مكانة مصــــــــــــــــــــــــــــر

[pink rose]

كلنا من ساعة الماتش و اللي حصل قبل و بعد مخنوقين و زعلانين

و ردود الافعال غريبة اللي بيطالب بقطع العلاقات و اللي بيطالب بحملة عسكرية سريعة لتأديب الجزائر

و اللي عمال يقول يا ريت ايام ناصر ترجع و اللي يقول لا السادات و لا يوم من ايامه

و كل دا مع احترامي للكل كلام في كلام من اثر حرقة الدم و كلها يومين تلاتة اسبوع بالكتير و الكل يهدى و ترجع ريما لعادتها القديمة

الكل هايتشغل بحياته و مسؤولياته بس هايفضل الكره في القلب خلاص مش للجزائريين بس لاا ا للعرب ككل

طيب و بعدين استفدنا ايه ؟؟؟؟؟؟؟؟؟؟

كلنا بنطالب بعودة مكانة مصر و ما تبقاش مهانة و مذلولة كده طيب ترجع المكانة دي ازاي؟

هو دا اللي المفروض نفوق كلنا و نفكر فيه بشكل ايجابي

مش مجرد شعارات و كلام مرسل و تحيا جمهورية مصر العربية و دمتم

عاوزين مكانة مصر ترجع و هيبتها تعود يبقى لازم مصر ترجع زي ما كانت رائدة في كل شئ

احنا عاملين زي اللي ماشي في الشارع يقول لكل واحد معدي احترمني انا محترم

المحترم بيفرض نفسه يا جماعة بافعاله مش بكلامه

شغالين كلنا في نغمة حضارة 7000 سنة و اجدادنا الفراعنة كانوا و كانوا و كانوا طب هما كانوا ايه تقدم في الزراعه و الصناعة و التجارة و تقدم عسكري تقدم في كل العلوم الفلك الرياضيات الفنون و العمارة

و الاهرامات و ابوالهول و الآثار تشهد على كده طب هما عملوا احنا بقى عملنا ايه

هما عملوا و انجزوا فاتقدموا و سادوا الدنيا احنا بقى عملنا ايه

حد يقولي البلد دي بتدي ايه للعالم عشان العالم يحترمها

عمالين نتكلم عن فضلنا على العرب كلهم من اكبرهم لاصغرهم تمام كااااااااااااااااااااان فضلنا عليهم بايه بالعلم كنا متفوقين عنهم في كل المجالات

هاتكلم عن مجال واحد التعليم

كان التعليم عندنا متقدم عنهم و دا خلاهم يجوا من كل مكان يدرسوا في جامعاتنا تمام

طيب التعليم عندنا دلوقتي بقى متساوي ان ما كانش اسوأ من عندهم يبقى ايه اللي هايخليهم محتاجين لينا

اذا كانت الروس اتساوت زي ما بيقولوا

لما احنا كنا متقدمين عليهم ليه هما حصلونا و سبقونا

اللي اعرفه اننا كنا المفروض نستمر في مسيرة التطور و كانوا برضه هايفضلوا ورانا بخطوات زي ما كانوا

ليه احنا وقفنا لحد ما حصلونا

ليه بقينا زي بعض طالما كنا سابقين

ليه دايما مش بنشوف ايه الاسباب اللي ادت للي احنا فيه و بس عمالين نعيط على الماضي المجيد

دلوقتي انا عاوزة اعرف بلدنا دي ايه الحاجات المتفوقة فيها او اللي بارزة عن كل العرب الافلام و المسلسلات و الاغاني هانقول الفنون ماشي الفنون

و بقوا الفنانين صفوة المجتمع المصري و الكلام اللي زي الفل دا تمام و الاهتمام بيهم كبير و فلوس بالهبل و ماله يا ترى بقى الفنون اللي احنا فرحانين بيهم و طالعين بيها السما كده حققت لنا انتصارات بمعني فين الافلام اللي اخدت اوسكار فين الافلام اللي اخدت جوايز في مهرجانات العالم كان و فينيسيا و غيره و غيره

الله مش هو دا اللي عمالين نتنطط بيه على العرب زي ما دكتور الفقي قال اللي عاوز ينجح لازم يجي عندنا طيب يا بيه فين الانجازات عشان نقول على نفسنا فعلا متفوقين ما فيش

الرياضة بكل فروعها فين الانجازات الحكومة و الناس كلها مقطعين نفسهم على الكورة فين الانجاز يا جماعة اذا كان الاهتمام و الصرف و الدعاية و كل سبل النجاح اهو مهيأة فين الانجازات و لا مرة عدينا الدور الاول في الكام مرة اللي يتعدوا على صوابع الايد الواحدة اللي اتأهلنا فيها لكاس العالم

ايه اسباب الخيبة بقى

من ساعة الماتش ما خلص بتاع الجزائر ما فيش اي حد اتكلم عن اسباب تذبذب مستوى المنتخب و لا مين اللي غلط و قصر و لا هايتحاسب ازاي لالالالا كله شغال في نغمة التار و الجزاير و نرد عليهم ازاي ايه الغلوشة دي على الخيبة و الهزيمة

لو هانفضل نفكر بالطريقة دي يبقى عمر ما حد هايحترمنا و لا هانتقدم خطوة لقدام طول ما احنا سايبين الاسباب و ماسكين بس في النتايج و اثارها

لازم نفكر مع بعض ازاي نرجع لمصر مكانتها اللي كلنا بنتمناها ليها و لنفسنا

احب اسمع آرائكم و اقتراحاتكم عشان فعلا مصر ترجع زي ما كانت و زي ما نحب انها تكون

[عبير يونس]

أوافق على الجانب الإيجابي من كلامك

وهو ضرورة التوحد من أجل الإصلاح الحقيقي

الذي لن يتم الا بأيدينا

[pink rose]

أوافق على الجانب الإيجابي من كلامك

وهو ضرورة التوحد من أجل الإصلاح الحقيقي

الذي لن يتم الا بأيدينا

تمام اننا متفقين

تفتكري ايه اللي ممكن نبدأ بيه عشان نرجع زي ما كنا

تم تعديل 21 نوفمبر 2009 بواسطة remo

[تيتو]

كلام فى محله

طيب ياترى ايه هى الاسباب اللى وصلتنا لكده

مع العلم إن البلد مليانة كفاءات على اعلى مستوى

بلد خرج منها اجمد زويل ومجدى يعقوب و فاروق الباز و .. و .. و ..

يكون حالها بالشكل اللى كلنا شايفينة ده

علماء مصريين فى كل دول العالم ومكانة مصر فى النازل

المشكلة فى اللى بيديروا البلد وهم قلة قليلة وهم النسبة الاقل مقارنة بباقى الشعب وهم النسبة الاكبر

إذا اردنا ان تتقدم بلدنا لابد من الاعتماد على العلماء وعدم تركهم لدول اخرى لكى تستفيد منهم

لكننا وبكل بساطة نفرط فى كل ماهو ثمين وغالى

لازم كلنا نكون ايد واحدة من اجل اصلاح ما فسد

[pink rose]

بصوا موضوع الحكومة و اللي بيديروا و الكلام دا يبقى انسى يا عمرو هانفضل زي ما احنا

لان الجماعة دول كل همهم مصلحتهم الشخصية بس

كل واحد قاعد في كرسي متبت فيه و بيعمل اي و كل حاجه عشان يفضل لازق

فا لو هانستناهم يعملوا يبقى على مصر السلام

ليه ما يكونش في هدف شعبي

الناس زمان اتحدت سوا كل الفئات عشان بناء السد العالي صحيح الرئيس هو اللي كان وراء الفكرة و الموضوع لكن الرئيس لولا جهود الشعب ما كانش نجح في بناء السد العالي

طيب دلوقتي احنا ليه ما نتبناش حملة شعبية و نجبر الحكومة انها تنضم لينا

بمعنى ايه اكتر حاجه مهمة لينا و للمواطن المصري لقمة العيش صح

ليه ما يكونش هدفنا الاكتفاء الذاتي في الاكل

حملة ناكل من زرع ايدينا

عندنا الارض كبيرة لو الحكومة لقت 20 مليون واحد عاوز يزرع هاتقول لأ ما اعتقدش

هاتقولولي اشمعنى 20 مليون اصل استفزني جدا اعلان موبينيل ان الشبكة وصلت 20 مليون و كانوا عاملين اعلان لو 20 مليون مصري اتجمعوا يعملوا ايه

فا بدل ما يبقوا ال20 مليون دول عاملين خير في ساويرس يعملوا خير في مصر

[عبير يونس]

بصوا موضوع الحكومة و اللي بيديروا و الكلام دا يبقى انسى يا عمرو هانفضل زي ما احنا

لان الجماعة دول كل همهم مصلحتهم الشخصية بس

كل واحد قاعد في كرسي متبت فيه و بيعمل اي و كل حاجه عشان يفضل لازق

فا لو هانستناهم يعملوا يبقى على مصر السلام

ليه ما يكونش في هدف شعبي

الناس زمان اتحدت سوا كل الفئات عشان بناء السد العالي صحيح الرئيس هو اللي كان وراء الفكرة و الموضوع لكن الرئيس لولا جهود الشعب ما كانش نجح في بناء السد العالي

طيب دلوقتي احنا ليه ما نتبناش حملة شعبية و نجبر الحكومة انها تنضم لينا

بمعنى ايه اكتر حاجه مهمة لينا و للمواطن المصري لقمة العيش صح

ليه ما يكونش هدفنا الاكتفاء الذاتي في الاكل

حملة ناكل من زرع ايدينا

عندنا الارض كبيرة لو الحكومة لقت 20 مليون واحد عاوز يزرع هاتقول لأ ما اعتقدش

هاتقولولي اشمعنى 20 مليون اصل استفزني جدا اعلان موبينيل ان الشبكة وصلت 20 مليون و كانوا عاملين اعلان لو 20 مليون مصري اتجمعوا يعملوا ايه

فا بدل ما يبقوا ال20 مليون دول عاملين خير في ساويرس يعملوا خير في مصر

ممتاز يا ريمو

عايزين أفكار حلوة

بس المهم تتم متابعتها مش تبقى أفكار و خلاص

بس المشكلة ان احنا بعاد عن مصر في الوقت الحالي

عايزاكي تفكري معايا

احنا كمصريين مغتربين

نقدر نعمل ايه لحد ما نرجع مصر

[pink rose]

اه ما حدش يستهون بالكلام و يقول دي احلام

لان كله حاجه في حياتنا بتكون احلام و بتتحقق

حد كان يصدق ان المصريين يبنوا السد العالي من غير تمويل

حد كان يصدق ان خط بارليف السد الذي لا يقهر يدوب باختراع مصري عبقري رشاشات مايا

فيها ايه لما نحلم باكتفاء ذاتي و نعيش بالحلم دا و نشتغل على تحقيقه

[منتظرة بلا امل]

حلو اوي الكلام

كان نفسي اقول رأيي في الموضوع ده

نتكلم من الفترة اللي قبل ماتش الجزائر في القاهرة

لما كان لازم نجيب على الاقل هدفين عشان نلعب ماتش فاصل..وهو ده اللي حصل

شوفوا احنا اتزنقنا ازاي ساعتها .. ومع ذلك عملناها.. ده خلاني اكتشف حقيقة جديدة في المصريين.. لما نتزنق ويبقى الموضوع خلاص مفيهوش هزار بنبدع بمعنى الكلمة.. ولما تتفك ويبقى لينا فرصة اهو بنضيع نفسنا بنفسنا.. وده اللي ظهر في الماتش اللي بعده

بعد ما خسرنا وكلنا شفنا حالة الوجوم اللي حصلت في شوارع المحروسة بعد ماكان الشعب كله قبلها مستعد للاحتفال .. انا لوحدي عرفت افسر سبب الحالة دي.. دايما لما نخسر نرمي الغلط على المدرب وخططه وانه نزل كذا وهو مينفعش وانه شال كذا وهو كان حلو وحاجات كدة.. يا إما على اللاعب الفلاني لانه ضيع كذا او مكنش بيلعب حلو.. يا إما الحكم الغلبان اللي غالبا بيقع عليه الغلط .. حتى لو مكانش غلبان في بعض الاحيان

ساعتها وبعد الماتش وفي ظل الحالة المذكورة اعلاه محدش عرف يرمي اللوم على مين.. بعد يومين كدة ظهرت ناس تتلكك وتقول ان الحكم هو السبب برغم ان رايها مثبتش لان الحكم كل الغلطات اللي بيقولوا عليها هو انه محسبش فاول على فلان ومداش انذار لفلان

نيجي بقى للمهم

بعد اللي حصل في السودان من مشجعين جزائريين كتير من المصريين زي ماتقولوا كدة لقوا حاجة يدوروا فيها الضرب براحتهم.. وكلو بقا .. اعلامي .. لاعب.. مشجع.. كلهم سابوا خسارتنا وراحوا يتكلموا في اللي حصل في السودان_ منكرش ان اللي حصل مش قليل بس وضحت جامد اننا ماصدقنا لقينا حاجة نشتم فيها في الجزائر ونطلع غضبنا من الخسارة بس في صورة اعتراض على الامن في السودان.. واللي عمله مشجعين الجزائر

ماعلينا

فعلا كلامك اثر فيا لاني اخيرا لقيت حد فكر في اللي شاغل بالي دلوقتي

احنا عملنا ايه

طلعنا علماء .. وعلماء في الدين برضه .. ولسة الازهر مخسرش مجده ومخسرش الناس اللي بتيجي عشان تدرس فيه

اول سبب للي احنا فيه هو التعليم.. ثم التعليم.. ثم التعليم

بصفتي لسة بدرس وبدري عليا على التخرج من حقي اعترض على التعليم واقول اللي نفسي اقوله

اتكلموا كتير عن تطور التعليم ولا في تطور ولا كوسة ولا حتى سبانخ

مش بس كدة ده التعليم بيتحول للاسوا

احنا بنعودهم على كره العمل وكره الدراسة وكره كل حاجة متعلقة بالمسؤلية ولو عن نفسك بس

نلاقي كل الطلبة محتاسين ومش عايزين يروحوا اصلا وفعلا تعبوا من كلام الانشا بتاع فوائد التعليم وتطور التعليم والدروس الساذجة وبعض المناهج اللي اما تكون في مستوى الطالب المتخلف لو تكون في مستوى الطالب الرايق اللي له وقت وله حد يذاكرله و مش بيشيل هم انه الصبح هينزل يجيب عيش من طابور ماشي من روض الفرج لحد 6 اكتوبر

ماعلينا من كل ده

لسة فيه ناس ذكية وناس بتخترع وناس فاهمة وناس بتحلم لكن _الحمد لله الذي لا يحمد على مكروه سواه _ اتعلمنا ازاي نموت احلامنا قبل ما تظهر حتى.. ومش احلامنا بس.. احلام غيرنا.. في بعض الناس حبوا جدا فكرة انهم كل ما يشوفوا حد لسة عنده امل يحاولوا بكل طاقتهم ينضفوه من الامل اللي جواه

مصر يا اساتذة :lol: لسة فيها خير ولسة فيها ناس فيهم بقايا الاجيال اللي فاتت وانا متأكدة ان (ان شاء الله) هيجي يوم مصر ترجع زي ما كانت والناس تعقل والعرب يفهموا و نفتكر الايام اللي احنا فيها دي ونقول الحمد لله برضه

انا طولت اوي في كلامي ودخلت في مواضيع تانية سرحت جامد باين

شكرا للي قرأ كلامي انه استحمل الرغي بتاعي وهيستحمل الصداع اللي هيجيله مني

تم تعديل 21 نوفمبر 2009 بواسطة منتظرة بلا امل

[اغابي]

حلو اوي الكلام

كان نفسي اقول رأيي في الموضوع ده

نتكلم من الفترة اللي قبل ماتش الجزائر في القاهرة

لما كان لازم نجيب على الاقل هدفين عشان نلعب ماتش فاصل..وهو ده اللي حصل

شوفوا احنا اتزنقنا ازاي ساعتها .. ومع ذلك عملناها.. ده خلاني اكتشف حقيقة جديدة في المصريين.. لما نتزنق ويبقى الموضوع خلاص مفيهوش هزار بنبدع بمعنى الكلمة.. ولما تتفك ويبقى لينا فرصة اهو بنضيع نفسنا بنفسنا.. وده اللي ظهر في الماتش اللي بعده

بعد ما خسرنا وكلنا شفنا حالة الوجوم اللي حصلت في شوارع المحروسة بعد ماكان الشعب كله قبلها مستعد للاحتفال .. انا لوحدي عرفت افسر سبب الحالة دي.. دايما لما نخسر نرمي الغلط على المدرب وخططه وانه نزل كذا وهو مينفعش وانه شال كذا وهو كان حلو وحاجات كدة.. يا إما على اللاعب الفلاني لانه ضيع كذا او مكنش بيلعب حلو.. يا إما الحكم الغلبان اللي غالبا بيقع عليه الغلط .. حتى لو مكانش غلبان في بعض الاحيان

ساعتها وبعد الماتش وفي ظل الحالة المذكورة اعلاه محدش عرف يرمي اللوم على مين.. بعد يومين كدة ظهرت ناس تتلكك وتقول ان الحكم هو السبب برغم ان رايها مثبتش لان الحكم كل الغلطات اللي بيقولوا عليها هو انه محسبش فاول على فلان ومداش انذار لفلان

نيجي بقى للمهم

بعد اللي حصل في السودان من مشجعين جزائريين كتير من المصريين زي ماتقولوا كدة لقوا حاجة يدوروا فيها الضرب براحتهم.. وكلو بقا .. اعلامي .. لاعب.. مشجع.. كلهم سابوا خسارتنا وراحوا يتكلموا في اللي حصل في السودان_ منكرش ان اللي حصل مش قليل بس وضحت جامد اننا ماصدقنا لقينا حاجة نشتم فيها في الجزائر ونطلع غضبنا من الخسارة بس في صورة اعتراض على الامن في السودان.. واللي عمله مشجعين الجزائر

ماعلينا

فعلا كلامك اثر فيا لاني اخيرا لقيت حد فكر في اللي شاغل بالي دلوقتي

احنا عملنا ايه

طلعنا علماء .. وعلماء في الدين برضه .. ولسة الازهر مخسرش مجده ومخسرش الناس اللي بتيجي عشان تدرس فيه

اول سبب للي احنا فيه هو التعليم.. ثم التعليم.. ثم التعليم

بصفتي لسة بدرس وبدري عليا على التخرج من حقي اعترض على التعليم واقول اللي نفسي اقوله

اتكلموا كتير عن تطور التعليم ولا في تطور ولا كوسة ولا حتى سبانخ

مش بس كدة ده التعليم بيتحول للاسوا

احنا بنعودهم على كره العمل وكره الدراسة وكره كل حاجة متعلقة بالمسؤلية ولو عن نفسك بس

نلاقي كل الطلبة محتاسين ومش عايزين يروحوا اصلا وفعلا تعبوا من كلام الانشا بتاع فوائد التعليم وتطور التعليم والدروس الساذجة وبعض المناهج اللي اما تكون في مستوى الطالب المتخلف لو تكون في مستوى الطالب الرايق اللي له وقت وله حد يذاكرله و مش بيشيل هم انه الصبح هينزل يجيب عيش من طابور ماشي من روض الفرج لحد 6 اكتوبر

ماعلينا من كل ده

لسة فيه ناس ذكية وناس بتخترع وناس فاهمة وناس بتحلم لكن _الحمد لله الذي لا يحمد على مكروه سواه _ اتعلمنا ازاي نموت احلامنا قبل ما تظهر حتى.. ومش احلامنا بس.. احلام غيرنا.. في بعض الناس حبوا جدا فكرة انهم كل ما يشوفوا حد لسة عنده امل يحاولوا بكل طاقتهم ينضفوه من الامل اللي جواه

مصر يا اساتذة لسة فيها خير ولسة فيها ناس فيهم بقايا الاجيال اللي فاتت وانا متأكدة ان (ان شاء الله) هيجي يوم مصر ترجع زي ما كانت والناس تعقل والعرب يفهموا و نفتكر الايام اللي احنا فيها دي ونقول الحمد لله برضه

انا طولت اوي في كلامي ودخلت في مواضيع تانية سرحت جامد باين

شكرا للي قرأ كلامي انه استحمل الرغي بتاعي وهيستحمل الصداع اللي هيجيله مني

على فكرة كلامك جميل

وانا بحب مصر اوى مش عارفة ليه يمكن علشان متغربة من سنين وشفت كتير اوى جنسيات تانية

وبعد اللى حصل داه اكتشفت حاجة يا جماعة ما كنتش واخدة بالى منها

انى >>>>>>>

<<

<<

>>

<<

>>

>>

بحب مصر اوى اوى

وطول الوقت حاطة علم مصر فرشاه على التابلوه منور عربيتي

ونفسي اقول لكل الناس

انا مصرية 100%

وجوزى زي عمل كده فى عربيته

[اغابي]

انشاءلله مصر تتغير للاحسن

بصراحة خطاب الرئيس حسنى مبارك اثر في اوى وادانى امل ان ممكن حاجات كتير تتغير

انشالله

وبرضوه لازم الناس يكون عندها حس على عدم اهدار المال العام

مش كل حاجة عى الحكومة

وكل حاجة على دماغ الوزاراء

لازم يكون الموظف البسيط عنده حس واهتمام بشغله اكتر والتزام

يعنى حادث قطار العياط الاخير بسبب اهمال موظفين ورغم ان الوزير كان ماشي على خطة واكيد مش فى يوم وليله

حتتنفذ يعنى لازم وقت ومع ذلك اقالوه واعتبرنا ان هو اللى مسؤول مسئوليه كاملة مع ان المواطن المصري والموظفين عليهم مسؤوليه برضوه

لازم نحافظ ونحب بلدنا اكتر والله داه مش كلام انشا كل اللى بيتكلم على التوبيك داه بيتكلم بدافع حبه لبلده - حبنا لمصر ونفسنا انها تتغير وتبقي زي الدول اللى بنسافرلها دي - نظام - نضافة - قوانين تحترم الكل ملتزم بيها سواء فى المرور او غيره

احنا فى مصر ما بنحترمش القانون علشان كده علطول مشاكل بينا وبين الشرطة

بس لازم الوعى العام ان الناس تحافظ على البلد والمال العام

**دور الام مهم جدا اهم من دور الدولة :

تنصح ابنها انه مايرميش زباله فى الارض حتى لو الكل حواليه بيرمي زبالة احنا مانرميش - وما يشغبطش على الحيطان

وما يبوزش كراسي المترو وما يكسرش كباين التلفونات فى الشوارع ومايلعبش كورة يكسر لمبه عمود الاضائة فى الشارع علشان الشارع يفضل منور وما نقطعش اى ورد او نقص الشجر اللى فى الطريق لان الشجر بيطلع فى سنين يبقي احنا فى لحظة نكسره وتفضل كل ام تزرع داه فى ابنها مع الوقت الاولاد بينفذو الكلام *** داه دور الام فى البيت

** دور الموظف الالتزام والضمير والامانة ويحب شغله وبلاش الفهلوة دي والرشاوي والسرقة ممكن سرقة وقت الشغل ( اثناء الشغل ما يحكيش فى تلفونات كتير ويعطل مصالح الناس وهكذ ..... عموما كله تحت بند الضمير ) .

**دور الوزير متابعة الشارع ورجل الشارع وايه اللى مطلوب منه مش بس انه ياخد معلوماته من افراد ويفضل قاعد جوة مكتب مكيف .

**دور الدولة تنظيف العشوائيات والقضاء على البطالة وازمة السكن وتوفير السلع الغذائية والاهتمام بمحدودى الدخل وداه اللى قال عليهم الرئيس امس فى الاجتماع .

** دور الرئيس المحافظة على كرامة المصريين فى الخارج وخاصة دول الخليج العربي

احنا بنتعامل بطريقة سيئة جدا يا جماعة من كل الجنسيات العربية لمجرد ان اسمنا على اسم مصر

لو كل واحد ركز فى الدور بتاعه حنبقي افضل شعب لان احنا مع\ن قلوبنا اصيل والله داه عن تجربة - انا شفت كتير كتير .

وبما انى واخدانى اوى الجلالة حاهديكم الاغنية اختنا الننوسة الغير مصرية بما اننا قلبنا كبير يعنى هدية منى يا احلى توبيك

لوسالتك انت مصري تقولى ايه *** تقولى مصرى ابن مصرى و ابن مصر الله عليه . ...

قولها باعلى صوت **** وارفع راسك لفوق ***

بسمارى و لونى مصرى و خفة دمى مصرى

وكل مصري الله عليه **** وكل مصري الله عليه ***

[tarek hassan]

مكانة مصر ليست ببث الأغاني وكثرة الكلام عن العراقة والتاريخ والمن على الدول ونقف عند هذا الحد ولا نسعى للرفعة

وليست بأن نلعن كما يلعن الناس ونشتم كما يشتمون ونكذب كما يكذبون ونتطاول كما يتطاولون ونتعدى كما يتعدون

لأن هؤلاء وأولئك ليسوا قدوة لنا فنفعل كما يفعلون

مكانة مصر قيادة الأمة العربية والإسلامية التي هي واحدة منهم

مكانة مصر في تحسين خطابها الإعلامي وإبراز وجهها الحسن لا التشوية والبعد عن الأراء السقيمة والفجور

مكانة مصر في إبراز دور العلماء لا السفهاء

من ظن أن تأهل مصر لنهائيات كأس العالم هو فقط الذي يرفع مكانة مصر فهو واهم

الوصول في نظري أو عدم الوصول ليس بالشيء العظيم أمام زويل والباز ويعقوب وغيرهم من شرفاء مصر الكثيرين

مصر ليست الفنانيين ولاعبي كرة القدم والنقاد من هؤلاء وأولئك

مصر المفكرين والعلماء والصالحين من أبنائها

مصر القيم والمبادئ والتصرفات المتزنة لا الأفعال الصبيانية والأنفعالات الطفولية

لك الله يا مصر

[عنبو]

اولاً انا بموووووووووووت فى مصر ويعلم الله كم اتمنى ان هذه الدوله تصبح فى مقدم الدول

بس تصحيح معلومه بسيطه على الماشى كده بالنسبه لموضوع العلماء احمد زويل ومجدى يعقوب وفاروق الباز ...........الخ

فدول مطلعوش من البلد دول طفشوا من البلد ؟؟ وزيهم كتير ررررررررررررررررررررررررررر

ياجماعه فى روس فساد لازم تتشال علشان نقدر نقوم ونبقى تمام وعلى فكره احنا ممكن نعمل اكتفاء ومنحتجش لاى حد بس الحكومه توافق بس ؟؟

والله العظيم شفت ناااااااس عاملين اختراعات بس للاسف كلها مرميه وملهاش اى لازمه

طالما عاوزين نبقى دوله وليها مكانه عالميه لازم نحترم اولادنا ونعطيهم حقهم وان يتم انتزاع الفساد

اما بالنسبه لمكانة مصر فمكانة مصر مازلت موجوده بسبب ابنائها فقط لاغير اى عباره عن مجهود شخصى من الناس الى بيحبوا البلد دى بجد ومش عاوزين منها حاجه بس ياترى الوضع ده هيفضل كده ولاااااااااااااا ؟؟؟

[propilot]

اسباب اهانات واذلال المصريين فى كل مكان

1- ترداد شعارات ( وتبقين يا مصر فوق الصغائر - اذا ركلك احد من الخلف فأنت فى الامام ......... الخ من الشعارات اللى ملهاش لازمه اشمعن اى دولة تانية أو امريكا مش بتقول زينا كده وبتاخد حقها تالت ومتلت وهى فعلا كبيرة وفى الامام مش كلام

2- اهانة المصريين داخل مصر من المصريين ومن غير المصريين طبعا الكل عارف موضوع المصرى اللى انضرب فى السفارة الامريكية فطبعا ما تتوقعش الاحترام من خارجها

3- عدم وجود رد قاسى ورادع من الحكومة او السفارات او الخارجية المصرية عند حدوث اى مشكلة للمصريين

اللى عنده تانى يقول الواحد زهق ...........................

[منتظرة بلا امل]

اسباب اهانات واذلال المصريين فى كل مكان

1- ترداد شعارات ( وتبقين يا مصر فوق الصغائر - اذا ركلك احد من الخلف فأنت فى الامام ......... الخ من الشعارات اللى ملهاش لازمه اشمعن اى دولة تانية أو امريكا مش بتقول زينا كده وبتاخد حقها تالت ومتلت وهى فعلا كبيرة وفى الامام مش كلام

2- اهانة المصريين داخل مصر من المصريين ومن غير المصريين طبعا الكل عارف موضوع المصرى اللى انضرب فى السفارة الامريكية فطبعا ما تتوقعش الاحترام من خارجها

3- عدم وجود رد قاسى ورادع من الحكومة او السفارات او الخارجية المصرية عند حدوث اى مشكلة للمصريين

اللى عنده تانى يقول الواحد زهق ...........................

بعد اذنك حاجة كمان

انا من فترة حسيت فعلا انك طول ما انت مصري لازم تبقى رخيص في نظر الحكومة والبلاد التانية على الاقل

والله عارفين كلنا بنحب مصر

اتضايقت اوي بسبب الوطنية اللي ظهرت فجأة عشان تصفيات كاس العالم واختفت فجأة عشان طلعنا منها

وهترجع تاني في كاس افريقيا وتختفي بعدها بفترة لو كسبنا او بعد مانخسر على طول وكله بسبب جلد منفوخ على شكل كورة و22 واحد بيجروا وراها زي المجانين

الوطنية مفهومها انحصر بالنسبة لناس كتير في الملعب اللي لونه اخضر _واحيانا اخضر مصفر عندنا في مصر بس تقريبا _ يا ربي حتى الملاعب عندنا بقت في الضياع

يبقى لينا حق نقع ولا لأ

ده غير الاختراعات اللي قلنا عليها ومركونة ولا ليها لازمة اخترعها ناس ذنبهم الوحيد بساطتهم او مش لاقيين واسطة

حتى لو لقيين واسطة غالبا هيترمي برضه او هتلحقه اي دولة اجنبية بتقدر وصاحب الشأن طبعا مهايصدق

وبرضه نلاقيه بيحب مصر

حد فاهم ليه؟؟

[ssmaly]

اسمحولى ان اقول رأى

اساس كل المشاكل فى مصر من تدهور التعليم والمواقف الساسية الضعيفة

وحتى مستوى الكورة المتغير فى هبوط وصعود مع مؤشر البورصة(بورصة المصالح )

وحتى طرد وتطفيش العلماء وقتل الاحلام فى داخل كل مصرى

حتى مشكلة العيش وقلة القمح المزروع فى مصر واستيراد القمح الفاسد

وحتى مشاكل القطارات التى بتحضن بعضها كل ماتوحش بعض ودفعنا مليارت حتى نحسن وضعها ولكن لسه فيها العادة السخيفة

ومشاكل احتراق مسارح واماكن تاريخية مثل مجلس الشورى بسبب الأهمال والفساد و --و---و---و--

و حتى تحول مقدمى البرامج الرياضية الى سياسيين و قادة للرأى العام المصرى

السبب الوحيد لكل هذا الاهمال والفساد الذى لو اجتمعوا كل اعداء مصر علشان يحاولوا ان يعملوا نصفه يحتاجون الى 100سنه ومليارات من الدولارات كل سنه

ولكن طبعا المصرى عبقرى عمل ده بطريقة سهلة

بيقولوا من زمن عبد الناصر انهم كانوا بيختاروا اهل الثقة وليس اهل الخبرة

ولكن الأن هم يتعمدوا ان يختاروا اجهل واحد فى تخصصه واكثرهم فسادا وعدم وطنية ليكون رأس الهرم فى مجاله

سياسة مثلا (ابو الغيط العظيم )اللى مش سامعيين له صوت

فى الدفاع (طنطاوى بدون اى تاريخ وبدون شخصية)

ووزير الاسكان (المغربى اللى حسنى مبارك هزأه على الهواء منذسته سنوات ومع ذلك استمر حتى خرج على مكان اخر بعد فضيحته)

تكون النتيجة انه يختار وكيل وزارة اجهل منه (علشان ماينكشفش) وكمان فاسد مثله

ووكيل الوزارة يختار اللى بعد اكثر جهلا واكثر فسادا ومثل كرة الثلج

واللى بعد واللى بعد -------حتى تصل الى رئيس قسم صغير فى وزارة

طبعا انتوا عارفين ان كل المناصب بالتعين او بالتقارير

حتى الجامعة بالتعيين

حتى شيخ الازهر والمفتى

رئيس تحرير اى جريدة حكومية بالتعيين

طيب فين اللى بيفهموا ووطنيين ؟

كلهم طفشوا او همشوا وبدون اى منصب يستطيعون اى يخدموا فيه مصر ويعملوا على تقدمها

ولا عزاء لكل مواطن مصرى شريف

تم تعديل 22 نوفمبر 2009 بواسطة ssmaly

[منتظرة بلا امل]

اسمحولى ان اقول رأى

اساس كل المشاكل فى مصر من تدهور التعليم والمواقف الساسية الضعيفة

وحتى مستوى الكورة المتغير فى هبوط وصعود مع مؤشر البورصة(بورصة المصالح )

وحتى طرد وتطفيش العلماء وقتل الاحلام فى داخل كل مصرى

حتى مشكلة العيش وقلة القمح المزروع فى مصر واستيراد القمح الفاسد

وحتى مشاكل القطارات التى بتحضن بعضها كل ماتوحش بعض ودفعنا مليارت حتى نحسن وضعها ولكن لسه فيها العادة السخيفة

ومشاكل احتراق مسارح واماكن تاريخية مثل مجلس الشورى بسبب الأهمال والفساد و --و---و---و--

و حتى تحول مقدمى البرامج الرياضية الى سياسيين و قادة للرأى العام المصرى

السبب الوحيد لكل هذا الاهمال والفساد الذى لو اجتمعوا كل اعداء مصر علشان يحاولوا ان يعملوا نصفه يحتاجون الى 100سنه ومليارات من الدولارات كل سنه

ولكن طبعا المصرى عبقرى عمل ده بطريقة سهلة

بيقولوا من زمن عبد الناصر انهم كانوا بيختاروا اهل الثقة وليس اهل الخبرة

ولكن الأن هم يتعمدوا ان يختاروا اجهل واحد فى تخصصه واكثرهم فسادا وعدم وطنية ليكون رأس الهرم فى مجاله

سياسة مثلا (ابو الغيط العظيم )اللى مش سامعيين له صوت

فى الدفاع (طنطاوى بدون اى تاريخ وبدون شخصية)

ووزير الاسكان (المغربى اللى حسنى مبارك هزأه على الهواء منذسته سنوات ومع ذلك استمر حتى خرج على مكان اخر بعد فضيحته)

تكون النتيجة انه يختار وكيل وزارة اجهل منه (علشان ماينكشفش) وكمان فاسد مثله

ووكيل الوزارة يختار اللى بعد اكثر جهلا واكثر فسادا ومثل كرة الثلج

واللى بعد واللى بعد -------حتى تصل الى رئيس قسم صغير فى وزارة

طبعا انتوا عارفين ان كل المناصب بالتعين او بالتقارير

حتى الجامعة بالتعيين

حتى شيخ الازهر والمفتى

رئيس تحرير اى جريدة حكومية بالتعيين

طيب فين اللى بيفهموا ووطنيين ؟

كلهم طفشوا او همشوا وبدون اى منصب يستطيعون اى يخدموا فيه مصر ويعملوا على تقدمها

ولا عزاء لكل مواطن مصرى شريف

يعني المقصود انه فساد × فساد

مع ان ممكن يكون فيه سبب تاني مش هو الأساسي بس يعتبر سبب في حاجات كتير

إحنا شعب سلبي بطبيعتنا اكتر ناس متشاءمة عندنا .. باصيين للغلط قبل الصح بنشوف المساويء ومبنشوفش حاجات حلوة أبداً

من وسط ابو الغيط لحد رئيس القسم الصغير .. ظلمنا ناس كتيرة عندها ضمير وتستاهل اللي هي فيه ماهو لو البلد كلها من اولها لآخرها فاسدة كانت مصر اختفت من زماااااان

انا بالنسبة ليا شايفاها مشاكل كتير جدا متتعدش واسباب اكتر

لكن أظن سبب الاسباب نفسها هو عدم الاحترام

يعني اللي خد منصب بالكوسة لو احترم نفسه مش هياخده ولو احترم الناس اللي تحته مش هيخده ولو احترم اللي عينه برضه مش هيخده

ولو الناس احترمت بعضها الدنيا هتروق فعلا

ولا إيه؟

[ssmaly]

اكيد فيه مصريين فى مناصب وطنيين وشرفاء ولكن

المحافظ المحبوب المحجوب كان شريفا وعمل الكثير للاسكندرية

غير الاسكندرية فى سنوات قليلة بدون اى سرقة وبنفس الامكانيات الى كانت متوفرة للمحافظيين االلى قبله

وحبه شعب الاسكندرية وكان مضرب المثل للقيادة الشريفة الوطنية ماذا فعلوا به؟

سوف احكى حكاية صغيرة

كانت هناك زيارة من حسنى مبارك للاسكندرية للاطلاع على انجازات المحجوب كان هناك وزير الاسكان المغربى فقال الوزير كلمته التى قاطعه فيها حسنى مبارك عدة مرات وهزأه بالفعل على الهواء انا قلت مين العبيط دى اكيد ده تانى يوم مش موجود فى مكانه

وقال المحافظ المحجوب كلمته وشعرت برد فعل مبارك مختلف عن رد فعله للوزير كان يبدى اهتمامه واحترامه للمحجوب

وماذا كانت النتيجة خرج المحجوب الشريف

وبقى الوزير اللى المتهم بالكثير من القضايا المالية

ده اللى انا اقصدة البقاء للاسواء

تم تعديل 22 نوفمبر 2009 بواسطة ssmaly

[عبير يونس]

اكيد فيه مصريين فى مناصب وطنيين وشرفاء ولكن

المحافظ المحبوب المحجوب كان شريفا وعمل الكثير للاسكندرية

غير الاسكندرية فى سنوات قليلة بدون اى سرقة وبنفس الامكانيات الى كانت متوفرة للمحافظيين االلى قبله

وحبه شعب الاسكندرية وكان مضرب المثل للقيادة الشريفة الوطنية ماذا فعلوا به؟

سوف احكى حكاية صغيرة

كانت هناك زيارة من حسنى مبارك للاسكندرية للاطلاع على انجازات المحجوب كان هناك وزير الاسكان المغربى فقال الوزير كلمته التى قاطعه فيها حسنى مبارك عدة مرات وهزأه بالفعل على الهواء انا قلت مين العبيط دى اكيد ده تانى يوم مش موجود فى مكانه

وقال المحافظ المحجوب كلمته وشعرت برد فعل مبارك مختلف عن رد فعله للوزير كان يبدى اهتمامه واحترامه للمحجوب

وماذا كانت النتيجة خرج المحجوب الشريف

وبقى الوزير اللى المتهم بالكثير من القضايا المالية

ده اللى انا اقصدة البقاء للاسواء

عارف يا فندم احنا مشكلتنا ايه؟

اننا عايزين نعيش في يوتوبيا

و ننسى

أو نتناسى

أن الشر والفساد حيفضل موجود

و عمره ما حينتهي

و الخير دايما بينتصر

المشكلة ان الخوف ركبنا

و اتشحنا بوشاح السلبية

كل واحد في حاله

و لسان حاله بيقول وانا مالي

انا عندي عيال عايز اربيهم

ده الناس بقت بتخاف من الشهامة والجدعنة!!!

لأحسن نتيجة الجدعنة دي تيجي على دماغه

في مشكلة كبيرة جدا كمان

ان معظم الناس تجهل القانون

و بالتالي بتضيع حقوقها

أو بتوقع نفسها في مشاكل

و ممكن ضعاف النفوس من المسئولين يستغلوا هذا الجهل للإضرار بالمواطنين

و قصاد ضعاف النفوس دول

في كتير اوي

من المسئولين الشرفاء

بس احنا للأسف

بقينا بنشوف نصف الكوب الفارغ

أنا أذكر مرة و أنا في أولى جامعة

ضاعت بطاقتي الشخصية

ذهبت للقسم فورا أحرر محضر

سألني الضابط على أساس اني بنوتة صغيرة

ليه اهتمتي بسرعة كده

قلت له دي هويتي

ممكن أي حد يلاقيها و يعمل بيها أي مصيبة تؤذيني

و كان الضباط كلهم

مبسوطين ان بنت عندها 17 سنة

عارفة القانون

دول كانوا بينادوا بعض عشان يوروهم البنوتة دي والكلام اللي بتقوله

احنا بندي ودانا لقاسم السماوي

اللي بيشوف كل حاجة وحشة

و مبيعترفش أصلا ان في حاجة حلوة

احنا بندور على الحقوق وبس

فين واجباتنا

هي الضرائب كل حاجة؟؟!!

هل بنهتم بالمرافق بتاعتنا؟؟

هل بنشغل نفسنا بالمحافظة عليها؟؟

معقول الدولة تكون مسئولة عن كل حاجة؟؟!!!

فين دورنا كمواطنين؟؟؟

من أيام تزوير الانتخابات في الثمانينات

و الناس فقدت الثقة بالبطاقة الانتخابية

أنا أول واحدة

معنديش بطاقة انتخابية

لأن اللي نشروا و ضخموا

استفادوا من احجام المواطنين عن التصويت

لو كل واحد فينا عمل بواجباته و تمسك بحقوقه

أكيد حنعمل حاجة

بتتكلموا عن الواسطة؟؟

طيب ايه رأيكم انها متفشية في كل حتة في العالم

وفي الدول المتقدمة على وجه الخصوص

الفرق انهم ما بيسكتوش

ما بيقفوش مكتوفي الأيدي

بيحاربوا عشان يوصلوا لحقوقهم

ما يضيعش حق وراه مطالب

انا على فكرة بأفكر مع حضراتكم بصوت عالي

و بأوجه الكلام لنفسي قبل ما أوجهه لحضرتكم

أنا أول واحدة تعبت بسرعة

و طفشت برة البلد

عمري ما كنت بأفكر في الكلام اللي بأقوله دلوقتي

عشت كتير في الغيبوبة

احنا بندي ودانا

وناخد على أساس كده قرارات

يعني مثلا كمغتربين

الناس تروح مصر أجازة

ترجع تحكي عن السلبيات بس

و الناس كلها

بتقول مصر بقت وحشة اوي

الله

أمال الناس اللي عايشين

و ناجحين في مصر دول ايه؟؟؟

طب نجحوا ازاي؟؟؟

معقول كلهم ناجحين بالواسطة؟؟؟

معقولة كلهم نصابين و حرامية و مرتشين؟؟

و الا تضخيم موضوع التحرش

حسسني اني اللي بتمشي في الشارع بيغتصبوها

و الا أي حد ماشي بيتسرق

طول عمر الشر موجود

و الجريمة موجودة

و الفساد موجود

الموضوع و ما فيه انه اتبروز وتم تضخيمه

عشان الصحف و التلفزيونات تاكل عيش

لما بيتكلموا عن الفساد و الحوادث والجرائم

تلاقيهم يفردوا صفحات و ساعات من البث

هل زمان الناس كلها كانت طيبة و ما كانش في مجرمين؟؟

الفساد انتشر و زاد

لأن الإعلام بقى بيعرضه كدروس تعليمية

للي عنده استعداد للانحراف و مش لاقي حد يوجهه

بتوريه الجريمة وايه اللي خلاها تنكشف

حثا منها على ان يتفوق المجرم في كل مرة عن المرة السابقة

ليصل الى مستوى الجريمة الكاملة

بتلافيه للأخطاء التي وقع فيها من سبقوه

لو علمتم الغيب لرضيتم بالواقع

خدنا ايه من حرية الصحافة

اللي ما بتراعيش مشاعر الناس

و بتهديهم لحد بيوتهم

كل ما يؤرق و يؤزم و يصيب بالإحباط

الهدف هو التغيير مش كده؟

يا جماعة السلبية مرض خطير و فتاك

و للأسف معدي

آن الأوان لتجاهل السلبيات

و إبراز الإيجابيات

و تضخيمها والترغيب فيها

و الحث عليها

و كفانا بحثا عن المصائب والكوارث

وكأننا بننكش ع النكد بمنكاش

يا ريت يا جماعة نقوم بحملة للتفتيش عن الإيجابيات في حياتنا

و نبطل ندي للسلبية أكتر من حجمها

تحياتي