الدكتور الفقي ونظرته للماضي والحاضر

[ابو محمد المصري]

بالامس تحدث الدكتور الفقي في برنامج 48 ساعه وكان كعادته علي قدر كبير من الصراحه والموضوعيه والنظره المستقبليه ففي ما قاله عندما سؤل لماذا بعض الدول العربيه تكرهننا من وجهه نظره اجاب بالاتي

1 - 4 علماء مصريون يحصدون نوبل

2 - اول مشروع لمترو انفاق في المنطقه

3 - تم بناء 2 دار اوبرا في 125 سنه تقريبا

4 - اكبر استثمار بشري وطاقه بشريه موجوده في مصر

5 - اكبر قدر من الحريه في الصحف والقنوات

6 - 6 بطولات افريقيه

7 - الافلام والمسلسلات والمطربين كلهم اما من عندنا او من يريد الشهره عليه المرور من خلالنا

وعندما تم سؤله عن الطريقه المثلي لارجاع الدور المصري دون الحديث عن التاريخ وحسب اجاب برد غير مسيوق ولكنه يحتاج للتامل والتعمق فيه اجاب

علينا بفتح حوارات وان لم تكن مباشره مع اربع جبهات في المنطقه

وهي علي الترتيب

1 - تركيا

2 - ايران

3 - اسرائيل

4 - اثيوبيا

وعندما سؤل هل اقوم كدوله بفرض نفسي علي تلك القوي اجاب برد رائع

لا طبعا ولكن يمكن بدايه الحوار بالرفض لبعض السياسات والرفض في العمل الدبلوماسي اول الطرق لبدء الحوار

وقال بالحرف طب ما ايران بقالها حوالي 7 او 8 سنين بترقص امريكا ولكنها مستمره في الحوار معها

وقال بالحرف ان سوريا مثلا بدات في فتح منافذ للحوار مع كل من تركيا وايران ونجحت بشكل رائع في ذلك مما جعل الكيان الصهيوني يهرع لفتح حوار معها

وقال ايضا انه بفتحنا للحوارات مع تلك الخطوط الاربعه سيهرع باقي من ينتمون للعروبه وعددهم ال22 للعوده للحظيره المصريه

رد جميل رائع يستحق الدراسه واري ان فيه الحل

في انتظار اراؤكم

[aimen]

ابو محمد صباح الخير

الدكتور الفقى اللى نجح فى الإنتخابات بالتزوير عينى عينك كده بيتكلم ..

.انا شايف ان اول خطوة لفتح الطريق لإستعادة الدور المصرى هى البدء من جديد وعلى نضيف ...

كل العالم اللى اكل وشرب عليها الدهر وبال دى تتلم وتتحط فى سجن على القمر او تتبعث فى مركبة فضائية علشان يفيدوا سكان العوالم الأخرى بخبراتهم وعصارة تجاربهم اما احنا فكفاية بقى ...ارحمونا

مازالت مشكلتنا الأكبر هو تخيلنا اننا افضل من الناس كلها ...مع اننا بنعيش على الماضى...حضارة ال7000

" وقال ايضا انه بفتحنا للحوارات مع تلك الخطوط الاربعه سيهرع باقي من ينتمون للعروبه وعددهم ال22 للعوده للحظيره المصريه "

دا ان شاء الله بمناسبة ايه ؟ عندنا ايه نديه لهم علشان يهرعوا لنا ..

يا خال اللى فى القلب فى القلب .....وعلى راى المثل اللى بيقول ارحمونا كفاية بقى ....

تم تعديل 21 نوفمبر 2009 بواسطة aimen

[ابو محمد المصري]

اشكرك سيدي علي ردك والكل يعلم ان الفقي نجح بالتزوير بشهاديه القاضيه المحترمه التي كانت مسؤله عن الدائره الانتخابيه له

ولكن كلامه هنا بصفته رجل دبلوماسي

وانا اري انه حان الوقت لننسي التاريخ والجغرافيا كما ذكرت حضرتك ونبدا في التفكير في الحاضر والمستقبل

بعدنا عما يسمي بشعارات القوميه ووحده اللغه شعارات مستهلكه لاتنفع الان الكل يبحث عن مصالحه فقط

مصلحتنا في الاستفاده من الامكانيات البشريه الموجوده في الوطن

ربنا لم ينعم علينا بثروات طبيعيه ولكن انعم بما هو افضل انعم علينا بعقول بشريه مستنيره في حاجه الي مجرد الاستماع لها

[sarmar]

لدكتور المحترم مصطفى الفقى يتحدث وكانة يقراء جريدة منذ 30 عاما لم يصدر لها عدد جديد

يادكتور وياكل دكاترة مصر ياناس ياللى ماسكين البلد انتم بتتكلوا فى اية لما تقولوا ان بعض الدول تكرة مصر وطبعا مااكثر هذة الدول

المصيبة السودة ان المسؤول عارف واحنا عارفين لية هذة الدول تكرة مصر انت ياسعادة الفقى ذكرت خصال ومواصفات تجعل الناس تحب مصر لاتكرهها

هى الدول عايشين فى بيت واحد مثل الرجل التزوج من 4 والكل بيكرة بعضة دى حتى مش اسمها كرة انما غيرة والغيرة مطلوبة عند الناس اللى عندهم دم و يتحروا شوية وبشتغلوا حتى يقدروا يأكلوا نفسهم بدل ماهم كثار على الفاضى

واللة انا كنت الاول معجب جدا بالرجل لكنى وجدتة هذة الايام بيحاول يتكلم كلام يحافظ بية على نفسة ومش مهم انة يكون صح ولا خطأ

الناس بتكرهنا لية ؟ ياخواننا الناس دايما بتكرة الفقير وتكرة من هو واخد على مد الايد سواء تسول او تسلق الناس بتكرة السليط اللسان والغير محترم اى سبب تجعل الناس تكرة الانسان هى نفس الاسباب التى تسبب الكراهية بين الدول وبعضها

واللة عجيبة الناس بتكرهنا لاننا اغنياء وعندنا استثمارات وعنادنا دار اوبرا وعندنا مترو انفاق وعندنا ناس تاكل الزلط لانهم مش لاقيين الخبز وعندنا اشياااااااااااااااااااااااااااااااااااااااااااااااااااء كثيرة تجعلنا فى مصاف الامم المحسودة والمحقود عليها واننا دايما احسن من كل البشر رحمتك يارب

[pink rose]

سؤال في الاول كده و بجد عاوزة افهم

نفتح حوار مع تركيا و ماله دولة محترمة و عملت من نفسها كيان له كلمة

دولة تعتبر اسلامية و عاوزة تنضم للاتحاد الاوروبي

يعني في فايدة من فتح قنوات معاها

نفتح حوار مع ايران و ماله دولة مدوخة امريكا بقالها 7 سنين

و شغالة في النووي و الكل خايف منها

نفتح حوار مع اثيوبيا

عشان حوض النيل و المايا و نقفل على اسرائيل اللي بتعمله

و كمان عشان العمق الافريقي

تمام كده انا فاهمة صح لحد دلوقتي؟؟

طيب ايه بقى نفتح حوار مع اسرائيل دي؟؟؟؟؟؟؟؟؟؟؟؟؟؟؟؟؟؟؟؟؟؟

نفتح معاها حوار بمناسبة ايه؟

علاقات و تطبيع و كده و لا نفتح حوار عشان الاراضي المحتلة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[tantrum]

بالامس تحدث الدكتور الفقي في برنامج 48 ساعه وكان كعادته علي قدر كبير من الصراحه والموضوعيه والنظره المستقبليه ففي ما قاله عندما سؤل لماذا بعض الدول العربيه تكرهننا من وجهه نظره اجاب بالاتي

1 - 4 علماء مصريون يحصدون نوبل

2 - اول مشروع لمترو انفاق في المنطقه

3 - تم بناء 2 دار اوبرا في 125 سنه تقريبا

4 - اكبر استثمار بشري وطاقه بشريه موجوده في مصر

5 - اكبر قدر من الحريه في الصحف والقنوات

6 - 6 بطولات افريقيه

7 - الافلام والمسلسلات والمطربين كلهم اما من عندنا او من يريد الشهره عليه المرور من خلالنا

وعندما تم سؤله عن الطريقه المثلي لارجاع الدور المصري دون الحديث عن التاريخ وحسب اجاب برد غير مسيوق ولكنه يحتاج للتامل والتعمق فيه اجاب

علينا بفتح حوارات وان لم تكن مباشره مع اربع جبهات في المنطقه

وهي علي الترتيب

1 - تركيا

2 - ايران

3 - اسرائيل

4 - اثيوبيا

وعندما سؤل هل اقوم كدوله بفرض نفسي علي تلك القوي اجاب برد رائع

لا طبعا ولكن يمكن بدايه الحوار بالرفض لبعض السياسات والرفض في العمل الدبلوماسي اول الطرق لبدء الحوار

وقال بالحرف طب ما ايران بقالها حوالي 7 او 8 سنين بترقص امريكا ولكنها مستمره في الحوار معها

وقال بالحرف ان سوريا مثلا بدات في فتح منافذ للحوار مع كل من تركيا وايران ونجحت بشكل رائع في ذلك مما جعل الكيان الصهيوني يهرع لفتح حوار معها

وقال ايضا انه بفتحنا للحوارات مع تلك الخطوط الاربعه سيهرع باقي من ينتمون للعروبه وعددهم ال22 للعوده للحظيره المصريه

رد جميل رائع يستحق الدراسه واري ان فيه الحل

في انتظار اراؤكم

لا حول و لا قوة إلا بالله

هى بقت الأمور علنى كده

سب للعروبة و دعوة لفتح حوار مع إسرائيل و إيران

و النقاط باللون الأحمر دى مصدر عزة و فخر لينا بأمارة أيه

يا سادة أنتبهوا

سمعت اليوم فى إحدى البرامج عن موظف مرتبه 168 جنيه كان طالع ينتحر من فوق برج القاهرة لأنه فشل فى توفير أكل عياله.

تذكروا أن الله سيسألنا عن الأموال التى نخصصها للرياضة و سفر اللاعبين و سفر الممثلين اللى بتشجع اللاعبين و المذيعين اللى بيستضيفوا الممثلين اللى بيشجعوا اللاعبين و ..........

حسبى الله و نعم الوكيل

تم تعديل 21 نوفمبر 2009 بواسطة tantrum