هل في مصلحة مصر انها تفضل دولة عربية؟

[د هشام ابراهيم]

هل في مصلحة مصر انها تفضل دولة عربية؟

السؤال الصراحة أصابني بالدهشة ...و قريت الردود و أصابتني الدهشة أكتر .... حاولت الأجابة علي قد ما أقدر و أظن إن معظمها اتفق معايا فيه كذا أخ و أخت فاضلين ممن تكرموا بالمشاركة قبل العبد لله

هل في مصلحة مصر انها تفضل دولة عربية؟

لا مصلحتها انها تنضم للاتحاد الاوروبي .....مش باهزر باتكلم بجد ..... لو الأختيار موجود ننضم للاتحاد الاوروبي و لو ما نفعش ننتسب لامريكا الشمالية ....و لو عندنا نظرة مستقبلية نشارك الصين

بس كل ده ما ينفعش لا أوروبا حتقبلنا و لا أمريكا الشمالية تهتم و لا الصين فاضية ...... يبقى ملعبنا فين .....المنطقة العربية .....و بعمق أفريقيا و منطقة الشرق الاوسط الاسيوية عايزين يبقي لينا دور عالمي لازم يبقى لينا دور اقليمي ...عايزين يبقى لنا كرامة لازم نبدأ الاصلاح من نفسنا من جوانا الأول و بعدين ندور احنا عرب و لا أفارقة و لا فراعنة و لا بحر متوسطيين ...و يمكن ساعتها أوروبا تعرض علينا ننضم و احنا اللي نقول لأ

[doha]

اولا انا اتعاطف مع مشاعر الغضب التي تجاه ما حدث لهم من بعض الجزائريين (لو حدثت فعلا)وضد ان تكون الرياضة عامل فرقة بين الشعوب

لكن ان يقال ان السعودية هي التي شجعت الجماعات الاسلامية المتعصبة فهذا افتراء واضح على السعودية بل ان السعودية هي اشد من حارب الجماعات المتطرفة عبر تاريخها

والسعودية لم تكن يوما محركا او ملهما لحركات كالاخوان المسلمين او التكفير والهجرة ال...خ

بل العكس صحيح ان هناك بعض السعوديين من تأثر باطروحات اخوانية حين استضافت السعودية بعضهم واعطت الجنسية للبعض الاخر

ولذا وجب التنويه

تقول حضرتك من (بعض) الجزائريين فهل لو حدث هذا في مباراة كانت المملكة العربية السعودية طرف فيها كنت ستقول (بعض) فهل عندما ترسل الجزائر أفراد مسجلين خطر و أفراد من مناطق شعبيه معروفه عندهم و معروفه هذه المناطق بأستخدامهم للسلاح الأبيض و انه هو لغة الحوار السائده عندهم و عندما ترسلهم الجزائر علي ظهر طائرات حربيه و عندما ترسل الجزائر طائرات محملة بثلاثة آلاف همجي و تصل الي السودان قبل انتهاء المياراة بوقت قليل لينتظروا الجماهير المصرية لحظة خروجها من الملعب و ذلك بالأضافة الي الآلاف من الجزائرين الذين قاموا بتجميع كل السلاح الأبيض الموجود بالسودان فمع كل هذا لا نستطيع أن نقول (بعض) و لكن هذا التصرف جاء بخطة قامت بها الحكومة الجزائرية بأعلي سلطة فيها و قام بالتنفيذ جزائريين سفله من عتاة الإجرام عندهم . اما عن قولك (لو حدثت فعلاً) فسأترك لضميرك انت الحكم بعدما تعطي القليل من وقتك لتشاهد الكليبات المعروضه علي النت و لتقرء و لتعلم ما حدث داخل السودان من مجازر علي يد هؤلاء الهمج لمصريين كل جزائهم أنهم حضروا للسودان لتشجيع فريقهم. فقط أريد ان أسأل حضرتك سؤال ما حدث في السودان تشكك في حدوثه و ما حدث من ترويع و حرق للشركات التي يعمل بها مصريين في الجزائر و الذين لا ناقة لهم ولا جمل بما يحدث هل هذا هو الأخر محل شك ؟؟؟؟؟؟؟؟؟؟؟؟

مش غريبة شويه الحته الي سمعناها في وسائل الاعلام دي من ان الجزائريين كانوا بيشتروا السكاكين من السودان باضعاف ثمنها .. طيب ناس جايه في طيارات حربية يعني لا تفتيش ولا جمرك مش كان اسهل عليهم كل واحد مطوته في جيبه وسندويتشه في شنطته بدال مايروح لسه يشتري ويفاصل ويدفع الطاق طاقين ؟؟

انا مش بشكك في الواقعه لا سمح الله ولا اجروء بعد مالبعض من المتحمسين اشار لي بالسكين على رقبته بحركة ذات مغزى فمش هملك بعدها غير اقول آمين حصل وابصم بالعشرين كمان . . بس هو سؤال فعلا دار في ذهني بعد مشاهدتي لقناه الحياه اليوم النسخه المصرية من الام بي سي الي ماشاء الله تبارك الله متابعه الموقف تمام من اول المذيعه الي لابسه اسود وبتتكلم والدموع في عينيها الى الناس الي استضافتهم وكلامهم الي خلاني عاوزه اخذ اول وابور طالع الجزائر اولع في نصها وارجع وانتهاء بالفاصل مابين الفقرات الي بيحسسني اني بتفرج على السي ان ان في تغطيتها لاحداث حرب الخليج الثانية ..

نرجع لسؤال الحلقة ..

هل في مصلحه مصر انها تفضل دولة عربية ؟

طيب مانيجي نسأل السؤال بشكل تاني ..

هل في مصلحه مصر ان تبقى دولة بلا اي انتماء لا عربي ولا غيره ؟

مهو اصل لو سحبنا ورق مصر من العروبة فللاسف مفيش قدامنا بديل .. المدارس كلها قفلت ..

ان قلنا تبقى آسيوية.. مينفعش .. اسيا مقفوله على الي لحق وانولد فيها ..

طيب نقول افريقية بحكم النشأة يعني ؟ نقول ازاي ؟اذا كنا لسه قاطعين علاقات اتحاد افريقي مش عارف ايه في كورة ايه بعد الماتش الاخير .. وحتى لو حصل وبقينا افارقة هنعمل بيهم ايه ويعودوا علينا بايه اذا كانوا كلهم كده بالصلاة على النبي مش لاقيين ياكلوا نفسهم و عاوزين الي يصرف عليهم ويشيل الليلة .. ونموذج للي حصل في السودان يعرفنا الظهير الي ورانا من دول الجوار شكله ايه فيما لو لاقدر الله تعرضنا لاعتداء ( بجد ) ..

طيب نقول فرعونية ؟ كان على عيني ياحبة عيني .. مفيش غيرنا باقي من السلالة دي للاسف ..

نطلع على اوروبا ؟ ان كانوا رضيوا بتركيا كان يبقى في امل يرضوا بينا ..

نقول امريكا ؟ حيلتنا ايه نقدمه لها عشان تقدم لنا يد التحالف بالمقابل ؟ وياترى شكله ايه المقابل ده وهل احنا فعلا حمل اننا ندفعه ؟

وبالمناسبة .. فزي مااحنا بنتشرط و ( بنتنطط ) على الدول التانية عشان ندخل معاهم في حلف او مندخلش ونقول دول يستاهلوا او ميستاهلوش برضه اي دولة في العالم عشان ( تحط ايديها في ايدين مصر ) لازم يكون لها مصلحه معانا ولازم يكون لنا كدولة ثقل عشان حد يسمع احنا بنقول ايه .. هنقدم للدول الي عاوزين ننضم معاها ايه عشان في المقابل هي ترضى نكون حلفاء .. مش معقول نحسبها بالعواطف وغيرنا بيحسبها بالمسطرة .. مش هتيجي ابدا ..

نروح فين تاني ؟ مفيش غير القطب المتجمد اعتقد دي حالتهم كويسه وملهمش اتحاد وممكن يقبلونا ننضم معاهم بلا مشاكل ..

واخيرا بالنسبة للي مش عاجبهم دور الاخت الكبرى الي بتلعبه مصر اقول ياريتنا بجد فضلنا الاخت الكبرى الي مش عاجباكم دي في غيرنا دول ( حفيت ) عشان تبقى مكانا واحنا فرطنا في المكانة دي وتركناها بيضه مقشرة للي عاوز ..

مفيش حاجه في الدنيا ببلاش واحنا مكانش اكبر دولة عربية ببلاش .. كان لنا مكانتنا واحترامنا وهيبتنا وكلمة مصر لوحدها كانت بكلمة كل الدول العربية مجتمعه وقت ماكنا بنضحى بشيء من الدم وبعض من الذهب .. النهرده بطلنا نضحي فبطل يبقى لنا مكانه وبطل حد يسمع لنا صوت وآدي النتيجه عيالنا بتروح تنضرب بره وترجع بشهاده اعلامنا الي محدش راضي يصدقه ولا في اعلام تاني راضي يؤكد الكلام الي بينقال فيه .. تفتكروا ده ليه ؟ هل معادش عندنا ذهب ؟ ولا معادش عندنا دم ؟ ولا يجوز الاثنين ؟

نخليه سؤال الحلقة الجاية ..

[Abu Reem]

وبكل أسف أيام ريادة مصر دي على المستوى العربي أو العالمي راحت خلاص ، وما بقاش ينفع ترجع أيام كسوة الكعبة والتكية المصرية في السعودية ، والجيش المصري اللي يروح يحارب في اليمن ، ويروح يحرر الكويت ، ودعم الثورة الجزائرية ، ... إلخ!

إحنا اللي ما زلنا بنقاوح! وكلّه هجص ومسخرة ، ومنظرة ع الفاضي!

كل واحد يشيل شيلته بقى! محدّش بينفع حد!

أخونا moheltohamy قال الخلاصة في كلامه بالاعلى

هي دي الحقيقة ولكننا للأسف عاملين زي العيل إلى ماسك لعبة عمال يغيظ بيها الأطفال اللي حوله

انا الكبير ، أنا الحضارة ، ان الأحسن ،، أحنا الريادة ......

هذا الكلام لا بد أن يسبب الحقد والغيظ حتى لو كان حقائق سابقة أو حالية ...

قلتها قبل كده لازم الكلام الكبير ده نجبر الأخرين على قوله بمواقفنا وبتقدمنا ، وبأفعالنا وبجعل شعبنا عزيزا كريما ، وليس أن نردده نحن....الله لا يسامح اعلامنا .... ولا يسامح أفلامنا الهابطة التي تسببت في جزء كبير مما نحن فيه

[مصري أصيل]

بما أن حضرتك أقتبستي كلامي هرد علي مداخلة جضرتك في الجزء اللي يخصني أما أسئلة الحلقه و الحلقه الجايه اللي حضرتك مستنيه رد عليها هسيبها لحد يكون ليه في المسلسلات و الحلقات و انا بصراحه ماليش فيها

مش غريبة شويه الحته الي سمعناها في وسائل الاعلام دي من ان الجزائريين كانوا بيشتروا السكاكين من السودان باضعاف ثمنها .. طيب ناس جايه في طيارات حربية يعني لا تفتيش ولا جمرك مش كان اسهل عليهم كل واحد مطوته في جيبه وسندويتشه في شنطته بدال مايروح لسه يشتري ويفاصل ويدفع الطاق طاقين ؟؟

انا مش بشكك في الواقعه لا سمح الله ولا اجروء بعد مالبعض من المتحمسين اشار لي بالسكين على رقبته بحركة ذات مغزى فمش هملك بعدها غير اقول آمين حصل وابصم بالعشرين كمان . . بس هو سؤال فعلا دار في ذهني بعد مشاهدتي لقناه الحياه اليوم النسخه المصرية من الام بي سي الي ماشاء الله تبارك الله متابعه الموقف تمام من اول المذيعه الي لابسه اسود وبتتكلم والدموع في عينيها الى الناس الي استضافتهم وكلامهم الي خلاني عاوزه اخذ اول وابور طالع الجزائر اولع في نصها وارجع وانتهاء بالفاصل مابين الفقرات الي بيحسسني اني بتفرج على السي ان ان في تغطيتها لاحداث حرب الخليج الثانية ..

مش عارف مين قال ان اللي جاي في طائرة حربيه مش المفروض أنه يدخل المطار و الشنط تعدي علي سير التفتيش ... يعني حد قال ان الطائرات دي نزلت علي الملعب مباشرةً .. الطائرات نزلت المطار و طالما نزلت في المطار فسيجري عليها إجراءات التفتيش العادية . و لذلك كان من الصعب اصطحاب هؤلاء المجرمين للأسلحة علي الطائرة و لهذا قاموا بشراء هذه الأسلحة من السودان فما الغريب في ذلك ؟

علي فكره اذا كنتي حضرتك بتشككي في موضوع الطائرات الحربيه يمكنك مشاهدة صور الطائرات الحربيه و المكتوب عليها القوات الجويه الجزائرية و هي موجوده في مطار السودان.

أنا مش فاهم حضرتك شفتي الناس اللي اتصلت علي عمرو اديب علي الهواء بتستغيث من اللي بيحصل لها هناك ستات و رجاله ... هل يا تري الناس دي كلها متفقه علي روايه معينه و الناس اللي استضافوها في البرنامج سواء استضافه مباشرة او اتصال تليفوني كل دول كدابين ؟

اما اذا كان البعض مستهين بالإهانه اللي حصلت للمصريين في السودان فدي مشكلتهم مش مشكلة حد لأن بالتأكيد فيه ناس بتقبل بالإهانه لولاد بلدها و فيه ناس ما بتقبلش و بالتأكيد كل النمازج لازم تكون موجوده و الإختلاف في الرأي لا يفسد للود قضيه و الا أيه ؟؟؟؟؟؟؟؟؟؟؟؟

تم تعديل 20 نوفمبر 2009 بواسطة مصري أصيل

[tantrum]

قلتها قبل كده لازم الكلام الكبير ده نجبر الأخرين على قوله بمواقفنا وبتقدمنا ، وبأفعالنا وبجعل شعبنا عزيزا كريما ، وليس أن نردده نحن....الله لا يسامح اعلامنا .... ولا يسامح أفلامنا الهابطة التي تسببت في جزء كبير مما نحن فيه

:roseop: :)

bv:- bv:- bv:-

تم تعديل 20 نوفمبر 2009 بواسطة tantrum

[pink rose]

سؤال خطر على بالي لما قريت الموضوع و شفته انه في قسم الموضوعات الخفيفة

على اساس ايه في قسم موضوعات خفيفة

على اساس ان الطرح لطيف و ظريف و جايين نهوي على قلبنا فيه

بصراحة السؤال حرق دمي

هو في ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

و الله العظيم مش عارفه اقول ايه اقرأ كلامكم استعجب اشوف اعلامنا و قناة الحياة و البت المذيعة الرخمة اللي لابسة اسود دي و هاتعيط خلاص و كل واحد يتصل يتشنج شوية و هي تشجعه و الضيوف اللي معاها

و اللي يقول طيارات حربية و اللي يقول نروح نضربهم ضربة عسكرية سريعة

انتوا مين يا جماعة و احنا فين و احنا امتى

انا جالي هبل و الله

احنا في شهر الحج مش كده

عرفات كمان كام يوم مش كده برضه

3 مليون مسلم او اكتر رايحين يقفوا كلهم في عرفات جنب بعض لا تعرف دا بنغالي و لا هندي و لا مغربي و لا مصري و لا من بلاد واق الواق كله هناك مسلم

مسلم بس هو دا اللي ربنا عاوزه مننا اننا نكون كقلب رجل واحد هو دا دينا صح و لا انا المعلومة دي وصلاني غلط

تعرفوا انا عمري ما كنت احب اقول يا ريت ايام الاحتلال ترجع بس و الله كانت رحمة عارفين ليه

لاننا كلنا باختلاف بقى بلادنا كلنا هدفنا واحد

لما اتحررنا بقى كل واحد له هدف منفصل

حاليا بقى و لا اي حد له اي هدف

ما شاء الله كله بقى اهبل كله بقى خانع و مذلول لحاجات في منتهى التفاهة

اللي مذلول لسجارة و اللي مذلول لكرة و اللي المخدرات لحست نافوخه طبعا مش الكل بس دول الاغلبية

معلش انا باتكلم في حاجات كتير بس من الخيبة التقيلة اللي حاسة بيها و حزني علينا مش المصريين بس و لا العرب بس لا و الله المسلمين ككل

عرفوا يفرقونا فعلاااااااااااااااااااااااااااا حددوا هدفهم و نفذوه تمام

قالك الناس دي ما تجيش بحرب و احتلال و عساكر دول لازملهم ترتيب تاني خالص

اول حاجه فرق تسد اديله بقى سايكس بيكو و هوب اديله قومية عربية مع ان موضوع القومية و الهطل دا ضد اهم مبدأ في دينا في اسلامنا

و سابونا بقى احنا الحمدلله تولينا المسؤولية و تفننا في البعد و تقطيع بعض اكتر ما هما كانوا متوقعين بصراحة

انا مخنوقة جدااااااااااااااااااااااااااااااااااااا

من شوية فتحت اليوتيوب على حاجه حد هنا ضايفها عشان نبعت للفيفا نقول اللي حصل و الكلام دا

الفيديو و الله اعلم مش للماتش حد حاطه غلط باين او فيديو قديم الناس كلها معلقين على الحتة دي ان الفيديو كاذب و بالتالي اللي حاطه مصري كاذب و هيصه بقىىىىىىىىىىىىىىىى

اقذر كلام ممكن يتكتب و يتقال ايه داااااااااااااا

هو احنا بنكره بعض كده ليه هما بيكرهونا و احنا كمان

طبعا الشتايم مش من الطرفين المصري و الجزائري بس لا و الله دا كله دخل يجامل بقى

اللي من السودان و اللي من الاردن و اللي من الخليج

كل اللي في قلبه حاجه طلعها بس بقذارة متناهية

بس اكتر التعليقات اللي وجعت قلبي بجد انهم بيقلوا علينا بلد الرقاصات و مصر ام التمثيل مش ام الدنيا و اننا اللي فالحين فيه بس هو دااااااااااا

و واحد مصري لطيف اوي بيقول ايه بصوا الخيبة بالله عليكم بيعلق يقول اننا بعتنا الصفوة لكن هما بعتوا الرعاع

صفوة ايه يا معلم اللي بتتكلم عليها

هما دول بقوا صفوة المصريين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الممثلة اللي اسمها ميسرة دي كانت هناك انا شوفتها في الماتش هي دي بقت من الصفوة يا اخوانا و انا ما اعرفش

لقيت كلام الناس صح لما احنا بنقول على الممثلين و المطربين و الرقاصين صفوة ما الناس ليها حق تقول علينا بلد تمثيل و رقاصات

حاجه كمان بقى و دي انا شايفاها كل شوية بتتقال اننا اسيادهم و اننا عملنا و عملنا عشانهم علمناهم و اننا احسن منهم في كل شئ و المصري ضفره برقبة اي عربي تاني

هو ايه الكبر اللي احنا فيه دااااااااااااااااااااااا

و سؤال هو اللي جم و بنوا و علموا و بنوا البلاد دي كان لله في لله؟؟؟؟؟؟؟؟؟؟؟؟؟الناس دي كانت بتشتغل ببلاش؟كانوا متطوعين يعني ؟

و لا اخدوا اجرهم على تعبهم و شغلهم؟

على طول الكلام دا باشوفه هنا و في اليوتيوب احنا اسياد العرب ليه يا اخوانا كده و عاوزين الناس تحبنا

تخيل حضرتك واحد كل ما يشوف وشك يقولك انا سيدك و تاج راسك و شغال ذل فيك و في اهلك تفتكر ممكن يحبك

سامحوني طولت عليكم و من فضلكم مش عاوزة حد يزعل مني و لا من كلامي

بس انا حزينة اني اكتشفت النهاردة مدى كره معظم الناس لينا

يمكن اللي قريته في اليوتيوب مأثر على نفسيتي جامد و والله متنكدة جدا

[أبو محمد]

مداخلة كتبتها فى موضوع آخر .. أعيدها هنا لمن يستكثر علينا حتى الغضب .. ولأكرر تهنئتهم على ما يجرى فى عروقهم

لطمة تلقيناها على الوجه .. ليتها تكون اللطمة التى نفيق بعدها

إنها لطمة لكل من لم يعى دروس التاريخ ..

كنت أستشيط غضبا من كتابات بعض الأبناء والزملاء .. الذين يستعذبون جلد ظهورنا بأقلامهم .. يبحثون دائما عن شئ يلعنونه .. حتى تجرأ البعض منهم حد لعن الوطن بوعى أو بدون وعى بالفرق بين الوطن وفساد من يحكمه .. ومن يلعن وطنه لا يجب أن يأتى بعد أن يتلقى اللطمة على وجهه ليلعن من لطمه ..

لم أكن أتصور أن أرى مصريا يسأل سؤالا مثل : لو احتلت إسرائيل سيناء ، هل ستحارب من أجل استردادها ؟

لم أكن أتصور أن أرى مصريا يكتب متضامنا مع من قذف سفارة بلده بالحذاء على مقربة من سفارة إسرائيل التى لم يفكر ذلك الوغد - الذى وجد فى قدمه حذاء - أن يوجهه نحوها

لم أكن أتصور أن أرى أقلاما مصرية تبحث عن أعذار للذين حرقوا علم مصر على أرضهم كما اعتادوا على حرق علم إسرائيل وأمريكا

لم أكن أتصور أن أرى من المصريين من يثنى على بلطجة "الآخر" ويصفه بأن عنده كرامة ..

أنا هنا أتكلم عن رموز الوطن ، أرض من الوطن يمكن أن يحتلها العدو .. سفارة الوطن (قطعة منه على أرض البلد المضيف) تُقذف بالحذاء دون أن تُمس سفارة العدو القريبة منها ، علم الوطن الذى يُحرق أمام عينيه ويبحث هو عن أعذار لمن حرقه ..

الذى يتضامن مع من يهين رمز وطنه .. الذى لا يعرف الفرق بين علم وطنه وأى قطعة قماش ملونة .. الذى لا يعرف الفرق بين سفارة بلده وأى مرحاض عمومى .. من يتساءل إذا كان لابد من القتال لاسترداد ثلث مساحة وطنه إذا احتلها عدو .. يستحق أن يسبه قاذف الحذاء .. ويستحق أن يلطمه حارق العلم .. ويستحق أن يستبيح حرماته من إذا احتُلت ثلث مساحة وطنه يقف بليدا متسائلا : هل يجب أن أقاتل لأسترد تلك القطعة من الأرض ؟

عندما أقرأ لافتة يحملها جمهور كرة قدم تقول : شعب الجزائر والسودان والمسلمون ضد اليهود .. عندما أرى جمهور كرة قدم يستبدل شعار وطنى بنجمة داوود فى وسط علم وطنى .. عندما أرى جمهور كرة قدم يمزق علم وطنى ويحرقه .. عندما أرى جمهور كرة قدم يستوقف السيارات ليفرش أمامها علم وطنى لتدوس عليه .. عندما أرى كل ذلك .. أقول : عندما يهون الوطن على أبنائه فليتوقعوا مزيدا من اللطمات ..

من يستكثر علينا حتى الغضب فهنيئا له بما يجرى فى عروقه

درس صغير من التاريخ .. عله يكبح جماح العاطفة غير العاقلة التى تستثيرها الشعارات .. درس مات الرجل قبل أن يوضحه لمن انخدعوا بالشعارات التى كان هو يرددها بإخلاص حتى وقعت الواقعة ، واستوعب الدرس .. لكن متأخرا ..

الدرس حكاه لى أستاذى فى الجامعة سنة 1972 كنت فى ذلك الوقت ضابط احتياط انتظر حلا للمأزق الذى انحشر فيه جيلى .. كان أستاذى عضوا فى اللجنة المركزية للاتحاد الاشتراكى العربى وسمع ما قاله الرئيس الراحل جمال عبد الناصر فى آخر اجتماع ترأسه لتلك اللجنة .. وفى عصر الإنترنت وجدت محضر تلك الجلسة على موقع مكتبة الاسكندرية (انعقدت الجلسة برئاسته - يرحمه الله - يوم 22 يوليو 1970 ) .. وقرأت ما قاله لى أستاذى

أفضِّل أن تقرأوه كما قاله الرجل قبل وفاته بشهرين .. وقبل أن يصارحنا به :

بالنسبة للدول العربية مين بيحارب من الدول العربية ؟ .. انتم عارفين .. رحنا الرباط وحصل إيه ؟ .. احنا ميزانيتنا كانت 160 مليوناً .. السنة دى ميزانيتنا 553 مليون جنيه .. مين ادَّانا حاجة؟ .. ماحدش ادَّانا حاجة . وبعدين احنا اللى بنحارب وهمَّ فى مزايدات، وفاهمين انهم بهذا بيقدروا ياخدوا الجماهير .. وبرضه ماقدروش . يعنى احنا كنا فى أسوأ حالاتنا وماقدروش ياخدوا الجماهير العربية، لَمَّا رحنا طرابلس .. ولَمَّا جه هنا معمر القذافى واتكلم .. ماعرفش ان الكلام ده اتقال فى الجلسة اللى فاتت.. قالوا: إن العـراق والجزائر مستعدين يشتركوا بكل قواتهم فى المعركة إذا غيرنا الهدف بتاعنا، بدل أن يكون إزالة آثار العدوان .. يكون تحرير الأراضى المحتلة.. أى تحرير فلسطين . فى الحقيقة أنا باعتبر انهم قالوا هذا الكلام على أساس أننا لن نقبله، ولكن احنا قبلنا هذا الكلام "تحرير الأراضى المحتلة"، ورحنا طرابلس .. وحنشوف حيحصل إيه نتيجة لهذا .

القوات العراقية موجودة فى الأردن .. مافيش قنبلة بتيجى على القوات العراقية .. ومافيش ضرب على القوات الأردنية، اللى بينضربوا فى الأردن هُمَّ المقاومة . الحقيقة الناس اللى بيبنوا قواتهم هم السوريين .. ومازالوا متمسكين باتفاق وقف إطلاق النار سنة 1967 .. احنا لغينا هذا الاتفاق، وعلى هـذا الأساس ممكن كل شهرين ثلاثة يحصل صـدام .. أو تحصل معركة . أنا مثلاً فى الاتحاد السوفييتى قالوا لى كان فيه وفد عربى بيفاوضهم من اليمن الجنوبية، وبيقول رفض الحل السلمى وضرورة الحل العسكرى. هم كانوا بيتكلموا فى الاتحاد السوفييتى، ماعندهمش ولا دبابة .. عايزين 20 دبابة، ماعندهمش ولا طيارة .. عايزين 5 طيارات، فقالوا لهم : ده انتم ماعندكوش ولا دبابة .. ولا طيارة، وبتتكلموا ازاى عن الحرب العسكرية .. حتحاربوا ازاى ؟ .. قالوا لهم : الجمهورية العربية المتحدة هى اللى حتحارب .. كده بهذه البساطة ! فى الحقيقة فى هذا يجب نكون واقعيين، والشعب العربى فاهم هذه الأمور .

والملك فيصل رافض الحل السلمى وبيقول : إن الكفاح المسلح - فى البيان المشترك بينه وبين الجزائر - هو السبيل الوحيد . طيب فين هُوَّ الكفاح المسلح بتاع المملكة العربية السعودية ؟ .. مافيش !! فيه لواء لهم فى الأردن ماضربش الإسرائيليين عليه ولا طلقة، ولَمَّا دخلوا الإسرائيليين فى حتة رجع، والفدائيين هُمَّ اللى راحوا حاربوا هناك .

يعنى فى الحقيقة مش معنى ده إن أنـا بارمى طوبة الفكرة العربية .. والبلاد العربية .. والكلام ده ، لكن هناك تناقضات موجودة فى القيادات العربية يجب ألاَّ نتجاهلها، وهناك قيادات عربية بتعتبر انها أحق الناس بقيادة الأمة العربية ، فمثلاً فى العراق قالوا إن هُمَّ القيادة اللى جت بعد الهزيمة .. وأن القيادات المهزومة لا تستطيع أن تقود ، وإنهم هُمَّ اللى طالعين لقيادة الأمة العربية . هُمَّ موجودين من سنة 1968 لغاية سنة 1970 .. ماحدش أبداً بيستجيب لهذا الكلام .. لا فى العراق نفسها .. ولا فى غيرها، بل يمكن بالعكس احنا لا نشتغل ضد أحد، واحنا لو اللى بيشتغلوا النهارده بهذا الكلام بنشتغل ضدهم .. بنسبب لهم متاعب لا أول لها ولا آخر ، لأن فيه - فى الحقيقة - جماهير بتؤيدنا فى كل البلاد العربية .

بالنسبة يعنى واحـد مثلاً يقولك: احنا لازم نحارب حتى لو نضحى بمليون ، فأنا رديت قلت له: " تضحوا بمليون مصرى .. ولاَّ تضحوا بمليون إيه "؟. يعنى الحقيقة دى مواضيع يجب اننا نحطها فى حسابنا ونعترف بها

ووافته المنية بعدها بشهرين قبل أن يصارحنا بالدرس الذى تعلمه وطالب أعضاء اللجنة المركزية بالاعتراف به..

أرجو أن يعى الدرس من يرى أن عزته فى هوان وطنه عليه تحت أى شعار أو حلم بعيد المنال .. فلنقدر لكل شئ قدره .. مرحبا بالانتماء للأمة العربية ولكن ليس على حساب الانتماء للوطن فلن نصبح أبدا وطنا عربيا واحدا .. مرحبا بانتمائنا للأمة الإسلامية ولكن ليس على حساب انتمائنا للوطن .. فلن تتوحد أبدا مصر وأفغانستان وباكستان والبوسنة فى دولة إسلامية واحدة

[عبير يونس]

مداخلة كتبتها فى موضوع آخر .. أعيدها هنا لمن يستكثر علينا حتى الغضب .. ولأكرر تهنئتهم على ما يجرى فى عروقهم

لطمة تلقيناها على الوجه .. ليتها تكون اللطمة التى نفيق بعدها

إنها لطمة لكل من لم يعى دروس التاريخ ..

كنت أستشيط غضبا من كتابات بعض الأبناء والزملاء .. الذين يستعذبون جلد ظهورنا بأقلامهم .. يبحثون دائما عن شئ يلعنونه .. حتى تجرأ البعض منهم حد لعن الوطن بوعى أو بدون وعى بالفرق بين الوطن وفساد من يحكمه .. ومن يلعن وطنه لا يجب أن يأتى بعد أن يتلقى اللطمة على وجهه ليلعن من لطمه ..

لم أكن أتصور أن أرى مصريا يسأل سؤالا مثل : لو احتلت إسرائيل سيناء ، هل ستحارب من أجل استردادها ؟

لم أكن أتصور أن أرى مصريا يكتب متضامنا مع من قذف سفارة بلده بالحذاء على مقربة من سفارة إسرائيل التى لم يفكر ذلك الوغد - الذى وجد فى قدمه حذاء - أن يوجهه نحوها

لم أكن أتصور أن أرى أقلاما مصرية تبحث عن أعذار للذين حرقوا علم مصر على أرضهم كما اعتادوا على حرق علم إسرائيل وأمريكا

لم أكن أتصور أن أرى من المصريين من يثنى على بلطجة "الآخر" ويصفه بأن عنده كرامة ..

أنا هنا أتكلم عن رموز الوطن ، أرض من الوطن يمكن أن يحتلها العدو .. سفارة الوطن (قطعة منه على أرض البلد المضيف) تُقذف بالحذاء دون أن تُمس سفارة العدو القريبة منها ، علم الوطن الذى يُحرق أمام عينيه ويبحث هو عن أعذار لمن حرقه ..

الذى يتضامن مع من يهين رمز وطنه .. الذى لا يعرف الفرق بين علم وطنه وأى قطعة قماش ملونة .. الذى لا يعرف الفرق بين سفارة بلده وأى مرحاض عمومى .. من يتساءل إذا كان لابد من القتال لاسترداد ثلث مساحة وطنه إذا احتلها عدو .. يستحق أن يسبه قاذف الحذاء .. ويستحق أن يلطمه حارق العلم .. ويستحق أن يستبيح حرماته من إذا احتُلت ثلث مساحة وطنه يقف بليدا متسائلا : هل يجب أن أقاتل لأسترد تلك القطعة من الأرض ؟

عندما أقرأ لافتة يحملها جمهور كرة قدم تقول : شعب الجزائر والسودان والمسلمون ضد اليهود .. عندما أرى جمهور كرة قدم يستبدل شعار وطنى بنجمة داوود فى وسط علم وطنى .. عندما أرى جمهور كرة قدم يمزق علم وطنى ويحرقه .. عندما أرى جمهور كرة قدم يستوقف السيارات ليفرش أمامها علم وطنى لتدوس عليه .. عندما أرى كل ذلك .. أقول : عندما يهون الوطن على أبنائه فليتوقعوا مزيدا من اللطمات ..

من يستكثر علينا حتى الغضب فهنيئا له بما يجرى فى عروقه

درس صغير من التاريخ .. عله يكبح جماح العاطفة غير العاقلة التى تستثيرها الشعارات .. درس مات الرجل قبل أن يوضحه لمن انخدعوا بالشعارات التى كان هو يرددها بإخلاص حتى وقعت الواقعة ، واستوعب الدرس .. لكن متأخرا ..

الدرس حكاه لى أستاذى فى الجامعة سنة 1972 كنت فى ذلك الوقت ضابط احتياط انتظر حلا للمأزق الذى انحشر فيه جيلى .. كان أستاذى عضوا فى اللجنة المركزية للاتحاد الاشتراكى العربى وسمع ما قاله الرئيس الراحل جمال عبد الناصر فى آخر اجتماع ترأسه لتلك اللجنة .. وفى عصر الإنترنت وجدت محضر تلك الجلسة على موقع مكتبة الاسكندرية (انعقدت الجلسة برئاسته - يرحمه الله - يوم 22 يوليو 1970 ) .. وقرأت ما قاله لى أستاذى

أفضِّل أن تقرأوه كما قاله الرجل قبل وفاته بشهرين .. وقبل أن يصارحنا به :

بالنسبة للدول العربية مين بيحارب من الدول العربية ؟ .. انتم عارفين .. رحنا الرباط وحصل إيه ؟ .. احنا ميزانيتنا كانت 160 مليوناً .. السنة دى ميزانيتنا 553 مليون جنيه .. مين ادَّانا حاجة؟ .. ماحدش ادَّانا حاجة . وبعدين احنا اللى بنحارب وهمَّ فى مزايدات، وفاهمين انهم بهذا بيقدروا ياخدوا الجماهير .. وبرضه ماقدروش . يعنى احنا كنا فى أسوأ حالاتنا وماقدروش ياخدوا الجماهير العربية، لَمَّا رحنا طرابلس .. ولَمَّا جه هنا معمر القذافى واتكلم .. ماعرفش ان الكلام ده اتقال فى الجلسة اللى فاتت.. قالوا: إن العـراق والجزائر مستعدين يشتركوا بكل قواتهم فى المعركة إذا غيرنا الهدف بتاعنا، بدل أن يكون إزالة آثار العدوان .. يكون تحرير الأراضى المحتلة.. أى تحرير فلسطين . فى الحقيقة أنا باعتبر انهم قالوا هذا الكلام على أساس أننا لن نقبله، ولكن احنا قبلنا هذا الكلام "تحرير الأراضى المحتلة"، ورحنا طرابلس .. وحنشوف حيحصل إيه نتيجة لهذا .

القوات العراقية موجودة فى الأردن .. مافيش قنبلة بتيجى على القوات العراقية .. ومافيش ضرب على القوات الأردنية، اللى بينضربوا فى الأردن هُمَّ المقاومة . الحقيقة الناس اللى بيبنوا قواتهم هم السوريين .. ومازالوا متمسكين باتفاق وقف إطلاق النار سنة 1967 .. احنا لغينا هذا الاتفاق، وعلى هـذا الأساس ممكن كل شهرين ثلاثة يحصل صـدام .. أو تحصل معركة . أنا مثلاً فى الاتحاد السوفييتى قالوا لى كان فيه وفد عربى بيفاوضهم من اليمن الجنوبية، وبيقول رفض الحل السلمى وضرورة الحل العسكرى. هم كانوا بيتكلموا فى الاتحاد السوفييتى، ماعندهمش ولا دبابة .. عايزين 20 دبابة، ماعندهمش ولا طيارة .. عايزين 5 طيارات، فقالوا لهم : ده انتم ماعندكوش ولا دبابة .. ولا طيارة، وبتتكلموا ازاى عن الحرب العسكرية .. حتحاربوا ازاى ؟ .. قالوا لهم : الجمهورية العربية المتحدة هى اللى حتحارب .. كده بهذه البساطة ! فى الحقيقة فى هذا يجب نكون واقعيين، والشعب العربى فاهم هذه الأمور .

والملك فيصل رافض الحل السلمى وبيقول : إن الكفاح المسلح - فى البيان المشترك بينه وبين الجزائر - هو السبيل الوحيد . طيب فين هُوَّ الكفاح المسلح بتاع المملكة العربية السعودية ؟ .. مافيش !! فيه لواء لهم فى الأردن ماضربش الإسرائيليين عليه ولا طلقة، ولَمَّا دخلوا الإسرائيليين فى حتة رجع، والفدائيين هُمَّ اللى راحوا حاربوا هناك .

يعنى فى الحقيقة مش معنى ده إن أنـا بارمى طوبة الفكرة العربية .. والبلاد العربية .. والكلام ده ، لكن هناك تناقضات موجودة فى القيادات العربية يجب ألاَّ نتجاهلها، وهناك قيادات عربية بتعتبر انها أحق الناس بقيادة الأمة العربية ، فمثلاً فى العراق قالوا إن هُمَّ القيادة اللى جت بعد الهزيمة .. وأن القيادات المهزومة لا تستطيع أن تقود ، وإنهم هُمَّ اللى طالعين لقيادة الأمة العربية . هُمَّ موجودين من سنة 1968 لغاية سنة 1970 .. ماحدش أبداً بيستجيب لهذا الكلام .. لا فى العراق نفسها .. ولا فى غيرها، بل يمكن بالعكس احنا لا نشتغل ضد أحد، واحنا لو اللى بيشتغلوا النهارده بهذا الكلام بنشتغل ضدهم .. بنسبب لهم متاعب لا أول لها ولا آخر ، لأن فيه - فى الحقيقة - جماهير بتؤيدنا فى كل البلاد العربية .

بالنسبة يعنى واحـد مثلاً يقولك: احنا لازم نحارب حتى لو نضحى بمليون ، فأنا رديت قلت له: " تضحوا بمليون مصرى .. ولاَّ تضحوا بمليون إيه "؟. يعنى الحقيقة دى مواضيع يجب اننا نحطها فى حسابنا ونعترف بها

ووافته المنية بعدها بشهرين قبل أن يصارحنا بالدرس الذى تعلمه وطالب أعضاء اللجنة المركزية بالاعتراف به..

أرجو أن يعى الدرس من يرى أن عزته فى هوان وطنه عليه تحت أى شعار أو حلم بعيد المنال .. فلنقدر لكل شئ قدره .. مرحبا بالانتماء للأمة العربية ولكن ليس على حساب الانتماء للوطن فلن نصبح أبدا وطنا عربيا واحدا .. مرحبا بانتمائنا للأمة الإسلامية ولكن ليس على حساب انتمائنا للوطن .. فلن تتوحد أبدا مصر وأفغانستان وباكستان والبوسنة فى دولة إسلامية واحدة

كنت أنتظر مداخلة لحضرتك في هذا الوقت العصيب

و كم ارتحت لرؤية كلام حضرتك الدسم بسلاسة كالعادة يافندم

طول مافي ناس زي حضرتك لسه في أمل

[أسد]

لم يعد العرب بحاجة إلى مصر .. وكذلك من المفروض أن تتوقف حاجة مصر عند العرب ...

كان العرب يتشدقون بالعروبة أيام كانوا في غياهب الظلمات .. يحتاجون من يعلمهم.. ويدرسهم ويطببهم ..

أما اليوم ..

فقد زادت أموالهم .. وجرى النفط في عروقهم ..

فأسسوا إتحادهم الخليجي ..

أو قالوا أننا عرب أوروبيون ..

أو قالوا أننا أفارقة .. مالنا ومال العرب ..

ومنهم من قال أننا أصلاً فرس .. فماذا تعني العربية لنا ..

العرب .. دعموا صدام حسين .. طوال سنوات .. يحارب إيران لمصالح دول الخليج .. ولتكون تسميته الخليج العربي .. بدلاً من الخليج الفارسي ..

ثم أنزلوه عند أول منحنى ..

العرب في كل مكان عندما يستغنون عنا .. يرمون شعارات العروبة في المهملات ..

العرب .. تركوا مصر .. وانشقوا عنها بعدما قررت مصر أن تتوقف عن نزيف الحرب .. وبعد أن استعادت أرضها بإتفاقية سلام ..

لم يعودوا بحاجة إليها .. فقد إعتزل الجندي .. فما بالهم بنا ..

هكذا يفكرون ..

أما نحن ..

فهل لازلنا نأمل بأموال النفط ..

ولكنهم لا يفكرون إلا في مصالحهم ..

من يتشدق بالعروبة والأمة الإسلامية ..

في بلاد .. يعمل بها ملايين الهندوس والسيخ .. ومن كل ديانات الأرض ..

الدافع الوحيد هو المصلحة ..

إذن ..

هم يدينون بفقه المصلحة .. المصلحة لاشخصية ..

ونحن نعيش في الوهم ..

العرب في المغرب العربي ..

كما ترى .. غما أن يحكمهم معتوه في ليبيا أو ملك مستبد في المغرب أو ديكتاتور في تونس أو عسكر في الجزائر ..أو إنقلاب كل كام شهر كما في موريتانيا ..

سيطر على بعضهم شرور التطرف .. ودعمتهم طبيعة الصحراء فصاروا أكثر همجية ..

وفي الصومال .. لا داعي للشرح .. والسودان غني عن التعريف ..

الدعوة .. هنا واقعية .. ولكنها بحكم الجغرافيا مستحيلة ..

ولكن ..

يمكننا أن نعيد التفكير والنظر في هذا المنهاج ..

كيف نريد أن نكون .. وكيف تكون مصالحنا ..

لا توجد دولة عربية واحدة ترغب في رفع شعار العروبة .. إلا فقط من أجل حفظ ماء الوجه ..

فكلهم يتبرأون منها وقت اللزوم .. وفي الغرف المغلقة .. ولكن لأنها أداة وعدة من عدد الشغل . وأدوات الحكم .. فيجب أن يستخدموها ..

العروبة إكذوبة كبيرة ..

وإن صدقت .. فهي تعني .. جهل وتخريف وأنانية وتخلف .. ودونية .. واستغلال ..

الأوروبيون .. إتحدوا بدافع الجغرافيا والمصلحة ..

ولكن التاريخ كان كله صراعات وقتل وحروب ..

لا دولة تتحدث نفس لغة الدولة الأخرى .. ومع ذلك فالعقول متوحدة ..

أما نحن ..

عرب ..

سلامات ياعرب ..

[شرف الدين]

بسم الله الرحمن الرحيم

الأخ / أسد

اروع جملة معبرة

سلامات يا عرب

[عبير يونس]

لم يعد العرب بحاجة إلى مصر .. وكذلك من المفروض أن تتوقف حاجة مصر عند العرب ...

كان العرب يتشدقون بالعروبة أيام كانوا في غياهب الظلمات .. يحتاجون من يعلمهم.. ويدرسهم ويطببهم ..

أما اليوم ..

فقد زادت أموالهم .. وجرى النفط في عروقهم ..

فأسسوا إتحادهم الخليجي ..

أو قالوا أننا عرب أوروبيون ..

أو قالوا أننا أفارقة .. مالنا ومال العرب ..

ومنهم من قال أننا أصلاً فرس .. فماذا تعني العربية لنا ..

العرب .. دعموا صدام حسين .. طوال سنوات .. يحارب إيران لمصالح دول الخليج .. ولتكون تسميته الخليج العربي .. بدلاً من الخليج الفارسي ..

ثم أنزلوه عند أول منحنى ..

العرب في كل مكان عندما يستغنون عنا .. يرمون شعارات العروبة في المهملات ..

العرب .. تركوا مصر .. وانشقوا عنها بعدما قررت مصر أن تتوقف عن نزيف الحرب .. وبعد أن استعادت أرضها بإتفاقية سلام ..

لم يعودوا بحاجة إليها .. فقد إعتزل الجندي .. فما بالهم بنا ..

هكذا يفكرون ..

أما نحن ..

فهل لازلنا نأمل بأموال النفط ..

ولكنهم لا يفكرون إلا في مصالحهم ..

من يتشدق بالعروبة والأمة الإسلامية ..

في بلاد .. يعمل بها ملايين الهندوس والسيخ .. ومن كل ديانات الأرض ..

الدافع الوحيد هو المصلحة ..

إذن ..

هم يدينون بفقه المصلحة .. المصلحة لاشخصية ..

ونحن نعيش في الوهم ..

العرب في المغرب العربي ..

كما ترى .. غما أن يحكمهم معتوه في ليبيا أو ملك مستبد في المغرب أو ديكتاتور في تونس أو عسكر في الجزائر ..أو إنقلاب كل كام شهر كما في موريتانيا ..

سيطر على بعضهم شرور التطرف .. ودعمتهم طبيعة الصحراء فصاروا أكثر همجية ..

وفي الصومال .. لا داعي للشرح .. والسودان غني عن التعريف ..

الدعوة .. هنا واقعية .. ولكنها بحكم الجغرافيا مستحيلة ..

ولكن ..

يمكننا أن نعيد التفكير والنظر في هذا المنهاج ..

كيف نريد أن نكون .. وكيف تكون مصالحنا ..

لا توجد دولة عربية واحدة ترغب في رفع شعار العروبة .. إلا فقط من أجل حفظ ماء الوجه ..

فكلهم يتبرأون منها وقت اللزوم .. وفي الغرف المغلقة .. ولكن لأنها أداة وعدة من عدد الشغل . وأدوات الحكم .. فيجب أن يستخدموها ..

العروبة إكذوبة كبيرة ..

وإن صدقت .. فهي تعني .. جهل وتخريف وأنانية وتخلف .. ودونية .. واستغلال ..

الأوروبيون .. إتحدوا بدافع الجغرافيا والمصلحة ..

ولكن التاريخ كان كله صراعات وقتل وحروب ..

لا دولة تتحدث نفس لغة الدولة الأخرى .. ومع ذلك فالعقول متوحدة ..

أما نحن ..

عرب ..

سلامات ياعرب ..

تعرف يافندم

كلام الناس اللي حاصل في المحاورات

و اللي بيحاولوا يقزموا الأحداث الجارية

و كأنها لم تكن

و محاولة مهاجمة كل من يشعر حتى بالحزن لما حدث

بيفكرني بمشهد لكتير من الأمهات المصريات

اللي لما حد يزعق لولادها

تروح من غيظها شاخطة في ولادها وضرباهم

و لا تعليق أكثر من ذلك

كلام حضرتك صحيح تماما

الأوروبين عملوا اتحاد أوروبي بالعقل

و كانت بينهم حروب دامية لقرون عديدة

بس همة ما بيضحكوش على نفسهم

و يعيشوا في الوهم

اتحادهم اتحاد مصالح

و همة عارفين ده

و ما بينكروش

أما احنا اتعودنا دايما نكون ملكيين أكتر من الملك

ده في كل حاجة مش بس العروبة

الشيوعية مثلا

انهارت وانهار معاها الاتحاد السوفيتي

و مازال بيننا من لازال يؤمن بمبادئها!!!

التطرف الديني

يُحَارب في السعودية

و بدأوا عهدا جديدا

يحارب الاتجاهات المتطرفة التي تحكمت فيهم طويلا

و نحن ندافع عنه

و نتمسك به!!!

و العروبة

التي ماتت و شبعت موت الا عندنا احنا بس

ندافع عنها حتى آخر قطرة في دمائنا

حتى لو العرب نفسهم تبرأوا منها!!!

دي طبيعة مصرية يافندم

التمسك الشديد بالفكرة

و التمادي في اعتناقها

حتى لو أثبتت فشلها

هي طبيعة ممكن تحويلها لتصرف إيجابي

و هو اننا نتمسك تمسكا شديدا ببلدنا لحد ما تقوم من محنتها

تحياتي

:happy:

[أسد]

كان لمصر تاريخياً دور هام للعرب أجمع .. جعل منها ومن قائدها أي من كان زعيم للأمة العربية ..

إلى أن تمت إتفاقية السلام مع إسرائيل ..

فقرر العرب عزل مصر كنوع من العقاب لمصر ..

فهل ياترى كان هذا عقاب ..

أشك ..

ولكن .. وبعد موت السادات وتولي مبارك للحكم ..

سعى لإعادة العلاقات المصرية العربية ..

وعادت العلاقات المصرية العربية ..

ولكنها عادت كما لم تكن من قبل ..

عادت في صورة مسخ .. لا هو حقيقي ولا هو غير موجود ...

مسخ ..

الأمة لاعربية هي في حقيقتها مسخ ..

ومصر للأسف الشديد .. ليس لها دور .. ولم يعد لديها أوراق هامة ..

وأصبح من الممكن الإستغناء عن أي دور تقوم به مصر ..

فتجد أن دولة مثل قطر .. والذي يمكن أن نشبهها بأنها زائدة دودية في الجزيرة العربية ..

لها صوت .. وصدى ..

ولديهم مائدة كبيرة يجمعون عليها بعض القوى للتفاوض حولها .. والتفاهم ..

ولديهم من الأوراق النقدية والسياسية ما تمكنهم من اللعب والشقلبة ..

السعودية .. وملكها .. الذي أصبح معتبراً ككبير للأمة العربية !!! ورأس الحكمة فيها ..

هذا لأن كبيرنا قد هوى .. ولم يعد له ولا أثر ...

حزنت بشدة .. فمنذ عدة سنوات .. سافر الرئيس مبارك . رئيس مصر .. ليلتقي بملك المملكة العربية السعودية في أبها ..

وأبها هي مدينة صغيرة .. في جنوب السعودية ..وهذا أمر يعتبر خارج عن البروتوكول ..

شبه علي عندما يستدعي الكفيل أحد موظفيه ويقول له ..

خلاص نتقابل في المكان الفلاني .. أنا حاكون موجود من الساعة 3 إلى 5 .. إذا عايزني مر علي هناك ..

أنا حزين وغاضب ..

مثلي مثل الكثيرون .. في مصر ..

غاضبون .. ومستاءون ..

[tantrum]

عندما ننسلخ عن عروبتنا من أجل مباراة كرة و جمهور متعصب

سيكون الدور على جماهير الأهلى و الزمالك

و مطالبة كل منهما بدولة مستقلة منسلخين عن مصريتهم

و ربما طالب كل فريق من فرق الأقاليم بدولة مستقلة تستغنى عن دول الأقاليم الأخرى و تعاديها

[Ambitious]

عندما ننسلخ عن عروبتنا من أجل مباراة كرة و جمهور متعصب

سيكون الدور على جماهير الأهلى و الزمالك

و مطالبة كل منهما بدولة مستقلة منسلخين عن مصريتهم

و ربما طالب كل فريق من فرق الأقاليم بدولة مستقلة تستغنى عن دول الأقاليم الأخرى و تعاديها

كفانا شعارات وخلطا للاوراق تحت عنوان التعقل وعدم التعصب .. الموضوع لم يكن إطلاقا مباراة فى كرة القدم .. نحن نتحدث عن ما حدث بعد مباراة كرة القدم والذى ينم عن كره بغيض وحقد مقيت من مجموعة من الهمج .. نتحدث عن حالة التشفى التى اصابت العديد من (الشعوب) العربية لما حدث .. نرجو وضع الأمور فى نصابها .. لم نصل إلى هذا الذل إلا بإدعاءات التعقل والحكمة الواهية التى نسمعها من الثمنينات

[عفاف سالم]

الهوجة دي كلها حصلت بسبب هزيمتنا ولو كنا فزنا ورحنا كاس العالم ما كانش حد فتح بقه او حس بالمرارة الشديدة اللي حاسين بيها ، اللي حصل للجمهور المصري يعتبر شيء متوقع في ظل الشحن الإعلامي و حساسية المباراة وما ننساش موضوع الاعتداء على باص الفريق الجزايري واصابة عدد من لاعبيهم واللي هما ادعوا انها تمت تحت مباركة قوات الأمن المصرية . اللي حصل حصل وما فيش داعي لتكبير الموضوع ولازم ننسى كل حاجة ونفتح صفحة جديدة وما نخليش كرة القدم تسيء للعلاقات بين البلدين .

[tantrum]

عندما ننسلخ عن عروبتنا من أجل مباراة كرة و جمهور متعصب

سيكون الدور على جماهير الأهلى و الزمالك

و مطالبة كل منهما بدولة مستقلة منسلخين عن مصريتهم

و ربما طالب كل فريق من فرق الأقاليم بدولة مستقلة تستغنى عن دول الأقاليم الأخرى و تعاديها

كفانا شعارات وخلطا للاوراق تحت عنوان التعقل وعدم التعصب .. الموضوع لم يكن إطلاقا مباراة فى كرة القدم .. نحن نتحدث عن ما حدث بعد مباراة كرة القدم والذى ينم عن كره بغيض وحقد مقيت من مجموعة من الهمج .. نتحدث عن حالة التشفى التى اصابت العديد من (الشعوب) العربية لما حدث .. نرجو وضع الأمور فى نصابها .. لم نصل إلى هذا الذل إلا بإدعاءات التعقل والحكمة الواهية التى نسمعها من الثمنينات

لك أنت أن تكتفى عن التعقل و عدم التعصب

و لن لا تفرض رأيك على غيرك

لك أنت أن تنساق خلف مطرب تخلف عن التجنيد فى الشحن ضد بلد مسلمة بالكامل و بداعى لعب الكرة

و لكن ليس لك أن تفرض رأيك على غيرك

كنت سأضع لك صورة للأسرى المصريين منذ 1967 حتى تميز من عدونا و أين ثأرنا و ما هى قضيتنا

و لكنى تحرجت من جرح المشاعر

تم تعديل 21 نوفمبر 2009 بواسطة tantrum

[لكلوك]

عندما ننسلخ عن عروبتنا من أجل مباراة كرة و جمهور متعصب

سيكون الدور على جماهير الأهلى و الزمالك

و مطالبة كل منهما بدولة مستقلة منسلخين عن مصريتهم

و ربما طالب كل فريق من فرق الأقاليم بدولة مستقلة تستغنى عن دول الأقاليم الأخرى و تعاديها

كفانا شعارات وخلطا للاوراق تحت عنوان التعقل وعدم التعصب .. الموضوع لم يكن إطلاقا مباراة فى كرة القدم .. نحن نتحدث عن ما حدث بعد مباراة كرة القدم والذى ينم عن كره بغيض وحقد مقيت من مجموعة من الهمج .. نتحدث عن حالة التشفى التى اصابت العديد من (الشعوب) العربية لما حدث .. نرجو وضع الأمور فى نصابها .. لم نصل إلى هذا الذل إلا بإدعاءات التعقل والحكمة الواهية التى نسمعها من الثمنينات

لك أنت أنت تكتفى عن التعقل و عدم التعصب

و لن لا تفرض رأيك على غيرك

لك أنت أن تنساق خلف مطرب تخلف عن التجنيد فى الشحن ضد بلد مسلمة كاملة و بداعى لعب الكرة

و لكن ليس لك أن تفرض رأيك على غيرك

كنت سأضع لك صورة للأسرى المصريين منذ 1967 تحت تميز من عدونا و أين ثأرنا و ما هى قضيتنا

و لكنى تحرجت من جرح المشاعر

كلام كله عقل والله واللي بيحصل فكرني لما اخوانا الفلسطينيين فتحوا الحدود ودخلوا مصر وصرفوا مليار و250 مليون دولار امريكي في مصر اتقال عليهم كلام ما انزل الله به من سلطان الغزاة احفاد الهكسوس وشحن ما يعلم بيه الا ربنا حتي العبد ل الله ساعتها اتشحن من كتر الكلام اللي اتقال علي اخوانا الفلسطينيين و قلت ساعتها كلام مالوش لازمة يا اخوانا الموضوع في تهويل والله وكل ده من عدم تقبلنا للهزيمة وهي في الاخر ماتش ماتش يا جدعان افهموا اسرائيل عدونا والجزائر اهلنا واخواتنا وما فيش داعي للكلام الخايب مرة نشتموا الفلسطينيين ومرة الجزائريين ومرة الايرانيين ومرة اللبنانيين وزمان الليبيين والسودانيين والسوريين وما بنشوفش احنا حكومتنا عاملة فينا ايه.

[sarmar]

هل فى مصلحة مصر انها تفضل دولة عربية ؟.؟؟

وهل فى مصلحة مصر اى مصلحة انها لا تكون عربية ؟

هو الموضوع مصلحة ؟؟ ومن جعل مصر دولة عربية من الاصل ؟؟؟ ومن هى العربية من الاساس

انا لاارى اى دولة عربية كما نسمى نحن تتشدق بعروبتها الا نحن

الجميع نسيها او لم تكن موجودة بمفرداتة اصلا الكل يبحث ويلهث وارء مصلحتة الخاصة الاقليمية والا لو كان حالنا بالعروبة لكنا من اكبر الامم

نحن لايجمعنا بالعربية الا فقط اللغة ولكننا اصلا مااحترمناها ولا جعلنا لها مكانة بيننا ولا تحزنوا ولا تغضبوا كثيرا فالعروبة لنا او لغيرنا لايفيد ولا يضر الحال بيينا ياعرب واحد من اقصى مشرقنا الا اقصى مغربنا

اللهم الا بذائتنا على انفسنا وزيادتها عن الحد وتهجمنا على فقيرنا واستغلال ضعيفنا وعنصريتنا الاكثر من العنصرية ذاتها لمن ينتمى الى جلدتنا

نحن نتعامل مع بعضنا بكل صور النفاق من يملك المال الان والثروة يتعنصر ويتغطرس على الافقر منة ويستاسد علية وتعاملة مع ذو الشعر الاضفر والعيون الملونة واللغة الواردة نكون معهم ارق مايجب واحسن ماتكون المعاملة نحن عرب نذبح فى رقابنا ونمد يد العون لغيرنا نتلذذ بتعذيب انفسنا ونبكى على كلب مات بدون اسعافات اولية فى بلاد اللى مايتسوما

هل سيكون لنا قائمة ومستقبل بين الامم ونحن هكذا نعيش

[عنبو]

انا بجد ليس مستغرب الى انا بقرأه دلوقتى لانه متوقع ؟؟

وياااااااااااريت بالناس الى بيتكلموا عن حرب ؟؟ يقولى دى حكمها ايه فى الاسلام ؟؟

وعلى فكره دى ليها حكم ؟؟

وخلاص بقت مشكلتنا ان احنا عرب ؟؟

طيب هم العرب تدخلوا فى شؤنا الداخليه ؟؟

طيب هم العرب الى بيشربونا مياه المجارى ؟؟

طيب هم العرب الى بيبعوا الغاز لاسرائيل ارخص من مصر ؟؟

طيب هم العرب الى بيعملوا الفساد فى مصر ؟؟

طيب العرب هم الى بيشوهوا صورة مصر من افلام وكلام فاااااضى ؟؟

طيب هم العرب عملوا ايه علشان نبقى متخلفين ؟؟

اما عن موضوع سبب كره العرب لنا فالعرب مبيكهرش المصريين ولكن ممكن يكره الحكومه الى كلنا بموووووووووووت فيها

انا مشفتش واحد عربى له موقف من مصر الا كان سببه احنا لما بسبب الاعلام لما بسبب مواقفنا الى تخزى او لاما بسبب مواقف ابنائنا الى فى الخارج الى تفرح برده

ياااااااااااااااااه بجد موضوع مرض استكهولم احسن وصف للشعب المصرى

خلاص نسينا البلاوى الى عندنا وبقت سبب تخلفنا عروبتنا

[Ambitious]

عندما ننسلخ عن عروبتنا من أجل مباراة كرة و جمهور متعصب

سيكون الدور على جماهير الأهلى و الزمالك

و مطالبة كل منهما بدولة مستقلة منسلخين عن مصريتهم

و ربما طالب كل فريق من فرق الأقاليم بدولة مستقلة تستغنى عن دول الأقاليم الأخرى و تعاديها

كفانا شعارات وخلطا للاوراق تحت عنوان التعقل وعدم التعصب .. الموضوع لم يكن إطلاقا مباراة فى كرة القدم .. نحن نتحدث عن ما حدث بعد مباراة كرة القدم والذى ينم عن كره بغيض وحقد مقيت من مجموعة من الهمج .. نتحدث عن حالة التشفى التى اصابت العديد من (الشعوب) العربية لما حدث .. نرجو وضع الأمور فى نصابها .. لم نصل إلى هذا الذل إلا بإدعاءات التعقل والحكمة الواهية التى نسمعها من الثمنينات

لك أنت أن تكتفى عن التعقل و عدم التعصب

و لن لا تفرض رأيك على غيرك

لك أنت أن تنساق خلف مطرب تخلف عن التجنيد فى الشحن ضد بلد مسلمة بالكامل و بداعى لعب الكرة

و لكن ليس لك أن تفرض رأيك على غيرك

كنت سأضع لك صورة للأسرى المصريين منذ 1967 حتى تميز من عدونا و أين ثأرنا و ما هى قضيتنا

و لكنى تحرجت من جرح المشاعر

لا أفرض رأيى وإنما أطرحه بالضبط كطرحك لرأيك .. ولا أنساق إلا وراء عقلى وتفكيرى .. لا أجد مبررا (عقلانيا) للتذكير والتلويح بالدولة الغاصبة وأنهم هم العدو لا غيرهم .. عفوا عدونا هم كل من يعتدى علينا . بغض النظر عن دينه .. بغض النظر عن جنسه .. لا يعنينى سوى هويتى المصرية التى يتم الإعتداء عليها .. أذكر الموضوع ليس كرة .. أوضح لا أطالب بإعلان الحرب أو استعداء الهمج ولكن أطالب بوضع الأمور فى نصابها .. ومحى ما يسمى وهما بالعروبة والإخوة والشقيقة الكبرى .. مصر أولا .. أكرر مصر اولا