مطلوب شغل في تورونتو يا ولاد الحلال

[MoeTdot]

الواحد عنده شوية استفسارات عن شخصية الكنديين ...

هل فعلا العلاقات الأجتماعية فى الغرب عموما تتسم بالبرودة الشديدة ؟؟ يعنى الواحد لو عاش فى وسطهم ممكن يعمل صداقات زى بتاعة مصر بالظبط ؟؟؟

ولا العلاقات بتكون رسمية جدا بين الجيران والأهل وزمايل العمل حتى بين الأصدقاء ؟؟ ببساطة هل يوجد دفئ فى العلاقات زى عندنا ؟؟

هل صحيح ان عقوق الوالدين منتشر بشكل فظيع وان الصلة بين الأبناء وآبائهم تنقطع تماما بمجرد بلوغ الأبناء ؟؟

هل صحيح الدعارة شئ عادى جدا ومن الصعب ان تجد فتاة كندية ليس لها علاقات جنسية ؟؟

كل الأسئلة دى هى استفسارات عن الأفكار الموجودة فى دماغنا كعرب عن أهل الغرب عموما ... هل أفكارنا دى صح ولا غلط ؟؟؟ وهل منتشرة ولا لأ ؟؟

طبعا أنا بسأل لأن فى النهاية فى حالة الهجرة هتكون دى هى البيئة اللى هتعيش فيها وهتربى أبنائك فيها ..

أرجو الرد

مدام جود فيث جزاها الله كل الخير و المعلم عتريس حبيب هارتي ردوا عليك بالتفصيل من وجهة نظر انا كنت مأجل الرد عليك لما افضي لانك نفس العمر تقريبا اقول انا كمان وجهة نظري ..

هل فعلا العلاقات الأجتماعية فى الغرب عموما تتسم بالبرودة الشديدة ؟؟

الحياة رسمي هنا و العلاقات كلها من النوع الجاد العملي زي ما ذكرت مدام جود فيث بس ساعات العلاقات الي زي دي بتريح لانك مش حتكون حامل هم حد يحكم عليك بالغلط علاقات ما فيهاش لا تملق و لا نفاق

..لو حبوك حيقبلوك زي ما انت مهما كانت شخصيتك ..لو كرهوك و انت في اعلي المناصب ما فيش حد حينافقك و لا يتملقك :) فعلاقات بتريح صراحة بتخليك علي طبيعتك ..و عموما دفء المشاعر الي في مصر و الدول العربية ابتدأ يتغير كتير جدا و ان كان ما زال موجود

يعنى الواحد لو عاش فى وسطهم ممكن يعمل صداقات زى بتاعة مصر بالظبط ؟؟؟

ما احنا اتفقنا العلاقات هنا جد لحد كبير ..يعني خروجات المولات و التمشية في شوارع عباس العقاد و جامعة الدول :rolleyes: الضحك في سينترو سيتي ستار الضحك من القلب في كافيهات المهندسين blw) ...و لا تنادي علي الواد علي من البلكونة و تقعد تحكيلي علي حاجة مزعلاك و تشكيوا و تلموا من بعض و تروحوا الساحل الشمالي ولا شرم في الصيف :rolleyes: و ما كناش فاضيين كان اقل واحد فينا في طب القصر العيني ..كل ده مش موجود و ان وجد مش بنفس الجمال و الروح

ربنا كرمنا باصدقاء هنا كنديين اب عن جد ..بنتقابل يوم واحد في الاسبوع من سنيتن بانتطام بنلعب كورة بره في الصيف وindoor في الشتا و نروح ناكل في مطعم و لا نتجمع في بيت نشوف مباراة هوكي و لا كرة قدم امريكية و انتهينا ..الي بيروح للجيرل فريند بتاعته بيروح بعديها و الي بيروح night clubs or bar :blink: بيروح و خلصنا وعمك بيرجع البيت ينام .. بقية الاسبوع هما مطحونين وانا مطحون و كله في همه و خلاص ..اكيد الامثلة دي وضحتلك انا اقصد ايه بالنسبة ليا فرق كبير لصالح صداقات مصر و دي وجهات نظر

هل صحيح الدعارة شئ عادى جدا ومن الصعب ان تجد فتاة كندية ليس لها علاقات جنسية ؟؟

بتسائل ليه يا خلبوص (وش محمد عبد العزيز في فيلم الكيف :rolleyes: )قبل ما اجي هنا كنت بسمع زيك ان البنات هنا نظام عنتر في اطاليا :blush2: لو بصة فكلمة يبقي خلاص موعدون فالقاء ..الكلام ده علي ارض الواقع مش موجود بالطريقة دي ...المجتمع الكندي محافظ لحد بعيد غير امريكا ..لو بنت طلعت الاتوبيس لابسة مش محترم حتلاقي نظرات الاستهجان من الناس ..و لو واحدة راحت بلبس قصير المدرسة حيرجعوها تاني ...حتي علاقات البوي فريند جيرل فريند فيها احترام لحد ببعيد دي ثقافتهم ..العرب خدوه الافكار دي و افتكروها هي دي الحضارة للاسف .. شوفت بنات في مصر و الله بتعاير التانية ان هيا مش مصاحبة :blush2: ..اللبس الي بتشوفه في سيتي ستار ساعات العن من هنا ..فصعب التعميم حتلاقي بنات كتير اخلاق محترمة هنا و ما لهاش ماض و بتكون اكثر وفاء بعد الزواج ..بس مش تعميم لان في مدن العن من لاس فيجاس زي st Johnو الطيور علي اشكالها تقع يا صديقي العزيز

اما كامهنة ..نادر ما تشوف المناظر الي بتشوفها في التلفيزيون مترصرصين الا في الداون تاون و قليل جدا ..مدينة زي ادمونتون حتشوف المناظر دي كتير جدا ..ادمونتون مدينة خطرة

:هل صحيح ان عقوق الوالدين منتشر بشكل فظيع وان الصلة بين الأبناء وآبائهم تنقطع تماما بمجرد بلوغ الأبناء ؟؟

كتير اوي تلاقي ست او راجل كبار بيتمشوا في الشارع م ومعاهم كلب ..للاسف ما فيش حد بيسأل عليهم غاليا :wub: ..و القاعدة برضه مش تعميم لاني شفت عائلات كندية لحد دلوقتي الابن بيخاف من ابوه و بيستشيره ..موجودة بس مش زي الامريكان مصورينهم في الاعلام ..امريكا غير كندا لحد كبير

كل الأسئلة دى هى استفسارات عن الأفكار الموجودة فى دماغنا كعرب عن أهل الغرب عموما ... هل أفكارنا دى صح ولا غلط ؟؟؟ وهل منتشرة ولا لأ ؟؟

طبعا أنا بسأل لأن فى النهاية فى حالة الهجرة هتكون دى هى البيئة اللى هتعيش فيها وهتربى أبنائك فيها ..

اتقي الله يرض عنك الله و يبارك لك و بركته سبحانه حتوصل لسابع ولد ..و لو عصيت الله ..حتغضب الله و تلعن و اللعنة حتوصل لسابع ولد...كل ما التزمت دينيا كلما احترموك الغرب و ربنا فتح عليك الخير في اي مكان..جيت و افتكرت ان الحضارة هيا في الهلس و الروشنة زي ما العرب فاكرين يبقي لا هما حيحترموك و لا ربنا حيبارك فيك و حتقضي ايام زي الزفت و العكس صحيح دي وجهات نضر :D ضد التعميم

[MoeTdot]

ده كان استفسار لدكتور حسام من فترة بس الواحد كان مطحون ارد عليه ربنا ييسر له الامور ان شاء الله :rolleyes:

طيب ازاي استمتع بوجودي هنا و الحياة تكون حلوة و سلسة زي ما بنشوفها في التلفيزيون

السنين الي فاتوا الواحد اتربي و نضج جدا و اتعلم حاجات كتير قوي و غيرتني جدا حنقلها للفايدة العامة و هيا و جهة نظر مش لازم تمشي مع كل الناس بس ده الي اتعلمته و شفته

اتق الله اتق الله اتق الله ..كل ما الواحد اتمسك بدينه و اتقي الله كل ما شاف الدنيا احلي و اجمل لو روحك مش مرتاحة و لا فلوس الدنيا حتريحك ...و حتضمن لحد كبير ان الله سبحانه و تعالي يبارك لك في اولادك و ده الاهم

البلد هنا الحياة في قمة السلاسة ..حتتطلع الاتوبيس حتلاقي السواق بيقولك good morning :wub: و انت نازل حتلاقيه بيبتسم و يقولك have a nice day or good night الناس ودودة لحد كبير يبقي تفكيرك انت و ال attitude هما الي حيخلوا الحياة جنة او نار

كل ما الانسان كان عنده attitude كل ما واجه صعوبة في التأقلم هنا و كل الدنيا عامة و الدنيا كانت ضلمة :blush2: ..المهاجر بيجي هنا و شايل في شنطته ثقافة البلد الي كان فيها زي الفهلوة و نظم الطبقات ...لو جيه من الخليج و عاني من ويلات الكفيل حتلاقيه جاهز بنظرية المؤامرة ..كل الي بيكلمه او عايز يتعرف عليه يبقا عايز حاجة منه او عايز يستغله او يحسده ...حتلاقيه بيكلم الناس من طراطيف مناخيره اصل الواد في كندا :rolleyes: ..طبعا ده ابعد عنه لان العلاقة معاه وجع قلب و غالبا مش حيكون علاقات الا الي علي شاكلته (ضد التعميم في ناس تتحط علي الجرح يطيب ربنا يبارك لهم يا رب :rolleyes: )

في الي فعلا بتاع مصلحته زي معظم العلاقات في الدول العربية وده بيكتشف بسرعة و الناس مش اغبيه هنا ..بيقولوا ان الانسان average العادي عامل زي الdetector بيلقط الحاجات دي بسرعة ده في اي جنسية في اي بلد

كل ما ال attitude :blink: قل و طريقة التفكير دي قلت كل ما تقدمت في شغلك و في حياتك :blush2: ..لو مسلم ملتزم بلاش تعاملهم علي انهم الغرب الكافر دينا ابدا ما امرنا الا بالمعاملة الحسنة و برضه لكم دينكم و ليا دين ..لو من اخوانا العلمانيين الي بيناقصوا نفسهم و تلاقيهم اول ناس بيحاربوا الفكر المخالف ليهم و حتلاقيهم هما الي بيحاربوا المعتقدات الاسلامية زي الحجاب و لا حول و لا قوة الابالله ..مش حيلاقوا حد معاهم الا علي شاكلتهم لان مستحيل تلاقي كندي كويس و ضد معتقد اسلامي مهما كان و لو وجد مستحيل يبين لك برضه حيعاملك باحترام و لاي مش مصدق ينزل يشوف جامعة تورنتو فرع سكاربورو و كمية المنتقبات و بيتعاملو ازاي

لو ربنا وفقك يبقي اشكر النعم دي :) لو احلامك لقيتها صعبة هنا وما وفقتش يبقي بلاش احباط و بص لنصف الكوب المليان و اسعي و ذاكر و اطلع سافر عيش حياتك تمتع بالسلاسة دي من غير ما تخلي الاحباط يقتلك يعوقك ..فكر في مشكلتك بطريق مختلفة حتلاقيها اتحلت بفضل الله ..عموما بيقولوا ان اول 5 سنوات عادة بتكون صعبة بس بعد كده الامور بتكون اسهل كتير ماديا و نفسيا و ده صحيح لحد كبير

فعلا عسي ان تكرهو شيئا و يجعل الله فيه خيرا كثيرا

فضفضة علي السريع و مافيش و كل الكلام ضد التعميم طبعا

[myusername]

كل ما الانسان كان عنده attitude كل ما واجه صعوبة في التأقلم هنا و كل الدنيا عامة و الدنيا كانت ضلمة :rolleyes:

فعلا... موضوع الاتيتيود ده مشكلة... لو الواحد بقى "بارانويد" يبقى مش هيعرف يعيش, و هيقع فى مشاكل كتير..

يا رب كلامى مايتفهمش غلط... بس انا حسيت ان احيانا من الافضل ان الواحد يعمل عبيط و كإنه مش فاهم حاجة, و كل حاجة بتمشى طبيعى و عادى..

طبعا انا اقصد كلامى فى السياق اللى بيتكلم عنه MoeTdot :rolleyes:

تم تعديل 25 يناير 2010 بواسطة myusername

[المعلم عتريس]

المهاجر بيجي هنا و شايل في شنطته ثقافة البلد الي كان فيها زي الفهلوة و نظم الطبقات ...لو جيه من الخليج و عاني من ويلات الكفيل حتلاقيه جاهز بنظرية المؤامرة

انا على كده جاي ومعاي عقد الدنيا :rolleyes:

الخليج:

اخر مرة لي هناك الكفيل بتاعي تخانق مع مراته

راحت بلغت عليه انه بيتاجر في الاقامات

رحت انا في الرجلين واترميت في الحجز كام ساعه :blush2:

اوربا:

مافيهاش قلة الادب بتاعة الخليج

بس عندهم النظرة الدونية لاي واحد شعره اسود

ده غير صعوبة دخول سوق العمل

مصر:

ولابلاش كفاية عليكم كده عشان ماتتعقدوش :rolleyes:

حسيت بكلامك ده لما اشتغلت كاجوال هنا

لقيت صاحب الشغل مشغلني

من غير عقد ولا حاجه

انا خفت بصراحه :rolleyes:

قلت اه هايشغلني كام يوم ويقولي مالكش حاجه :blush2:

ممكن مع الوقت اخد على السيستم ان شاء الله

[myusername]

المهاجر بيجي هنا و شايل في شنطته ثقافة البلد الي كان فيها زي الفهلوة و نظم الطبقات ...لو جيه من الخليج و عاني من ويلات الكفيل حتلاقيه جاهز بنظرية المؤامرة

انا على كده جاي ومعاي عقد الدنيا :blush2:

الخليج:

اخر مرة لي هناك الكفيل بتاعي تخانق مع مراته

راحت بلغت عليه انه بيتاجر في الاقامات

رحت انا في الرجلين واترميت في الحجز كام ساعه :wub:

اوربا:

مافيهاش قلة الادب بتاعة الخليج

بس عندهم النظرة الدونية لاي واحد شعره اسود

ده غير صعوبة دخول سوق العمل

مصر:

ولابلاش كفاية عليكم كده عشان ماتتعقدوش :rolleyes:

حسيت بكلامك ده لما اشتغلت كاجوال هنا

لقيت صاحب الشغل مشغلني

من غير عقد ولا حاجه

انا خفت بصراحه :rolleyes:

قلت اه هايشغلني كام يوم ويقولي مالكش حاجه :)

ممكن مع الوقت اخد على السيستم ان شاء الله

ليه يا باشا؟ :rolleyes: انتا فاكر نفسك فى مصر؟ :blush2:

انا عملت لفة سريعة كده فى المنتديات الانجليزى اللى بتتكلم عن كندا, و لقيت انهم بيعملوا موضوع الشغل من غير عقد ده عشان ميدفعش ضرايب.. و الموضوع ده منتشر.

صحيح انتا بتقبض كاش؟

بمناسبة الكلام عن الزوجة الكنداوية.. مفيش حد عنده عروسة ليا.. ان شالله حتى تكون PR :blink:

تم تعديل 25 يناير 2010 بواسطة myusername

[MoeTdot]

ِحِياة ابوك يا شيخ و انت رايح زيارة للمعلم صعيدي ابقا اسئلهولنا هو عارف ان الكميائيين ما لهمش معادلة يعني non-regulated في اونتاريو و البرتا غير كيبيك الي لازم رخصة و معادلة؟

بصراحه هو ما كانش عارف الحكايه دي :rolleyes:

ده انا لما هاشوفه ها بهدله :D

طيب مش كنت تفهمه من الاول يا عم مو :rolleyes:

ابقى خلي بالك منه والنبي اصل هو مش من البلد دي :blush2:

براحة علي الواد ياولد عمي و حياة ابوك ..الواد معزور يا ولداه مش شايف عينيه مخاصمة بعض كيف :rolleyes: :blush2:

المهم يا ولد عمي قوله ان في اونتاريو الشغلانات الي عايزة رخص هما دول

Regulated Non-Health Professions

Agrology

Architecture

Certified Engineering Technicians and Technology

Certified General Accounting

Certified Management Accounting

Chartered Accounting

Early Childhood Educator

Forestry

Geoscience

Insurance Broker

Land Surveying

Law

Professional Engineering

Real Estate Agent

Social Work and Social Service Work

Teaching

Veterinary Medicine

HealthForceOntario

Regulated Health Professions

Audiology and Speech-Language Pathology

Chiropody and Podiatry

Chiropractic

Dental Hygiene

Dentistry

Dental Technology

Denturism

Dietetics

Massage Therapy

Medical Laboratory Technology

Medical Radiation Technology

Medicine - Physician or Surgeon

Midwifery

Naturopathy

Nursing

Occupational Therapy

Opticianry

Optometry

Pharmacy

Physiotherapy

Psychology

Respiratory Therapy

ام المهن الي محتاجة رخصة هما دول

Automotive Service Technicians

Construction and Maintenance Electricians

Cooks and Bakers

General Machinists

Hairstylist

Hoisting Engineers

Industrial Electricians

Industrial Mechanics (Millwrights)

Plumbers

Refrigeration and Air Conditioning Mechanics

Sheet Metal Workers

Tool-and-Die Maker

يعني جيس وات blw) ..الكميائيين مش محتاجين معادلات في اونتاريو و لا البرتا

يعني ياولد عمي الشغلانات الجاية دي للعالم الكميائيين chemists مش عايزة معادلة قله يجرب حظه

agricultural chemist

analytical chemist

biochemist

chemist

clinical chemist

coatings chemist

electrochemist

environmental chemist

food chemist

inorganic chemist

nuclear magnetic resonance (NMR) spectroscopist

oceanographic chemist

organic chemist

organic mass spectrometrist

organometallic chemist

pharmacological chemist

physical chemist

polymer chemist

quality control chemist

research chemist

soil chemist

textile chemist

theoretical chemist

Employment requirements

* A bachelor's degree in chemistry, biochemistry or in a related discipline is required.

* A master's or doctoral degree is usually required for employment as a research chemist.

* Licensing by a provincial association of chemists is compulsory in Quebec, and available but voluntary in Ontario and Alberta.

http://www.acpo.on.ca/bridging/2112_chemists_e.php

ده كده ممكن يفكر يسيب الكليه

ويشتغل كيميائى

وممكن يفكر يقفل الورشه

راحت فلوسك يا صابر

كده يا غريب

صابر صابر يا عم صابر ..احنا جيين نهدي النفوس يا دكترة :blink: :wub: :)

[MoeTdot]

goodfaith

المعلم عتريس

كلام رائع وعين العقل

حلو اوي انك تاخد شهادة من ناس عاشوا التجربه فعلا ويعطوا خلاصة تجربتهم من على ارض الواقع

صح في كل مكان في الدنيا في الزين وفي الشين

شوفوا الخليجين افكارهم عن المصريين ولا المصريات ايه من الافلام اللي بيشوفوها عننا

مافيش داعي اقولكم... كتير منكم في الخليج واكيد عارف

عشان كده بيفاجأوا لما يقابلوا مصريين محترمين كأن مش هي دي القاعدة ان الانسان يكون محترم

وده كله من الاعلام السئ طبعا والافلام الاسواء وكذلك بره هو احنا نعرف ايه عنهم غير شوية افلام برضه

كلامك صحيح و عين العقل ...حقيقة حاجات كتير من الموجودة في الافلام مش موجودة علي ارض الواقع فعلا ...ربنا ييسر لك امور الهجرة شايف ان حضرتك ابتديتم فيها يا رب خير ان شاء الله و نسمع منكم قريب انتو لقيتوا الموضوع زي ما هو في الافلام و لا لا :rolleyes: :rolleyes:

[MoeTdot]

كل ما الانسان كان عنده attitude كل ما واجه صعوبة في التأقلم هنا و كل الدنيا عامة و الدنيا كانت ضلمة :rolleyes:

فعلا... موضوع الاتيتيود ده مشكلة... لو الواحد بقى "بارانويد" يبقى مش هيعرف يعيش, و هيقع فى مشاكل كتير..

يا رب كلامى مايتفهمش غلط... بس انا حسيت ان احيانا من الافضل ان الواحد يعمل عبيط و كإنه مش فاهم حاجة, و كل حاجة بتمشى طبيعى و عادى..

طبعا انا اقصد كلامى فى السياق اللى بيتكلم عنه MoeTdot :rolleyes:

كلمة attitudeمالهاش علاقة بالبارانويا يا bossالاتيتيود انسان مزاجه متعكر علي طول ..شوية تكبر علي عنجهية علي طباع حادة ...لو حد جيه ناحيته يبقي بيضدهده معندوش الflexability و المرونة الي عند الناس دول هنا ..واحد في الطيارة و انا راجع زيارة لمصر ما جابلوش الاكل الحلال الي طلبه ,,قعد يزعق و يهلل خلي الي ما يشتري يتفرج ..طبعا الاستاذ ده انا عارف سلوكه حيكون ازاي في الشغل ...و طبعا طقم الطيارة كله اتكهرب و قالوه ده عربي كلهم كده بس خلاص ..و لو عايز تهدو هاتلوا جدو :rolleyes:

[MoeTdot]

العضو

MoeTdot

عندي لك خبر أعتقد انه يهمك(ان ماكنتش عرفته already)

كنت بادعبس و اكتشفت حاجة حلوه جدا!!!!

كندا خلعوا من النظام الأمريكي السخيف في الترخيص لأطباء الأسنان!!!

ماكنتش متخيل ان ده هيحصل أبدا!

من أول يناير 2011 هيبقي مش اجباري انك تدخل الكلية سنتين عشان تعادل شهادتك......ممكن تدخل كلية برضه الخيار ده لسه موجود بس الجديد انك ممكن تدخل امتحان من 3 مراحل لو نجحت فيهم من حقك تدخل امتحان مزاولة المهنة اللي بيدخله خريج أي كلية طب أسنان كندية.

لتفاصيل أكتر:

National Dental Examining Board of Canada-Information for non-accredited graduates

حبيبي في الله وش الخير و السعادة :D ..ربنا يجزيك خير علي المعلومة دي ..انا سمعت فعلا ان القصة حتبقي اسهل الحمد لله ..بس الواحد ما كانش متأكد لكن الينك الي اديتهولي ده وضح حاجات كتير جدا و خلاني افكر تاني بعد ما الواحد ركز في سكة تانية ........لازم ينخوا شوية الناس بتهرب من البلد لان صعب بعد المجهود في الدراسة دي ما تشتغلش ابتدوا يدركوا الحتة دي عقبال كل المهن ان شاء الله ..ربنا يجريك كل الخير و يفرحك كده زي ما انت بتفرح الناس ..ربنا ييسر لك كل الامور و يجزيك كل الخير :rolleyes: :rolleyes: :rolleyes: :blush2: :blush2: :blink: :wub: :) blw)

[ehabtaher]

ايه ده بقى ........ يعنى بعد كل المجهود ده فى البحث عن كليه تعلمنا الميكانيكا والكهربا ممكن نرجع نشتغل تانى دكاتره

يخساره

انا كنت خلاص اتظبطت على مسمى اوسطى

وبعدين

حا نعمل ايه

لازم تانى نعيد البرمجه ااوووووووووووووف

[حسام يوسف]

حمد الله ع السلامة يا عم مويت دوت

وحشتنا يا دكتور

بجد على قد الفترة اللى نورت المنتدي فيها ما كانت قريبة

لكن غيابك بيبان من يوم واحد

ومتشكرين على اخر مشاركات دي

بجد مشاركات رائعة

وزبدة الزبدة زي ما بنقول فى مصر

وحشتنايا دكتور

ماتطولشي الغيبة

وربنا يكتبلك التوفيق دايما يارب -_-

تم تعديل 25 يناير 2010 بواسطة حسام يوسف

[MZohairy]

انا في رأيي ان أي واحد يهاجر لكندا عشان يلاقي شغل كاجوال معقول يمشي حاله بيه لغاية ما يعرف طريقه (طبعا بعد إجادته للغه الاولى سواء انجليزي او فرنسي) ......

لازم يكون يعرف حد عايش هناك عشان يساعده و كل ما يعرف اكتر كل ما الفرص تزيد و العكس

أو يكون محظوظ بإن بحثه و اجتهاده يخليه يلاقي فرصه معقوله

أو يكون معاه فلوس يقدر يصرف منها لغاية ما يلاقي شغل (في حدود سنه) في ظل تأثيرات و تداعيات الأزمه الماليه العالميه

و بالنسبه لفرص العمل فهي متوفره حسب وجهة نظري بالترتيب من الأعلى للأقل بهذا الشكل

تورونتو ثم البيرتا (كالجاري و ادمنتون) ثم موريال ثم فانكوفر

طبعا هذا لا يعني توافر الفرص بغزاره في تورنتو و عدم توافرها في فانكوفر

و انما هي من الأكثر الى الأقل حسب وجهة نظري

طبعا مش بتكلم على اعانات الدوله و الإعانات الدراسيه و خلافه

بتكلم من نقطة العمل فقط

[myusername]

كل ما الانسان كان عنده attitude كل ما واجه صعوبة في التأقلم هنا و كل الدنيا عامة و الدنيا كانت ضلمة :blink:

فعلا... موضوع الاتيتيود ده مشكلة... لو الواحد بقى "بارانويد" يبقى مش هيعرف يعيش, و هيقع فى مشاكل كتير..

يا رب كلامى مايتفهمش غلط... بس انا حسيت ان احيانا من الافضل ان الواحد يعمل عبيط و كإنه مش فاهم حاجة, و كل حاجة بتمشى طبيعى و عادى..

طبعا انا اقصد كلامى فى السياق اللى بيتكلم عنه MoeTdot :hi:

كلمة attitudeمالهاش علاقة بالبارانويا يا bossالاتيتيود انسان مزاجه متعكر علي طول ..شوية تكبر علي عنجهية علي طباع حادة ...لو حد جيه ناحيته يبقي بيضدهده معندوش الflexability و المرونة الي عند الناس دول هنا ..واحد في الطيارة و انا راجع زيارة لمصر ما جابلوش الاكل الحلال الي طلبه ,,قعد يزعق و يهلل خلي الي ما يشتري يتفرج ..طبعا الاستاذ ده انا عارف سلوكه حيكون ازاي في الشغل ...و طبعا طقم الطيارة كله اتكهرب و قالوه ده عربي كلهم كده بس خلاص ..و لو عايز تهدو هاتلوا جدو :unsure:

ما هو ده اللى انا قصدى عليه -_-

ان الواحد كل تفكيره انه مضطهد.. يبقى بارانويد و بيفكر فى الموضوع ده طول الوقت.. و بيفسر اى حاجة تفسير عجيب!!

[astrophy]

حمدلله على السلامه يادكتورMoeTdot

اخبارك ايه يارب يكون كل شىء تمام وماشى الحال

بقالك فتره غايب انت واخونا صعيدى فى مونتريال و حشتنا بجد

ربنا ييسر ليكم كل خير

[magedghonim]

والله خبر كويس جدااااااااااا

وبالتوفيق ل مويت دوت

وبجد انا شايف ان طب اسنان من المهن القوية جدا

والي تستهال بجد اي تعب عشانها

ربنا يوفقكو.

[المعلم عتريس]

لكن الينك الي اديتهولي ده وضح حاجات كتير جدا و خلاني افكر تاني بعد ما الواحد ركز في سكة تانية

يا بني ماحدش يسيب طب اسنان ويروح علوم

العكس ماشي

لكن لو انت علوم سيبها وروح اي حاجه :rolleyes:

[المعلم عتريس]

ايه ده بقى ........ يعنى بعد كل المجهود ده فى البحث عن كليه تعلمنا الميكانيكا والكهربا ممكن نرجع نشتغل تانى دكاتره

يخساره

انا كنت خلاص اتظبطت على مسمى اوسطى

وبعدين

حا نعمل ايه

لازم تانى نعيد البرمجه ااوووووووووووووف

مش مشكلة

نعملك مسمى وظيفي اسطى اخصائي أشعه :rolleyes:

[novocaine]

العضو

MoeTdot

عندي لك خبر أعتقد انه يهمك(ان ماكنتش عرفته already)

كنت بادعبس و اكتشفت حاجة حلوه جدا!!!!

كندا خلعوا من النظام الأمريكي السخيف في الترخيص لأطباء الأسنان!!!

ماكنتش متخيل ان ده هيحصل أبدا!

من أول يناير 2011 هيبقي مش اجباري انك تدخل الكلية سنتين عشان تعادل شهادتك......ممكن تدخل كلية برضه الخيار ده لسه موجود بس الجديد انك ممكن تدخل امتحان من 3 مراحل لو نجحت فيهم من حقك تدخل امتحان مزاولة المهنة اللي بيدخله خريج أي كلية طب أسنان كندية.

لتفاصيل أكتر:

National Dental Examining Board of Canada-Information for non-accredited graduates

حبيبي في الله وش الخير و السعادة :) ..ربنا يجزيك خير علي المعلومة دي ..انا سمعت فعلا ان القصة حتبقي اسهل الحمد لله ..بس الواحد ما كانش متأكد لكن الينك الي اديتهولي ده وضح حاجات كتير جدا و خلاني افكر تاني بعد ما الواحد ركز في سكة تانية ........لازم ينخوا شوية الناس بتهرب من البلد لان صعب بعد المجهود في الدراسة دي ما تشتغلش ابتدوا يدركوا الحتة دي عقبال كل المهن ان شاء الله ..ربنا يجريك كل الخير و يفرحك كده زي ما انت بتفرح الناس ..ربنا ييسر لك كل الامور و يجزيك كل الخير :rolleyes: :D :roseop: :roseop: :roseop:

لا شكر علي واجب يا دكتور......ربنا يوفقك بمساعدتك للناس..كفاية التوبيك ده و مجهودك مع صعيدي و ناس تانية كتير.....و يوفقنا جميعا يا رب

[ehabtaher]

ايه ده بقى ........ يعنى بعد كل المجهود ده فى البحث عن كليه تعلمنا الميكانيكا والكهربا ممكن نرجع نشتغل تانى دكاتره

يخساره

انا كنت خلاص اتظبطت على مسمى اوسطى

وبعدين

حا نعمل ايه

لازم تانى نعيد البرمجه ااوووووووووووووف

مش مشكلة

نعملك مسمى وظيفي اسطى اخصائي أشعه :rolleyes:

وده موجود فى اللسته بتاعه 2010 والا نخلينا زى ماحنا لحد مايوافقوا على الهجره ويحلها ربنا بعد كده

[terminator]

ألف شكر لمدام godfaith

والمعلم عتريس

وحبيب قلبى الدكتور Moetdot