مطلوب شغل في تورونتو يا ولاد الحلال

[monti]

ana fi toronto , khareeg koleya hanadasa game3a 3een shams ksm computer we eshtaghlt 6 seneen software implementer we database ,ba2adem fi shoghlanat 3ala monster we workopolis we indeed , 3amlt interviews bel 3abeet , bas elly ana shayfo inohom mesh bey7bo yeshghloo mohagreen aslan

حضرتك فين فى كندا, و شغال فى ايه بالظبط فى مجال الكمبيوتر؟ و هل معاك كلية هندسة؟ ولا شهادات certificates؟

[ViralMind]

انا مش هقدر افتى لك لانى مش فى كندا..

بس انتا ليه مركز مع تورنتو؟ اصل المنافسة فيها عالية جدا..

لو انتا لوحدك و تقدر تروح مكان تانى, حاول تعمل اعادة تخطيط و تشوف مكان مناسب..

و حاول كمان تدور عالشركات الصغيرة.. و البعيدة اللى المنافسة فيها اقل..

برضه دور على linkedin حاول تعمل كونيكشنز هناك كتير..

و برضه شوف حاجة اقل فى مجال الكمبيوتر تقدر تعملها.. تكنيشيان.. اى حاجة.

مجال الاى تى بالذات الناس بتلاقى فيه الشغل بسرعة جدا.. و دور برضه فى الجرايد.. يعنى متركزش قوى عالويب.

حاول برضه تعمل حصر للشركات.. و تكلمهم تروح لهم بنفسك.

اقلب تورنتو على شغل.. اكيد هتلاقى ان شاء الله.. توكل على الله.

[Sherif]

ربنا يبارك فيكم و الى انا بشفوه فى المنتدى دى حاجة تشرف

انا موضوعى معقد شويه وعايزكم تفيدونى فيه ..... انا ناويت خلاص على الهجرة .... بس انا مش حابب اقدم من المكان الى انا فيه وعايز اعمل ايه

اروح اقدم على دراسة لمده مثلا 3 شهور لتعليم اللغلة الانجليزية (انا كويس فيها بس علشان تكون افضل)واحول اجيب تاشيرة سنة كاطالب

وبعدين ادور على اى شغل ..... سواء فى مجالى ( مهندس صيانة اجهزة طبية) او مجالات اخرى

وبعدين اقدم على الهجرة من كنده واعمل معادلة لدراستى واكمل المشوار .

طبعا انا عايز امشى المشوار ده بس ياريت تفيدونى ....... لانى تقديم ورق الهجرة صعب بالنسبة ليا من المكان الى انا فيه( لظروف خاصه بي انا) ومش عايز استنى وقت كتير .. عايز اقصر الطرق

ياريت تنصحونى وخصوصا انا هكون جاى لوحدى ؟

شكرا ليكم

[ViralMind]

بص يا باشا..

بالنسبة لموضوع انك تروح علشان تدرس انجليزى, فانتا هتترفض بالثلث.. لانه هيقول لك ما تدرس انجليزى فى الجامعة الامريكية ولا حتى فى بريطانيا.

طالما معاك بيكالريوس, قدم على ماجستير على طول.. و لو ان الموضوع ده مكلف.. يعنى السنة مش هتكلفك اقل من 20 الف دولار بما فيها مصاريفك..

لو مش هتقدر تقدم على ماجستير, انصحك انك تقدم هجرة لكيبك او فيدرال.

بالتوفيق باذن الله.

[Mohamed shaheen]

يا جماعه هوا ليه محدش بيتكلم علي المبيعات وشغلتها هيا موش بتتقبل ولا اه؟ ولو انا خريج محاسبه وشغال 10 سنين مبيعات اعمل معادله علشان اشتغل اه انا مافهمش حاجه في المحاسبة ؛-))

انا زهت كل شويه اقول اقدم و ارجع في كلامي وشايف لخبطه كتير أوي ومش فاهم اعمل اه ومعادله لانهو فيهم:-(((

طيب بردوا لو عملت MBA أونلاين من جامعه في اي مكان اجنبي كويس وينفع او مثلا MBA بردو أونلاين من جامعه كنديه هيعترفوا بيه ويغلوني علي طول ولا لَا ؟؟؟؟؟

انا تقلت كتير علي ڤيرال ميند ف اي حد يريحني لو يعرف ارجوكوااااااا

انا اقصد فيدرال علي فكره مش كيبيك، للمعلومه

[Mohamed shaheen]

يشغلوني*

[Mohamed shaheen]

شكرًا يا جماعه علي الرد

[ViralMind]

يا جماعه هوا ليه محدش بيتكلم علي المبيعات وشغلتها هيا موش بتتقبل ولا اه؟ ولو انا خريج محاسبه وشغال 10 سنين مبيعات اعمل معادله علشان اشتغل اه انا مافهمش حاجه في المحاسبة ؛-))

انا زهت كل شويه اقول اقدم و ارجع في كلامي وشايف لخبطه كتير أوي ومش فاهم اعمل اه ومعادله لانهو فيهم:-(((

طيب بردوا لو عملت MBA أونلاين من جامعه في اي مكان اجنبي كويس وينفع او مثلا MBA بردو أونلاين من جامعه كنديه هيعترفوا بيه ويغلوني علي طول ولا لَا ؟؟؟؟؟

انا تقلت كتير علي ڤيرال ميند ف اي حد يريحني لو يعرف ارجوكوااااااا

انا اقصد فيدرال علي فكره مش كيبيك، للمعلومه

المبيعات اكيد ملهاش معادلة...

على فكرة اول ما تنزل كندا, مش هتفرق فيدرال من كيبك.. يعنى تقدر تعمل اللى انتا عايزه و تقعد فى المكان اللى انتا عايزه.

المشكلة ان السؤال فى حاجة متخصصة محتاجة احصائيات لسوق العمل فى كندا.. علشان كده برضه مش قادر اديلك اجابة مؤكدة.. لكن بالنسبة للmba اكيد فرصتك هتكون احسن بكتير فى انك تشتغل.. لكن استبعد موضوع ان يكون فيه mba اونلاين؟ لان ده ماجستير.. يعنى لازم تحضر فى الجامعة..

فى العموم انا رأيى انك تقدم و مش هتخسر حاجة.. يعنى مبلغ التقديم بس هو ده اقصى خسارة..

طبعا واضح انك قلقان من موضوع الشغل.. فانتا هتتعب شوية فى الاول على ما تتأقلم عالبلد و تفهم ايه المطلوب منك بالظبط.. و اكيد شوية دراسة, بس بعد كده النتايج هتفوق التوقعات.

[Mohamed shaheen]

شكرًا جداً جداً ، الفكره أني اعمل أونلاين MBA وانا مقدم الورق ومستني ردهم وأكون. خلصت علي ما يردوا.

[Sherif]

شكرًا جداً جداً ، الفكره أني اعمل أونلاين MBA وانا مقدم الورق ومستني ردهم وأكون. خلصت علي ما يردوا.

ربنا يوفقك يا محمد

انا على فكرة ناوى اعمل نفس الحوار بس ان شاء الله لما اسافر هناك ناوى اقدم فى اى جامعة .... والله اتمنى ان الامور تكون فى صالحنا ان شا ءالله .... وياريت نكون على تواصل يمكن نقدر نساعد بعض

[Mohamed shaheen]

أكيد يا شريف انا ايميلي

Mohamed_shaheen@hotmail.com

ابعتلي فيه، انا شغال في السعوديه مش في مصر حاليا، ربنا يوفقنا، بس ليه متعملش من مكانك احسن MBA علي الاقل توفر وقت ولما تروح تتفرغ للشغل، مش لسه تدرس، انا باشوف ادنبره، فيها في كل مكان في الدنيا.

[Sherif]

أكيد يا شريف انا ايميلي

Mohamed_shaheen@hotmail.com

ابعتلي فيه، انا شغال في السعوديه مش في مصر حاليا، ربنا يوفقنا، بس ليه متعملش من مكانك احسن MBA علي الاقل توفر وقت ولما تروح تتفرغ للشغل، مش لسه تدرس، انا باشوف ادنبره، فيها في كل مكان في الدنيا.

اهلا يا بيك ......... كلمنى على 0564454833 او ابعتلى تلفونك

[أحمد بدر]

شكرًا جداً جداً ، الفكره أني اعمل أونلاين MBA وانا مقدم الورق ومستني ردهم وأكون. خلصت علي ما يردوا.

السلام عليكم

حبيت أعلق على موضوع الماجستير عن بعد...

فيه جامعات كتير في بريطانيا و أمريكا و جامعة واحدة كندية على حد علمية موجود فيها ماجستير و دكتوراه بالتعليم عن بعد لكن المشكلة أن بعض الجهات لا تعترف بالتعليم عن بعد مثل هنا في الخليج و في العموم الدراسة عن بعد تقيم بمستوى أقل من الحضور الكامل، فإذا كان أمامك فرصة للهجرة قريبا و التسجيل فى جامعة أفضل أو إختصر وقت الإنتظار و كمل الدكتوراه هناك إن شاء الله :)

[Mohamed shaheen]

احمد، معلوماتك صح ان في السعوديه سمعت انهم فعلا لا يعترفوا بالدراسة عن بعد بس بردوا كتييير أوي أوي بيعملوها بالرغم من كده وكده كده مش بيتكتب بالشهادة انها دراسه عن بعد (أونلاين)، بس أظن مش كل دول الخليج بدليل ان كتير أوي من الجامعات المرموقة فتحت بدبي و أون لاين.

[Nasr]

السلام عليكم

هذه أول مشاركة لي و دافعي للمشاركة هو أن أجد المساعدة ممن سبقوني في المجيء إلى كندا حيث أنني جئت إلى كندا منذ 6 شهور و استقريت في مسيساجا تحديدا تقاطع ديكسي مع دنداس و منذ أن جئت و ان لم أعمل نهائيا كم أنني حاولت مرارا أن أجد أي عمل في تخصصي حيث أنني حاصل على بكالوريس علوم قسم كيمياء و مأساتي تتمثل في أنني كنت أعمل مدرسا و الآن أريد أن أعمل كيميائي بالإضافة أنني ليس لدي أي خبرة من داخل كندا و أيضا خبرتي خارج كندا لم يعد لها أي قيمة .

حاليا أن منتظر معادلة شهادتي و التحقت بكو أوب بروجرام على أمل أن أجد أي عمل كمتطوع في مجالي لكن الواضح أنه مستحيل لذلك أي من الأخوة لدية أي معلومة أو نصيحة ممكن تساعد فيا ليت لا يبخل بيها و جزاه الله خيرا .

[doctorH]

السلام عليكم

ممكن حد يفيدني ممكن اسافر كندا ازاي؟

انا معايا ماجستير اطفال وحاليا في السعوديه

هل ممكن اني اسافر للدراسه ولو ممكن اقدم فين وازي وكم تتكلف وكم تستغرق الاجراءات؟

كمان انا متزوجه لو بسافر هكون لوحدي والا معايا زوجي؟

جزاكم الله خيرا