مطلوب شغل في تورونتو يا ولاد الحلال

[somayasaleh]

ما شاء الله وتبارك الله

ايه القهوة الجديدة ده.......

اولا اشكر دكتورة صفاء لانها هي اللي دلتني علي الكنز ده

وطبعا الشكر لصاحب التوبك صعيدي في مونتريال

والشكر االدعوات الكثيرة لدكتور مويت دوت.....ربنا يجازيه كل خير ويجعل مجهوده في خدمة الناس في ميزان حسناته

انا عندي اسئلة كتيرة....يا ريت يا دكتور تستحملني شوية

انا بنتي في سنة اولي طب اسنان جامعة ام اس ايه في اكتوبر ....بتاعة د. نوال الدجوي لو سمعت عنها......السؤال بقي....

هل الجامعة ده معترف بالكرديت اورز اللي بياخدوها ولا لا؟....وهل التحويل سهل......انا دخلت علي مواقع جامعة يورك وماك ماستر وتورونتو......

اول الشروط ان الجامعة يكونوا معترفين بها.....؟؟؟؟ احنا ان شاء الله ناويين علي الاندنج في فبراير مع د.صفاء وربنا يسهل

وما هي طبيعة دراسة طب الاسنان في كندا...بصفتك دكتور اسنان؟؟؟؟ ياريت حضرتك تشرح لي لو عندك وقت فاضي

ومرة اخري جزاك الله كل خير علي المجهود الكبير اللي بتقدمه للغير.... رربنا يوفقك ويبارك لك في كل حياتك

[MoeTdot]

ايه اخبارك يا دكتور مويت

ارجو انك تقولنا ازاي نقدم على ريسيرش فيلوشيب او clinical fellowships وايه هي مرتباتهم

ولك جزيل الشكر.......

"]

انا ما اخدتش بالي يا دكتور محمد حضرتك قلت كلنيكال فيلوشيبس clinical fellowship programsما اعتقدش انا يوم بصيت في الفيلوشيبس لاني مش فيزشن Physician لكن بفضل الله معانا active member الي هو البروف الدكتور هشام و الحمد لله ربنا وفقه و عمل القصة دي و ناجح بفضل الله و اعتقد انا قريت انه شرح في التوبيك بتاعه القصة بالتفصيل ...لكن ممكن نعمل سيرش و نتشارك معلومات بس حتكون اجتهادات شخصية مش عارف مدي صحتها ايه صراحة ياريت البروف هشام يشاركنا و يوضع لنا خطوات عملي

ان شاء الله كل التوفيق

[MoeTdot]

أخي العزيز MoeTdot

بصراحة يعجز لساني عن أن أوفيك حقك من الشكر ولا أملك الا أن أقول جزاك الله خيرا على مجهوداتك الخارقة في مساعدة الناس. فعلا ان الله في عون العبد ما كان العبد في عون أخيه. أنا مش مصدق ولا مستوعب صراحة حجم الوقت و الجهد اللي بتبذله الا ان يكون ده عون من الله لك:)، سدد الله خطاك و ثبتك على الحق و حقق لك كل أمانيك :)

أنا لعبت في مخي جامعة يورك دي بس لقيت دائما في طلباتهم انهم عايزين official transcripts تتبعت عن طريق الجامعة و تكون في ظرف مغلق مختوم بختم الكلية. طبعا ده عايز انك تكون بايت لهم في الكلية و تجيب لهم لبن العصفور اللي همه طالبينه. السؤال هنا ايه التصرف لو أنته في كندا و مافيش حد يعمللك الطلبات دي، هل انته قابللك موقف زي ده و هل ممكن تديهم نسخ أصلية تكون أصلا جاي بيها من مصر؟

نا لعبت في مخي جامعة يورك دي بس لقيت دائما في طلباتهم انهم عايزين official transcripts تتبعت عن طريق الجامعة و تكون في ظرف مغلق مختوم بختم الكلية. طبعا ده عايز انك تكون بايت لهم في الكلية و تجيب لهم لبن العصفور اللي همه طالبينه. السؤال هنا ايه التصرف لو أنته في كندا و مافيش حد يعمللك الطلبات دي، هل انته قابللك موقف زي ده و هل ممكن تديهم نسخ أصلية تكون أصلا جاي بيها من مصر؟

المشكلة الي وقع فيها ناس كتير اوي نظام الروتين العقيم هناك و حتلاقي في الجامعة الف بريد و رسالة و ايميل من جامعات الخارج بتسائل عن الطلبة الي زي حضرتك بيقدموا علي دراسات عليا ...في مداخلة قبل كده انا زكرت القصة دي و ححطها تاني دلوقتي و كان اخوان الاستاذ محمد قال اقتراح اننا ناخد ظرف و نعمل كل الاجرائات و يتختم و يتقفل و يتبعت هنا ..

القصة مشكلة شوية لكن شوف القصة دي لشاب نفس مشكلة حضرتك و اهله تعبوا اوي بس في الاخر عمل الي هو عايزه

ان شاء الله خير

[MoeTdot]

منذ عدة سنوات سافر قريب لي إلى كندا للدراسة والعمل والحصول على الماجستير

قريبي هذا دكتور علاج طبيعي وبمجرد سفره تقدم للحصول على الماجستير و بالطبع كان معه شهادة التخرج وكذلك رخصة العمل الصادرة من وزارة الصحة وفور وصوله تقدم بأوراقه وقام بالتسجيل وعمل اختبارات تمهيديه للدراسة ولكنهم طالبوه بعدة أشياء هامة

أولا شهادة تخرج صادرة من الجامعة و شهادة مواد الدراسة على مدى الأربع سنوات وشهادة من وزارة الصحة تفيد بأن فلان الفلاني طبيب علاج طبيعي ولديه رخصة عمل صادرة منهم على أن ترسل هذه الرسائل إلى عنوان معين بالولايات المتحده والرسائل تكون مختومه من الداخل والخارج بأختام الجامعة وكذلك طابع بريد الجامعه

وبالفعل قمنا بعمل هذه الأوراق و أرسلتها له بعد مهاترات و وسائط و زيارات قام بها السائق عشرات المرات للهيئات

وكان من شروط هذه الهيئة أن تكون الرسائل مختومه في مكان اغلاق الأظرف

وحينما ذهبنا بالرسائل لل

dhl

صمموا ان يقوموا بفتح الرسائل و إلا لن ترسل لدواعي أمنية

وبالطبع إذا قمنا بهذا سترفض الهيئة الرسائل وتلقي بها ولن يعتمد

فقمت بإرسال الرسائل عبر البريد المستعجل وجلسنا ننتظر أسبوع بعد أسبوع بعد أسبوع و إذا بالهيئة ترفض الرسائل لماذا؟؟؟؟؟؟؟ لإن وزارة الصحة لم تضع الطابع

عدنا وقمنا بعمل الأوراق مرة ثانية بعد زيارات ووسائط وووو وكانت النتيجة رفض وزارة الصحة لشيء يسمى طابع وزارة الصحة لأنه لا يوجد هذا الطابع أساسا

وحينما تحدثت إلى الدكتور المسؤول في الجامعة قال لي أنه من الممكن وضع رسالة الجامعة ورسالة وزارة الصحة في ظرف واحد مغلق وستقبل الهيئة هذا

وبالفعل تم هذا وبنجاح بعد أسابيع عديدة أخرى

ثم أرسلت الهيئة إلى الجامعة تسألها هل فلان الفلاني طالب لديكم حقا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

و انتظرنا لأسابيع طوال أن تصل هذه الرساله بدون جدوى والمؤسف في الأمر أنني ذهبت بنفسي للجامعه و إذا بي أرى ما يحزنني

عشرات بل مئات الرسائل من جامعات على مستوى العالم ترسل للجامعة تسألهم هل فلان أو فلانه كانوا لديكم بالجامعه لأنهم تقدموا للحصول على الماجستير أو الدكتوراه

وحينما سألت الفراش لماذا كل هذه الرسائل مهملة؟؟ رد قائلا لإننا نحتاج إلى مبالغ للدمغات و الأختام وكراسة المواد و لا يوجد أي شخص تقدم يدفع لنا هذا المال وبالتالي نتجاهلها إلا لو أتى شخص ما زي حضرتي يسأل

وبعد انتظار طال اتضح أن كلية العلاج الطبيعي بالقاهرة غيرت عنوانها فعدت لقريبي و أبلغته بالعنوان الجديد و قام بإبلاغ الهيئة وبالفعل وصل الخطاب و قامت الجامعة بالرد ووضع الدمغات وووو ثم أرسلنا الرسالة بالبريد المستعجل ووصلت ولله الحمد بعد أسابيع أخرى من الانتظار وحصل قريبي على وظيفه بعد حوالي عام من الانتظار يرفضاوا حتى أن يعمل أي عمل تطوعي في مجال تخصصه

[MoeTdot]

ربنا يوفقك فى حياتك و يكرمك و يجازيك الله خيرا وييسير لك امورك و يرزقك بالزرية الصالحة

فعلا الواحد مش عارف يقول ولا يرتب كلام يقوله مهما قولنا مش هنوافيك حقك

ويارب يكتر من امثالك ويعينك على مساعدة الغير

انا دخلت المدونة فعلا ماشاء الله مدونة فى منتهى الروعة وتستحق التقدير

انا و زوجى من المهاجرين الى مونريال ولكن الله اعلم يمكن يوم نتقابل ويكون لينا الشرف ونلقاك على خير

اختنا العزيزة جدا مصرية

دعوات الافاضل الي زي حضرتك هي الي نفعانا في الغربة و ان شاء الله ربنا حيبارك لكم و يسهل لكم كل الامور .. واتمني فعلا و يكون ليا كل الشرف ان نتعرف علي الاسرة الكريمة ان شاء الله

بجد متشكر جدا علي الروح الجميلة دي

يا رب يوفقكم ان شاء الله

[MoeTdot]

ايه اخبارك يا دكتور مويت

ارجو انك تقولنا ازاي نقدم على ريسيرش فيلوشيب او clinical fellowships وايه هي مرتباتهم

ولك جزيل الشكر.......

انا من رأيي تنادو الدكتور مويت دوت ب دكتور غريب

وهو اسم بصراحه على مسمى

هو غريب فى وسط الناس لانه عايش فى كندا

وغريب فى المنتدى لانه لا يبخل بمعلوماته

ربنا يجعل تعبك يا دكتور غريب فى ميزان حسناتك وربنا يجمعنا ان شاء الله فى الدنيا والاخره

جزاك الله خير وربنا يجعلنا نقتدى بك فى كل شىء ان شاء الله فى مجال الدين والدراسه والاخلاق ومساعده الناس وكل شىء

شهادة من دكتور و اخ فاضل يا رب يجزيك كل الخير و السعادة يا دكتور ايهاب و يجعلنا خير مما تقول و يتجاوز عن سيئاتنا

[MoeTdot]

ايه اخبارك يا دكتور مويت

ارجو انك تقولنا ازاي نقدم على ريسيرش فيلوشيب او clinical fellowships وايه هي مرتباتهم

ولك جزيل الشكر.......

انا من رأيي تنادو الدكتور مويت دوت ب دكتور غريب

وهو اسم بصراحه على مسمى

هو غريب فى وسط الناس لانه عايش فى كندا

وغريب فى المنتدى لانه لا يبخل بمعلوماته

ربنا يجعل تعبك يا دكتور غريب فى ميزان حسناتك وربنا يجمعنا ان شاء الله فى الدنيا والاخره

جزاك الله خير وربنا يجعلنا نقتدى بك فى كل شىء ان شاء الله فى مجال الدين والدراسه والاخلاق ومساعده الناس وكل شىء

اكيد حضرتك قصدك كل خير ....بس يعنى اسمحلى حضرتك عارف انه ماغريب الا الشيطان .

الحاجه التانيه لو حضرتك متابع المنتدى من زمان ح تعرف ان د MOETDOT مش غريب على المنتدى لانه امتداد للافاضل هادى والباشمهندس الفاضل ياسر وهو يجمع صفات كتثيره من حب العطاء وكرم الاخلاق التى تحلى بها د الشامى ود هشام ودالتهامى وباشمهند س ايهاب سالم ودقناوى والباشمهندس زناتى واسكندريه تانى ودكافسيمو دسوسو رانى ومدام سميه وافاضل كثيرون فى القسم الفرنسى ...ادا هو ليس بغريب ..هو ابن واخ لنا جميعا ....تقبل تحياتى

الدكتورة الفاضلة

اكيد الدكتور ايهاب ما قصد الا الخير و بالنسبة للافاضل الي حضرتك ذكرتيهم بالضبط دي احلا شئ في المنتدي الكل بيساعد لوجه الله و بيتشغل افاضل و بيجي غيرهم يساعد و هكذا .. بجد الواحد استفاد احلي استفادة ابسط مثل الماجيك جاك ده الي ما كانش عندي عنه فكرة اصلا الي زكره الدكتور تهامي في موضوعه ووفر عليا كتير اوي لان اهلي مشتتين في كل امريكا الشمالية ..صراحة الناس دي ليها الجنة ربنا يبارك لهم بجد ..تحياتنا لحضرتك يا دكتور صفاء

[MoeTdot]

طبعاً عايز اقولك ان انا متابع كويس اوي بس مش عايز ادخل الخبط الحكاية لحسن انا لخمة اوي ... بس الحقيقة انا عندي سؤال صغير

يا دكتورنا كلنا في الهوا سوا و كلنا بنسئل و بنستشير بعض فا مفيش لخبطة و لا حاجة يا فندم

على حسب ما انا فاهم كل حاجة و ليها مميزاتها يعني لو اخدت البكالوريوس ها يوفر المعادلة و لو اخدت البكالوريوس يبقى تضييع وقت و لو اخدت الماستر مش هايغني عن المعادلة و لو اخدت الماستر برضه يبقى اضافة كبيرة في الـ رزمي .....!!!!!!!

ما اقدرش افتيك طبعا كل واحد عارف قدرات نفسه بس عشان سئلت رأي سيب حتة الزمن دي علي جنب و شوف انت بتحب ايه و ايهم انت ليك قدرة عليه و طاقة له و استخير الله ووجه كل طاقتك ناحيته .. ما تعملش زي كان عندي في ثانوية طب و صيدلة و طب اسنان و اخترت طب اسنان علي اساس الزمن والسهولة و دلوقتي اتمني لو رجع الزمن عشان اخش كلية الطب التي اعشقها ..لو حسبتها بالورقة و القلم كدا حتتعب خطط صح و سيب الباقي علي الله سبحانه و تعالي

علماً باني باشمهندز كهرباء قد الدنيا من هندسة عين شمس ... بس يا خسارة مش هنقدر نوزن بره

يبقي مش حتوزن فعلا لان انت مضلمها من الاول ..

Aim High Brother Always think Positive

اسف للاطالة و اشكرك على مجهودك و ان شاء الله ربنا يجازيك كل خير .

و يجزينا و اياكم كل الخير و التوفيق و البركة ان شاء الله

د / MoeTdot

اشكر لك تفاعلك معي و الدفعة المعنوية دي و رأيك القيم ... و اتمنى لك التوفيق في حياتك

:)

تحت امرك اي وقت ياباشمهندس احمد و ان شاء الله كل التوفيق و الخير

[MoeTdot]

حسام بيه ..من اول ما حطيت رجلي في البلد و انا عقلي مش بيطل مقارنة ..ليه الناس دي كده و ليه ناجحين كده و ليه انا مش زي

دلhttp://en.wikipedia.org/wiki/Michael_Dell و لا

سيرجيhttp://en.wikipedia.org/wiki/Sergey_Brin الي اوجد جوجل ..

القصة مش عقول لان العقول العربية هي الي بنت البلاد دي ,,اكيد في طريقة التفكير نفسها ...الناس دي معظمهم (ضد التعميم )حياتها ماشية سلسة بدون الكلاكيع بتاعتنا احنا العرب (ضد التعميم )زي حب المظهرية و الطبقية و ساعات بتوصل للعنصرية كلها كلاكيع نفسية غالبا بنطلعها علي بعض (الف مرة ضد التعميم الخير في امتي الي يوم الدين ده كلام المصطفي ) و غالبا حتلاقيها في اي مكان بيتجمع فيه عرب ..

لكن لما اقارن بين ازاي استاذ الجراحة في امتحانات الشفوي و احنا و اقفين في الطرقة و هو يجي من بعيد و يشاور لنا بطرف صباعه عشان نوسع اصل الملك وصل .. و بين البروفسير معاه برضه دكتوراة و بيركب الاتوبيس معانا عادي و يديك تلفونه و يتصل عليك لو ما حضرتش يوم يبقي في حاجة غلط..المهم دي انطباعات شخصية كدا علي السريع

المهم با فندم انا برضه جاي من حدانا في البلد و و في دماغي افكار من نوعية انا عجزت خلاص ما ينفعش ادرس تاني (كان عندي 23 )و انا بضيع في وقت شوية شوية في احداث ابتدت تغير التفكير ده مثلا (الا الدين طبعا ده خط احمر اتخطيته حتخسر دنيا و أخرة)

دخلت جامعة تورونتو اعمل امتحان اسمه DAT dental Apetitute Test ده امتحان بيعمله الي عايز يخش طب الاسنان .. المهم الواحد كان متخيل حيلاقي ناس سن صغير و لا حاجة تفأجا ان في ناس معانا عمرها في الاربعينيات و ناس معاها دكتوراة و حاجات عجيبة ..الله ! ده لو حدانا في البلد كان طوب الارض طحك عليه و طلعله الف كلكوعة اقل عايز يخش كلية من جديد قال !!! :)

الي معاه دكتوراه ده ببساطة عايز يغير الكارير بتاعه و هو اكيد عنده اطفال و عنده اسرة لو مكان اي واحد فينا عمره ما حيفكر اصلا و حيقضي بقية عمره يحيلك علي انجازاته من 20 سنة ...شوف الاحصائيات للمقدمين لكليات طب الاسنان حتفهم انا قصدي ايه

لما نسمع حكايات زي القاضي الي ادي لاختي الكبيرة الجنسية الكندية .. ازاي انه لحد ٣٧ سنة كان زي المتشرد و دخل جامعة ٤ سنين و دخل بعد كده كلية حقوق ٤ سنين و الزمن عده و اهوا قاضي دلوقتي !!!...

لما تلاقي واحد سواق تركات عنده ٤٢ سنة فجأة زهق و قرر انه يخش كلية الطب و دخل فعلا و بقي طبيب !!!

http://www.youtube.com/watch?v=p-8BY7qZ9OE

ده لو عندنا كان العيال زفوه و لا ايه ??? :P

لما واحدة عندها 40 سنة و عندها اطفال و تقرر انها تبقي طيبية و تذاكر الامتحانات (دخول كليات الطب صعب جدا هنا ) و تبقي طيبية فعلا !!!

http://www.mommd.com/40medschool.shtml

لما امهات زي امهاتنا و عندهم اطفال و مسئولية برضه و كلهم بيعملوا و اجباتهم و بيذاكروا و بيخشوا كليات الطب بعد سنين طويلة بعد الجامعة !!!

http://www.mommd.com/forum/

لما تلاقي استاذ في الكلية زهق من شغلانته فجأة و قرر يبقي استاذ في الكلية رجع و هو في منتصف التلاتينيات و ببساطة بيدرس دلوقتي و الطلبة عنده من العشرينات لحد الستينات عادي !!!

http://www.buzzle.com/editorials/1-22-2006-87030.asp

و تشوف الردود علي واحد عنده 40 سنة معاه بكالريوس و ماستر و عايز يغير يبقي دكتور و تشوف نوعية الردود وواحد يرد عليه يقوله انا دخلت كلية الطب و انا عندي ٥١ سنة !!! حدانا في البلد كان زمانه بيجهز كفنه wst::

لما تلاقي واحد عنده 35 سنة و 3اطفال و بيفكر يغير مجال الكمياء للطب و تلاقي ردود من نوعية ناس عدت التلاتين و عندها اطفال و جوه الكلية ...و الوف القصص من دي انا عاملها و حافظها في Fav و شوف الاحصائيات للسنة دي و انت حتشوف العجب

AMCAS information

http://www.aamc.org/students/amcas/

فكان لازم تفكيري يتغير .. الحياة قصيرة مش الكل بيتوفق بس علي الاقل انت ليك شرف المحاولة و ما قضتش وقتك في احباط

كنت بقرأ كتاب who moved my cheeseاعلي مبيعات كتاب في البيزنس(لازم تقراه) علي مدار سنوات طويلة و ما تمالكتش نفسي و انا بقارن حالنا بالقصة الي في الكتاب(عبقرية الكتاب ان القصة الكل اوتوماتكي بيطبقها علي نفسه )

http://www.youtube.com/watch?v=sBpcCngSymQ...feature=related

الي بيجطي البلد دي فعلا واحد من تلاتة :-

هدفه بسيط وواضح و حياته سلسة و ساب معظم الكلاكيع وراه و حيعيش و حينبسط البلد رائعة بجد

واحد تاني يفاجأ انه لازم يعاني كتير عشان ينجح و مش حيعش ملك زي ما كان و غالبا حيصيبوا احباط بس حيفوق و حلم النجاح في خياله و حيخبط في الدنيا و يفشل و ينجح و يحبط بس حيقق اعظم نجاح و حيعرف يحافظ عليه (المجتهد و لو بعد حين لو في عمر بيوصل )

http://www.yorku.ca/secretariat/board/biography/shoukri.htm

و النوع التالت الي كان عايش مرتاح و ملك و بيشخط و ينطر و جه هنا و فوجئ انه لازم يبتدي من الاول حيقف و يلعن سلسفين البلد و حتلاقيه طلع كل الكلاكيع النفسية علي الناس و احبط طوب الارض .. و يفضل يحلم بالذي مضي و يعيط زي الاطفال انا عايز اللعبة بتاعتي :sad: و ده غالبا مش بيوصل لحاجة و انا شوفت التلات امثلة علي الواقع

شوف انت عايز تكون ايه يا فندم من التلاتة احنا ما علينا الا ااجتهاد علي قدر ما نستطيع و الرزق علي الله

لكن بفضل الله

It is Never to late Too Do Any thing in life

من أحلي المداخلات اللي قريتها في المنتدي و علشان كده كررتها تاني ....جزاك الله كل خير يا دكتور

علي فكرة يا دكتور هشام انا لما كنت بتكلم علي الناس الي حياتها سلسة بدون كلاكيع كانت قصت حضرتك في دماغي ..و لما حضرتك الطبيب الناجح ما شاء الله هنا و تقول كده علي المداخلة دي حاجة بجد الواحد يعتز بيها ...بس كل بروفات جامعة القاهرة عسل كده ما شاء الله :) و عقليات متفتحة و غالبا بيندمجوا بسرعة

ربنا يبارك لك يا فندم

[MoeTdot]

للاسف انتى فهمتينى غلط

:)

انا كان قصدى اننى اعرفه بطريقه غير مباشره اننى اوصلله اننى باقرا البلوج بتاعته

وبعدين

اصل الاسم اللى اختاره ده صعب فى النطق

ان

كنت عايز اقول له اننى حاناديك باسمك اللى انت حاططه فى البلوج بتاعتك بدل الاسم الصعب اللى انت كاتبه هنا ده

بس اهو ده قصدى اما انه غريب من ناحيه التصرف الغريب فطبعا لا

ولو انا استغربته مكنتش احاول اقلده واعمل زيه

ده اصبح مثل لكل من يهاجر الى كندا وانا نفسى اوصلله اننى محسيتش بالغربه فى الكلام معاه ولكن الانسان يا اختى العزيزه فى هذه الدنيا غريب وقد يكون هذا هو المعنى الذى اراد توصيله لنا

اما حته ان ما غريب الا الشيطان

فدى فيها نظر

لاننى اعتقد ان الانسان يجب ان يعيش فى هذه الدنيا كالغريب ولا يانس اليها فى ليست المقر الاخير

ولكن المستقر الاخير والمنزل الذى لا غربه فيه هو الذى نعرفه وهو الجنه ان شاءالله

ربنا يجمعنا مع الغرباء يوم القيامه فى جناته

امين

هو اختيار اسم غريب تقريبا لنفس السبب الي ذكرته يا دكتور و حضرتك تنادي باي اسم ..ليا كل الشرف ان حضرتك بتابع المدونة ..ما هي الي تجميع لحاجات انا بقرأها بس يا رب تنفعنا كلنا

ربنا يقدرنا علي رد جميلك يا فندم

[MoeTdot]

استاااااااااذي الفاضل جدا جدا/ دكتور MoeTdot

انا لما كنت بشوف عنوان التوبك ..(مطلوب شغل ف تورونتو ) مكنتش بدخل ..كنت بقول مش لما نوصل او ع الاقل نقرب نوصل نبقي نبص ونقرا التوبك ده ...

ولكن انهارده من حسن حظي الفضول خلاني ادخل .. ولما قريت ندددددممممممت اني مدخلتش من بدري

ايه ده ؟ ايه ده كلللللللللللللللو؟

بسم الله ما شاء الله..مش قادره اقول غير ربنا يستجيب دعوات كل من دعوا لحضرتك ومنهم انا وزوجي ..

بجد حضرتك افدت كذا حد في كذا مجال

وشرحت برؤيتك البصريه والحسيه حجات كتيير الواحد كان هيحتاج سنين عشان يستوعبها ..

المنتدي ده علمنا العطااء بجد ..و خلي الناس المحترمه اللي زي حضرتك وزي العمالقه اللي ف المنتدي يدوا .. ويدوا كتير .مش بيستنو مقابل ..وزي ما هما خدوا واستفادو من السرب الاول الللي سافر .. وصلوا هناك وكملو مسيره الطيور المهاجره ,,

بجد احنا كده كأسره ف الغربه ..وبجد نشرف .. ونقطع لسان اييييييييييييي حد يتكلم عن المصريين ف الغربه

لو هقول اسامي ناس ف المنتدي اللي يشرفوا بجد ..مش هخلص واخاف انسي حد يكون فضله عليه .. معلومه قالها او نقلها فادتني وفادت غيري انا بعتبرها فضل منه وحاجه كبيييييييره ثوابها ف الدنيا والاخره ان شاااء الله

انا كان عندي استفسارات بخصوص شهادتي انا وزوحي ولكن ف مداخله تانيه ان شاء الله

لاني مش عارفه اكتب حاجه ف مداخلتي دي ..غير كل تقدير واحترام وشكر لحضرتك

ويااااااااارب يجمعنا جميعا علي الخير وحب الخير وعمل الخير بإذن الله

بالضبط مدام جهاد .. اكتر من ٥١ صفحة مشاركات من الافاضل في الباب ده حاجة تفرح بجد اعتقد ما فيش حد ما استفادش من اكلام المكتوب ده ربنا يبارك للناس دي و يسهل الامور لحضرتك و للاسرة الكريمة ان شاء الله و انا تحت امر حضرتك في اي استفسار لو اقدر اساعد ان شاء الله مش حتأخر

[MoeTdot]

جزاك الله كل خير علي معلوماتك القيمة يا دكتور Moe T dot

وياريت تقولنا علي اسم خفيف نقدر نناديك بيه

مدام نور اي اسم مش مشكلة ياريت المعلومة الي اديتها لحضرتك قبل كده فادت حضرتك ان شاء الله ربنا ييسر لكم كل الامور

[MoeTdot]

ما كلنا الكبير قبل الصغير عارفين ده يا بروف الا كان انت و انا و الاطباء الكتير في البلد و غير الاطباء اشتغلوا في مجالهم لو ركزت كده في مداخلتي معا الدوك حسام النوع التالت

الي كان عايش مرتاح و ملك و بيشخط و ينطر و جه هنا و فوجئ انه لازم يبتدي من الاول حيقف و يلعن سلسفين البلد و حتلاقيه طلع كل الكلاكيع النفسية علي الناس و احبط طوب الارض .. و يفضل يحلم بالذي مضي و يعيط زي الاطفال انا عايز اللعبة بتاعتي و ده غالبا مش بيوصل لحاجة

مش دي الفكرة و حتت البلد حلوة و لا وحشة ده حصل ضرب نار قبل كده في القصة دي هنا في المنتدي :) و كل الناس صح طبعا كل من وجهة نظره الي ملناش الا اننا نحترمها ...مش دي القصة الي كنا بنتكلم عنها يا بروف ...المعني الي حضرتك لتوصفه و صل بس انا مش عارف ليه انا مش عارف اوصلك انا قصدي ايه

لما نتقابل بقي ان شاء الله

[MoeTdot]

حسام بيه ..من اول ما حطيت رجلي في البلد و انا عقلي مش بيطل مقارنة ..ليه الناس دي كده و ليه ناجحين كده و ليه انا مش زي

دلhttp://en.wikipedia.org/wiki/Michael_Dell و لا

سيرجيhttp://en.wikipedia.org/wiki/Sergey_Brin الي اوجد جوجل ..

القصة مش عقول لان العقول العربية هي الي بنت البلاد دي ,,اكيد في طريقة التفكير نفسها ...الناس دي معظمهم (ضد التعميم )حياتها ماشية سلسة بدون الكلاكيع بتاعتنا احنا العرب (ضد التعميم )زي حب المظهرية و الطبقية و ساعات بتوصل للعنصرية كلها كلاكيع نفسية غالبا بنطلعها علي بعض (الف مرة ضد التعميم الخير في امتي الي يوم الدين ده كلام المصطفي ) و غالبا حتلاقيها في اي مكان بيتجمع فيه عرب ..

لكن لما اقارن بين ازاي استاذ الجراحة في امتحانات الشفوي و احنا و اقفين في الطرقة و هو يجي من بعيد و يشاور لنا بطرف صباعه عشان نوسع اصل الملك وصل .. و بين البروفسير معاه برضه دكتوراة و بيركب الاتوبيس معانا عادي و يديك تلفونه و يتصل عليك لو ما حضرتش يوم يبقي في حاجة غلط..المهم دي انطباعات شخصية كدا علي السريع

المهم با فندم انا برضه جاي من حدانا في البلد و و في دماغي افكار من نوعية انا عجزت خلاص ما ينفعش ادرس تاني (كان عندي 23 )و انا بضيع في وقت شوية شوية في احداث ابتدت تغير التفكير ده مثلا (الا الدين طبعا ده خط احمر اتخطيته حتخسر دنيا و أخرة)

دخلت جامعة تورونتو اعمل امتحان اسمه DAT dental Apetitute Test ده امتحان بيعمله الي عايز يخش طب الاسنان .. المهم الواحد كان متخيل حيلاقي ناس سن صغير و لا حاجة تفأجا ان في ناس معانا عمرها في الاربعينيات و ناس معاها دكتوراة و حاجات عجيبة ..الله ! ده لو حدانا في البلد كان طوب الارض طحك عليه و طلعله الف كلكوعة اقل عايز يخش كلية من جديد قال !!! :)

الي معاه دكتوراه ده ببساطة عايز يغير الكارير بتاعه و هو اكيد عنده اطفال و عنده اسرة لو مكان اي واحد فينا عمره ما حيفكر اصلا و حيقضي بقية عمره يحيلك علي انجازاته من 20 سنة ...شوف الاحصائيات للمقدمين لكليات طب الاسنان حتفهم انا قصدي ايه

لما نسمع حكايات زي القاضي الي ادي لاختي الكبيرة الجنسية الكندية .. ازاي انه لحد ٣٧ سنة كان زي المتشرد و دخل جامعة ٤ سنين و دخل بعد كده كلية حقوق ٤ سنين و الزمن عده و اهوا قاضي دلوقتي !!!...

لما تلاقي واحد سواق تركات عنده ٤٢ سنة فجأة زهق و قرر انه يخش كلية الطب و دخل فعلا و بقي طبيب !!!

http://www.youtube.com/watch?v=p-8BY7qZ9OE

ده لو عندنا كان العيال زفوه و لا ايه ??? :P

لما واحدة عندها 40 سنة و عندها اطفال و تقرر انها تبقي طيبية و تذاكر الامتحانات (دخول كليات الطب صعب جدا هنا ) و تبقي طيبية فعلا !!!

http://www.mommd.com/40medschool.shtml

لما امهات زي امهاتنا و عندهم اطفال و مسئولية برضه و كلهم بيعملوا و اجباتهم و بيذاكروا و بيخشوا كليات الطب بعد سنين طويلة بعد الجامعة !!!

http://www.mommd.com/forum/

لما تلاقي استاذ في الكلية زهق من شغلانته فجأة و قرر يبقي استاذ في الكلية رجع و هو في منتصف التلاتينيات و ببساطة بيدرس دلوقتي و الطلبة عنده من العشرينات لحد الستينات عادي !!!

http://www.buzzle.com/editorials/1-22-2006-87030.asp

و تشوف الردود علي واحد عنده 40 سنة معاه بكالريوس و ماستر و عايز يغير يبقي دكتور و تشوف نوعية الردود وواحد يرد عليه يقوله انا دخلت كلية الطب و انا عندي ٥١ سنة !!! حدانا في البلد كان زمانه بيجهز كفنه wst::

لما تلاقي واحد عنده 35 سنة و 3اطفال و بيفكر يغير مجال الكمياء للطب و تلاقي ردود من نوعية ناس عدت التلاتين و عندها اطفال و جوه الكلية ...و الوف القصص من دي انا عاملها و حافظها في Fav و شوف الاحصائيات للسنة دي و انت حتشوف العجب

AMCAS information

http://www.aamc.org/students/amcas/

فكان لازم تفكيري يتغير .. الحياة قصيرة مش الكل بيتوفق بس علي الاقل انت ليك شرف المحاولة و ما قضتش وقتك في احباط

كنت بقرأ كتاب who moved my cheeseاعلي مبيعات كتاب في البيزنس(لازم تقراه) علي مدار سنوات طويلة و ما تمالكتش نفسي و انا بقارن حالنا بالقصة الي في الكتاب(عبقرية الكتاب ان القصة الكل اوتوماتكي بيطبقها علي نفسه )

http://www.youtube.com/watch?v=sBpcCngSymQ...feature=related

الي بيجطي البلد دي فعلا واحد من تلاتة :-

هدفه بسيط وواضح و حياته سلسة و ساب معظم الكلاكيع وراه و حيعيش و حينبسط البلد رائعة بجد

واحد تاني يفاجأ انه لازم يعاني كتير عشان ينجح و مش حيعش ملك زي ما كان و غالبا حيصيبوا احباط بس حيفوق و حلم النجاح في خياله و حيخبط في الدنيا و يفشل و ينجح و يحبط بس حيقق اعظم نجاح و حيعرف يحافظ عليه (المجتهد و لو بعد حين لو في عمر بيوصل )

http://www.yorku.ca/secretariat/board/biography/shoukri.htm

و النوع التالت الي كان عايش مرتاح و ملك و بيشخط و ينطر و جه هنا و فوجئ انه لازم يبتدي من الاول حيقف و يلعن سلسفين البلد و حتلاقيه طلع كل الكلاكيع النفسية علي الناس و احبط طوب الارض .. و يفضل يحلم بالذي مضي و يعيط زي الاطفال انا عايز اللعبة بتاعتي :sad: و ده غالبا مش بيوصل لحاجة و انا شوفت التلات امثلة علي الواقع

شوف انت عايز تكون ايه يا فندم من التلاتة احنا ما علينا الا ااجتهاد علي قدر ما نستطيع و الرزق علي الله

لكن بفضل الله

It is Never to late Too Do Any thing in life

من أحلي المداخلات اللي قريتها في المنتدي و علشان كده كررتها تاني ....جزاك الله كل خير يا دكتور

فعلا من أجمل وأقيم ما قرأت فى المنتدى

تحايتى لك يا دكتور moedot :)

و تحياتنا لحضرتك يا فندم

[MoeTdot]

دكتورنا الفاضل Moe Tdot

قرأت مداخلة حضرتك الأخيره وانتابني شعورين متناقضين ... إعجاب هائل بطريقة تفكيرك وأسلوبك المتزن ... وحزن لأن بلدنا لم تستطع الاستفاده بهذه العقليات المتميزة والشخصيات المحترمة التي هاجرت الى الغرب

المنتدى كسب كثييييير بانضمامك اليه ... جزاك الله خير وجعل كل ما تفيد به إخوانك في ميزان حسناتك

استاذنا الفاضل احمد سيف انا الي اشكركم انكم جمعتم العقول دي الي بتجمع بين الثقافة و خفت الدم و كلهم متحابين في الله ..بجد ربنا يبارك لكم و يجعله في ميزان حسناتكم انكم مخليين المنتدي بالمستو الثقافي الرائع ده

مداخلة اعتز بيها جدا و الله و صدقني انا كسبت اكتر بانضمامي للمنتدي ده

تحياتنا لحضرتك و يا رب ييسر لك كل الامور ان شاء الله

[MoeTdot]

يااااااااااااااااااااااااااااااااااااه

على المشاركة الرائعة الأخيرة دي يا دكتور مويت دوت

أنا قريتها 3مرات

وسمحت لنفسي أحفظها على جهازى من روعتها

الف الف الف شكر

ومعلش استحمل بقى الاستفسارات اللى هتنزل

لما انسان مثقف زي حضرتك يقول الكلام ده الواحد بيفرح جدا طبعاااااا

بالنسبة للاستفسارات الي تحت انا قريتها و الحمد لله ان الكل بيشارك الاستفادة اكبر اسمحلي يا دوك اخلص كام مشوار بره كده و اشاركم ان شاء الله

تحياتنا يا دوك

[myusername]

ما كلنا الكبير قبل الصغير عارفين ده يا بروف الا كان انت و انا و الاطباء الكتير في البلد و غير الاطباء اشتغلوا في مجالهم لو ركزت كده في مداخلتي معا الدوك حسام النوع التالت

الي كان عايش مرتاح و ملك و بيشخط و ينطر و جه هنا و فوجئ انه لازم يبتدي من الاول حيقف و يلعن سلسفين البلد و حتلاقيه طلع كل الكلاكيع النفسية علي الناس و احبط طوب الارض .. و يفضل يحلم بالذي مضي و يعيط زي الاطفال انا عايز اللعبة بتاعتي و ده غالبا مش بيوصل لحاجة

مش دي الفكرة و حتت البلد حلوة و لا وحشة ده حصل ضرب نار قبل كده في القصة دي هنا في المنتدي :) و كل الناس صح طبعا كل من وجهة نظره الي ملناش الا اننا نحترمها ...مش دي القصة الي كنا بنتكلم عنها يا بروف ...المعني الي حضرتك لتوصفه و صل بس انا مش عارف ليه انا مش عارف اوصلك انا قصدي ايه

لما نتقابل بقي ان شاء الله

السلام عليكم,

كلامك صحيح يا دكتور ولا غبار عليه.

و أعتقد ان هو ده سبب ان فيه ناس كتير بتلعن اليوم اللى راحت فيه كندا.. عشان هما معندهمش استعداد يتعبوا.

كندا عايزه ناس تبنيها.. مش ناس تستهلك خدماتها الصحية و التعليمية بالاونطة.

[MaYousof]

انا بس كنت عايز اقول للدكتور MoeTdot ربنا يجعلك من أهل الجنة, آمين.

وافكركم وفكر نفسي بالحديث الشريف

عن أبي هريرة رضي الله عنه عن النبي صلى الله عليه وسلم أنه قال: { بدأ الإسلام غريبا وسيعود غريبا كما بدأ فطوبى للغرباء }

فربنا يكتبلك طوبى انشاء الله يا دكتور MoeTdot

[myusername]

السلام عليكم,

انا عندى سؤال عن اللكنة الكندية... هل اللكنة الكندية سهلة الفهم؟ و هل الواحد سهل انه يتعلم اللكنة و يتكلم زيهم؟

هل حضرتك واجهت مشكلة فى فهم لكنة أهل كندا؟

انا شفت فيديو عبارة عن انترفيو مع عمدة مسيساجا... و اللكنة كانت مفهومة جدا - هو ده سبب سؤالى.

منتظر الاجابة ضرورى, و شكرا جزيلا.

[MoeTdot]

يا سلام عليك يا دكتور مويت دوت , اجابة ولا اروع ,, الف شكر

بس من 3 الى 7 سنين كتير , يعني 3 سنين معقولة , ربنا يسهل

طيب ممكن نعرف فين ندرس GMAT or GRE داخل كندا علشان اول ما نوصل ناخد دورة وكتب واختبارات سابقة

بس من 3 الى 7 سنين كتير , يعني 3 سنين معقولة , ربنا يسهل ؟؟

علي حسب الشخص نفسه سبع سنين ده ماكسميم Maximum انت و اجتهادك هما عندهم كورسات انت و اجتهادك تخلصهم في قد ايه

مثلا

PhD in finance in university of Alberta

عايزة تخلص دول http://apps.business.ualberta.ca/phd/programs/finance.htmانت و اجتهادك بقي يا ريت تكون وصلت

طيب ممكن نعرف فين ندرس GMAT or GRE داخل كندا علشان اول ما نوصل ناخد دورة وكتب واختبارات سابقة ؟

القصة Self study مش محتاجة معاهد الكتب ححطلينك تحت اهو

كل الخير ان شاء الله