مطلوب شغل في تورونتو يا ولاد الحلال

[MoeTdot]

و الله يا صعيدي باشا انا سكنت في المدينتين ادمونتون و كالجاري ما ارتحتش زي تورونتو صراحة ...كالجري احسن الف مرة في نظري نضافة و شياكة و شغل بس كل ده قل جدا دلوقتي كدا فقدت ميزتها و شايف ناس شغالة كاجوال ب 9 دولار ما تأكلش عيش حاف هناك دي ...بعدين لقيت ان شغل الكاجوال صعب تعدي 2000 دولار في الشهر ما كدا كدا انت بتعملهم في تورنتو الرخيصة في مساجد في حياة صعب واحد متعود علي دوشة رمسيس و زحمة وسط البلد ينام من الساعة 6 ..هيا فيها كتير من البلد الاوربي الي انت كنت فيه

ادمنتون دي مش عايز اتكلم عليها اصلا بالرغم انها مليانة عرب و مصريين بس حاجة اخر قذارة و كمية المشردين بالعبيط و الجرائم كتير جدا القصة مش القرض بس .. حتلاقي ناس ارتاحت هناك بس اي حد كان عايش في تورونتو و طلع علي البرتا ساعة الفورة بتاعة البترول رجع تاني

لو لم اكن تورنتيا لو وددت ان اكون تورنتيا

بالمناسبة انت عايز تغير الكارير ما تشوف يورك فيها شوية برامج جامدة و القبول سهل ما تقدم علي مايو و نشوفك هناك 3 سنين و يكون معاك اي بكالريوس

مرحبا يا دكتر محمد

البرتا دي تروحها لما البترول يضرب في العالي

تلاقي ساعتها مرتبات 500 دولار في اليوم وحاجات كده وهم

لكن عموما تخصصات الهندسه هناك عليها طلب يتهيألي

اقترح لي حاجة في يورك عشان اخوك كده خلاص عايز يتفرمت :blink:

انا بفكر في موضوع INDUSTRIAL ELECTRICIAN لان دراسته اسهل وعملي اكثر غير كده مرتباتها تقارب مرتبات المهندسين

ما اعرفش بس i felt in love with this university اعتقد حتكون من اقوي الي الجامعات في كندا كل سنة بتتقدم في التصنيف و اعتقد انها مناسبة ليك بالتحديد

اولا الجامعة الوحيدة الي انا شفتها بتسمحلك تكمل as transfer student انا اكدت عليهم في الاول يا جماعة انا درست في مصر مش امريكا يعني ممكن تخلص البكالريوس لو في نفس المجال في فترة قصيرة جدا انتا عارف ان نظامهم كرديتس ...الدبلومة حتكون سنتين و البكالريوس حيكون حوالي تلاتة يعني افضل بكالريوس ...بعدين الجميل في الجامعة دي انك ممكن تدرس من كل مكان حاجة يعني ممكن يكون your major is scinese الماجور بتاعك علوم مثلا و تدرس كورسات محاسبة ولا علم نفس.. غير انك مش حتحتج لا تروح اماكن تعادل ورقك و لا الكلام ده كله بيتعمل معا الابلكيشن مرة واحدة حاجة جامدة جدا ...لكن يا فندم شكلك زهقان من المعامل و العلوم ..الناس دول كلية البزنس جامدة جدا و عندهم و عندهم كورس human resources management جميل اوي يعني ممكن ترجع الخليج تاني بعد 3 سنين

حتي كليات الهندسة اكيد انتا دارس رياضة معا الكام ماستر الي عندك دول و معاك المواد العلمية ممكن تقبل هناك بسهولة ادرس اي هندسة انتا حاببها و حيعادلولك بعض الكورسات و لو طحنت نفسك صيف مع شتا حتخلص بالكتير في 3 سنين صراحة جامعة فظيعة حتي مش محتاج تويفل و لا الكلام ده

بالمناسبة بعد ما تبقي في الدراسة رسمي تاني يوم قدم علي سبونسر للمدام اعتقد انت مش عارف الحتة دي انا لسا متصل علي الامجريشن و سئلت عن النقطة دي قالي طالما انت مش بتاخد اي فلوس من الحكومة و طالب و لو ساكن في بيزمانت في بيت و الدتك تقدر تعمل سبونسر للزوجة (كلامه بالنص ) شوف الموضوع ده و علي يورك قولي ممكن نساعد بعض ازاي في القصة دي

ربنا يكرمكم انتو الاتنين يارب ....يا دكتور محمد احنا كمان والله متابعين وربنا يكرمنا جميعا وينفعنا واياكم :ninja:

و يا رب يكرم حضرتك و يسهل لحضرتك كل الامور يا دكتور صفاء... انا قريت مداخلة قبل كده من حضرتك بتقول ان و لاد حضرتك في هندسة و لا حاجة و كنت بتسئلى علي حاجات بالنسبة للتعليم بس ما لقيتيش اجابة كافية اعتقد انا دورت علي المداخلة دي عشان ارد علي حضرتك بس مش لاقيها صراحة ..لو حضرتك تقوليلنا هما بيدرسوا ايه بالضبط و السنين الي هما فيها و حضرتك ختعملي لاندينج فين و ايه الجامعات اللي هما عايزين يدرسوا فيها و اي استفسار تاني انا عندي السبت و الاحد شوية فاضيين ممكن نجيب لحضرتك تفاصيل التفاصيل ان شاء الله بحيث القصة تكون اسهل بالنسبة ليكم ان شاء الله

اشكرك شكرا جزيلا انا بس مش عاوزه ادوش الناس بمشاكلى لكن الحقيقه ان مداخلات حضرتك قيمه جدا وناس كتير ان شاء الله ح يستفيدوا ياريت يا دكتور تشرحلنا نعمل ايه انا واللى زيى ان شاء الله يمكن نعمل لاندنج فى فبراير وعايزه اسأل لانى حيرانه ابنى اللى فى اعدادى هندسه القاهره عاوزه ادخله جامعه كويسه فى تورونتو

لان اللاندنج ان شاء الله ح يكون فى تورنتو والسكن ح نحدده على حسب الجامعه يعنى يكون قريب على قد ما نقدر وكنت بسال على موضوع TRANSFER , والا احسن اقدم انه طالب جديد وموضوع الCO- OP بالنسبه للطلبه اللى فى سن ابنى 16 سنه ونصف وادا كان الاولاد فى السن ده ملهومش ميول لقسم معين حضرتك تنصح بقسم ايه؟؟ لانى سمعت ان فى ناس خريجين جامعات كنديه وبرده مش لاقيين شغل فى كندا .. ويا ترى جامعة يورك اللى حضرتك اتكلمت عليها ممكن يبداوا فيها بسهوله من ناحية القبول؟...عموما ابنى عمل الSAT1 و الSAT 2 ربنا يبارك لنا فى ح ضرتك مين عارف يمكن فى يوم نقدر نردلك جزء صغير من جميلك على المنتدى كله

ابنى اللى فى اعدادى هندسه القاهره عاوزه ادخله جامعه كويسه فى تورونتو؟؟

دكتورة حضرتك عزيزة علي الكبير و الصغير في المنتدي ربنا يبارك لحضرتك و ييسر لك كل الامور ...جامعة القاهرة بفضل الله ميزة الجامعة الوحيدة الي هما يعرفوها كويس عشان كل الفطاحلة اتخرجوا منها و رئيس جامعة يورك متخرج من هندسة القاهرة علي فكرة فا ان شاء الله خير

ان شاء الله يمكن نعمل لاندنج فى فبراير

لو اكيد يبقي خليه يجهز ورقه و يملي الابلكيشن ده من دلوقتي ..لو في فبراير ممكن يلحق جامعة يورك الي الDead line is on March 1st

معظم الجامعات بيكون الديد لاين في منتصف يانير Jan 15 و مش صحيح انك بتقدم علي الجامعة بعد ما تعمل لاندينج ب 8 شهور زي ما حضرتك ذكرتي سابفا ..اليوم الي حضرتك حتحطي رجلك في مطار تورونتو و يدوكوم ورقة

Confirmation of Permanent residency

المهمة جدا جدا و لو بعد 10 سنين لقدام ممكن يقدم علي الاوساب بيها بعد كده انتو خلاص كنديين كده

لو اكيد ان شاء الله حتعملوا لاندينج في فبراير و عايز جامعة زي تورونتو مثلا الي الديد لاين Dead Line حيكون عدي ..انا لو مكانه حعمل حركة محتاجة قوة قلب شوية و النقطة دي مفتوحة للنقاش

حملي الابلكيشن عادي بتاع PR

و حدفع المصاريف بتاعة الابلكيشن القصة كلها اونلاين و ححط عنوان احد حبيايبكم الكتير في تورنتو عادي و انا تحت امر حضرتك و ابعت الورق بتاعي عادي بما انه مش محتاج اي متطلبات لغة في الغالب لان معاه

SAT

ان شاء الله يوصلوا جواب قبول ..القبول في الجامعات مش بالصعوبة دي ابدا لانه بزنس في الاخر ..المهم لما يوصل كندا عنده لحد بداية الدراسة ب شهرين يقدم علي الاوساب و كده يكون ضرب الديد لاين Dead Line و ما ضيعش سنة علي الفاضي

النقطة بتاعة معادلة الورق في مكاتب و دفع شئ و شويات ما تدفعوش حاجة لان مع الابلكيشن حيتدفعوا فلوس للجامعة حتعمل

Evaluation to His papers .forget about going to private companies

http://webapp.ouac.on.ca/webapp/base.d2w/r...ction_id=choose

هنا بتقدم علي كل الجامعات في اونتاريو الفورم رقم 105...يجيب تفاصيل المواد الي درسها بالضبط يعني لو درس خواص المود يجيب تفاصيل الي درسه فيها كله بالانجليزي عشان ما يضيعش و قت

بالنسبة للتقديم انا حاولت ارفع الصور علي المنتدي بس ما نفعش لو في صعوبة انا تحت امر حضرتك

وكنت بسال على موضوع TRANSFER؟؟

ده انا ما شفتهوش الا في يورك لما تجي تقدم بتختار انت لتقدم علي اي صفة

High school student Or International student Or University Transfer student Or

Mature student

High school student الي بيدرس ثانوية لسا و غالبا يكون في كندا و لا امريكا ليهم نظام مختلف

Mature studentالي عمره عدا 21 او بقالوا بره الدراسة مدة طويلة بس عنده ثانوية عامة ان شاء الله يكون100سنة

University Transfer studentده الي زي ابن حضرتك الي درس جامعة بس ما كملش بيجيب الكرديت الي هو درسهم و بيعادلوها ليه

وموضوع الCO- OP بالنسبه للطلبه اللى فى سن ابنى 16 سنه ونصف وادا كان الاولاد فى السن ده ملهومش ميول لقسم معين حضرتك تنصح بقسم ايه؟؟

دي عايزة حد في هندسة صراحة ما عنديش فكرة بس في راجل محترم و خدوم جدا الباشمهندس ياسر يقدر يقولك دي لانه شغال في مجاله ما شاء الله ايميل صغير الراجل ده مش بيتأخر علي حد

http://www.egyptiantalks.org/invb/?showtopic=62487

لانى سمعت ان فى ناس خريجين جامعات كنديه وبرده مش لاقيين شغل فى كندا ؟؟

اكيد بس ما اعتقدش هندسة القصة رزق في الاخر

ويا ترى جامعة يورك اللى حضرتك اتكلمت عليها ممكن يبداوا فيها بسهوله من ناحية القبول؟

يمكن من اسهل الجامعات في القبول و حتي جامعة تورونتو الي بتخط في ناس داخلاها بنسب قليلة جدا نسبيا

لان اللاندنج ان شاء الله ح يكون فى تورنتو والسكن ح نحدده على حسب الجامعه يعنى يكون قريب ؟؟

في3 جامعات في تورونتو

هارفارد كندا جامعة تورونتو U of T

الاعرق و الافضل بين جامعات كندا رقم 24علي العالم عام 2009 و 18th in the Newsweek global university ranking

طبعا صعب حد دخل جامعة تورونتو يلاقي صعوبة في ايجاد عمل دخولها مش صعب لان الناس بتهرب منها لانها في المذاكرة و الامتحانات حاجة صعبة جدا ..يعني عقبال ما تتخرج تكون في الغالب حتكون انتهيت بس الي عايز علم عليه و علي تورونتو مش كل الكليات طبعا لكن مثلا عندهم هندسة الكمبيوتر حاجة فظيعة التوب في البلد و الخريجين منها بيتخطفوا منها للشركات العالمية

هيا3 فروع حولين تورونتو

St. George (Downtown) Campus · Mississauga Campus · Scarborough Campus

المعظم بيخلص في جامعات بره و بيعمل الدراسات العليا فيها

http://www.utoronto.ca/

York University

3 اكبر جامعة علي مستو كندا ..كيبرة جدا فيها حوالي 50 الف طالب و جامعة غنية جدا و في تصوري حتكون من اقوي الجامعات عن قريب رئيس الجامعة قصته بتديلي دفعة معنوية هو مصري اسمه ممدوح شكري اسم مصري جدا و اتخرج من جامعة القاهرة و جيه هنا درس من تاني و خد الدكتوراة و كان نائب الرئيس لجامعة ماكماستر العريقة قصة نجاح مصرية

http://www.yorku.ca/secretariat/board/biography/shoukri.htm

الجامعة ابرز البامج الي فيها

Canadian Space Programفي كلية الهندسة عملوا حاات كتير و ابحاث بالنسبة للفضاء Canadian Space Agency& Nasa

مصاريف الجامعة حنينة شوية بالمقارنة لي الجامعات التانية

مشكلتها الوحيدة ان ساعات بيتجننوا و بيعملوا اضرابات و بعيدة شوية في الشمال كده بس ليها مواصالات خاصة بتسهل القصة ...York University (YRT), York University GO Station

برامجها رائعة مثلا لو بتدرس هناك علم نفس ممكن تاخد كورسات بزنس و تجارة يعني ممكن تنوع عشان بعد كده لو حتقدم علي دكتوراة و لا حاجة يبقي الفرص كتيرة جدا

http://futurestudents.yorku.ca/

Ryerson university

لو في الجامعة دي تحس انك في جامعة عربية لان كتير من العرب و المصريين و اخوانا من الخليج فيها يعني حتسمع حياك الله و كيفك كتييير جدا ..جامعة صغيرة كذا مبني في قلب المدينة داون تاون ...لسا جديدة نسبيا و دخولها و تجيب درجات عالية فيها اسهل من غيرها عشان كدا الي عايز يروح طب غالبا بيروحلها في الاول

قسم الهندسة متميز جدا فيها و عميد الكلية اسمهم محمد لاشيمي جزائري الاصل

http://www.zoominfo.com/people/Lachemi_Moh..._259353980.aspx

http://www.feas.ryerson.ca

لو في اي استفسار تاني انا ما ذكرتوش يا ريت حضرتك تقوليلي يا دكتورة انا معا حضرتك للسنة الجاية ان شاء الله

[MoeTdot]

ربنا يكرمك ويسهل لك يا صعيدي من مونتريال ويوفقك لما فيه الخير ...... العمليه اكيد في الأول صعبة ... يارب ييسر لك أمرك ...

بصراحة ........ جزاك الله خيرا انك عرفتنا بواحد زي الفاضل MoeTdot الراجل ده صعب يلاقي كلام يوفيه حقه ....... روح يا شيخ ربنا يحبب فيك خلقه ..

يا فندم يا رب الواحد يكون ربع ما حضرتك بتقول كده و يا سيدي كتر خيرك و جزاك الله كل الخير ..بالنسبة لعمنا صعيدي بكرة حتززهزه معاه و حتبقي زي الفل ان شاء الله

[MoeTdot]

الى الاخ صعيدى فى مونتريال

انت قاد فى مونتريال والا تورنتو والا البرتا

؟

فين الهوم والا لسه هومليس ؟؟

http://www.ashworthcollege.edu/programs/ca...rogram-outline/

يعنى لو كنت فتحت الورشه

احب انك تكون مترخص ومعاك خبره كنديه

يا د ايهاب الدراسة الاونلاين دي انا مش مرتاحلها نفسيا خصوصا بعد هوجت mills diploma

http://en.wikipedia.org/wiki/Diploma_mill

الي كلها كانت لجامعات بدرس اونلاين بس انا شايف حضرتك بتفكر جدي في موضوع الحاجات المهنية دي لو كدا يبقي انت نش محتاج اصلا شهادة لان في حتت الحاجات المهنية دي بيبوصوا علي شغل ايدك و خبرتك يعتي تظب رزمي محترم حتلاقي شغل في الحاجات المهنية بس مش بيبوصوا علي الشهادة ... غير حاجة في الحكومة و لا شركة يهمهم الشهادة الاول

بالنسبة ashworthcollege و لا اي حاجة اونلاين انا اول كلمة بدور عليها الاراء السلبية في القصة دي عشان افهم القصة ماشية ازاي ...في دي انا شايف ناس مرتاحين للكلية دي بس بزني و لا حاجة بس ما ينفعش سباكة و لا كهربة مثلا ازاي الواحد يتعلمها اونلاين دي اصلا و لا ازاي صاحب الشغل حيقتنع بيها ؟؟

ربنا ييسر الامور ان شاء الله

طيب مانت قلتها اهو ان صاحب العمل مايهمهوش شهادات لكن يهمه انك بتعمل ايه

الحاجه التانيه انت بتعرف البيزيكس لكن عايز تعرف النظرى كويس فى شغلانه انت تحب انك تشتغلها مثلا

يعنى مثلا فى مصر كان واحد صاحبى طبيب وبيشتغل بائع فى صيدليه بعد الظهر (pharmacy assistant)

اذا كانت مش محتاجه الواحد يكون صيدلى علشان يشتغل بيها فى كندا فالاطباء ممكن يشتغلو فى دى بدل مايشتغل فى محل بيتزا مثلا

ده اذا الصيدلى صاحب الصيدليه معندوش مانع

هو الواحد لسه مش فى البلد فقاعد يلطش اكيد طبعا جوه البلد حتستكشف حاجات كتير وتشوف كتير

بس وقتها حتكون بتصرف من رصيدك وليس من عملك

دى الفكره

هنا الواحد بيعمل حاجات كتير بيغير زيت العربيه بيغير الفانوس اللى اتكسر بيركب البطاريه

يصلح الحنفيه اللى بتخر ميه

يغير سلك كهرباء ملمس فى الحيط لكن الاونلاين طالما مش بيبصلها صاحب العمل فى تخصصات يدويه معينه

الا انه حيجربك لقاك شغال يبقى شهاده الاونلاين هنا فايدتها انها وريتك ازاى قواعد العلم فى المنطقه دى لان مهما كانت الشغلانه بسيطه الا ان النظرى والعملى مهمين

اذا انت عندك فرصه تاخد النظرى قبل ماتسافر يبقى ممكن تطبق العملى برضه قبل ماتسافر بفلوسك قبل ماتبقى من لحمك الحى

ولينا قعده تانيه لما ارتب افكارى تانى لحسن انا لسه صاحى من النوم

فهمت حضرتك تقصد ايه و الله ممكن اديك فكرة طالما دماغ حضرتك رايحة ناحية الاشغال المهنية

في مهنة شفت ناس بتكسب منها دهب هنا بس حاجة قلة مستو خالص طبعا لاطباء زينا في الغالب بس انا حقولها لانها مربحة جدا جدا جدا

هنا شركات النضافة الكبيرة بتدي عقود للافراد بمعني حضرتك مثلا صاحب شركة نضافة بتجي ليا و تقولي بديك ١٠ الف دولار و الاجهزة و الماشين بتاعة النضافة و تقولي عايز المول و ولا المحل الفلاني نضيف ..غالبا انا حجيب ٣ عمال و ديهم ٨ دولار كاش و لا حاجة في اليوم و انا بشرف عليهم مش حنضف و لا نيلة .. اقل واحد عامل الحكاية دي دخله مش اقل من 60 الف في السنة و لا دكتور صراحة ...اعرف واحد تونسي في ادمونتون بيعمل 45; الف في الشهر عندي بتاع ١٠ مولات مسئول عنهم و بيعدي علي العمال بالعربية بتاعته بس كل يوم

شوف دي و خليها في بال حضرتك

[نوور]

عندي سؤال لحضرتك يا دكتور Moe T dot ياتري grade B ده بيقابلة نسبة كام في الجامعات المصرية لاني عايزة اقدم علي ماستر ومطلوب عالاقل يكون تقديري B

ولو عند حضرتك معلومات عن دراسة الماجيستير ومتطلباتها والاوراق المطلوبة من مصر اتمني تدلني عليها ولك جزيل الشكر دائما.

تم تعديل 12 ديسمبر 2009 بواسطة نوور

[MoeTdot]

ما اعرفش بس i felt in love with this university اعتقد حتكون من اقوي الي الجامعات في كندا كل سنة بتتقدم في التصنيف و اعتقد انها مناسبة ليك بالتحديد

اولا الجامعة الوحيدة الي انا شفتها بتسمحلك تكمل as transfer student انا اكدت عليهم في الاول يا جماعة انا درست في مصر مش امريكا يعني ممكن تخلص البكالريوس لو في نفس المجال في فترة قصيرة جدا انتا عارف ان نظامهم كرديتس ...الدبلومة حتكون سنتين و البكالريوس حيكون حوالي تلاتة يعني افضل بكالريوس ...بعدين الجميل في الجامعة دي انك ممكن تدرس من كل مكان حاجة يعني ممكن يكون your major is scinese الماجور بتاعك علوم مثلا و تدرس كورسات محاسبة ولا علم نفس.. غير انك مش حتحتج لا تروح اماكن تعادل ورقك و لا الكلام ده كله بيتعمل معا الابلكيشن مرة واحدة حاجة جامدة جدا ...لكن يا فندم شكلك زهقان من المعامل و العلوم ..الناس دول كلية البزنس جامدة جدا و عندهم و عندهم كورس human resources management جميل اوي يعني ممكن ترجع الخليج تاني بعد ٣ سنين

حتي كليات الهندسة اكيد انتا دارس رياضة معا الكام ماستر الي عندك دول و معاك المواد العلمية ممكن تقبل هناك بسهولة ادرس اي هندسة انتا حاببها و حيعادلولك بعض الكورسات و لو طحنت نفسك صيف مع شتا حتخلص بالكتير في ٣ سنين صراحة جامعة فظيعة حتي مش محتاج تويفل و لا الكلام ده

انا اونتارياوي وهاعيش واموت اونتارياوي :ninja:

الواحد عمل اراجوز عشان يخلع من الخليج ارجعله تاني برجلي

انسى يا صاحبي :blink:

مش شرط يكون البكالوريوس احسن من الدبلوم وهاثبت لك الكلام ده عملي

هاقارن لحضرتك بين وظيفة كهربائي (دبلوم) ووظيفة مهندس كهرباء (بكالوريوس)

لو بحثت عن وظيفة ELECTRICIAN هنا خلال 7 ايام

http://www.jobbank.gc.ca/res_eng.aspx?Time...o&PageNum=1

هتلقى 66 بوزشن

المرتبات من 25 الى 40 دولار للساعه

اما لو بحثت عن ELECTRICAL ENGINEER خلال 7 ايام برضه

http://www.jobbank.gc.ca/res_eng.aspx?Time...&Student=No

هتلقى 16 بوزشن بس ومرتبات من 20 الى 35 دولار باستثناء الشيف بوزشنز توصل 50

انا عن نفسي مش جاي هنا عشان البرستيج والمظاهر فاكيد هاختار التكلفه الاقل والفرص الاكثر

ومع ذلك حتى لو عايز تبقى باشمهندز الدبلوم بيديك خبرة عملية مش هتلاقيها في الجامعه

ياريت تقولي انا حاسبها صح كده ولا في حاجة عدت عليا :blink:

اولا احنا متفقين ان الرزق مش بالشهادات الوف الناس معاها مليارات من غير و لا شهادة اصلا

http://www.alarabiya.net/articles/2009/10/21/88826.htmlزي العمدة جميل شعيب و اهو في كندا

بس انت جبت احصائيات من موقع مش حتلاقي فيه غير السرفايفل جوبس عايز تشوف البروفشنال شوف مونستر و لا ورك بوليس ما فيش مقارنة اصلا ..ما فيش غبار علي البروفشنال دجري هنا ..الكلام ده كله علي ارض الواقع مختلف ...ليا اتنين اصحابي خلصوا هندسة عربيات من سينتينيال و سنة مش لاقين اي حاجة و اضروا يكملوا بكالريوس تاني في athabasca universityالي عاملة اتفاقية مع الكلية ..واحد تاني ما شاء الله عليه شغل ايده نار و كان شغال نار بس لقي انه متبهدل اكتر و فلوسوه اقل رجع ماكماستر تاني يكمل بكالريوس

عن نفسي بعد الي شفته انا مع بروفشنال دجري حتي لو في فرصة شغل بالدبلومة كدا كدا انا حدرس يبقي ادرس صح و لا ايه يا فندم

[MoeTdot]

عندي سؤال لحضرتك يا دكتور Moe T dot ياتري grade B ده بيقابلة نسبة كام في الجامعات المصرية لاني عايزة اقدم علي ماستر ومطلوب عالاقل يكون تقديري B

ولو عند حضرتك معلومات عن دراسة الماجيستير ومتطلباتها والاوراق المطلوبة من مصر اتمني تدلني عليها ولك جزيل الشكر دائما.

حرد علي حضرتك بالتفصيل بس هو ماستر في ايه و الجامعات الي حضرتك حتروحيها فين ؟

[MoeTdot]

الفاضل العزيز دويت موت

عارف انه سؤال مش سهل

والبعض ممكن مايستسيغهوش

تغيير الكارير ممكن ولا تضييع وقت وأحلام يقظة ؟

تغيير الكارير هنابقصد واحد يدرس ويبدأ من الزيرو فى الحصول على بكالوريوس كلية أخرى (وليكن علاج طبيعي مثلا)غير كليته

وما ستبعه من تدريب أو دراسات أخرى

عذرا ان كان السؤال حالما أو ساذجا

سؤال آخر

هل تورنتو بها عمل كاجوال أفضل مقارنة بباقي الأماكن فى كندا؟

بالعكس يا دكتور النقطة دي يمكن اكتر نقطة احنا بنختلف عنهم فيها ليه؟؟؟ استئذنك ارد علي حضرتك بالدليل و التفصيل بكرة لان الوقت متأخر دلوقتي بس الموضوع ده بالذات انا فكرت افتح له موضوع لوحده

كل سنة و حضرتك طيب يا فندم

[نوور]

عندي سؤال لحضرتك يا دكتور Moe T dot ياتري grade B ده بيقابلة نسبة كام في الجامعات المصرية لاني عايزة اقدم علي ماستر ومطلوب عالاقل يكون تقديري B

ولو عند حضرتك معلومات عن دراسة الماجيستير ومتطلباتها والاوراق المطلوبة من مصر اتمني تدلني عليها ولك جزيل الشكر دائما.

حرد علي حضرتك بالتفصيل بس هو ماستر في ايه و الجامعات الي حضرتك حتروحيها فين ؟

ماستر في هندسة الكمبيوتر والشبكات والجامعات اللي بفكر فيها ريرسون وتورونتو ويورك

لان انا تقديري في بكالوريوس هندسة كان تقدير عام شعبي لكن بعدها عملت دبلوم هندسة كهربية بتقدير جيد

[MoeTdot]

عندي سؤال لحضرتك يا دكتور Moe T dot ياتري grade B ده بيقابلة نسبة كام في الجامعات المصرية لاني عايزة اقدم علي ماستر ومطلوب عالاقل يكون تقديري B

ولو عند حضرتك معلومات عن دراسة الماجيستير ومتطلباتها والاوراق المطلوبة من مصر اتمني تدلني عليها ولك جزيل الشكر دائما.

حرد علي حضرتك بالتفصيل بس هو ماستر في ايه و الجامعات الي حضرتك حتروحيها فين ؟

ماستر في هندسة الكمبيوتر والشبكات والجامعات اللي بفكر فيها ريرسون وتورونتو ويورك

لان انا تقديري في بكالوريوس هندسة كان تقدير عام شعبي لكن بعدها عملت دبلوم هندسة كهربية بتقدير جيد

A+ = 90 - 100

A = 85 - 89

A- = 80 - 84

B+ = 77 - 79

B = 73 - 76

B- = 70 - 72

C+= 67 - 69

C = 63 - 66

C- = 60 - 62

D+ = 55 - 59

D = 50 - 54

F = 0 - 49

جامعة تورونتو عايزة

GER exam +B degree+Language requirements

الامتحان بتاع GER حتلاقيه بالتفصيل هنا

http://www.egyptiantalks.org/invb/?showtopic=90059&st=30

Language requirementsيعني تويفل و لا ايلتس

رايرسون عايزة

letters of recommendation 2+Language requirements+personal CV+B degree

يورك عايزة

http://futurestudents.yorku.ca/graduate/pr...ter_engineering

[safaalabana]

اخى الفاضل دMOE Tdot والله يعجز لسانى ولا اجد الكلمات التى قد توفيك حقا والله لقد دمعت عيناى ....وقد اثرت ان احعل دعائى لك فى هده المره بينى وبين ربى متوسلة اليه سبحانه وتعالى ان يقبله منى هده المره .................................

كرم الله والديك ورفع منزلتهما فى الدنيا والاخره.

وانا لا استحق هدا الثناء منك .. كم اتمنى ان اكون نقطه فى نهر العطاء الدى حفرتموه بايديكم انت ومن سبقوك ومن اتوا بعدك هؤلاء هم من يستحق الثناء .

اجاباتك ما شاء الله كافيه جدا وزياده وان شاء الله ربنا ينفعنى وينفع كل المنتدى بها ..

[حسام يوسف]

الحقيقة والله ربنا كرمنا بيك يا دكتور مويت دوت

كل فترة فى المحاورات كان بيظهر حد بيبقي نجم الحفلة بجد

أتمنى دوام وجودك بينا

واتمنى لو يعنى نعرف نرد اى جميل من جمايلك

جزاكم الله كل خير

وأكثر من أمثالكم :closedeyes:

تم تعديل 12 ديسمبر 2009 بواسطة حسام يوسف

[ahmed_saleh]

اخونا الكريم د/ MoeTdot

طبعاً عايز اقولك ان انا متابع كويس اوي بس مش عايز ادخل الخبط الحكاية لحسن انا لخمة اوي ... بس الحقيقة انا عندي سؤال صغير

كنت عايز اعرف ايه رايك طالما ان الواحد ان شاء الله هايدرس يعني هايدرس ... يبقى الافضل الواحد يدخل على الماجستير على طول و لا يرجع يعيد نفسه تاني و يأخد البكالوريوس كلاكيت تاني مرة ؟؟؟؟

على حسب ما انا فاهم كل حاجة و ليها مميزاتها يعني لو اخدت البكالوريوس ها يوفر المعادلة و لو اخدت البكالوريوس يبقى تضييع وقت و لو اخدت الماستر مش هايغني عن المعادلة و لو اخدت الماستر برضه يبقى اضافة كبيرة في الـ رزمي .....!!!!!!!

يعني الموضوع ملخبط زي ما انت شايف الواحد مش عارف يبدأ بالفرخة و لا الكتكوت ....

علماً باني باشمهندز كهرباء قد الدنيا من هندسة عين شمس ... بس يا خسارة مش هنقدر نوزن بره :blush2:

اسف للاطالة و اشكرك على مجهودك و ان شاء الله ربنا يجازيك كل خير .

تم تعديل 12 ديسمبر 2009 بواسطة ahmed_saleh

[ehabtaher]

انا بصراحه عجبتنى البلوج بتاعتك

وقلت لازم الاعلان عنها مايبقاش بالكلام

ولكن يبقى بالصوره كمان

[صعيدي من مونتريال]

معلش يا حبيب قلبى يا صعيدى سؤال كمان بس لأحسن الموضوع بيلح فى دماغى قوى

لو الواحد عمره 38 سنة زى حالتى و عايز أشتغل فى مجال التبريد والتكيف و لسه حأدرس سنتين هل ممكن ألاقى شغل و لا سنى ده حيبقى عقبة فى أنى ألاقى شغل و أدرس

معلش أنا ثقلت عليك ربنا يباركلك ويجازيك خير

اللي اعرفه اخي ان الدراسه هنا مالهاش سن معين

ما اظنش سنك كبير قوي للشغل

ياريت الدكتو ر مويت دوت يفيدنا عن تغيير الكارير وتأثير السن ؟

طبعا ما نصحكش تغير كارير لمجرد انك حابب كده

انا بغيره لاني شايف مجالي هنا ـ الكيمياءـ ميت خالص وماديا مش مجزي

مش لمجرد اني بحب الالكترونيات

[ramyfathalla]

أشكرك يا صعيدى فى مونتريال بس على فكرة أنا مش بغير الكارير و لا حاجة ده هو ده الكارير بتاعى أنا بشتغل تاجر فى قطع غيار التبريد و التكيف و عندى خلفية كبيرة فى الموضوع ده و اشتغلت فى الصيانة أيضا بس المشكلة ان أنا مش مهندس أنا خريج كلية تربية بس مش غاوى تدريس فأنا بأحلم لنى لما ربنا يوفقنى و أهاجر لكندا انى ألاقى شغل فى هذا المجال لأنه فعلا أكتر حاجة بحبها و لو ما فيش مش مشكلة أبقى أدخل على الخطة البديلة

شكرا لذوقك و ردك السريع و جزاك الله خيرا

[MoeTdot]

الفاضل العزيز دويت موت

عارف انه سؤال مش سهل

والبعض ممكن مايستسيغهوش

تغيير الكارير ممكن ولا تضييع وقت وأحلام يقظة ؟

تغيير الكارير هنابقصد واحد يدرس ويبدأ من الزيرو فى الحصول على بكالوريوس كلية أخرى (وليكن علاج طبيعي مثلا)غير كليته

وما ستبعه من تدريب أو دراسات أخرى

عذرا ان كان السؤال حالما أو ساذجا

سؤال آخر

هل تورنتو بها عمل كاجوال أفضل مقارنة بباقي الأماكن فى كندا؟

حسام بيه ..من اول ما حطيت رجلي في البلد و انا عقلي مش بيطل مقارنة ..ليه الناس دي كده و ليه ناجحين كده و ليه انا مش زي

دلhttp://en.wikipedia.org/wiki/Michael_Dell و لا

سيرجيhttp://en.wikipedia.org/wiki/Sergey_Brin الي اوجد جوجل ..

القصة مش عقول لان العقول العربية هي الي بنت البلاد دي ,,اكيد في طريقة التفكير نفسها ...الناس دي معظمهم (ضد التعميم )حياتها ماشية سلسة بدون الكلاكيع بتاعتنا احنا العرب (ضد التعميم )زي حب المظهرية و الطبقية و ساعات بتوصل للعنصرية كلها كلاكيع نفسية غالبا بنطلعها علي بعض (الف مرة ضد التعميم الخير في امتي الي يوم الدين ده كلام المصطفي ) و غالبا حتلاقيها في اي مكان بيتجمع فيه عرب ..

لكن لما اقارن بين ازاي استاذ الجراحة في امتحانات الشفوي و احنا و اقفين في الطرقة و هو يجي من بعيد و يشاور لنا بطرف صباعه عشان نوسع اصل الملك وصل .. و بين البروفسير معاه برضه دكتوراة و بيركب الاتوبيس معانا عادي و يديك تلفونه و يتصل عليك لو ما حضرتش يوم يبقي في حاجة غلط..المهم دي انطباعات شخصية كدا علي السريع

المهم با فندم انا برضه جاي من حدانا في البلد و و في دماغي افكار من نوعية انا عجزت خلاص ما ينفعش ادرس تاني (كان عندي 23 )و انا بضيع في وقت شوية شوية في احداث ابتدت تغير التفكير ده مثلا (الا الدين طبعا ده خط احمر اتخطيته حتخسر دنيا و أخرة)

دخلت جامعة تورونتو اعمل امتحان اسمه DAT dental Apetitute Test ده امتحان بيعمله الي عايز يخش طب الاسنان .. المهم الواحد كان متخيل حيلاقي ناس سن صغير و لا حاجة تفأجا ان في ناس معانا عمرها في الاربعينيات و ناس معاها دكتوراة و حاجات عجيبة ..الله ! ده لو حدانا في البلد كان طوب الارض طحك عليه و طلعله الف كلكوعة اقل عايز يخش كلية من جديد قال !!! :rolleyes:

الي معاه دكتوراه ده ببساطة عايز يغير الكارير بتاعه و هو اكيد عنده اطفال و عنده اسرة لو مكان اي واحد فينا عمره ما حيفكر اصلا و حيقضي بقية عمره يحيلك علي انجازاته من 20 سنة ...شوف الاحصائيات للمقدمين لكليات طب الاسنان حتفهم انا قصدي ايه

لما نسمع حكايات زي القاضي الي ادي لاختي الكبيرة الجنسية الكندية .. ازاي انه لحد ٣٧ سنة كان زي المتشرد و دخل جامعة ٤ سنين و دخل بعد كده كلية حقوق ٤ سنين و الزمن عده و اهوا قاضي دلوقتي !!!...

لما تلاقي واحد سواق تركات عنده ٤٢ سنة فجأة زهق و قرر انه يخش كلية الطب و دخل فعلا و بقي طبيب !!!

http://www.youtube.com/watch?v=p-8BY7qZ9OE

ده لو عندنا كان العيال زفوه و لا ايه ???

لما واحدة عندها 40 سنة و عندها اطفال و تقرر انها تبقي طيبية و تذاكر الامتحانات (دخول كليات الطب صعب جدا هنا ) و تبقي طيبية فعلا !!!

http://www.mommd.com/40medschool.shtml

لما امهات زي امهاتنا و عندهم اطفال و مسئولية برضه و كلهم بيعملوا و اجباتهم و بيذاكروا و بيخشوا كليات الطب بعد سنين طويلة بعد الجامعة !!!

http://www.mommd.com/forum/

لما تلاقي استاذ في الكلية زهق من شغلانته فجأة و قرر يبقي استاذ في الكلية رجع و هو في منتصف التلاتينيات و ببساطة بيدرس دلوقتي و الطلبة عنده من العشرينات لحد الستينات عادي !!!

http://www.buzzle.com/editorials/1-22-2006-87030.asp

و تشوف الردود علي واحد عنده 40 سنة معاه بكالريوس و ماستر و عايز يغير يبقي دكتور و تشوف نوعية الردود وواحد يرد عليه يقوله انا دخلت كلية الطب و انا عندي ٥١ سنة !!! حدانا في البلد كان زمانه بيجهز كفنه

لما تلاقي واحد عنده 35 سنة و 3اطفال و بيفكر يغير مجال الكمياء للطب و تلاقي ردود من نوعية ناس عدت التلاتين و عندها اطفال و جوه الكلية ...و الوف القصص من دي انا عاملها و حافظها في Fav و شوف الاحصائيات للسنة دي و انت حتشوف العجب

AMCAS information

http://www.aamc.org/students/amcas/

فكان لازم تفكيري يتغير .. الحياة قصيرة مش الكل بيتوفق بس علي الاقل انت ليك شرف المحاولة و ما قضتش وقتك في احباط

كنت بقرأ كتاب who moved my cheeseاعلي مبيعات كتاب في البيزنس(لازم تقراه) علي مدار سنوات طويلة و ما تمالكتش نفسي و انا بقارن حالنا بالقصة الي في الكتاب(عبقرية الكتاب ان القصة الكل اوتوماتكي بيطبقها علي نفسه )

http://www.youtube.com/watch?v=sBpcCngSymQ...feature=related

الي بيجطي البلد دي فعلا واحد من تلاتة :-

هدفه بسيط وواضح و حياته سلسة و ساب معظم الكلاكيع وراه و حيعيش و حينبسط البلد رائعة بجد

واحد تاني يفاجأ انه لازم يعاني كتير عشان ينجح و مش حيعش ملك زي ما كان و غالبا حيصيبوا احباط بس حيفوق و حلم النجاح في خياله و حيخبط في الدنيا و يفشل و ينجح و يحبط بس حيقق اعظم نجاح و حيعرف يحافظ عليه (المجتهد و لو بعد حين لو في عمر بيوصل )

http://www.yorku.ca/secretariat/board/biography/shoukri.htm

و النوع التالت الي كان عايش مرتاح و ملك و بيشخط و ينطر و جه هنا و فوجئ انه لازم يبتدي من الاول حيقف و يلعن سلسفين البلد و حتلاقيه طلع كل الكلاكيع النفسية علي الناس و احبط طوب الارض .. و يفضل يحلم بالذي مضي و يعيط زي الاطفال انا عايز اللعبة بتاعتي :lol: و ده غالبا مش بيوصل لحاجة و انا شوفت التلات امثلة علي الواقع

شوف انت عايز تكون ايه يا فندم من التلاتة احنا ما علينا الا ااجتهاد علي قدر ما نستطيع و الرزق علي الله

لكن بفضل الله

It is Never to late Too Do Any thing in life

تحياتنا لمعاليك

[MoeTdot]

الفاضل العزيز دويت موت

عارف انه سؤال مش سهل

والبعض ممكن مايستسيغهوش

تغيير الكارير ممكن ولا تضييع وقت وأحلام يقظة ؟

تغيير الكارير هنابقصد واحد يدرس ويبدأ من الزيرو فى الحصول على بكالوريوس كلية أخرى (وليكن علاج طبيعي مثلا)غير كليته

وما ستبعه من تدريب أو دراسات أخرى

عذرا ان كان السؤال حالما أو ساذجا

سؤال آخر

هل تورنتو بها عمل كاجوال أفضل مقارنة بباقي الأماكن فى كندا؟

بالنسبة لل MBAلو مجموع البكالريوس ضعيف يبقي عليك و علي GMAT® يا فندم و لازم سكور عالي ده غالبا الي بيبصولوا http://www.mba.com/mba/thegmat

انا شايف الناس بتقول امتحان سهل و بيتعدا عادي فا ان شاء الله خير

هل تورنتو بها عمل كاجوال أفضل مقارنة بباقي الأماكن فى كندا؟

تورونتو5 مرات قد حجم كالجاري مثلا فاكيد الاشغال فيها اكتر

تحياتنا يا دكتورنا الفاضل

[myusername]

دكتور MoeTdot

تستحق الشكر لانك بتجاوب على اسئلة الناس... و كمان انا واثق انك ان شاء الله هتوصل للى انتا عاوزه, لانى حاسس انك فاهم انتا عاوز ايه.

بالتوفيق باذن الله

[MoeTdot]

اخى الفاضل دMOE Tdot والله يعجز لسانى ولا اجد الكلمات التى قد توفيك حقا والله لقد دمعت عيناى ....وقد اثرت ان احعل دعائى لك فى هده المره بينى وبين ربى متوسلة اليه سبحانه وتعالى ان يقبله منى هده المره .................................

كرم الله والديك ورفع منزلتهما فى الدنيا والاخره.

وانا لا استحق هدا الثناء منك .. كم اتمنى ان اكون نقطه فى نهر العطاء الدى حفرتموه بايديكم انت ومن سبقوك ومن اتوا بعدك هؤلاء هم من يستحق الثناء .

اجاباتك ما شاء الله كافيه جدا وزياده وان شاء الله ربنا ينفعنى وينفع كل المنتدى بها ..

لو الشئ الوحيد الي الواحد طلع بيه من المنتدي دعاء حضرتك الجميل ده الواحد مش عايز حاجة ..اسئل الله العظيم رب العرش الكريم يسهل لحضرتك كل الامور و يوفقك و الاسرة الكريمة في كل خطواتكم ...يارب بس المعلومات دي تنفعه انا حاسس انها مش كفاية

شكرا جزيلا مرة تانية علي الدعاء الجميل ده يا دكتورة

كل التوفيق و الخير ان شاء الله

[حسام يوسف]

l]مداخلة أكثر من رائعة

أحتاج لقرائتها أكثر من مرة

وأدعو كل الزملاء لقرائتها معي

كل كلمات الشكر لا تكفى يا عزيزي دكتور مويت دوت