اية أحسن نوع ديب فريزر في مصر....

[مهندس تحكم]

السلام عليكم جميعا...

إن شاء الله ناوي اشتري جهاز ديب فريزر قريب ....وكنت ناوي علي كريازي ...بس وجدت سيل من الشكاوي علي الموقع هنا سواء من الثلاجات او البوتاجازات او حتي الديب فريزر...

ايلي اعرفة ان السوق فية كريازي والكتروستار......بس ماعرفش اي شيء عن الكتروستار .....

ياريت الاخوة الافاضل....ايلي عندهم خبرة بموضوع الديب فريزير يفيدوني.....

شكرا لكل من يشارك مقدما.....

[اغابي]

طبعا كريازي

طبعا

[doha]

عندنا ديب فريزر كريازي .. لاحظت بعد كام شهر من شراءه ان لمبه الطوريء الحمراء فيه شغاله على طول .. واظن كان فيه ( زنه ) او ماشابه .. اتصلنا بالصيانة وحددوا لنا موعد وجاءوا في نفس الوقت المتفق عليه وصلحوا العطل تماما الحمد لله معادش له اثر ..

تجربة تانيه مع ثلاجه عند والدي ماركة ادميرال ودي اشتراها من السعوديه واخذها معاه لمصر .. الثلاجه بعد سنتين تلاته فقدت القدرة على التبريد بعد ماكانت ( وحش ) في الكفاءة .. ( لفينا ) بيها على معظم توكيلات الصيانة .. اتصلنا بتوكيل القاهرة ارسل مندوب .. توكيل في المنصورة .. توكيل في الاسكندرية .. توكيل في طنطا .. للاسف .. تكلفت اكثر من سبعة الاف جنيه تصليح ومع ذلك مازالت عطلانه زي ماهي .. كل توكيل بياخذ الي فيه النصيب ان كان الف او الفين ويرجعها لنا تشتغل يوم او اثنين ثم العطل هو هو مفيش اي تغيير .. خسرنا ثمنها المرتفع وجماركها المبالغ فيها عشان حجمها الغير تقليدي والاهم مصاريف صيانتها الي فاقت ثمن ثلاجه جديده معتدلة الحجم ..

نصيحه اشتري اي حاجه بس تكون صناعه محلية لان الضمان ميزه لا يقدرها الا من احتاج لها .. وثانيا كريازي مش بطاله .. الكترواستار شكلها اجمل من الداخل عشان الرفوف الشفافه لكن الكل بيجمع ان الكريازي افضل ككفاءة .. اعتقد كان في نوع ثالث في السوق ربما توشيبا مش متاكده .. ان وجدت حاجه توشيبا فخليك معاها لان توشيبا في الثلاجات حلوة اضافة ان ضمانها زي ماقلت متوافر لانها صناعه محلية ..

[مهندس تحكم]

شاكر ليكوا يا جماعة...وفي انتظار المزيد من الآراء والاقتراحات.....

انا بس خايف من كريازي ...لان في ناس كتير هنا اشتكوا من الصيانة ....ومن كفاءة الخامات

[nile flower]

طبعا كريازي ما فيش كلام , أنا عندي ديب فريزر كريازي بقى له 7 سنين لغاية دلوقت و ما شاء الله , زي الفل , و حتى معروف في السوق أن أحلى نوع في الديب فريزر كريازي , و نصيحة أحلى من الكترو ستار

[doudy]

عندى ديب فريزر و يستنجهاوس ممتاز بقاله اكتر من اربع سنين

كنت جايباه من السوق الحرة فى اسكندرية و ليه ضمان و صيانة

:closedeyes:

[Handasah]

اخى العزيز ليس شرطا ان كل شركة متميزة فى نوع من الانواع تكون متميزة فى الاخر ياعنى مثلا كريازى او توشيبا متميزة فى الثلاجات ليس بالضرورة ان تكون متميزة ايضا فى الديب فريزر وايضا اكيد ان كل اسرة عندها نوع معين مرتاحة معاة هتقول ان دى احسن نوع اكتر ناس ممكن تسئلهم ويدلوك على اكثر الانواع طلبا فى السوق واكثر الانواع المشهورة وذات سمعة عالية هما المهنيين المتعاملين مع المهنة او التجار الامناء .

انا كنت فى نفس حيرتك بالظبط عند شرائى ديب فريزير ولكنى عندى اصدقاء يعملون فى مهنة التكييف فأجمعو ان اكثر الانواع شيوعا من ناحية التخصص وقلة الاعطال هو شركة الاسكا لان شركة الاسكا هى شركة خاصة بالديب فريزرات الافقية والرأسية فقط ومن فترة قصيرة بدأت انتاج الثلاجات ولكن تخصصها الاصلى هو الديب فريزر . وبالفعل انا جبت واحد وهو ممتاز جدا الحمد لله .

[Guest رشا علي]

ممكن تفيدوني من فضلكم عاوزه اشتري ديب فريزر ومحتاره اختار اي نوع افضل

وايه رايكم الافقي ولا الادراج افضل 

بس ارجوكم بسرعه