مطلوب شغل في تورونتو يا ولاد الحلال

[MoeTdot]

دكتور MoeTdot ... مش عارف أشكرك ازاى والله

ربنا يباركلك

لا يا فندم احنا تحت امر معاليك

كل عام و حضرتك و الاسرة بكل خير

[حسام يوسف]

كل سنة وأنت طيب يا دكتور مويت دوت

وربنا يعيد عليك الأعياد بخير

الحقيقة جيت ونورت المنتدي من فترة قريبة

لكنك بجد أسعدتنا

كل سنة وأنت طيب

[MoeTdot]

معظم طلبة الطب هنا بياخدوا من الاوساب و بيكملوا من البنوك (باختلاف الاراء شخصيا عمري ما اخد من بنك لكن دي بتختلف من شخص لشخص و عقائديا طبعا ) يعني في حلول كتير

دكتورنا المحترم MoeTdot، أنا كنت مستني الحتة دي من زمااااااااااان. أنا عملت سيرش اليومين اللي فاتوا من خلال نصايحك الغالية و فعلا لقيت القرض حوالي 300 للأعزب و 500 للمتزوج كل اسبوع (2000$ شهري)، مع شوية دعبسة لقيت ان في منحة فدرالية (اي على مستوى كندا بجميع مقاطعتها) بالنسبة للأعزب تساوي 250$ في الشهر طيلة شهور الدراسة. المتزوج يزيد على ذلك ب200$ لكل طفل شهريا (بحد اقصى طفلين). يعني المتزوج ويعول يحق له 650$ شهريا ويكون ذللك جزء من القرض لا يرد اما الباقي (2000-650=حوالي 1350$ شهريا) فيجب رده على دفعات بعد انتهاء الدراسة مع الفواااااااااااااااااائد الربوية. أنا في حياتي لم أتعامل مع قرض غير ربوي فكيف اذا كان ربويا وقد تعلمنا ان القروض الربوية هي حرب مع الله ورسوله. أنا مثل كل المشاركين في حاجة للدراسة والتمويل أساسي طبعا بس محتاج مخرج طوارىء بعيد عن باب الفوائد. أنا على فكرة صيدلي ومعي ماجستير في الصيدلة ولسة عامل لاندنج من شهرين بس لم أستقر بعد في كندا علشان فيلم المعادلة اللي مش حيخلي الواحد يقدر يدخل في السيستم بسرعة.

الخلاصة يا دكتوري الفاضل وأسف على الأطالة أنا زي كتير من الصيادلة ممكن نحتاج ندرس bridging program تمنه 13000$ علشان ندخل السيستم. هل الى جانب ال650$ المنحة ممكن نكمل الباقي بالincome assistance(المعونة الأجتماعية) وchild benefit أم لا، لاني لقيت british columbia بيقولوو لا يحق أخذ الincome assistance مع قرض أو منحة الدراسة. مع رجاء توضيح بعض التفاصيل عن المعونة للمتزوج لأن المتزوجون عليهم التزامات محتاجة دراسة دقيقة قبل الأقدام على أي خطوة جريئة.

أرجو أن تكون تفهمت قلقي و أثابك الله يا دكتور MoeTdot خير الجزاء في الدنيا والأخرة.

في منحة فدرالية (اي على مستوى كندا بجميع مقاطعتها) بالنسبة للأعزب تساوي 250$ في الشهر طيلة شهور الدراسة. المتزوج يزيد على ذلك ب200$ لكل طفل شهريا (بحد اقصى طفلين). يعني المتزوج ويعول يحق له 650$

اممم الي اعرفه ان مثلا لو جالك موافقة قرض ١٤٠٠٠ مثلا بيكون جزء من الولاية و جزء من الحكومة الفيدرالية و الاتنين لازم يتردوا غير البرسيري و الجرانتس ده في اونتاريو فياريت حضرتكك تتأكد و تقولنا جزاك الله خير

فيجب رده على دفعات بعد انتهاء الدراسة مع الفواااااااااااااااااائد الربوية. أنا في حياتي لم أتعامل مع قرض غير ربوي فكيف اذا كان ربويا وقد تعلمنا ان القروض الربوية هي حرب مع الله ورسوله. أنا مثل كل المشاركين في حاجة للدراسة والتمويل أساسي طبعا بس محتاج مخرج طوارىء بعيد عن باب الفوائد

في دي طبعا ما لقدرش افتي لان معلوماتي الدينية علي قدي بس ممكن ادردش معامك و احكيلك تجربتي و الي لاحظته و شفته و القرار الي اتخذته بعد تأمل كويس لان حتت الحلال و الحرام دي بتعمل هسس في دماغي ...طبعا ده رأي الشخصي ممكن ما تلاقيش و لا حد في المنتدي متفق معي بس ده رأي الشخصي الشخصي الشخصي

في البلاد دي عشان تعيش مرتاح البال و البركة تعم في كل حياتك ابعد عن ساقية الديون و الربا ...معظم المسلمين بيججي البلد و من اول شهرين حتلاقيه عمل ليز عربية ليكزس 2010 Lexus و بيت بالمورجتجMorgatge و يتفاخر ان معاه كرديت كاردز Credit Crads من جميع الشركات و تلاقيه ماشي زي الطاووس و بيفتخر بس الحقيقة انه ساكن في ديون و راكب ديون و لو اتفصل من عمله لسبب ما حيبيت في الشارع و تلفون الوكالات الي بتلم الفلوس مش حتبطل رن في بيته و الي حصل في امريكا اكبر مثال ...و دي اول نصيحة سمعتها و اتعلمتها من جنرال عجوز في الجيش الكندي ابعد عن الساقية دي علي قد ما تفدر ....الناس دي مش جايبانا كدا و خلاص عارفه ان النظام الرأسمالي حيستفيد مننا

ناس كتير سابوا حتت الحرام و الحلال دي و قالوا بلاش تخلف و جهل ...ظاهريا الناس زي الفل و عربية ايه و بيت ايه (علي فكرة في حتت لو شغال سكيورتي حتتحايل عليك انك تعمل ليز عربية )

بس لو قريب حتحس انهم نفسيا تعبانين جدا و غالبا البركة بتتنزع منهم و تلاقيه مرتبه و مراته قربت 7000 بس برضوا بيستلف(اقسم بالله انا شفت الموضوع ده) و شوف الاطفال بيطلعوا زفت طبعا و الي عايش في Windsor ontario ونزدر و لا تورنتو يقولك بعض بنات العرب عاملين ايه و يحيلك

ان القروض الربوية هي حرب مع الله ورسوله.

دي بالذات خلتني اغير المجال لان معادلة طب الاسنان اغلي معادلة بين المجالات الطبية

الاوساب انت مش بيتحسب عليك فوائد قبل ما تخلص ب ٦ شهور و ممكن يمتد الي ٣٠ شهر و ساعات لو تفوقت بيتلغي نادر بس بيحصل

Interest Relief[9]

Interest Relief is designed to help students meet repayment obligations if they are temporarily unable to make payments on their government student loans because of unemployment or low income. Interest Relief is granted for periods of six months, up to a maximum of 30 months. Some exceptions, such as Canadian residency, may apply. Students may also be eligible for a further 24 months of Extended Interest Relief. Once approved for Interest Relief, students are not required to make payments on either the monthly interest or the outstanding principal of their loan(s) (the federal and/or provincial government will pay the interest on a student's behalf).

... غير البنوك الي لازم تدفع انتريت و فوائد من اول يوم الاراء الفقهية الي انا لقيتها كلها ما فيش حد بيحلل القرض من البنك الا مفتينا العظيم الي بالي بالك ... غير الاوساب الي في بترخص و فيه لا فيه الرأئيين ...بما اني فعلا محتاج الدراسة استخرت الله و توكلت لعل الله يحدث امر لو غلطان ربنا يغفر لي ...ده عموما و القصة بتختلف من شخص للتاني

هل الى جانب ال650$ المنحة ممكن نكمل الباقي بالincome assistance(المعونة الأجتماعية) وchild benefit أم لا؟؟

اونتاريو في حاجة اسمها student welfare ممكن تديك اعناة مالية لاي جانب معونة الاطفال child benefits و لو خدت الهارد واي يبقي وظيفة لو بارت تايم في صيدلية تجيبلك بتاع الف حتعيش مستور جدا

لو مكانك اعمل الحاجات دي :

١-ابعد عن السكن الغالي زي ثورنكليف thorncliff park الي شايف العرب كلهم هناك دلوقتي غرفة نوم وصلت ١٢٠٠ طبعا قلة ادب

٢- اققدم علي الهاوس كونكشن اسرع ما يمكن العيلة الي فوقي بتدفع ايجار ٢٠٠ بس في الشهر

http://www.housingconnections.ca/ في برامج كتير شوف القصة دي بتفرق جامد و شوف برضه http://www.torontohousing.ca/

و لو في البرتا القصة اسهل بيدو بيوت حكومة اسرع كالجاري باذات اعرف انه في 10th with 8th

في الداون تاون مش فاكر بالضبط بس لو انت عملت دول حتعيش ملك بفضل الله

افكر out of the box برضه البلد مليانة فرص راسل شركات الادوية ممكن الماستر بتاعك ينفع جدا و غالبا عندهم برامج كتير مش حتتعرف الا لما تسئل

دول شوية برامج دعبس فيهم برضوا

Excellence Award Program: Entrance Awards

This program provides Millennium Excellence Awards to students beginning their post-secondary studies.

Contact Information

* Toll-Free: 1 877 786-3999

Ontario Queen Elizabeth II Aiming for the Top Scholarship

This scholarship program provides financial assistance to graduating high-school students who have demonstrated academic excellence and who will be studying at a recognized post-secondary institution.

Canada Natural Sciences and Engineering Research Council of Canada's Scholarship and Fellowship Programs

This program offers research grants to qualifying students in the fields of natural sciences and engineering.

Ontario Student Opportunity Grant

This program assists borrowers facing exceptional long-term financial difficulty by reducing their outstanding Ontario Student Loan principal, thereby lowering their monthly loan payments.

Ontario Ontario Graduate Scholarships (OGS)

This program is designed to encourage excellence in graduate studies at the master's and doctoral levels. An Ontario Graduate Scholarship (OGS) is awarded for one academic year, which may consist of two or three consecutive terms.

Contact Information

* Thunder Bay: 1 807 343-7257

* TTY: 1 800 465-3958

و في كتيييير بس عايز تضور و ربنا حيفرججها ان شاء الله بس اقولنا عشان انا برضه محتار

كل الخير يا رب

و كل عام و حضرتك بخير

[MoeTdot]

دكتور MoeTdot ;كل سنه وحضرتك طيب ربنا يجعل دعائى ودعاء كل اللى فى المنتدى من نصيبك

كل سنه وصاحب التوبيك اخونا الصعيدى كل سنه وانت طيب

اخونا د MOE t dotايه رأيك لو تحكى لنا قصتك زى ما عمل اخونا البروفيسور هشام انا واثقه ان فى ناس كتير ح تستفيد من تجربتك ودا طبعا لو عندك وقت ...اعتقد فى ناس كتير ح يأيدونى .

دكتور صفاء السلام عليكم كل عام و حضرتك و الاسرة الكريمة بكل خير

بس طبعا ما فيش مقارنة و لا يمكن اصلا ...الناس الي انا قريتلها في المنتدي ده بداية من استاذ ياسر و حضرتك دكتور الشامي و دكتور تهامي و دكتور هشام و استاذ ايهاب و استاذ الزهيري استاذ قناوي و اخونا صعيدي من مونتريال الي دمه زي العسل و حتي الاراء المخالفة استاذ تورنتو و تورونتوز و استاذ اتوماتيك تورونتوو كتيير تاني ... الناس دي كلها ما شاء الله كانت ناجحة في مصر و في البلاد العربية و كملوا قصة نجاحهم هنا و معظم الي في المنتدي صفوة البلد من مهندسين و مديرين و محاسبين دول الي يحكوا طبعا ...انا لسا خريج يعتبر لنج ولسا بعافر معا الدنيا ترفعني فوق و تنزلني تحت وبغلط و بتعلم و بدور علي الاستقرار و النجاح ...و بما اني اصلا مش مؤمن ان الي دخل كندا نجح خلاص و لازم يحكي قصة نجاحة ....افضل اني لما انجح فعلا و اقدر احط اسمي مكان مو تي دوت و اقول انا ناجح اول مكان حجي فبه و احكي القصة المنتدي الرائع ده طبعا

دعوات حضرتك بتيسير الاحوال و كل عام و حضرتك بكل خير و صحة و سعادة و تنالي كل الي بتتمنيه ان شاء الله

[MoeTdot]

دكتور MoeTdot ;كل سنه وحضرتك طيب ربنا يجعل دعائى ودعاء كل اللى فى المنتدى من نصيبك

كل سنه وصاحب التوبيك اخونا الصعيدى كل سنه وانت طيب

اخونا د MOE t dotايه رأيك لو تحكى لنا قصتك زى ما عمل اخونا البروفيسور هشام انا واثقه ان فى ناس كتير ح تستفيد من تجربتك ودا طبعا لو عندك وقت ...اعتقد فى ناس كتير ح يأيدونى .

وأنا مع هذا الاقتراح اللى تفضلت بيه الدكتور صفاء

ياريت ما تكسفناش يا دكتور مويت دوت

وكل سنة وأنت طيب

ما عاش الي يكسف حضرتك يا دكتور كنا طخيناه بالنار و البركة في اخونا صعيدي من مونتريال يطلعنا زي الشعرة من العجينة :110:

دعوات حضرتك بتيسير الاحوال الواحد محتاجها فعلا

كل عام و حضرتك و الاسرة الكريمة بخير :110:

[MoeTdot]

د. MoeTdot كل سنة و حضرتك طيب و جزاك الله كل خير على مساعدتك لإخوانك .

الحمدلله الدنيا لسة بخير .

و كل سنة و حضرتك طيب يا صعيدي من مونتريال و ربنا يوفقك . :110:

و كل سنة و حضرتك طيبة و الاسرة بكل خير و السنة الي جاية كل احلامكم تحقق يا رب

[MoeTdot]

DR MoeTdot

انا حقيقى بشكرك وتحياتى لك ايها الفاضل المحترم و المتواضع

كل سنة وحضرتك طيب

ويارب يعيد على حضرتك الايام بخير وسعادة

تحت امر معاليك يا فندم

و كل سنة و حضرتك بكل خير و سعادة و رزق و بركة ان شاء الله

[MoeTdot]

كل عام وانتم بخير يا جماعة :110: :110:

كل عام و حضرتك بخير استاذ محمد عيد مبارك علي حضرتك و الاسرة الكريمة

[MoeTdot]

واللة كلام حضرتك القيم و الدقيق دة بيصبر الواحد ع الانتظار الطويل وبينور لينا الطريق ......... مشكور و عيد سعيد.

عيد و مبارك و سعيد علي حضرتك

and yessss U CAN WAIT LITTLE MORE ALL GOING BE GREAT(Your signature i mean [/size :110: ]

[MoeTdot]

معظم طلبة الطب هنا بياخدوا من الاوساب و بيكملوا من البنوك (باختلاف الاراء شخصيا عمري ما اخد من بنك لكن دي بتختلف من شخص لشخص و عقائديا طبعا ) يعني في حلول كتير

دكتورنا المحترم MoeTdot، أنا كنت مستني الحتة دي من زمااااااااااان. أنا عملت سيرش اليومين اللي فاتوا من خلال نصايحك الغالية و فعلا لقيت القرض حوالي 300 للأعزب و 500 للمتزوج كل اسبوع (2000$ شهري)، مع شوية دعبسة لقيت ان في منحة فدرالية (اي على مستوى كندا بجميع مقاطعتها) بالنسبة للأعزب تساوي 250$ في الشهر طيلة شهور الدراسة. المتزوج يزيد على ذلك ب200$ لكل طفل شهريا (بحد اقصى طفلين). يعني المتزوج ويعول يحق له 650$ شهريا ويكون ذللك جزء من القرض لا يرد اما الباقي (2000-650=حوالي 1350$ شهريا) فيجب رده على دفعات بعد انتهاء الدراسة مع الفواااااااااااااااااائد الربوية. أنا في حياتي لم أتعامل مع قرض غير ربوي فكيف اذا كان ربويا وقد تعلمنا ان القروض الربوية هي حرب مع الله ورسوله. أنا مثل كل المشاركين في حاجة للدراسة والتمويل أساسي طبعا بس محتاج مخرج طوارىء بعيد عن باب الفوائد. أنا على فكرة صيدلي ومعي ماجستير في الصيدلة ولسة عامل لاندنج من شهرين بس لم أستقر بعد في كندا علشان فيلم المعادلة اللي مش حيخلي الواحد يقدر يدخل في السيستم بسرعة.

الخلاصة يا دكتوري الفاضل وأسف على الأطالة أنا زي كتير من الصيادلة ممكن نحتاج ندرس bridging program تمنه 13000$ علشان ندخل السيستم. هل الى جانب ال650$ المنحة ممكن نكمل الباقي بالincome assistance(المعونة الأجتماعية) وchild benefit أم لا، لاني لقيت british columbia بيقولوو لا يحق أخذ الincome assistance مع قرض أو منحة الدراسة. مع رجاء توضيح بعض التفاصيل عن المعونة للمتزوج لأن المتزوجون عليهم التزامات محتاجة دراسة دقيقة قبل الأقدام على أي خطوة جريئة.

أرجو أن تكون تفهمت قلقي و أثابك الله يا دكتور MoeTdot خير الجزاء في الدنيا والأخرة.

اللى الواحد فهمه من المداخلات السابقه هو ان الواحد ممكن يدرس اللى هو عايزه وياخد قرض دراسى ولو كان فى البرتا (بشرط انك تثبت انك عايش فيها فتره معينه لا اعلمها) فان المنحه الدراسيه لا ترد و ده بالنسبه لينا احسن من القرض الربوى والقرض الحسن ايضا لانه لا يرد wst::

لو حد من اهل البرتا عمل الموضوع ده وخصوصا فيه ناس كتير رايحه على البرتا او راحت فعلا على كالجارى فياريت يقولولنا من واقع تجربه فعليه

ويبقى لهم جزيل الشكر

وكل عيد وكل المصريين والعرب من شرق وغرب وشمال وجنوب بخير ( حتى شمال افريقيا ايضا وربنا يهدى) وربنا يعوده على الامه الاسلاميه بخير وعزه وشغل فى كندا انشاء الله

كل عام و انت بخير يا دكتور ايهاب و عيد سعيد مبارك علي حضرتك و علي الاسرة الكريمة

[the sniper]

الاخ العزيز MoeTdot كل عام وحضرتك بخير

[صعيدي من مونتريال]

كل عام وانتم بخير يا شباب

[ehabtaher]

وانت بخير يا دوك وانت كمان يا صعيدى وربنا يجعل اعوامنا كلها خير وتوفيق لما يحب ويرضى سواء فى مونتريال او كالجارى او طورونطو

[dreamy]

كل عام والجميع بخير...احب ان انبه لتوافر فرص العمل الكاجوال السيسونال في هذه الفترةنظرا لكثرة الاعياد هنا...

اهم خطوة هي حضور وركشوب لكتابة الريسيمي بالطريقة الكندية....والتقديم غالبا عن طريق الانترنت....وايضا انصح بعمل جولة في المولات لتوزيع الريسيمي على كل المحال....

بالنسبة للقرض انا مقيمية في البرتا وقدمنا على قرض دراسي وان شا الله سابلغكم باخر التطورات في هذا الموضوع.....توجد منح حكومية في البرتا ولكن حسب معلوماتي فقط لمستوى الدبلوم اما البكالريوس والماستر لابد من القرض الحكومي لو لم يكن لديك تمويل شخصي كافي........نسال الله ان يوفقنا لما يحب ويرضي....

[CAPHCYMO]

أخي العزيز دكتور MoeTdot جزاك الله كل الخير على هذا الرد الجميل وانشاء الله ربنا يوفقك ويكرمك اخر كرم لتحريك الحلال وبعدك عن الشبهات والحرام (واسأل مجرب:unsure: مافيش أحلى من انك تنام بالليل و انته ما عليك دين لحد. الحاجه الوحيده اللي باحس فيها بطعم الدين هيه الكريدت كارد و هي دي أول مصائد الربا الخفية بس الحمد لله لا أستصدر بطاقة كريدت الا و انا مدي أوردر للبنك بتسوية كل مشتريات البطاقة 100% في أول كل شهر من حسابي الجاري أو التوفير حتى لا أترك لهم فرصة بجدولة ديون علي ودفعها على أقساط مع الفوائد. دي على فكرة مش شطارة ولا هيه كتر فلوس بس الحكاية ان لازم الواحد يتعلم يصرف على قده و بس وفي الأخر انته الكسبان (ماديا ودينيا) مش البنك.

اممم الي اعرفه ان مثلا لو جالك موافقة قرض ١٤٠٠٠ مثلا بيكون جزء من الولاية و جزء من الحكومة الفيدرالية و الاتنين لازم يتردوا غير البرسيري و الجرانتس ده في اونتاريو فياريت حضرتكك تتأكد و تقولنا جزاك الله خير.

كلامك صح القرض مصادره ممكن تتعدد فيدالي أو مقاطعة أو كلاهم بس أنا بتكلم على المنحة التي لاترد فهي فدرالية أبا عن جد :hearts:

ناس كتير سابوا حتت الحرام و الحلال دي و قالوا بلاش تخلف و جهل ...ظاهريا الناس زي الفل و عربية ايه و بيت ايه (علي فكرة في حتت لو شغال سكيورتي حتتحايل عليك انك تعمل ليز عربية ) بس لو قريب حتحس انهم نفسيا تعبانين جدا و غالبا البركة بتتنزع منهم و تلاقيه مرتبه و مراته قربت 7000 بس برضوا بيستلف(اقسم بالله انا شفت الموضوع ده) و شوف الاطفال بيطلعوا زفت طبعا و الي عايش في Windsor ontario ونزدر و لا تورنتو يقولك بعض بنات العرب عاملين ايه و يحيلك

البركة كنز لايفطن اليه الا من يتقي الله في معاملاته وتظهر اثارها على المدى البعيد (بعد شهر، شهرين، سنة، أو سنتين) المهم في النهاية ربنا مش حيسيبك الا وانته راضي ومبسوط ومعاك أكتر مما تتمنى (مش بس فلوس، حاجات تانية كتير في نفس أهمية الفلوس).

اونتاريو في حاجة اسمها student welfare ممكن تديك اعناة مالية لاي جانب معونة الاطفال child benefits و لو خدت الهارد واي يبقي وظيفة لو بارت تايم في صيدلية تجيبلك بتاع الف حتعيش مستور جدا

لو مكانك اعمل الحاجات دي :

١-ابعد عن السكن الغالي زي ثورنكليف thorncliff park الي شايف العرب كلهم هناك دلوقتي غرفة نوم وصلت ١٢٠٠ طبعا قلة ادب

٢- اققدم علي الهاوس كونكشن اسرع ما يمكن العيلة الي فوقي بتدفع ايجار ٢٠٠ بس في الشهر

http://www.housingconnections.ca/ في برامج كتير شوف القصة دي بتفرق جامد و شوف برضه http://www.torontohousing.ca/

أنا دورت لقيت ان مافيش student welfare ويمكن دي بتندرج تحت social assistance وده السايت الخاص بيها.

http://www.accesson.ca/mcss/owapp/Estimato...le.aspx?lang=en لو ممكن توصلنا بالstudent welfare يبقى جزاك الله خيرا.

موضوع الهاوس كونكشن يستحق البحث مبكرا لانه فعلا سمعت انه بياخد وقت ودور. اما قصة الscholarship فانا مؤجلها لغاية ما أسجل في أي برنامج دراسي وبناء عليها أقدم على المنحة. يا ترى هل ممكن أقدم عل scholarship قبل ما أسجل مع الكلية ولا أنا كده ماشي صح؟

[matyos]

سلامى لكل اعضاء المنتدى ولاهل الخبرة

ياريت لوحد يفيدنى ايه اخبار الشغل فى الجرافيك يعنى الدعاية والاعلان والطباعة المنسوجات

لو سمحولي اهل الخبرة في المنتدي ارد علي الاستاذ بالي انا اعرفه

الينك ده فيه الاشغال المطلوبة في اونتاريو الايام دي حيديك فكرة عن القصة ماشية ازاي و المتطلبات و المرتبات و كده

http://www.jobbank.gc.ca/res_eng.aspx?Prov...&Student=No

بالنسبة للمنسوجات قصدك بيع و لا شراء و لا ايه

شراء مش حيكون عقلاني طبعا عندنا المحلة و نشتري من كندا

بس لو بيزنس و بيع و انت تاجر اصلا و دايس و فاهم التجارة و البيزنس يبقي اغطس المحلة و شوف القصة دي لان لحد دلوقتي القطن المصري مطلوب حتي بعد الصينين الي قرعقوا كندا بالمنسوجات بس القطن المصري يفضل مصري طبعا الجودة بتفرق

كل عام و حضرتك بخير

ربنا يوفقك يا رب

اولا كل عام و كل أعضاء المنتدى و اخوتنا المسلمين بخير بمناسبة عيد الاضحى

شكرا أخى جدا على الرد

ولكن انا باسال على سوق العمل حيث اننى مهندس تصميم وطباعة منسوجات وبشتغل ايضا فى شغل الدعاية والاعلان

واانا مقدم على الهجرة

وكنت بسال لو حد سافر او عايش هناك يعرف ايه اخبار الشغل فى المجالين دول اية اخبار مرتابتهم

وشكراااااااااااااااااااا كتير اخى moetdot

السلام عليكم

الينك الي اديته لحضرتك فيه المرتبات الايام دي بالنسبة للدعاية و الاعلان ...بس عموما ما اعتقدش العملية ماشية كده هنا يعني لو انسان افيرج Average عادي و عايز بس وظيفة بفضل الله حتلاقي عمل القصة ارزاق بس علي حسب علمي لازم تفهم الكالتشر Culture و الازواق خصوصا في حتت الدعاية و الاعلان مش زينا خالص ...لكن لو انت انسان تالنتت Talented و بتفكر اوت او زا بوكسOut Of the Box يبقي فرصتك انك تبقي حاجة كبيرة جدا واردة طبعا لان معظم الشركات الكبيرة بتدور علي اي انسان بيفكر اوت اوف زا بوكس Out of the box البلدان دي بلدان فرص و الافكار الصغيرة الي لو في بلدانا بنفتكرها تافهة ممكن تجيب ملايين الرزق طبعا علي الله سبحانه و تعالي

http://www.shabayek.com/blog/2006/06/13/%D...8A%D8%AA%D8%B4/

كل التوفيق و الخير ان شاء الله

كل عام و حضرتك بخير

سيدى الفاضل شكرا جدا على معلوماتك القيمة و كل عام وحضراتكم بخير

[ehabtaher]

بصو ا يا جماعه لو حد بيتفرج على مونستر جاراج فى التلفزيون بيشاهد ناس بيغيروا من مواصفات وتصميم عربيه مثلا لكى تصبح ماكينه قص حشائش وغيره

لما تشوف الناس اللى بيشاركوا مع بعض فى تغيير تصميم العربيه تلاقيهم ايه ............ تلاقيهم محاميين و مهندسين واطباء و غيره

لكن كل منهم عنده مهاره معينه فى الميكانيكا واللحام ودهان السيارات وغيره

وعلشان كده انا من راىى ان علشان الواحد مايضيعش وقته ومجهوده وفلوسه على الفاضى

لازم تبدأ من هنا يعنى تكون عندك قابليه لتعلم صنعه (نقاشه سباكه كهرباء وغيره) انا شخصيا مستعد وباعرف اتعلم كهرباء وسباكه

لكن هل معنى كده ان الواحد يقنع بكده لا طبعا

هل لما كننا فى مصر وييجى الصيف وبعضنا كان بيشتغل فى فنادق وغيره لكى يجمع بعض المال حتى يستطيع ان يصرف على نفسه اثناء الكليه

كان حد بيقول لنا ايه اللى انتم بتعملوه ده

بس هى المشكله اننا نسينا

هى البلد دى عايزه كده انك تشتغل فى شغلانه بسيطه وتدرس وتطور من نفسك بالتدريج

اما لو كنت مستريح ماديا فبرضه اشتغل شغلانه بسيطه وبعدين لما تعرف نظام البلد ابقى اعمل مشروعك الخاص

ماتفتكرش ان كل حاجه بالساهل ومن اولها حيقولولك انت كنت ناجح فى الخليج او فى مصر تعالى فيدنا بنجاحك

لا هما كل اللى عايزينه مننا هو استكال النقص فى تعداد السكان ولكن لو انت ماعندكش القدره على التكيف مع النظام السريع للعمل مش حاتقدرتنافس الكنديين وعلى فكره معظمهم اولاد مهاجرين يعنى مخهم يوزن بلد وعايزين يثبتوا نفسهم فى البلد ومسلحين باللى اكتر منك وهو الدراسه فى كندا

ولكم تحياتى بالتوفيق

[ehabtaher]

الى الاخ صعيدى فى مونتريال

انت قاد فى مونتريال والا تورنتو والا البرتا

؟

فين الهوم والا لسه هومليس ؟؟

http://www.ashworthcollege.edu/programs/ca...rogram-outline/

يعنى لو كنت فتحت الورشه

احب انك تكون مترخص ومعاك خبره كنديه

[myusername]

السلام عليكم يا أهالى تورونتو الكرام,

انا بس كنت عايز أعرف... هل من السهل ان الواحد يشتغل فى كندا بشكل غير شرعى؟

انا لسه طالب, و كمان بشتغل مبرمج/ مطور مواقع... و بفكر اروح كندا القط رزقى هناك, لانى بشتغل فريلانسر freelancer

و عايز افهم ايه النظام هناك...

شكرا جزيلا مقدما.

تم تعديل 10 ديسمبر 2009 بواسطة myusername

[صعيدي من مونتريال]

الى الاخ صعيدى فى مونتريال

انت قاد فى مونتريال والا تورنتو والا البرتا

؟

فين الهوم والا لسه هومليس ؟؟

اهلا بيك يا دكتره

انا كيبكاوي قديم سعادتك

بس بعد كده نقلت على تورونتو ولحد الساعه دي فيها

فكرت اطلع على كالجاري لما الدكتور MOETDOT قالنا ان القرض الدراسي هناك لايرد

بس مش حابب الحياة هناك حاسس انها بلد كئيبة و جوها صعب ـ 40 وحاجات كده تخوف

ده غير ان تذاكر الطيران لمصر مكلفه اكتر من تورونتو

http://www.ashworthcollege.edu/programs/ca...rogram-outline/

يعنى لو كنت فتحت الورشه

احب انك تكون مترخص ومعاك خبره كنديه

كورسات الاونلاين دي مش مقتنع بفايدتها

انا مقدم على كلية سينيكا SENECA نظم تحكم CONTROL SYSTEMS

دبلوم 3 سنين منهم جزء خبرة عملية CO-OP

اللي بفكر فيه INDUSTRIAL ELECTRICIAN

يعني كهربا مصانع وكده احسن من كهربا البيوت

وربنا يسهل