ظلمناكي يا حكومه !!!!!!!

[se_ Elsyed]

حقك علينا يا غاليه

وأنا دلوقت هالف على كل وزير وأبوس راسه .. وبعدين أطلع على العروبة وابوس راس الكبير وأولاده ..

هذه حقيقة

لإن فعلاً هناك مشاهدات وملاحظات نُعايشها في مصر .. ليس للحكومة أي ذنب فيه ..... وده موضوع كنت عاوز أكتبه بعد ما رجعت من الاجازة .. ولزحمة العمل لم أجد وقتاً .. إلى ان أستمعت لمشكلة يمر بها العديد من المصريين في جده ومكه الأن ويتظاهرون أمام القنصلية المصرية هناك لمساعدتهم في الرجوع إلى الوطن ..

وطبعاً لا يخلو الأمر من جلد الذات وقذف التهم هنا وهناك عن تقاعس الخارجية المصرية ... وعن الأداء الباهت للقنصليات المصرية في الخارج .... إلخ

والموضوع يا سادة يتكرر كل عام ....

ناس مساكين بقى ولا مكارين الله أعلم بيهم ... بيسافروا للسعودية بالآلاف في موسم عُمره رمضان .... ومن ضمن إجرءات السفر إن كثير من شركات السياحة الي مطلعاهم بتحتفظ بجوازات سفرهم لضمان عودتهم ضمن جدول الرحلة كما هو مخطط لها من قبل وتقريباً بتبقى أسبوعين ..

فبيقوم هؤلاء بالهروب من شركة السياحة والمكوث في مكه في مخابيء معينه من شهر رمضان إلى شهر ذو الحجة ...

وبالتالي وللأسف يعيش معظمهم على التوسل حتى موسم الحج ... وأهم شيء عنده إنه يحج ويحصل على لقب " حاج "

وينقضي الحج وتأتي اللحظه الحاسمة ... لحظة السفر ... وهو ليس لديه أي أوراق رسمية ... فيقومون بالتوجه للقنصلية المصرية لأستخراج وثائق سفر ... وتحدث مشاكل وهرج ومرج .. وبعضهم يتم إلقاء القبض عليه ويودع بالسجن من قِبل السلطات السعودية - وهذا حقها تماماً - ولإن معظمهم كبار في السن فغن البعض يموت داخل السجن كما حدث العام الماضي والذي قبله ..

والبعض الأخر يتوسل للجميع لكي يتم إعفاءة من الغرامة الكبيرة التي توقع عليه من قبل السلطات السعودية نتيجة مخالفته لأنظمة الأقامه هنا ... وكل مره يتم إصدار إستثناء لهؤلاء على أن يتم إستخراج وثائق سفر لهم من القنصلية المصرية وتؤخذ بصمة يدهم لكي يتم منعهم من دخول المملكة مره أخرى ...

وهكذا ...

تسيب وهمجيه وغوغائية وجهل من هؤلاء وكإنها معركه أو شغل عافيه ...

مع إنهم معفيين تماماً من أداء هذه الفريضة ومع إن ربنا لن يسألهم عنها يوم القيامة ... لكن نجد أنهم يقومون بأفعال تكاد تأكل أجر الحج وزيادة كمان ....

وفي الأخر نُلقي اللوم على الحكومة وعلى الخارجية وعلى الكُل كليله ..

ولنا عوده في مشاهدات أخرى ليس للحكومة ذنباً فيها

[msayed]

والله يا س س أنا معاك لكن لو فكرت ها تلاقى الحكومة ممكن تحل أى حاجة ومتهم اول فى أى شيء، يعنى فى المشكلة دى لو الحاج الحلنجى ده عرف إنه ها ياخذ حكم محترم او غرامة محترمة لما يرجع بلده لأنه شوه سمعتها ولم يحترم قوانين البلد إللى رايح لها ولانه صور المصريين على أنهم همج عندهم الغاية تبرر الوسيلة، فسوف يفكر ألف مرة قبل أن يقوم بألاعيبه هذه، ولكنه دائما يفكر أنه سوف يعود يلاقى بيته مرسوم عليه الجمل والمركب والحركات دى، ومش فى دماغه أبداً عقاب.

وطبعاً الجهل أولا وأخيراً هو الذى يجعل الحاج من دول يقدم شوقه للحج على كل الذنوب التى سوف يرتكبها فى سبيل ذلك، ويعتقد أنه من استطاع إليه سبيلاً يعنى يكذب ويهرب ويخون الوعد والعهد حتى يحج.

تم تعديل 5 ديسمبر 2009 بواسطة msayed

[capitshino]

ولنا عوده في مشاهدات أخرى ليس للحكومة ذنباً فيها

طيب خد الخبر والموضوع لسه طازة "منقول"

القاهرة (رويترز) - قالت مصادر أمنية وشهود عيان ان عبارتي ركاب اصطدمتا في نهر النيل يوم الجمعة أمام مدينة رشيد بمحافظة البحيرة في شمال مصر وان عشرات الركاب في عداد المفقودين.

وبعد نحو خمس ساعات من وقوع الحادث قال مدير المباحث الجنائية في محافظة البحيرة العميد محمد بدراوي ان الامل يتضاءل في العثور على أحياء من بين المفقودين.

ومضى قائلا لرويترز "المهم الان أن تسفر جهود الانقاذ عن انتشال الجثث قبل أن يجرفها التيار الى البحر المتوسط."

ووقع الحادث في فرع رشيد أحد فرعي نهر النيل في مصر على بعد نحو عشرة كيلومترات من البحر المتوسط.

وقال الشهود ان احدى العبارتين صغيرة وان اصطدامها بالعبارة الكبيرة نتج عنها صعودها على العبارة الكبيرة وشطرها الى شطرين.

وقال سمير الفقي الذي كان على متن العبارة الصغيرة القادمة من مدينة مطوبس بمحافظة كفر الشيخ متجهة الى مدينة رشيد ان الاصطدام تسبب في سقوط ركاب العبارتين في الماء.

ومضى قائلا لرويترز "تمكنت من العوم والوصول الى رشيد."

وقالت صباح علي عرفة (21 عاما) لرويترز ان الركاب لاحظوا أن قائدي العبارتين أرادا المزاح معا وأنهما في سبيل ذلك اقتربا بالعبارتين الى أن حدث الاصطدام.

وأضافت "واضح أنهما لم يستطيعا تفادي الاصطدام."

شوف الاستهتار وصل بالناس لايه.

عموما ربنا يرحم ضحايا الحادث

[se_ Elsyed]

ولنا عوده في مشاهدات أخرى ليس للحكومة ذنباً فيها

طيب خد الخبر والموضوع لسه طازة "منقول"

القاهرة (رويترز) - قالت مصادر أمنية وشهود عيان ان عبارتي ركاب اصطدمتا في نهر النيل يوم الجمعة أمام مدينة رشيد بمحافظة البحيرة في شمال مصر وان عشرات الركاب في عداد المفقودين.

وبعد نحو خمس ساعات من وقوع الحادث قال مدير المباحث الجنائية في محافظة البحيرة العميد محمد بدراوي ان الامل يتضاءل في العثور على أحياء من بين المفقودين.

ومضى قائلا لرويترز "المهم الان أن تسفر جهود الانقاذ عن انتشال الجثث قبل أن يجرفها التيار الى البحر المتوسط."

ووقع الحادث في فرع رشيد أحد فرعي نهر النيل في مصر على بعد نحو عشرة كيلومترات من البحر المتوسط.

وقال الشهود ان احدى العبارتين صغيرة وان اصطدامها بالعبارة الكبيرة نتج عنها صعودها على العبارة الكبيرة وشطرها الى شطرين.

وقال سمير الفقي الذي كان على متن العبارة الصغيرة القادمة من مدينة مطوبس بمحافظة كفر الشيخ متجهة الى مدينة رشيد ان الاصطدام تسبب في سقوط ركاب العبارتين في الماء.

ومضى قائلا لرويترز "تمكنت من العوم والوصول الى رشيد."

وقالت صباح علي عرفة (21 عاما) لرويترز ان الركاب لاحظوا أن قائدي العبارتين أرادا المزاح معا وأنهما في سبيل ذلك اقتربا بالعبارتين الى أن حدث الاصطدام.

وأضافت "واضح أنهما لم يستطيعا تفادي الاصطدام."

شوف الاستهتار وصل بالناس لايه.

عموما ربنا يرحم ضحايا الحادث

أنا بألوم الحكومة هنا في حاجه واحده

وهي

- بُطء إجراءات التقاضي لحد ما المواضيع تبرد وتنام وتتنسي ...

لإن لو الأخ اللي كان بيهرج مع زميلة ده كإنه راكب توك توك لو كان ثبتت عليه التهمة فعلاً وكان إتعدم في ميدان عام بتهمة الفساد في خلال أيام أو ساعات من الحادث ... كان الباقي إرتدع ...

بالإضافة إلى إني قرإت إن حمولة العبارة بيبقى حوالي عشرين فرد .. ودول ولا هاممهم ومكدسين الناس زي السردين ...

لكن طالما هناك ألاعيب وثغرات قانونية ... يبقى هناك مفسدين زي ما تقول قول ...

طب حاضر عنده فكره مصيبة قطار العياط رسيت على إيه ؟

ولا حاجه

وغير وغيرها من مئات القضايا

اللي أيوه الحكومة مالهاش ذنب فيها .. لكن لها ذنب في عدم تشددها في محاربة الفساد

[se_ Elsyed]

دي مداخله كتبتها هذا الصباح في أحد المواضيع

قبل هذا العيد بإيام كنت أسير مع والدتي بالسيارة وإذ بي أُفاجأ إن كل جزار - باتكلم عن القاهرة مش في مناطق أحراش يعني - حاطط قدام محله ييجي 50 عجل على 100 خروف وقافل بيهم الشارع اللي هو فيه وقدام بيوت الناس عادي جداً والموضوع ده بدأ قبل شهر على الأقل قبل العيد .. وده ليل نهار يعني مش بييجي أخر النهار يخزنهم في مكان ..

فبأقول لها : إيه ده ؟ ومش عاوزين الناس يجيلها أنفلونزا كلاب حتى ؟

فقالت كلمتين بس : يابني إحنا بلد مالهاش ريس ..

لكن برضوا

قبل أن ألوم الحكومة ... ألا ألوم الألاف اللي ساكنين في شوارع زي دي .. والله العظيم رأيتها مغلقه تماماً بالمواشي اللي رصينها الجزارين قدام بيوتهم ناهيك عن الرائحة والقاذورات ؟

ما فيش حد في دول عنده تليفون يتصل بالشرطة ولا بجهاز حماية البيئة ولا بالخطوط الساخنة للجرائد القومية اللي مخصصها للشكاوى ولا ولا ولا ولا ولا

ولا ييأس ويحاول مره وإتنين ومليون ...

والله يا جماعه ليس شكراُ في نفسي

لكن على قدر الأمكان باحاول أعمل اللي عليه وأُثير أي موضوع يتعلق بالمصلحة العامة كالنظافة او أنقطاع التيار الكهربائي وأتصل بأي جهة ممكن تساعد والحمد لله أوقات كتير باجد أستجابة ... لأن ده حقي وما ضاع حق وراءه مُطالب

[egyptlove]

مع احترامى يا استاذ سيد

الحكومه مسئوله عن كل شئ

عندك الناس اللى بيروحوا الحج عباره عن جهلاء...فين تثقيف الناس ديه...فين الاعلام اللى بياخد فلوس من ضرايبنا

ليه مايعملشى حمله يفهم الناس ديه

ام اليتليفزيون مش فاضى غير يعمل مسلسلات للفاشل نور الشريف وسبب تخلف الدراما المصريه يحيى الفخرانى

يا سيدى مايحدث فى مصر هو كمريض لديه سرطان فى الجسم وحصل انتشار امراض ثانويه فى جسمه وهذا المريض يسمى فى الطب (non operable) بمعنى ماتنفعشى فيه العمليات ويكون غلاجه (conservative or palliative or dead in peace) بمعنى علاجه هو جعله يموت فى سلام يعنى نعطى له مسكنات للالم او انبوبه معده للاكل

هذا ماتفعله حكومتنا الرشيده

حكومتنا تمشى البلد يوم بيوم

ولان الراجل الكبير شاخ واصبحت حركته وتفكيره بطئ

هذه الشيخوخه امتدت الى كل مسئول والى كل مواطن فى مصر

اتحدى اى واحد يقول ان فيه مسئول بيخطط للسنه قادمه

يوم بيوم

ولما كان السرطان اصاب اولى الامر فى المحروسه وبالتالى انتشر الى باقى الرعيه وبفساد الحكومه فسد المجتمع

هل تعتقد يا استاذ سيد ان فيه طالب بيخطط لما يتخرج هيعمل ايه

هل تعتقد ان الفلاح بيفكر هيزرع ايه بعد سنتين

انا قاعد فى السعوديه ومش مخطط هارجع امتى

هل تعلمت يوما ان تخطط لحياتك

ابدا

كله ماشلى يوم بيوم وبستر ربنا

[msayed]

عارف يا سى السيد ذنب الحكومة الكبير جداً هو إيه؟

هو إنها جابت البلد وقعدت ترج فيها ترج فيها وراحت قالباها خلت إللى فوق تحت وإللى تحت فوق.

يعنى تلاقى الفهلوى والحلنجى والوصولى ومساح الجوخ وإللى ما عندهوش وقت يشوف شغله بسبب إنشغاله بما سبق هو إللى بيوصل ويبقى مدير كبير أو صاحب مجموعة عبارات زى دى، وبالتالى يحب يعين إللى زيه فى الأماكن المهمة لأنه بيبص للى بيحترم القوانين على إنه عبيط وبيتسك على قفاه.

يعنى تعالى كده على سواق ميكروباس أو أوتوبيس محترم وبيقف فى الإشارات وبيقف فى المحطات ويعامل الناس بإحترام، لو بلغ ده صاحب الأوتوبيس فهايفصله فوراً لأنه كده بيجيبله العار وبيهزؤه أمام أصحابه الفهلوية المتسلقين وإللى غالباً ليهم ضهر حكومى بيسندهم.

لو قلت لسواق باص تعالى معايا على القسم بسبب غلط عمله، فلن تكون متأكد من منكم سوف ستم معاقبته فى القسم، أهو هذا المخطىء أم أنت لأن ما لكش ضهر.

يعنى ها تلاقى ريحة الحكومة نفاذة فى كل وضع سيء.

وطبعاً الشعب بقى شكله وحش جداً بسبب كده، تلاقى تباع باص نازل تهزيء فى ناس محترمة وهم إما متعاليين على الموقف و مش عاوزين يبهدلوا نفسهم مع الشمحطجى ده، وإما خلاص جتتهم نحست من الإهانة فى كل مكان فمباقاش فارقة معاهم إن ييجى المفعوص ده ياخذ نصيبه.

أقصد إن الشعب الطيب لما الوحشين بقى ليهم سلطة بيحميها أفراد شرطة مرتشين ضاع حقه فأصبحت الغلبة للفاسدين والمتشردين ففرضوا جو عام من الفساد فى الجو.

انبسط يا عم أدينى ريحتك من اللف على الوزراء وبوس رؤوسهم وريحتك من مشوار العروبة فى المطرة دى وممكن بدل التعب ده تدعى ربنا أو تحسبن وانت متدفى فى بيتك.

تم تعديل 5 ديسمبر 2009 بواسطة msayed

[capitshino]

صدقونى هتلاقو الحكومة مسئولة عن كل شئ فى الاخر ... لانها هى اللى مفروض تحاسب المقصريين ولا تفعل

بس احنا بنتكتب الاحداث التى يلعب فيها افراد الشعب دور رئيسى فى الحدث

زى برده الاخ بتاع اتوبيس وسط الدلتا "على ما اتذكر " اللى كان بيشرب شيشة وهو سايق الاتوبيس

حاجات ماتشوفهاش الا فى مصر فقط

عفوا .... ودول العالم التالت

[se_ Elsyed]

زملائي الأفاضل

مش هانختلف كتير

لكن برضوا سلوك الناس عليه عامل كبير في اللي وصلنا له

بدليل

كل واحد يوم القيامة هايتحاسب لوحده

يعني

اللي بيحلل لنفسه الرشوى عشان الحكومه فاسده وعشان اللي فوقيه فاسدين .. فده مش هاينفعه في شيء ...

وقس على ذلك أمثلة فساد كتيرة قوي قوي قوي ...

أقول لكم على حاجه بسيطة ..

في زيارتي الأخيرة لمصر زرت واحد صديق عزيز .. وهو قريب من محل إقامتي كمان .. المهم

عماره فخمه

أسانسير

حارس عماره

وهيلمان

وكنا منتظرين الأسانسير وبأضرب بعيني كده في المنور .. وإذ بي أجد جبل زبالة ....

كله بيستسهل ويفتح الشباك وأحدف يا عم ما حدش شايف حاجه

السلوك ده برضوا عيب الحكومة يا جماعه ؟

[اغابي]

شوفتو هذار السواقين للعبارتين عمل ايه

يا جماعة لازم يكون عندنا وعى تام - الموطن المصري عايش كده وخلاص ومش كل حاجة على الحكومة برضوه المواطنين ليهم دور فى احترام القوانين والمحافظة على النظافة وعدم اهدار المال العام وطبعا غير الضمير والاخلاق والوعى ببعض الامور التى بنيت على افكار جاهلة تماما ومتخلفة وفوق كل داه دور الحكومة وضع الغرامات والقواين الرادعة وتطبق على الجميع وعدم وجود محسوبية فى الموضوع ووساطة وخلافه وبرضو الضمير وارجع اقول الضمير

تحياتي

[msayed]

الناس طبعاً عليها عيب كبير

أنا زرت الريف الأوروبى وطبعاً زرت الريف المصرى

فى أوروبا تجد الفلاح لديه مكان بعيد عن منزله لتخزين فضلات الماشية والتى تستخدم كسماد بأسلوب نظيف، مبنى بدائى لكن نظيف، أما فى الريف المصرى فـ"الجلة" فى كل مكان.

لكن برده ما تروحش تبوس راس حد لأنهم ما يستاهلوش، ولو عرفت إنك عملت العملة دى مش ها أرد على مواضيعك خالص :Icecream:.

مره كان فيه فرح بجوار بيتنا واستمر حتى الرابعة صباحاً، واتصلت بالنجدة وسمعتهم الإزعاج و الدىجى وقلت لهم إن المدعويين مشيوا من زمان وإللى فاضل شوية صيع ومعاهم بانجو وأعطيتهم العنوان، فرد على البيه المحترم وقاللى: يا باشمهندس سيب الناس تفرح وأهم شوية وها يمشوا.

كنت عاوز أطلع أبخ فيهم وإللى يحصل يحصل وحتى لو كان آخر يوم فى حياتى لكن فكرت إن أول واحد ها ينتقدنى الجيران علشان طالع أبوظ فرح الجيران.

ومواقف كتيير زى كده.

مره فوق كوبرى وقفت أتكلم مع إثنين صيع بيعاكسوا بنت فوق كوبرى وبالمصادفة مرت دورية البوليس وأشرت له فنزل الضابط أو الأمين مش فاكر رتبته إيه وبعد ما شرحت له الموقف راح نفذ القانون بمزاجه: "راح شاتم البنت وقاللها: روحى يا بنت الكذا على بيتكم، وراح ضارب كل واحد منهم قفا ومشاهم، وقالى تسلم يا ذوق بس خلى بالك العيال دى صيع وكان ممكن يضروك وما تمشيش فى الإتجاه ده لحسن يكونوا مستنينك" شفت بقى ممثل القانون بيتعامل إزاى؟

تفتكر ممكن آخذ موقف إيجابى بعد كده؟

طبعاً فيه مشكلة تانية كبيرة إن قبل ما تيجى الشرطة كانت الناس ماشية وشايفه إللى بيحصل وكل واحد يضرب عين ويمشى كأنه بيتفرج على أفيش فيلم.

وبعد ما الشرطة وقفت بدأوا يتلموا ويقفوا علشان يتفرجوا على الفيلم نفسه.

هى فعلاً فوضى فساد وضياع مبادىء وقيم تحميها الحكومة ويمثل فيها كل أغلب الشعب بنسب متفاوتة

تم تعديل 5 ديسمبر 2009 بواسطة msayed

[التونسى]

الاخ الفاضل سين سين

لو دعوت ثلة من أرقى وأكثر شعوب الارض تحضرا .. لكى يعيشوا فى مصر باوضاعها الحاليه .. وتركتهم يتعايشون بطبيعيه وكأنهم جزء من الشعب زهاء الستة شهور مثلا ..أؤكد لك أنهم سيقومون بكثير من الممارسات المرفوضه التى نقوم بها نحن من تسيب واهمال وعدم احترام ... وخلافه ... وصلت!!!؟

[msayed]

بلال فضل ليه كلمة ظريفة جداً وهى إنك لو عيشت بسيستيم فى بلد فوضى فستكون أنت شخصياً أوت أوف سيستم.

[التونسى]

بلال فضل ليه كلمة ظريفة جداً وهى إنك لو عيشت بسيستيم فى بلد فوضى فستكون أنت شخصياً أوت أوف سيستم.

إيجساكلى ..ذاتس واط أى مين :rolleyes:

أو كما قال يوسف السباعى فى احدى روياته ما معناه

العاقل الذى يعيش وسط المجانين wst:: ... مثله مثل المجنون الذى يعيش وسط العقلاء wst::

وكما اقول أنا ..ولا أعوذ بالله من كلمة أنا :wub: (( كى تعيش سعيداً بين الاغبياء .. عليك أن تكون أكثرهم غباءاً)) wst::

[egyptlove]

طبعا مش كل حاجه على الحكومه

مثلا انا كلامى غالبا مش بيعجب الساده المشرفين وديه رابع مره اسجل باسم جديد

مره منعت منعا تاما

ومره اسبوع

ومره شهر

المره ديه انا سجلت باسم جديد بس يا سى سى انا تبت وانبت ومش هاختلف مع اى من الساده المشرفين

لكن هذه المره لا استطيع ان افتح موضوع جديد

طبعا هذا ليس سبب الحكومه ولكنه سلوك

ارجو من الساده المشرفون ان يجعلونى استطيع فتح موضوع جديد واوعدهم انى هاطبل واهلل معاهم ومش هاختلف من اى من الساده المشرفين

وربنا يجعل كلامنا خفيف عليهم

وادعوا الى الساده الاعضاء من ان كلامك مايعجبشى احد المشرفين يارب

[se_ Elsyed]

طبعا مش كل حاجه على الحكومه

مثلا انا كلامى غالبا مش بيعجب الساده المشرفين وديه رابع مره اسجل باسم جديد

مره منعت منعا تاما

ومره اسبوع

ومره شهر

المره ديه انا سجلت باسم جديد بس يا سى سى انا تبت وانبت ومش هاختلف مع اى من الساده المشرفين

لكن هذه المره لا استطيع ان افتح موضوع جديد

طبعا هذا ليس سبب الحكومه ولكنه سلوك

ارجو من الساده المشرفون ان يجعلونى استطيع فتح موضوع جديد واوعدهم انى هاطبل واهلل معاهم ومش هاختلف من اى من الساده المشرفين

وربنا يجعل كلامنا خفيف عليهم

وادعوا الى الساده الاعضاء من ان كلامك مايعجبشى احد المشرفين يارب

ما هذا الخلط العجيب ؟؟؟؟؟؟؟؟؟

يا سيدي الفاضل لم ولن نلغي عضوية أي زميل فاضل بدون سبب ....

وإذا كانت دي رابع مره تسجل بإسم جديد فهذا ضدك وليس لك ....

وإذا كنت لا تستطيع أن تفتح موضوع جديد لانك مازلت منضم حديثاً .. فهذا هو نظام المنتدى كمان هو نظام في كثير من المنتديات لكي نتأكد من جدية المنضمين لهذا المكان المحترم واللي للأسف لما كان الموضوع متاح للجميع حتى المنضمين حديثاً كنت تجد موضوعات شات وتعارف وسماجه ....

ومازلت أستعجب من مداخلتك التي سيتم إحالتها للإدارة للتحقيق فيها

[Saleh]

زملائي الأفاضل

مش هانختلف كتير

لكن برضوا سلوك الناس عليه عامل كبير في اللي وصلنا له

بدليل

كل واحد يوم القيامة هايتحاسب لوحده

يعني

اللي بيحلل لنفسه الرشوى عشان الحكومه فاسده وعشان اللي فوقيه فاسدين .. فده مش هاينفعه في شيء ...

وقس على ذلك أمثلة فساد كتيرة قوي قوي قوي ...

أقول لكم على حاجه بسيطة ..

في زيارتي الأخيرة لمصر زرت واحد صديق عزيز .. وهو قريب من محل إقامتي كمان .. المهم

عماره فخمه

أسانسير

حارس عماره

وهيلمان

وكنا منتظرين الأسانسير وبأضرب بعيني كده في المنور .. وإذ بي أجد جبل زبالة ....

كله بيستسهل ويفتح الشباك وأحدف يا عم ما حدش شايف حاجه

السلوك ده برضوا عيب الحكومة يا جماعه ؟

أنا شايف برضة إنها مسئولية الحكومة

لو فيه جهة متابعة (حي ولا بيئة ولا مرافق ولا.....) بيمر ويسجل على العمارة دية مخالفة ويتم البت فيها وتحصيلها بأسرع وقت.... كنت أنا وأنت وجاري وجارك فكرنا ألف مرة قبل ما نرمي في المنور

في أجازتنا الأخيرة في مصر حصل معي موقف شبية باللي حصل مع سين سين باشا

كنت في زيارة صديق وفي أحد الأحياء( التي كانت تعتبر راقية) وجالسين في البلكونة (الدور الخامس) ولقيت جاره اللي في البلكونة المقابلة خارج البلكونة وفي أيده كيس عملاق من أكياس السوبر ماركت ومربوط (وبالمناسبة أنا أعرف هذا الجار أيضا وأعلم أن له وضع ووظيفة محترمه) ويادوب رمى علينا السلام وهووووووووووووووووووووووووب..........................طااااااااااااااااااخ .......................بوووووم ............قنبلة نازلة من الدور الخامس إلى الشارع

أنا في الحقيقة إتسمرت في مكاني لشيئين

الأولاني طبعاً هذا التصرف الأحمق

والثاني صدوره من شخص لا أتوقع أن يصدر منه

والثالث والأعجب رد فعل صديقي الذي لم يبدو عليه أي إستغراب وقالي (عادي ياباشا أنت في مصر ياريس)

نعم يا أستاذ سين سين صدقت والدتك لما قالت إحنا بلد مالهاش ريس

[doha]

بلال فضل ليه كلمة ظريفة جداً وهى إنك لو عيشت بسيستيم فى بلد فوضى فستكون أنت شخصياً أوت أوف سيستم.

إيجساكلى ..ذاتس واط أى مين :)

أو كما قال يوسف السباعى فى احدى روياته ما معناه

العاقل الذى يعيش وسط المجانين :P ... مثله مثل المجنون الذى يعيش وسط العقلاء :)

وكما اقول أنا ..ولا أعوذ بالله من كلمة أنا :blink: (( كى تعيش سعيداً بين الاغبياء .. عليك أن تكون أكثرهم غباءاً)) :lol:

حكم .. حكم .. اقول ايه ؟ ... حكم

طبيعي نكون شعب تغلب علينا سمات التخلف .. منتظر ايه من بلد مفيهاش تعليم ومعظم الاهالي مفيش فيهم حد فاضي يربي .. واعلام فاسد مش بينقل غير صور الانحلال لشعب نصفه امي معندوش استعداد يقرأ ده ان كان في حاجه تقرأ اساسا .. وفوق ده كله مفيش قانون يفرض على اي حد من ( الهمج ) انه يمشي على الصراط المستقيم ؟

..

المثل بيقول ان لم تستح فافعل ماشئت .. فمابالك بقى ان كان مش بس لايستحي لاه ده لاينكسف ولا يدري ولا يجد غضاضه بل ولا يوجد من يستطيع اجباره .. يبقى ميعملش الي على مزاجه ليه ؟

مشكلة الشعب المصري ان ( مزاجه كده ) وللاسف مفيش مايجبره يغير مزاجه .. وللاسف الاشد فمعظمنا مزاجنا مزاج متكلف .. والي بيدفع تكاليفة البعض الباقي الي لسه شايف انه لازم يمشي صح وان لازم الغلط يتغير ..

[om marawan]

طول ماحنا بنقول طول الوقت انها مسئولية حكومة مش هيكون عندنا استعداد للاصلاح

ومش معقول استنى طول الوقت فى قوانين وناس تصدر احكام وغرامات على المخالفين وناس تانية تتابع تنفيذ الغرامات

يعنى الجار اللى قال ان ده عادى لو تعب نفسه ونبه جاره مرة واتنين وعشرة ومليون ان ده سلوك مش مقبول كان على الاقل هيستحى انه يحدف الكيس بالشكل ده

وانا باتلكم على واقع حصل مع حماتى وكان لها جيران فى العمارة المجاورة بترمى اطنان من القمامة فى وسط الشارع اللى احنا بنمشى فيه

وده لان باب عمارتهم مش على شارعنا يعنى لا هيعدوا فيه ولا هيشوفوا اللى رموه

وفضلت حماتى طول الوقت تنبههم لدرجة انها فى مرة طلعت العمارة دى و مرت على كل الشقق اللى بتطل على الشارع تنبههم بالذوق

بعدها الغالبية استجابوا

وفضلت ناس تستنى لما الوقت يتأخر الساعة 2 بالليل مثلا وتسمع برضه نفس القنبلة

طبعا على فكرة كل ده وفيه شركة لتجميع القمامة بتمر كل يوم

وبتنضف معظم الشارع لكن الحقيقة الاكوام كانت كتيرة ومستمرة

والحقيقة ان حماتى مايأستش لدرجة انها كانت بتنزل تقف مع بتاع شركة النضافة وهو بينضف عشان الجيران يحسوا ان الموضوع فعلا مزعج لينا

لحد فى يوم جارة وقعت منها زرعة ورد من اللى هى بتحطهم فى البلكونة ...( ده على اساس انها واحدة بتحب النضفة والجمال يعنى !!!!!)

المهم حماتى اخدتها وحطتها فى علبة عندها وزرعتها تانى وطلعت بعدها وصلتها لها

طبعا بعدها اختفت الاكياس من الشارع لان دى كانت اخر جارة واخدة الموضوع بالعند

اعتقد اننا بنرمى عيوب كتيرة على الحكومة لانه طبعا اسهل كتير من اننا نحاول ونكرر ونتعب عشان نصلح من نفسنا

[Saleh]

طول ماحنا بنقول طول الوقت انها مسئولية حكومة مش هيكون عندنا استعداد للاصلاح

ومش معقول استنى طول الوقت فى قوانين وناس تصدر احكام وغرامات على المخالفين وناس تانية تتابع تنفيذ الغرامات

يعنى الجار اللى قال ان ده عادى لو تعب نفسه ونبه جاره مرة واتنين وعشرة ومليون ان ده سلوك مش مقبول كان على الاقل هيستحى انه يحدف الكيس بالشكل ده

أأتفق مع حضرتك تماماً في كل ما قلتيه في أننا كأفراد لابد أن نغير ماحولنا ولا نييأس من ذلك

ولكن ألا تري معي أن الحكومة هي السُلطة (عندنا الحكومة سَلطة) والسُلطة هي التي تستطيع إجبار كافة السلوكيات على إحترام القوانين وإحترام هيبة الدولة (أنا شخصياً أرى أن مشكلتنا في الأساس تعود إلى غياب هيبة الدولة)

مصر مُشبعة بالقوانين والإجراءات الرقابية و....و.... ولكن إحساسنا كمصريين في داخل مصر أننا يمكن أن نفعل أي شئ دون أن نحاسب عليه ولا رادع لذلك مع إستمرار الخروج على القوانين أصبحت المخالفة هي القاعدة والمألوف وأن السلوكيات الطبيعية والإلتزام بالقوانين هو الإستثناء