مطلوب شغل في تورونتو يا ولاد الحلال

[يوتوبيا]

اقولكم رأيي ياشباب

ما تتخيل دكتور مويت قد ايه مشاركتكم ونصايحكم لبعض ولنا قد ايه شئ مهم جدا جدا جدا

ياجماعة احنا بنتكلم في مصائر بشر ومستقبل بيتغير من الشرق للغرب ومن الشمال للجنوب

يعني كل معلومة بتتكتب هنا في المنتدى او في اي منتدى تاني يكون فيه ناس اولاد حلال زيكم كده حقيقي بتكون قيمتها اكبر بكتيير من اللي ممكن واحد كل اللي متخيله انه اجاب على استفسار ولا حكى عن تجربة خاصة

الموضوع اكبر من كده بكتييير وفعلا فايدته عظيمة جدا جدا

انا واحدة من الناس بدأت الفكرة معايا اني عايزة اهاجر ، تشاورت مع زوجي في الموضوع وهو طول عمره كان رافض مبدأ ان يطلع برة اي بلد عربي وتخيلوا انا العكس دايما متخيلة ان الواحد لازم يجازف مع الاخذ في الاعتبار مخاطر كل مجازفة طبعا

الموضوع ده اخد سنوات لغاية ما اولادنا دلوقتي بالمدارس والعمر بيجري وكان تفكيري الجدي في موضوع الهجرة بس الاصعب ان ازاي اقنع زوجي بالموضوع

وبفضل الله بدأت البحث من اول محاولة البحث عن دراسة ماسترز او دكتوراة لنا عشان نضمن الاقامة في البلد اللي هنروحها

وطبعا كان البحث عن امريكا او استراليا او ......... مافيش او ........دي او دي ..بس

انتوا ملاحظين

موضوع كندا ده ولا كان على بالي........

وفعلا كنت مشتركة بموقع اخر وكان فيه معلومات مستفيضه حول الموضوع ..فجأه تحول بحثي عن الدراسة ال بحث عن كيفية الهجرة بعد ما قرأت مشاركات ونصائح الاعضاء المخلصين اولاد الحلال

وكنت مركزة جدا في موضوع استراليا وسألت اسئلة كتييييييييييييرة جدا وجزاهم الله خير انهم تحملوني

بعدها لقيت موضوع المعادلة اللازمة قبل ارسال الاوراق صعب شويه عشان سمعت ان جامعتنا مش معترف بها(مهزلة تعليمية)

فرجعت لتفكيري وقلت مافي غير خيار الدراسات العليا بأمريكا اواستراليا وفعلا بحثت في جامعات كتييير في استراليا بس فجأة قلت طالما كده كده هندرس يبقى نروح امريكا على الاقل تبقى الشهادة امريكية

وطبعا الاعضاء كانوا صبوريين جدا معايا ومخلصين زي ما قلتلكم وما بيتأخروا على اي سؤال

لكن لما بدأت ازهق واقولهم خلاص كده مافي فايدة وخاصة ان الاقامة الدائمة للدراسة مش مضمونه في امريكا اللي بعدها يعني ممكن اقدم على الهجرة والاقامة الدايمة في استراليا مش هناخدها الا لو درسنا حلاقة او نجارة او سباكه

حاجات من الحلوة دي يعني .....وطبعا مش هينفع نعمل كده مش تقليل من المهن دي ولكن عشان حرام نصرف الافات على الفاضي وفي الاخر هنشتغل في مهنتنا اللي بنحبها وخاصة انها مطلوبة

بس كده ومن هنا كانت اللحظة الحاسمة...تاتاتتــــــــــــــــــــــــــــــــــا

اوم ايه .... اصحى في يوم وافتح الموقع المذكور اعلاه الاقي شخص ابن حلال دايما كان يفيدني برضه بمعلوماته

الاقيه مسجل مشاركة بيقوللي بما معناه ما تسيبك من القلق ده كله وشوفي كندا ......بصراحة فوجئت بالموضوع عشان تعرفوا بس ان في اقدار ربنا بيبسبب ناس لناس عشان يدلوهم على قدرهم بقصد او بدون

بس وقاللي هرسلك رساله خاصة ...وفعلا لقيت الرسالة فيها اسم المحاورات عشان الاقي كل المعلومات اللازمة عن كندا

شوفوا انا بحي لكم ايه عن اصدقائي في المنتدى اللي فات

اهو انا بقى لما جيت هنا اتصدمت ... ايوة اتصدمت .... بس صدمة الواقع الجميل اللي كان الواحد مش متخيل ان هيلاقي على ارض الواقع ناس بتحب بعضها لوجه الله وبتدل بعضها على الخير بدون اي مقابل

يا جماعة انا بكيت مرة لما كنت بدور في المنتديات عن معلومات عن الحياة بالخارج عشان اخد فكرة عن الخطوة المبدأية اللي عايزة اخدها انا وزوجي

بكيت ووريت زوجي المنتديات اللي بفتحها معظمهم سعوديين مع بعض او كويتين او اماراتيين في الخارج مغتربين للدراسة وكلهم عمالين يفيدوا بعض ويحوطوا على بعض وما حد بيبخل على التاني بشئ

على عكس كم موضوع في كم منتدى الاقي المصريين كلهم احباط والواحد فيهم بيطلع المعلومة كأنه مضروب عشان يقولها مع ان الافضل انه ما كان يرد من الاساس

والله العظيم حزنت وقلت لزوجي بقى احنا اللي كنا بنجمع الناس وندلهم ونعلمهم دلوقتي مش طايقين بعض ولا حد عايز يعمل لوجه الله حتى طبعا انا ما اشتركت في ولا واحد من المنتديات دي لاني لا يسعدني اني اكون معاهم

اما هنا فالامر مختلف تماما حسيت اني قاعدة مع اخويا واختي وبابا وماما وخالاتي واعمامي يعني من الاخر بتكلم مع اهلي والاحلى ان فعلا احساس ان كل واحد منكم عايز يقدم كل اللي عنده

والمقابل ايه............؟؟؟؟؟................لا شئ

بس ماتتخيلوش ان ما فيش مقابل لا والله وقسم ثاني لا والله وقسم ثالث لا والله

اجركم عظيم عظيم عظيم والله عنده خير جزاء

انا بقى هنا بدأت اقف على ارض صلبة من قبل ما ناخد القرار بقيت اتابع يوميا وابلغ زوجي بمجريات الامور وسألت عن بعض الاشياء مثل التعليم وغيره حتى قبل ما اخد قرار باعداد الاوراق اللازمه

هصلي وارجع اكمل بس اوعوا تزهقوا

[يوتوبيا]

عــــــــــــــــــــــــــــدنا بفضل الله

اكمل بقى يا دكتور مويت

بدأت اسأل في حاجات كتيير بعد ما مبدأيا لقيت ان موضوع التقديم بأمر الله متاح لنا

لكن قبل ما اخد الخطوة دي بحثت في اشياء كتيييرة.... انا زرت التوبك بتاعك ده قبل ما اقرر اي شئ على فكرة ما تقلش طيب وانت مالك ومال الشغل ده انت لسه مالكيش ورق بأسمك حتى تبعتيه لكندا

لكن الحقيقة اني احب اخد فكرة عن كل شئ عشان القرار يبقى اقرب الى الصواب بإذن الله.. دخلت وشفت الوظائف والجامعات والسكن وخرائط لكندا بمختلف ولاياتها واشياء كتيرة

غير ارائكم انتم بقى دي اللي كانت بتدعمني دايما وبتجيب من الاخر

والحمد لله توكلنا على الله وعزمنا اننا نبدأ في كتابة الابليكيشن وده بقى بصراحة زهقت اخواني في المنتدى من كتر اسئلتي .. بس شهادة احاسب عليها مافي حد بخل عني بالمساعدة

ومش هذكر اسماء عشان يظل حقهم موجود وجزاؤهم ياخدوه خالص يوم الحساب مع ان سهل جدا لو اي حد تابع موضوع الهجرة بدون محامي هيعرف ان تقريبا ما في حد بخل علي بشئ

جزاهم الله خير

طبعا قبل ما انسى انا ارسلت رسالة لاخي اللي دلني على موضوع كندا وشكرته على عمله واني بالفعل في سبيلي للتقديم للهجرة وبصراحة مسمياه وجه الخير ان شاء الله وبدعي ربنا يتقبل ورقي وان شاء الله هبلغه عشان يفرح هو كمان

يعني يادكتور مويت المعروف اللي بتعملوه هنا شئ مشرف وراائع جدا

ياريت ما حد يعتقد انه مافي فايدة من كلامة او مشاركته او خبراته اللي بينقلها للناس

دي صدقة جارية ادعوا ربنا ن المنتدى ما يحصلش فيه اي مشكلة عشان تفضل مشاركاتكم ظاهرة لاي انسان وخاصة الموضوعات اللي بتسجلوا بيها معلومات وخبرات من داخل كندا

لان بصراحة دي لها معنى رائع وهو ان المصريين لسة فيهم الخير

انا بقول لزوجي عن المعلومات الجميله اللي بتكتبوها وخاصة اللي بيحكي فيكم عن خطوات لازم نعملها في الحياة هناك لان هو نفسه تعرض لمواقف سيئة وتجارب صعبه اما لاقدامه على شئ ماكان ينبغي له عمله

او العكس ان ما وجد اولاد الحلال اللي يقولوله اعمل كده افضل

وانت شخصيا افضل مثال للناس دي

انك بتحاول تقصر الطريق على غيرك على قدر معرفتك

وفي اخوان كتييير برضه بقوموا بنفس الشئ

جزاكم الله جميعا كل خير

يعني يا سيدي ماتترك الشيطان يلعب براسك هو بيعمل كده من كتر ما الدعوات نازله عليك وكل دعوة اما هتاخد عليها حسنه زيادة او هيتشال من عليك سيئة والشيطان هيتجنن مش عارف يعمل ايه وهو لاقي واحد بيفلت من ايده

قال انا هجيبها منه هو احسن طالما مش هقدر على الناس اللي بتحفظ المعروف دي كلها

وهيشتغل عليك انت ياسيدي فخللي بالك بقى

انت عملك عمل عظيم بإذن الله

وكلنا هنا بنحفظ الجميل

هو بس مباريات افريقيا اخدت الناس شويه وبعدها الاحتفالات وياحبيبتي يامصر يامصر

بس كلنا معاكم في موضوعاتكم كلها وحافظين جمايلكم كلكم والله وعسى الله يتقبل دعائنا لكم وياسلام بقى لو فينا واحد ابن حلال كده وصالح دعوته هتتقبل هوا (ان شاء الله)

اننا بدعي ربنا اني اقدر في يوم من الايام اساعد الاعضاء زي ما انتم بتساعدوا كده

ومعلش سامحوا الناس اللي مش بتقدر تدخل كتيير انتوا عارفين الدنيا صعبة ومشاغلها كتيير

وكمان سامحوا اللي بيذاكروا الايلتس عشان مش هيعرفوا يدخلوا كتيير(اصلي هبدأ اذاكر وخايفة ما عرفش ادخل :happy: )وخاصة انكم مواضعكم كلها جميلة وبتشد وكمان بتاخد وقت

لكن اللي خلص الايلتس مالوش حجة انا بقول اهو :sad:

سلام يا اخواني الاعزاء

اوعوا تكونوا زهقتم من كلامي انا بصراحة ما بحبش اسمع ان حد زعلان وبحس اني لازم ادلي بأقوالي -في الحق طبعا- ( ايه ادلي دي !!!!!!! :sad: :sad:

ربنا يكتب لكم الخير جميعا يارب

تم تعديل 2 فبراير 2010 بواسطة نهر النيل

[adamdec]

أختى العزيزة الجميلة نهر

انا بجد دمعت لما قريت المشاركة الجميلية بتاعتك دى.

ربنا يكرمك و يسهلك كل خطوة, آمين يا رب. عشان انتى انسانة جميلة و تستاهلى كل خير.

انا برده اول ما ابتديت اقرأ فالمنتدى مكنتش مصدقة ان لسة فيه ناس كده. جدعان و مش طالبين حاجة من حد و كله بيتعمل لله و كنت يسأل و مازلت بسأل طيب هي فين الناس دى فالحقيقة؟ و لا هما الكام واحد الفاضلين كلهم جم هنا بالصدفة؟

جزاكم الله خيرا اخواتى و اخوانى الاعزاء. انا بجد بحس انى وسط اهلى هنا

تم تعديل 2 فبراير 2010 بواسطة adamdec

[ehabtaher]

انا حاليا فى مفترق الطرق للمذاكره - امتحانى بعد 48 يوم

والشهاده لله - ماقدرش انى مادخلش فى المنتدى

ليه

انا فى غربه فى السعوديه - وما ليش فى العلاقات الاجتماعيه لسبب ضغط العمل و الاولاد والمذاكره وو

وبصراحه وجود التوبيك وقراءته و المداخلات فيه هى اللى بتخلينى حاسس ان لسه فى مصر حواليا ناس بيفكرو زىى

وبما انهم بيفكروا بنفس طريقه التفكير يبقى حيوصلوا لنفس الحلول طيب نشوف الحلول دى وصلتهم لايه لانها برضه حتوصلنا لنفس المكان

يا جماعه هى بس مرحله زهق من الانتظار والتجهيز

وبعدين هى اهم حاجه فى الموضوع هنا هى وضع الرجل على بدايه الطريق - لكن اللى بيمشى فى الطريق ده او غيره هو احنا

يعنى المفروض نمشى كمان من غير عصايه او عكاز يعنى مثلا اذا عرفت ان كندا العمل فيها يا اما كاجوال او تدرس علشان ترفع من مستواك العلمى او تعادل دراستك

خلاص يبقى دى بدايه الطريق

اختار انت بقى فين تمشى

اذا عرفت الن السكن يا اما فى فنادق او شقق مفروشه ايجار او تشترى بيت لو معاك مقدم خلاص انت عقلك فى راسك اقراء واختار

اذا عرفت ان التقديم من غير محامى زيه زى المحامى وتوفر 10000 جنيه انت حر يا توفرهم علشان توثيق الشهادات والمعادله يا اما تشترى دماغك

الخلاصه

ربنا يجمعنا على الخير وما نزهقش زى ما فيه ناس بتزهق بس لازم نعرف ان الدنيا مشاغل وما فيش حد متفرغ للمنتدى طول الاسبوع يعنى

كفايه حتى يوم واحد تبقى رضا

[المعلم عتريس]

ما حدش بيكتب هنا مستني شكر من حد

في ناس محتاجه للمعلومة وناس ممكن بتفيد بمعلوماتها اكثر

وناس نص ونص يعني ممكن يستفسر عن حاجه ولو يقدر يجيب على استفسار بيجاوب

انا بدخل منتديات الاجانب اكثر من هنا

ما عندهمش مين شكرني ومين ما شكرنيش

[MoeTdot]

السلام عليكم

ايه المجهود الجميل ده يا moetdot

من قلبي بقولك جعله الله في ميزان حسناتك

غاوي رفاهية و هدؤ يبقي عليك و علي البرتا بس بشرط ان يكون عندك career(دكتور -مهندس مدرس )لان شغل السرفايفل عن تجربة لا يسمن و لا يغني من جوع و حتتعب و تلعن البلد

لو اشتغلت طحن ليل معا نهار مش حتعمل اكتر من 2200الا لو انت محظوظ لو الشغل سرفيفال في الاماكن دي و طبعا مش حتتحسب بفلوس مصر حتتعب لان البلد غالية جدا ..الجزمة الي ب 20دونن في تورونتو حتلاقيها ب 100في البرتا ..نفس المبلغ بيتعمل في اونتاريو بشغلانتين

جزاك الله خير علي الرد المستفيض الجميل يا moetdot

كل ده فرق سعر بين البرتا واونتاريو

ازاي

هو مش ممكن انا اشتري من علي النت البضاعه وبيكون في معظم المواقع توصيل مجاني للمنزل لامريكا وكندا

يبقي لو ينفع من النت ازاي الاسعار عندهم غاليه كده بالفرق ده وبينافسوا ازاي في السوق في البرتا السوق علي النت

وايه تفسير حضرتك لفرق السعر ده لاني لما سالت علي الاكل قالوا مش بيزرعوا طيب والجزم

بالنسبه لعازب جاي كندا اكيد في الاول ممكن يحتاج شغل كاجوال اكيد

من كلام حضرتك بلاش كالجاري لان الشغل فيها مش كتير وبلاش ادمونتون عشان البلاوي اللي ممكن نشوفها سواء هومليس او بنات ليل (اعتقد مهم جدا لاي مهاجر جديد ميشفش المناظر ديه عشان الشعور بالاحباط وخاصه في اول ايام وانا علي ايه سيبت بلدي والناس هنا مشرده) وكمان البرتا عامه غاليه

وده اللي فهمته من كلام حضرتك

طيب حضرتك تنصح بايه

البرتا ولا تورنتو ولا نيوفاوند لاند من حيث فرص العمل والاجور و الاسعار

لاني كنت ناوي علي كالجاري

بس كلام ناس كتير هنا هيخليني افكر تاني

وجزاك الله خير

يا طيب روح البرتا لو فعلا عندك عرض وظيفي هناك ..لكن ما تروحش لو حتشتغل كاجوال القصة مش جايبة همها ما يمنعش ان في ناس شغلاين كويس جدا القصة رزق في الاول و الاخر بس ادرسها صح في ظروف الازمة دي ..ربنا ييسر لك الامور و يبارك فيك ان شاء الله

[MoeTdot]

عزيزي MOE T DOT

و الله تجربة امريكا دي تقدر تقول ان الواحد اتعلم من خلالها حاجات كتير جدا و عرف ايه هي ال pifalls اللي ممكن يقع فيها اي مهاجر جديد في اي مكان, شوف يا سيدي

انا كنت بسافر امريكا من ايام الكلية في الصيف و اقضي هناك 3 شهور الصيف و ده كان اول بداية المشوار مع امريكا , طبعا كنت باروح هناك علي مكان في NJ اسمه Seaside Heights و هو عبارة عن Summer place بيكون very busy خلال فترة الصيف و بعدين بيقفل .

انا كنت محظوظ لاني لقيت شغل في Seafood Restaurant as a busboy و قعدت اشتغل في نفس المكان ده كل صيف طول فترة الكلية.

المهم بعد ما نهيت الكلية اشتغلت في مصر لمدة سنة و نص في مشروع Egyptian LNG at Idku و بعد ما خلص المشروع كانت امريكا لسه في دماغي و كنت مش طايق الوضع هنا و قررت السفر لامريكا تاني بنية الاستقرار و تحويل فيزة الزيارة الي دراسة .

كان في هناك مجموعة زمايلي في مدينة New Haven ولاية Connecticut و نزلت عندهم و بدات شغل في محل بيتزا من تاني يوم وصولي و بدات ايضا رحلة البحث عن دراسة , طبعا لقلة الخبرة و المعرفة الواحد كان بيدور في الاتجاه الغير صحيح بمعني جامعات كبيرة و متطلباتها صعبة لكن مكنتش اعرف وقتها ان في colleges, institutes, professional training courses و غيره و غيره فكانت النتيجة اني ضيعت وقت كتير جدا دون البدء في اي دراسة

و لكن قدرت اني ابداء حياتي هناك و تزوجت (زوجتي مصرية و كنا كاتبين كتابنا قبل ما اسافر) و قدرت اجيب زوجتي و قعدت معايا حوالي سنه , و في نفس الوقت كنت دخلت شريك في محل مع جماعة مصريين و بدات الحياة تستقر لحد كبير و لكن كان دايما في احساس داخلي بيضايقني لعدم اشتغالي بمهنتي الاساسية.........

اكمل بقي لحضرتك بكره عشان انا مليش في الكتابة الكتير دي :lol:

تسجيل متابعة فقط ..التعليق بعد ما نعرف القصة كاملة ..ربنا ييسر لك كل الامور ان شاء الله

المهم يا ريس .... بعد شهر من دخولي شريك في محل بيتزا مع 2 مصريين اكتشفت ان كان في بينهم خلافات كتير و لكنها كانت غير ظاهرة و كل واحد منهم كان بيحاول يطفش تاني, المهم بعد 6 شهور تم فض الشراكة و المحل اتقفل و الخسارة كانت فادحة, في نفس التوقيت كانت الفيزا التابعة لمراتي قد انتهت و لم استطيع التمديد لها و كان لازم تغادر البلد و هنا عرفت ان خلاص انا ليس لي نصيب ان اكمل حياتي في امريكا, و قررت اني اقعد فترة لتعويض الخسارة التي خسرتها و تظبيط بعض الامور في مصر ثم لحقت بزوجتي بعد نزولها مصر بسنة ......

الغريب بقي ان بالرغم من وجودي في البلد بشكل غير شرعي, الا اني كنت اتمتع بجميع الحقوق في السكن و التعاملات المادية مثل اي مواطن امريكي و كانت المشكلة الوحيدة اني بس مش قادر امارس مجالي بس بردو مع الوقت الموضوع ده مكانش بيشكل لي مشكلة لان دخلي كان معقول جدا و موفر لي حياة كريمة , صحيح كان لازم اشتغل مش اقل من 70 ل 80 ساعة في الاسبوع عشان اوفر الدخل ده بس في المقابل كنت ساكن في مكان كويس, معايا عربية, و كل اسبوع باروح انا و زوجتي فسحة في مكان جديد.

الاهم بقي من كل ده هو الهدوء و الراحة النفسية Peace of mind اللي الواحد فعلا كان بيتمتع بيهم هناك, و اللي للاسف مش قادر احس بيهم هنا تماما و اكيد كل الناس اللي سافرت بره حتكون فاهمه ايه سر الاحساس ده..... بس يا سيدي و هي دي كل الحكاية

قصة كفاح ما شاء الله ...بيشدني ان في امريكا ممكن تعمل بزنس بسهولة جدا و تنجح ..في مصريين و عرب كتير جدا عملوا ملايين من اعمال بسيطة و محلات زي ال convenience stores و البيتزا ..اكيد حتفعك تجربتك دي في اي مكان تختاره للهجرة بعد كده ...ال peace of mind ممكن اجمل شئ في البلاد دي زي ما قولت ..مستمتع و انا بقرأ قصتك يا رب امورك تتيسر التجربة دي حتسهل عليك حاجات كتير جدا ان شاء الله :roseop:

[MoeTdot]

(الي يزعلك انك لو وقعت في ايد عربي حتلاقيه حيستغلك احسن استغلال)

صديقة لي اخبرتني انها اول ما جت هي واسرتها لكندا لم يجدوا وظائف ثم جاء شخص من نفس بلدهم عراقي وشغلها هي واختها ب 20 دولار في اليوم تحكي لي تقول كنا فرحانين جدا وحاسين انه عمل لنا جميل وخدمنا خدمة العمر وقتها كان الحد الادنى للجور 6 دولار في الساعة يعني لو اشتغلت 8 ساعات كان اجرها المفروض يكون 48 دولار

وزوجي اول ما وصل تورنتو اجر بيسمنت في بيت تملكه اسرة عربية ب 750 دولار واكتشفت بعدها انه ممكن ياخد باتشلور لوحده ب 500 دولار او شقة غرفة واحدة ب 600 دولار

لكن للاسف البعض يستغل عدم معرفة البعض الاخر والله يهدي العرب ويصلح حالهم

عندك واحد لو خد دبلومة social worker حيعمل بشغل7 ساعات في اليوم 5 ايام في الاسبوع قرابة ال4000 دولار مرتاح يبقي دي التريك التعليم

انا عارفة اني سالتك قبل كده في كورسات ميديكال بس معلش رجاء خاص تستحملني محتاجة افكر مع حد بصوت عالي يعني اعتبرني اختك وبتستشيرك لاني محتارة جدا

انا الفترة اللي فاتت فكرت في كورس السوشيال ووركر ده وعملت عليه سيرش على يوتيوب واقتنعت بيه جدا بس مش عارفة هل ممكن الواحد يلاقي بسهولة فرصة عمل بعد التخرج او لا

كمان فكرت في دراسة الموارد البشرية hr اعرف انه مجال مطلوب ومرتباته جيدة لقيت دبلومة في اكتر من كولدج لمدة سنتين

الكورس الاخير هو كورس باي رول payroll فيه شهادتين ممكن اخدهم http://www.payroll.ca/Content/NavigationMenu/Certification/2010_CertificationBrochure_FINAL.pdf

ممكن تقولي رايك في ال3 مجالات دول واذا ممكن ترتبهم تصاعديا او تنازليا كمان

طبعا لكل الاخوة هنا اي رأي او فائدة انا شاكرة لكم جدا

ونخدمكم في الافراح ان شاء الله

الصورة الي انا راسمها لمدام goodfaith من خلال اسلوب كتابتها و انا متأكد انا مش غلطان انها مش

self centered personality بتحب تساعد بتحب تكون حولين الناس ,out going personality لحد كبير جدا ..فاعتقد شغل الsocail work حيكون مناسب لحضرتك جدا في مساعدة المهاجرين الجدد الي السنوات القادمة حيزدادوا ..عشان كده الطلب علي الشغلانة دي كبير جدا و خصوصا لو حد بيتكلم لغة تانية زي العربي و عايش في اوتاوا و لا تورونتوا

قريبة ليا من الدرجة الاولي خدت كورس سنة في كلية مش معروفة و اثناء الدراسة عملتVolunteer في منظمة الصليب الاحمر و في منظمة عربية ..قبل ما تخلص السنة كان في opning لشغل في منظمة كبيرة نسبيا و عايزين شرط اللغة العربية و قدمت بدون خبرة خدوها مرتبها كان لا يقل عن 45 الف في السنة كبداية اول سنة ..انا صراحة مع ان حضرتك تدخلي البرنامج ده و في جورج براون في accelerating program for international professionalsحيوفر عليك كتير و معا volunteer في اي مكان ان شاء الله حتلاقي احسن و ظيفة و ممكن في الgovernment كمان ..مجال مطلوب جدا لان البلد بلد هجرة

انا تحت امرك ما تقلتيش و ربنا بس ييسر الامور

حلوة الثقة بالنفس انا شاكرة لرد حضرتك جدا

الحقيقة انا مش قادرة اقدم في اي مكان في اوتاوا لاني بإذن الله راجعة تورنتو في موعد اقصاه يوليو القادم

كمان كورس السوشيل ووركر من ضمن متطلباته قبل التقديم له انك تكون عملت فولنتير عدد ساعات معين في مكان بيقدم خدمات اجتماعية

انا قارنت بين الكورس في 3 اماكن جورج براون ونياجرا كولج والجونكن كولج طبعا اخر اتنين صعب اقدم فيهم لانهم مش في تورنتو بس كنت باخد فكرة عن المتطلبات للكورس والمواد والمصاريف والمدة

الميزة ان الكورس ده فيه Field Placement ودراسة لحالات خلال الدراسة نفسها وده بيدي خبرة وثقة بعد التخرج لان الواحد بيكون شاف نماذج من اللي ممكن يتعامل معاها

كمان فيه مكان من الاماكن طالبين 2 ريفرانس ليتر من ناس بتشتغل في نفس المجال وبوليس كليرانس وانترفيو ده كلهم طالبينهم يعني اجهز من دلوقت المتطلبات على ما اوصل تورنتو اكون جاهزة ان شاء الله

اذا ممكن تقولي اسم الكلية اللي قريبتك اخدت فيها الكورس يمكن الريكوايرمنتس بتاعتهم تكون اخف شوية واكيد هاتكون في تورنتو

كمان اعتقد انه الافضل اخد الكورس بالسرعة العادية لاني متزوجة واعول الا لو اقيت حد ياخد العيال سنة يا سلام يبقى خدمني خدمة العمر

بجد عاجزة عن شكرك وربنا ييسر لنا جميعا الخير ان شاء الله

مممممممممم مش كل الكليات طالبة كمية الطلبات دي و شرط الفولنتير ..الكلية الي قريبتي قدمت عليها كانت ايفريست Everest

collage هي خاصة يعني همهم الفلوس و غالية شوية ..افضل سينيكا ولا جورج براون ..علي فكرة اعرف ناس عملت فولنتير بس في منظمات و بدون شهادة ما كان في وظيفة قدموا و اتقبلوا ...الVolunteer احد كلمات السر في البلد دي

http://www.everest.ca/programs/complete_list

[MoeTdot]

يا عم مويت

فين لما كنت بتبقى معايا ع اللاين wst::

قبل ما أكتب المشاركة حتى :lol:

اللى واخد عقلك يا ريس

انا قصدي شغلانة السوشيال وركر دي

محتاجة دراسة قد ايه

وايه المطلوب فى اللى هيتقدملها

بس يا عمنا

وتسلملنا دايما

مش كده يا طيب ..المنتدي مليان مشاعر و احاسيس سلبية كتير جدا و احساس بالغربة مهما حاولت اتجاهلهم مش عارف ..تحس ان القصة شلل و احزاب و امجاد شخصية و القصة كلها self centered مش مساعدة الناس ...الي بيسأل غالبا مش بيكلف نفسه يعرفك انت قلت حاجة مفيدة و لا ضيعت وقت علي الفاضي و الناس الActive علاقتهم بتنتهي مع الفيزا و مش بتسمع منهم تاني حتي تجاربهم عشان يساعدوا الناس الي بعد كده و يكتفوا بمقاعد المتفرجين .. فالدخول علي المنتدي بقي تقيل علي قلبي شوية ..بس اكيد انا غلطان 1000%و كلها احاسيس سلبية في دماغي فقط ربما من عوامل خارجية ..فخير ان شاء الله .. ...و ربنا ييسر للناس كلها امورها و يبارك لهم ان شاء الله :lol:

السوشيال وركر يا كيبر هيا سنة و لا اتنين في كلية كفاية جدا ..معا Volunteer..الناس الي شغالة في المنظمات الي بتساعد المهاجرين ..الناس المسئولة عن المساعدات الاجتماعية ال welfare و كده ..شغلانة سهلة فلوسها مانجة ..تسلم يا غالي

http://www.youtube.com/watch?v=LGGIKZE0deU

انا عرفت المنتدى من فترة بسيطة وبقالي في كندا 3 سنين وانت بنفسك شهدت لي اني مش self centered يعني من الاخر بلاش الاحاسيس السلبية دي

المنتدى مجتمع صغير فيه كل العينات اللي موجودة في اي مجتمع

فيه ناس علاقتها بتنتهي فعلا بالمنتدى فعلا بعد حصولها على الفيزا لا ده كمان فيه ناس مش موجودة الا في موضوع بتاع تتبع ملفات الفيدرالي بس فيه ناس تانية موجودة في كندا بتتواصل هنا وبتفيد الناس في حدود معرفتها يمكن وقتها مش بيسمح لعمل بحث خاص او مشاركات طويلة وفيه ناس عمالة تسوف تسوف تسوف ولا كانها جت كندا من اصله :) لو كل مرة بدل ما يقولوا هنبقى نكتب قالوا جملة واحدة مفيدة كان ناس كتير استفادت بس الشكوى لله

وفي النهاية من معرفتي المتواضعة لشخصك الكريم انا متاكدة انك مش مستني شكر من حد على اي رد ليك وتعبك لمساعدة اي شخص سأل سواء رجع شاف الرد ومداش فيد باك او مرجعش اصلا مردود من ناحية تانية ومن حيث لا تعلم ولا تدري وعن تجربة شخصية يعني مش تضييع وقت على الفاضي

وبالتوفيق ان شاء الله

القصة اتفهمت غلط اختي العزيزة ..الواحد بفضل الله عنده ال High-self esteem الكافي و الفراسة الكافية ان لا الف كلمة مدح و لا الف كلمة زم بيأثروا فيه بفضل الله ..

الي مستني شكر من انسان زيه يبقي عايز Grow up a little..

ممكن العشم الي حضرتك اتكلمتي عليه ..لاني اول ما لقيت المنتدي و قريت الناس بتساعد ازاي حسيت ان فكرة الOne big family ممكن تتعمل لان القصة سيئة جدا بينا احنا العرب هنا و في الغرب عموما الا من رحم ربي و انت عارفة اكيد و لامسة الواقع :sad: ..بس القصة لقيتها معقدة فعلا و معظم الناس شايلة من بعض ده الاحساسيس السلبية الي لمستها و تكلمت عنها ..بس الحماس قل شوية دي كل القصة ..لكن ما شاركنا من الاول عشان مجد شخصي كبعض الاشخاص و لا منتظرين شئ من احد بفضل الله و المعظم هنا كده و لا ده الي قصدته ..فكرة العيلة الكبيرة الواحدة الي انا فعلا عانيت انها مش موجودة بين العرب.. اشك انها تتحقق لان العملية معقدة اكبر من اللازم و النفوس شايلة و ربنا يسهل و ييسر للناس امورها طبعا .. و ان شاء الله حتتيسر ..شكرا لرد حضرتك اختي الفاضلة و ربنا ييسر لك الامور : :

[MoeTdot]

يا عم مويت

فين لما كنت بتبقى معايا ع اللاين wst::

قبل ما أكتب المشاركة حتى :sad:

اللى واخد عقلك يا ريس

انا قصدي شغلانة السوشيال وركر دي

محتاجة دراسة قد ايه

وايه المطلوب فى اللى هيتقدملها

بس يا عمنا

وتسلملنا دايما :

مش كده يا طيب ..المنتدي مليان مشاعر و احاسيس سلبية كتير جدا و احساس بالغربة مهما حاولت اتجاهلهم مش عارف ..تحس ان القصة شلل و احزاب و امجاد شخصية و القصة كلها self centered مش مساعدة الناس ...الي بيسأل غالبا مش بيكلف نفسه يعرفك انت قلت حاجة مفيدة و لا ضيعت وقت علي الفاضي و الناس الActive علاقتهم بتنتهي مع الفيزا و مش بتسمع منهم تاني حتي تجاربهم عشان يساعدوا الناس الي بعد كده و يكتفوا بمقاعد المتفرجين .. فالدخول علي المنتدي بقي تقيل علي قلبي شوية ..بس اكيد انا غلطان 1000%و كلها احاسيس سلبية في دماغي فقط ربما من عوامل خارجية ..فخير ان شاء الله .. ...و ربنا ييسر للناس كلها امورها و يبارك لهم ان شاء الله :roseop: :lol:

السوشيال وركر يا كيبر هيا سنة و لا اتنين في كلية كفاية جدا ..معا Volunteer..الناس الي شغالة في المنظمات الي بتساعد المهاجرين ..الناس المسئولة عن المساعدات الاجتماعية ال welfare و كده ..شغلانة سهلة فلوسها مانجة ..تسلم يا غالي

http://www.youtube.com/watch?v=LGGIKZE0deU

السلام عليكم يا عم مويت دوت

مكنتش عارف ان سؤالى هيثير الشجن ده عندك

وآسف لو كنت تقلت عليك

وبخصوص المواقف اللى مضايقاك من البعض

فهية مش احاسيس سلبية ولا حاجة

هية حقيقة فعلا

لكنها البعض مش الكل زي ما أنت عارف

هية دي الدنيا

زي ما أنت قلت

ناس جاية عشان تاخد بس

موجود لدرجة ما شللية مقدرش أنكر

ناس مش بتكلف نفسها شكر ولو سطر على مشاركات مفيدة ليهم وتعبوا اللى ساعدهم عشان يكتبها ويجيب المعلومة

معاك

ناس لما بتاخد الفيزا ويمكن من قبل كدة كمان بتكبر دماغها

مش هنكر

لكن برضة يا دكتور فيه ناس بتشكر اللى يساعدها

وفيه ناس بتساعد وبتدي زي ما بتاخد

وحتى المساعدات دي مش كلها على العام

اعرف ناس بتتواصل رسايل وتليفونات ومش بتتأخر فى المساعدة

وتفيد غيرها زي ما استفادت

يعنى الخلاصة

دولم موجودين

ودكهمه برضة موجودين

معلش انى ضايقتك

وطلعت شحنة سلبية من عندك لما تقلت عليك

تحياتى ليك

وربنا يكرمك ويوفقك لأنك انسان تستاهل كل الخير دنيا وآخرة :lol:

يا طيب فاكر اول ايام لما كنت بكتب في توبيك استاذ نصار(ربنا ييسر له اموره و يسهل عليه الاندينج) و كلي حماس لموضوعه بتاع الرابطة العربية و شغال اتكلم و ادي افكار . ..

حسيت ان القصة من الردود ممكن تكون صعبة شوية ..جبت ال51 صفحة من الاول و قريت لقيت ان فعلا في ضرب نار و الناس مش صافية اوي ..

من اليوم ده لا بحتك بحد و لا اتدخل في ما لا يعنيي و لا اي شئ احس ان فيه ضرب نار ...و لا حصل بفضل الله مواقف من احد و لا حيحصل كل الناس هنا اهل و اصدقاء :) ..هو كان عشم زايد مش اكتر في عيلة كبيرة متاسكة زي الهنود ولا السيرلانكيين و لا الباكستان..الواحد بينزل من طيارته علي شغله ..العرب بينهم ضرب نار هنا و حتعاني منها زي ما عانينا و بكرة افكرك... الا يمكن اللبنانيين عشان كده اكتر ناس ناجحين في الغرب ....... كنت فاكر هنا ممكن يكون مختلف بس للاسف ..و كله حيكون مانجة و زي الفل ان شاء الله ربنا ييسر لك الامور يا دكترة شكلها سنة مفترجة انا حاسس ان شاء الله علي الكل

[MoeTdot]

يا عم مويت

فين لما كنت بتبقى معايا ع اللاين

قبل ما أكتب المشاركة حتى

اللى واخد عقلك يا ريس :

انا قصدي شغلانة السوشيال وركر دي

محتاجة دراسة قد ايه

وايه المطلوب فى اللى هيتقدملها

بس يا عمنا

وتسلملنا دايما :

مش كده يا طيب ..المنتدي مليان مشاعر و احاسيس سلبية كتير جدا و احساس بالغربة مهما حاولت اتجاهلهم مش عارف ..تحس ان القصة شلل و احزاب و امجاد شخصية و القصة كلها self centered مش مساعدة الناس ...الي بيسأل غالبا مش بيكلف نفسه يعرفك انت قلت حاجة مفيدة و لا ضيعت وقت علي الفاضي و الناس الActive علاقتهم بتنتهي مع الفيزا و مش بتسمع منهم تاني حتي تجاربهم عشان يساعدوا الناس الي بعد كده و يكتفوا بمقاعد المتفرجين .. فالدخول علي المنتدي بقي تقيل علي قلبي شوية ..بس اكيد انا غلطان 1000%و كلها احاسيس سلبية في دماغي فقط ربما من عوامل خارجية ..فخير ان شاء الله .. ...و ربنا ييسر للناس كلها امورها و يبارك لهم ان شاء الله

السوشيال وركر يا كيبر هيا سنة و لا اتنين في كلية كفاية جدا ..معا Volunteer..الناس الي شغالة في المنظمات الي بتساعد المهاجرين ..الناس المسئولة عن المساعدات الاجتماعية ال welfare و كده ..شغلانة سهلة فلوسها مانجة ..تسلم يا غالي

http://www.youtube.com/watch?v=LGGIKZE0deU

بتقلب علينا المواجع ليه بس wst::

بالنسبة لموضوع الself-centered...

متهيق لى ان ده شىء طبيعى و مفيهوش حاجة تضايق, طالما ان الواحد بيحكى عن تجربته؟؟ ولا انا مش فاهم كلامك

ولا انتا قصدك ان الواحد بيبقى همه نفسه و بس؟!!

بالنسبة للشخصيات و النوايا.. انا تواصلت مع بعض الاشخاص خارج نطاق المنتدى.. beyond the internet و بصراحة اتصدمت ان فيه ناس كتير داخلة بنوايا تانية خالص... يعنى واحد داخل عشان يوقع واحدة.. يالا ربنا يهدى..

بس عموما بحكم تجربتى"المحدودة" مع ناس عرفتهم عالانترنت و نقلنا العلاقة للواقع..(اغلبهم اجانب) فيه اختلاف جذرى طبعا فى الشخصية.. و انا شخصيا اتعلمت حاجتين من التجارب دى:

1- لما الانسان بيتكلم... فالكلام حاجة و الافعال حاجة.. ناس كتير بتتكلم عن المبادىء و تحس انهم ولاد حلال.. بس فى الواقع افعالهم غير اقوالهم نوهائى.. يعنى الكلام عن المبادئ شىء, و تنفيذها شئ آخر تماما.

2- ان احنا بشر... و بنغلط.. بس احنا بنبين أحسن ما عندنا لما نتكلم عالانترنت.. او حتى لما بنتكلم مع الناس فى حياتنا..

مين فينا مبيغلطش و مبيعملش ذنوب؟ المشكلة بقى انك بتشوف اللى قدامك عالنت كإنه ملاك برئ.. بس مش اكتر.

و انا شخصيا... اغلب الناس بتقولى انى شخص تانى فى الواقع غير الانترنت.. يعنى طريقة كتابتى حاجة, و طريقة كلامى فى الواقع حاجة تانية.. و ده طبيعى على ما اعتقد.. لان اسلوبى فى الكتابة غير اسلوبى فى الكلام... ده غير انى شخص خجول جدا فى الحقيقة

بالنسبة بقى لموضوع المساعدة... انتا بتعمل اللى عليك و خلاص.

طبعا انتا عارف ان انا موجود فى مكان تانى.. اللى اتكلمنا عليه.. (الله يمسيك بالخير يا عمر يا تورنتو).. و فى الحقيقة دى مشكلة بتقابل الناس اللى هناك.. لان فيه ناس كتيرة قوى بتبقى مستهترة.. يعنى واحد معملش باسبور اصلا و داخل يسأل على تأشيرة أمريكا..

ناس عايزانا ندور لهم على مكاتب سياحة... لا و كمان نعمل لهم الحجوزات بتاعتهم و حجوزات الفنادق.. كإننا مكتب سياحة مش منتدى خدمى..

اكتر حاجة بتتعبنا هناك هى الناس المستهترة فى اسئلتها.. خصوصا اللى بيسألوا اسئلة عايمة و لسه بدرى عليها فى تنفيذها.. و عشان كده دايما هتلاقى فى ردودنا عالناس هناك: خد الامور واحدة واحدة.. خطوة خطوة... و ماتسبقش الاحداث.

و حتى "تامو" كان عمل تحذير ان اى حد هيحس منه بعدم جدية فى اسئلته.. مش هيرد عليه و هيمسح مشاركته..

عموما انتا بتعمل ده لوجه الله.. و اصلا الطبيعى مجرد ما انتا بتقول رد محدش هيقولك شكرا.. و طالما انك بتعملها لوجه الله, يبقى لا تنتظر شكر من اى حد.

يا عم ماي يوزر نيم يا طيب انتا كدا داخل سكة شمال خالص ..ما فيش حد جاب سيرة شخصيات و لا نوايا (الله وحده اعلم بيها )و لا اتكلمنا علي حد بيغلط و لا ذنوب ..انت قريتوا ايه يا جدعان ..و مين جاب سيرة تامو هنا :lol: .. و الله انت عسل :sad:

self centered يا طيب لما عم مو عنده low self esteem و تلاقيه كتب حاجات عشانلshow off و يقول انا هنا انا افضل و غيره ...مين الي قال بس انها معناها ان مافيش حد يكتب عن تجربته :lol: ...تجارب زي د.هشام و الشامي و الفاضل ابو سمرة و بقية الافاضل و تجربتك انت شخصيا الممتعة جدا (علي فكرة انتا طولت في انزال الحلكة الي بعد كده ) هي اجمل شئ في القصة كلها (بس لما تكون للEntertainment and serious discussion not for showing off )فهمت يا عم مايوزر ..والنبي ما ترد لو ما فهمتهاش ما تدخلنياش شمال الله يرض عليك

و خد شم دول :roseop:

[MoeTdot]

بص يا د مويت دوت

انا كمثال

لم اعرف عن منتدى كندا ولم ادخله من قبل الا بعد ما قررت اننى اقدم على الهجره لكندا

وبعد ما قدمت تقريبا ب 3 ايام عملت الاشتراك فى المنتدى علشان اعرف اشارك فى المنتدى

لو تلاحظ

ان المنتدى فيه شقين

1- الهجره

2- ما بعد الهجره

الهجره وما فيها كلنا عارفين ان المنتدى بيساعد بصوره طيبه جدا اللى عايز يهاجر وبيعطيه فكره عن ايه اللى بيعمله وايه اللى مطلوب منه وايه اللى يتوقع يقابله هناك بعد ما يهاجر من خبرات الاخرين

لكن

ما بعد الهجره

القله اللى بينشروا خبراتهم بيبقوا مزنوقين فى حاجات كتير ما تنساش ان انت مزنوق فى كندا لازم تثبت نفسك وتعرف تعيش وتحاول تنجح

غيرهم موضوع الهجره لكندا هو 3 سنين والباسبور وعرفنا ننجح كان بها معرفناش يبقى الباسبور

وغيرهم زى الصعيدى وانت ورانا ان الدراسه هى الحل واشكركم على كده

لكن لو عملت احصائيه تلاقى ان اكثر من فى المنتدى بيحاول يهاجر او فىبدايه الهجره

اللى استقر وشغله كويس هناك حا يدخل يقول ايه انا نجحت يا جماعه ( طيب وبعدين)

خطوه ما بعد الهجره كنا بنحاول نبلورها بس طبعا احنا لسه ايدينا متكتفه لاننا مش هنا ومش عارفين الدنيا حاتعمل فينا ايه لما نكون هناك

ماعرفش انا جمعيات المصريين بالخارج فى كندا وتورونتو نشاطه ايه اللى جوه كندا هو اللى يقول لنا

بص الانترنت خلت المسافات تبقى قصيره جدا والمعلومات متوفره فى كل مكان لكن اللى يدور هو اللى يتعلم

اللى بيحط خبراته هنا يا اما بيعرضها مجانا وطالب الاجر من عند الله يا اما لا واعتقد ان الاغلبيه بيعمل كده

وانا مش عايز احاسيس سلبيه تسيطر عليك من ناحيه المنتدى لان فى النهايه المنتدى انعكاس للناس اللى فيه

واعمل زى حسن شحاته بيعمل فى صمت يعنى المعلومه تحطها ولو فيه حد استفاد منها كان بها ولو لم يستفد بها احد فنعم المحاوله ونعم الاجر

واذا لم يرد احد بالشكر ( وايه يعنى) حنستفيد ايه يعنى من الشكر

وقالها د تهامى فى التوبيك بتاعه

بلاش الشكر الكتير وتبقى المناقشات ايجابيه بالنقاش والتحليل

وربنا يخلينا موضوعيين وعمليين تمهيدا للفتره القادمه

ماعرفش انا جمعيات المصريين بالخارج فى كندا وتورونتو نشاطه ايه اللى جوه كندا هو اللى يقول لنا

ايدك و الارض اعتمد علي دراعك فقط و نفسك فقط

واذا لم يرد احد بالشكر ( وايه يعنى) حنستفيد ايه يعنى من الشكر

هو ليه القصة بقت شكر بس ..يا طيب عدينا مرحلة المراهقة ان كلمة مدح و لا زم تأثر في الواحد ..اقسم بالله ما قصدت دي خالص ..مين الي يستني شكر من احد في عالم افتراضي زي الانترنت الا انسان فعلا مريض ..

وقالها د تهامى فى التوبيك بتاعه

بلاش الشكر الكتير وتبقى المناقشات ايجابيه بالنقاش والتحليل

ده المقصود بس و ده مش بيحصل ... مش تهليل و تكبير و مشكور ..بص علي المنتديات الاجنبية تفهم ان قصدي ايه

بص الانترنت خلت المسافات تبقى قصيره جدا والمعلومات متوفره فى كل مكان لكن اللى يدور هو اللى يتعلم

كلامك صح و زي ما قال الامام الشافعي لا تعطين الرأي لمن لا يريده ..لا انت محمود و لا الرأي نافعه ..

اذن فالنتخذ من كل رجل قبيلة و نتخذ مقاعد المتفرجين مثل باقي الناس الي في كندا الي بيقروا كازائرين دلوقتي و الي محتاج مساعدة فعلا اقسم بالله حنساعده انا و اهلي بعيونا ..يستحق او لا يستحق ..الا لو في شئ فعلا ممكن يفيد الناس مش موجود في النت اكيد حضيفه كتابة ...في كام حاجة انا متأكد بفضل الله ممكن تفيد الناس ...و ان شاء الله امور كل الناس حتيسر و ربنا حيبارك للناس كلهم

تم تعديل 2 فبراير 2010 بواسطة MoeTdot

[Dr Yasser Mosa]

السلام عليكم

انا عضو جديد في المنتدى قرات العديد من موضوعات كندا و استفدت جدا و بشكر كل الناس اللي تعبت نفسها و كتبت عشان تفيد غيرها و ربنا يجازيهم خير في الدنيا و في الاخره.

اما الاخ العزيز الدكتور MoeTdot فانا لا اجد كلمات اعبر بيها عن مدى شكري و امتناني و تقديري لمجهوده في المنتدى بصفه عامه و مساندته ليا بصفه خاصه, والله ماينفع الشكر يا دكتور ابدا, انا بدعي ربنا يوسعلك في رزقك و يحفظك من كل شر و يبارك لك في صحتك و اهلك و مالك و عمرك و يكرمك و يعزك و يحققلك كل ماتتمنى, انه سميع مجيب الدعاء, آمين.

بالنسبه لموضوع الدراسه, ايه هي افضل البرامج اللي تنفع الأطباء في كندا و ليها فرص شغل مضمونه للمهاجرين, يعني مثلا

Health Administration

Health Informatics

Human Resources

Social Work

Quality Control

IT

ايه افضل البرامج بالنسبه للأطباء, واللي ممكن تخلينا نشتغل في الميديكال فيلد بس مش كلينيكال و بالتالي من غير معادله, زي ادارة المستشفيات او نشتغل في فيلد تاني قريب من تخصصنا و بعييييييييييد عن الكاجوال وورك ؟؟؟؟؟؟؟؟؟

[MoeTdot]

والله يا اخي انا مش عارف اقلك ايه في حكايه تغيير الكارير .....بس ربنا يقدملك اللي فيه الخير وييسرلك امورك

وانا يا سيدي مش بروف ولا حاجه دنا لسه بقول يا هادي :lol: ولسه في اول سنه في الدكتوراه

السنوات حتعدي بسرعة يا دكتور و حتكون اشهر بروف في مصر بفضل الله :lol: .. و بكرة نفكرك...دعواتك بس ده كل المطلوب :roseop:

[MoeTdot]

عــــــــــــــــــــــــــــدنا بفضل الله

اكمل بقى يا دكتور مويت

بدأت اسأل في حاجات كتيير بعد ما مبدأيا لقيت ان موضوع التقديم بأمر الله متاح لنا

لكن قبل ما اخد الخطوة دي بحثت في اشياء كتيييرة.... انا زرت التوبك بتاعك ده قبل ما اقرر اي شئ على فكرة ما تقلش طيب وانت مالك ومال الشغل ده انت لسه مالكيش ورق بأسمك حتى تبعتيه لكندا

لكن الحقيقة اني احب اخد فكرة عن كل شئ عشان القرار يبقى اقرب الى الصواب بإذن الله.. دخلت وشفت الوظائف والجامعات والسكن وخرائط لكندا بمختلف ولاياتها واشياء كتيرة

غير ارائكم انتم بقى دي اللي كانت بتدعمني دايما وبتجيب من الاخر

والحمد لله توكلنا على الله وعزمنا اننا نبدأ في كتابة الابليكيشن وده بقى بصراحة زهقت اخواني في المنتدى من كتر اسئلتي .. بس شهادة احاسب عليها مافي حد بخل عني بالمساعدة

ومش هذكر اسماء عشان يظل حقهم موجود وجزاؤهم ياخدوه خالص يوم الحساب مع ان سهل جدا لو اي حد تابع موضوع الهجرة بدون محامي هيعرف ان تقريبا ما في حد بخل علي بشئ

جزاهم الله خير

طبعا قبل ما انسى انا ارسلت رسالة لاخي اللي دلني على موضوع كندا وشكرته على عمله واني بالفعل في سبيلي للتقديم للهجرة وبصراحة مسمياه وجه الخير ان شاء الله وبدعي ربنا يتقبل ورقي وان شاء الله هبلغه عشان يفرح هو كمان

يعني يادكتور مويت المعروف اللي بتعملوه هنا شئ مشرف وراائع جدا

ياريت ما حد يعتقد انه مافي فايدة من كلامة او مشاركته او خبراته اللي بينقلها للناس

دي صدقة جارية ادعوا ربنا ن المنتدى ما يحصلش فيه اي مشكلة عشان تفضل مشاركاتكم ظاهرة لاي انسان وخاصة الموضوعات اللي بتسجلوا بيها معلومات وخبرات من داخل كندا

لان بصراحة دي لها معنى رائع وهو ان المصريين لسة فيهم الخير

انا بقول لزوجي عن المعلومات الجميله اللي بتكتبوها وخاصة اللي بيحكي فيكم عن خطوات لازم نعملها في الحياة هناك لان هو نفسه تعرض لمواقف سيئة وتجارب صعبه اما لاقدامه على شئ ماكان ينبغي له عمله

او العكس ان ما وجد اولاد الحلال اللي يقولوله اعمل كده افضل

وانت شخصيا افضل مثال للناس دي

انك بتحاول تقصر الطريق على غيرك على قدر معرفتك

وفي اخوان كتييير برضه بقوموا بنفس الشئ

جزاكم الله جميعا كل خير

يعني يا سيدي ماتترك الشيطان يلعب براسك هو بيعمل كده من كتر ما الدعوات نازله عليك وكل دعوة اما هتاخد عليها حسنه زيادة او هيتشال من عليك سيئة والشيطان هيتجنن مش عارف يعمل ايه وهو لاقي واحد بيفلت من ايده

قال انا هجيبها منه هو احسن طالما مش هقدر على الناس اللي بتحفظ المعروف دي كلها

وهيشتغل عليك انت ياسيدي فخللي بالك بقى

انت عملك عمل عظيم بإذن الله

وكلنا هنا بنحفظ الجميل

هو بس مباريات افريقيا اخدت الناس شويه وبعدها الاحتفالات وياحبيبتي يامصر يامصر

بس كلنا معاكم في موضوعاتكم كلها وحافظين جمايلكم كلكم والله وعسى الله يتقبل دعائنا لكم وياسلام بقى لو فينا واحد ابن حلال كده وصالح دعوته هتتقبل هوا (ان شاء الله)

اننا بدعي ربنا اني اقدر في يوم من الايام اساعد الاعضاء زي ما انتم بتساعدوا كده

ومعلش سامحوا الناس اللي مش بتقدر تدخل كتيير انتوا عارفين الدنيا صعبة ومشاغلها كتيير

وكمان سامحوا اللي بيذاكروا الايلتس عشان مش هيعرفوا يدخلوا كتيير(اصلي هبدأ اذاكر وخايفة ما عرفش ادخل :lol: )وخاصة انكم مواضعكم كلها جميلة وبتشد وكمان بتاخد وقت

لكن اللي خلص الايلتس مالوش حجة انا بقول اهو

سلام يا اخواني الاعزاء

اوعوا تكونوا زهقتم من كلامي انا بصراحة ما بحبش اسمع ان حد زعلان وبحس اني لازم ادلي بأقوالي -في الحق طبعا- ( ايه ادلي دي !!!!!!! :lol:

ربنا يكتب لكم الخير جميعا يارب

كلام حضرتك جميل جدا و ياريت تكوني اول من يعمل الرابطة الي اتكلمتي عليها في موضوع قبل كده حصرتك عشان طيبة و نقية من جوه شايفة القصة كده فعلا ...اجمل ما قرأت فعلا هنا و يارب ربنا ييسر لكم الامور كلها ..بالروح الجميلة دي ما اعتقدش انكم حتعانوا بفضل الله و ربنا حيوقع في طريقكم كل الخير ..الطيور علي اشكالها اكيد تقع ..ان شاء الله كل التوفيق و الخير :roseop:

[MoeTdot]

ما حدش بيكتب هنا مستني شكر من حد

في ناس محتاجه للمعلومة وناس ممكن بتفيد بمعلوماتها اكثر

وناس نص ونص يعني ممكن يستفسر عن حاجه ولو يقدر يجيب على استفسار بيجاوب

انا بدخل منتديات الاجانب اكثر من هنا

ما عندهمش مين شكرني ومين ما شكرنيش

ايووووووووووون المنتديات الاجنبية ..زي زيك مشارك في منتديات اجنبي كتير يا عتريس بس عايز تقارن قارن صح ..الكل هناك بيحط السؤال و الناس بتجاوب عليه كل في ما عنده زي الموضوع الاخير بتاع مدام نور عن كالجاري

..لا في قهوتي وقهوتك و موضوعي و موضوعك ولا انت ليبرالي و انت هندي ولا انتيم ولا بهتيم لا في صفوة و لا حتي دينا :roseop: .. ولا show offولا show Time (بتجيب افلام اكشن حلوة علي فكرة ) ...النتيجة سلاسة و الحياة مانجة بس ده الي حاصل فعلا في ثقافتهم السلسة الي حد كبير ...مين الي يستني شكر من انسان في عالم افتراضي و يفرح الا انسان مريض فعلا...ياريت القصة تبقي بالرسمية دي فيها راحة اكتر الف مرة ..مافيش وجه مقارنة يا طيب :lol:

[goodfaith]

مممممممممم مش كل الكليات طالبة كمية الطلبات دي و شرط الفولنتير ..الكلية الي قريبتي قدمت عليها كانت ايفريست Everest

collage هي خاصة يعني همهم الفلوس و غالية شوية ..افضل سينيكا ولا جورج براون ..علي فكرة اعرف ناس عملت فولنتير بس في منظمات و بدون شهادة ما كان في وظيفة قدموا و اتقبلوا ...الVolunteer احد كلمات السر في البلد دي

http://www.everest.ca/programs/complete_list

فعلا عندك حق انا سمعت عن ناس كتير عملت فولنتير ولما بتتوفر فرص عمل في المكان اللي هما بيتطوعوا فيه بياخدوهم في مدارس واماكن خدمة مهاجرين ومرة برضو واحدة كانت جاية كندا جديد وعملت فولنتير في بترو كندا واشتغلت هناك محاسبة ومكانش ليها في البلد شهرين ودي زوجها كان زميلي في العمل وهو اللي حكالنا عن تجربتها وهما من باكستان

انا اعرف ايفرست كولج دي كانت اس دي اي زماااااااااان مش زمااااان اوي يعني كمان مشفتش الكورس في سينيكا شكله ايه هاشوف ايه نظامه وربنا يسهل

اما الاخ العزيز الدكتور MoeTdot فانا لا اجد كلمات اعبر بيها عن مدى شكري و امتناني و تقديري لمجهوده في المنتدى بصفه عامه و مساندته ليا بصفه خاصه, والله ماينفع الشكر يا دكتور ابدا, انا بدعي ربنا يوسعلك في رزقك و يحفظك من كل شر و يبارك لك في صحتك و اهلك و مالك و عمرك و يكرمك و يعزك و يحققلك كل ماتتمنى, انه سميع مجيب الدعاء, آمين.

اللهم آمين

[يوتوبيا]

أختى العزيزة الجميلة نهر

انا بجد دمعت لما قريت المشاركة الجميلية بتاعتك دى.

ربنا يكرمك و يسهلك كل خطوة, آمين يا رب. عشان انتى انسانة جميلة و تستاهلى كل خير.

انا برده اول ما ابتديت اقرأ فالمنتدى مكنتش مصدقة ان لسة فيه ناس كده. جدعان و مش طالبين حاجة من حد و كله بيتعمل لله و كنت يسأل و مازلت بسأل طيب هي فين الناس دى فالحقيقة؟ و لا هما الكام واحد الفاضلين كلهم جم هنا بالصدفة؟

جزاكم الله خيرا اخواتى و اخوانى الاعزاء. انا بجد بحس انى وسط اهلى هنا

الله يكرمك يا ام ادم شوفي ازاي احنا فعلا اصلنا طيب كلنا كمصريين

بس المشكله ان بقى في حالة ترقب يعني كل واحد مش قادر يعلن عن نيته الطيبة لانه فاكر انه بكده هيبقى ضعيف او هيتم افتراسه من اللي حواليه وكأننا في غابة

لكن لما بيثبت له العكس ويشوف حد ابدى النية الطيبه بيسرع عشان يسبقه في طابور تقديم الخير للي حواليه من غير ما يخاف على نفسه بياخد الامان يعني

وطبعا احساسه المبدأي ده اكيد من خبرات شخصيه له او من خبرات اخرين (خبرات سيئة طبعا دعمت عنده موضوع الحذر الى ان يثبت العكس)والدنيا ياما فيها

انا شخصيا مر حوالي احداث زي دي كتيير لكن يبقى عندي امل دايما ان الدنيا بخير

عشان كده كل الناس المحترمة اول ما شافت الموضوعات اللي هنا بقى كل واحد بيتسابق لعمل شئ يثبت به اكتر ان كلنا كويسين (وهي دي فطرتنا فعلا)

يعني الحكاية زي العدوى او الفيروس بس فيروس جميل فيه معاني محترمة كتيير لما الناس وجدت الفرصة انها تصدر مشاعر التعاون والاخلاص ماحد تردد انه يشارك ويقدم كل ما عنده

نيجي بقى لمشكلة قوية وخاصة لابناء المهنة الواحدة اللي كل واحد هيخاف لأخوه ياخد رزقه منه وده شئ ضد الايمان... ليه.... لأن لو كل واحد ادرك تماما ان رزقه مكتوب من قبل حتى ما يخرج للدنيا عمره ما هيخاف على قرش ولا دولار يضيع منه

لانه ببساطه مش رزقه

وبالتالي اقول لاي انسان فطرته غير طيبه مش الشخص اللي انت خايف ستاعده ولا خايف انه يتقدم عليك في وظيفته هو اللي هيمنع عنك الرزق (في السماء رزقكم وما توعدون)

(علمت ان رزقي بيد ربي فاطمأن قلبي)

اذا كان في رزق هيتمنع فهيكون الشخص الاناني ده هو اللي منع رزقه فعلا بيده بس رزق جميل مش المال ولا الجاه اللي بيروح ويجي ويطلع ناس لاعلى سما وينزل ناس لسابع ارض لكن الرزق اللي هيمنعه عن نفسه ده

هيكون حب اللي حواليه اللي ملايين الدنيا ما تعوضه او دعوة خالصة يتقبلها الله وتنفعة دنيا واخره ويمكن الدعوة دي تكون بطلب زيادة رزقه اوالبركه فيه او دعوة من الله برزقه الخلف الصالح اللي هو اهم شئ في في الدنيا دي كلها

يعني من الاخر هو برضه اللي بيجني على نفسه مش زي ما كان فاكر ان انسان تاني هو اللي هيخرب عليه مجده وعظمته

وطبعا يارب ماحد في الناس الطيبه يقابل واحد كده ابدا (على فكرة الناس اللي كده لو تابعتي حياتهم هتلاقيها على مر الزمن حياتهم مدمرة بسبب نيتهم السيئه)

والحمد لله ان معانا هنا افضل الناس بإذن الله وطبعا مع الوقت كل واحد بتبان نواياه اكتر وسهل جدا على اي واحد فينا اننا نعرف الزين من الشين

وربنا يبعد عنا كل شين يارب ويكتب لنا جميعا الخير

الشئ بقى الللي ممكن ينفعنا في ظروف الغربة (طالما ما نفع داخل بلدنا) هو اننا نتفق ان ان يتفوق واحد فينا ده يعتبر تفوق لنا جميعا يعني نعمل على قلب رجل واحد

لما زويل اخد نوبل كلنا حسينا ان كل واحد فينا هو زويل وبقينا فخوريين وفي كل مكان نقول زويل مصري بمعنى ان هذا هو المصري متفوق دائما مع ان فعليا زويل بس اللي تعب واتقن عمله وتفوق فيه مش اي واحد فينا

عشان كده لازم احنا من دلوقت مع بعض وكمان اولادنا والاجيال الجايه لازم نخلق داخلنا احساس حب الخير لبعض لان الخير ده بيعم على الجميع لما تبقى سمعة المصري انه متعاون ومخلص لبعضه ويحب الخير لبعضه

هي دي مقومات اي مجتمع ناجح

انا عارفة ان الموضوع مش بالمثاليه دي ويمكن يكون صعب

هيكون صعب لو حبينا نطبقه على 80 مليون مرة واحد لكن لو بدأنا مجموعه مجموعه ممكن ينفع يعني مثلا ادينا اهو مجموعة مصريين ناويين يهاجرو لكندا

مش ممكن نبدأ بنفسنا ؟؟؟؟

مش هقول هنجمع كل المصريين اللي في كندا من اول مصري اقام فيها ......لا.....هقول احنا بس مؤقتا عشرة ..عشرين ....خمسين واحد من اللي عرفنا بعض بظهر الغيب(اون لاين) وكل واحد اظهر كل الخير للباقيين

هنجمع بعض ولو اون لاين _اضعف الايمان_ ونتابع بعض هناك ويفضل مبدأنا اللي لما واحد فينا ينجح معناه ان كلنا نجحنا زي منتخب مصر كده جدو بس هو اللي جاب جول النهائي لكن مصر كلها تكرمت ورفعت راسها امام العالم كله

وما اجمل اننا نساعد بعض في تحقيق اهدافنا يعني مثلا لو في واحدة مننا قاعدة في البيت لسه ماعندها دراسة او معادلة ولها اخت مثلا معادلتها بدأتها او دراستها لكن عندها طفل ومش قادرة توديه حضانه او تلاقيله بيبي سيتر ايه المانع ان

الاولى

تراعي طفل التانيه لغاية ما تحقق هدفها مش يمكن تبقى عالمة او انسانة مشهورة ولها اسمها في مجالها في يوم من الايام تخيلي بقى لما واحده فينا تكون مشاركة في نجاح زي ده هتبقى فخوره كأنها هي اللي تفوقت بالضبط مع ان كل اللي

عملته انها راعت طفل زيه زي ابناءها بالضبط يعني مش معضله يعني

ده مثال بسيط بس مش شرط ان ده اللي يحصل

وهكذا يا سيتي هتلاقي فجأه الناس اللي كنا عمالين ندور عليهم والمصرين اللي بيحبوا بعض ويخافو على بعض بدأوا بمجموعه اسر بسيطة ممكن ما يتعدوا على اليدين لكن انا متيقنه ان ده لو بدأ مع المجموعة الصغيرة دي

هيمر الوقت ويبقى في مجتمع اكبر ماهي الاسر دي مثلا لو خمس اسر وكل اسرة عندها من طفل لثلاثة يبقى مثلا بقينا 5x5 ب 25 مواطن مصري كندي وطبعا اولادنا هيشربوا الروح دي مننا

يكبر اولادنا ويتزوجوا يبقى ادي كمان 15 فرد زيادة دخلوا في القائمة بعدها ينجبوا يكبر العدد وبرضه معاهم الروح دي وهكذا

ده غير العدوى بقى اللي اتفقنا عليها في الاول ان الناس اللي فطرتها طيبه هتحب تقلد الخير اللي كان نفسهم يعملوه بس مش عارفين الطريق ولا الطريقه اللي يبدأوا بها يعني احتمال كبير ان ينضم لنا ناس اكتر في مسيرتنا ان شاء الله

انا سرحت باين ولا ايه

لازم افوق شويه اصل كده انا بتعب لما بتصدم في الواقع

كان دايما بابا يقولي انت عايزة تعيشي في اليوتوبيا (المدينه الفاضله)

وبعده زوجي برضه يقوللي عمو كان عنده حق انت كان لازم تعيش في يوتوبيا وخاصة بقى لما اكتوبر يقرب وروح اكتوبر بقى والحاجات الحلوة دي (ما شافش الرجال ..السمر الشداد فوق كل المحن..اصله ماعداش على مصر)

هقوم اغسل وجهي وافوق شويه

بس لابد يكون في امل ..وهيتحقق بإذن الله في يوم من الايام

سلام يا نونو بقى طولت عليك ....

[يوتوبيا]

ربنا يبارك فيك يا دكتور مويت انا ما استحق الكلام الجميل ده

وربنا يجمعنا كلنا على خير يارب

ونكون احسن الناس في كل مكان بإذن الله ويشاوروا علينا في الدنيا كلها ويقولوا المصريين اهم

ما هو لو مش المصريين اللي يكونوا افضل الناس وهم اول البشر والحضارات المفروض يكون مين يعني .... الشعوب الوحشه اللي قلبها مش نضيف .. طيب ازاي ؟؟؟؟؟!!!!!!!!!!!!!!!!!!!!!!!!!!

دي مصر ام الدنيا[/size]

تم تعديل 3 فبراير 2010 بواسطة نهر النيل

[hiema]

قصة كفاح ما شاء الله ...بيشدني ان في امريكا ممكن تعمل بزنس بسهولة جدا و تنجح ..في مصريين و عرب كتير جدا عملوا ملايين من اعمال بسيطة و محلات زي ال convenience stores و البيتزا ..اكيد حتفعك تجربتك دي في اي مكان تختاره للهجرة بعد كده ...ال peace of mind ممكن اجمل شئ في البلاد دي زي ما قولت ..مستمتع و انا بقرأ قصتك يا رب امورك تتيسر التجربة دي حتسهل عليك حاجات كتير جدا ان شاء الله :D

شكرا علي تعليق حضرتك , و فعلا امريكا flexible جدا بالنسبة لفرص العمل في المطاعم و محطات البنزين و ده بالمقارنة مع دول اخري و لكن بالمقارنة مع اواخر التسعينات و اوائل الالفين فهي اصبحت more strict with hiring of illegal immigrants و خصوصاAmerican Employers .

و فعلا انا اتمني من الله ان تجربتي في امريكا تفيدني في كندا و اني اكون علي استعداد لدخول system البلد اسرع و باسلوب افضل و اقدر اتفادي الاخطاء اللي وقعت فيها في تجربة امريكا