دعوة للتفاؤل و للتفكير الإيجابي

[عبير يونس]

3 حاجات اذا موجودين مينفعش يجتمع معاهم الاحباط في مكان واحد ...

1- التخطيط

2- العزيمة

3- الصبر

يعني ايه؟

يعني أسأل نفسي انا محبط ليه؟

مشروعي مش ناجح؟

شغلي مش بيتحسن؟

حياتي مش بتتقدم (حياتي الاسرية أو العائلية أو الاجتماعية العامة)؟

(ده على مستوى معين يعني من مستويات الاحباط اللي الواحد ممكن يكون له دخل او وزن كبير فيها)

أبدأ اشوف ال 3 حاجات اللي فوق دول

هل أنا حطيت خطة للي أنا عايز اقوم بيه؟

هل اجتهدت في تنفيذ الخطة دي؟

هل أنا صبرت وكملت بنفس الجهد لتحقيق الخطة دي للآخر؟

الكلام ده قبل ما تحصل المشكلة سبب الاحباط

طيب اذا حصلت المشكلة واسودت الدنيا ...

هل أنا عملت خطة لحل المشكلة اللي بتسبب لي الاحباط؟

هل وجدت حلول وبدائل ؟

هل كملت بنفس العزم وبنفس الصبر؟

اذا كانت الاجابات كلها (بنعم ) هكون قاعد بشتغل دلوقتي لتلافي المشكلة... او لحلها اذا كانت حصلت... ومش هيكون في وقت للاحباط ...

كلام سليم 100% يافندم

الحمد لله

في عندنا واحد مش محبط

مفيش "واحد تاني" :rolleyes:

[لماضة مصرية جدا]

السلام عليكم و رحمة الله و بركاته

حبايبي الحلوين

هو احنا ليه بنتكلم ع الاحباط اذا كان الموضوع عن التفاؤل....عشان نقول ان التفاؤل هو اللي بيطلع الواحد م حالة الاحباط.....احتمال

ببساطة التفاؤل....ان يكون لك القدرة علي رؤية ما لا يراه الاأخرون.....أن تبتسم في وجه كل ملامح عابسة أتت لتلقي عليك هموم صغيرة

افتكرت فيلم حلو اوي اسمه Pay it fwd

و فكرة الفيلم بسيطة جدا

يوم دراسي جديد و المدرس بيطلب من الولاد اللي زي القمر ان كل واحد منهم يفكر فكرة تغير العالم (اوعي التعليم اللي بيضرب في المليان) و لانهم اطفال جدا كل واحد بدماغة فكر فوكيرة صغيرة

بس الفوكيرة اللي مبني عليها احداث الفيلم.....ان طفل فكر انه يعمل جميل ل 3 اشخاص..... و في مقابل رد الجميل مطلوب من كل واحد م ال3 انه يرد الجميل ل 3 تانيين...بس الشرط الحقيقي انه ميكونش يعرفهم.... و ميقولهمش ع السر

و فضلت الدايرة تكبر..... و ناس جواها حاجات بتتغير..... ووشوش بتحب الخير لغيرها من غير ما تعرفها

هو ده ممكن يكون تفاؤل.....مممكن يكون ايمان ان لا زال خيرا باقيا

يمكن و يمكن

"كم أن في أعماق كل إنسان سيء شعلة صغيرة للخير ستضيء داخله يوماً في اللحظة التي يتوقعها الأقل..... أحلام مستغانمي"

فوتكم بعافية

[منتظرة بلا امل]

سلامو عليكم يا اهل الموضوع المتفاءلين :sad:

طب بلاش حضراتكم تكونوا متفائلين

طب على الأقل تبقوا مش محبطين

:lol:

يعني مين ممكن يخرج من حالة الإحباط؟؟؟

مفيش حد مبيصابش بالإحباط

ده طبيعي جدا

و صحي جدا

طب مين بيقدر يخرج بسرعة من حالات الإحباط اللي بتنتابه؟؟

أنا لسه متفاءلة

ان حضراتكم تستجيبوا

:P

3 حاجات اذا موجودين مينفعش يجتمع معاهم الاحباط في مكان واحد ...

1- التخطيط

2- العزيمة

3- الصبر

يعني ايه؟

يعني أسأل نفسي انا محبط ليه؟

مشروعي مش ناجح؟

شغلي مش بيتحسن؟

حياتي مش بتتقدم (حياتي الاسرية أو العائلية أو الاجتماعية العامة)؟

(ده على مستوى معين يعني من مستويات الاحباط اللي الواحد ممكن يكون له دخل او وزن كبير فيها)

أبدأ اشوف ال 3 حاجات اللي فوق دول

هل أنا حطيت خطة للي أنا عايز اقوم بيه؟

هل اجتهدت في تنفيذ الخطة دي؟

هل أنا صبرت وكملت بنفس الجهد لتحقيق الخطة دي للآخر؟

الكلام ده قبل ما تحصل المشكلة سبب الاحباط

طيب اذا حصلت المشكلة واسودت الدنيا ...

هل أنا عملت خطة لحل المشكلة اللي بتسبب لي الاحباط؟

هل وجدت حلول وبدائل ؟

هل كملت بنفس العزم وبنفس الصبر؟

اذا كانت الاجابات كلها (بنعم ) هكون قاعد بشتغل دلوقتي لتلافي المشكلة... او لحلها اذا كانت حصلت... ومش هيكون في وقت للاحباط ...

كلام سليم

بعد مانخطط ونحضر نشوف إيه كل العقبات اللي ممكن تقف في طريقنا ونشوف ازاي نقدر نتفاديها ونشوف حلول ليها لو حصلت غصب برضه عشان منتصدمش ونضيع كل ده وخصوصاً اننا ناس بنموت في الصدمات

والاهم من كدة نفهم اننا لو مشينا في طريق بدون عقبات نعرف انه الطريق الغلط

صح ولا انا هيست

اخاف الموضوع ينام وتختفي المشاركات فيه بس خليني متفاءلة برضه :D

[منتظرة بلا امل]

السلام عليكم و رحمة الله و بركاته

حبايبي الحلوين

هو احنا ليه بنتكلم ع الاحباط اذا كان الموضوع عن التفاؤل....عشان نقول ان التفاؤل هو اللي بيطلع الواحد م حالة الاحباط.....احتمال

ببساطة التفاؤل....ان يكون لك القدرة علي رؤية ما لا يراه الاأخرون.....أن تبتسم في وجه كل ملامح عابسة أتت لتلقي عليك هموم صغيرة

افتكرت فيلم حلو اوي اسمه Pay it fwd

و فكرة الفيلم بسيطة جدا

يوم دراسي جديد و المدرس بيطلب من الولاد اللي زي القمر ان كل واحد منهم يفكر فكرة تغير العالم (اوعي التعليم اللي بيضرب في المليان) و لانهم اطفال جدا كل واحد بدماغة فكر فوكيرة صغيرة

بس الفوكيرة اللي مبني عليها احداث الفيلم.....ان طفل فكر انه يعمل جميل ل 3 اشخاص..... و في مقابل رد الجميل مطلوب من كل واحد م ال3 انه يرد الجميل ل 3 تانيين...بس الشرط الحقيقي انه ميكونش يعرفهم.... و ميقولهمش ع السر

و فضلت الدايرة تكبر..... و ناس جواها حاجات بتتغير..... ووشوش بتحب الخير لغيرها من غير ما تعرفها

هو ده ممكن يكون تفاؤل.....مممكن يكون ايمان ان لا زال خيرا باقيا

يمكن و يمكن

"كم أن في أعماق كل إنسان سيء شعلة صغيرة للخير ستضيء داخله يوماً في اللحظة التي يتوقعها الأقل..... أحلام مستغانمي"

فوتكم بعافية

آه ياني :P

كلام حضرتك عن التعليم خلاني بقيت على وشك الاحباط بس فكرت نفسي .. انا متفاءلة .. بصوت اعلى .. اناااا متفااااائللللة

متفاءلة بان كل اللي عندنا هيتحسن من التعليم للصحة لكله ان شاء الله

افتكرت قصة قالها د.ابراهيم الفقي عن سائق اوتوبيس في يوم شاف كل الركاب مخنوقين ومش طايقين يشوفوا وشهم في زجاج الشبابيك وطبعا كل واحد له ظروفه.. وقف الاوتوبيس ونزل اشترى حاجات بسيطة زي حلويات وحاجات صغيرة كدة وطلع وزعها عالركاب تقريباً كلهم طلعوا من الحالة اللي هما فيها وسألوه ليه عمل كدة قالهم .. لما لقيتكوا تعبانين ومكتئبين فكرت ولقيت ان في ايدي حاجة اعملها واتخيلت كل واحد فيكم لو راح شغله بالطريقة دي

طبعا كله راح على شغله وكله وزع تفاؤل عاللي حواليه واشتغل كويس وطلع شغل مظبوط

بصوا عندنا .. كله واحد بيخرج من بيته على شكله لابس وش جبس ونفسه بس حد يقربله عشان يطلع فيه عقد المدير الرخم والحنفية اللي مش بتنزل مية عالصبح والفطار اللي ملحه زايد والسرير اللي وقع وهو بيقوم من النوم .. واظن ده سبب عدم جودة اغلب الشغل عندنا

استحملوني برضه ما انا متفاءلة

بس الواحد عايز ينام وحاسة اني كتبت كل الكلام من غير تركيز فمتدققوش على الاخطاء اللي ممكن تكون فيه

[عبير يونس]

للرفع

[عبيد الله]

أختنا الغالية..

سلامُ الله عليك ورحمته..

أنا عايز أنضم لحزب التفاؤل معكم.. ممكن ولا ايه.. ؟

[عبير يونس]

أختنا الغالية..

سلامُ الله عليك ورحمته..

أنا عايز أنضم لحزب التفاؤل معكم.. ممكن ولا ايه.. ؟

أكيد طبعا يافندم

أهلا وسهلا

[عبير يونس]

تعالوا نبتدي جد شوية في رحلة التحول للإيجابية

لازم نتخلص من خمسة سلبيات قاتلة

(1)

الوقوع في شرك اخفاقات الماضي

يعني يبقى الواحد قاعد كده لا بيه و لا عليه

و فجأة يحصل أي حاجة أو حتى كلمة تتقال تفكره بموقف سخيف من الماضي

فيبتدي يستعيد كل تفاصيل الموقف و أحاسيسه

و فجأة تلاقيه قلب لواحد تاني

ده كمان في ناس بقى أساتذة

مبيستنوش مؤثر خارجي يفكرهم

ده همة اللي بينكشوا في بئر الذكريات على النكد و الفشل

علشان ينعموا بتدمير أي سعادة لديهم

و لدى من حولهم

(2)

اللوم

تلاقي الشخص بيلوم الهواء اللي بيعدي من جنبه

بيلوم الظروف

وبيلوم الناس

و يلوم اللي حواليه

و يحمل كل حاجة مسئولية فشله

إلا نفسه

و تلاقيه دايما معتبر نفسه ضحية

(3)

النقد

تلاقيه ما بيعتقش حد و لا حاجة الا لما يطلع فيها القطط الفاطسة

كل حاجة وحشة

كل حاجة مش مضبوطة

(مفيش فايدة(

دي كلمة دايما على لسانه

(4)

المقارنة

تلاقيه دايما يقارن نفسه بالآخرين

في كل حاجة

و دايما متحسر على نفسه

و يندب حظه

(5)

الأنانية

دايما مش شايف غير نفسه و بس

و شايف نفسه الأفضل

و ان محدش يقدر يوصل لعقله و لفهمه و ذكاؤه

دايما عايز كل حاجة حلوة ليه هوة

و مش مهم اللي حواليه

ممكن يصل على جثث الآخرين

باختصار بعض أو كل الصفات الناشئة عن الحب المرضي للنفس

يا ترى يا من تقرأ

كم سلبية من تلك السلبيات تتملكك؟

لا أريد أن أعرف الإجابة

و لكن ضروري جدا جدا جدا

أن تعرفها أنت

أجب بمنتهى الصراحة