اقامتى اتسرقت فى الحج .. هل عليا غرامة لو جيت اطلع بدل فاقد

[بحار الغربة]

السلام عليكم

اقامتى وكل حاجتى اتسرقت فى الحج ( فلوس وموبايل وبطاقة صراف )

عاوز اطلع بدل فاقد فهل هايتكلف غرامة مالية ؟؟؟؟؟

اقامتى تاريخ انتهائها 6 5 1431 هجرية يعنى باقى على انتهائها 5 شهور تقريبا

واحد قابلته هناك قالى انه حصل معاه كده وقالوله غرامة الف ريال ولازم الاول يعمل اعلان فى جريدة يتكلف 300 ريال تقريبا

بس بيقولى انه كان عارف واحد معقب خدمه وخلاه يكتب اقرار على نفسه بدل ما يدفع الف ريال

هل حد يقدر يفيدنى ازاى اتخلص من موضوع الغرامة دى ياجماعة

وهل لو انتظرت لغاية ما تاريخها يرقب على الانتهاء وروحت اطلع بدل فاقد احسن ولا لا ؟؟؟؟

[doha]

الله يعوض عليك .. بس طالما معاها الموبايل فتابع الاتصال بيه لعل وعسى يمكن منسرقتش ويمكن حد يلاقيهم ويدلك على طريقة لاستردادهم .. انت لسه راجع من الحج وكنت فيه اقرب مايكون لله فادعي مين عارف ( السنة الي فاتت وحده كانت معانا في الحج ضاع موبايلها .. افتكرت انه انسرق منها في الطواف .. وفقدنا الامل انها تسترده قلت لها ادعي انتي في الحرم مفيش شيء مستحيل مع الدعاء .. باذن الله هيرجع هيرجع .. بعد يومين وهو مغلق بتتصل عليه بيأس فوجأت برد عليها ... طلع مع حاج تركي مبيعرفش كلمه عربي لقيه مرمي ولا عارفين يفهموه هم فين ولا يقولهم هو هيتركه فين وسبحان الله في آخر يوم في الحج عرفوا يوصلوا له ورجع لها الموبايل .. والراجل لا اخذ منهم ابيض ولا اسود .. )

على كل حال لو مرجعتش فمن رايي اسلم طريقة انك تطلع بدل فاقد وامرك لله في الغرامه لسبب بسيط .. هدفك كله انك تبلغ السلطات ( تعمل محضر يعني ) تثبت فيه ان الاقامه انسرقت عشان لا قدر الله لو حد عمل بيها حاجه كده ولا كده تبقى انت في السليم .. هتدفع الالف وشويه عشان تشتري نفسك لان ممكن تمشي حالك باي طريقة بعدين تظهر الاقامه القديمه مع حد عامل بيها مشكلة ( خاصه لو مسروقة مش مفقوده فاكيد الي سارقها ناوي يعمل بيها شيء ) فانت عشان تأمن نفسك لازم تبلغ رسمي وتتبع الطرق القانونية بالظبط عشان ميبقاش حد له عندك حاجه ..

على العموم استخير وربنا يسهل وزي ماقلت لك ادعي بقلب خالص انك تستردها وان شاء الله هيعمل لك الي فيه الخير ..