجة عمري الحمد لله على ح

      بواسطة عبير يونس
      كُتب

    • رعد
      27
      حولت زيارة زوجتي الي اقامة الحمد لله سؤال بسيط للاستاذ خالد شحاتة
      الحمد لله تمت الموافقة علي تحويل زيارة زوجتي الي قامة واي حد عاوز يستفسر انا تحت امرة في اي استفسار السؤال دلوقت العسكري قال لي ادخل علي الجهاز الصراف وادفع 2000 ريال كانة تاشيرة عادية استقدام دخلت رقم الحدود ورقم اقامتي طلع لي الرسوم 2000 تاشيرة + 500 اصدار اقامة لية ال 500 دول هي مش اقامة الزوجة مجانية ؟؟؟

      بواسطة رعد
      كُتب

    • عادل سمير
      0
      الله أكبر ولله الحمد مبروك تمديد المهلة لنهاية العلم الهجرى الحالى
      المصدر الخبر مذاع علي قناه الاخباريه السعوديه.. الله أكبر ولله الحمد مبروك تمديد المهلة الله أكبر لا تنشوني من الدعاء و جه خادم الحرمين الشريفين الملك عبدالله بن عبدالعزيز آل سعودبتمديد مهلة التصحيح حتى نهاية العام الهجري الحالي 1434هـ كحد أقصى على أن تباشر الحملات الأمنية والجهات المختصة مهامها النظامية في ضبط المخالفين في مناطق المملكة كافة اعتباراً من الأول من شهر محرم عام 1435هـ وسيتم تطبيق كافة الإجراءات النظامية بحق المخالفين جاء ذلك في بيان لوزارة الداخلية. واهابت وزار

      بواسطة عادل سمير
      كُتب

×
×
  • أضف...