هل انت مع او ضد قرار مصر الاعتذار عن بطولة الامم الافريقية لكرة اليد

[hazemtara]

من الناحية السياسية :

القرار صحيح مية فى المية لأنة لازم يكون هناك رد على إهانة مصر من طرف الجزائر وشعبها.

من الناحية الرياضية :

القرار خاطئ لأنة يُؤثر على سمعة مصر الرياضية و قد يجلب مشاكل أو عُقوبات على فريقينا نحن فى غيناً عنها.

هل يُعقل أنة أى بطولات سوف تشارك فيها الجزائر ،،يكون القرار المصرى الإنسحاب وترك المجال والفرصة للجزائر للفوز،،،إذاً نحن نُهدى لهم البطولات على طبق من فضة،،،، أظن من الأفضل أن نواجة لا أن نهرب ونترك الساحة خالية لهم،،،،وخيرُ رد على الجزائر شعباً وحكومة لو إستطعنا مواجهتهم رياضياً وهزيمتهم فى كل مجالات الرياضة بدلاً من ترك الساحة لهم خالية.

[hazemtara]

قرار غبي من ناس أغبياء

والناس هنا ليسو حسن صقر ولا حسن حمامه .. فهو مجرد موظف بيوطي على إيد سيده يبوسها أخر كل شهر وبدل ما كان بيبوس إيد واحده بقى يبوس الايدين دلوقت بعد ما سيده مدد له كمان سنه مؤخراً بعد يلوغه سن الرشد قصدي سن المعاش

وفعلاً الحكومة خافت من غضبة الشعب المصري اللي كان هايفتك بالجزائريين ... أنا عن نفسي كنت اول واحد هاخلغ اللي في رجلي واضرب بيه أي حد من الجمهور الجزائري ...

يا أخ سيد إنت متزرزر لية ،،إمسك أعصابك حبتين :lol: .

كُلنا هذا الرجل الغير راضى تماماً عن رد فعل حكومتنا المصونة ،،،لكن لاحظ أن مُتخذ القرار خايف على نفسة وعلى كُرسية أكثر من خوفة مصر أو شعبها ،،،ولهذا أظن أن القرار سياسى بدرجة كبيرة.

لكن من الناحية الرياضية هذة مصيبة وطامة كبرى لجميع فرقنا وإتحاداتنا الرياضية إذا كان كُل بطولة هنروح ونتركها للجزائر.

لكن حكومتنا عملت زي الراجل اللي أتخانق مع مراته راح رامي نفسه من البلكونه عشان يأدبها

:lol:

بالمناسبة

عندنا في الشهور القليلة المقبلة حوالي 5 بطولات أفريقية اخرى ما بين رفع أثقال لطائرة لغيره ..

إيه يا ترى هانتحجب ونقعد في البيت عشان خايفين ان ولاد ابو اسماعين ييجوا يضربونا في أرضنا تاني ؟

تانى ولاد أبو سِماعين :lol:

شر البلية ما يُضحك يا أخ سيد

كل سنة وإنت طيب

[عصام أبوالفتح]

ضد القرار .. لأنه كان المفروض يكون قرار سياسى بمنع دخول ( كل الجزائريين ) لارض مصر حتى يسلموا المتورطين فى احداث السودان .. ساعتها كان كل الاتحادات الرياضية ستأخذ القرار وتعمل به من قبيل القوة القاهرة بالفعل .

لكن بدون قرار سياسى واضح قبل الاعتذار عن البطولة .. فالأمر يبدو وكأنه ( هروب ) ويحرجنا مستقبلا فى حالة طلب تنظيم أى بطولة

[فــيــروز]

بصراحه لا أفهم ما دخل العروبه فى الموضوع أو حتى صلاح سالم !!

هى العروبه هى اللىّ قالت ل "مصر" لا تقدّمى شكوى وقت تسميم اللعيبه فى "الجزائر" !!

العروبه هى اللىّ قالت للإعلام المصرى لا تتواجد ولا تسجّل ما تعرّض له اللاعبون و الجمهور !!

العروبه قالت لهم لا يتعلّموا من "الجزائر" -التى لا تمت للعروبه بأى صله حسب رأى كثيرين- و ترتبوا أوراقكم و تتكلّموا اللغه التى يفهمها العالم !!

الحق أقول أن المتشنّجين ضد العروبه هم الأكثر استفاده منها لأنّه بالتخفّى وراءها يتهرّبون من مسئولياتهم عن الكثير و الكثير جدّا من الأدوار و المسئوليات بكلمه مطّاطه اسمها "العروبه" بيتمحّكوا فيها وقت اللزوم كى يبرروا تخاذلهم و خنوعهم .. "مصر" هى البلد الوحيده اللىّ بتتكلم عن العروبه وقت الأزمات مش عشان إيمانها بالفكره لكن عشان تشوف لها تلكيكه تبرر بيها عدم سعيها وراء حقوق أبنائها .. ولو "مصر" بطّلت عروبه هتفضل نفس المشاكل تحصل الفرق الوحيد إنّنا مش هنلاقى شمّاعه نعلّق عليها تخاذلنا و كسلنا ..

[فــيــروز]

لأ و كانت "مصر" بتطلب تنظيم كأس العالم فى العام المقبل و زعلت خالص و حزن شعبها لأنّها خرجبت ب "صفر" المونديال الشهير !!

تخيّلوا الورطه لو كانت "مصر" -لا قدّر الله- فازت بتنظيم البطوله و بعدين بسبب أزمه مع هذا الشعب أو ذاك قالت لك معلش يا جماعه سورى ظروفى ماتسمحليش أستقبل ضيوف أو مشجّعين .. أو لو نظّمت البطوله فعلا و جت قُرعتها مع فريق عربى و اتهزمنا و خرجنا قطّعناهم فى الشوارع عشان الجمهور المصرى مش قادر يمسك أعصابه !!

الحقيقه الاعتذار ده هيبقى نقطه سوداااااااا فى أى ملف مصرى لاستضافة أى بطوله و اعتراف مصرى بالعجز عن حماية الضيوف سواء كانوا جمهور أو لاعبين .. أحسن بردو

[tarek hassan]

عروبة ايه بس يا استاذ طارق

حتى لو هدأت الامور

ما فى القلب فى القلب

ضد الجماهير المتعصبة بالتأكيد

ولكن أنا لست مع الخلط والتعميم والتصرفات الغير المسئولة ولكن مع التصرفات المحترمة والقراءة الواعية

ودراسة المصالح والمفاسد التي تعود على المصريين بالداخل والخارج

والله أنا معجب جدا بتصرفات الرئيس وتصريحاته بضبط نفسه وعدم التخلي عن العروبة ومسئولية الدولة عن حماية مواطنيها

ومع ذلك تجييش الشعب كله لمباراة كرة القدم مع الجزائر فسره البعض بأنه مهرجان التوريث

فهل كان الفشل في ذلك هو سبب الغضب فعلا ؟

عموما هل كانت المباراة مهرجانا رياضيا أم سياسيا

خلط الرياضة بالسياسة جعل الكثيرين يقرأون الموضوع بطرق متغايرة

لم أعد أميز بين الرياضيين والسياسيين والمشجعين المتعصبين في الجزائر وفي مصر

شكرا

أنا أعلم عن ثلاثة - على الأقل - من دراويش العروبة اللى كانوا لابسين قميصها أعلنوا كفرهم بها وخلعوا قميصها .. ثلاثة سمعتهم بنفسى فى مقابلات إعلامية .. أسامة أنور عكاشة (الناصرى العروبى) ، محمد صبحى (اليسارى العروبى) ، و فردوس عبد الحميد (العروبية وبس) .. الأخيرة بكت وهى تصف ما حدث لها فى السودان من إخوانها فى العروبة

في عجالة

تخلي المصريين عن عروبتهم عملية كبيرة جدا جدا مش كلمة يمكن تقال أيها الفاضل الكريم أبو محمد

هنروح منها فين غريب إن العروبة عندك بقت دروشة ( إنا طبعا مش معاك )

هل هنكون زي تركيا الدولة الإسلامية التي رفض رئيس الاتحاد الأوربي انضمامها لكونها مسلمة ولا هتكون هويتنا إيه

ماذا تقترح لما تؤول إليه هويتنا ما بعد الكفر بالعروبة والتخلي عنها ؟

ياريت تكون اسباب هذا الكفر بها معقولة

مش بسبب مباراة هنا

وبسبب قناة هناك

وبسبب أحزاب أو منظمات في دولة ثانية

دا احنا جريدة واحدة بتقلب حالنا رأسا على عقب

هل يمكن أن نسحب المصريين اللي في الدول العربية والمصالح اللي لنا هناك

الاختلاف وارد ولا نزال مختلفين كما أخبرنا القرآن ولكن فيه حدود للتصرفات وردةالفعل وتقدير الأمور بقدرها

ودراسة السبل المناسبة لدفع المضرة أو لجلب المصلحة في قرارتنا

شكرا

وحمدا لله على السلامة

كل عام أنت طيب يا أبو محمد

تم تعديل 2 ديسمبر 2009 بواسطة tarek hassan

[se_ Elsyed]

قرار غبي من ناس أغبياء

بالمناسبة

عندنا في الشهور القليلة المقبلة حوالي 5 بطولات أفريقية اخرى ما بين رفع أثقال لطائرة لغيره ..

إيه يا ترى هانتحجب ونقعد في البيت عشان خايفين ان ولاد ابو اسماعين ييجوا يضربونا في أرضنا تاني ؟

لسه ما كملتش كلامي ... وأدي البقية تأتي

يالا اخربوها كمان وكمان ... واقعدوا في بيوتكم يا بتوع الرياضة عشان خاطر الجزائر

بجد ... أنا ماسك لساني ضد هؤلاء الأغبياء الجاثمين على صدرونا وريقي ناشف ومش قادر أرد على حد فيهم

اتحاد الأثقال يعتذر عن استضافة البطولة الأفريقية بسبب مشاركة الجزائر

ملخص

مجلس إدارة الاتحاد المصرى لرفع الأثقال يعتذر عن تنظيم واستضافة البطولة الإفريقية للناشئين والشباب المؤهلة لأولمبياد سنغافورة

القاهرة (ا ش ا) – (محرر ياللاكورة):

قرر مجلس إدارة الاتحاد المصرى لرفع الأثقال برئاسة محمود شكرى الاعتذار عن تنظيم واستضافة البطولة الإفريقية للناشئين والشباب المؤهلة لأولمبياد سنغافورة للشباب 2010 والتى كان من المقرر إقامتها بالقاهرة خلال الفترة من 20 حتى 27 مارس المقبل وذلك خوفا من حدوث ما يعكر صفو البطولة بسبب مشاركة المنتخب الجزائرى.

وذكر بيان صادر عن المنتخب المصري لرفع الأثقال مساء الأربعاء أن هذا القرار جاء نظرا للأحداث المؤسفة التي حدثت بعد مباراة مصر والجزائر لكرة القدم فى تصفيات كأس العالم التي أقيمت بالسودان الشهر الماضي وما ترتب عليها من أحداث مؤسفة تجاه الشعب المصري وحالة الاحتقان للجماهير المصرية في الملاعب.

وأكد الاتحاد المصري لرفع الأثقال في بيانه أن مصر يسعدها استضافة البطولات الإفريقية في وقت لاحق ، معربا عن أطيب أمنياته للاتحاد الإفريقي لرفع الأثقال بكل التوفيق والنجاح للدول الإفريقية الشقيقة مزيدا من التقدم والازدهار مع التأكيد على المشاركة فى البطولات الإفريقية المقبلة.

[مزاميزو]

القرار خاطئ

كان الأفضل مصر تنظم البطولة مع منع دخول أي جزائري من قبل بداية البطولة بأسبوع وبدون إعلان ذلك حتى بداية تنفيذ القرار

أو يسيبوا الجزائريين تتدخل مصر عشان يبقوا طعام سهل لأسود المحروسة

حلين حلوين ... المهم ال..... (الرقابة قطعت) يفهموا

[فــيــروز]

القرار خاطئ

كان الأفضل مصر تنظم البطولة مع منع دخول أي جزائري من قبل بداية البطولة بأسبوع وبدون إعلان ذلك حتى بداية تنفيذ القرار

أو يسيبوا الجزائريين تتدخل مصر عشان يبقوا طعام سهل لأسود المحروسة

ماهيّاش عركه فى خمّاره يا أخ "مزاميزو" كى تُدار بهذه الصوره ..

البلد التى تقبل بتنظيم البطوله عليها قبول تبعات هذا و منه السماح لجماهير الفرق بالحضور و التشجيع و حماية هذه الفرق و الجماهير ..

يا كده يا تعتذر عن الاستضافه و بردو تتحمّل تبعات هذا الاعتذار

[Damo]

انا ضد اعتذار مصر عن اي حاجة بسبب الجزائر.

كفاية كرامتنا مجروحة..كمان هنعزل نفسنا عن الدنيا بسببهم؟ انا بصراحة انا شايفه ان حاجة زي دي هتظهر كأنهم كسبوا المعركه و عرفوا يدوسوا علينا و بمنتهى السهولة كمان!! مفيش اي نوع مقاومة مننا؟ علطول كده قلنا لالالا بلاش الجزائر لحسن بنخاف.

انا عارفه ان اكيد حد هيقول يا جماعة دي مجرد رياضة. ايوه كرة القدم و كرة اليد مجرد رياضة و لا مضربناش و اتهزقنا و اعتذرنا عشان مجرد رياضة. من الاخر لو مصر اعتذرت فيها خسارة اكيده سواء رياضية او سياسية

[se_ Elsyed]

قبل هذا العيد بإيام كنت أسير مع والدتي بالسيارة وإذ بي أُفاجأ إن كل جزار - باتكلم عن القاهرة مش في مناطق أحراش يعني - حاطط قدام محله ييجي 50 عجل على 100 خروف وقافل بيهم الشارع اللي هو فيه وقدام بيوت الناس عادي جداً والموضوع ده بدأ قبل شهر على الأقل قبل العيد .. وده ليل نهار يعني مش بييجي أخر النهار يخزنهم في مكان ..

فبأقول لها : إيه ده ؟ ومش عاوزين الناس يجيلها أنفلونزا كلاب حتى ؟

فقالت كلمتين بس : يابني إحنا بلد مالهاش ريس ..

آهي ست لا لها في السياسة ولا من الأخوان ولا المعارضة ...

--------------

إحنا يا جدعان ما عندناش ريس والدليل

- خبر قرأته أمبارح وأستقليت على ظهري من الضحك ... مصر بعد ما أعتذرت عن تنظيم كأس أفريقيا لليد عشان ولاد أبو أسماعين ما يجووش يضربونا تاني .... كانت الدول المرشحة لأستضافة البطولة " ليبيا وتونس والمغرب " وكلهم اعتذروا عن تنظيم البطولة .... وبالتالي ما بقاش غير الجزائر هي اللي متقدمه لتنظيم البطولة ... فمصر رجعت في كلامها وبعتوا للاتحاد الأفريقي لكرة اليد وقالوا لهم : إحنا عيال ورجعنا في كلامنا وعاوزين ننظم البطولة تاني بس ما تخلوش الجزاير تيجي "

[se_ Elsyed]

هات الكره

خذ الكره

الكره مع أمل

حازم أخذ الكره

عادت.. من جديد بطولة كأس الأمم الأفريقية لكرة اليد بقرار من الاتحاد الأفريقي للعبة وذلك بعد اعتذار كل من تونس والمغرب عن عدم استضافتها ولذلك أجري المسئولون بالاتحاد المصري لليد اتصالا مع الاتحاد الأفريقي لعودة البطولة لمصر حيث أيد المهندس حسن صقر رئيس المجلس القومي للرياضة هذا القرار بعودة البطولة التي ستنطلق خلال شهر فبراير من العام المقبل

[Saleh]

كالعادة تخبط في تخبط

لا قرارات مدروسة ولا نظرة متأنية للقرارات الإنفعالية ......... ولا حتى نظرة ياست

[سكر]

مصر لاتعيش حاله من الفساد

الفساد ارقى من ان نصل له فى هذا الهبل

مصر تعيش حاله من الفشل

[se_ Elsyed]

الجزائر أعلنت بالأمس عن إشتراكها في البطولة

ولو جه 5 مشجعين ..

هاتلاقي حكومتنا نزلت لهم 100 عربية أمن مركزي لحمايتهم ...

أنا هاطق من الغيظ

[Abu Reem]

الجزائر أعلنت بالأمس عن إشتراكها في البطولة

ولو جه 5 مشجعين ..

هاتلاقي حكومتنا نزلت لهم 100 عربية أمن مركزي لحمايتهم ...

أنا هاطق من الغيظ

واللي يغيظك أكثر انهم عندهم ناس بتشتغل صح ، مش زي المسئولين عندنا كل مرة نروح نلعب بالجزائر ننضرب ونيجي زي الباشوات

همه بيعروفوا يحافظوا على كرامتهم ، ويتركوا العروية والأخوة على جنب فهذه نقرة وهذه نقرة

أما احنا عاملين زي عنتر في فيلم عنتر ولبلب

على العموم لو شوية عيال جدعان يكون معاهم الحاجة زهرة زي اللي معاك في السبارة ، ممكن المرة دي يضربوهم بجد ، بس بعد ما البطولة تخلص :blush2:

[se_ Elsyed]

بصراحه رجاله ... ومن حقهم يطرقعوا لنا

" الجزائر ترفض لعب مباراة وديه مع مصر تحت رعاية دولة الامارات للصلح بين الطرفين "

وإشرب يا أبو اشرف

[ahlawycatalony]

يا سلام على حرقه الدم....

امال لو شوفتوا اخر تصريح من ابو تلفيقه؟؟

بوتلفيقه يطالب شعبه البربرى بالسمو عن تصريحات المصريين....

حسبى الله ونعم الوكيل..فى كل شخص اوصلنا لهذه الدرجه