أين ومتى ولماذا تبكي؟

[عبير يونس]

هل تبكي؟

هل تعتبر البكاء ضعف؟

هل البكاء بالنسبة لك هو رمز للحزن فقط؟

هل يمكنك أن تبكي أمام الآخرين؟

متى تبكي؟

في أي حالة من حالاتك تنهمر دموعك؟

عند الشعور بالخوف؟

بالقهر؟

بالغيظ؟

بالفرح؟

بالاحباط؟

متى؟

لماذا تبكي؟

هل يبكيك رؤية

شخص متألم؟

عجوز تبكي؟

طفل صغير يبكي؟

رجل يبكي قهرا؟

ضعيف يُضرب؟

جائع يشتهي لقمة؟

أم تفقد ولدها؟

قل لنا أين و متى و لماذا تبكي؟

[Rock]

يا من خلقت الدمع رفقا منك بالعبد الحزين......... بارك له فيها فانها نعم المعين ( حافظ ابراهيم)

البكاء هو وسيلة ضرورية للتنفيس عن مكنون النفس و الدموع هي ماء و ملح و لكنة يمثل عصارة ما يعتمل في النفس

لابد من انة يوجد قدسية ما في الملح فانة في دموعنا و في ماء البحار ( جبران خليل جبران )

انا ممكن ابكي لما احس بالهزيمة مش من شخص بس من الدنيا عامة لما بتصعب عليا نفسي و لما بحس بالاحباط و الاقي نفسي انا مش انا و مش اللي كنت عايز ابقاة و الدموع بتبقي حتي و لو اغرورقت العينين بتخليني احس باني باتغسل بشلال مية دافي

البكاء مش ضعف ابدا ,هو الانسان لما يصرف عن اللي جواة يبقي ضعيف ,طبعا لا و لكن الموضوع هو انة الانسان بيبقي اتجرد من اقنعتة و من برستيجة و من دروعة اللي بيبقي محوط نفسة بيها و بيعبر بصرحة و بعفوية شديدة

لكن انا مابحبش اني ابكي قدام حد,مش عشان ضعف بس عشان دي حاجة شخصية زي الانسان لما بيكتب خواطر

داخل كل عين امانة من الدمع لابد ان تسترد يوما ما ( جبران خليل جبران )

شكراا

[om marawan]

البكاء ده عندى مشكلة لانه فى حياتى عامل زى الزلازل قليلة جدا وعنيفة

باسكت كتير جداااا ويبقا مخووووووقة و الحزن قاتلنى سواء على شىء يخصنى او موقف يخص غيرى ومش قادرة ابكى ماعرفش ليه لدرجة فعلا بامرض

وفى اللحظات النادرة اللى بابكى فيها بانفجر زى الزلزال او البركان بهيستريا ممكن تكون بالساعات !!!!!!

طبعا باكون لوحدى تمامااااا wst::

لكن دموع الفرح او القهر او الغيظ كلها موجودة عندى وبرضه لا تتعدى جفونى يعنى ممكن يادوب تلمع وتختفى وخلاص

خصوصا دموع القهر ماحدش يشوفها ابداااا

مش لانى شايفة ان البكا ضعف

لكن لانى شايفة ان الناس التاينة هى اللى فاكرة انه ضعف

[عبير يونس]

الأخ الفاضل روك

الأخت الغالية أم مروان

مشاركاتكم رائعة

و تدل على نفوس صافية

بس حاولي تعيطي شوية يا أم مروان

الزلازل دي مش حلوة

على صحتك

عن نفسي بكائي كتير

بس على أنواع

يعني في دموع جاهزة دايما لأي انفعال

بس لحد تاني مش ليا أنا

يعني بكائي على نفسي عزيز

و بيحصل لما أوصل لدرجة كبيرة من الاحساس بالقهر والظلم والخذلان

بس لا أبكي في المشاكل والأزمات

لأن لازم اتصرف

يوم وفاة والدي لم أبكي

و الكل كان خايف عليا

بكيت جنبه وهو ممدد على سريره

و أنا أقبل جبينه وأودعه

دمعتين خفاف بنهنهة خفيفة

كنت خايفة يسمع و يحزن عليا

و بعدها

ما بكيتش

يمكن كنت حاسة ان الدموع

أقل بكتير من حزني

كنت حاسة اني مجروحة من جوة

بجد والله مش تعبير انشائي

يوم وفاة والدتي

كنت هنا لوحدي

بكيت قهرا اني مش هناك

بس للحظات

و استسلمت سريعا

لأني كنت على وشك الولادة

و رحت شغلي يومها عادي

و الناس استغربت

قلتلهم و قعدتي في البيت حتعمل ايه

لا أنا حأدفنها

و لا حآخد عزاها

بس أول ليلة

معرفش عدت عليا ازاي

و برضه من غير دموع

أكتر دموعي بتبقى على ناس تانية

و برضه لما أشوف حد بينقهر أو ينظلم أو ينذل

ممكن أبقى وحش

لو في ايدي أرد عنه الأذى

مبحبش أشوف حد مستضعف

الدموع نعمة من عند ربنا

لأنها بتغسل النفس

ما باتكسفش أعيط قدام حد

و اللي يفتكر انه ضعف خليه يفتكر

على فكرة أنا مش بأعمل حساب اوي لكلام الناس

مادمت مقتنعة بما أفعله

لكن بكائي على احساسي بالقهر

عموما بيبقى وانا لوحدي

تصدقوا لو قلت لكم في الحالة دي

اني بأحس ان ربنا سبحانه وتعالى بيطبطب عليا وانا بأعيط

و بأحس العياط بينقطع

و بأهدى بسرعة

خصوصا بعد وفاة أبي وأمي

اللي كانوا بيطبطبوا عليا

طبعا زوجي بأصعب عليه أحيانا

بس مبيحبش الدموع و لا الطبطبة

و تلاقيه عايزني أروق بسرعة

بس هو بيراعي مشاعري

و ما بيتريقش عليها

و ده اللي يهمني

مبحبش حد يسخر من مشاعري

[Damo]

يا خبر يا مصرية متغربة جيتي على الجرح

انا بقالي دلوقتي بظبط بظبط ييجي كده ٣سنين و نص او ٤ معيطش و الموضوع ده عملي ازمة. متفهميش ليه انا مش بمنع نفسي ولا حاجة ولا

ضد البكاء لكن فجأة كده دموعي دي وقفت

عدت عليا كذا موقف كان بيبقى نفسي موووت اعيط لكن لا حياة لمن انادي

و عندي قدرة غريبة اني لمى ابقى وسط ناس بنسى اي حاجه مضيقاني و اضحك و اهزر عادي. و لما ابقى لوحدي افتكر ا اكتءب جامد و احاول كتييير اخلي نفسي اعيط بدون فايده. في الاخر بنام. دلوقتي بقى النوم عندي هو العياط لأن دي الحاجه الوحيده اللي بتريحني اثناء حزني. انا لو حزنت بشده بقدر انام و انعس ٢٤ ساعة بدون صحيان

[Spanish Eyes]

اختي مصرية متغربة

لما اتوفت ماما الله يرحمها وجالي الخبر دة وانا هنا في الكويت في البداية تماسكت تماما واللي نزل عليا لا اله إلا اللة والتماسك دة عشان اختي واولادي بس اول العزاء مخلص يومها ودخلت غرفتي لوحدي صليت وانهرت تماما في البكاء عادة مش بعيط غير في الصلاة بحس ذي ما انت قلتي بالظبط ان ربنا بيطبط عليا ومفيش احن من ربنا عليا .........

تحياتي

[rewsha]

انا بقه واحده من الناس ....كثيرة البكاء

ويمكن بقه ده اللي عامل لي مشكله ........ممكن لو حسيت بزهق من اي شيْ اعيط .لو اتخنقت من حد او من موقف .اعيط .لو شوفت اي موقف مؤثر قدامي اعيط

لو حد كلمني كلمه جامده شويه باخد على خاطري واعيط .طبعا لو فقدت حد عزيز عليه ياعيط

ولو فقدت معنى جميل برضو باعبط

لكن غالبا باكون لوحدي برضو ..........وفي نفس الوقت مش باتكسف اعيط لو قدام حد .لان ببساطه دموعي بتنزل لوحدها ومش باقدر احوشها او امنعها

اما لوفرحت قوي كان موقف مؤثر فممكن عيني تدمع بس

لكن بلاقي راحه رهيبه بعد العياط ده .......وكل مره اقرر اني احاول امسك نفسي شويه .مش باقدر

من الاخر ......احيانا باحس اني طفله صغيره بتعيط على كل حاجه

لكن لو في مشكله قدامي ...ممكن اعيط الاول واطلع اللي جوايا وبعدين افكر في حلها بعد كده لاني مش باعرف افكر وانا متضايقه

[عبير يونس]

يا خبر يا مصرية متغربة جيتي على الجرح

انا بقالي دلوقتي بظبط بظبط ييجي كده ٣سنين و نص او ٤ معيطش و الموضوع ده عملي ازمة. متفهميش ليه انا مش بمنع نفسي ولا حاجة ولا

ضد البكاء لكن فجأة كده دموعي دي وقفت

عدت عليا كذا موقف كان بيبقى نفسي موووت اعيط لكن لا حياة لمن انادي

و عندي قدرة غريبة اني لمى ابقى وسط ناس بنسى اي حاجه مضيقاني و اضحك و اهزر عادي. و لما ابقى لوحدي افتكر ا اكتءب جامد و احاول كتييير اخلي نفسي اعيط بدون فايده. في الاخر بنام. دلوقتي بقى النوم عندي هو العياط لأن دي الحاجه الوحيده اللي بتريحني اثناء حزني. انا لو حزنت بشده بقدر انام و انعس ٢٤ ساعة بدون صحيان

يا خبر يا دامو

4 سنين ما عيطتيش mfb:

:D

و ده عادي؟؟

انا مش عارفة بصرحة

بس اذا كنتي مرتاحة كده خلاص

أصل الناس طبعا مش زي بعضها

و ده من فضل ربنا علينا سبحانه وتعالى

بس غلط يا دامو يا حبيبتي تنامي وانتي زعلانة

ربنا يسلمك من كل شر يارب

wst::

[عبير يونس]

اختي مصرية متغربة

لما اتوفت ماما الله يرحمها وجالي الخبر دة وانا هنا في الكويت في البداية تماسكت تماما واللي نزل عليا لا اله إلا اللة والتماسك دة عشان اختي واولادي بس اول العزاء مخلص يومها ودخلت غرفتي لوحدي صليت وانهرت تماما في البكاء عادة مش بعيط غير في الصلاة بحس ذي ما انت قلتي بالظبط ان ربنا بيطبط عليا ومفيش احن من ربنا عليا .........

تحياتي

يا حبيبتي mfb: ربنا يرحمها يارب هي و مامتي و بابايا

آمين

ربنا ما يحرمك من حنيته عليكي أبدا

ربنا فعلا أحن من الأم و الأب

wst::

[عبير يونس]

انا بقه واحده من الناس ....كثيرة البكاء

ويمكن بقه ده اللي عامل لي مشكله ........ممكن لو حسيت بزهق من اي شيْ اعيط .لو اتخنقت من حد او من موقف .اعيط .لو شوفت اي موقف مؤثر قدامي اعيط

لو حد كلمني كلمه جامده شويه باخد على خاطري واعيط .طبعا لو فقدت حد عزيز عليه ياعيط

ولو فقدت معنى جميل برضو باعبط

لكن غالبا باكون لوحدي برضو ..........وفي نفس الوقت مش باتكسف اعيط لو قدام حد .لان ببساطه دموعي بتنزل لوحدها ومش باقدر احوشها او امنعها

اما لوفرحت قوي كان موقف مؤثر فممكن عيني تدمع بس

لكن بلاقي راحه رهيبه بعد العياط ده .......وكل مره اقرر اني احاول امسك نفسي شويه .مش باقدر

من الاخر ......احيانا باحس اني طفله صغيره بتعيط على كل حاجه

لكن لو في مشكله قدامي ...ممكن اعيط الاول واطلع اللي جوايا وبعدين افكر في حلها بعد كده لاني مش باعرف افكر وانا متضايقه

الدموع بتغسل النفس

و بأحس انها بتريحني شخصيا

اذا كنتي بتحسي كده

يبقى ما يهمكيش من حد

عيطي زي ما انتي عايزة

المهم من غير مناحة و نكد

mfb:

تعرفي انا كانت خالتي الله يرحمها

تعيط و تضحك في نفس الوقت

يعني تكون متأثرة و بتعيط

ولو حد قال أي حاجة تضحك

تلاقيها فطست من الضحك

و هي بتعيط

wst::