فقدت اقامتى فى رحلة الحج... ساعدونى

[بحار الغربة]

اثناء رحلة الحج سرقت منى اقامتى ومتعلقاتى الشخصية

السؤال

ماهى اجراءات استخراجها ؟؟؟؟

وكم الغرامة المتوقعة ؟؟؟

وكيف اتلافى سداد الغرامة ؟؟؟؟

احد اصدقائى قال لى لو عندك معقب كويس ممكن يطلعها لك وتمضى تعهد انك المسئول وتستخرج بدل فاقد بدون فلوس

[قطرة ندى]

مسكين الله يكون فى عونك

اعمل نشرة فى الجريدة وفى نفس الوقت روح الامانات بتاعة الحج يمكن تلاقيها عندهم اذا منفعش دا كله لازم تقدم بلاغ بضياع الاقامة علشان مايستخدمهاش الشخص اللى سرقها (اذا كانت اتسرقت)على انها بتاعته

دا رايى وياريت حد فى السعودية يقولنا على الحل

تم تعديل 1 ديسمبر 2009 بواسطة قطرة ندى

[Alrefaey]

اول شىء تعمل محضر فى شرطة اجياد مكة المكرمة بسرقة او فقدان الاقامة مع الاغراض الشخصية

تسأل فى مفقودات الحرم وهى موجوده امام الحرم مباشرة وتتشوف اسمك فى الكشوف الموجوده لو وجدت اسمك تسأل الموظف ولو لم تجدة تاخذ رقم تلفونهم وتسجل عندهم مفقوداتك وتابع معهم بالتلفون من خارج مكه لو هتسافر خارجها

تبلغ كفيلك بما حدث وهو سوف يوكل معقب باستخراج بدل فاقد ورأى انك تنتظر اسبوع كمان لأن غالبا اللى بيسرقو من الحرم بيأخذو الفلوس والموبايل وبيرمو باقى الاغراض واى حد هيجدها هيوديها الى مفقودات الحرم

[se_ Elsyed]

من النصائح البديهيه اللي بنقولها لأي حد إنه لازم يدبس البيزنس كارد بتاعه في الأقامه من الداخل او يدبس ورقه مكتوب عليها بيانات الأتصال به بحيث لو لص قذر سرق تلك المتعلقات ورمى الاقامة في اي حته ... يبقى يسهل الاستدلال على صاحبها

وفعلاً لو ما كنتش عملت محضر في شرطة أجياد

يبقى هاتضطر تدعي إنها فقدت منك في محل عملك الرياض مثلاً وغيرها

غير كده من غير المحضر مش هاتعرف تعمل حاجه

وياريت لو لك حد في مكه يبقى يروح يشوف كشوفات الموجودات هناك يمكن ربنا يسهل وتلاقيها عشان تتلافى باقي الاجراءات الأخرى

وبعدين جرب تدعي الدُعاء ده وأدعي لي

" اللهم يا جامع الناس ليوم لا ريب فيه .. رد إلي ضالتي "

وأدعو الله بنيه خالصه وبإذن الله ترجع لك

[المخنوق دائما]

أنا أعرف واحد إقامته ضاعت وراح لمكتب خدمات عامة فى الرياض وإداهم صورة من الإقامة و1500 ريال وهما عملوهالة من الألف للياء من غير ورقة من الكفيل أو محضر أو اعلان فى جريدة او اى حاجه

[president]

الموقف ده حصل مع زوجتى اتسرقت شنطتها فى الرياض وكان فيها اقامتها واقامة بنتى . لما رحت الشركه طلبوا منى محضر عشان الأجراءات تكمل وفى

نفس الوقت قالولى طالما هو محضر سرقه يبقى مافيش غرامه . عملت المحضر واديتلهم فى الشركه . وللأسف الموظف اللى عندنا فى الشركه اتأخر

والموضوع غاب معاه 3 شهور ولما راجعته اكتشفنا انه ضيع المحضر .

روحت نفس القسم اللى عملت منه المحضر عشان اطلع بدل فاقد من المحضر . معرفوش يجيبوا أصل المحضر . فالظابط

سئلنى انته عايزه ليه قولتلوا عشان الأقامات عملى محضر جديد بسرقة الشنطه وفيها الأقامات وأخدته للشركه وطلعولى الأقامات بسرعه و بدون أى غرامه .

نصيحتى ليك . طالما هيا اتسرقت فعلا ومش هتعرف ترجع للمكان اللى اتسرقت منه فى مكه وتعمل محضر هناك - لو ينفع كويس - اعمل محضر هنا بس بسرقتها فى الرياض

والمحضر بيتعمل فى القسم التابع للمكان اللى حصلت فيه السرقه .وانصحك بمكان لبش زى قسم الديره اللى تابع ليه السويقه وخد المحضر وسلمه

لشركتك وان شاء الله كده مافيش غرامه .

اعتقد موضوع الأعلان فى الجرائد دا خاص بالمفقودات لأن فى اتنين اصحابى ضيعوا جوازتهم مش اتسرقوا وطلبوا منهم يعملوا اعلان فى الجرائد .

تحياتى

تم تعديل 2 ديسمبر 2009 بواسطة president

[خالد شحاته]

الاخ الفاضل

كل عام وانتم جميعا بخير

اجراءات فقدان الاقامه

الاقامه الا ضاعت في الحرم احسن شي علشان تعفا من الغرامه يذهب الكفيل شخصيا للجوازات وكدا ميدفعش غرامه اما لو تاخرت انت من رجوع مكه ووصلت الرياض وطنشت كم شهر وتقول اجددها مع التجديد كدا بيدفعوك الغرامه وهي المادة 61 من نظام الاقامه وهي غرامه الف ريال اما من الطرق الاخره الاقامه تطلع وبدون ولا ريال لانه كارد بينطبع مره اخري وبس والمعقب الا بيخد المبلغ وعلي فكره بلاغ الشرطه في الرياض اتلغي الموضوع ده مكه فقط الا فيه البلاغ لانه بيعطوك برنت مختوم منهم ومكتوب عليه ثلاث ايام للرجوع لمقر كفيله

[Guest سعد سماحه]

اقامة باسم عبد المجيد محمد عبد الله موجوده بجده 0506022342