متولي حديقة الحيوانات

[montaser]

كتبت جريدة الجمهورية اليوم 19/1/2004 ، الحدث الهام الآتي :

متولي حديقة الحيوان

كتب - سيد عباس:

يتوافد رواد حديقة الحيوان بالجيزة لرؤية الأسد الذي يطلق عليه "الحاج متولي" حيث ضم إلي زوجاته الثلاث أنثي أخري ليصبحن أربع في ذمته ليزهو بنفسه بين أقرانه لا سيما أن زوجاته تعامله مثل "سي السيد" فالطاعة العمياء والدلال له.. بالإضافة لتقديم قربان المحبة والمودة.. بينما هو يحرص علي العدل بين زوجاته بعدم التفرقة بينهن للحفاظ علي شعورهن وتوفير الاستقرار النفسي والعاطفي لهن.

الحاج متولي "الأسد" يتناول لحوم الخيل 3 أيام واللحوم البلدية في الثلاثة أيام الأخري واليوم السابع "الثلاثاء" من كل أسبوع هو يوم الراحة من الأكل بينما يشرب اللبن للحفاظ علي المعدة. الجدير بالذكر أن عمر الأسد يصل إلي 30 عاماً.

ولكني أتساءل من هو سي السيد الذي يتكلمون عنه هنا ؟ .

مبروك لك يا حاج متولي ..... عقبال البكاري .

[Guest Mohd Gramoun]

الاخ منتصر...

برجاء حذف او نقل المشارك من باب هدي الإسلام؟؟؟؟؟؟!!!!!!

[montaser]

الأخ م جرامون

لقد تمت مخاطبة المشرف في هذا الخصوص منذ أن تم الإشتراك مباشرة بهذا الموضوع .

وشكرا ،،،،

[se_ Elsyed]

مين طفى النور ؟

إيه اللي جاب الموضوع ده هنا ؟.. وبعدين العنوان أساساً فيه غلط ... صلحه يا حاج منتصر ليصبح حديقة بدلاً من حديثة ... قعدت ساعة أقرأ العنوان وأجيبوا يمين شمال مش راضي يظبط .

الموضوع جايلي على الوجيعة

[montaser]

الاستاذ / سي السيد

الحمد لله تم نقل الموضوع إلى باب ابتسامات ....

وكذلك تم تصحيح العنوان لكلمة حديقة بدلا من حديثة ....

ولكن يا أخي الفاضل ألم تراعي أن معظم الصحافيين دلوقتي يكتبوا

عنوان الموضوع ليس له علاقة بالموضوع أصلا ، علشان يلفت نظر القراء

ولكنني لست صحفيا ، فالخطأ الذي حدث خطأ مطبعي ، لأنني ذكرت لكم سابقا بأن شاشة

الكمبيوتر أمامي أرى نصفها فقط والنصف الآخر سيتم اصلاحه بعد عيد الأضحى .

وأحب أن أقول بأن فيه تشابه أسماء كثيرين وخصوصا عندنا في مصر .

ومبروك أخي سي السيد ، بأنك أصبحت ملك الغابة ، أي أقصد ملك مصر .

تم تعديل 19 يناير 2004 بواسطة montaser

[فــيــروز]

جوز خالتى مره كان بيتكلم عن الاسد و يقول طول عمرنا نعرف ان الاسد ملك الغابه وله صفات حميده كتير .. لحد ما عرفت ان اسد الغابه بيفضل نايم فى العرين و انثاه هى التى تبحث عن طعام له وللاشبال :huh: هو فيه ايه يا جدعان :huh: واضح ان فيه حاجات كتير فى السوق مغشوشه مش اللبن بس :D

أيه يا ست فيروز يعني لا مؤاخذة جوز خالتك ده محمود سلطان بتاع عالم الحيوان ؟

ما كلنا عارفين المعلومة دي ودرسناها في إبتدائي في قصة الأسد والفأر ..

وبعدين هي دي الجدعنة يابنتي ، وهي إنك إزاي تسخري اللي حوليكي في خدمتك وإنتي قاعدة زي الباشا ..

وبعدين يكفي حس الأسد في الغابة .. شوفتي منظره وهو قاعد مالي مركزه في الغابة والكل بيقدم له فروض الطاعة والولاء ...

وبعدين مهما يجولون مهما صار ومهما تم ... برضوا مش هاغير فكرتي عن الأسد ملك الغابة رغم حقد الحاقدين وكيد الكائدين ..

هذا والله معنا ،،،،،،،

[se_ Elsyed]

ولكن يا أخي الفاضل ألم تراعي أن معظم الصحافيين دلوقتي يكتبوا

يا عم إذا كانوا هما بيغلطوا ... يبقى نغلط احنا زيهم !!!!

لأنني ذكرت لكم سابقا بأن شاشة

الكمبيوتر أمامي أرى نصفها فقط والنصف الآخر سيتم اصلاحه بعد عيد الأضحى .

طب بما إنك بتشتغل مع مجرمون يبقى اطلع على شركة أبتك وخدلك

LCD Monitor 17 Inch

على حسابي ومجرمون عارف مكاني فين ويبعتلي الفاتورة....

ومبروك أخي سي السيد ، بأنك أصبحت ملك الغابة ، أي أقصد ملك مصر

لأ يا عم مش عايز أبقى ملك ولا رئيس وفجأة ألاقى الأمريكان قافشني ويبفلوني .. انا راجل صاحب مزاج ومابحبش حد يلعب في دماغي afr2:

ياعم منتصر تيك إت إيزي يا مان وخليك كـــول :lol:

ماتقول حاجة يا عم مجرمون

على العموم بعد بكره عايزين نتقابل .. وانا هاوصي مجرمون علشان تيجي معاه الوكر بتاعنا وننتعرف على سيادتك وأصالحك هناك ... ( مجرمون .. القعدة المرة دي على مين ؟ :D :huh: :huh: )

[Guest Mohd Gramoun]

سي السيد....

عليا يا باشا ....طبعا..... اوامر الإدارة....(موش إدارةالمنتدي طبعا...أقصد إدارة اللوبي :D بتاعنا اللي حضرتك رئيسها)

علي فكرة أبتك تحتنا fsh:: .... المهم بس عم منتصر يخف علينا شوية من الإسقاطات التعبيرية.... يعني هو جايب موضوع عن الاسد و انا عارف دماغة بتقول ايه....

[فــيــروز]

ايه ده !! :o

س.س. نط جوه المداخله بتاعتى يكتب رد !! :huh: اساءة استخدام صلاحياته كمشرف :blink:

الجدع ده مش هيرجع الا اما اصور قتيل على باب الابتسام بمناسبة قرب حلول عيد الاضحى المبارك fsh::

ايه يا س.س. :angry:

يا سيدى جوز خالتى لا محمود سلطان ولا خالتى هدى سلطان :P

انما وسائل الاعلام كانت بتعمل تعتيم على المعلومه الخطيره دى

وفضلوا معيشينا وهم الاسد ملك الغابه ملك الغابه B)

وطلعت فى الآخر الغابه اللى بيحطوها فى الشيشه pp: مش الغابه بتاعة الحيوانات .. بلا وكسه :angry: B)

ماتنساش تغير الصوره الرمزيه بتاعتك :D

مجرمون كتب

يعني هو جايب موضوع عن الاسد و انا عارف دماغة بتقول ايه....

بتقول ايه هه هه !! بتقول ايه؟ ngh: mfb: :D