هل يكون علاء مبارك الرئيس القادم لمصر ؟؟

[msayed]

يا جماعة لو سمحتوا كفاية .....

كفاية موضوع نظرية المؤامرة دي واللي يقولك موضوع ظهور علاء المفاجئ في الصورة ده لأنهم عايزين يخلوه رئيس أو إنهم يحسنوا صورة العيلة و....و......و.............

الموضوع كله واحد مصري كان في الماتش وإنفعل من اللي شافه بعينه .......

ولا هو الرجل عشان إبن الريس يبقي مش مصري ومش من حقه ينفعل ....

انا عارف إن أصحاب نظرية المؤامرة مش هايعجبهم كلامي ......

بس ده رأيي مع إحترامي لآرائكم ......

تحياتي

فعلاً يا أخى هو من حقه أن ينفعل ولكن إنفعال عن إنفعال يفرق، فممكن تنفعل فى حقك فتثبته وتحرج من أخطأ فى حقك وممكن تنفعل فى حقك فتخطىء فتضيعه وتضيع حقوق الناس وهذا ما فعله علاء مبارك.

وأنادى حضرتك أن تغير توقيعك فالجزائريون ليسوا نعاج ولكن فيهم النعاج وفيهم الكرام والمحترمين فلاتؤذى المسلمين بدون قصد.

تم تعديل 25 نوفمبر 2009 بواسطة msayed

[saramath]

وماله لما يكون رئيس الجمهوريه القادم

دا نور الشريف بنته دخلت التمثيل بالوراثه

واحمد ذكي ابنه دخل التمثيل بالوراثة

وصلاح السعدني ابنه دخل التمثيل بالوراثة

الخ الخ الخ الخ الخ

هتيجي يعني على الريس ونقول عياله لا ملهمش الحق فى وراثة الحكم دا حتي هيبقى ظلم

wst:: :happy:

[tarek hassan]

لما بينتقدوا علاء مبارك لأنه أهان شعب كامل ونزل بمستوى كلامه إلى الحضيض، جرى ندافع عنه بأنه تحدث بصفته مواطن عادى وليس بمشاعر إبن الرئيس.

يعنى إللى عمله ده لا يليق برئيس ولا وزير..

الأخ العزيز : 'msayed'

كيف يقال أنه تحدث كمواطن عادي لا يحسب عليه كلامه

هي بقت موضه كل واحد يقولك أنا بتكلم مش كوزير أو مش كابن رئيس أو ...أو ....

كان واجبا عليه الحذر فهو هو ليس مواطنا عاديا في الحقيقة ولو قال بخلاف ذلك

هو ابن رئيس الجمهورية

وكلامه كان له وقعه داخليا أو خارجيا

وكان محسويا عليه برغم ما قال

وأنا اتفق معك تماما أن كلامه كان غير لائق واستفز الكثيرين

تحياتي

تم تعديل 27 نوفمبر 2009 بواسطة tarek hassan