ساعة الحساب

[Simba]

ليه هروبنا من ساعة الحساب

مين قال ان الحب وردة

وشعر في صفحة كتاب

نمسك في ذكريات الزمن

مرعوبين من لحظة الغياب

لازم ندفع التمن

حتي لو كان الألم

مفيش في الألم فصال او عتاب

ليه هروبنا من ساعة الحساب

هو سما دايما صافية

من غير أيام ضباب

حتي لما بنكتب جواب

اخير سطوره

بتكون حيرة وعذاب

كل عاشق

فاكر قلبه داب

والحقيقة

أن ناس عايشة الحقيقة

وناس عايشة السراب

ساعة الحساب

ندفع علي قد ما خدنا

نسلم للألم لفين ياخدنا

نرجع تاني للعذاب

ماهو كانت فيه ايامنا

وليالينا وحتي عيدنا

ولما جه حظنا وعشنا

الحب والسراب

نسينا ساعة الحساب