من كالجري احييكم وعلى استعداد لاجابة اسئلتكم...

[memma]

فعلا شاكر لكل هذا المجهود العظيم وربنا يكرم حضرتك والاسرة كلها ويتقبل منكم ويسترها معاكم.....تسجيل متابعة وكل تقدير واحترام

[astrophy]

مدام Dreamy , تحياتى ودعواتى بالنجاح والتوفيق ,

انا اخوكم احمد ابراهيم , من مصر (بلدى وامى وحبيبتى ام الدنيا وليا كل الفخر) ومقيم فى كالجارى من حوالى شهر ؟ واحتمال كبير نكون جيران وبينا شارع واحد  , لانى ساكن فى الـ (North West) قريب جدا من جامعة كالجارى ادام (mcmahon stadium) . تحياتى لزوجك الفاضل ,, ويسعدنى ويشرفنى انى اتعرف على اسرتكم الكريمه بعد اذنك انا هاطلب رقم تليفون زوجك من مدام MEYO عشان اتواصل معاه , بالمناسه انا اتعرفت وزورت اسره الاخت الفاضله مدام MEYO (صاحبة اول موضوع متكامل عن كالجارى) اول ما نزلت لانى انا وزوجتى كنا على اتصال بيهم والاستاذ احمد زوجها من فتره, وممكن نتواصل كلنا ما دمنا فى مدينه واحده.

انا فى الحقيقه من ساعة ما جيت كندا ما فتحتش المنتدى خالص , لكن زوجتى لسه مبلغانى عن موضوعك النهارده , بالمناسيه عملتوا ايه فى العاصفه التلجيه امبارح ؟؟؟؟؟؟؟؟؟؟ انا بعد ما نضفت ادام البيت و (حفرت) ممر للدخول لباب البيت بالليل و اتردم تانى ولسه حاحفر ممر تانى النهارده والله المستعان .

انا ليا بعض المساهمات فى المنتدى الجميل من فتره فى موضوع كيبك وخصوصا المقابله لانى كتبت المقابله بتاعتى بالتفصيل فى الموضوع (بنك المعلومات للمقابله لكيبيك) وليا بعض الاصدقا الاعزاء على المنتدى , بس كنت مشغول جدا قبل ما اسافر وما عنديش جديد اضيفه ولذلك ما بظهرش كتير على المنتدى من فتره . وبصراحه انا ما قدرتش اكتب على المنتدى من ساعة ما جيت لان حالتى النفسيه مش كويسه ,وخايف اكتب كلام مش مشجع وما يعجبش الناس الحلوه اللى بتقرا المنتدى , وما زلت فى مرحله (الصدمه) وعدم التوازن واحساسى بالغربه لسه جديد ومش متعود عليه وحاسس انى فى مصر وبحلم وشويه وهاصحى من حلمى ده وارجع تانى , الله اعلم يمكن عشان لسه سنه اولى غربه ويمكن البلد واحشانى جدا جدا ويكمن عشان عيلتى الصغيره والكبيره قاطع فيا اوى فراقهم , مش عارف بس انا مش مرتاح من ساعة ما وصلت والحمد لله , انا عايش هنا مع مجموعه مصريه من طلبه الدكتوراه من المبعوثين فى جامعه كالجارى (ابن خالتى منهم وهو اللى ظبطلى المكان والناس) والناس دى هيا اللى مخففه مشاعر الغربه عندى شويه والحمد لله . بس انا لازم برضه اتعرف على ناس فى نفس حالتى من المهاجرين لان الطلبه ظروفهم مختلفه تماما وخططهم مختلفه ولا ينطبق عليهم كتير من الاجراءات بتاعتنا .

المهم , اولا عايز اشكرك على المعلومات الكتيره والمفيده اوى لان فعلا فى حاجات جديده عليا فى المكتوب فوق ده , انا مش عارف ليه مكتب خدمه المهاجرين ما قالوش كل الكلام ده , انا دخلوا معايا فى تفاصيل تانه , الله اعلم . خصوصا ورش العمل للتجهيز للبحث عن عمل دى لانى ما سمعتش عنها خالص مع ان واحد صاحبى كا مسافر معايا على الطياره الى مونتريال قاللى انه اخدها هناك برضه والتمويل للدراسه كمان قالولى ما فيش غير بعد سنه من دخولك البلد وبالتالى ما سالتش عنه كويس , وتفاصيل الجامعات وعناوينها انا برضه ما عرفتيش غير جامعة كالجارى وعهد سيت لانه بيدرس حاجات فى شغلى , وكمان Calgary Housing دى لسه عارفها امبارح عشان اقدم لها , بس الاجراءات طويله ومحتاجه وقت , والـ "IQAS" برضه ما كنتش مهتم بيهم بس امبارح ادركت اهميتهم وها ابداء اراسلهم ان شاء الله .

بالنسبه لظروفى حاليا , طبعا بدور على شغل فى مجالى بشكل اساسى (I.T oracle database ) بس للاسف مش لاقى حاجه , واشتغلت من حوالى اسبوعين فى مطعم (وجبات سريعه) جوه الجامعه وبعمل فيه كل حاجه ومتبهدل على الاخر وبعمل رياضه اجبارى كل يوم والحمد لله , بس الامل فى الله وبحاول اوصل لاى شى . هو صحيح بالحد الادنى للدخل (9 دولار للساعه) بس الشغل ده اساسى بالنسبالى عشان اقدر اجيب مصاريفى والايجار بدل ما بصرف من اللحم الحى , وكمان احوش قرشين اجيب بيهم مراتى وابنى فى اقرب وقت باذن الله لانى كنت خلاص "بعت الحديده" قبل ما اسافر من مصر 

وللحديث بقيه باذن الله .

والله الموفق

احمد ابراهيم

استاذ احمد اخبارك ايه الحمدلله انى اطمنت عليك طبعا انا حاسس بيك احساس الغربه دا صعب بذات لو اول مره خالص وبعيد عن اهلك داصعي وبيصعب نفسيا اى شىء بسى صدقنى قريبا ا لمود دا بينتهى وبتبدا تخدك الحياه وببتعود على الاحساس دا

ربنا يوفقك يارب ويسهلك كل شىء

[مهندس تحكم]

مدام دريمي....

شكرا علي معلوماتك القيمة ....والي بتساعد ناس كتير جداااا ....وانا واحد منهم....احتمال ازور كالجاري قريب ....وكنت عايز اعرف حجات كتير وجدتها في موضوعك القيم

[مراد أنور]

أستاذ / أحمد إبراهيم :happy:

من كل قلبى أدعيلك بالتوفيق والنجاح إن شاء الله :blush2:

وبكرة يا عم حتبقى تضحك على الأيام دى لما ربنا ييسرلك الأمر wst:: :D :lol:

وتنجح وتشتغل شغلانتك الأساسية إن شاء الله

لكن أنصحك ماتبطلش سعى وتطلع للأفضل وربنا معاك لا يضيع أجر مجتهد

وتصبر فإنما الصبر بالتصبر

وأعدك أنى سأدعو لك بظهر الغيب وأدعوا كل إخوانى فى المنتدى للدعاء لك

وربنا معاك ويسر أيام شقاك ورد عليك عائلتك وأنجاك أميييييييييييييييييين :lol:

[tofaha]

تشكري يا مدام دريمي على هذه المعلومات و حبك لمساعدة الاخرين ومشاركتهم تجربتك :happy: ,اتمنى لك التوفيق والاستقرار في حياتك,بفضلك انت وباقي الزملاء الافاضل اصبحت لدينا فكرة عن كندا كاننانعيش فيها :blush2:

[tofaha]

تشكري يا مدام دريمي على هذه المعلومات و حبك لمساعدة الاخرين ومشاركتهم تجربتك ,اتمنى لك التوفيق والاستقرار في حياتك,بفضلك انت وباقي الزملاء الافاضل اصبحت لدينا فكرة عن كندا كاننانعيش فيها wst::

[dreamy]

شكرا اخواتي واخواني على المرور والدعوات والله من وراء القصد وكما استفدنا كثيرا من المنتدى نحاول ان نرد ولو جزء بسيط من الفائدة التي استفدناها.

الاخت جهاد تشرفني صداقتك ويارب نشوفك في كالجري قريبا ودعواتي لك بالتوفيق انت واسرتك وجميع المهاجرين يارب...

[dreamy]

الاخ حمودي ليست لدي فكرة الان عن التعليم ماقبل الجامعي لكن ساحاول ان اجمع بعض المعلومات لك واحتمال مدام ميو يكون عندها معلومات اكثر عن موضوع التعليم الابتدائي.

[safaalabana]

اختنا العزيزه dreamy >>>تسجيل متابعه ...وتمنياتى لكى ولاخواتنا ميو والصبر والددكتوره رنا وكل الاخوه اللى فى البرتا ...تمنياتنا ودعواتنا لكم ان يوفقكم الله ...وقلوبنا معاكم

[dreamy]

اليوم اثناء متابعتي للتلفزيون شاهدت دعاية لموقع تعليمي اونلاين:

www.ecampusalberta.ca

به كورسات وبرامج يبدو انها مفيدة في مجالات متعددة...

[الصبررر]

السلام عليكم ، ازيك اخت دريمي ان شاء الله موجة البرد الاسبوع اللي فات عدت عليكم بخير ، اشكرك جدا على اتصالك و أتمنى نلتقي انا وانتي والاخت مييو في اقرب وقت. عندي سؤال ليكي اخت دريمي او اي عضو هنا في هذا المنتدى الجميل لو عندكم فكرة ازاي انزل صور لأني حاولت كثيرا وما عرفت ازاي انزلها . شكرا لكل الاخوة ودعواتهم الصادقة لنا وربنا يوفقكم ..

[qenawy]

ارسلت لحضرتك الطريقة

تم تعديل 7 ديسمبر 2009 بواسطة qenawy

[الصبررر]

ارسلت لحضرتك الطريقة

شكرا اخ قناوي بس انا حاولت وماعرفت اذا ممكن تفهمني الخطوات وحده وحده لأني اول مرة با احاول انزل صور.

[msheikh]

السلام عليكم

كيف الاحوال يا مدام دريمى

لعلك انت والاسرة بخير فى هذا الجو الدافىء باسرتك فقط وليس بدرجة برودة الجو.

اود ان اسالك هل يوجد مراكز اسلامية فى كالجرى؟ هل توجد مساجد لاقامة الفرائض؟ هل هى مساجد كبيرة ام مجرد غرفة او شقة فى حى؟

انا سمعت من احد الاصدقاء ان المسلمين يستاجرون بدروم فى الكنيسة ويستخدمونه مسجدا لاقامة الصلوات الخمس.

برجاء اعطائنا انطباعاتك انت ومدام ميو عن هذا الموضوع عندما يتوفر لديكم بعض الوقت.

تحياتى لك ولاسرتك الكريمة والسلام عليكم

محمد الشيخ

[Lendo]

يا جماعة ممكن حد يدلنا عن موضوع المعادلة تخصص ادارة اعمال و نظم معلومات

[ehabtaher]

هى اداره الاعمال من الريجيولاتد جوبس

if it is from the regulated jobs so their is معادله

ولكن لو كانت ليس من الاعمال التى تحتاج ترخيص زى الاطباء والصيادله والمهندسين

فيبقى تحتاج معادله ليه

تحتاج بس انك تقنع صاحب العمل بقدرتك على اداره الاعمال

[Lendo]

ادارة الاعمال ن الريجولاتد جوب فأكيد ليها كعادلة

لو حد عارف ياريت يدلنا عن اماكن الجامعات و تكلفتها

[ehabtaher]

ادارة الاعمال ن الريجولاتد جوب فأكيد ليها كعادلة

لو حد عارف ياريت يدلنا عن اماكن الجامعات و تكلفتها

انا مش شايف اسم الوظيفه اللى انت بتقولها فى لسته الاعمال الرجيولاتد

يمكن انا مش شايف كويس

هى فى انهه سطر

وانهه عمود

[أكسيلانس]

السلام عليكم ورحمة الله وبركاته،،

أين أنتم يا أهل كلجاري و كيف أحوالكم في هذا الشتاء ,, كيف تمضون أيامكم في هذه الاجواء الغريبه و كيف تسير الحياة بهذا الشكل,, شاهدة فيلم صغير لاسره تعيش في كلجاري ,, تقريبا و بلا مبالغه هم في قطعة من القطب المتجمد الشمالي ,, الثلج هو الصوره العاديه و الانسان بكل ما يرمز الي وجوده من منازل و سيارات هو الاستثناء ,,

و لي سؤال هل تتأثر أسواق العمل بهذا الجو سلبا أو أيجابا

و كل عام و أنتم بخير

[أكسيلانس]

السلام عليكم ورحمة الله وبركاته،،

أين أنتم يا أهل كلجاري و كيف أحوالكم في هذا الشتاء ,, كيف تمضون أيامكم في هذه الاجواء الغريبه و كيف تسير الحياة بهذا الشكل,, شاهدة فيلم صغير لاسره تعيش في كلجاري ,, تقريبا و بلا مبالغه هم في قطعة من القطب المتجمد الشمالي ,, الثلج هو الصوره العاديه و الانسان بكل ما يرمز الي وجوده من منازل و سيارات هو الاستثناء ,,

و لي سؤال هل تتأثر أسواق العمل بهذا الجو سلبا أو أيجابا

و كل عام و أنتم بخير

[معلش سؤال كمان ليه كل ما أحاول أعير أو أعدل حجم الخط أو لونه تظهر الاكواد في الرساله بدون أي تعديل