تعالوا نعمل حاجه ظريفة للاطفال بمناسبة العيد ..

[doha]

من يومين رجعت بنتي من المدرسة ومعاها هدايا وزعت عليهم بمناسبة اقتراب العيد ..

من بين الهدايا كان في عملين فنيين اهدتهم المدرسة لكل طفل كتعبير عن العيد والتهنئة بيه ..

كانوا بسيطين اوي .. وحلوين اوي.. والاهم ان بنتي كانت فرحانه بيهم اوي اوي ..

فكرت اني انقل لكم الفكرتين دول خاصه لما اعدت عملهم وتنفيذهم مرة تانيه مع بنتي وشفت ازاي استمتعنا انا وهي على السواء بالتنفيذ ده ..

صورت لكم الخطوات ونبدأ باسم الله ..

الفكرة الاولى عباره عن مجسم ورقي للكعبة المشرفة .. هنحتاج الادوات التالية ...

ورق سميك لونه اسود , مقص , لصق , شريط لاصق ذهبي او جليتور ذهبي , قلم رصاص , مسطرة ..

الخطوات ..

هنرسم بترون المكعب على الورقة بالطريقة التالية .. من طرف الورقة العلوي نقيس 1سم لاسفل ونرسم خط موازي لحافة الصفحه العليا .. هنقسم الخط ده الى ثلاثه اقسام متساويه كل قسم 6 سم . اسهل طريقة لعمل الحكاية دي اننا نحط المسطرة على الخط الي رسمناه ونحط علامات بالرصاص عند رقم 1 و 6 و 12 و 18

هننزل خط عمودي من عند رقم 6 وكذلك 12 .. هنقسم مابين الخطين دول بالتساوي برضه كل 6 سم نعمل علامه بالعرض .. لغايه مايطلع لنا الشكل ده .. ست مربعات طول ضلع كل منها 6 سنتي ومتصلة ببعضها بالترتيب الموجود في الصورة ..

هنرسم حوالين المربعات دي زوائد بعرض 1 سم كما في الصورة

هنقص الباترون فيطلع لنا بالشكل التالي :

هنثني للداخل على كل الخطوط بالطريقة دي ..

هنحط صمغ على الاطراف الزياده الي عملناها حوالين المربعات ونلصقها ببعضها بحيث يطلع لنا شكل المكعب .. اثناء الصق وقبل مانغلق المكعب تماما هنجيب ابرة وخيط .. هنعقد طرف الخيط بعدين ندخل الابرة من داخل المكعب للخارج في منتصف احد المربعات .. هنطلع الابرة ونرجع ندخلها تاني قريب من مكان خروجها ..

نقص الخيط ثم نعقده وبكده يبقى عندنا مكان لامساك المجسم او تعليقه منه ..

هنكمل لصق بقية الاطراف ببعضها وهنا احنا ممكن نستخدم المجسم بطريقتين ..

اما نلصقة بالكامل ويبقى مغلق ويستخدم كمجسم ديكوري فقط ( زي فانوس رمضان كده ) او نترك احد المربعات في احد الاجناب بدون لصق يعني نقفله زي العلبه ولان لها زوائد او ( لسان ) فهي هتغلق بدون صمغ بس يبقى في امكانية لفتحها وقفلها وفي الحاله دي نعبيها بحلويات او بونبوني بنفس فكرة تذكارات السبوع ..

الخطوة الاخيرة هنجيب الشريط الذهبي اللاصق ونعمله حوالين المكعب ونعمل قطعه مستطيله مكان الباب وهيكون ده الشكل النهائي .. ممكن لو الشريط الذهبي مش متوافر نحط لصق ونرش عليه جليتور لماع ذهبي او ممكن كمان نحط ورق قصدير فضي او اي حاجه بتلمع لو مفيش الاثنين دول ..

لو الاطفال كبار شويه ويقدروا يساعدوا في العمل يبقى افضل ممكن نساعدهم بس في رسم الباترون او قصه ونترك لهم الباقي .. لو الاطفال صغيرين اوي مش هيقدروا ممكن نعمل لهم المجسمات دي بليل في وقت ميكونوش شايفنا فيه ونعبيها حلويات من انواع بيحبوها ونفاجأهم بيها يوم العيد .. طبعا يفضل اننا هنعمل مجسم لكل طفل .. ممكن كمان نعمل كذا بترون وننفذ واحد والطفل معانا بيشاهد الطريقة وينفذ الثاني ..

ودي النتيجه النهائية ..

يتبع ..

[doha]

الفكرة التانية عباره عن كارت تهنئة بمناسبة العيد .. وبما اننا بنتكلم عن عيد الاضحى فبالتاكيد الكارت هيكون على شكل ايقونة العيد وهي الخروف ..

هنحتاج المواد التالية ..

ورق مقوى .. مقص .. قلم رصاص .. قلم فلومستر اسود .. لصق .. قطن .. عيون لاصقة ( ممكن استبدالها بترتر او خرز او الاستغناء عنها ) ..

الخطوات ..

هنطوي الورقة نصفين متساويين .. هنرسم شكل خروف بحيث يكون اعلاه منطبق على خط الطي في الورقة .. هنرسم بالرصاص بعدين نعيد عليه بالفلومستر الاسود لتحديد الملامح ..

هنقص الشكل الي رسمناه بس هنترك الجزء العلوي بدون قص .. ممكن نقص منه بعض التفاصيل لكن نترك اغلبه متصل .. هنقص كمان قطعه صغيره للاذن

نلصق على الاقدام قطع من الورق الاسود ونقصها على شكل حوافر .. ممكن نلونها بالاسود لو مش هنحط ورق .. كمان هنلصق الاذن (( ممكن نعمل له شكل قرن بلون بني بدلا من الاذن ))

هنحط عليه كمية مناسبة من الصمغ ونغطيه بالقطن ..

نفتح الكارت من الداخل ونكتب فيه اي عباره تهنئة .. ممكن نحط رسومات او نلصق استيكرات او قلوب ..

ممكن بعد الانتهاء نطوي اطراف القطن للداخل لتنظيف الشكل اكتر ... نلصق العين ..

وده الشكل النهائي ...

وكل سنة والجميع بالف خير يارب وعيد اضحى مبارك على الجميع ..

تم تعديل 23 نوفمبر 2009 بواسطة Mohammad
حذف لينكات مضافة للصور بدون داعى

[لولا]

ميرسي قوى يا ضحى على مجهودك فى نقل التنفيذ الجميل دوت ... :lol:

كل سنة وانتى طيبه .

فعلا المشاركة بين الأبناء والأباء فى تنفيذ واختراع اعمال فنية من الأوقات المييزة جدا فى حياة الطفل والتى لا ابالغ ان قلت لا تُنسي

فكرة الكرت ظريفه جدا فعلا ومميزة .

رايت مرة ايضا ان زجاجات المياة الفارغه الصغيره جداااا يمكن تحويلها لمجسمات جميلة جداااااااا ومتنوعه فنحصل على اشكال متعدده

منها فأر ..خروف .. او حصاله وتستعمل معها خامات سهلة ايضا منها صوف ..قطن .. ورق ملون .. اشياء كثيره .

ميرسى تانى على الموضوع الجميل دوت ..

انا بقترح يبقى مفتوح ومستمر لعرض افكار بسيطه وجديده كل فتره يمكن للطفل تنفيذها لوحده او بمساعده بسيطة .

ها .. مين حابب يشارك :unsure:

تحياتى

لولا

[الدكتورة أم أحمد]

ها .. مين حابب يشارك

;)

أشارك إن شاء الله بمجموعة من الأعمال اليدوية التي نستغل فيها فوارغ تسبب لنا القلق ونرميها في القمامة

1- هذا استغلال لعلبة قطن تنظيف الأذن

وذلك للناس الآخر رواقان

هذي الادوات والمواد المطلوبة

قطعي الورود حبة حبة

عفوا سيكون ذلك في عدة مداخلات لأن الصور المسموح بها قليلة بالنسبة للصور الموجوده

تم تعديل 29 نوفمبر 2009 بواسطة الدكتورة أم أحمد

[الدكتورة أم أحمد]

نضع في الأطراف صمغ اليوهو لوضع شريط لاصق

نضع أيضا في حدود قاع العلبة الصمغ لوضع الشريط

تم تعديل 29 نوفمبر 2009 بواسطة الدكتورة أم أحمد

[الدكتورة أم أحمد]

نبدأ بوضع الخرز على كل وردة

هذا هو شكله النهائي بسيط وحلو شكله واستخدمته لوضع الأشياء الصغيرة عشان ما تضيع

[عبير يونس]

هذا هو شكله النهائي بسيط وحلو شكله واستخدمته لوضع الأشياء الصغيرة عشان ما تضيع

ايه ده بس يا دوك

دي بقت تحفة فنية

ما شاء الله

;)

تجنن

أفكار فعلا حلوة

شكرا جزيلا

[Folana]

السلام عليكم ورحمة الله...

الله.....

جميلة فعلا يا دكتورة أم احمد...تسلم ايدك بجد..

وألهمتينى فكرة جميلة أحافظ بها على دبابيس الطُرح واللى بناتى بيستخدموها زى الكلينيكس كده...مرة واحدة ...وتختفى بعدها.. :hearts:

ربنا يعزك ويبارك فيك....

:rolleyes:

[اغابي]

افكار جميلة تسلم الايادي

وربنا يهدي اولادنا :rolleyes:

[mrs gehad ahmed]

تسلم ايديكم افكار روووووووووووووووعه ..وسهله التنفيذ والخامات متوفره ..مستنيه المزيد من التجارب الحلوه اوي دي

[الدكتورة أم أحمد]

الأخت : مصرية متغربة

الأخت : فولانه

الأخت أغابي

الأخت: mrs gehad ahmed

ربنا يعزكم جميعا ويكرمكم ويسعد قلوبكم

والحمد لله إنها نالت إعجابكم

ولكن كما يقول المصريون الصراحة حلوه والكذب خيبة

ليست من ابتكاري ولا إبداعي ولكنها أعجبتني في أحد المنتديات فنقلتها في موضوع ضحى هذا

وفيه نماذج كثيرة لاستخدام خرج البيت الذي يلقى في القمامة في عمل تحف مثل ذلك

والحقيقة لا أدري إذا كان هذا مناسب لما أرادته العزيزه ضحى أم ماذا ؟؟؟

عموما منتظرة رأيها وسوف أنقل لكم أشياء إن شاء الله تنال إعجابكم

غير مكلفه وسهلة العمل ويعملها أبناءنا وبناتنا ونحن معهم أو وحدهم

وأكيد هيشعروا بسعاده وثقة بالنفس ويزينوا بها الغرف الخاصة بهم

وينشغلوا شوية عن الأجهزة الإلكترونية

ومنافع أخرى

وتقبلوا :rolleyes:

[hazemtara]

تسلمى يا doha ، الدكتورة أم أحمد

موضوع جميل جداً وحاجة تُريح أعصاب الواحد

بارك الله لكما وفيكما و،،عيدكم سعيد

طبعاً مُعظمنا كرجال لا نستطيع أن نجاريكن فيما نصنعن :lol:

يا دوب نستطيع أن نشجع وخلاص .

[doha]

الأخت : مصرية متغربة

الأخت : فولانه

الأخت أغابي

الأخت: mrs gehad ahmed

ربنا يعزكم جميعا ويكرمكم ويسعد قلوبكم

والحمد لله إنها نالت إعجابكم

ولكن كما يقول المصريون الصراحة حلوه والكذب خيبة

ليست من ابتكاري ولا إبداعي ولكنها أعجبتني في أحد المنتديات فنقلتها في موضوع ضحى هذا

وفيه نماذج كثيرة لاستخدام خرج البيت الذي يلقى في القمامة في عمل تحف مثل ذلك

والحقيقة لا أدري إذا كان هذا مناسب لما أرادته العزيزه ضحى أم ماذا ؟؟؟

عموما منتظرة رأيها وسوف أنقل لكم أشياء إن شاء الله تنال إعجابكم

غير مكلفه وسهلة العمل ويعملها أبناءنا وبناتنا ونحن معهم أو وحدهم

وأكيد هيشعروا بسعاده وثقة بالنفس ويزينوا بها الغرف الخاصة بهم

وينشغلوا شوية عن الأجهزة الإلكترونية

ومنافع أخرى

وتقبلوا :closedeyes: :happy: wst::

بالتاكيد يادكتورة الموضوع موضوعك حطي فيه الي نفسك فيه خاصة لو كان له علاقه باعمال فنية ممكن نتشارك فيها مع ابنائنا ويبقى ضربنا عصفورين بحجر واحد ..

واكيد الف شكر لكل الي اثروا الموضوع بردودهم واكيد شكرا جزيلا لكل من علق بكلمه حلوة ..

معليش ردي جاء متاخر بس لان في صفة سيئة وهي عدم متابعه مواضيعي الي بكتبها ويمكن ده احد الاسباب الي بتخليني اقلل من مواضيعي الخاصه لاني بجد بجد صعوبه في اني اكتب وارجع ارد على كل الردود الي فيها ..

الموضوع موضوعكم ياجماعه الي حابب يضيف فيه اي شيء له علاقه بفكرة الموضوع بالتاكيد يبقى كتر خيره ويضيف طبعا بدون اي استئذان ..